Indra Mantras
Indra Mantras - Indra wird unter anderem im Rigveda, im Natyashastra, im Vastushastra, in der Bhagavad Gita, im Vaishnavismus, im Shaivismus, im Buddhismus, im Jyotisha und im Jainismus erwähnt und ist in all diesen Traditionen auf vielfältige Weise definiert. Für Legenden und andere Informationen, siehe Indra in Yogawiki. Indra wird in über 250 Hymnen im Rigveda erwähnt und gilt als die höchste Gottheit, der Gott der Devas. Er wird auch als der Herr des Regens, des Donners und des Blitzes gepriesen. Man kann sagen, dass in der vedischen Zeit die Spiritualität mit dem täglichen Leben verwoben war, und da der Lebensunterhalt aus der Natur/Landwirtschaft kam, wurde dem Regen und dem Regengott eine große Bedeutung beigemessen. So finden die Themen Landwirtschaft, Vieh und Nachkommenschaft in den Versen des Rigveda häufig Erwähnung. Im Folgenden sind einige Verse in IAST und in Devanagari aus dem Rigveda Mandala 4, Sukta 41 aufgeführt, die sich auf Indra beziehen. Insbesondere 41.6 ist ein Vers, der ein Gebet an Indra ist.
Indra Mantras aus dem Rigveda in IAST
4.41.01
- iṃdrā॒ ko vāṃ॑ varuṇā su॒mnamā॑pa॒ stomo॑ ha॒viṣmāँ॑ a॒mṛto॒ na hotā॑ |
- yo vāṃ॑ hṛ॒di kratu॑māँ a॒smadu॒ktaḥ pa॒sparśa॑diṃdrāvaruṇā॒ nama॑svān ||
4.41.02
- iṃdrā॑ ha॒ yo varu॑ṇā ca॒kra ā॒pī de॒vau martaḥ॑ sa॒khyāya॒ praya॑svān |
- sa haṃ॑ti vṛ॒trā sa॑mi॒theṣu॒ śatrū॒navo॑bhirvā ma॒hadbhiḥ॒ sa pra śṛ॑ṇve ||
4.41.03
- iṃdrā॑ ha॒ ratnaṃ॒ varu॑ṇā॒ dheṣṭhe॒tthā nṛbhyaḥ॑ śaśamā॒nebhya॒stā |
- yadī॒ sakhā॑yā sa॒khyāya॒ somaiḥ॑ su॒tebhiḥ॑ supra॒yasā॑ mā॒dayai॑te ||
4.41.04
- iṃdrā॑ yu॒vaṃ va॑ruṇā di॒dyuma॑smi॒nnoji॑ṣṭhamugrā॒ ni va॑dhiṣṭaṃ॒ vajraṃ॑ |
- yo no॑ du॒revo॑ vṛ॒kati॑rda॒bhīti॒stasmi॑nmimāthāma॒bhibhū॒tyojaḥ॑ ||
4.41.05
- iṃdrā॑ yu॒vaṃ va॑ruṇā bhū॒tama॒syā dhi॒yaḥ pre॒tārā॑ vṛṣa॒bheva॑ dhe॒noḥ |
- sā no॑ duhīya॒dyava॑seva ga॒tvī sa॒hasra॑dhārā॒ paya॑sā ma॒hī gauḥ ||
4.41.06
- to॒ke hi॒te tana॑ya u॒rvarā॑su॒ sūro॒ dṛśī॑ke॒ vṛṣa॑ṇaśca॒ pauṃsye॑ |
- iṃdrā॑ no॒ atra॒ varu॑ṇā syātā॒mavo॑bhirda॒smā pari॑takmyāyāṃ ||
Übersetzung (4.41.06): Mögen Seele und Geist, die Überwinder der Feinde, uns mit ihrer gnädigen Gunst umgeben, so dass wir dadurch würdige neugeborene Kinder und erwachsene Söhne, fruchtbare Ländereien, langes Leben und stierähnliche Vitalität haben mögen.
(Aus dem Kommentar von Sayana): Mögen Indra und Varuṇa uns in der Nacht vor bösen Geistern beschützen; langes Leben: sūro dṛśike = sūryasya cirakāladarśanāya, für den Anblick der Sonne für eine lange Zeit, d.h. cirajivanāya, für langes Leben.
