Devi Chatushshashti Upachara Puja

Devi Chatushshashti Upachara Puja – die Weltmutter mit 64 Diensten im Herzen empfangen: Die Devi Chatushshashti Upachara Puja entfaltet die Verehrung der Weltmutter wie einen ganzen Festtag: Sie wird geweckt, in ihr Heiligtum begleitet, gebadet, geschmückt, bewirtet und schließlich zur Ruhe gebeten. Die Kostbarkeiten des Textes werden in dieser inneren Puja mit der Vorstellungskraft dargebracht. Ihr Ziel ist die Nähe zur Göttin: Die letzte persönliche Bitte lautet, dass sie freudig im eigenen Herzlotus wohnen möge.

Das Shankara zugeschriebene Devi Chatushshashti Upachara Puja Stotra enthält 72 Verse. „64 Dienste“ bezeichnet die überlieferte Form der Ehrerbietung, nicht die Zahl der Verse. Vers 71 erlaubt ausdrücklich, die gesamte Puja zu rezitieren, wenn ihre äußere Durchführung nicht möglich ist. Dieser Artikel folgt genau dieser vollständigen inneren Form. Vers 70 nennt Morgen, Mittag und Abenddämmerung als Zeiten. Die Praxis kann regelmäßig zu Hause allein durchgeführt werden; ein Priester wird für diese Rezitation nicht verlangt. Diese Göttinnenverehrung richtet sich an Bhavani, die göttliche Mutter und Gefährtin Shivas.

Vorbereitung

Setze dich an einen ruhigen Platz und nimm dir Zeit für alle 72 Verse. Ein Bild der Göttin ist möglich, jedoch nicht erforderlich. Für die innere Form werden weder Edelsteine noch Speisen, Räucherstoffe, Tiere oder ein Gefolge bereitgestellt. Alles erscheint in der Meditation. Stelle dir ein lichtvolles Heiligtum vor, in dem du der Göttin mit Freude dienst.

Durchführung

Rezitiere oder lies jeden Vers einmal und vollziehe die darin genannte Darbringung innerlich. Die Bilder entwickeln sich vom Erwachen bis zur Ruhe. Auch der in Vers 14 vorgestellte Gesang vedischer und tantrischer Mantras gehört zum inneren Bild; für die hier ausdrücklich erlaubte Rezitationsform sind keine zusätzlichen Texte erforderlich.

1. Die Göttin wecken und zum Thron begleiten
Stelle dir das Erwachen der Devi, ihren Weg in den Mandapa und ihren Platz auf dem Thron vor.

1
uṣasi māgadhamaṅgalagāyanairjhaṭiti jāgṛhi jāgṛhi jāgṛhi |
atikṛpārdrakaṭākṣanirīkṣaṇairjagadidaṃ jagadamba sukhīkuru || 1 ||

Erwache, erwache, erwache rasch zu den glückverheißenden Gesängen der Barden am Morgen. Weltmutter, mache diese Welt glücklich durch deine Blicke, die von tiefem Mitgefühl erfüllt sind.

2
kanakamayavitardiśobhamānaṃ
diśi diśi pūrṇasuvarṇakumbhayuktam |
maṇimayamaṇṭapamadhyamehi mātarmayi kṛpayāśu samarcanaṃ grahītum || 2 ||

Mutter, komme in die Mitte des edelsteingeschmückten Pavillons mit seinem goldenen Podest und den in allen Richtungen gefüllten goldenen Gefäßen. Nimm aus Erbarmen mit mir meine Verehrung an.

3
kanakakalaśaśobhamānaśīrṣaṃ
jaladharalambi samullasatpatākam |
bhagavati tava saṃnivāsahetormaṇimayamandirametadarpayāmi || 3 ||

Ehrwürdige, ich schenke dir dieses Juwelenheiligtum als Wohnung. Seine Spitze glänzt mit goldenen Gefäßen; seine leuchtenden Fahnen reichen bis zu den Wolken.

4
tapanīyamayī sutūlikā
kamanīyā mṛdulottaracchadā |
navaratnavibhūṣitā mayā
śibikeyaṃ jagadamba te'rpitā || 4 ||

Weltmutter, ich bringe dir diese liebliche goldene Sänfte dar, mit guter Polsterung, weicher Decke und den neun Edelsteinen geschmückt.

5
kanakamayavitardisthāpite tūlikāḍhye
vividhakusumakīrṇe koṭibālārkavarṇe |
bhagavati ramaṇīye ratnasiṃhāsane'sminnupaviśa padayugmaṃ hemapīṭhe nidhāya || 5 ||

Setze dich, Ehrwürdige, auf diesen schönen Juwelenthron auf goldenem Podest, gepolstert, mit vielerlei Blumen bestreut und leuchtend wie Millionen junger Sonnen. Stelle deine beiden Füße auf den goldenen Schemel.

6
maṇimauktikanirmitaṃ mahāntaṃ
kanakastambhacatuṣṭayena yuktam |
kamanīyatamaṃ bhavāni tubhyaṃ
navamullocamahaṃ samarpayāmi || 6 ||

Bhavani, ich schenke dir einen neuen, großen, wunderschönen Baldachin aus Edelsteinen und Perlen, getragen von vier goldenen Säulen.

2. Mit Wasser und der süßen Willkommensgabe empfangen
Vollziehe Padya, Arghya, Achamana und Madhuparka innerlich. Die Pflanzen und Kostbarkeiten sind Bilder des ehrenden Empfangs.

7
dūrvayā sarasijānvitaviṣṇukrāntayā ca sahitaṃ kusumāḍhyam |
padmayugmasadṛśe padayugme
pādyametadurarīkuru mātaḥ || 7 ||

Mutter, nimm für deine lotusgleichen Füße dieses Fußwasser an: reich an Blumen, mit Durva, Lotus und Vishnukranta bereitet.

8
gandhapuṣpayavasarṣapadūrvāsamyutaṃ tilakuśākṣatamiśram |
hemapātranihitaṃ saha ratnairarghyametadurarīkuru mātaḥ || 8 ||

Mutter, nimm diese Ehrengabe im goldenen Gefäß mit Edelsteinen an: Duft, Blumen, Gerste, Senf und Durva, vermischt mit Sesam, Kusha und ungebrochenem Reis.

9
jalajadyutinā kareṇa jātīphalatakkolalavaṅgagandhayuktaiḥ |
amṛtairamṛtairivātiśītairbhagavatyācamanaṃ vidhīyatām || 9 ||

Ehrwürdige, vollziehe mit deiner lotusleuchtenden Hand die Mundreinigung mit kühlendem, nektargleichem Wasser, das nach Muskat, Takkola und Nelken duftet.

10
nihitaṃ kanakasya sampuṭe
pihitaṃ ratnapidhānakena yat |
tadidaṃ jagadamba te'rpitaṃ
madhuparkaṃ janani pragṛhyatām || 10 ||

Weltmutter, nimm diese süße Willkommensgabe an, die ich dir in einer goldenen Schatulle unter einem edelsteinbesetzten Deckel darreiche.

3. Salben, baden und bekleiden
Stelle dir die Körperpflege, das Bad mit Panchamrita und heiligem Wasser, Gewänder und Sandalen vor.

11
etaccampakatailamamba vividhaiḥ puṣpairmuhurvāsitaṃ
nyastaṃ ratnamaye suvarṇacaṣake bhṛṅgairbhramadbhirvṛtam |
sānandaṃ surasundarībhirabhito hastairdhṛtaṃ te mayā
keśeṣu bhramarabhrameṣu sakaleṣvaṅgeṣu cālipyate || 11 ||

Mutter, ich salbe dein bienenschwarzes Haar und deinen ganzen Leib mit diesem Champakaöl, das immer wieder mit verschiedenen Blüten beduftet wurde. Es steht im juwelenbesetzten goldenen Becher, von Bienen umschwärmt und von freudigen himmlischen Frauen in Händen gehalten.

12
mātaḥ kuṅkumapaṅkanirmitamidaṃ dehe tavodvartanaṃ
bhaktyāhaṃ kalayāmi hemarajasā saṃmiśritaṃ kesaraiḥ |
keśānāmalakairviśodhya viśadānkastūrikodañcitaiḥ
snānaṃ te navaratnakumbhasahitaiḥ saṃvāsitoṣṇodakaiḥ || 12 ||

Mutter, hingebungsvoll bereite ich deine Körperpflege mit Safranpaste, Goldstaub und Blütenfäden. Nachdem dein Haar mit moschusduftenden Amalakafrüchten gereinigt ist, bade ich dich mit warmem Duftwasser aus Gefäßen, die mit neun Edelsteinen geschmückt sind.

13
dadhidugdhaghṛtaiḥ samākṣikaiḥ
sitayā śarkarayā samanvitaiḥ |
snapayāmi tavāhamādarājjanani tvāṃ punaruṣṇavāribhiḥ || 13 ||

Mutter, voller Ehrfurcht bade ich dich mit Joghurt, Milch, Ghee, Honig und weißem Zucker; danach erneut mit warmem Wasser.

14
elośīrasuvāsitaiḥ sakusumairgaṅgāditīrthodakairmāṇikyāmalamauktikāmṛtarasaiḥ svacchaiḥ suvarṇodakaiḥ |
mantrānvaidikatāntrikānparipaṭhansānandamatyādarātsnānaṃ te parikalpayāmi janani snehāttvamaṅgīkuru || 14 ||

Mutter, ich stelle dir ein Bad vor mit blütenreichem Wasser heiliger Orte wie der Ganga, duftend nach Kardamom und Ushira, klar und durch Gold, Rubine und makellose Perlen bereichert, nektargleich. Freudig erklingen vedische und tantrische Mantras. Nimm dieses Bad liebevoll an.

15
bālārkadyuti dāḍimīyakusumapraspardhi sarvottamaṃ
mātastvaṃ paridhehi divyavasanaṃ bhaktyā mayā kalpitam |
muktābhirgrathitaṃ sukañcukamidaṃ svīkṛtya pītaprabhaṃ
taptasvarṇasamānavarṇamatulaṃ prāvarṇamaṅgīkuru || 15 ||

Mutter, lege das göttliche Gewand an, das ich hingebungsvoll für dich bereitet habe: leuchtend wie die junge Sonne, in seiner Farbe der Granatapfelblüte gleich. Nimm das perlenbesetzte Mieder und den unvergleichlichen goldgelben Umhang an.

16
navaratnamaye mayārpite
kamanīye tapanīyapāduke |
savilāsamidaṃ padadvayaṃ
kṛpayā devi tayornidhīyatām || 16 ||

Göttin, setze bitte deine beiden Füße anmutig in die schönen goldenen Sandalen, die ich dir mit den neun Edelsteinen geschmückt darbringe.

4. Haar, Schmuck und Düfte darbringen
Schmücke die Göttin aufmerksam von Kopf bis Fuß. Tilaka, Akshata und Sindura gehören hier zur vollständigen Verehrung.

17
bahubhiragarudhūpaiḥ sādaraṃ dhūpayitvā
bhagavati tava keśāṅkaṅkatairmārjayitvā |
surabhibhiraravindaiścampakaiścārcayitvā
jhaṭiti kanakasūtrairjūṭayanveṣṭayāmi || 17 ||

Ehrwürdige, ich bedufte dein Haar mit vielerlei Agarurauch, kämme es sorgfältig, schmücke es mit duftenden Lotus- und Champakablüten und binde es mit goldenen Schnüren zusammen.

18
sauvīrāñjanamidamamba cakṣuṣoste
vinyastaṃ kanakaśalākayā mayā yat |
tannyūnaṃ malinamapi tvadakṣisaṅgāt
brahmendrādyabhilaṣaṇīyatāmiyāya || 18 ||

Mutter, die dunkle Augenschminke, die ich mit einem goldenen Stäbchen an deinen Augen anbringe, wird trotz ihrer geringen, dunklen Beschaffenheit durch deren Berührung selbst für Brahma und Indra begehrenswert.

19
mañjīre padayornidhāya rucirāṃ vinyasya kāñcīṃ kaṭau
muktāhāramurojayoranupamāṃ nakṣatramālāṃ gale |
keyūrāṇi bhujeṣu ratnavalayaśreṇīṃ kareṣu kramāttāṭaṅke tava karṇayorvinidadhe śīrṣe ca cūḍāmaṇim || 19 ||

Ich lege Fußreifen an deine Füße, den schönen Gürtel um deine Hüfte, die Perlenkette auf deine Brust und die unvergleichliche Sternengirlande um deinen Hals. Deine Arme schmücke ich mit Armreifen, deine Hände mit Juwelenringen und -reifen, die Ohren mit Schmuckscheiben und das Haupt mit einem Kronjuwel.

20
dhammille tava devi hemakusumānyādhāya phālasthale
muktārājivirājamānatilakaṃ nāsāpuṭe mauktikam |
mātarmauktikajālikāṃ ca kucayoḥ sarvāṅgulīṣūrmikāḥ
kaṭyāṃ kāñcanakiṅkiṇīrvinidadhe ratnāvataṃsaṃ śrutau || 20 ||

Göttin, ich lege goldene Blumen in dein Haar, ein von Perlenreihen strahlendes Stirnzeichen auf deine Stirn und eine Perle an deine Nase. Mutter, ich schmücke deine Brust mit einem Perlennetz, alle Finger mit Ringen, deine Hüfte mit goldenen Glöckchen und deine Ohren mit Juwelen.

21
mātaḥ phālatale tavātivimale kāśmīrakastūrikākarpūrāgarubhiḥ karomi tilakaṃ dehe'ṅgarāgaṃ tataḥ |
vakṣojādiṣu yakṣakardamarasaṃ siktvā ca puṣpadravaṃ
pādau candanalepanādibhirahaṃ sampūjayāmi kramāt || 21 ||

Mutter, auf deiner reinen Stirn zeichne ich ein Tilaka aus Safran, Moschus, Kampfer und Agaru; danach salbe ich deinen Leib. Ich bringe Yakshakardama-Duftmischung und Blütenessenzen auf Brust und Glieder und verehre deine Füße mit Sandelpaste.

22
ratnākṣataistvāṃ paripūjayāmi
muktāphalairvā rucirairaviddhaiḥ |
akhaṇḍitairdevi yavādibhirvā
kāśmīrapaṅkāṅkitataṇḍulairvā || 22 ||

Göttin, ich verehre dich mit unversehrten Edelsteingaben, schönen ungebohrten Perlen, ungebrochenen Körnern wie Gerste oder mit Reis, den Safranpaste zeichnet.

23
janani campakatailamidaṃ puro
mṛgamadopayutaṃ paṭavāsakam |
surabhigandhamidaṃ ca catuḥsamaṃ
sapadi sarvamidaṃ parigṛhyatām || 23 ||

Mutter, nimm sogleich dieses Champakaöl, das moschushaltige Kleiderduftpulver und diese wohlriechende vierteilige Duftmischung an.

24
sīmante te bhagavati mayā sādaraṃ nyastametatsindūraṃ me hṛdayakamale harṣavarṣaṃ tanoti |
bālādityadyutiriva sadā lohitā yasya kāntīrantardhvāntaṃ harati sakalaṃ cetasā cintayaiva || 24 ||

Ehrwürdige, das Sindura, das ich achtsam auf deinen Haarscheitel lege, lässt Freude in meinem Herzlotus aufblühen. Sein Rot leuchtet wie die junge Sonne; schon seine Betrachtung vertreibt alle innere Dunkelheit.

5. Blumen, Weihrauch und Lampen schenken
Lasse die Blüten in ihrer Vielfalt gegenwärtig werden. Bringe dann Dhupa und Dipa dar. Da die gesamte Handlung innerlich bleibt, werden die genannten Pflanzen und Räucherstoffe nicht gesammelt oder verbrannt.

25
mandārakundakaravīralavaṅgapuṣpaistvāṃ devi santatamahaṃ paripūjayāmi |
jātījapāvakulacampakaketakādinānāvidhāni kusumāni ca te'rpayāmi || 25 ||

Göttin, beständig verehre ich dich mit Mandara-, Kunda-, Karavira- und Nelkenblüten. Ich schenke dir vielerlei Blumen: Jasmin, Hibiskus, Bakula, Champaka, Ketaka und weitere Blüten.

26
mālatīvakulahemapuṣpikākāñcanārakaravīrakaitakaiḥ |
karṇikāragirikarṇikādibhiḥ
pūjayāmi jagadamba te vapuḥ || 26 ||

Weltmutter, ich verehre deinen Leib mit Malati, Bakula, Hemapushpika, Kanchanara, Karavira, Ketaka, Karnikara, Girikarnika und weiteren Blüten.

27
pārijātaśatapatrapāṭalairmallikāvakulacampakādibhiḥ |
ambujaiḥ sukusumaiśca sādaraṃ
pūjayāmi jagadamba te vapuḥ || 27 ||

Weltmutter, ehrfurchtsvoll verehre ich deinen Leib mit Parijata, hundertblättrigen Blüten, Patala, Jasmin, Bakula, Champaka, Lotus und anderen schönen Blumen.

28
lākṣāsaṃmilitaiḥ sitābhrasahitaiḥ śrīvāsasaṃmiśritaiḥ
karpūrākalitaiḥ śirairmadhuyutairgosarpiṣā loḍitaiḥ |
śrīkhaṇḍāgarugugguluprabhṛtibhirnānāvidhairvastubhirdhūpaṃ te parikalpayāmi janani snehāttvamaṅgīkuru || 28 ||

Mutter, ich bereite dir Räucherwerk aus vielen Stoffen: Lack, hellem Glimmer, Shrivasa-Harz, Kampfer und Shira, mit Honig und Kuh-Ghee vermischt, dazu Sandelholz, Agaru und Guggulu. Nimm es liebevoll an.

29
ratnālaṅkṛtahemapātranihitairgosarpiṣā loḍitairdīpairdīrghatarāndhakārabhidurairbālārkakoṭiprabhaiḥ |
ātāmrajvaladujjvalapravilasadratnapradīpaistathā
mātastvāmahamādarādanudinaṃ nīrājayāmyuccakaiḥ || 29 ||

Mutter, ich verehre dich täglich voller Ehrfurcht mit hoch erhobenen Lichtern: Gheelampen in juwelengeschmückten Goldgefäßen, die tiefste Dunkelheit durchbrechen und wie Millionen junger Sonnen strahlen, und rötlich leuchtende Juwelenlampen.

6. Die Göttin bewirten
Bringe das Mahl als Naivedya dar, danach Wasser zum Reinigen und Trinken, Früchte und Tambula.

30
mātastvāṃ dadhidugdhapāyasamahāśālyannasantānikāḥ
sūpāpūpasitāghṛtaiḥ savaṭakaiḥ sakṣaudrarambhāphalaiḥ |
elājīrakahiṅgunāgaraniśākustumbharīsaṃskṛtaiḥ
śākaiḥ sākamahaṃ sudhādhikarasaiḥ santarpayāmyarcayan || 30 ||

Mutter, ich verehre und sättige dich mit Joghurt, Milch, süßem Milchreis, feinem Reis und Milchrahm, Suppe, Gebäck, Zucker, Ghee, Bällchen, Honig und Bananen. Dazu kommen Gemüse, mit Kardamom, Kreuzkümmel, Asant, Ingwer, Kurkuma und Koriander gewürzt: köstlicher als Nektar.

31
sāpūpasūpadadhidugdhasitāghṛtāni
susvādubhaktaparamānnapuraḥsarāṇi |
śākollasanmaricijīrakabāhlikāni
bhakṣyāṇi bhuṅkṣva jagadamba mayārpitāni || 31 ||

Weltmutter, genieße die von mir dargebrachten Speisen: schmackhaften Reis und süßen Milchreis, Gebäck, Suppe, Joghurt, Milch, Zucker und Ghee sowie Gemüse, reich an Pfeffer, Kreuzkümmel und Safran.

32
kṣīrametadidamuttamottamaṃ
prājyamājyamidamujjvalaṃ madhu |
mātaretadamṛtopamaṃ payaḥ
sambhrameṇa paripīyatāṃ muhuḥ || 32 ||

Hier ist beste Milch, hier reichlich Ghee, hier klarer Honig. Mutter, trinke mit Freude wiederholt diese nektargleiche Milch.

33
uṣṇodakaiḥ pāṇiyugaṃ mukhaṃ ca
prakṣālya mātaḥ kaladhautapātre |
karpūramiśreṇa sakuṅkumena
hastau samudvartaya candanena || 33 ||

Mutter, wasche beide Hände und den Mund mit warmem Wasser über einem Silbergefäß. Reibe danach die Hände mit Sandelpaste ein, die Kampfer und Safran enthält.

34
atiśītamuśīravāsitaṃ
tapanīye kalaśe niveśitam |
paṭapūtamidaṃ jitāmṛtaṃ
śuci gaṅgājalamamba pīyatām || 34 ||

Mutter, trinke dieses reine Gangawasser, kühl und nach Ushira duftend, durch ein Tuch gefiltert und in einen goldenen Krug gefüllt: Es übertrifft den Nektar.

35
jambvāmrarambhāphalasamyutāni
drākṣāphalakṣaudrasamanvitāni |
sanārikelāni sadāḍimāni
phalāni te devi samarpayāmi || 35 ||

Göttin, ich bringe dir Früchte dar: Jambu, Mango, Banane und Weintrauben, dazu Honig, Kokosnüsse und Granatäpfel.

36
kūśmāṇḍakośātakisamyutāni
jambīranāraṅgasamanvitāni |
sabījapūrāṇi sabādarāṇi
phalāni te devi samarpayāmi || 36 ||

Göttin, ich bringe dir Früchte dar: Kürbis und Kosataki, Zitrone und Orange, Zitronatzitrone und Badara.

37
karpūreṇa yutairlavaṅgasahitaistakkolacūrṇānvitaiḥ
susvādukramukaiḥ sagaurakhadiraiḥ susnigdhajātīphalaiḥ |
mātaḥ kaitakapatrapāṇḍurucibhistāmbūlavallīdalaiḥ
sānandaṃ mukhamaṇḍanārthamatulaṃ tāmbūlamaṅgīkuru || 37 ||

Mutter, nimm mit Freude dieses unvergleichliche Betelangebot als Zierde deines Mundes an: gute Arekanüsse mit Kampfer, Nelken, Takkolapulver, hellem Khadira und geschmeidiger Muskatnuss, in hellen Betelblättern wie Ketakablätter bereitet.

38
elālavaṅgādisamanvitāni
takkolakarpūravimiśritāni |
tāmbūlavallīdalasamyutāni
pūgāni te devi samarpayāmi || 38 ||

Göttin, ich bringe dir Arekanüsse mit Kardamom und Nelken, mit Takkola und Kampfer vermischt, zusammen mit Blättern der Betelranke dar.

39
tāmbūlanirjitasutaptasuvarṇavarṇaṃ
svarṇāktapūgaphalamauktikacūrṇayuktam |
sauvarṇapātranihitaṃ khadirena sārdhaṃ
tāmbūlamamba vadanāmburuhe gṛhāṇa || 39 ||

Mutter, nimm in deinen Lotusmund dieses Betelangebot, dessen Farbe glänzendes Gold übertrifft. Mit vergoldeter Arekanuss, Perlenpulver und Khadira liegt es in einem goldenen Gefäß.

7. Arati und königliche Ehrungen vollziehen
Stelle dir die Lichterplatte vor. Mit Vers 41 vollziehe innerlich die drei ausdrücklich genannten Kreisbewegungen vor dem Gesicht der Göttin. Dann folgen Dakshina, Schirm, Wedel, Spiegel und tausend Lichter.

40
mahati kanakapātre sthāpayitvā viśālān
ḍamarusadṛśarūpānbaddhagodhūmadīpān |
bahughṛtamatha teṣu nyasya dīpānprakṛṣṭānbhuvanajanani kurve nityamārārtikaṃ te || 40 ||

Mutter der Welt, ich stelle große, sanduhrförmige Lampen aus Weizenteig auf eine goldene Platte, fülle reichlich Ghee hinein und entzünde kräftige Lichter. So vollziehe ich beständig deine Arati.

41
savinayamatha datvā jānuyugmaṃ dharaṇyāṃ
sapadi śirasi dhṛtvā pātramārārtikasya |
mukhakamalasamīpe te'mba sārthaṃ trivāraṃ
bhramayati mayi bhūyātte kṛpārdraḥ kaṭākṣaḥ || 41 ||

Demütig setze ich beide Knie auf die Erde und hebe die Aratiplatte an mein Haupt. Während ich sie dreimal vor deinem Lotusgesicht kreisen lasse, Mutter, möge dein von Erbarmen erfüllter Blick auf mir ruhen.

42
atha bahumaṇimiśrairmauktikaistvāṃ vikīrya
tribhuvanakamanīyaiḥ pūjayitvā ca vastraiḥ |
militavividhamuktāṃ divyamāṇikyayuktāṃ
janani kanakavṛṣṭiṃ dakṣiṇāṃ te'rpayāmi || 42 ||

Ich überschütte dich mit Perlen und vielen Edelsteinen und verehre dich mit Gewändern, die in den drei Welten begehrt werden. Mutter, als Dakshina schenke ich dir einen Goldregen, vermischt mit verschiedenen Perlen und göttlichen Rubinen.

43
mātaḥ kāñcanadaṇḍamaṇḍitamidaṃ pūrṇendubimbaprabhaṃ
nānāratnaviśobhihemakalaśaṃ lokatrayāhlādakam |
bhāsvanmauktikajālikāparivṛtaṃ prītyātmahaste dhṛtaṃ
chatraṃ te parikalpayāmi śirasi tvaṣṭrā svayaṃ nirmitam || 43 ||

Mutter, ich halte liebevoll einen Schirm über dein Haupt, den Tvashtri selbst gefertigt hat: mit goldenem Stab, vollmondhell, von einem Perlennetz umgeben und mit einem edelsteingeschmückten goldenen Knauf, erfreulich für die drei Welten.

44
śaradindumarīcigauravarṇairmaṇimuktāvilasatsuvarṇadaṇḍaiḥ |
jagadamba vicitracāmaraistvāmahamānandabhareṇa vījayāmi || 44 ||

Weltmutter, voller Freude fächle ich dir mit prächtigen Chamara-Wedeln Luft zu. Sie sind hell wie die Strahlen des Herbstmondes und tragen goldene, mit Juwelen und Perlen glänzende Griffe.

45
mārtāṇḍamaṇḍalanibho jagadamba yo'yaṃ
bhaktyā mayā maṇimayo mukuro'rpitaste |
pūrṇendubimbaruciraṃ vadanaṃ svakīyamasminvilokaya vilolavilocane tvam || 45 ||

Weltmutter mit beweglichen Augen, betrachte in diesem edelsteingeschmückten, sonnenhellen Spiegel, den ich dir hingebungsvoll schenke, dein schönes vollmondgleiches Gesicht.

46
indrādayo natinatairmakuṭapradīpairnīrājayanti satataṃ tava pādapīṭham |
tasmādahaṃ tava samastaśarīrametannīrājayāmi jagadamba sahasradīpaiḥ || 46 ||

Indra und die anderen verehren beständig deinen Fußschemel mit den leuchtenden Kronen ihrer tief geneigten Häupter. Deshalb verehre ich, Weltmutter, deinen ganzen Leib mit tausend Lampen.

8. Die königliche Umgebung darbringen
Schenke der Göttin in der Vorstellung Reittiere, Wagen, Gefolge und die ganze Erde. Die Bilder der Herrschaft drücken aus, dass du ihr nichts vorenthalten möchtest.

47
priyagatiratituṅgo ratnapalyāṇayuktaḥ
kanakamayavibhūṣaḥ snigdhagambhīraghoṣaḥ |
bhagavati kalito'yaṃ vāhanārthaṃ mayā te
turagaśatasameto vāyuvegasturaṅgaḥ || 47 ||

Ehrwürdige, ich stelle dir als Reittier dieses große, angenehm schreitende, windschnelle Pferd bereit, begleitet von hundert Pferden: mit Juwelensattel, goldenem Schmuck und sanfter, tiefer Stimme.

48
madhukaravṛtakumbhanyastasindūrareṇuḥ
kanakakalitaghaṇṭākiṅkaṇīśobhikaṇṭhaḥ |
śravaṇayugalacañcaccāmaro meghatulyo
janani tava mude syānmattamātaṅga eṣaḥ || 48 ||

Mutter, möge dieser mächtige, wolkengleiche Elefant dich erfreuen: an den Schläfen von Bienen umgeben und mit Sindura bestreut, am Hals mit goldenen Glocken und Glöckchen geschmückt, an den Ohren mit beweglichen Wedeln.

49
drutataraturagairvirājamānaṃ
maṇimayacakracatuṣṭayena yuktam |
kanakamayamamuṃ vitānavantaṃ
bhagavati te hi rathaṃ samarpayāmi || 49 ||

Ehrwürdige, ich bringe dir diesen goldenen Wagen dar, mit Baldachin, vier Juwelenrädern und sehr schnellen Pferden.

50
hayagajarathapattiśobhamānaṃ
diśi diśi dundubhimeghanādayuktam |
atibahu caturaṅgasainyametadbhagavati bhaktibhareṇa te'rpayāmi || 50 ||

Ehrwürdige, voller Hingabe schenke ich dir dieses sehr große viergliedrige Heer, mit Pferden, Elefanten, Wagen und Fußvolk, während in allen Richtungen Trommeln wie Wolken donnern.

51
parighīkṛtasaptasāgaraṃ
bahusampatsahitaṃ mayāmba te vipulam |
prabalaṃ dharaṇītalābhidhaṃ
dṛḍhadurgaṃ nikhilaṃ samarpayāmi || 51 ||

Mutter, ich schenke dir die ganze weite, feste und mächtige Burg namens Erde, von sieben Meeren umgeben und mit reichem Wohlstand erfüllt.

52
śatapatrayutaiḥ svabhāvaśītairatisaurabhyayutaiḥ parāgapītaiḥ |
bhramarīmukharīkṛtairanantairvyajanaistvāṃ jagadamba vījayāmi || 52 ||

Weltmutter, ich fächle dir Luft zu mit unzähligen Fächern aus natürlich kühlen, hundertblättrigen Lotusblüten, stark duftend, vom Pollen gelb und vom Summen der Bienen erfüllt.

9. Mit Tanz und Musik erfreuen
Lasse Tanz, Gesang und Instrumente als innere Darbringung entstehen. Mit Vers 58 widme auch deine eigenen schöpferischen Fähigkeiten der Göttin.

53
bhramaralulitalolakuntalālīvigalitamālyavikīrṇaraṅgabhūmiḥ |
iyamatirucirā naṭī naṭantī
tava hṛdaye mudamātanotu mātaḥ || 53 ||

Mutter, diese schöne Tänzerin möge mit ihrem Tanz dein Herz erfreuen. Ihr lockeres, von Bienen umspieltes Haar bewegt sich; fallende Girlanden bestreuen die Bühne.

54
mukhanayanavilāsalolaveṇīvilasitanirjitalolabhṛṅgamālāḥ |
yuvajanasukhakāricārulīlā
bhagavati te purato naṭanti bālāḥ || 54 ||

Ehrwürdige, junge Tänzerinnen tanzen vor dir. Gesicht und Augen bewegen sich ausdrucksvoll; ihre schwingenden Zöpfe übertreffen die Reihen beweglicher Bienen, und ihr anmutiges Spiel erfreut die Jugend.

55
bhramadalikulatulyāloladhammillabhārāḥ
smitamukhakamalodyaddivyalāvaṇyapūrāḥ |
anupamitasuveṣā vārayoṣā naṭanti
parabhṛtakalakaṇṭhyo devi dainyaṃ dhunotu || 55 ||

Göttin, die kunstvoll gekleideten Hoftänzerinnen tanzen: Ihre bewegten Haare gleichen Bienenschwärmen, ihre lächelnden Lotusgesichter strahlen Schönheit aus, ihre Stimmen klingen wie Kuckucke. Mögen sie die Niedergeschlagenheit vertreiben.

56
ḍamaruḍiṇḍimajarjharajhallarīmṛduravadragaḍaddragaḍādayaḥ |
jhaṭiti jhāṅkṛtajhāṅkṛtajhāṅkṛtairbahudayaṃ hṛdayaṃ sukhayantu te || 56 ||

Damaru, Dindima, Jarjhara, Jhallari und weitere Instrumente mit sanftem Dröhnen und raschem, klingendem Rhythmus mögen dein Herz immer neu erfreuen.

57
vipañcīṣu saptasvarānvādayantyastava dvāri gāyanti gandharvakanyāḥ |
kṣaṇaṃ sāvadhānena cittena mātaḥ
samākarṇaya tvaṃ mayā prārthitāsi || 57 ||

Gandharvenmädchen spielen die sieben Töne auf ihren Vinas und singen vor deinem Tor. Mutter, ich bitte dich: Höre ihnen einen Augenblick aufmerksam zu.

58
abhinayakamanīyairnartanairnartakīnāṃ
kṣaṇamapi ramayitvā ceta etattvadīyam |
svayamahamaticitrairnṛttavāditragītairbhagavati bhavadīyaṃ mānasaṃ rañjayāmi || 58 ||

Nachdem die Tänzerinnen mit anmutigem Ausdruck und Tanz dein Herz erfreut haben, erfreue ich selbst, Ehrwürdige, deinen Geist mit vielfältigem Tanz, Instrumentalspiel und Gesang.

10. Lob, Umrundung und Blumenopfer
Betrachte die Grenzen deiner Worte, umrunde die Göttin in der Vorstellung und verneige dich. Bringe Pushpanjali dar.

59
tava devi guṇānuvarṇane
caturā no caturānanādayaḥ |
tadihaikamukheṣu jantuṣu
stavanaṃ kastava kartumīśvaraḥ || 59 ||

Göttin, selbst der viergesichtige Brahma und die anderen sind nicht geschickt genug, deine Eigenschaften zu beschreiben. Welches Wesen mit nur einem Gesicht könnte dich hier angemessen preisen?

60
pade pade yatparipūjakebhyaḥ
sadyo'śvamedhādiphalaṃ dadāti |
tatsarvapāpakṣaya hetubhūtaṃ
pradakṣiṇaṃ te paritaḥ karomi || 60 ||

Ich umrunde dich. Jeder Schritt dieser Umrundung schenkt den Verehrenden unmittelbar die Frucht großer Opfer wie des Ashvamedha; sie wird zum Grund für die Auflösung aller Verfehlungen.

61
raktotpalāraktalatāprabhābhyāṃ
dhvajordhvarekhākuliśāṅkitābhyām |
aśeṣabṛndārakavanditābhyāṃ
namo bhavānīpadapaṅkajābhyām || 61 ||

Verehrung den beiden Lotusfüßen Bhavanis: rot wie rote Lotusblüten und zarte Ranken, gezeichnet mit Fahne, aufrechter Linie und Donnerkeil, von allen Göttern verehrt.

62
caraṇanalinayugmaṃ paṅkajaiḥ pūjayitvā
kanakakamalamālāṃ kaṇṭhadeśe'rpayitvā |
śirasi vinihito'yaṃ ratnapuṣpāñjaliste
hṛdayakamalamadhye devi harṣaṃ tanotu || 62 ||

Nachdem ich deine beiden Lotusfüße mit Lotusblüten verehrt und eine Girlande goldener Lotusblüten um deinen Hals gelegt habe, bringe ich auf deinem Haupt diese Juwelenblumen aus beiden Händen dar. Göttin, mögen sie Freude in deinem Herzlotus entfalten.

11. Zur Ruhe begleiten und die Gegenwart im Herzen bewahren
Bereite innerlich das Ruhelager. Die anschließende Betrachtung und Vergebungsbitte führen die Verehrung in den eigenen Herzlotus zurück.

63
atha maṇimayamañcakābhirāme
kanakamayavitānarājamāne |
prasaradagarudhūpadhūpite'sminbhagavati bhavane'stu te nivāsaḥ || 63 ||

Ehrwürdige, wohne nun in diesem Haus, das von Agarurauch erfüllt ist, mit schönem Juwelenlager und prächtigem goldenem Baldachin.

64
etasminmaṇikhacite suvarṇapīṭhe
trailokyābhayavaradau nidhāya hastau |
vistīrṇe mṛdulatarottaracchade'sminparyaṅke kanakamaye niṣīda mātaḥ || 64 ||

Mutter, setze dich auf dieses weite goldene Lager mit sehr weicher Decke und edelsteinbesetztem goldenem Sitz. Deine beiden Hände gewähren den drei Welten Furchtlosigkeit und Segen.

65
tava devi sarojacihnayoḥ
padayornirjitapadmarāgayoḥ |
atiraktatarairalaktakaiḥ
punaruktāṃ racayāmi raktatām || 65 ||

Göttin, deine mit Lotuszeichen geschmückten Füße übertreffen den Rubin. Mit tiefrotem Lack verstärke ich noch einmal ihre Röte.

66
atha mātaruśīravāsitaṃ
nijatāmbūlarasena rañjitam |
tapanīyamaye hi paṭṭake
mukhagaṇḍūṣajalaṃ vidhīyatām || 66 ||

Mutter, spüle deinen Mund mit nach Ushira duftendem Wasser in ein goldenes Gefäß; es färbt sich mit dem Saft deines Betels.

67
kṣaṇamatha jagadamba mañcake'sminmṛdutalatūlikayā virājamāne |
atirahasi mudā śivena sārdhaṃ
sukhaśayanaṃ kuru tatra māṃ smarantī || 67 ||

Weltmutter, ruhe nun für einen Augenblick freudig zusammen mit Shiva in der Abgeschiedenheit auf diesem schönen, weich gepolsterten Lager und denke dabei an mich.

68
muktākundendugaurāṃ maṇimayamakuṭāṃ ratnatāṭaṅkayuktāmakṣasrakpuṣpahastāmabhayavarakarāṃ candracūḍāṃ trinetrām |
nānālaṅkārayuktāṃ suramakuṭamaṇidyotitasvarṇapīṭhāṃ
sānandāṃ suprasannāṃ tribhuvanajananīṃ cetasā cintayāmi || 68 ||

Im Geist betrachte ich die Mutter der drei Welten: hell wie Perle, Kunda und Mond, mit Juwelenkrone und kostbaren Ohrringen, Gebetskette und Blume in Händen, Furchtlosigkeit und Segen gewährend, mit Mondschmuck und drei Augen. Vielfach geschmückt, freudig und freundlich sitzt sie auf dem goldenen Thron, den die Kronjuwelen der Götter erhellen.

69
eṣā bhaktyā tava viracitā yā mayā devi pūjā
svīkṛtyaināṃ sapadi sakalānme'parādhān kṣamasva |
nyūnaṃ yattattava karuṇayā pūrṇatāmetu sadyaḥ
sānandaṃ me hṛdayakamale te'stu nityaṃ nivāsaḥ || 69 ||

Göttin, nimm diese Verehrung an, die ich dir hingebungsvoll bereitet habe, und vergib sogleich alle meine Verfehlungen. Was fehlt, möge durch dein Erbarmen vollkommen werden. Wohne freudig und immer in meinem Herzlotus.

12. Die Schlussverse rezitieren
Lies die drei Schlussverse als traditionelle Phalashruti, die den Wert der Praxis preist. Sie enthalten zugleich die ausdrückliche Erlaubnis zur vollständigen inneren Rezitationsform.

70
pūjāmimāṃ yaḥ paṭhati prabhāte
madhyāhnakāle yadi vā pradoṣe |
dharmārthakāmānpuruṣo'bhyupaiti
dehāvasāne śivabhāvameti || 70 ||

Wer diese Puja am Morgen, am Mittag oder in der Abenddämmerung rezitiert, erlangt Dharma, Wohlergehen und die Erfüllung rechter Wünsche; am Ende des Leibes gelangt er zum Shiva-Sein.

71
pūjāmimāṃ paṭhennityaṃ pūjāṃ kartumanīśvaraḥ |
pūjāphalamavāpnoti vāñchitārthaṃ ca vindati || 71 ||

Wer die äußere Puja nicht auszuführen vermag, rezitiere diese Puja täglich. Er erlangt ihre Frucht und findet das erstrebte Ziel.

72
pratyahaṃ bhaktisamyukto yaḥ pūjanamidaṃ paṭhet |
vāgvādinyāḥ prasādena vatsarātsa kavirbhavet || 72 ||

Wer diese Verehrung täglich hingebungsvoll rezitiert, wird durch die Gnade der Göttin der Rede innerhalb eines Jahres zum Dichter.

Abschluss und Vertiefung

Bleibe nach Vers 72 eine Weile bei der Vorstellung der Göttin im Herzen. Beende die Sammlung mit einer stillen Verneigung. Für die tägliche Fortsetzung kann eine konkrete Geste der Fürsorge Ausdruck der Verehrung der Weltmutter werden.

Devanagari-Rezitation

Die folgende Fassung enthält sämtliche Sanskrittexte der Durchführung.

उषसि मागधमङ्गलगायनैर्झटिति जागृहि जागृहि जागृहि ।
अतिकृपार्द्रकटाक्षनिरीक्षणैर्जगदिदं जगदम्ब सुखीकुरु ॥ १ ॥

कनकमयवितर्दिशोभमानं
दिशि दिशि पूर्णसुवर्णकुम्भयुक्तम् ।
मणिमयमण्टपमध्यमेहि मातर्मयि कृपयाशु समर्चनं ग्रहीतुम् ॥ २ ॥

कनककलशशोभमानशीर्षं
जलधरलम्बि समुल्लसत्पताकम् ।
भगवति तव संनिवासहेतोर्मणिमयमन्दिरमेतदर्पयामि ॥ ३ ॥

तपनीयमयी सुतूलिका
कमनीया मृदुलोत्तरच्छदा ।
नवरत्नविभूषिता मया
शिबिकेयं जगदम्ब तेऽर्पिता ॥ ४ ॥

कनकमयवितर्दिस्थापिते तूलिकाढ्ये
विविधकुसुमकीर्णे कोटिबालार्कवर्णे ।
भगवति रमणीये रत्नसिंहासनेऽस्मिन्नुपविश पदयुग्मं हेमपीठे निधाय ॥ ५ ॥

मणिमौक्तिकनिर्मितं महान्तं
कनकस्तम्भचतुष्टयेन युक्तम् ।
कमनीयतमं भवानि तुभ्यं
नवमुल्लोचमहं समर्पयामि ॥ ६ ॥

दूर्वया सरसिजान्वितविष्णुक्रान्तया च सहितं कुसुमाढ्यम् ।
पद्मयुग्मसदृशे पदयुग्मे
पाद्यमेतदुररीकुरु मातः ॥ ७ ॥

गन्धपुष्पयवसर्षपदूर्वासम्युतं तिलकुशाक्षतमिश्रम् ।
हेमपात्रनिहितं सह रत्नैरर्घ्यमेतदुररीकुरु मातः ॥ ८ ॥

जलजद्युतिना करेण जातीफलतक्कोललवङ्गगन्धयुक्तैः ।
अमृतैरमृतैरिवातिशीतैर्भगवत्याचमनं विधीयताम् ॥ ९ ॥

निहितं कनकस्य सम्पुटे
पिहितं रत्नपिधानकेन यत् ।
तदिदं जगदम्ब तेऽर्पितं
मधुपर्कं जननि प्रगृह्यताम् ॥ १० ॥

एतच्चम्पकतैलमम्ब विविधैः पुष्पैर्मुहुर्वासितं
न्यस्तं रत्नमये सुवर्णचषके भृङ्गैर्भ्रमद्भिर्वृतम् ।
सानन्दं सुरसुन्दरीभिरभितो हस्तैर्धृतं ते मया
केशेषु भ्रमरभ्रमेषु सकलेष्वङ्गेषु चालिप्यते ॥ ११ ॥

मातः कुङ्कुमपङ्कनिर्मितमिदं देहे तवोद्वर्तनं
भक्त्याहं कलयामि हेमरजसा संमिश्रितं केसरैः ।
केशानामलकैर्विशोध्य विशदान्कस्तूरिकोदञ्चितैः
स्नानं ते नवरत्नकुम्भसहितैः संवासितोष्णोदकैः ॥ १२ ॥

दधिदुग्धघृतैः समाक्षिकैः
सितया शर्करया समन्वितैः ।
स्नपयामि तवाहमादराज्जननि त्वां पुनरुष्णवारिभिः ॥ १३ ॥

एलोशीरसुवासितैः सकुसुमैर्गङ्गादितीर्थोदकैर्माणिक्यामलमौक्तिकामृतरसैः स्वच्छैः सुवर्णोदकैः ।
मन्त्रान्वैदिकतान्त्रिकान्परिपठन्सानन्दमत्यादरात्स्नानं ते परिकल्पयामि जननि स्नेहात्त्वमङ्गीकुरु ॥ १४ ॥

बालार्कद्युति दाडिमीयकुसुमप्रस्पर्धि सर्वोत्तमं
मातस्त्वं परिधेहि दिव्यवसनं भक्त्या मया कल्पितम् ।
मुक्ताभिर्ग्रथितं सुकञ्चुकमिदं स्वीकृत्य पीतप्रभं
तप्तस्वर्णसमानवर्णमतुलं प्रावर्णमङ्गीकुरु ॥ १५ ॥

नवरत्नमये मयार्पिते
कमनीये तपनीयपादुके ।
सविलासमिदं पदद्वयं
कृपया देवि तयोर्निधीयताम् ॥ १६ ॥

बहुभिरगरुधूपैः सादरं धूपयित्वा
भगवति तव केशाङ्कङ्कतैर्मार्जयित्वा ।
सुरभिभिररविन्दैश्चम्पकैश्चार्चयित्वा
झटिति कनकसूत्रैर्जूटयन्वेष्टयामि ॥ १७ ॥

सौवीराञ्जनमिदमम्ब चक्षुषोस्ते
विन्यस्तं कनकशलाकया मया यत् ।
तन्न्यूनं मलिनमपि त्वदक्षिसङ्गात्
ब्रह्मेन्द्राद्यभिलषणीयतामियाय ॥ १८ ॥

मञ्जीरे पदयोर्निधाय रुचिरां विन्यस्य काञ्चीं कटौ
मुक्ताहारमुरोजयोरनुपमां नक्षत्रमालां गले ।
केयूराणि भुजेषु रत्नवलयश्रेणीं करेषु क्रमात्ताटङ्के तव कर्णयोर्विनिदधे शीर्षे च चूडामणिम् ॥ १९ ॥

धम्मिल्ले तव देवि हेमकुसुमान्याधाय फालस्थले
मुक्ताराजिविराजमानतिलकं नासापुटे मौक्तिकम् ।
मातर्मौक्तिकजालिकां च कुचयोः सर्वाङ्गुलीषूर्मिकाः
कट्यां काञ्चनकिङ्किणीर्विनिदधे रत्नावतंसं श्रुतौ ॥ २० ॥

मातः फालतले तवातिविमले काश्मीरकस्तूरिकाकर्पूरागरुभिः करोमि तिलकं देहेऽङ्गरागं ततः ।
वक्षोजादिषु यक्षकर्दमरसं सिक्त्वा च पुष्पद्रवं
पादौ चन्दनलेपनादिभिरहं सम्पूजयामि क्रमात् ॥ २१ ॥

रत्नाक्षतैस्त्वां परिपूजयामि
मुक्ताफलैर्वा रुचिरैरविद्धैः ।
अखण्डितैर्देवि यवादिभिर्वा
काश्मीरपङ्काङ्किततण्डुलैर्वा ॥ २२ ॥

जननि चम्पकतैलमिदं पुरो
मृगमदोपयुतं पटवासकम् ।
सुरभिगन्धमिदं च चतुःसमं
सपदि सर्वमिदं परिगृह्यताम् ॥ २३ ॥

सीमन्ते ते भगवति मया सादरं न्यस्तमेतत्सिन्दूरं मे हृदयकमले हर्षवर्षं तनोति ।
बालादित्यद्युतिरिव सदा लोहिता यस्य कान्तीरन्तर्ध्वान्तं हरति सकलं चेतसा चिन्तयैव ॥ २४ ॥

मन्दारकुन्दकरवीरलवङ्गपुष्पैस्त्वां देवि सन्ततमहं परिपूजयामि ।
जातीजपावकुलचम्पककेतकादिनानाविधानि कुसुमानि च तेऽर्पयामि ॥ २५ ॥

मालतीवकुलहेमपुष्पिकाकाञ्चनारकरवीरकैतकैः ।
कर्णिकारगिरिकर्णिकादिभिः
पूजयामि जगदम्ब ते वपुः ॥ २६ ॥

पारिजातशतपत्रपाटलैर्मल्लिकावकुलचम्पकादिभिः ।
अम्बुजैः सुकुसुमैश्च सादरं
पूजयामि जगदम्ब ते वपुः ॥ २७ ॥

लाक्षासंमिलितैः सिताभ्रसहितैः श्रीवाससंमिश्रितैः
कर्पूराकलितैः शिरैर्मधुयुतैर्गोसर्पिषा लोडितैः ।
श्रीखण्डागरुगुग्गुलुप्रभृतिभिर्नानाविधैर्वस्तुभिर्धूपं ते परिकल्पयामि जननि स्नेहात्त्वमङ्गीकुरु ॥ २८ ॥

रत्नालङ्कृतहेमपात्रनिहितैर्गोसर्पिषा लोडितैर्दीपैर्दीर्घतरान्धकारभिदुरैर्बालार्ककोटिप्रभैः ।
आताम्रज्वलदुज्ज्वलप्रविलसद्रत्नप्रदीपैस्तथा
मातस्त्वामहमादरादनुदिनं नीराजयाम्युच्चकैः ॥ २९ ॥

मातस्त्वां दधिदुग्धपायसमहाशाल्यन्नसन्तानिकाः
सूपापूपसिताघृतैः सवटकैः सक्षौद्ररम्भाफलैः ।
एलाजीरकहिङ्गुनागरनिशाकुस्तुम्भरीसंस्कृतैः
शाकैः साकमहं सुधाधिकरसैः सन्तर्पयाम्यर्चयन् ॥ ३० ॥

सापूपसूपदधिदुग्धसिताघृतानि
सुस्वादुभक्तपरमान्नपुरःसराणि ।
शाकोल्लसन्मरिचिजीरकबाह्लिकानि
भक्ष्याणि भुङ्क्ष्व जगदम्ब मयार्पितानि ॥ ३१ ॥

क्षीरमेतदिदमुत्तमोत्तमं
प्राज्यमाज्यमिदमुज्ज्वलं मधु ।
मातरेतदमृतोपमं पयः
सम्भ्रमेण परिपीयतां मुहुः ॥ ३२ ॥

उष्णोदकैः पाणियुगं मुखं च
प्रक्षाल्य मातः कलधौतपात्रे ।
कर्पूरमिश्रेण सकुङ्कुमेन
हस्तौ समुद्वर्तय चन्दनेन ॥ ३३ ॥

अतिशीतमुशीरवासितं
तपनीये कलशे निवेशितम् ।
पटपूतमिदं जितामृतं
शुचि गङ्गाजलमम्ब पीयताम् ॥ ३४ ॥

जम्ब्वाम्ररम्भाफलसम्युतानि
द्राक्षाफलक्षौद्रसमन्वितानि ।
सनारिकेलानि सदाडिमानि
फलानि ते देवि समर्पयामि ॥ ३५ ॥

कूश्माण्डकोशातकिसम्युतानि
जम्बीरनारङ्गसमन्वितानि ।
सबीजपूराणि सबादराणि
फलानि ते देवि समर्पयामि ॥ ३६ ॥

कर्पूरेण युतैर्लवङ्गसहितैस्तक्कोलचूर्णान्वितैः
सुस्वादुक्रमुकैः सगौरखदिरैः सुस्निग्धजातीफलैः ।
मातः कैतकपत्रपाण्डुरुचिभिस्ताम्बूलवल्लीदलैः
सानन्दं मुखमण्डनार्थमतुलं ताम्बूलमङ्गीकुरु ॥ ३७ ॥

एलालवङ्गादिसमन्वितानि
तक्कोलकर्पूरविमिश्रितानि ।
ताम्बूलवल्लीदलसम्युतानि
पूगानि ते देवि समर्पयामि ॥ ३८ ॥

ताम्बूलनिर्जितसुतप्तसुवर्णवर्णं
स्वर्णाक्तपूगफलमौक्तिकचूर्णयुक्तम् ।
सौवर्णपात्रनिहितं खदिरेन सार्धं
ताम्बूलमम्ब वदनाम्बुरुहे गृहाण ॥ ३९ ॥

महति कनकपात्रे स्थापयित्वा विशालान्
डमरुसदृशरूपान्बद्धगोधूमदीपान् ।
बहुघृतमथ तेषु न्यस्य दीपान्प्रकृष्टान्भुवनजननि कुर्वे नित्यमारार्तिकं ते ॥ ४० ॥

सविनयमथ दत्वा जानुयुग्मं धरण्यां
सपदि शिरसि धृत्वा पात्रमारार्तिकस्य ।
मुखकमलसमीपे तेऽम्ब सार्थं त्रिवारं
भ्रमयति मयि भूयात्ते कृपार्द्रः कटाक्षः ॥ ४१ ॥

अथ बहुमणिमिश्रैर्मौक्तिकैस्त्वां विकीर्य
त्रिभुवनकमनीयैः पूजयित्वा च वस्त्रैः ।
मिलितविविधमुक्तां दिव्यमाणिक्ययुक्तां
जननि कनकवृष्टिं दक्षिणां तेऽर्पयामि ॥ ४२ ॥

मातः काञ्चनदण्डमण्डितमिदं पूर्णेन्दुबिम्बप्रभं
नानारत्नविशोभिहेमकलशं लोकत्रयाह्लादकम् ।
भास्वन्मौक्तिकजालिकापरिवृतं प्रीत्यात्महस्ते धृतं
छत्रं ते परिकल्पयामि शिरसि त्वष्ट्रा स्वयं निर्मितम् ॥ ४३ ॥

शरदिन्दुमरीचिगौरवर्णैर्मणिमुक्ताविलसत्सुवर्णदण्डैः ।
जगदम्ब विचित्रचामरैस्त्वामहमानन्दभरेण वीजयामि ॥ ४४ ॥

मार्ताण्डमण्डलनिभो जगदम्ब योऽयं
भक्त्या मया मणिमयो मुकुरोऽर्पितस्ते ।
पूर्णेन्दुबिम्बरुचिरं वदनं स्वकीयमस्मिन्विलोकय विलोलविलोचने त्वम् ॥ ४५ ॥

इन्द्रादयो नतिनतैर्मकुटप्रदीपैर्नीराजयन्ति सततं तव पादपीठम् ।
तस्मादहं तव समस्तशरीरमेतन्नीराजयामि जगदम्ब सहस्रदीपैः ॥ ४६ ॥

प्रियगतिरतितुङ्गो रत्नपल्याणयुक्तः
कनकमयविभूषः स्निग्धगम्भीरघोषः ।
भगवति कलितोऽयं वाहनार्थं मया ते
तुरगशतसमेतो वायुवेगस्तुरङ्गः ॥ ४७ ॥

मधुकरवृतकुम्भन्यस्तसिन्दूररेणुः
कनककलितघण्टाकिङ्कणीशोभिकण्ठः ।
श्रवणयुगलचञ्चच्चामरो मेघतुल्यो
जननि तव मुदे स्यान्मत्तमातङ्ग एषः ॥ ४८ ॥

द्रुततरतुरगैर्विराजमानं
मणिमयचक्रचतुष्टयेन युक्तम् ।
कनकमयममुं वितानवन्तं
भगवति ते हि रथं समर्पयामि ॥ ४९ ॥

हयगजरथपत्तिशोभमानं
दिशि दिशि दुन्दुभिमेघनादयुक्तम् ।
अतिबहु चतुरङ्गसैन्यमेतद्भगवति भक्तिभरेण तेऽर्पयामि ॥ ५० ॥

परिघीकृतसप्तसागरं
बहुसम्पत्सहितं मयाम्ब ते विपुलम् ।
प्रबलं धरणीतलाभिधं
दृढदुर्गं निखिलं समर्पयामि ॥ ५१ ॥

शतपत्रयुतैः स्वभावशीतैरतिसौरभ्ययुतैः परागपीतैः ।
भ्रमरीमुखरीकृतैरनन्तैर्व्यजनैस्त्वां जगदम्ब वीजयामि ॥ ५२ ॥

भ्रमरलुलितलोलकुन्तलालीविगलितमाल्यविकीर्णरङ्गभूमिः ।
इयमतिरुचिरा नटी नटन्ती
तव हृदये मुदमातनोतु मातः ॥ ५३ ॥

मुखनयनविलासलोलवेणीविलसितनिर्जितलोलभृङ्गमालाः ।
युवजनसुखकारिचारुलीला
भगवति ते पुरतो नटन्ति बालाः ॥ ५४ ॥

भ्रमदलिकुलतुल्यालोलधम्मिल्लभाराः
स्मितमुखकमलोद्यद्दिव्यलावण्यपूराः ।
अनुपमितसुवेषा वारयोषा नटन्ति
परभृतकलकण्ठ्यो देवि दैन्यं धुनोतु ॥ ५५ ॥

डमरुडिण्डिमजर्झरझल्लरीमृदुरवद्रगडद्द्रगडादयः ।
झटिति झाङ्कृतझाङ्कृतझाङ्कृतैर्बहुदयं हृदयं सुखयन्तु ते ॥ ५६ ॥

विपञ्चीषु सप्तस्वरान्वादयन्त्यस्तव द्वारि गायन्ति गन्धर्वकन्याः ।
क्षणं सावधानेन चित्तेन मातः
समाकर्णय त्वं मया प्रार्थितासि ॥ ५७ ॥

अभिनयकमनीयैर्नर्तनैर्नर्तकीनां
क्षणमपि रमयित्वा चेत एतत्त्वदीयम् ।
स्वयमहमतिचित्रैर्नृत्तवादित्रगीतैर्भगवति भवदीयं मानसं रञ्जयामि ॥ ५८ ॥

तव देवि गुणानुवर्णने
चतुरा नो चतुराननादयः ।
तदिहैकमुखेषु जन्तुषु
स्तवनं कस्तव कर्तुमीश्वरः ॥ ५९ ॥

पदे पदे यत्परिपूजकेभ्यः
सद्योऽश्वमेधादिफलं ददाति ।
तत्सर्वपापक्षय हेतुभूतं
प्रदक्षिणं ते परितः करोमि ॥ ६० ॥

रक्तोत्पलारक्तलताप्रभाभ्यां
ध्वजोर्ध्वरेखाकुलिशाङ्किताभ्याम् ।
अशेषबृन्दारकवन्दिताभ्यां
नमो भवानीपदपङ्कजाभ्याम् ॥ ६१ ॥

चरणनलिनयुग्मं पङ्कजैः पूजयित्वा
कनककमलमालां कण्ठदेशेऽर्पयित्वा ।
शिरसि विनिहितोऽयं रत्नपुष्पाञ्जलिस्ते
हृदयकमलमध्ये देवि हर्षं तनोतु ॥ ६२ ॥

अथ मणिमयमञ्चकाभिरामे
कनकमयवितानराजमाने ।
प्रसरदगरुधूपधूपितेऽस्मिन्भगवति भवनेऽस्तु ते निवासः ॥ ६३ ॥

एतस्मिन्मणिखचिते सुवर्णपीठे
त्रैलोक्याभयवरदौ निधाय हस्तौ ।
विस्तीर्णे मृदुलतरोत्तरच्छदेऽस्मिन्पर्यङ्के कनकमये निषीद मातः ॥ ६४ ॥

तव देवि सरोजचिह्नयोः
पदयोर्निर्जितपद्मरागयोः ।
अतिरक्ततरैरलक्तकैः
पुनरुक्तां रचयामि रक्तताम् ॥ ६५ ॥

अथ मातरुशीरवासितं
निजताम्बूलरसेन रञ्जितम् ।
तपनीयमये हि पट्‍टके
मुखगण्डूषजलं विधीयताम् ॥ ६६ ॥

क्षणमथ जगदम्ब मञ्चकेऽस्मिन्मृदुतलतूलिकया विराजमाने ।
अतिरहसि मुदा शिवेन सार्धं
सुखशयनं कुरु तत्र मां स्मरन्ती ॥ ६७ ॥

मुक्ताकुन्देन्दुगौरां मणिमयमकुटां रत्नताटङ्कयुक्तामक्षस्रक्पुष्पहस्तामभयवरकरां चन्द्रचूडां त्रिनेत्राम् ।
नानालङ्कारयुक्तां सुरमकुटमणिद्योतितस्वर्णपीठां
सानन्दां सुप्रसन्नां त्रिभुवनजननीं चेतसा चिन्तयामि ॥ ६८ ॥

एषा भक्त्या तव विरचिता या मया देवि पूजा
स्वीकृत्यैनां सपदि सकलान्मेऽपराधान् क्षमस्व ।
न्यूनं यत्तत्तव करुणया पूर्णतामेतु सद्यः
सानन्दं मे हृदयकमले तेऽस्तु नित्यं निवासः ॥ ६९ ॥

पूजामिमां यः पठति प्रभाते
मध्याह्नकाले यदि वा प्रदोषे ।
धर्मार्थकामान्पुरुषोऽभ्युपैति
देहावसाने शिवभावमेति ॥ ७० ॥

पूजामिमां पठेन्नित्यं पूजां कर्तुमनीश्वरः ।
पूजाफलमवाप्नोति वाञ्छितार्थं च विन्दति ॥ ७१ ॥

प्रत्यहं भक्तिसम्युक्तो यः पूजनमिदं पठेत् ।
वाग्वादिन्याः प्रसादेन वत्सरात्स कविर्भवेत् ॥ ७२ ॥

Quellen und verwandte Artikel

• Shankara zugeschrieben: Devi Chatushshashti Upachara Puja Stotra, sämtliche 72 Verse; Sanskritfassung bei Stotra Nidhi.
• Parallelüberlieferung: Sanskrit Documents.
• Maßgeblich für die hier ausgeführte innere Form: Verse 70–72, insbesondere die Erlaubnis in Vers 71. Deutsche Bedeutungen nach dem Sanskrit.

Siehe auch: Devi, Bhavani, Manasapuja, Upachara, Bhakti Yoga.

Seminare

20.12.2026 - 20.12.2026 Gita Jayanti

Die Bhagavad Gita hat Geburtstag. Immer Ende November bis Mitte Dezember, abhängig von der Mondphase, wird Gita Jayanti gefeiert. Wir wollen den Geburt…

Vani Devi Beldzik

26.12.2026 - 02.01.2027 Indische Rituale Ausbildung

Du interessierst dich für indische Rituale? Du hast die einzigartige Gelegenheit, in dieser Rituale Ausbildung bei Yoga Vidya die kleine Puja, große P…

Sukadev Bretz, Shankari Winkelbauer

15.11.2026 - 20.11.2026 HerzKraft - Mantrasingen, Harmoniumspiel und Trommeln lernen

Wir begehen den uralten Pfad des Bhakti-Yoga, den Yoga der Hingabe, und singen gemeinschaftlich herzstärkende Mantren aus eigener Komposition sowie and…

Shankara Stefan Maune, Sven Helbig

01.12.2026 - 01.12.2026 Mantra-Konzert

Aleah Gandarvika & Friends
18:45-19:45 Uhr

Aleah Gandarvika