4.41.07
- yu॒vāmiddhyava॑se pū॒rvyāya॒ pari॒ prabhū॑tī ga॒viṣaḥ॑ svāpī |
- vṛ॒ṇī॒mahe॑ sa॒khyāya॑ pri॒yāya॒ śūrā॒ maṃhi॑ṣṭhā pi॒tare॑va śaṃ॒bhū ||
4.41.08
- tā vāṃ॒ dhiyo'va॑se vāja॒yaṃtī॑rā॒jiṃ na ja॑gmuryuva॒yūḥ su॑dānū |
- śri॒ye na gāva॒ upa॒ soma॑masthu॒riṃdraṃ॒ giro॒ varu॑ṇaṃ me manī॒ṣāḥ ||
4.41.09
- i॒mā iṃdraṃ॒ varu॑ṇaṃ me manī॒ṣā agma॒nnupa॒ dravi॑ṇami॒cchamā॑nāḥ |
- upe॑masthurjo॒ṣṭāra॑ iva॒ vasvo॑ ra॒ghvīri॑va॒ śrava॑so॒ bhikṣa॑māṇāḥ ||
4.41.10
- aśvya॑sya॒ tmanā॒ rathya॑sya pu॒ṣṭernitya॑sya rā॒yaḥ pata॑yaḥ syāma |
- tā ca॑krā॒ṇā ū॒tibhi॒rnavya॑sībhirasma॒trā rāyo॑ ni॒yutaḥ॑ sacaṃtāṃ ||
4.41.11
- ā no॑ bṛhaṃtā bṛha॒tībhi॑rū॒tī iṃdra॑ yā॒taṃ va॑ruṇa॒ vāja॑sātau |
- yaddi॒dyavaḥ॒ pṛta॑nāsu pra॒krīळ्āṃ॒tasya॑ vāṃ syāma sani॒tāra॑ ā॒jeḥ ||
Indra Mantras aus dem Rigveda in Devanagari
4.41.01
- इंद्रा॒ को वां॑ वरुणा सु॒म्नमा॑प॒ स्तोमो॑ ह॒विष्माँ॑ अ॒मृतो॒ न होता॑ ।
- यो वां॑ हृ॒दि क्रतु॑माँ अ॒स्मदु॒क्तः प॒स्पर्श॑दिंद्रावरुणा॒ नम॑स्वान् ॥
4.41.02
- इंद्रा॑ ह॒ यो वरु॑णा च॒क्र आ॒पी दे॒वौ मर्तः॑ स॒ख्याय॒ प्रय॑स्वान् ।
- स हं॑ति वृ॒त्रा स॑मि॒थेषु॒ शत्रू॒नवो॑भिर्वा म॒हद्भिः॒ स प्र शृ॑ण्वे ॥
4.41.03
- इंद्रा॑ ह॒ रत्नं॒ वरु॑णा॒ धेष्ठे॒त्था नृभ्यः॑ शशमा॒नेभ्य॒स्ता ।
- यदी॒ सखा॑या स॒ख्याय॒ सोमैः॑ सु॒तेभिः॑ सुप्र॒यसा॑ मा॒दयै॑ते ॥
4.41.04
- इंद्रा॑ यु॒वं व॑रुणा दि॒द्युम॑स्मि॒न्नोजि॑ष्ठमुग्रा॒ नि व॑धिष्टं॒ वज्रं॑ ।
- यो नो॑ दु॒रेवो॑ वृ॒कति॑र्द॒भीति॒स्तस्मि॑न्मिमाथाम॒भिभू॒त्योजः॑ ॥
4.41.05
- इंद्रा॑ यु॒वं व॑रुणा भू॒तम॒स्या धि॒यः प्रे॒तारा॑ वृष॒भेव॑ धे॒नोः ।
- सा नो॑ दुहीय॒द्यव॑सेव ग॒त्वी स॒हस्र॑धारा॒ पय॑सा म॒ही गौः ॥
4.41.06
- तो॒के हि॒ते तन॑य उ॒र्वरा॑सु॒ सूरो॒ दृशी॑के॒ वृष॑णश्च॒ पौंस्ये॑ ।
- इंद्रा॑ नो॒ अत्र॒ वरु॑णा स्याता॒मवो॑भिर्द॒स्मा परि॑तक्म्यायां ॥
4.41.07
- यु॒वामिद्ध्यव॑से पू॒र्व्याय॒ परि॒ प्रभू॑ती ग॒विषः॑ स्वापी ।
- वृ॒णी॒महे॑ स॒ख्याय॑ प्रि॒याय॒ शूरा॒ मंहि॑ष्ठा पि॒तरे॑व शं॒भू ॥
4.41.08
- ता वां॒ धियोऽव॑से वाज॒यंती॑रा॒जिं न ज॑ग्मुर्युव॒यूः सु॑दानू ।
- श्रि॒ये न गाव॒ उप॒ सोम॑मस्थु॒रिंद्रं॒ गिरो॒ वरु॑णं मे मनी॒षाः ॥
4.41.09
- इ॒मा इंद्रं॒ वरु॑णं मे मनी॒षा अग्म॒न्नुप॒ द्रवि॑णमि॒च्छमा॑नाः ।
- उपे॑मस्थुर्जो॒ष्टार॑ इव॒ वस्वो॑ र॒घ्वीरि॑व॒ श्रव॑सो॒ भिक्ष॑माणाः ॥
4.41.10
- अश्व्य॑स्य॒ त्मना॒ रथ्य॑स्य पु॒ष्टेर्नित्य॑स्य रा॒यः पत॑यः स्याम ।
- ता च॑क्रा॒णा ऊ॒तिभि॒र्नव्य॑सीभिरस्म॒त्रा रायो॑ नि॒युतः॑ सचंतां ॥
4.41.11
- आ नो॑ बृहंता बृह॒तीभि॑रू॒ती इंद्र॑ या॒तं व॑रुण॒ वाज॑सातौ ।
- यद्दि॒द्यवः॒ पृत॑नासु प्र॒क्रीळां॒तस्य॑ वां स्याम सनि॒तार॑ आ॒जेः ॥
Videolink zur vedischen Rezitation von Indra-Mantras
Die oben angegebenen Indra-Mantras werden von (Minute:Sekunden) 11:58 bis 14:38 rezitiert:
