Rudrayamala Tantra Sanskrit IAST

Rudrayamala Tantra Sanskrit Text in IAST Translireration erschließt die 90 Kapitel des Uttarakanda in wissenschaftlicher lateinischer Umschrift. Im Gespräch zwischen Bhairavi und Bhairava verbinden sich Guru-Unterweisung, Mantra, die Verehrung der Shakti und die Meditation über Kundalini und die inneren Lotusse. Wiederkehrende Anreden und Lobpreisungen laden dazu ein, den Text als lebendige Unterweisung zu lesen.

Die wissenschaftliche Umschrift macht Lautunterschiede sichtbar: ā, ī, ū bezeichnen lange Vokale, ṛ einen vokalischen R-Laut und ṃ den Anusvara. ś und ṣ sowie t und ṭ sind zu unterscheiden. Für die Rezitation lohnt es sich, Aussprache und Satzsinn gemeinsam zu erschließen.

Die vollständige deutsche Übersetzung mit Einordnung steht unter Rudrayamala Tantra, die andere Schriftfassung unter Rudrayamala Tantra Sanskrit Devanagari. Einen thematischen Einstieg bietet Rudrayamala Tantra – 108 inspirierende Verse und Mantras.

Ein sinnvoller Studienrhythmus verbindet langsames Lesen, den Vergleich mit der Übersetzung und stille Meditation. So kann das Schriftstudium die eigene Yoga-Praxis vertiefen. Spezielle Ritual- und Mantraabschnitte gehören in den Zusammenhang traditioneller Einweihung und Unterweisung.

Direkt zu den Kapiteln

1–10: 1 · 2 · 3 · 4 · 5 · 6 · 7 · 8 · 9 · 10
11–20: 11 · 12 · 13 · 14 · 15 · 16 · 17 · 18 · 19 · 20
21–30: 21 · 22 · 23 · 24 · 25 · 26 · 27 · 28 · 29 · 30
31–40: 31 · 32 · 33 · 34 · 35 · 36 · 37 · 38 · 39 · 40
41–50: 41 · 42 · 43 · 44 · 45 · 46 · 47 · 48 · 49 · 50
51–60: 51 · 52 · 53 · 54 · 55 · 56 · 57 · 58 · 59 · 60
61–70: 61 · 62 · 63 · 64 · 65 · 66 · 67 · 68 · 69 · 70
71–80: 71 · 72 · 73 · 74 · 75 · 76 · 77 · 78 · 79 · 80
81–90: 81 · 82 · 83 · 84 · 85 · 86 · 87 · 88 · 89 · 90

Rudrayamala Tantra – Sanskrittext in IAST

Kapitel 1

Bhairavi: die Göttin als Lehrerin im Gespräch mit Bhairava.

atha prathamaḥ paṭalaḥ

bhairava uvāca

parā śrīparameśānīvadanāmbhojaniḥsṛtam|
śrīyāmalaṃ mahātantraṃ svatantraṃ viṣṇuyāmalam||1-1||

śaktiyāmalamākhyātaṃ brahmaṇaḥ stutihetunā|
brahmayāmalavedāṅgaṃ sarvañca kathitaṃ priye||1-2||

idānīmuttarākāṇḍaṃ vada śrīrudrayāmalam|
yadi bhāgyavaśād devi! tava śrīmukhapaṅkaje||1-3||

yāni yāni svatantrāṇi saṃdattāni mahītale|
prakāśaya mahātantraṃ nānyatantreṣu tṛptimān||1-4||

sarvavedāntavedeṣu kathitavyaṃ tataḥ param|
tadā te bhaktavargāṇāṃ siddhiḥ sañcarate dhruvam||1-5||

yadi bhakte dayā bhadre ! vada tripurasundari
mahābhairavavākyañca paṅkajāyatalocanā||1-6||

śrutvovāca mahākālī kathayāmāsa bhairavam|

bhairavī uvāca

śambho mahātmadarpaghna kāmahīna kulākula||1-7||

candramaṇḍalaśīrṣākṣa hālāhalaniṣevaka|
advitīyāghoramūrtte raktavarṇaśikhojjvala||1-8||

mahāṛṣipate deva sarveṣāñca namo namaḥ|
sarveṣāṃ prāṇamathana śṛṇu ānandabhairava||1-9||

ādau bālābhairavīṇāṃ sādhanaṃ ṣaṭkalātmakam|
paścāt kumārīlalitāsādhanaṃ paramādbhutam||1-10||

kurukullāvipracittāsādhanaṃ śaktisādhanam|
yoginīkhecarīyakṣakanyakāsādhanaṃ tataḥ||1-11||

unmattabhairavīvidyā--kālīvidyādisādhanam|
pañcamudrāsādhanañca pañcabāṇādisādhanam||1-12||

pratyaṅgirāsādhanañca kalau sākṣātkaraṃ param|
haritālikāsvarṇavidyādhūmravidyādisādhanam||1-13||

ākāśagaṅgā vividhā kanyakāsādhanaṃ tataḥ|
bhrūlatāsādhanaṃ siddhasādhanaṃ tadanantaram||1-14||

ulkāvidyāsādhanaṃ ca pañcatārādisādhanam|
aparājitāpuruhūtācāmuṇḍāsādhanaṃ tataḥ||1-15||

kālikāsādhanaṃ kaulasādhanaṃ ghanasādhanam|
cacīkāsādhanaṃ paścāt ghargharāsādhanaṃ tataḥ||1-16||

vimalāsādhanaṃ raudrītripurāsādhanaṃ tataḥ|
sampatpradāsaptakūṭāsādhanaṃceṭīsādhanam|
śaktikūṭādiṣaṭkūṭānavakūṭādisādhanam||1-17||

kanakābhākāñcanābhāvahnyābhāsādhanaṃ tataḥ|
vajrakūṭāpañcakūṭāsakalāsādhanaṃ tataḥ||1-18||

tāriṇīsādhanaṃ paścāt ṣoḍaśīsādhanaṃ smṛtam|
chinnādi--ugrapracaṇḍyādisādhanaṃ sumanoharam||1-19||

ulkāmukhīraktamukhīsādhanaṃ vīrasādhanam|
nānāvidhānanirmāṇaśavasādhanameva ca||1-20||

kṛtvā devīsādhanañca kṛtvāhisādhanaṃ tataḥ|
nakṣatravidyāpaṭalaṃ kālīpaṭalameva ca||1-21||

śmaśānakālikādevīsādhanaṃ bhūtasādhanam|
ratikrīḍāsādhanañca sundarīsādhanaṃ tathā||1-22||

mahāmālāsādhanañca mahāmāyādisādhanam|
bhadrakālīsādhanañca nīlāsādhanameva ca||1-23||

bhuvaneśīsādhanañca durgāsādhanameva ca|
vārāhīgāruḍīcāndrīsādhanaṃ paramādbhutam||1-24||

brahmāṇīsādhanaṃ paścād haṃsīsādhanamuttamam|
māheśvarīsādhanañca kaumārīsādhanaṃ tathā||1-25||

vaiṣṇavīsādhanaṃ dhātrīdhanadāratisādhanam|
pañcābhrābalipūrṇāsyā nārasiṃhīsusādhanam||1-26||

kālindīrukmiṇīvidyārādhāvidyādisādhanam|
gopīśvarīpadmanetrāpadmamālādisādhanam||1-27||

muṇḍamālāsādhanañca bhṛṅgārīsādhanaṃ tataḥ|
sakalākarṣaṇīvidyākapālinyādisādhanam||1-28||

guhyakālīsādhanañca bagalāmukhīsādhanam|
mahābālāsādhanañca kalāvatyādisādhanam||1-29||

kulajākalikākakṣākukkuṭīsādhanaṃ mahat|
ciñcādevīsādhanañca śāṅkarīgūḍhasādhanam||1-30||

praphullābjamukhīvidyākākinīsādhanaṃ tataḥ|
kubjikāsādhanaṃ nityāsarasvatyādisādhanam||1-31||

bhūrlekhāśaśimukuṭā--ugrakālyādisādhanam|
maṇidvīpeśvarīdhātrīsādhanaṃ yakṣasādhanam||1-32||

ketakīkamalākāntipradābhedyādisādhanam|
vāgīśvarīmahāvidyā annapūrṇādisādhanam||1-33||

vajradaṇḍāraktamayīmanvārīsādhanaṃ tathā|
hastinīhastikarṇādyāmātaṅgīsādhanaṃ tataḥ||1-34||

parānandānandamayīsādhanaṃ gatisādhanam|
kāmeśvarīmahālajjājvālinīsādhanaṃ vasoḥ||1-35||

gaurīvetālakaṅkālīvāsavīsādhanaṃ tathā|
candrāsyāsūryakiraṇāraṭantīsādhanaṃ tataḥ||1-36||

kiṅginī pāvanīvidyā avadhūteśvarīti ca|
etāsāṃ siddhavidyānāṃ sādhanādrudra eva saḥ||1-37||

alakākaliyugasthāśaktiṭaṅkārasādhanam|
hariṇīmohinīkṣiprātṛṣyādisādhanaṃ tathā||1-38||

aṭṭahāsāghoranādāmahāmeghādisādhanam|
vallarīkauraviṇyādisādhanaṃ paramādbhutam||1-39||

raṅkiṇīsādhanaṃ paścād nandakanyādisādhanam|
mandirāsādhanaṃ kātyāyanīsādhanameva ca||1-40||

rajanīrājatīghonāsādhanaṃ tālasādhanam|
pādukāsādhanaṃ cittāsādhanaṃ ravisādhanam||1-41||

muninātheśvarīśāntivallabhāsādhanaṃ tathā|
madirāsādhanaṃ vīrabhadrāsādhanameva hi||1-42||

muṇḍālīkālinīdaityadaṃśinīsādhanaṃ tataḥ|
praviṣṭavarṇālaghimāmīnādisādhanaṃ mahat||1-43||

phetkārīsādhanaṃ bhallātakīsādhanamadbhutam|
uḍḍīyāneśvarīpūrṇāgirijāsādhanaṃ tathā||1-44||

saukarīrājavaśinīdīrghajaṅghādisādhanam|
ayodhyāpūjitādevīdrāviṇīsādhanādbhutam||1-45||

jvālāmukhīsādhanañca kṛṣṇajihvādisādhanam|
pañcavaktrapriyāvidyānantavidyādisādhanam||1-46||

śrīvidyābhuvaneśānīsādhanaṃ kāyasādhanam|
raktamālāmahācaṇḍīmahājvālādisādhanam||1-47||

prakṣiptāmantrikākāmapūjitābhaktisādhanam|
śvāsasthāvāyavīprāptālelihānādisādhanam||1-48||

bhairavīlasitāpṛthvīvāṭukīsādhanaṃ tathā|
agamyā--ākulīmaulīndrāñjanamantrasādhanam||1-49||

kulāvatīkulakṣiptāraticīnādisādhanam|
śivākroḍāditaruṇīnāyikāmantrasādhanam||1-50||

sādhanaṃ śailavāsinyā akasmāt siddhivardhanam|
mantrayantrasvatantrādipūjyamānāḥ parātparāḥ||1-51||

etāḥ sarvāḥ kaliyuge kālikā harakomalāḥ|
mantrādyā yena siddhayanti satyaṃ satyaṃ na saṃśayaḥ||1-52||

mahākāla śivānanda paramānandapāraga|
bhaktānāmanurāgeṇa vidyāratnaṃ punaḥ śṛṇu||1-53||

ādau vaiṣṇavadevasya mantrāṇāṃ nityasādhanam|
tataste maṅgalaṃ mantrasādhanaṃ paramādbhutam||1-54||

akasmādvihitā siddhiryena siddhyati bhūtale|
bālabhairavayogendrasādhanaṃ śivasādhanam||1-55||

mahākālasādhanañca tathā rāmeśvarasya ca|
aghoramūrtte ramaṇāsādhanaṃ śṛṇu yatnataḥ||1-56||

krodharājabhūtarājaekacakrādisādhanam|
girīndrasādhanaṃ paścāt kulanāthasya sādhanam||1-57||

baṭukeśādiśrīkaṇṭheśādisādhanameva ca|
mṛtyuñjayasya raudrasya kālāntakaharasya ca||1-58||

unmattabhairavasyāpi tathā pañcāsyakasya ca|
kailāseśasya śambhośca tathā śūlina eva ca||1-59||

bhārgaveśasya sarvasya mahākālasya sādhanam|
surāntakasya pūrṇasya tathā devasya śaṅkara||1-60||

haridrāgaṇanāthasya varadeśvaramālinaḥ|
ūrdhvakeśasya dhūmrasya jaṭilasyāpi sādhanam||1-61||

ānandabhairavasyāpi bāṇanāthasya sādhanam|
karīndrasya śubhāṅgasya hillolamardakasya ca||1-62||

puṣpanātheśvarasyāpi vṛṣanāthasya sādhanam|
aṣṭamūrtteḥ kālamūrtteścandraśekharasādhanam||1-63||

kramukasyāpi ghorasya kuberārādhitasya ca|
tripurāntakamantrasya kamalākṣasya sādhanam||1-64||

ityādisiddhamantrāṇāṃ mantrārthaṃ vividhaṃ mudā|
uditaṃ tadviśeṣeṇa suvistārya śṛṇuṣva tat||1-65||

indrādidevatā sarvā yena siddhyanti bhūtale|
tatprakāraṃ mahādeva sāvadhāno'vadhāraya||1-66||

upavidyāsādhanañca mantrāṇi vividhāni ca|
nānākarmāṇi dharmāṇi ṣaṭkarmasādhanāni ca||1-67||

śrīrāmasādhanaṃ yakṣasādhanaṃ yogasādhanam|
sarvavidyāsādhanañca rājajvālādisādhanam||1-68||

mantrasiddhiprakārañca hanumatsādhanādikam|
viṣajvālāsādhanañca pātālalokasādhanam||1-69||

bhūtalipiprakārañca tattatsādhanameva ca|
navakanyāsādhanañca aṣṭasiddhiprakārakam||1-70||

āsanāni ca aṅgāni sādhanāni bahūni ca|
kātyāyanīsādhanāni ceṭīsādhanameva ca||1-71||

kṛṣṇamārjārasiddhiśca khaḍgasiddhistataḥ param|
pādukājaṅghasiddhiśca nijajihvādisādhanam||1-72||

saṃskāraguṭikāsiddhiḥ khecarīsiddhireva ca|
bhūpraveśaprakāratvaṃ nityatuṅgādisādhanam||1-73||

stambhanaṃ dāruṇaṃ paścādākarṣaṇaṃ munerapi|
nānāvidhāni deveśa auṣadhādīni yāni ca||1-74||

haritālādisiddhiśca rasapāradasādhanam|
nānārasasamudbhūtaṃ rasabhasmādisādhanam||1-75||

vṛddhasya taruṇākāraṃ sādhanaṃ paramādbhutam|
vaijayantīsādhanañca caritraṃ vāsakasya ca||1-76||

śivācaritramaśvasya caritraṃ vāyasasya ca|
kumārīṇāṃ prakāraṃ tu vajrāṇāṃ vāraṇaṃ tathā||1-77||

sampattisādhanaṃ deśasādhanaṃ kāmasādhanam|
gurupūjāvidhānañca gurūsantoṣasādhanam||1-78||

nijadevārādhanañca nijasādhanameva ca|
vāruṇīpaiṣṭikīgauḍīkaitakīmādhvisādhanam||1-79||

svadehagamanaṃ svarge martye martyaiśca durlabham|
śarīravardhanañcaiva kṛṣṇabhāvasya sādhanam||1-80||

nayanākarṣaṇañcaiva kālasarpasya darśanam|
raṇakṣobhaprakārañca pañcendriyanivāraṇam||1-81||

yogavidyāsādhanañca bhakṣaprasthanirūpaṇam|
cāndrāyaṇavratañcaiva śṛṇu tadyogasiddhaye||1-82||

yāmalāgreṇa śaṃsanti yāni sarvāṇi kāni ca|
brahmāṇḍe yāni vastūni sarvatra durlabhaṃ śivam||1-83||

ye'bhyasyanti mahātantraṃ bālādvā mantratopi vā|
yāmalaṃ mama vaktrāmbhoruhasundarasaṃbhavam||1-84||

atiguhyaṃ mahāguhyaṃ śabdaguhyaṃ nirākulam|
nānāsiddhisamudrāṇāṃ gṛhaṃ yogamayaṃ śubham||1-85||

śāstrajālasya sāraṃ hi nānāmantramayaṃ priyam|
vārāṇasīpurapateḥ sadāmodaṃ sukhāspadam||1-86||

sarasvatīdaivataṃ yat kālīṣu śikhare vṛtam|
mahāmokṣaṃ dvāramokṣaṃ sarvasaṃketaśobhitam||1-87||

vāñchākalpadrumaṃ tantraṃ śivasaṃskārasaṃskṛtam|
aprakāśyaṃ kriyāsāraṃ sahasrastutirājitam||1-88||

aṣṭottaraśataṃ nāma sahasranāmamaṅgalam|
nānādravyasādhanādividhṛtāñjanarañjitam||1-89||

kālīpratyakṣakathanaṃ kālīṣoḍhādisaṃpuṭam|
mahācamatkārakaraṃ sthitisaṃhārapālakam||1-90||

aṣṭādaśaprakārañca ṣoḍhāyāḥ saukhyamuktaye|
ye jānanti mahākālaṃ yāmalaṃ kalipāvanam||1-91||

ābrahmastambaparyantaṃ kare tasya na saṃśayaḥ|
tatprakāramahaṃ vakṣye nigamāgamamaṅgalam||1-92||

yasmādrudro bhavejjñānī nānātantrārthapāragaḥ|
yāminīvihitaṃ karma kulatantrābhisādhanam||1-93||

mahāvīrahitaṃ yasmāt pañcatattvasvarūpakam|
laṃghanaṃ nāsti me nātha asmin tantre sugopanam||1-94||

tato yāmalamākhyātaṃ candraśekhara śaṅkara|
rudrākṣaṃ sādhanotkṛṣṭaṃ śatayāgaphalapradam||1-95||

manaḥsantoṣavipulaṃ yāmalaṃ parikīttītam|
rurukādibhairavāṇāṃ brāhmīdevyāśca sādhanam||1-96||

jāmbūnadalatākoṭihemadāsādhanaṃ yataḥ|
manasāsādhanaṃ yatra laṅkālakṣmīprasādhanam||1-97||

devatānāñca kavacaṃ nānādhyānavrataṃ mahat|
antaryāgavidhānāni kalikālaphalāni ca||1-98||

bhāti yatnaprabhākāraṃ prāyaścittavimarṣaṇam|
paṭalaṃ triṃśatā vyāptaṃ ye paṭhanti nirantaram||1-99||

avaśyaṃ siddhimāpnoti yadyadicchati bhūtale|
karmaṇā manasā vācā mahātantrasya sādhanam||1-100||

karoti kamalānāthakarapadmaniṣevitam|
jñātvā sarvadharaṃ tantraṃ sampūrṇaṃ lokamaṇḍale||1-101||

prāpnoti sādhakaḥ siddhiṃ māsādeva na saṃśayaḥ|
nānācakrasya māhātmyaṃ nānāṅkamaṇḍalāvṛtam||1-102||

sarvajñasiddhiśatakaṃ khaṇḍakālīkulālayam|
taruṇādityasaṃkāśaṃ vanamālāvibhūṣitam||1-103||

daivataṃ paramaṃ haṃsaṃ kālakūṭāśinaṃ prabhum|
ādau dhyātvā pūjayitvā namaskuryād maheśvaram|
prathamāruṇasaṅkāśaṃ ratnālaṅkārabhūṣitam|
varadaṃ vāruṇīmattaṃ paramahaṃsaṃ namāmyaham||1-104||

bhairava uvāca

yadi na paṭhyate tantraṃ yāmalaṃ sarvaśaṅkaram|
tadā kena prakāreṇa sādhakaḥ siddhibhāgbhavet||1-105||

kecicca buddhihīnāśca medhāhīnāśca ye janāḥ
mandabhāgyāśca dhūrtāśca mūḍhāḥ sarvāpadāvṛtāḥ||1-106||

prāpnuvanti kathaṃ siddhiṃ dayā jātā kathaṃ vada|
teṣu mūrkheṣu hīneṣu śāstrārthavajīteṣu ca||1-107||

jñānaṃ bhavati kenaiva nirmalaṃ dvaitavajītam|
tatprakāraṃ vada snehād lokānāṃ puṇyavṛddhaye||1-108||

bhairavī uvāca

karmasūtraṃ yaśchinatti pratyahaṃ tanusaṃsthitaḥ|
sa paśyati jagannātha mama śrīcaraṇāmbujam||1-109||

viśvamāveśasaṃskārabhinnabuddhikriyānvitāḥ
ato māṃ nahi jānanti nānākāryotkaṭāvṛtāḥ||1-110||

teṣāṃ śarīraṃ gṛhṇāti kāladūto bhayānakaḥ
yaḥ karoti mahāyogaṃ tyāgasannyāsadharmavān||1-111||

mandabhāgyaḥ paśoryoniṃ prāpnoti māṃ vihāya saḥ|
mayi bhāvaṃ yaḥ karoti durlabho janavallabhaḥ||1-112||

bhāvena labhyate sarvaṃ bhāvena devadarśanam|
bhāvena paramaṃ jñānaṃ tasmād bhāvāvalambanam||1-113||

bhāvañca sarvaśāstrāṇāṃ gūḍhaṃ sarvendriyasthitam|
sarveṣāṃ mūlabhūtañca devībhāvaṃ yadā labhet||1-114||

tadaiva sarvasiddhiśca tadā dhyānadṛḍho bhavet|
akalaṅkī nirāhārī nivāsadhṛtamānasaḥ||1-115||

nityasnānābhipūjāṅgo bhāvī bhāvaṃ yadā labhet|
kriyādakṣo mahāśikṣānipuṇo'pi jitendriyaḥ||1-116||

sarvaśāstranigūḍhārthavettā nyāsavivajītaḥ|
teṣāṃ hastagataṃ bhāvaṃ vada bhāvaṃ yathā tanau||1-117||

bhāvāt parataraṃ nāsti yenānugrahavān bhavet|
bhāvādanugrahaprāptiranugrahān mahāsukhī||1-118||

sukhāt puṇyaprabhāvaḥ syāt puṇyādacyutadarśanam|
yadā kṛtasya darśanāmbhojadarśanamaṅgalam||1-119||

yogī bhūttvā sūkṣmapadaṃ yogināmapyadarśanam|
paśyatyeva mahāvidyāpādāmbhoruhapāvanam||1-120||

gurūṇāṃ paramahaṃsānāṃ vākyaṃ trailokyapāvanam|
śrutvā sādhakasiddhyarthaṃ yogī yogamavāpnuyāt||1-121||

pañjare śukasārī ca patagāḥ pakṣiyonayaḥ|
gṛhṇāti sādhakaḥ svargān mannāmavimalaṃ mahat||1-122||

yāvat jñānasya sañcāraṃ tāvat kālaṃ kuleśvara|
sādhakānāñca sādhūnāṃ nikaṭastho bhavennaraḥ||1-123||

vidyābhyāsī na patati yadi buddhiparo bhavet|
nahi cejjanma vyākhyārthaṃ nānāśāstrārthabhāṣaṇam||1-124||

surajñānaṃ binā kiñcinnahi siddhyati bhūtale|
mantraṃ śrīkāyasiddhiśca kathaṃ bhavati bhairava||1-125||

sāṃkhyajñānaṃ vedabhāṣāvidhijñānaṃ tathā samam|
śaktiṃ binā yathā śāktaṃ surajñānaṃ binā hi saḥ||1-126||

ahitācārasampattirdaridrasya gṛhe yathā|
sādhakasya gṛhe śaktirjñānācāravivecanā||1-127||

jāyate yadi sāyujyapadanāśāya kevalam|
yadyajñānaviśiṣṭā sā svaśaktiḥ śivakāminī||1-128||

tadā na kuryād grahaṇā śaktisādhanameva ca|
yadi kuryādasaṃskārāt saṃsargaṃ sādhakottamaḥ||1-129||

asaṃskṛtyādidoṣeṇa siddhihāniḥ prajāyate|
śaktipradhānaṃ bhāvānāṃ trayāṇāṃ sādhakasya ca||1-130||

divyavīrapaśūnāñca bhāvatrayamudāhṛtam|
paśubhāve jñānasiddhiḥ paśvācāranirūpaṇam||1-131||

vīrabhāve kriyāsiddhiḥ sākṣādrudro na saṃśayaḥ|
divyabhāve vīrabhāve vibhinnamekabhāvataḥ||1-132||

aṇḍaḥ pūrvaḥ sarvagataṃ divyabhāvasya lakṣaṇam|
divyabhāve devatāyā darśanaṃ parikītītam||1-133||

vīrabhāve mantrasiddhiradvaitācāralakṣaṇam|
ādau bhāvaṃ paśoḥ prāpya rātrikarmavivarjayet||1-134||

divase divase snānaṃ pūjānityakriyānvitaḥ|
puraścaraṇavat kāryaṃ śucibhāvena siddhyati||1-135||

paśubhāvaṃ vinā vīraḥ ko vaśī bhavati dhruvam|
indriyāṇāñca damanaṃ damanaṃ śamanasya ca||1-136||

yogaśikṣāniviṣṭāṅgo yatiryogaparāyaṇaḥ|
sarvakṣaṇādabhyasataḥ prabhātāvadhi rātriṣu||1-137||

sarvakālaṃ ca kartavyo yogaḥ sarvasukhapradaḥ|
vāñchākalpataruṃ nityaṃ taruṇaṃ pātakāpaham||1-138||

sādhayedavahitaṃ mantrī paśubhāvasthito yadi|
yogabhāṣāvidhijñānaṃ sarvabhāveṣu durlabham||1-139||

tathāpi paśubhāvena śīghraṃ siddhyati niścitam|
gurūṇāṃ śrīpadāmbhoje yasya bhaktirdṛḍhā bhavet||1-140||

sa bhavet kāmanātyāgī bhāvamātropalakṣaṇam|
vīrabhāvo mahābhāvo na bhāvaṃ duṣṭacetasām||1-141||

bhāvaṃ mandagataṃ sūkṣmaṃ rudramūrtyāḥ prasiddhyati|
bhraṣṭācāraṃ mahāgūḍhaṃ trailokyamaṅgalaṃ śubham||1-142||

pañcatattvādisiddhyarthaṃ mahāmohamadodbhavam|
sarvapīṭhakulācāraṃ haṭhādānandasāgaram||1-143||

kāruṇyavāridhiṃ vīrasādhane bhaktikevalam|
jñānībhūttvā paśorbhāve vīrācāraṃ tataḥ param||1-144||

vīrācārād bhavedrudro'nyathā naiva ca naiva ca|
bhāvadvayasthito mantrī divyabhāvaṃ vicārayet||1-145||

sadā śucidīvyabhāvamācaret susamāhitaḥ|
devatāyāḥ priyārthañca sarvakarmakuleśvara||1-146||

yadyattat sakalaṃ siddhyatyasmād dharmodayaṃ śubham|
devatātulyabhāvaśca devatāyāḥ kriyāparaḥ||1-147||

tad viddhi devatābhāvaṃ sudivyabhākprakītītam|
sarveṣāṃ bhāvavargāṇāṃ śaktimūlaṃ na saṃśayaḥ||1-148||

bhaktiṃ kena prakāreṇa prāpnoti sādhakottamaḥ|
jñāttvā devaśarīrasya nijakāryānuśāsanāt||1-149||

jñānaśca trividhaṃ proktamāgamācārasambhavam|
śabdabrahmamayaṃ taddhi jñānamārgeṇa paśyati||1-150||

paṭhitvā sarvaśāstrāṇi svakarmagāyanāni ca|
kṛśe vivekamālambya nityaṃ jñānī ca sādhakaḥ||1-151||

vivekasaṃbhavaṃ jñānaṃ śivajñānaprakāśakam|
locanadvayahīnañca bāhyabhāvavivajītam||1-152||

lokānāṃ parinirmuktaṃ kālākālaviloḍanam|
nityajñānaṃ paraṃ jñānaṃ taṃ viddhi prāṇagocaram||1-153||

mānuṣaṃ saphalaṃ janma sarvaśāstreṣu gocaram|
caturaśītilakṣeṣu śarīreṣu śarīriṇām||1-154||

na mānuṣyaṃ vinānyatra tattvajñānaṃ tu vidyate|
kadācillabhyate janma mānuṣyaṃ puṇyasañcayāt||1-155||

sopānībhūtamokṣasya mānuṣyaṃ janma durlabham|
mānuṣeṣu ca śaṃsanti siddhayaḥ syuḥ pradhānikāḥ||1-156||

aṇimādiguṇopetāstasmād devo narottamaḥ|
vinā dehena kasyāpi puruṣārtho na labhyate||1-157||

tasmāccharīraṃ saṃrakṣya nityaṃ jñānaṃ prasādhaya|
mānuṣaṃ jñānanikaraṃ jñānātmānaṃ paraṃ viduḥ||1-158||

munayo maunaśīlāśca munitantrādigocaram|
mānuṣaḥ sarvagāmī ca nityasthānanirākulaḥ||1-159||

(mitra)mantrajāpaṃ yogajāpaṃ kṛtvā pāpanivāraṇam|
paraṃ mokṣamavāpnoti mānuṣo nātra saṃśayaḥ||1-160||

mayoktāni ca tantrāṇi madbhaktā ye paṭhanti ca|
paṭhitvā kurute karma kṛtvā matsannidhiṃ vrajet||1-161||

maduktāni ca śāstrāṇi na jñātvā sādhako yadi|
anyaśāstrāṇi sambodhya koṭivarṣeṇa siddhyati||1-162||

śuktau rajatavibhrāntiryathā bhavati bhairava|
tathānyadarśanebhyaśca bhuktiṃ muktiñca kāṅkṣati||1-163||

yatra bhogastatra mokṣo dvayaṃ kutra na siddhyati|
mama śrīpādukāmbhoje sevako mokṣabhogagaḥ||1-164||

bāhyadraṣṭā pragṛhṇāti ākāśasthitatejasam|
brahmāṇḍajñānadraṣṭā ca deśāṇḍasthaṃ prapaśyati||1-165||

ghaṭapratyakṣasamaye āloko vyañjako yathā|
binā ghaṭattvayogena na pratyakṣo yathā ghaṭaḥ||1-166||

itarād bhidyamāno'pi na bhedamupagacchati|
puruṣe naiva bhedo'sti vinā śaktiṃ kathañcana||1-167||

śaktihīno yathā dehī nirbalo yogavivajītaḥ|
jñānahīnastathātmānaṃ na paśyati padadvayam||1-168||

svabhāvaṃ nādhigacchanti saṃsārajñānamohitāḥ|
abhipaśyati saśloko yadbhāvaṃ paribhāvyate||1-169||

īśvarasyāpi dūtasya yamarājasya bandhanam|
nidhanaṃ cānugacchanti dṛṣṭvā ca tanujaṃ dhanam||1-170||

loko mohasurāṃ pīttvā na vetti hitamātmanaḥ|
sampadaḥ svapnameva syād yauvanaṃ kusumopamam||1-171||

taḍiccapalamāyuṣyaṃ kasyāpyajñānato dhṛtiḥ|
śataṃ jīvati martyaśca nidrā syādardhahāriṇī||1-172||

ardhaṃ harati kāminyāḥ śaktibuddhipratāpinī|
asadvṛttiśca mūḍhānāṃ hantyāyuṣamahanīśam||1-173||

bālyarogajarāduḥkhaiḥ sarvaṃ tadapi niṣphalam|
strīputrapitṛmātrādisambandhaḥ kena hetunā||1-174||

duḥkhamūlo hi saṃsāraḥ sa yasyāsti sa duḥkhitaḥ|
asya tyāgaḥ kṛto yena sa sukhī nātra saṃśayaḥ||1-175||

sukhaduḥkhaparityāgī karmaṇā kiṃ na labhyate|
lokācārabhayārthaṃ hi yaḥ karoti kriyāvidhim||1-176||

brahmajñātāhamakhile ye japanti nirādarāḥ|
sāṃsārikasukhāsaktaṃ brahmajñosmīti vādinam||1-177||

tyajet taṃ satataṃ dhīraścāṇḍālamiva dūrataḥ|
gṛhāraṇyasamāloke gatavrīḍā digambarāḥ||1-178||

caranti gardabhādyāśca vratinaste bhavanti kim|
tṛṇaparṇodakāhārāḥ satataṃ vanavāsinaḥ||1-179||

hariṇādimṛgāścaiva tāpasāste bhavanti kim|
śītavātātapasahā bhakṣyābhakṣyasamā api||1-180||

caranti śūkarādyāśca vratinaste bhavanti kim|
ākāśe pakṣiṇaḥ sarve bhūtapretādayo'pi ca||1-181||

caranti rātrigāḥ sarve khecarāḥ kiṃ maheśvarāḥ|
ājanmamaraṇāntañca gaṅgāditaṭanīsthitāḥ||1-182||

maṇḍūkamatsyapramukhā vratinaste bhavanti kim|
etajjñānaniviṣṭāṅgāḥ yadi gacchanti paṇḍitāḥ||1-183||

tathāpi karmadoṣeṇa narakasthā bhavanti hi|
kauṭilyālasasaṃsargavajītā ye bhavanti hi||1-184||

prāpnuvanti mama sthānaṃ mama bhaktiparāyaṇāḥ|
ūdrdhvaṃ vrajanti bhūtāni śarīramativāhikam||1-185||

nijadehābhiśāpena nānārūpo bhavennaraḥ|
śarīrajaiḥ karmadoṣairyāti sthāvaratāṃ naraḥ||1-186||

iha duścaritaiḥ kecit kecit pūrvakṛtaistathā|
prāpnuvanti durātmāno narā rūpaviparyayam||1-187||

gurupādavihīnā ye te naśyanti mamājñayā|
gururmūlaṃ hi mantrāṇāṃ gururmūlaṃ parantapaḥ||1-188||

guroḥ prasādamātreṇa siddhireva na saṃśayaḥ|
ahaṃ gururahaṃ devo mantrārtho'smi na saṃśayaḥ||1-189||

bhedakā narakaṃ yānti nānāśāstrārthavajītāḥ|
sarvāsāmeva vidyānāṃ dīkṣā mūlaṃ yathā prabho||1-190||

gurumūlasvatantrasya gururātmā na saṃśayaḥ|
ātmaiva hyātmano bandhurātmaiva ripurātmanaḥ||1-191||

ātmanā kriyate karma bhāvasiddhistadā bhavet|
hīnāṅgī kapaṭī rogī bahvāśī śīlavajītaḥ||1-192||

mayyupāsanamāsthāya upavidyāṃ sadābhyaset|
dhanaṃ dhānyaṃ sutaṃ vittaṃ rājyaṃ brāhmaṇabhojanam||1-193||

śubhārthaṃ samprayoktavyaṃ nānyacintā vṛthāphalam|
nityaśrāddharato martyo dharmaśīlo narottamaḥ||1-194||

mahīpālaḥ priyācāraḥ pīṭhabhramaṇatatparaḥ|
pīṭhe pīṭhe mahāvidyādarśanaṃ yadi labhyate||1-195||

tadā tasya kare sarvāḥ siddhayo'vyaktamaṇḍalāḥ|
akasmājjāyate siddhirmahāmāyāprasādataḥ||1-196||

mahāvīro mahādhīro divyabhāvasthito'pi vā|
athavā paśubhāvastho mantrapīṭhaṃ vivāsayet||1-197||

kriyāyāḥ phaladaṃ proktaṃ bhāvatrayamanoramam|
tathā ca yugabhāvena divyavīreṇa bhairava||1-198||

prapaśyanti mahāvīrāḥ paśavo hīnajātayaḥ|
na paśyanti kaliyuge śāstrābhibhūtacetasaḥ||1-199||

api varṣasahasreṇa śāstrāntaṃ naiva gacchati|
tarkādyanekaśāstrāṇi alpāyuvīghnakoṭayaḥ||1-200||

tasmāt sāraṃ vijānīyāt kṣīraṃ haṃsa ivāmbhasi|
kalau ca divyavīrābhyāṃ nityaṃ tadgatacetasaḥ||1-201||

mahābhaktāḥ prapaśyanti mahāvidyāparaṃ padam|
sādhavo maunaśīlāśca sadā sādhanatatparāḥ||1-202||

divyavīrasvabhāvena paśyanti matpadāmbujam|
bhāvadvayaṃ brāhmaṇānāṃ mahāsatphalakāṅkṣiṇām||1-203||

athavā cāvadhūtānāṃ bhāvadvayamudāhṛtam|
bhāvadvayaprabhāveṇa mahāyogī bhavennaraḥ||1-204||

mūrkho'pi vākpatiḥ śreṣṭho bhāvadvayaprasādataḥ|
ye jānanti mahādeva mama tantrārthasādhanam||1-205||

bhāvadvayaṃ hi varṇānāṃ te rudrā nātra saṃśayaḥ|
bhāvuko bhaktiyogendraḥ sarvabhāvajñasādhanaḥ||1-206||

unmattajaḍavannityaṃ nijatantrārthapāragaḥ|
vṛkṣo vahati puṣpāṇi gandhaṃ jānāti nāsikā||1-207||

paṭhanti sarvaśāstrāṇi durlabhā bhāvabodhakāḥ|
prrajñāhīnasya paṭhanamandhasyādarśadarśanam||1-208||

prajñāvato dharmaśāstraṃ bandhanāyopakalpate|
tattvamīdṛgiti bhavediti śāstrārthaniścayaḥ||1-209||

ahaṃ kartā'hamātmā ca sarvavyāpī nirākulaḥ|
manaseti svabhāvañca cintayatyapi vākpatiḥ||1-210||

saudāminītejaso vā sahasravarṣakaṃ yadā|
prapaśyati mahājñānī ekacandraṃ sahasrakam||1-211||

koṭivarṣaśatenāpi yatphalaṃ labhate naraḥ|
ekakṣaṇamaṅghirarajo dhyātvā tatphalamaśnute||1-212||

vicaredyadi sarvatra kevalānandavardhanam|
kāmarūpaṃ mahāpīṭhaṃ trikoṇādhārataijasam||1-213||

jalabudbudśabdāntamanantamaṅgalātmakam|
sa bhavenmama dāsendro gaṇeśaguhavatpriyaḥ||1-214||

kaṃkālākhyā--sāṭṭahāsā--vikaṭākṣopapīṭhakam|
vicaret sādhakaśreṣṭho matpādābjaṃ yadīcchati||1-215||

jvālāmukhīmahāpīṭhaṃ mama priyamatarkavit|
yo bhramenmama tuṣṭyarthaṃ sa yogī bhavati dhruvam||1-216||

bhāvadvayādinikaraṃ jvālāmukhyādipīṭhakam|
bhramanti ye sādhakendrāste siddhā nātra saṃśayaḥ||1-217||

bhāvāt parataraṃ nāsti trailokyasiddhimicchatām|
bhāvo hi paramaṃ jñānaṃ brahmajñānamanuttamam||1-218||

koṭikanyāpradānena vārāṇasyāṃ śatāṭanaiḥ|
kiṃ kurukṣetragamane yadi bhāvo na labhyate||1-219||

gayāyāṃ śrāddhadānena nānāpīṭhāṭanena kim|
nānāhomaiḥ kriyābhiḥ kiṃ yadi bhāvo na labhyate||1-220||

bhāvena jñānamutpannaṃ jñānānmokṣamavāpnuyāt|
ātmano manasā devyāgurorīśvaramucyate||1-221||

dhyānaṃ saṃyojanaṃ proktaṃ mokṣamātmamanolayam|
guroḥ prasādamātreṇa śaktitoṣo mahān bhavet||1-222||

śaktisantoṣamātreṇa mokṣamāpnoti sādhakaḥ|
gurumūlaṃ jagatsarvaṃ gurumūlaṃ parantapaḥ||1-223||

guroḥ prasādamātreṇa mokṣamāpnoti sadvaśī|
na laṅghayed gurorājñāmuttaraṃ na vadet tathā||1-224||

divārātrau gurorājñāṃ dāsavat paripālayet|
uktānukteṣu kāryeṣu nopekṣāṃ kārayed budhaḥ||1-225||

gacchataḥ prayato gacched gurorājñāṃ na laṅghayet|
na śṛṇoti gurorvākyaṃ śṛṇuyād vā parāṅmukhaḥ||1-226||

ahitaṃ vā hitaṃ vāpi rauravaṃ narakaṃ vrajet|
ājñābhaṅgaṃ gurordaivād yaḥ karoti vibuddhimān||1-227||

prayāti narakaṃ ghoraṃ śūkaratvamavāpnuyāt|
ājñābhaṅgaṃ tathā nindāṃ gurorapriyavartanam||1-228||

gurudrohañca yaḥ kuryāt tatsaṃsargaṃ na kārayet|
gurudravyābhilāṣī ca gurustrīgamanāni ca||1-229||

pātakañca bhavet tasya prāyaścittaṃ na kārayet|
guruṃ duṣkṛtya ripuvannirharet parivādataḥ||1-230||

araṇye nirjane deśe sa bhaved brahmarākṣasaḥ|
pādukām āsanaṃ vastraṃ śayanaṃ bhūṣaṇāni ca||1-231||

dṛṣṭvā guruṃ namaskṛtya ātmabhogaṃ na kārayet|
sadā ca pādukāmantraṃ jihvāgre yasya vartate||1-232||

anāyāsena dharmārthakāmamokṣaṃ labhennaraḥ|
śrīguroścaraṇāmbhojaṃ dhyāyeccaiva sadaiva tam||1-233||

bhaktaye muktaye vīraṃ nānyabhaktaṃ tato'dhikam|
ekagrāme sthitaḥ śiṣyo gatvā tatsannidhiṃ sadā||1-234||

ekadeśe sthitaḥ śiṣyo gatvā tatsannidhiṃ sadā|
saptayojanavistīrṇaṃ māsaikaṃ praṇamed gurum||1-235||

śrīguroścaraṇāmbhojaṃ yasyāṃ diśi virājate|
tasyāṃ diśi namaskuryāt kāyena manasā dhiyā||1-236||

vidyāṅgamāsanaṃ mantraṃ mudrāṃ tantrādikaṃ prabho|
sarvaṃ gurumukhāllabdhvā saphalaṃ nānyathā bhavet||1-237||

kambale komale vāpi prāsāde saṃsthite tathā|
dīrghakāṣṭhe'thavā pṛṣṭhe guruñcaikāsanaṃ tyajet||1-238||

śrīguroḥ pādukāmantraṃ mūlamantraṃ svapādukām|
śiṣyāya naiva deveśa pravaded yasya kasyacit||1-239||

yad yadātmahitaṃ vastu taddravyaṃ naiva vañcayet|
gurorlabdhvā ekavarṇaṃ tasya tasyāpi suvrata||1-240||

bhakṣyaṃ vittānusāreṇa gurumuddaśya yatkṛtam|
svalpairapi mahattulyaṃ bhuvanādyaṃ daridratām||1-241||

sarvasvamapi yo dadyād gurubhaktivivajītaḥ|
narakāntamavāpnoti bhaktireva hi kāraṇam||1-242||

gurubhaktyā ca śakratvamabhaktyā śūkaro bhavet|
gurubhaktaḥ paraṃ nāsti bhaktiśāstreṣu sarvataḥ||1-243||

gurupūjāṃ vinā nātha koṭipuṇyaṃ vṛthā bhavet||1-244||

iti śrīrudrayāmale uttaratantre mahātantroddīpane sarvavidyānuṣṭhāne siddhimantraprakaraṇe bhairavībhairavasaṃvāde prathamaḥ paṭalaḥ||1||

Kapitel 2

atha dvitīyaḥ paṭalaḥ

athātaḥ sampravakṣyāmi sarvadarśanavidyayā|
sarvajña paramānando dayābīja bhayaṅkara||2-1||

śṛṇuṣvaikamanāḥ śambho kulācāravidhiṃ śṛṇu|
paśūnāṃ vratabhaṅgādau vidhiṃ prathamataḥ prabho||2-2||

vratabhaṅge nityabhaṅge nityapūjādikarmaṇi|
sahasraṃ prajapenmantrī vratadoṣopaśāntaye||2-3||

nityaśrāddhaṃ tathā sandhyāvandanaṃ pitṛtarpaṇam|
devatādarśanaṃ pīṭhadarśanaṃ tīrthadarśanam||2-4||

gurorājñāpālanañca devatānityapūjanam|
paśubhāvasthito martyo mahāsiddhiṃ labhed dhruvam||2-5||

paśūnāṃ prathamo bhāvo vīrasya vīrabhāvanam|
divyānāṃ divyabhāvastu teṣāṃ bhāvāstrayaḥ smṛtāḥ||2-6||

svakulācārahīno yaḥ sādhakaḥ sthiramānasaḥ|
niṣphalārthī bhavet kṣipraṃ kulācāraprabhāvataḥ||2-7||

bhairava uvāca

kenopāyena bhagavatīcaraṇāmbhojadarśanam|
prāpnoti padmavadane paśubhāvasthito naraḥ||2-8||

tatprakāraṃ suvistārya kathyatāṃ kulakāmini|
yadi bhaktirdṛḍhā me'sti yadi sneho'sti māṃ prati||2-9||

mahābhairavī uvāca

prabhāte ca samutthāya aruṇodayakālataḥ|
niśāṣṭadaṇḍaparyantaṃ paśūnāṃ bhāva īritaḥ||2-10||

prātaḥ śayyādikaṃ kṛtvā punaḥ śayyāsthitaḥ paśuḥ|
guruṃ sañcintayecchīrṣāmbhoje sāhasrake dale||2-11||

taruṇādityasaṅkāśaṃ tejobimbaṃ mahāgurum|
anantānantamahimāsāgaraṃ śaśiśekharam||2-12||

mahāśubhraṃ bhāsurāṅgaṃ dvinetraṃ dvibhujaṃ vibhum|
ātmopalabdhivīṣamaṃ tejasā śuklavāsasam||2-13||

ājñācakrodrdhvanikaraṃ kāraṇaṃ jagatāṃ mukham|
dharmārthakāmamokṣāṅgaṃ varābhayakaraṃ vibhum||2-14||

praphullakamalārūḍhaṃ sarvajñaṃ jagadīśvaram|
antaḥprakāśacapalaṃ vanamālāvibhūṣitam||2-15||

ratnālaṅkārabhūṣāḍhyaṃ devadevaṃ sadā bhajet|
antaryāgakrameṇaiva padmapuṣpaiḥ samarcayet||2-16||

ekāntabhaktyā praṇamedāyurārogyavṛddhaye|
atha madhye japenmantramādyantapraṇavena ca||2-17||

madhye vāgbhavamāyojya gurunāma tataḥ param|
ānandanāthaśabdānte guruṃ ṅe'ntaṃ samuddharet||2-18||

namaḥ śabdaṃ tato brūyāt praṇavaṃ sarvasiddhidam|
mahāgurormanuṃ japtvā sarvasiddhīśvaro bhavet||2-19||

vāksiddhirvadanāmbhoje gurumantraprabhāvataḥ|
śatamaṣṭottaraṃ nityaṃ sahasraṃ vā tathāṣṭakam||2-20||

prajapyārpaṇamākṛtya prāṇāyāmatrayañcaret|
vāgbhavena tataḥ kuryāt prāṇāyāmavidhiṃ mudā||2-21||

akhaṇḍamaṇḍalākāraṃ vyāptaṃ yena carācaram|
tatpadaṃ daśītaṃ yena tasmai śrīgurave namaḥ||2-22||

ajñānatimirāndhasya jñānāñjanaśalākayā|
cakṣurunmīlitaṃ yena tasmai śrīgurave namaḥ||2-23||

devatāyāḥ darśanasya kāraṇaṃ karuṇānidhim|
sarvasiddhipradātāraṃ śrīguruṃ praṇamāmyaham||2-24||

varābhayakaraṃ nityaṃ śvetapadmanivāsinam|
mahābhayanihantāraṃ gurudevaṃ namāmyaham||2-25||

mahājñānācchāpitāṅgaṃ narākāraṃ varapradam|
caturvargapradātāraṃ sthūlasūkṣmadvayānvitam||2-26||

sadānandamayaṃ devaṃ nityānandaṃ nirañjanam|
śuddhasattvamayaṃ sarvaṃ nityakālaṃ kuleśvaram||2-27||

brahmarandhre mahāpadme tejobimbe nirākule|
yogibhirdhyānagamye ca cakre śukle virājite||2-28||

sahasradalasaṅkāśe kaṇīkāmadhyamadhyake|
mahāśuklabhāsurārkakoṭikoṭimahaujasam||2-29||

sarvapīṭhasthamamalaṃ paraṃ haṃsaṃ parātparam|
vedoddhārakaraṃ nityaṃ kāmyakarmaphalapradam||2-30||

sadā manaḥśaktimāyālayasthānaṃ padadvayam|
śarajjyotsnājālamālābhirindukoṭivanmukham||2-31||

vāñchātiriktadātāraṃ sarvasiddhīśvaraṃ gurum|
bhajāmi tanmayo bhūttvā taṃ haṃsamaṇḍalopari||2-32||

ātmānaṃ ca nirākāraṃ sākāraṃ brahmarūpiṇam|
mahāvidyāmahāmantradātāraṃ parameśvaram||2-33||

sarvasiddhipradātāraṃ gurudevaṃ namāmyaham|
kāyena manasā vācā ye namanti nirantaram||2-34||

avaśyaṃ śrīguroḥ pādāmbhoruhe te vasanti hi|
prabhāte koṭipuṇyañca prāpnoti sādhakottamaḥ||2-35||

madhyāhne daśalakṣañca sāyāhne koṭipuṇyadam|
prātaḥkāle paṭhet stotraṃ dhyānaṃ vā susamāhitaḥ||2-36||

tadā siddhimavāpnoti nātra kāryā vicāraṇā||2-37||

śirasi sitapaṅkaje taruṇakoṭicandraprabha|
varābhayakarāmbujaṃ sakaladevatārūpiṇam|
bhajāmi varadaṃ guruṃ kiraṇacāruśobhākula|
prakāśitapadadvayāmbujamalaktakoṭiprabham||2-38||

jagadbhayanivāraṇaṃ bhuvanabhogamokṣapradam|
guroḥ pādayugāmbujaṃ jayati yatra yoge jayam|
bhajāmi paramaṃ guruṃ nayanapadmamadhyasthita|
bhavābdhibhayanāśanaṃ śamanarogakāyakṣayam||2-39||

prakāśitasupaṅkaje mṛdulaṣoḍaśākhye prabhu|
parāparaguruṃ bhaje sakalabāhyabhogapradam|
viśālanayanāmbujadvayataḍitprabhāmaṇḍala|
kaḍāramaṇipāṭalendubindubindukam||2-40||

calācalakalevaraṃ pracapaladale dvādaśe|
mahaujasamumāpatevīgatadakṣabhāge hṛdi|
prabhākaraśatojjvalaṃ suvimalendukoṭyānana|
bhajāmi parameṣṭhinaṃ gurumatīva vārojjvalam||2-41||

gurvādyañca śubhaṃ madananidahanaṃ hemamañjarīsāra|
nānāśabdādbhutāhlāditaparijanāccārucakratribhaṅgam|
nityaṃ dhyāyet prabhāte aruṇaśataghaṭāśobhanaṃ yogagamya|
nābhau padme'tikānte daśadalamaṇibhe bhāvyate yogibhiryat||2-42||

yā mātā mayadānavādisvabhujā nirvāṇasīmāpure|
svādhiṣṭhānaniketane rasadale vaikuṇṭhamūle mayā|
janmoddhāravikārasuprahariṇī vedaprabhā bhāvyate|
kandarpāpītaśāntiyonijananī viṣṇupriyā śāṅkarī||2-43||

yā bhāṣānanakuṇḍalī kulapathācchāmābhaśobhākarī|
mūle padmacaturdale kulavatī niḥśvāsadeśāśritā|
sākṣātkāṅkṣitakalpavṛkṣalatikā sūdbhāṣayantī priyā|
nityā yogibhayāpahā viṣaharā gurvambikā bhāvyate||2-44||

ūdrdhvāmbhoruhaniḥsṛtāmṛtaghaṭī mododvalāplāvitā|
gurvāsyā paripātu sūkṣmapathagā tejomayī bhāsvatī|
sūkṣmā sādhanagocarāmṛtamayī mūlādiśīrṣāmbuje|
pūrṇā cetasi bhāvyate bhuvi kadā mātā sadoddhrvāmagā||2-45||

sthitipālanayogena dhyānena pūjanena vā|
yaḥ paṭhet pratyahaṃ vyāpya sa devo na tu mānuṣaḥ||2-46||

kalyāṇaṃ dhanadhānyaṃ ca kītīmāyuryaśaḥśriyam|
sāyāhne ca prabhāte ca paṭhedyadi subuddhimān||2-47||

sa bhavet sādhakaśreṣṭhaḥ kalpadrumakalevaraḥ|
stavasyāsya prasādena vāgīśatvamavāpnuyāt||2-48||

paśubhāvasthitā ye tu te'pi siddhāḥ na saṃśayaḥ|
ādau sādhakadevaśca sadācāramatiḥ sadā||2-49||

paśubhāvastato vīraḥ sāyāhne divyabhāvavān|
eteṣāṃ bhāvavargāṇāṃ gururvedāntapāragaḥ||2-50||

śānto dāntaḥ kulīnaśca vinītaḥ śuddhaveṣavān|
śuddhācāraḥ supratiṣṭhaḥ śucirdakṣaḥ subuddhimān||2-51||

āśramī dhyānaniṣṭhaśca mantratantraviśāradaḥ|
nigrahānugrahe śakto vaśī mantrārthajāpakaḥ||2-52||

nirogī nirahaṅkāro vikārarahito mahān|
paṇḍito vākpatiḥ śrīmān sadā yajñavidhānakṛt||2-53||

puraścaraṇakṛt siddho hitāhitavivajītaḥ|
sarvalakṣaṇasaṃyukto mahājanagaṇādṛtaḥ||2-54||

prāṇāyāmādisiddhānto jñānī maunī virāgavān|
tapasvī satyavādī ca sadā dhyānaparāyaṇaḥ||2-55||

āgamārthaviśiṣṭajño nijadharmaparāyaṇaḥ|
avyaktaliṅgacihnastho bhāvako bhadradānavān||2-56||

lakṣmīvān dhṛtimānnātho gururityabhidhīyate|
śiṣyastu tādṛśo bhūttvā sadguruṃ paryupāśrayet||2-57||

varjayecca parānandarahitaṃ rūpavajītam|
kuṣṭhinaṃ krūrakarmāṇaṃ ninditaṃ rogiṇaṃ gurum||2-58||

aṣṭaprakārakuṣṭhena galatkuṣṭhinameva ca|
śvitriṇaṃ janahiṃsārthaṃ sadārthagrāhiṇaṃ tathā||2-59||

svarṇavikrayiṇaṃ cauraṃ buddhihīnaṃ sukharvakam|
śyāvadantaṃ kulācārarahitaṃ śāntivajītam||2-60||

sakalaṅkaṃ netrarogaiḥ pīḍitaṃ paradāragam|
asaṃskāraṃ pravaktāraṃ strījitaṃ cādhikāṅgakam||2-61||

kapaṭātmānakaṃ hiṃsāviśiṣṭaṃ bahujalpakam|
bahvāśinaṃ hi kṛpaṇaṃ mithyāvādinameva ca||2-62||

aśāntaṃ bhāvahīnaṃ ca pañcācāravivajītam|
doṣajālaiḥ pūritāṅgaṃ pūjayenna guruṃ binā||2-63||

gurau mānuṣabuddhiṃ tu mantreṣu lipibhāvanam|
pratimāsu śilārūpaṃ vibhāvya narakaṃ vrajet||2-64||

janmahetū hi pitarau pūjanīyau prayatnataḥ|
guruvīśeṣataḥ pūjyo dharmādharmapradarśakaḥ||2-65||

guruḥ pitā gururmātā gururdevo gururgatiḥ|
śive ruṣṭe gurustrātā gurau ruṣṭe na kaścana||2-66||

gurohītaṃ prakartavyaṃ vāṅmanaḥkāyakarmabhiḥ|
ahitācaraṇād deva viṣṭhāyāṃ jāyate kṛmiḥ||2-67||

mantratyāgād bhavenmṛtyurgurutyāgād daridratā|
gurumantraparityāgād rauravaṃ narakaṃ vrajet||2-68||

gurau sannihite yastu pūjayedanyadevatām|
prayāti narakaṃ ghoraṃ sā pūjā viphalā bhavet||2-69||

guruvad guruputreṣu guruvat tatsutādiṣu|
avidyo vā savidyo vā gurureva tu daivatam||2-70||

amārgastho'pi mārgastho gurureva tu daivatam|
utpādakabrahmadātrorgarīyān brahmado guruḥ||2-71||

tasmānmanyeta satataṃ piturapyadhikaṃ gurum|
gurudevādhīnaścāsmi śāstre mantre kulākule||2-72||

nādhikārī bhavennātha śrīguroḥ padabhāvakaḥ|
gururmātā pitā svāmī bāndhavaḥ suhṛt śivaḥ||2-73||

ityādhāya mano nityaṃ bhajet sarvātmanā gurum|
ekameva paraṃ brahma sthūlaśuklamaṇiprabham||2-74||

sarvakarmaniyantāraṃ gurumātmānamāśrayet|
guruśca sarvabhāvānāṃ bhāvamekaṃ na saṃśayaḥ||2-75||

niḥsandigdhaṃ gurorvākyaṃ saṃśayātmā vinaśyati
niḥsaṃśayī gurupade sarvatyāgī padaṃ vrajet||2-76||

khecaratvamavāpnoti māsādeva na saṃśayaḥ|
sadgurumāśritaṃ śiṣyaṃ varṣamekaṃ pratīkṣayet||2-77||

saguṇaṃ nirguṇaṃ vāpi jñātvā mantraṃ pradāpayet|
śiṣyasya lakṣaṇaṃ sarvaṃ śubhāśubhavivecanam||2-78||

anyathā vipradoṣeṇa siddhipūjāphalaṃ dahet|
kāmukaṃ kuṭilaṃ lokaninditaṃ satyavajītam||2-79||

avinītamasamarthaṃ prajñāhīnaṃ ripupriyam|
sadāpāpakriyāyuktaṃ vidyāśūnyaṃ jaḍātmakam||2-80||

kalidoṣasamūhāṅgaṃ vedakriyāvivajītam|
āśramācārahīnaṃ cāśuddhāntaḥkaraṇodyatam||2-81||

sadā śraddhāvirahitamadhairyaṃ krodhinaṃ bhramam|
asaccaritraṃ viguṇaṃ paradārāturaṃ sadā||2-82||

asadbuddhisamūhotthamabhaktaṃ dvaitacetasam|
nānānindāvṛtāṅgaṃ ca taṃ śiṣyaṃ varjayed guruḥ||2-83||

yadi na tyajyate vīra dhanādidānahetunā|
nārakī śiṣyavat pāpī tadviśiṣṭamavāpnuyāt||2-84||

kṣaṇādasiddhaḥ sa bhavet śiṣyāsāditapātakaiḥ|
akasmānnarakaṃ prāpya kāryanāśāya kevalam||2-85||

vicārya yatnāt vidhivat śiṣyasaṃgrahamācaret|
anyathā śiṣyadoṣeṇa narakastho bhaved guruḥ||2-86||

na patnīṃ dīkṣayed bhartā na pitā dīkṣayet sutām|
na putraṃ ca tathā bhrātā bhrātaraṃ naiva dīkṣayet||2-87||

siddhamantro yadi patistadā patnīṃ sa dīkṣayet|
śaktittvena bhairavastu na ca sā putrikā bhavet|
mantrāṇāṃ devatā jñeyā devatā gururūpiṇī||2-88||

teṣāṃ bhedo na kartavyo yadīcchecchubhamātmanaḥ|
ekagrāme sthitaḥ śiṣyastrisandhyaṃ praṇamed gurum||2-89||

krośamātrasthito bhaktyā guruṃ pratidinaṃ namet|
ardhayojanataḥ śiṣyaḥ praṇamet pañcaparvasu||2-90||

ekayojanamārabhya yojanadvādaśāvadhiḥ|
dūradeśasthitaḥ śiṣyo bhaktyā tatsannidhiṃ gataḥ||2-91||

tantrayojanasaṃkhyoktamāsena praṇamed gurum|
varṣaikeṇa bhaved yogyo vipro hi gurubhāvataḥ||2-92||

varṣadvayena rājanyo vaiśyastu vatsaraistribhiḥ|
catubhirvatsaraiḥ śūdraḥ kathitā śiṣyayogyatā||2-93||

yadi bhāgyavaśenaiva siddhamantraṃ labhet prabho|
mahāvidyā triśaktyāśca gṛhṇīyāt tatkulāddhruvam||2-94||

gurovīcāraṃ sarvatra tātamātāmahaṃ vinā|
pramādācca tathājñānān ebhyo mantraṃ samācaran||2-95||

prāyaścittaṃ tataḥ kṛtvā punardīkṣāṃ samācaret|
sāvitrīmantrajāpañca lakṣyaṃ jāpyaṃ jagatpateḥ||2-96||

viṣṇorvā praṇavaṃ lakṣyaṃ prāyaścittamiti smṛtam|
aśaktaścenmahādeva cāyutaṃ prajapenmanum||2-97||

daśasāhasrajāpyena sarvakalmaṣanāśinī|
gāyatrīcchandasāṃ mātā pāparāśitulānalā||2-98||

mama mūttīprakāśā ca paśubhāvavivajītā|
phalodbhavaprakaraṇe brahmaṇāpadyate niśi||2-99||

yadi bhāgyavaśād deva siddhamantraṃ guruṃ tathā|
tadaiva tāntu dīkṣeta aṣṭaiśvaryāya kevalam||2-100||

nirbījañca piturmantraṃ śaive śākte na duṣyati|
jyeṣṭhaputrāya dātavyaṃ kulīnaiḥ kulapaṇḍitaiḥ||2-101||

kulayuktāya dāntāya mahāmantraṃ kuleśvaram|
tadaiva muktimāpnoti satyaṃ satyaṃ na saṃśayaḥ||2-102||

kaniṣṭhañca ripuṃ cāpi sodaraṃ vairipakṣagam|
mātāmahañca pitaraṃ yatiñca vanavāsinam||2-103||

anāśramaṃ kusaṃsargaṃ svakulatyāginaṃ tathā|
varjayitvā ca śiṣyāṃstān dīkṣāvidhimupācaret||2-104||

anyathā tadvirodhena kāmanābhoganāśanam|
siddhamantrañca gṛhṇīyād duṣkulādapi bhairava||2-105||

sadgurorbhāvanecchannarūpe rūpe dhare śubhe|
tatra dīkṣāṃ samākurvan aṣṭaiśvaryajayaṃ labhet||2-106||

svapne tu niyamo nāsti dīkṣāsu guruśiṣyayoḥ|
svapnalabdhe striyā datte saṃskāreṇaiva śuddhyati||2-107||

sādhvī caiva sadācārā gurubhaktā jitendriyā|
sarvamantrārtha tattvajñā suśīlā pūjane ratā||2-108||

sarvalakṣaṇasampannā jāpikā padmalocanā|
ratnālaṅkārasaṃyuktā varṇābhūvanabhūṣitā||2-109||

śāntā kulīnā kulajā candrāsyā sarvavṛddhigā|
anantaguṇasampannā rudratvadāyinī priyā||2-110||

gururūpā muktidātrī śivajñānanirūpiṇī|
guruyogyā bhavet sā hi vidhavā parivajītā||2-111||

striyā dīkṣā śubhā proktā mantraścāṣṭaguṇā smṛtā|
putriṇī vidhavā grāhyā kevalā ṛṇakāriṇī||2-112||

siddhamantro yadi bhaved gṛhṇīyād vidhavāmukhāt|
kevalaṃ suphalaṃ tatra māturaṣṭaguṇaṃ dhruvam||2-113||

sadhavā svaprakṛtyā ca dadāti yadi tanmanum|
tato'ṣṭaguṇamāpnoti yadi sā putriṇī satī||2-114||

yadi mātā svakaṃ mantraṃ dadāti svasutāya ca|
tadāṣṭasiddhimāpnoti bhaktimārge na saṃśayaḥ||2-115||

tadaiva durlabhaṃ deva yadi mātrā pradīyate|
ādau bhaktiṃ tato muktiṃ samprāpya kālarūpadhṛk||2-116||

sahasrakoṭividyārthaṃ jānāti nātra saṃśayaḥ|
svapne tu mātā yadi vā dadāti śuddhamantrakam||2-117||

punardīkṣāṃ so'pi kṛtvā dānavattvamavāpnuyāt|
yadi bhāgyavaśenaiva jananī dānavatīnī||2-118||

tadā siddhimavāpnoti tatra mantraṃ vicārayet|
svīyamantropadeśena na kuryād gurucintanam||2-119||

tathā śrīlalitā kālī mahāvidyā mahāmanoḥ
sarvasiddhiyuto bhūttvā vatsarāt tāṃ prapaśyati||2-120||

kālīkalpalatā devī mahāvidyādisādhane|
gurucintā na kartavyā ye jānanti gurorvacaḥ||2-121||

yadi mantraṃ vicāryāśu gṛhṇāti sādhakottamaḥ|
anantakoṭipuṇyasya dviguṇaṃ bhavati dhruvam||2-122||

vicārya cakrasārañca mantraṃ gṛhṇāti yo naraḥ|
vaikuṇṭhanagare vāsasteṣāṃ janmaśatairapi||2-123||

iti śrutvā mahādevo mahādevyāḥ sarasvatīm|
uvāca punarānandapulakollāsavigrahaḥ||2-124||

jñātuṃ cakraṃ ṣoḍaśañca cakrahastavarapradam|
atyadbhutaphalopetaṃ dharmārthakāmamokṣadam||2-125||

śrī bhairava uvāca

kathayasva mahādevi kulasadbhāvaprāptaye|
yadi me sukṛpādṛṣṭiḥ vartate snehasāgare||2-126||

tvatprasādād bhairavo'haṃ kālo'haṃ jagadīśvaraḥ|
bhuktimuktipradātā ca yogayogyo digambaraḥ||2-127||

idānīṃ sarvavidyānāṃ dīkṣādyaṃ cakramaṇḍalam|
akālakulahīnañcākaḍamañca kulākulam||2-128||

śrībhairavī uvāca

tārācakraṃ rāśicakraṃ kūrmacakraṃ tathāparam|
śivacakraṃ viṣṇucakraṃ brahmacakraṃ vilakṣaṇam||2-129||

devacakraṃ ṛṇidhani ulkācakraṃ tataḥ param|
vāmācakraṃ catuścakraṃ sūkṣmacakraṃ tato vadet||2-130||

tathā kathahacakrañca kathitaṃ ṣoḍaśaṃ prabho|
etaduttīrṇamantrañca yaṃ gṛhṇanti narottamāḥ||2-131||

teṣāmasādhyaṃ jagati na kimapi vartate dhruvam|
kimanyat kathayāmīha devatādarśanaṃ labhet||2-132||

sarvatragāmī sa bhavet cakrarājaprasādataḥ|
sarvacakravicārañca na jānāti dvijottamaḥ||2-133||

yajjānāti tadvicāryaṃ devatāprītikārakam|
tārāśuddhiṃ vaiṣṇavānāṃ koṣṭhaśuddhiṃ śivasya ca||2-134||

rāśiśuddhiṃ traipurasya gopāle'kaḍamaḥ smṛtaḥ|
akaḍamo vāmane ca gaṇeśe haracakrataḥ||2-135||

koṣṭhacakraṃ varāhasya mahālakṣmyāḥ kulākulam|
nāmādicakre sarveṣāṃ bhūtacakre tathaiva ca||2-136||

traipuraṃ tāracakre ca śuddhaṃ mantraṃ bhajed budhaḥ|
vaiṣṇavaṃ rāśisaṃśuddhaṃ śaivañcākaḍamaṃ smṛtam||2-137||

kālikāyāśca tārāyāḥ haracakraṃ śubhaṃ bhavet|
caṇḍikāyā bhavet koṣṭhe gopāle ṛkṣacakrakam||2-138||

haracakre sarvamantrān ṛṇādhikyena cāśrayet|
ṛṇādhikye śubhaṃ vidyād dhanādhikye ca no vidhiḥ||2-139||

doṣān saṃśodhya gṛhṇīyānmadhyadeśe tu sādhakaḥ|
pitṛmātṛkṛtaṃ nāma tyaktvā śarmādidevakān||2-140||

śrīvarṇañca tato vidyācakreṣu yojayet kramāt|
krameṇa śṛṇu tatsarvaṃ śubhāśubhaphalapradam||2-141||

jāpakānāṃ bhāvukānāṃ śuddhaṃ siddhyati tatkṣaṇāt|
mantramātraṃ prasiddhyeta bhaktānāmiti niścayaḥ||2-142||

kulīnakulajātānāṃ dhyānamārgārthagāminām|
mahāvidyā mahājñānaṃ saṃśuddhamapi sidhyati||2-143||

siddhamantraprakaraṇe yaduktañca maheśvara|
aṣṭasiddhikare tasya sāyujyapadamāpnuyāt||2-144||

cakraṃ ṣoḍaśasārañca sarveṣāṃ mantrasiddhaye||2-145||

vicārya sarvamantrañca yanmayā gaditaṃ hitam|
ādau bālābhairavīṇāmakaḍamānmataṃ mayā||2-146||

kumārīlalitādevyāḥ kurukullādisādhane|
śrīcakraṃ phaladaṃ proktaṃ sarvacakraphalapradam||2-147||

yoginyādisādhane ca tārācakraṃ mahatphalam|
unmattabhairavīvidyādyādisādhananirmale||2-148||

rāśicakraṃ koṭiphalaṃ nānāratnapradaṃ śubham|
pratyaṅgirāsādhane ca ulkāvidyādisādhane||2-149||

śivacakraṃ mahāpuṇyaṃ sarvacakraphalapradam|
kālikācacīkāmantre vimalādyādisādhane||2-150||

sampatpradābhairavīṇāṃ mantragrahaṇakarmaṇi|
viṣṇucakre koṭiśataṃ puṇyaṃ prāpnoti mānavaḥ||2-151||

chinnādiśrīvidyāyāḥ kṛtyādevyāśca sādhane|
nakṣatravidyākāmākhyā brahmāṇyādi susādhane||2-152||

brahmacakraṃ mahāpuṇyaṃ sarvavidyāphalaṃ labhet|
koṭijāpyena yatpuṇyaṃ grahaṇāt tatphalaṃ labhet||2-153||

vajrajvālāmahāvidyāsādhane mantrajāpane|
guhyakālīsādhane ca kubjikāmantrasādhane||2-154||

devacakraṃ śubhaṃ proktaṃ vākyasiddhipradāyakam|
kāmeśvarīaṭṭahāsāmantrasādhanakarmaṇi||2-155||

rākiṇīmandirādevī mandirāmantrasādhane|
ṛṇidhanimahācakraṃ vicārya sarvasiddhidam||2-156||

śrīvidyābhuvaneśānībhairavīsādhane tathā|
pṛthvīkulāvatīvīṇāsādhane vāmanīmanoḥ||2-157||

ulkācakraṃ mahāpuṇyaṃ rājatvaphaladaṃ śubham|
śivādināyikāmantre bālācakraṃ sukhapradam||2-158||

phetkārīmantrajāpye ca uḍḍīyāneśvarī manoḥ|
catuścakraṃ śataphalaṃ mahāmantraphalapradam||2-159||

drāviṇīdīrghajaṅghādi jvālāmukhyādisādhane|
nārasiṃhīsādhane ca sūkṣmacakraṃ phalodbhavam||2-160||

hariṇī mohinī kātyāyanīsādhanakarmaṇi|
vaiṣṇave ca tathā śaive devīmantre ca bhairava||2-161||

akathahaṃ mahācakraṃ vicārya yatnapūrvakam|
yo gṛhṇāti mahāmantraṃ sa śivo nātra saṃśayaḥ||2-162||

iti śrīrudrayāmale uttaratantre mahāyantroddīpane sarvacakrānuṣṭhāne mahāguruprakaraṇe bhāvanirṇaye bhairavībhairavasaṃvāde dvitīyaḥ paṭalaḥ||2||

Kapitel 3

atha tṛtīyaḥ paṭalaḥ

bhairavī uvāca

atha cakraṃ pravakṣyāmi kālākālavicārakam|
yadāśrito mahāvīro dīvyo vā paśubhāvavān||3-1||

cakrarājaṃ pravicārya siddhamantraṃ na cālayet|
prabalasya pracaṇḍasya prāsādasya mahāmanoḥ||3-2||

śaktikūṭādimantrāṇāṃ siddhādīnnaiva śodhayet|
varāhārkanṛsiṃhasya tathā pañcākṣarasya ca||3-3||

mahāmantrasya kālasya candracūḍasya sanmanoḥ|
napuṃsakasya mantrasya siddhādīnnaiva śodhayet||3-4||

viṃśatyarṇādhikā mantrā mālāmantrāḥ prakītītāḥ|
sūryamantrasya yogasya kṛtyāmantrasya śaṅkara||3-5||

śaṃbhubījasya devasya siddhādīnnaiva śodhayet|
cakreśvarasya candrasya varuṇasya mahāmanoḥ||3-6||

kālītārādimantrasya siddhādīnnaiva śodhayet|
tathāpi śodhayenmantraṃ praśaṃsāparameva tat||3-7||

yatra praśaṃsāparamaṃ tatkāryaṃ daivataṃ smṛtam|
praśaṃsā yatra nāstyeva tatkāryaṃ nāpi kārayet||3-8||

atyantaphaladaṃ mantraṃ gṛhṇīyāt kularakṣaṇāt|
dhanimantraṃ na gṛhṇīyād akūlañca tathaiva ca||3-9||

gṛhītvā nidhanaṃ yāti koṭijāpyena siddhyati|
mananaṃ viśvavijñānaṃ trāṇaṃ saṃsārabandhanāt||3-10||

yataḥ karoti saṃsiddhau mantra ityabhidhīyate|
praṇavādyaṃ na dātavyaṃ mantraṃ śūdrāya sarvathā||3-11||

ātmamantraṃ gurormantraṃ mantraṃ cānapasaṃjñakam|
piturmantraṃ tathā māturmantrasiddhipradaṃ śubham||3-12||

śūdro nirayamāpnoti brāhmaṇo yātyadhogatim|
adīkṣitā ye kurvanti japapūjādikāḥ kriyāḥ||3-13||

na bhavanti śriye teṣāṃ śilāyāmuptabījavat|
devīdīkṣāvihīnasya na siddhirna ca sadgatiḥ||3-14||

tasmātsarvaprayatnena guruṇā dīkṣito bhavet|
vicāraṃ cakrasārasya karaṇīyamavaśyakam||3-15||

adīkṣito'pi maraṇe rauravaṃ narakaṃ vrajet|
tasmāddīkṣā prayatnena sadā kāryā ca tāntrikāt||3-16||

dīkṣāpūrvadine kuryāt suvicāraṃ prayatnataḥ|
tatprakāraṃ prayatnena kāryaṃ parvatapūjita||3-17||

ādāvakaḍame siddhirmantraṃ sañcārayed budhaḥ|
rekhādvayaṃ pūrvapare madhye rekhādvayaṃ likhet||3-18||

catuṣkoṇe catūrekhākaḍamaṃ cakramaṇḍalam|
bhrāmayitvā mahāvṛttaṃ nirmāya varṇamālikhet||3-19||

akārādikṣakārāntān klībahīnān likhettataḥ|
ekaikamato lekhyān meṣādiṣu (vṛṣā?)mīnāntakān||3-20||

vāmāvartena gaṇayet kramaśo vīravallabha|
tantramārgeṇa gaṇayennāmādivarṇakādimān||3-21||

meṣādito'pi mīnāntaṃ kramaśaḥ śāstrapaṇḍitaḥ|
siddhasādhyasusiddhādīn punaḥ siddhādayaḥ punaḥ||3-22||

navaikapañcame siddhaḥ sādhyaḥ ṣaḍdaśayugmake|
susiddhastrisaptake rudre vedāṣṭadvādaśe ripuḥ||3-23||

etatte kathitaṃ nātha akaḍamādikamuttamam|
padmākāraṃ mahācakraṃ dalāṣṭakasamanvitam||3-24||

a ā varṇadvayaṃ pūrve dvitīye ca dvitīyakam|
tṛtīye karṇayugmañca caturthe nāsikādvayam||3-25||

pañcame nayanaṃ proktaṃ ṣaṣṭhe oṣṭhādharaṃ tathā|
saptame dantayugmañca aṣṭame ṣoḍaśasvaram||3-26||

kavargañca pūrvadale dvitīye ca cavargaka|
tṛtīye ca ṭavargañca caturthe ca tavargakam||3-27||

pavargaṃ pañcame proktaṃ yavāntaṃ ṣaṣṭhapatrake|
saptame śaṣasān likhya (la?)hakṣamaṣṭamake pade||3-28||

sukhaṃ rājyaṃ dhanaṃ vidyāṃ yauvanāyuṣameva ca|
vicārya cakramāpnoti putrattvañca svajīvanam||3-29||

svīya--nāmākṣaraṃ tatra devanāmākṣaraṃ tathā|
ekasthānaṃ yugasthānaṃ virodhaṃ dvividhaṃ smṛtam||3-30||

jīvanaṃ maraṇaṃ tatra akārādisu patrake|
likhitvā gaṇayenmantrī maraṇaṃ varjayet sadā||3-31||

yatrāsti maraṇaṃ tatra jīvanaṃ nāsti niścitam|
parasparavirodhena siddhamantrañca mūladam||3-32||

jīvane jīvanaṃ grāhyaṃ sarvatra maraṇaṃ tyajet|
kulākulasya bhedaṃ hi vakṣyāmi mantriṇāmiha||3-33||

vāyvagnibhūjalākāśāḥ pañcāśallipayaḥ kramāt|
pañcahrasvāḥ pañcadīrghāḥ bindvantāḥ sandhisambhavāḥ||3-34||

kādayaḥ pañcaśaḥ (ṣakṣa)yādilasahakṣāntāḥ prakītītāḥ|
sādhakasyākṣaraṃ pūrvaṃ mantrasyāpi tadakṣaram||3-35||

yadyekabhūtadaivatyaṃ jānīyātsakulaṃ hitam|
bhaumasya vāruṇaṃ mitramāgneyasyāpi mārutam||3-36||

pāthīvāṇāñca sarveṣāṃ śatrurāgneyamambhasām|
endravāruṇayoḥ śatrurmārutaḥ parikītītaḥ||3-37||

pāthīve vāruṇaṃ mitraṃ taijasaṃ śatrurīritaḥ|
nābhasaṃ sarvamitraṃ syādviruddhaṃ naiva śīlayet||3-38||

rekhāṣṭakaṃ hi pūrvāgraṃ rekhaikādaśamadhyataḥ|
dakṣiṇottarabhāgena dakṣiṇāvadhimālikhet||3-39||

kulākulañca kathitaṃ tārācakraṃ punaḥ śṛṇu|
dakṣiṇottaradeśe tu rekhācatuṣṭayaṃ likhet||3-40||

daśarekhāḥ paścimāgrāḥ kartavyāḥ vīravandita|
aśvinyādikrameṇaiva vilikhettārakāḥ punaḥ||3-41||

vakṣyamāṇakrameṇaiva tanmadhye varṇakān likhet|
yugmamekaṃ tṛtīyañca vedamekaikayugmakam||3-42||

ekayugmaṃ tathaikañca yugalaṃ yugalaṃ yugam|
ekaṃ yugmaṃ tṛtīyañca candranetraṃ vividhaṃ vidhum||3-43||

candrayugmaṃ candrayugmaṃ rāmavedaṃ gṛhe śubhe|
varṇāḥ kramāḥ svarāṇyeva revatyaśvigatāvubhau||3-44||

akāradvayamaśvinyāṃ devatāgaṇasambhavāḥ|
ikāraṃ bharaṇī satyāṃ kṛtsnamusvarakṛttikā||3-45||

rākṣasī kṛttikā bhūmau sarvavidhnavināśinī|
nāsikāgaṇḍamantrañca rohiṇīśavarūpiṇī||3-46||

oṣṭhamadhye mṛgaśirā devatā parikītītā|
adharāntamārdrayā ca mānuṣaṃ sarvalakṣaṇam||3-47||

dantayugmaṃ punarvasvācchāditaṃ mānuṣaṃ priyam|
kaḥ puṣyā devatā jñeyā khagāśleṣā ca rākṣasī||3-48||

maghāvakṣe ghaṅāntā ca tathā ca pūrvaphālgunī|
chajottarā--phalgunī ca manuṣyāḥ parikītītāḥ||3-49||

jhañahastā devagaṇā ṭaṭhacitrā ca rākṣasī|
ḍasvātī devaramaṇī viśākhā ḍhaṇarākṣasī||3-50||

tathadānurādhayā ca śobhitā devanāyikā|
dha jyeṣṭhā rākṣasī jñeyā mūlānapapharākṣasī||3-51||

pūrvāṣāḍhā mānusānī bakārākṣayamālinī|
bhottarāṣāḍhayā martyo makāraḥ śravaṇaḥ mataḥ||3-52||

dhaniṣṭhā yararakṣaḥ strīlasthā śatabhiṣā tathā|
vaśapūrvabhādrapadā manujāḥ parikītītāḥ||3-53||

tathottarābhādrapadā mānuṣī--maṅgalodbhavā|
aṃ aḥ ḷhakṣarevatī ca devakanyāḥ prakītītāḥ||3-54||

svajātau paramā prītirmadhyamā bhinnajātiṣu|
rakṣomānuṣayornāśo vairaṃ dānavadevayoḥ||3-55||

janmasampat vipat kṣemapratyariḥ sādhako vadhaḥ|
mitraṃ paramamitrañca gaṇayecca punaḥ punaḥ||3-56||

varjayejjanmanakṣatraṃ tṛtīyaṃ pañcasaptakam|
ṣaḍaṣṭanavabhadrāṇi yugañca yugmakaṃ tathā||3-57||

yadīha nijanakṣatraṃ na jānāti dvijottamaḥ|
nāmādyakṣarasambhūtaṃ svatāramavirodhakam||3-58||

vinīya gaṇayenmantrī śubhāśubhavicāravān|
prādakṣiṇyena gaṇayet sādhakādyakṣarāt sudhīḥ||3-59||

ityetat kathitaṃ nātha mamātmā puruṣeśvara|
kulākulamanantākhyaṃ tārācakraṃ manorguṇa||3-60||

tārāmantraṃ pradīpābhaṃ ratnabhāṇḍasthitāmṛtam|
etadvicāre mahatīṃ siddhimāpnoti mānavaḥ||3-61||

rāśicakraṃ pravakṣyāmi siddhilakṣaṇamuttamam|
krameṇa deyā yugalā rekhā pūrvāparodgamā||3-62||

tanmadhyato dvayaṃ dadyād rekhāgnidakṣiṇe tataḥ|
agninairṛtivāyavīśakrameṇa rekhayet tathā||3-63||

vilikhenmeṣarāśyādi mīnāntaṃ sarvavarṇakān|
kanyāgṛhagatān śādivarṇānālikhya yatnataḥ||3-64||

gaṇayetsādhakaśreṣṭho lagnādyāmavyayāntakān|
svarāśidevakoṣṭhānāmanukūlān bhajenmanūn||3-65||

rāśīnāṃ śuddhatā jñeyā tyajet śatrumṛtiṃ vyayam|
svarāśermantrarāśyantaṃ gaṇanīyaṃ vicakṣaṇaiḥ||3-66||

sādhyādyakṣararāśyantaṃ gaṇayet sādhakākṣarāt|
ekaṃ vā pañca navamaṃ bāndhavaṃ parikītītam||3-67||

dviṣaḍdaśamasaṃsthāśca sevakāḥ parikītītāḥ|
rāmarudrāśca munayaḥ poṣakāḥ parikītītāḥ||3-68||

sūryāṣṭavedayuktāstu ghātakāḥ sarvadoṣadāḥ|
śaktyādau tu mahādeva kulacūḍāmaṇiryatiḥ||3-69||

varjayet ṣaṣṭhagehañca aṣṭamaṃ dvādaśaṃ tathā|
lagnaṃ dhanaṃ bhrātṛbandhuputraśatrukalatrakāḥ||3-70||

maraṇaṃ dharmakarmāyavyayā dvādaśarāśayaḥ|
nāmānurūpameteṣāṃ śubhāśubhaphalaṃ diśet||3-71||

vaiṣṇave tu mahāśatroḥ sthāne bandhuḥ prakītītaḥ|
kūrmacakraṃ pravakṣyāmi śubhāśubhaphalātmakam||3-72||

yajjñātvā sarvaśāstrāṇi jānāti paṇḍitottamaḥ|
abhedyabhedakaṃ cakraṃ śṛṇuṣvādarapūrvakam||3-73||

kūrmākāraṃ mahācakraṃ catuṣpādasamāvṛtam|
muṇḍe svarā dakṣapāde kavargaṃ vāmapādake||3-74||

cavargaṃ kītītaṃ paścād adhaḥpāde ṭavargakam|
tadadhastu tavargaṃ syādudare ca pavargakam||3-75||

yavāntaṃ hṛdaye proktaṃ sahāntaṃ pṛṣṭhamadhyake|
lāṅgūle śatrubījañca kṣakāraṃ liṅgamadhyake||3-76||

likhitvā gaṇayenmantrī cakraṃ kalimalāpaham|
svare lābhaṃ kavarge śrīścavarge ca vivekadam||3-77||

ṭavarge rājapadavīṃ tavarge dhanavān bhavet|
udare sarvanāśaḥ syād hṛdaye bahuduḥkhadam||3-78||

pṛṣṭhe ca sarvasantoṣaṃ lāṅgūle maraṇaṃ dhruvam|
vaibhavaṃ (pṛṣṭha?)liṅgadeśe tu duḥkhañca vāmapādake||3-79||

viruddhadvayalābhe tu na kuryāccakracintanam|
viruddhaike dharmanāśo yugmadoṣe ca māraṇam||3-80||

yatra devākṣarañcāsti tatra cennijavarṇakam|
viruddhañcettyajet śatrumanyamantraṃ vicārayet||3-81||

pṛthaksthāne yadi bhavedvarṇamālā maheśvara|
yadi tat saukhyabhāvaḥ syāt saukhyaṃ nāpi vivarjayet||3-82||

vibhinnagehe doṣaścet śubhamantrañca santyajet|
iti te kathitaṃ devi(deva) dṛṣṭādṛṣṭaphalapradam||3-83||

yaḥ śodhayeccared varṇaṃ mantramālāmaheśvaraḥ|
yadi śudhyati cakrendraṃ mantrasiddhipradaṃ śubham||3-84||

śivacakraṃ pravakṣyāmi mahākālakuleśvara|
avaśyaṃ siddhimāpnoti śivacakraprabhāvataḥ||3-85||

ṣaṭkoṇamadhyadeśe tu caturasraṃ likhed budhaḥ|
tanmadhye vilikheccāru caturasraṃ savarṇakam||3-86||

mastakasthatrikoṇe tu śivasaṃsthānamantrakam|
dakṣiṇāvartamānena gaṇayet sarvamantrakam||3-87||

viṣṇusthāne svamantrañca dvitīye ca trikoṇake|
trikoṇe ca tṛtīye ca brahmasaṃsthānamantrakam||3-88||

śaktimantrādisaṃsthānaṃ trikoṇādho mukhe tathā|
nāyikāmantrasaṃsthānaṃ trikoṇādho mukhe tathā||3-89||

nāyikāmantrasaṃsthānaṃ tadvāme durlabhaṃ śubham|
tadūdrdhve ca trikoṇe ca bhūtasaṃsthānamantrakam||3-90||

śivādho yakṣamantrasya saṃsthānamatidurlabham|
viṣṇubrahmasandhideśe mahāvidyāpadaṃ dhruvam||3-91||

svarasthānaṃ tathā varṇasthānaṃ śṛṇu mahāprabho|
a--āvarṇaṃdvayaṃ śaive kavargañca sabindukam||3-92||

viṣṇau netraṃ cavargañca ṭavargaṃ brahmaṇi śrutam|
tavargaṃ nāsikāśaktau sarvamantrārthacetanam||3-93||

nāyikāyāṃ pavargañca na yugaṃ parikītītam|
bhūte yavāntaṃ vilikhedoṣṭhādharasamanvitam||3-94||

praṇavaṃ yakṣamantre ca śakāraṃ parikītītam|
adhodantaṃ piśāce ca ṣayuktaṃ bindubhūṣitam||3-95||

śivo bījaṃ devamantre sakārañca sabindukam|
mahāvidyādisaṃsthāne lakṣavarṇaṃ prakītītam||3-96||

iti te kathitaṃ śambho śṛṇu varṇāṅka(ṅga)varṇanam|
śive ekaviṃśatiśca dvātriṃśadviṣṇukoṇake||3-97||

brahmaṇe ṣoḍaśādyañca śaktikūṭe yugāṣṭakam|
nāyikāyāṃ vahnibāṇaṃ bhūte saptāṅkameva ca||3-98||

yakṣe ca candravedañca piśāce'ṣṭavasuḥ smṛtaḥ|
sarvadeve bāṇavedaṃ kṛtyāyāṃ ṣaṣṭhaṣaṣṭhakam||3-99||

madhye ṣaṣṭhe hutāśañca mahāvidyāgṛhe śubhe|
sādhakasya ca sādhyasyaikāṅkaṃ sādhyamandire||3-100||

sādhakāṅkamūrdhvadeśe sādhyāṅkaṃ gaṇayedadhaḥ|
bhujayugmaṃ śive proktaṃ viṣṇau vāmāṣṭakaṃ tathā||3-101||

ṛṣicandraṃ vidhau proktaṃ śaktau rāmāṣṭakaṃ tathā|
nāyikāyāṃ vedabāṇaṃ bhūte'ṣṭanavamaṃ tathā||3-102||

yakṣe yugmaṃ caturthaṃ ca piśāce vajrakāṣṭakam|
śaktau vaśakṛtau jñeyau kṛtyā(la)yāṃ muniṣaṣṭhakam||3-103||

yasmin yasmin gṛhasthā ye devatāstu mahāphalāḥ|ka0|
anāmākṣaradehasthamakṣaraṃ dviguṇaṃ smṛtam|
sādhyāṅkena yojayitvā pūrayetṣaṣṭhapañcamaiḥ||3-104||

tadgehaṃ grāhayed yatnāt devatādyakṣaraṃ yathā|
ekaśeṣasthitaṃ varṇaṃ kuryānnāpi vivecanam||3-105||

śuddhaṃ taddhi vijānīyādvicāramanyato'pi ca|
ṣaṣṭhāṅkena ca vedāṅkaṃ tathā ca devavarṇakam||3-106||

śaśāṅkaṃ miśritaṃ cāṅkaṃ dviguṇaṃ devatārṇakam|ka0|
paścāt kṛtvā tadaṅkañca haredrāmeṇa vallabha|
yadi sādhyāṅkaṃ vistīrṇaṃ tadā naiva śubhaṃ bhavet||3-107||

sādhakāṅkañca vistīrṇaṃ yadi syājjāyate gṛhe|
tadā sarvakuleśaḥ syād rudraśravaṇasaṃśayaḥ||3-108||

dviguṇaṃ devatāvarṇaṃ sādhakāṅkena yojayet|
varṇasaṃkhyāṅkamālikhya gaṇayet sādhakottamaḥ||3-109||

rasabāṇena sampūrya saṃharet rasasaṃkhyayā|
ātmāṅkamiśritaṃ paścād yadi kiñcinna tiṣṭhati||3-110||

svīyābhidhānakāṅkasya dviguṇañcāpi yojayet|
paścādanalasaṃkhyābhirharet saukhyāthīmuktaye||3-111||

aṅkaṃ bahutaraṃ grāhyaṃ sādhakasya sukhāvaham|
na grāhyaṃ sādhyavistīrṇami(ma?)tiśāstrārthaniścayam||3-112||

vicārādasya cakrasya rājatvaṃ labhate dhruvam|
samānāṅkena gṛhṇīyād guṇyāṅkaṃ varjayediha||3-113||

avaśyaṃ cakramevaṃ hi gopanīyaṃ surāsuraiḥ|
viṣṇucakraṃ pravakṣyāmi cakrākāraṃ sugopanam||3-114||

sarvasiddhipradaṃ śuddhaṃ cakraṃ kṛtvā phalapradam|
śṛṇu nātha mahāviṣṇoḥ sthānaṃ maṅgaladāyakam||3-115||

lakṣmīpriyamaṅkamayaṃ navakoṇaṃ mahāprabham|
tadūrdhve ca tamālikhya tadūdrdhve'ṣṭagrahaṃ śubham||3-116||

catuṣkoṇākāragehaṃ sandhau śūnyāṣṭakaṃ likhet|
tadūrdhve ca tamālikhya cakrametaddhaneśvara||3-117||

pūrve mahendrābharaṇamūdrdhvadeśollasatkaram|
munirāmakhacandrādyamaṅkaṃ sarvasamṛddhidam||3-118||

dakṣiṇe vahnibharaṇaṃ rasavede khayugmakam|
tadadho rāmacakrañca saptaṣaṭsu ca rāmakam||3-119||

tadadho nirṛte svarge yugāṅkaśūnyavedakam|
kevalādho jaleśasya mandiraṃ sumanoharam||3-120||

rāmeṣu śūnyabāṇāḍhyaṃ tasyāmevāyumandiram|
bhujahastakharasāḍhyaṃ cakredamīśvarātmakam||3-121||

navakoṇaṃ madhyadeśe pañcāṅgabhāgamālikhet|
tanmadhye racayedvarṇaṃ pañcakoṇe trikoṇake||3-122||

indrādho vilikhed dhīro varṇamādyañca saptakam|
bhāge dakṣiṇakoṇeṣu ṛkārādaṅkakaṃ likhet||3-123||

kakārādiṭakārāntaṃ tadadho vilikhed budhaḥ|
tadvāme ṭhādimāntañca varṇalakṣaṇakāraṇam||3-124||

tadūdrdhve yādivarṇañca cakrañca gaṇayettataḥ|
pūrvakoṇapatiḥ śakro dvitīyeśau yamānalau||3-125||

nirṛtirvaruṇaścaiva tṛtīyamandireśvaraḥ|
caturthādhipatirvāyuḥ kubero nātha ityapi||3-126||

pañcagehasyādhipatirīśo viśvavidāmbaraḥ|
pañcakoṇe pratiṣṭhanti pañcabhūtāśayasthitāḥ||3-127||

prāṇe siddhimavāpnoti cāpāne vyādhipīḍanam|
samāne sarvasampattirudāne nirdhanaṃ bhavet||3-128||

vyāne ca īśvaraprāptiretasmin lakṣaṇaṃ śubham|
pūrvagehe mahāmantraṃ mantratyāgaṃ karoti yaḥ||3-129||

sa tāvat sādhakaśreṣṭho viṣṇumārgeṇa śaṅkara|
viśeṣaṃ śṛṇu yatnena sāvadhānāvadhāraya||3-130||

saptākṣaraṃ tryakṣaraṃ ca daśamākṣarameva ca|
pūrvagehe yadi bhavedādyākṣarasamanvitam||3-131||

tadā bhavati siddhiśca sarvamevaṃprakārakam|
ṣaṣṭhākṣaraṃ vedavarṇaṃ viṃśatyarṇaṃ mahāmanum||3-132||

āmnāyādyakṣaraṃ vyāptaṃ saphalaṃ gaṇayed budhaḥ|
tathāsmin mama gehe ca mantraṃ saptākṣaraṃ śubham||3-133||

ṣaṣṭhākṣarañca gaṇayettriṃśadakṣarameva ca|
ādyākṣarasamāyuktaṃ sādhyasādhakayorapi||3-134||

ekasyāpi ca lābhe ca mantrasiddhirakhaṇḍitā|
mantrākṣarādilābhañca avaśyaṃ gaṇayediha||3-135||

nairṛte ca jaleśasya dvayakṣarañca navākṣaram|
śūnyadevākṣaraṃ nātha gaṇanīyaṃ vicakṣaṇaiḥ||3-136||

tathātra akṣaraṃ mantraṃ pañcākṣaramanaṃ tathā|
pañcāśadakṣaraṃ mantraṃ mandire gaṇayet śubham||3-137||

vāyukoṇe kuberasya mandire gaṇayettathā|
dvāviṃśatyakṣaraṃ mantraṃ śūnyaṣaṣṭhamanuṃ tathā||3-138||

pañcākṣaraṃ tārikāyāḥ śive pañcākṣaraṃ tathā|
susaptamantragrahaṇe saphalaṃ parikītītam||3-139||

īśānapañcakoṇe ca saphalañca navākṣaram|
aṣṭākṣaraṃ hi vidyāyā gaṇayet sahitaṃ sudhīḥ||3-140||

etaduktañca gaṇayedviruddhaṃ naiva śīlayet|
prāṇamitraṃ samānañca samāno vyānabāndhavaḥ||3-141||

etatsthitañca gṛhṇīyād doṣabhāk sa bhavet kvacit|
ekadaiva priye prītirekagehe tathā priyam||3-142||

gṛhītvā viṣṇupadavīṃ prāpnoti mānavaḥ kṣaṇāt|
yadi cakraṃ na vicārya ripumantraṃ sadā nyaset||3-143||

nijāyuṣaṃ chinattyeva mūko bhavati niścitam|
vicārya yadi yatnena sarvacakre priyaṃ hitam||3-144||

mahāmantraṃ mahādeva laghu siddhyati bhūtale||3-145||

iti śrīrudrayāmale uttaratantre mahātantroddīpane sarvacakrānuṣṭhāne siddhamantraprakaraṇe bhāvanirṇaye bhairavabhairavīsaṃvāde tṛtīyaḥ paṭalaḥ||3||

Kapitel 4

atha caturthaḥ paṭalaḥ

śrībhairavī uvāca

atha vakṣyāmi cakrānyat śṛṇu bhairava sādaram|
yena hīnā na siddhyanti mahāvidyā varapradāḥ||4-1||

tava cakraṃ brahmaṇā vyaktaṃ brahmacakramudāhṛtam|
yasya jñānāt svayaṃ brahmā svabalena bhavaṃ sṛjet||4-2||

akālamṛtyuharaṇaṃ paraṃ brahmapadaṃ vraje|
catuṣkoṇe catuṣkoṇaṃ tanmadhye ca catuścatuḥ||4-3||

madhyagehaṃ veṣṭayitvā iṣṭaṃ mandiramuttamam|
aṣṭakoṇe mahādeva ṣoḍaśasvaramālikhet||4-4||

aṣṭakoṇaṃ veṣṭayittvā vṛttayugmaṃ likhet sudhīḥ|
madhyagehe catuṣkoṇe kādikṣāntañca varṇakam||4-5||

dakṣiṇāvarttayogena vilikhet sādhakottamaḥ|
tadūdrdhve svagṛhe cāṅkaṃ vilikhya gaṇayet sudhīḥ||4-6||

caturgehasyodrdhvadeśe yugmagehe kramāllikhet|
sādhyasya sādhakasyāpi meṣādikanyakāntakam||4-7||

adho likhettulādyantamiti rāśyādikaṃ śubham|
tato likhed gehadakṣe yugmagehe maheśvara||4-8||

tārakānaśvinī tārādyantān dakṣiṇato likhet|
varṇakrameṇa vilikhed vedamandiramaṇḍale||4-9||

ūdrdhvādhaḥ kramaśo lekhyamaṅgatāraṃ sureśvara|
tato hi gaṇayenmantrī yojayitvā krameṇa tu||4-10||

sukhaṃ rājyaṃ dhanaṃ vṛddhiṃ kalahaṃ kāladarśanam|
siddhimṛddhimaṣṭakoṇe viditvā ca śubhāśubham||4-11||

gaṇayedrāśinakṣatraṃ manucāhaṃ vivarjayet|
sukhe sukhamavāpnoti rājye rājyamavāpnuyāt||4-12||

dhane dhanamavāpnoti vṛddhau vṛddhimavāpnuyāt|
meṣo vṛṣamithunaśca karkaṭaḥ siṃha eva ca|
kanyakā devatā jñeyā nakṣatrāṇi punaḥ śṛṇu||4-13||

ūdrdhvayugmagṛhasyāpi dakṣavāme ca bhāgake|
nakṣatrāṇi santi yāni tāni śṛṇu mahāprabho||4-14||

aśvinī mṛgaśirāśleṣā hastānurādhikā tathā|
uttarāṣāḍhikārdrā vā pūrvabhādrapadā tathā||4-15||

dakṣāgrahastitāstārāḥ spaṣṭībhūtāśca devatāḥ|
etāsāmadhipā ete rāśayo graharūpiṇaḥ||4-16||

karkaṭakeśarī kanyādevatāḥ parikītītāḥ|
eteṣāñcāpi varṇānāmadhipāśceti rāśayaḥ||4-17||

kakārasya(ḍha?) khakārasya ñakārasya ṭakārapaḥ|
dakārasya phakārasya yakārasya sakārapaḥ||4-18||

nakārasyāpi patayo jñeyāśca kramaśaḥ prabho|
saṃśṛṇu rohiṇīpuṣyā tathā cottaraphālgunī||4-19||

viśākhā ca tathā jñeyā pūrvāṣāḍhā ca tārakā|
tathā śatabhiṣātārā vāmamandiraparvagāḥ||4-20||

etāsāmadhipā ete rāśayo graharūpiṇaḥ|
meṣo vṛṣo mithunaśca īśvarāḥ parikītītāḥ||4-21||

etadgehasthitaṃ varṇamete rakṣantyanityaśaḥ|
kakārasya nakārasya ṛkārasya ukārapaḥ||4-22||

akārasya pakārasya makārasya vakārapaḥ|
hakārasyādhipā ete ṛddhimokṣaphalapradāḥ||4-23||

dakṣiṇādhogṛhasyāpi devatā iti rāśayaḥ|
tulā ca vṛścikaścaiva dhanuścaiva graheśvaraḥ||4-24||

etāsāṃ tārakāṇāñca patayo gaditā mayā|
bharaṇyārdramaghācitrājyeṣṭhāśravaṇavallabhāḥ||4-25||

tathottarabhādrapadā vallabhāḥ rāśayo matāḥ|
atha gehasthitaṃ varṇaṃ śṛṇu nātha bhayāpaha||4-26||

yakārasya dakārasya ṭakārasya nakārapaḥ|
dhakārasya vakārasya cakārasya yakārapaḥ||4-27||

kṣakārapaṇakā ete rāśayaḥ parikītītāḥ|
dhanavṛttipradā nityā nityasthānanivāsinaḥ||4-28||

vāmādhomandirasyāpi vallabhā iti rāśayaḥ|
makarādhastu koṣṭheṣu mīno rāśiphalasthitāḥ||4-29||

etāni bhāni rakṣanti śūlapāśāsidhārakāḥ|
punarvasuḥ kṛttikā ca tathābhaṃpūrvaphalgunī||4-30||

svātī mūlā dhaniṣṭhā ca revatī vāmagehagāḥ|
etāsāmadhipā ete jalasthā grahadevatāḥ||4-31||

etān varṇān prarakṣanti gṛhasthā nava rāśayaḥ|
dhakārasya jakārasya ṭakārasya takārapaḥ||4-32||

nakārasya bhakārasya lakārasya takārapaḥ|
kalahādimahādoṣakāladarśanakārakāḥ||4-33||

rāśayo lokahā nātha tanmantraṃ parivarjayet|
yadyekadevatāgehaṃ vibhinnañca suśobhanam||4-34||

catuḥ sthānaṃ yugasthānaṃ sarvatrāpi niṣedhakam|
ekagehasthitaṃ mantraṃ bahusaukhyapradāyakam||4-35||

nāmna ādyakṣaraṃ nītvā rāśinakṣatravismṛtau|
sabhāvaṃ sādhakaśreṣṭhaḥ kalahe kalahaṃ bhavet||4-36||

ripuścenmūlanāśaḥ syāt kalaho'pi sureśvara|
netrayugmaṃ svaraṃ pāti siṃho hi kanyakāṃ tathā||4-37||

karṇayugmaṃ tulā pāti saṃyugaṃ vṛściko dhanuḥ|
cayugaṃ makaraḥ pāti kumbho mīnaśca pāti hi||4-38||

oṣṭhañca pāti ca tathā adharaṃ meṣa eva ca|
dantayugmaṃ vṛṣaḥ pāti mithunaḥ śeṣago'kṣaraḥ||4-39||

yasya ye ye rāśayaḥ syustasya tattacchubhaṃ smṛtam|
ekarāśiḥ śubhaṃ nityaṃ dadāti ca manoratham||4-40||

anyatra dukhadaṃ proktaṃ sādhakaḥ siddhibhāg bhavet|
bhinnarāśau varjanīyaṃ kalahaṃ kāladarśanam||4-41||

śrūyatāṃ śailajānātha cakraṃ śrītridaśātmakam|
pūrvapaścimabhedena ṣaṭ ca rekhāḥ samālikhet||4-42||

vāmādi dakṣiṇāntañca rekhā daśa samālikhet|
pañcagehe pūrakāṅkaṃ sarvādhohārakāṅkakam||4-43||

tanmadhye racayedakṣaṃ devatāgrahasaṃyutam|
pūrakāṅkaṃ madhyagehe saptaṣīyuktamālikhet||4-44||

taddakṣiṇe dvādaśañca taddakṣeṇa rasaṃ tathā|
taddakṣe aṣṭadaśake taddakṣe ṣoḍaśasmṛtam||4-45||

pūrakāṅkaṃ tato lekhyaṃ indrādyaṅkāśca dakṣataḥ|
indragehe ca śatakaṃ vidhividyāphalapradam||4-46||

dharmagehe śūnyasapta yugalaṃ vilikhed budhaḥ|
anantamandire nātha śūnyāṣṭavasureva ca||4-47||

kālīgṛhe śūnyavedavāmādyāṅkaṃ vilikhettataḥ|
dhūmāvatīmandire ca śūnyakheṣu niśāpatim||4-48||

indrādyā dakṣato lekhyā aṅkāścandrādhidevatāḥ|
śūnyāṣṭacandrayuktañca sarvatra devatā likhet||4-49||

tathāśvinīkumārau ca śūnyānalayugāyugau|
tatpaścāt pūrvagehañca sahasrārkasamanvitam||4-50||

tāriṇīmandirasthāṅkaṃ śūnyavedaṃ tathaiva ca|
bagalāmukhīgehasthaṃ śūnyāṣṭacandrasaṃyutam||4-51||

tataścandragṛhasyādho vāyurgehaṃ manoramam|
randhravedātmakaṃ gehaṃ sarvasiddhipradāyakam||4-52||

rāhugehaṃ mahāpāpaṃ śūnyaśūnyamunipriyam|
paścādekatra hastañca khaśūnyayugalātmakam||4-53||

ṣoḍaśīmandire śūnyamaṣṭacandrasamanvitam|
mātaṅgīmandire śūnyarudracandrasamanvitam||4-54||

vāyoradhovaruṇasya gṛhaṃ saptaśaśipriyam|
taruṇī gehamadhye ca śūnyāṣṭakasamanvitam||4-55||

budhagehasthitāṅkañca śūnyacandrayugātmakam|
bhuvaneśīmandirasthaṃ śūnyāṣṭakaśaśipriyam||4-56||

varuṇādhaḥ kuberasya gṛhasthaṃ ṣaṭ ca yugmakam|
ānantabhairavī gehe daśakaṃ parikītītam||4-57||

dharaṇīgṛhamadhye ca śūnyayugmendusaṃyutam|
bhairavī gṛhamadhyasthaṃ śūnyayugalacandrakam||4-58||

rāśigṛhasthitaṃ śūnyaṣīcandramaṇḍalasaṃyutam|
kuberādhaḥ svakaṃ cakrasthitāṅkaṃ sarvasiddhidam||4-59||

īśvarasya gṛhasthañca saptaśūnyayugātmakam|
tiraskariṇyā gehasthaṃ sahasrāṅkasamanvitam||4-60||

kiṅkiṇīmandiraṃ paścādaṣṭacandrasamanvitam|
chinnamastāgṛhaṃ paścācchūnyāṣṭacandramaṇḍalam||4-61||

vāgīśvarīgṛhaṃ paścāt saptamaṃ candramaṇḍalam|
mahāphalapradātāraṃ dharmo rakṣati taṃ punaḥ||4-62||

īśvarasya adhogehe baṭukasya gṛhaṃ tataḥ|
śūnyāṣṭamādyaṃ svagṛhaṃ dharmārthakāmamokṣadam||4-63||

tatpaścāt ḍākinīgehaṃ khaśūnyamunisaṃyutam|
hanti sādhakasaukhyaṃ hi kṣaṇādeva na saṃśayaḥ||4-64||

svagṛhe svīyamantrasya phaladaṃ parikītītam|
bhīmādevīgṛhaṃ paścāt khasaptacandramaṇḍalam||4-65||

bhayadaṃ sarvadeśe tu varjayed gṛhāntaram|
lakṣavarṇaṃ likhet śeṣagṛhe dve paṇḍitottamaḥ||4-66||

indragehāvadhiṃ dhīro vakārādikavarṇakam|
kṣakārāntaṃ likhettatra gaṇayet sādhakastataḥ||4-67||

pūrakāṅkamūdrdhvadeśe hārakāṅkamadho likhet|
nijanāmākṣaraṃ yatra tatkoṣṭhāṅkaṃ maheśvara||4-68||

nīttvā ca pūjayedvidvān svasvagehordhvadeśagaiḥ|
aṅkaistato harernātha adho'ṅke hāryaśeṣakam||4-69||

vistārañceddevatāṅgastadaṅgaḥ śubhadaḥ smṛtaḥ|
alpāṅgaḥ śubhadaḥ proktaḥ sādhakasya sukhāvahaḥ||4-70||

ekākṣare mahāsaukhyaṃ tatrāpi gaṇayed vacaḥ|
dhīrāṅkaḥ śūnyagāmī ca devatāṅkastathā vibho||4-71||

tadā naiva śubhaṃ vidyādaśubhāya prakalpyate|
eke dhanamavāpnoti dvitīye rājavallabhaḥ||4-72||

tṛtīye jāpyasiddhiḥ syāccaturthe maraṇaṃ dhruvam|
pañcame pañcamānaḥ syāt ṣaṣṭhe duḥkhotkaṭāni ca||4-73||

śaivānāṃ śāktavarṇānāmityaṅkaḥ parigṛhyate|
vaiṣṇavānāṃ niṣedhe ca pañcamāṅko niṣedhakaḥ||4-74||

yāsāṃ yāsāṃ devatānāṃ hiṃsā tiṣṭhati cetasi|
tanmantragrahaṇādevāṣṭaiśvaryayuto bhavet||4-75||

yaddevasyāśritā ye tu tadgṛhāṅkaṃ haranti te|
ūdrdhvāṅkena pūrayittvā adho'ṅkena haretsadā||4-76||

ṛṇidhanimahācakraṃ vakṣyāmi śṛṇu tattvataḥ|
darśanādeva koṣṭhasya jānāti pūrvajanmagam||4-77||

devaṃ bahutarāṅgeṣu jñātvā siddhīśvaro bhavet|
nijasevyāṃ mahāvidyāṃ gṛhītvā muktimāpnuyāt||4-78||

koṣṭhaśuddhañca mantrañca ye gṛhṇanti dvijottamāḥ|
teṣāṃ duḥkhāni naśyanti mamājñā balavattarā||4-79||

koṣṭhaśuddhaṃ mahāmantraṃ phaladaṃ rudrabhairava|
na hātavyaṃ mahāmantraṃ sadgurupriyadarśanāt||4-80||

tatra koṣṭhaṃ na vicāryaṃ cejjānāti vicāryakam|
mahāvidyā mahāmantre vicāryakoṭipuṇyabhāk||4-81||

avicāre coktaphalaṃ dadāti kāmasundarī|
koṣṭhānyekādaśānyeva devena pūritāni ca||4-82||

akārādihakārāntaṃ likhet koṣṭheṣu tattvavit|
prathamaṃ pañcakoṣṭheṣu hrasvadīrghakrameṇa tu||4-83||

dvayaṃ dvayaṃ likhettatra vicāre khalu sādhakaḥ|
śeṣeṣvekaikaśo varṇān kramaśastu likhetsudhīḥ||4-84||

amāvarṇa dvayasyārddhāvadhistu kramaśo'ṅkakam|
ādyamandiramadhye tu ṣaṣṭhāṅkaṃ vilikhed budhaḥ||4-85||

dvitīye ṣaṣṭhacinhañca tṛtīye ca gṛhe tathā|
caturthe gaganāṅkañca pañcame cakratrayaṃ tathā||4-86||

ṣaṣṭhacāpe caturthañca saptame ca caturthakam|
aṣṭame gaganāṅkañca navame daśamaṃ tathā||4-87||

śeṣamandiramadhye tu trayāṅkaṃ vilikhettataḥ|
ete nātha sādhyavarṇāḥ kathitāḥ kramaśo dhruvam||4-88||

kathayāmi sādhakārṇaṃ sakalārthanirūpaṇam|
ādyagehe dvitīyañca dvitīye ca tṛtīyakam||4-89||

tṛtīye pañcamaṃ proktaṃ gaganaṃ vedapañcake|
ṣaṣṭhe yugalamevaṃ hi saptame candramaṇḍalam||4-90||

aṣṭame gaganaṃ proktaṃ navame ca caturthakam|
vedañca daśame proktaṃ candramekādaśe tathā||4-91||

sādhakārṇāḥ smṛtāḥ tvete varṇamaṇḍalamadhyagāḥ|
sādhyavarṇān mahādeva svaravyañjanabhedakān||4-92||

evaṃ hi sarvamantrārṇānamaṣṭādyaṅkaiḥ prapūrayet|
ekīkṛtya haredaṣṭasaṃkhyābhiḥ kṣaṇavallabhe||4-93||

yasyāpahasthitaṃ varṇaṃ tannebhavyaṃ manau śubhe|
sādhakābhidhānavarṇā svaravyañjanabhedakān||4-94||

pṛthak pṛthak saṃsthitāṃśca vyaktaṃ śṛṇu punaḥ punaḥ|
dvitīyādyaṅkacandrānte saṃpūrvāṣṭabhirāharet||4-95||

mantro yastvadhikāṅkaḥ syāttadā mantraṃ japet sudhīḥ|
same'pi ca japenmantraṃ na japettu ṛṇādhike||4-96||

śūnye mṛtyuṃ vijānīyāttasmācchūnyaṃ vivarjayet|
dvitīyādyaṅkajālañca vaiṣṇave sukhadaṃ smṛtam||4-97||

dvitīyādyaṅkajālañca vaiṣṇave sukhadaṃ smṛtam|
dvitīyādyaṅkajālañca tathā vai parikītītam||4-98||

indrādyaṅkaṃ tathā nātha saure śākte śubhapradam|
tathā diksaṃkhyakāṅkañca sādhakasya śubhapradam||4-99||

tadaṅkaṃ śṛṇu yatnena pūrvavat sakalaṃ smṛtam|
sthalañcaiva vibhinnāṅkamūdrdhvādhaśca krameṇa tu||4-100||

sādhyāṅkān sādhakāṅkāṃśca pūrayed gṛhasaṃkhyayā|
guṇite tu hṛte cāpi yaccheṣaṃ jāyate sphuṭam||4-101||

tadaṅkaṃ kathayāmyatra ekādaśagṛhe sthitam|
indratārāsvargaravitithiṣaḍvedadāhanāḥ||4-102||

aṣṭavasu navāṅkasthāḥ sādhyārṇaguṇitā iti|
digbhūgiriśrutigajavahniparvatapañcamāḥ||4-103||

vedaṣaṣṭhānalāṅkañca gaṇayet sādhakākṣarān|
nāmādyakṣaramārabhya yāvanmantrākṣaraṃ bhavet||4-104||

tatsaṃkhyāñca tridhā kṛtvā saptabhiḥ saṃhared budhaḥ|
adhikaṃ ca ṛṇaṃ proktaṃ taccheṣaṃ dhanamucyate||4-105||

athavānyaprakārañca kṛtvā mantraṃ samāśrayet|
nāmādyakṣaramārabhya yāvat sādhakavarṇakam||4-106||

tāvatsaṃkhyāṃ saptaguṇaṃ kṛtvā vāmairhared budhaḥ|
śrīvidyetaravidyāyāṃ gaṇanā parikītītā||4-107||

athavānyaprakārañca sakalān sādhakākṣarān|
svaravyañjanabhedena dviguṇīkṛtya sādhakaḥ||4-108||

sādhyayuktaṃ tataḥ kṛtvā svaravyañjanabhedakam|
aṣṭābhiḥ saṃharedaṅkaṃ śṛṇu saṃhāravigraham||4-109||

pūrvacārakramaṃ samyak sarvatrāpi śubhāśubham|
asya vicāramātreṇa siddhiḥ sarvārthasādhikā||4-110||

pūrvajanmārādhitāyāṃ tāṃ prāpnoti hi devatām|
athānyat sampravakṣyāmi sāvadhānāvadhāraya||4-111||

ulkācakraṃ sarvasāraṃ mantradoṣādinirṇayam|
matsyākāramūrdhvamukhaṃ sarvamantrādi vigraham||4-112||

skandhadeśāvadhirnātha pucchaparyantameva ca|
ekākṣarādimantrādidvādaśāntākṣarātmakam||4-113||

vilikhet pṛṣṭhadeśe tu śubhāśubhaviśuddhaye|
trayodaśākṣarān vātha ekaviṃśākṣarāntakam||4-114||

netavyaṃ sādhakairmantraṃ pṛṣṭhasthamudarasthakam|
tathā śrīśubhadaṃ proktaṃ kaṇṭhādipucchakāntakam||4-115||

dvāviṃśādi catustriśadakṣarāntamanuṃ śubham|
pucchasthaṃ nāpi gṛhṇīyāt mukhasthañca tathā dhruvam||4-116||

śīrṣasthañcāpi gṛhṇīyāt tadakṣaraṃ śṛṇu prabho|
pañcatriṃśādi dvicaturdvāviṃśadantameva ca||4-117||

mastakasthaṃ śubhaṃ proktaṃ mukhavarṇān śṛṇu prabho|
tricatvāriṃśadarṇādi ekapañcāśadantakam||4-118||

mukhasthamantamaśubhaṃ na gṛhṇīyāt kadācana|
pṛṣṭhasthaṃ śṛṇu yatnena nirarthakamahāśramam||4-119||

śramagātrasya pīḍābhirdevatā kupyate'niśam|
dvipañcāśadakṣarādi ekaṣaṣṭitamāntakān||4-120||

varṇān pucchasthitānetān netrasthān śṛṇu vallabha|
dviṣaṣṭitamavarṇādi catuḥṣaṣṭyakṣarāntakān||4-121||

aṅkaṃ locanasaṃsthaṃ ca tato'nyaṃ rasanāsthitam|
tatsarvaṃ śubhadaṃ proktametadanyatamaṃ smṛtam||4-122||

vaiṣṇavānāñca śaivānāṃ śāktānāṃ mantrajāpane|
tato'nyadevabhaktānāṃ bhuktimuktipradaṃ nṛṇām||4-123||

atha vakṣye mahādeva cakrasāraṃ sudurlabham|
rāmacakraṃ mahāvidyā sarvamandirameva ca||4-124||

sarvasiddhipradaṃ mantraṃ nijanāmasthamāśrayet|
tadaiva siddhimāpnoti satyaṃ satyaṃ maheśvara||4-125||

tatprakāraṃ śṛṇu krodhabhairava priyavallabha|
navāṅkān pralikhed vidvān vāmadakṣiṇabhāgataḥ||4-126||

tanmadhye kramaśo dadyāt tathā saptadaśāṅkakān|
dakṣiṇādikrameṇaivamuktavidyāḥ samālikhet||4-127||

akārādikṣakārāntaṃ sarvasmin mandire likhet|
bālādidevatāḥ sarvā bhrāmaryantāśca devatāḥ||4-128||

asyākāśavidhe gehe sāntanityaṃ phalapradam|
punavīlomamārgeṇa ādikṣāntārṇamandire||4-129||

raktadantādi śrīvidyā mantrāntaṃ vilikhed budhaḥ|
kṣakārādyanulomena akārāntaṃ likhet tataḥ||4-130||

punastaccheṣavidyāśca śeṣagehe likhet sadā|
kāyaśodhanamukhyādi śailavāsini mantrakam||4-131||

pañcaviṃśatigehasthaṃ gaṇayet sādhakastataḥ|
gṛhasthamaṅkaṃ vakṣyāmi śṛṇu yogīśavallabha||4-132||

bālāgṛhādiśeṣāntaṃ munihastavidhau gṛhe|
krameṇa śṛṇu tatsarvaṃ sāvadhānāvadhāraya||4-133||

dakṣiṇāvartayogena gaṇayet kramaśo budhaḥ|
vasusaptapañcameṣuvahnivedānalastathā||4-134||

muniṣaṣṭhādyavedāśca sapteṣumunayastathā|
pañcavedeṣuvasavo vedeṣuvahnayastathā||4-135||

vahnivedāśca samproktā ākāśaṃ tadanantaram|
ākāśānantare gehe analaṃ parikītītam||4-136||

tatpaścāt sarvageheṣu sarvāṅkaṃ dakṣataḥ śṛṇu|
vahni vahnivedavahni vedavahnaya eva ca||4-137||

śravaṇākṣivedabāṇa vedeṣu saptakastathā|
ṣaṣṭhāṣṭasaptamāḥ proktā vahnyagnīṣu munistathā||4-138||

munīṣu bāṇavedāśca munyagnivahnayastathā|
vahnivedabāṇasapta aṣṭāṅkavedabāṇakāḥ||4-139||

pañcasaptānalāgniśca vahnīṣubāṇabāṇakāḥ|
bāṇavedakāntavedakāntaśruticaturthakāḥ||4-140||

rāmaṣīmuniṣaṣṭhāśca sapteṣu rāmavedakāḥ|
vedasaptāṣṭavasavo navamāṣṭamasaptamāḥ||4-141||

vahnyagnivedabāṇāśca vasvaṣṭānalavedakāḥ|
saptāṣṭamāśca samproktā gṛhāṅkāḥ parikītītāḥ||4-142||

yeṣāṃ manasi yā vidyā sadā tiṣṭhati bhāvane|
tāmāśritya japedvidvān tadā sidhyati niścitam||4-143||

svanāma devatānāma pūrayet ṣoḍaśāṅkakaiḥ|
harennijagṛhasthena cāṅkena sādhakottamaḥ||4-144||

kṛtaśeṣaṃ bahutaraṃ śubhaṃ devasya niścitam|
alpāṅkasādhakasyāpi saukhyameva na saṃśayaḥ||4-145||

uktakrameṇa gaṇayet sādhakaḥ sthiramānasaḥ|
mahāvidyānāyikādiyajñabhūtādisādhane||4-146||

samproktaṃ cakrasārañca sarvatantreṣu gopitam|
tataścakravicāreṇa siddhimāpnoti sādhakaḥ||4-147||

catuścakraṃ pravakṣyāmi śṛṇuṣva pārvatīpate|
vāmadakṣiṇayogena rekhāpañcakamālikhet||4-148||

pūrvapaścimabhedena rekhāḥ pañca samālikhet|
catuṣkoṣṭhe dakṣabhāge catuṣkoṣṭhe ca mantravit||4-149||

tadadhaśca catuṣkoṣṭhe tadvāmasthe caturgṛhe|
pralikhet kramaśaścādye caturmandiramadhyake||4-150||

śīghrañca śītalaṃ japtaṃ siddhañcāpi tataḥ param|
akārañca ukārañca ḷsokāraṃ tataḥ param||4-151||

ūdrdhvasthamiti varṇaṃ tu śītalasthaṃ śṛṇu prabho|
akārañca ukārañca(ḷ ḹ)saukārañca tataḥ param||4-152||

tadadho japagehasthaṃ varṇaṃ śṛṇu mahāprabho|
ikārañca ṛkārañca ekārañca tataḥ param||4-153||

siddhagehasthitaṃ varṇaṃ śṛṇu sarvasukhapradam|
taddakṣiṇacaturgehe sthitān varṇān vadāmi tān||4-154||

āhlādañca pratyayañca mukhañca śuddhamityapi|
etatkulasthān sarvārṇān śubhāśubhaphalapradān||4-155||

kakārañca ṛkārañca ṝkārañca ñakārakam|
āhlādasthamiti proktaṃ prāptimātreṇa siddhidam||4-156||

pratyayasthaṃ gakārañca ghakāraṃ ṭaṭhamityapi|
mukhasthaṃ hi ṅakārañca cakāraṃ ḍaḍhamityapi||4-157||

śuddhasthañca ukārañca jakāraṃ ṇatamityapi|
tadadhaḥsthaṃ caturgehaṃ laukikaṃ sāttvikaṃ tathā||4-158||

mānasikaṃ rājasikaṃ caturgehasthitaṃ tvimam|
laukikasthaṃ thakārañca dakārañca makārakam||4-159||

sāttvikasthaṃ dhakārañca lakārañca yakārakam|
mānasikañca śṛṇu bho pakārañca phamityapi||4-160||

śṛṇu rājasikatvañca bhakāraṃ vanamityapi|
tannāmasthaṃ caturgehaṃ śṛṇu pañcānana prabho||4-161||

suptaṃ kṣiptañca liptañca duṣṭamantraṃ prakītītam|
ūdrdhvagehasthitā varṇamantrān gṛhṇāti yo naraḥ||4-162||

varjayitvā suptamantraṃ kṣiptaṃ liptañca duṣṭakam|
ehike siddhimāpnoti pare muktimavāpnuyāt||4-163||

yadyabhāgyavaśātsuptādiṣu geheṣu labhyate|
tadā mantraṃ śodhayed vai suptastambhitakīlitaiḥ||4-164||

vaddhītairdoṣajālasthairaśubhaṃ bhūtaśuddhaye|
bhūtalipyā puṭīkṛtyā japtvā siddhiṃ tato labhet||4-165||

na tu vā varjayed gehaṃ catuṣkaṃ varṇaveṣṭitam|
suptagehasthitaṃ varṇaṃ śṛṇu pañcānana prabho||4-166||

vakārañca hakārañca tato'nyadgṛhasaṃsthitam|
śakārañca lakārañca kṣiptagehasthitadvayam||4-167||

dhakārañca kṣakārañca liptagehasthitaṃ dvayam|
duṣṭagehasthitaṃ nātha śakāragaganaṃ tathā||4-168||

nijaṃ saubhāgyayuktaṃ yattanmantraṃ tadupāśrayet|
sūkṣmacakraṃ pravakṣyāmi hitāhitaphalapradam||4-169||

etaduktākṣaraṃ śambho gṛhītvā japamācaret|
vāmadakṣiṇamārabhya saptarekhāḥ samālikhet||4-170||

bhitvā tadaṅkān mantrī ca rekhācatuṣṭayaṃ likhet|
dakṣiṇādikrameṇaiva baddhamandiramadhyake||4-171||

mantrākṣarāṇi vilikhedaṅkācāreṇa sādhakaḥ|
tadaṅkaṃ śṛṇu yatnena narāṇāṃ bhuktimuktidam||4-172||

prathame mandire nātha bhujāṅkaṃ vilikhettataḥ|
viṣṇumantrādigehe ca vedāṅkaṃ vilikhed budhaḥ||4-173||

tatpaścādaṣṭamāṅkaṃ ca bhujādhaḥ ṣaṣṭhameva ca|
tadgehaṃ śaṅkarasyāpi tatpaścāddaśamaṃ gṛhe||4-174||

tatpaścāddvādaśāṅkañca nāyikāsthānameva ca|
ṣaṣṭhādhoyugalāṅkañca tatpaścādaṣṭamaṃ tathā||4-175||

tadgṛhaṃ śambhunā vyastaṃ tatpaścādaṣṭamaṃ tathā|
yugalādhogṛhe cāpi caturdaśākṣaraṃ tathā||4-176||

taddakṣiṇe sūryagehaṃ catudrdaśākṣarānvitam|
tatpaścāt ṣoḍaśāṅkañca punaraṅkaṃ likhettataḥ||4-177||

taddakṣiṇe vedavarṇaṃ tatpaścādaṣṭamākṣaram|
brahmamandiramevaṃ tat ṣoḍaśādhaḥ punaḥ śṛṇu||4-178||

aṣṭamāṅkaṃ tato yugmamaṣṭādaśākṣaraṃ tataḥ|
prathamasthaṃ dvitīyasthaṃ gṛhṇīyād śubhadaṃ smṛtam||4-179||

tṛtīyasthaṃ mahāpāpaṃ sarvamantreṣu kītītam|
dvitīyaṃ prathamaṃ duḥkhaṃ tṛtīyaṃ sarvabhāgyadam||4-180||

tṛtīyañca tathā nātha gṛhṇīyānnijasiddhaye|
tṛtīye prathamaṃ bhadraṃ dvitīyaṃ duḥkhadāyakam||4-181||

tṛtīyañca tathā proktamaṣṭākṣaragṛhaṃ bhayam|
caturdaśākṣaraṃ bhadraṃ sūryamantraṃ dvitīyakam||4-182||

tṛtīyasthaṃ ṣoḍaśāṅke mahākalyāṇadāyakam|
aṣṭamūtīḥ ṣoḍaśāṅke caturthe śatrumāraṇam||4-183||

tṛtīyagṛhamadhyasthaṃ brahmakalyāṇadāyakam|
vasvakṣaraṃ sarvaśeṣagṛhamadhyasthameva ca||4-184||

aṣṭamañca mahābhadraṃ kṣamaṃ cittabhayapradam|
aṣṭādaśāṅkaṃ śubhadaṃ śeṣagehatraye tathā||4-185||

yeṣāṃ yadakṣarāṇāñca mantraṃ cetasi vartate|
etat śubhāśubhaṃ jñātvā mantravarṇaṃ tadābhyaset||4-186||

viṣṇumantrasthitaṃ mantraṃ nāyikāsthaṃ śivasthakam|
sūryasthaṃ brahmasaṃsthañca gṛhṇīyāt śākta eva ca||4-187||

vaiṣṇavo viṣṇumantrārthaṃ śaivaḥ śivamupāśrayet|
nāyikāmantrajāpī ca nāyikārṇaṃ sadābhyaset||4-188||

sūryamantravicārārthī sūryamantraṃ samāśrayet|
ekasthaṃ yugalasthānaṃ tṛtīyasthānameva ca||4-189||

jñāttvā mantraṃ pragṛhṇīyāt anyathā cāśubhaṃ bhavet|
etadanyatamaṃ mantraṃ divyavīreṣu gīyate||4-190||

tataścakraṃ paśoruktaṃ sarvasiddhipradaṃ dhruvam|
etaccakraprabhāveṇa paśurvīropamaḥ smṛtaḥ||4-191||

sarvasiddhiyuto bhūtvā vatsarāttāṃ prapaśyati||4-192||

iti śrīrudrayāmale uttaratantre mahāmantroddīpane sarvacakrānuṣṭhāne siddhamantraprakaraṇe bhāvanirṇaye bhairavībhairavasaṃvāde caturthaḥ paṭalaḥ||4||

Kapitel 5

atha pañcamaḥ paṭalaḥ

mahākathahacakrārthaṃ sarvacakrottamottamam|
yasya vicāramātreṇa kāmarūpī bhavennaraḥ||1||

tataḥ prakāraṃ vīrāṇāṃ nāthaḥ tvaṃ kramaśaḥ śṛṇu|
caturasre likhet varṇāṃścatuḥkoṣṭhasamanvite||5-2||

catuḥkoṣṭhe catuḥkoṣṭhe catuścaturgṛhānvitam|
mandiraṃ ṣoḍaśaṃ proktaṃ sarvakāmārthasiddhidam||5-3||

caturasraṃ likhetkoṣṭhaṃ catuḥkoṣṭhasamanvitam|
punaścatuṣkaṃ tatrāpi likheddhīmān krameṇa tu||5-4||

sarveṣu gṛhamadhyeṣu prādakṣiṇyakrameṇa tu|
akārādikṣakārāntaṃ likhitvā gaṇayettataḥ||5-5||

candramagṃni rudravarṇaṃ navamaṃ yugalaṃ tathā|
vedamarkaṃ daśarasaṃ vasuṃ ṣoḍaśameva ca||5-6||

caturdaśaṃ bhautikañca saptapañcadaśeti ca|
vahnīndukoṣṭhagaṃ varṇaṃ saṅketāṅkaiḥ mayoditam||5-7||

etadaṅkasthitaṃ varṇaṃ gaṇayettadanantaram|
nāmādyakṣaramārabhya yāvanmantrādimākṣaram||5-8||

catubhīḥ koṣṭhairekaikamiti koṣṭhacatuṣṭayam|
punaḥ koṣṭhagakoṣṭheṣu satyato nāmna āditaḥ||5-9||

siddhaḥ sādhyaḥ susiddho'riḥ kramaśo gaṇayetsudhīḥ|
siddhaḥ siddhyati kālena sādhyastu japahomataḥ||5-10||

susiddho'grahaṇājjñānī śatrurhanti svamāyuṣam|
siddhārṇo bāndhavaḥ proktaḥ sādhyaḥ sevaka ucyate||5-11||

siddhakoṣṭhasthitā varṇā bāndhavāḥ sarvakāmadāḥ|
japena bahusiddhiḥ syāt sevako'dhikasevayā||5-12||

puṣṇāti poṣako'bhīṣṭo ghātako nāśayed dhruvam|
siddhaḥ siddho yathoktena dviguṇaḥ siddhasādhakaḥ||5-13||

siddhaḥ susiddhodrdhvajapāt siddhārirhanti bāndhavān|
sādhyaḥ siddho dviguṇakaḥ sādhye sādhyo nirarthakaḥ||5-14||

tatsusiddho dviguṇajapāt sādhyārirhanti gotrajān|
susiddhasiddhodrdhvajapāttatsādhyo dviguṇādhikāt||5-15||

tatsusiddho grahādeva susiddhāriḥ svagotrahā|
ariḥ siddhaḥ sutān hanyādarisādhyastu kanyakāḥ||5-16||

tatsusiddhistu patnīghnastadarirhanti gotrajān|
yadi vairimanorhastasthitaḥ syāt sādhako bhuvi||5-17||

tadante rakṣaṇārthaṃ hi kuryādevaṃ kriyādikam|
tatprakāraṃ mahāvīra śṛṇuṣva girijāpate||5-18||

vaṭapatre likhitvārimantraṃ srotasi nikṣipet|
evaṃ mantravimuktaḥ syānmamājñāvaśahetunā||5-19||

punaḥ prakāraṃ viprastu gavāṃ kṣīre mudānvitaḥ|
droṇamite japenmantramaṣṭottarasamanvitam||5-20||

pītvā kṣīraṃ manomadhye dhyātvā mantraṃ samuccaran|
santyajannīramadhye tu vairimantrapramuktaye||5-21||

punaḥ prakāraṃ vakṣyāmi trirātramekavāsaram|
upoṣya vidhinānena pūjāṃ kṛtvā śanau kuje||5-22||

sahasraṃ vā śataṃ vāpi aṣṭottarasamanvitam|
japitvā santyajenmantraṃ kṣīrasāgaramaṇḍale||5-23||

athavā tadguroḥ sthāne cānyasthāne ca vā punaḥ|
vicārya mantravarṇañca gṛhītvā mokṣamāpnuyāt||5-24||

svapne yadi mahāmantraṃ prāpnoti sādhakottamaḥ|
tadā siddhimavāpnoti satyaṃ satyaṃ kuleśvara||5-25||

tanmantraṃ kaulike nātha guroryatnena saṅgrahī|
yadā bhavati siddhiḥ syāttatkṣaṇānnātra saṃśayaḥ||5-26||

ariṃ vā devadeveśa yadi vigrāhayenmanum|
anyamantraṃ vicāryaiva viṣṇoścaiva śivasya ca||5-27||

śaktimantraṃ yadi ripuṃ tadā evaṃ prakārakam|
ādāvante ca madhye ca oṃ vauṣaṭ svāhayānvitam||5-28||

kṛtvā japtvā mahāsiddhiṃ kāmarūpasthitāmiva|
prāpnoti nātra sandeho mamājñā varavaṇīnī||5-29||

śṛṇu cakraphalaṃ nātha vicārācāramaṅgalam|
prāsādañca mahāmantraṃ sadgurormukhapaṅkajāt||5-30||

labhyate yadi bhāgyena siddhireva na saṃśayaḥ|
tadabhāve siddhimantraṃ dṛṣṭādṛṣṭaphalonmukham||5-31||

mahācamatkārakaraṃ hṛdayollāsavarddhanam|
svapne vā sadguroḥ sthāne prāptimātreṇa muktidam||5-32||

tanmantraṃ varjayitvā ca ghorāndhakāraraurave|
vasanti sarvakālaṃ ca mamājñāvaśabhāginī||5-33||

tatraiva cakrasārādi vicāraṃ vyarthabhāṣaṇam|
arimantraṃ mahāpuṇyaṃ sarvamantrottamottamam||5-34||

koṭijanmājītaiḥ puṇyairmahāvidyāśrayī bhavet|
svapne koṭikulotpannaiḥ puṇyakoṭiphalairapi||5-35||

prāpnoti sādhako mantraṃ bhuktaye muktaye dhruvam|
tataścakraṃ na vicāryaṃ vicārya maraṇaṃ bhavet||5-36||

kintu cakravicārañca yadi svapne camatkṛtam|
eteṣāṃ cakravarṇānāṃ vicārādaṣṭasiddhidam||5-37||

vāyuṃ muktiṃ dhanaṃ yogasiddhimṛddhiṃ dhanaṃ śubham|
dharmadehapavitrañca akāle mṛtyunāśanam||5-38||

vāñchāphalapradaṃ gaurīcaraṇāmbhojadarśanam|
bhuktiṃ muktiṃ harasthānaṃ prāpnoti nātra saṃśayaḥ||5-39||

eṣāṃ cakrādikālañca kramaśo gaṇitaṃ phalam|
yadi sarvavicārañca karoti sādhakottamaḥ||5-40||

tadā sarvaphalaṃ nityaṃ prāpnoti nātra saṃśayaḥ|
mahāvrataṃ vivekañca vicārāllabhate dhruvam||5-41||

akasmāt siddhimāpnoti cakrarājaṃ vicārataḥ|
sarve devāḥ praśaṃsanti cakramantrāśritaṃ jalam||5-42||

vākyasiddhirbhavet kṣipraṃ prāṇāyāmādisiddhibhāk|
sarveṣāṃ praṇamed bhūmau vicaret sādhako balī||5-43||

iti te kathitaṃ nātha cakraṃ ṣoḍaśamaṅgalam|
cakrāṇāṃ lokanādeva sāyujyapadamāpnuyāt||5-44||

ato vicāraṃ sarvatra sarvacakrādimaṅgalam||5-45||

iti śrīrudrayāmale uttaratantre mahātantroddīpane sarvacakrānuṣṭhāne|
siddhitantraprakaraṇe pañcama paṭalaḥ||5||

Kapitel 6

atha ṣaṣṭhaḥ paṭalaḥ

bhairava uvāca

atha bhāvaṃ vada śrīde divyavīrapaśukramāt|
paśūnāṃ paramāścaryabhāvaṃ śrotuṃ samutsukaḥ||6-1||

icchāmyāhlādajaladhau sthito'haṃ jagadīśvari|
yadi bhāgyavaśādājñāsāraṃ cintaya siddhaye||6-2||

mahābhairavyuvāca

paśunātha vīranātha divyanātha kṛpānidhe|
prakāśahṛdayollāsa candraśekhara tacchṛṇu||6-3||

kālī kalālatākāraṃ tapasyādvayasaṅgatim|
paśubhāvasthitāṃ nātha devatāṃ śṛṇu vistarāt||6-4||

durgāpūjāṃ śivapūjāṃ yaḥ karoti paśūttamaḥ|
avaśyaṃ hi yaḥ karoti paśuruttamaḥ smṛtaḥ||6-5||

kevalaṃ śivapūjāñca karoti yadi sādhakaḥ|
paśūnāṃ madhyamaḥ śrīmān śivayā saha cottamaḥ||6-6||

kevalaṃ vaiṣṇavo'dhīśaḥ paśūnāṃ madhyamaḥ smṛtaḥ|
bhūtānāṃ devatānāñca sevāṃ kurvanti ye sadā||6-7||

paśūnāṃ madhyamāḥ proktaṃ narakasthā na saṃśayaḥ|
tvatsevāṃ mama sevāñca viṣṇubrahmādisevanam||6-8||

kṛtvānyasarvabhūtānāṃ nāyikānāṃ mahāprabho|
yakṣiṇīnāṃ bhūtinīnāṃ tataḥ sevā śubhapradā||6-9||

yaḥ paśurbrahmakṛṣṇādi sevāṃ kurvanti ye sadā|
tathā śrītārakabrahma sevādvaye narottamāḥ||6-10||

teṣāmasādhyā bhūtādidevatāḥ sarvakāmadāḥ|
varjayet paśumārgeṇa viṣṇusevāparo janaḥ||6-11||

pravaktavyañca paṭale teṣāṃ teṣāṃ tatastataḥ|
vidhinā vidhinā nātha kramaśaḥ śṛṇu vallabha||6-12||

ataḥ prātaḥ samuttthāya paśuruttamapaṇḍitaḥ|
gurūṇāṃ caraṇāmbhojamaṅgalaṃ śīrṣapaṅkaje||6-13||

vibhāvya punarekaṃ hi śrīpādaṃ bhāvayed yadi|
pūjayitvā ca vīraṃ vai upahārairna me stavaiḥ||6-14||

trailokyaṃ tejasā vyāptaṃ maṇḍalasthāṃ mahotsavām|
taḍitkoṭiprabhādīptiṃ candrakoṭisuśītalām||6-15||

sārddhatrivalayākārāṃ svayambhūliṅgaveṣṭitām|
uttthāpayenmahādevīṃ mahāraktāṃ manonmayīm||6-16||

śvāsocchvāsadvayāvṛttiṃ dvādaśāṅgularūpiṇīm|
yoginīṃ khecarīṃ vāyurūpāṃ mūlāmbujasthitām||6-17||

caturvarṇasvarūpāntāṃ vakārādiṣasāntakām|
koṭikoṭisahasrārkakiraṇāṃ kulamohinīm||6-18||

mahāsūkṣmapathaprāntavāntarāntaragāminīm|
trailokyarakṣitāṃ vākyadevatāṃ śambhurūpiṇīm||6-19||

mahābuddhipradāṃ devīṃ sahasradalagāminīm|
mahāsūkṣmapathe tejomayīṃ mṛtyusvarūpiṇīm||6-20||

kālarūpāṃ sarvarūpāṃ sarvatra sarvacinmayīm|
dhyātvā punaḥ punaḥ śīrṣe sudhābdhau viniveṣṭitām||6-21||

sudhāpānaṃ kārayitvā punaḥ sthāne samānayet|
samānayanakāle tu suṣumnāmadhyamadhyake||6-22||

amṛtābhiplutāṃ kṛtvā punaḥ sthāneṣu pūjayet|
ūdrdhvodgamanakāle tu mahātejomayīṃ smaret||6-23||

pratiprayāṇakāle tu sudhādhārābhirāplutām|
mahākulakuṇḍalinīmamṛtānandavigrahām||6-24||

dhyātvā dhyātvā punardhyātvā sarvasiddhiśvaro bhavet|
tasminsthāne mahādevīṃ vibhāvya kiraṇojjvalām||6-25||

amṛtānandamuktiṃ tāṃ pūjayitvā śubhāṃ mudā|
mānasoccārabījena māyāṃ vā kāmabījakam||6-26||

pañcāśadvarṇamālābhirjjaptvānulomasatpathā|
vilomena punarjaptvā sarvatra jayadaṃ stavam||6-27||

paṭhitvā siddhimāpnoti tatstotraṃ śṛṇu bhairava||6-28||

janmoddhāranirakṣiṇīhataruṇī vedādibījādimā|
nityaṃ cetasi bhāvyate bhuvi kadā sadvākyasañcāriṇī|
māṃ pātu priyadā sa vipadaṃ saṃhārayitri dhare|
dhātri tvaṃ svayamādidevavanitādīnātidīnaṃ paśum||6-29||

raktābhāmṛtacandrikālipimayī sarpākṛtinīdritā|
jāgratkūrmasamāśritā bhagavatī tvaṃ māṃ samālokaya|
māṃsodgandhakugandhadoṣajaḍitaṃ vedādikāryānvita|
svalpānyāmalacandrakoṭikiraṇainītyaṃ śarīraṃ kuru||6-30||

siddhārthī nijadoṣavit sthalagatirvyājīyate vidyayā|
kuṇḍalyākulamārgamuktanagarīmāyākumārgaḥ śriyā|
yadyevaṃ bhajati prabhātasamaye madhyāhnakāle'thavā|
nityaṃ yaḥ kulakuṇḍalījapapadāmbhojaṃ sa siddho bhavet||6-31||

vāyvākāśacaturdale'tivimale vāñchāphalānyālake|
nityaṃ samprati nityadehaghaṭitā śāṅketitābhāvitā|
vidyākuṇḍalamāninī svajananī māyākriyā bhāvyate
yaistaiḥ siddhakulodbhavaiḥ praṇatibhiḥ satstotrakaiḥ śaṃbhubhiḥ||6-32 ||

dhātāśaṅkara mohinītribhuvanacchāyāpaṭodgāminī|
saṃsārādimahāsukhapraharaṇī tatrasthitā yoginī|
sarvagranthivibhedinī svabhujagā sūkṣmātisūkṣmāparā|
brahmajñānavinodinī kulakuṭī vyāghātinī bhāvyate||6-33||

vande śrīkulakuṇḍalītrivalibhiḥ sāṅgaiḥ svayambhūṃ priya|
prāveṣṭyāmbaramāracittacapalā bālābalāniṣkalā|
yā devī paribhāti vedavadanā saṃbhāvinī tāpinī|
iṣṭānāṃ śirasi svayambhuvanitāṃ saṃbhāvayāmi kriyām||6-34||

vāṇīkoṭimṛdaṅganādamadanāniśreṇikoṭidhvaniḥ|
prāṇeśīrasarāśamūlakamalollāsaikapūrṇānanā|
āṣāḍhodbhavameghavājaniyutadhvāntānanāsthāyinī|
mātā sā paripātu sūkṣmapathage māṃ yogināṃ śaṅkaraḥ||6-35||

tvāmāśritya narā vrajanti sahasā vaikuṇṭhakailāsayoḥ|
ānandaikavilāsinīṃ śaśiśatānandānanāṃ kāraṇām|
mātaḥ śrīkulakuṇḍalī priyakare kālī kuloddīpane|
tatsthānaṃ praṇamāmi bhadravanite māmuddhara tvaṃ paśum||6-36||

kuṇḍalīśaktimārgasthaṃ stotrāṣṭakamahāphalam|
yataḥ paṭhet prātarutthāya sa yogī bhavati dhruvam||6-37||

kṣaṇādeva hi pāṭhena kavinātho bhavediha|
paṭhet śrīkuṇḍalo yogo brahmalīno bhavet mahān||6-38||

iti te kathitaṃ nātha kuṇḍalīkomalaṃ stavam|
etatstotraprasādena deveṣu gurugīṣpatiḥ||6-39||

sarve devāḥ siddhiyutāḥ asyāḥ stotraprasādataḥ|
dviparārddhaṃ ciraṃjīvī brahmā sarvasureśvaraḥ||6-40||

tvaṣṭāpi mama nikaṭe sthito bhagavatīpatiḥ|
māṃ viddhi paramāṃ śaktiṃ sthūlasūkṣmasvarūpiṇīm||6-41||

sarvaprakāśakaraṇīṃ vindhyaparvatavāsinīm|
himālayasutāṃ siddhāṃ siddhamantrasvarūpiṇīm||6-42||

vedāntaśaktitantrasthāṃ kulatantrārthagāminīm|
rudrayāmalamadhyasthāṃ sthitisthāpakabhāvinīm||6-43||

pañcamudrāsvarūpāñca śaktiyāmalamālinīm|
ratnamālāvalākoṭyāṃ candrasūryaprakāśinīm||6-44||

sarvabhūtamahābuddhidāyinīṃ dānavāpahām|
sthityutpattilayakārīṃ karuṇāsāgarasthitām||6-45||

mahāmohanivāsāḍhyāṃ dāmodaraśarīragām|
chatracāmararatnāḍhya mahāśūlakarāṃ parām||6-46||

jñānadāṃ vṛddhidāṃ jñānaratnamālākalāpadām|
sarvatejaḥsvarūpābhāmanantakoṭivigrahām||6-47||

daridradhanadāṃ lakṣmīṃ nārāyaṇamanoramām|
sadā bhāvaya śambho tvaṃ yoganāyakapaṇḍita||6-48||

punarbhāvaṃ paśoreva śṛṇu sādarapūrvakam|
akasmāt siddhimāpnoti paśurnārāyaṇopamaḥ||6-49||

vaikuṇṭhanagare yāti caturbhujakalevaraḥ|
śaṅkhacakragadāpadmahasto garuḍavāhanaḥ||6-50||

mahādharmasvarūpo'sau mahāvidyāprasādataḥ|
paśubhāvaṃ mahābhāvaṃ bhāvānāṃ siddhidaṃ punaḥ||6-51||

ādau bhāvaṃ paśoḥ kṛtvā paścāt kuryādavaśyakam|
vīrabhāvaṃ mahābhāvaṃ sarvabhāvottamottamam||6-52||

tatpaścādatisaundaryaṃ divyabhāvaṃ mahāphalam|
phalākāṅkṣī mokṣagaśca sarvabhūtahite rataḥ||6-53||

vidyākāṅkṣī dhanākāṅkṣī ratnākāṅkṣī ca yo naraḥ|
kuryād bhāvatrayaṃ divyaṃ bhāvasādhanamuttamam||6-54||

bhāvena labhate vādyaṃ dhanaṃ ratnaṃ mahāphalam|
koṭigodānajaiḥ puṇyaiḥ koṭiśālagrāmadānajaiḥ||6-55||

vārāṇasyāṃ koṭiliṅgapūjanena ca yatphalam|
tatphalaṃ labhate martyaḥ kṣaṇādeva na saṃśayaḥ||6-56||

ādau daśamadaṇḍe tu paśubhāvamathāpi vā|
madhyāhne daśadaṇḍe tu vīrabhāvamudāhṛtam||6-57||

sāyāhnadaśadaṇḍe tu divyabhāvaṃ śubhapradam|
athavā paśubhāvastho yajediṣṭādidevatām||6-58||

janmāvadhi yajenmantrī mahāsiddhimavāpnuyāt|
sarveṣāṃ gururūpaḥ syādaiśvaryañca dine dine||6-59||

yadi gurusvabhāvaḥ syāttadā madhumatīṃ labhet|
yadi vivekī niryāti mahāvananivāsavān||6-60||

brahmacaryavratastho vā athavā svapure vasan|
pīṭhabrāhmaṇamātreṇa mahāṣoḍhāśrameṇa ca||6-61||

paśubhāvasthito mantrī siddhavidyāmavāpnuyāt|
yadi pūrvāparasthāñca mahākaulikadevatām||6-62||

kulamārgasthito mantrī siddhimāpnoti niścitam|
yadi vidyāḥ prasīdanti vīrabhāvaṃ tadā labhet||6-63||

vīrabhāvaprasādena divyabhāvamavāpnuyāt|
divyabhāvaṃ vīrabhāvaṃ ye gṛhṇanti narottamāḥ||6-64||

vāñchākalpadrumalatāpatayaste na saṃśayaḥ|
āśramī dhyānaniṣṭhaśca mantratantraviśāradaḥ||6-65||

bhūtvā vasenmahāpīṭhaṃ sadā jñānī bhaved yatiḥ|
kimanyena phalenāpi yadi bhāvādikaṃ labhet||6-66||

bhāvagrahaṇamātreṇa mama jñānī bhavennaraḥ|
vākyasiddhirbhavet kṣipraṃ vāṇī hṛdayagāminī||6-67||

nārāyaṇaṃ parihāya lakṣmīstiṣṭhati mandire|
mama pūrṇaṃ tu mādṛṣṭī tasya dehe na saṃśayaḥ||6-68||

avaśyaṃ siddhimāpnoti satyaṃ satyaṃ na saṃśayaḥ|
mahābhairava uvāca sūcitaṃ tu mahādevi kathayasvānukampayā||6-69||

sarvatantreṣu vidyāsu bhāvasaṅketameva hi|
tathāpi śaktitantreṣu viśeṣāt sarvasiddhidam||6-70||

bhāvavidyāvidhiṃ vidye vistārya bhāvasādhanam|

ānandabhairava uvāca

bhāvastu trividho deva divyavīrapaśukramāt||6-71||

gururasya tridhā cātra tathaiva mantradevatāḥ|
divyabhāvo mahādeva śreyasāṃ sarvasiddhidam||6-72||

dvitīyo madhyamaḥ proktastṛtīyaḥ sarvaninditaḥ|
bahujapāttathāhomāt kāyakleśādivistaraiḥ||6-73||

na bhāvena binā devi tantramantrāḥ phalapradāḥ|
kiṃ vīrasādhanenaiva mokṣavidyākulena kim||6-74||

kiṃ pīṭhapūjanenaiva kiṃ kanyābhojanādibhiḥ|
svayoṣitprītidānena kiṃ pareṣāṃ tathaiva ca||6-75||

kiṃ jitendriyabhāvena kiṃ kulācārakarmaṇā|
yadi bhāvo viśuddhārtho na syāt kulaparāyaṇaḥ||6-76||

bhāvena labhate muktiṃ bhāvena kulavarddhanam|
bhāvena gotravṛddhiḥ syād bhāvena kulaśodhanam||6-77||

kiṃ tathā pūjanenaiva yadi bhāvo na jāyate|
kena vā pūjyate vidyā kena vā pūjyate manuḥ||6-78||

phalābhāvaśca deveśa bhāvābhāvāt prajāyate|
etanmantrasya kathane śaṅkate mama mānasaḥ||6-79||

trilokaṃ sañjayet prāyaḥ sarvaratnasamāgamaḥ|
nāvīkṣya nirjanaṃ kuryāt kathaṃ tat kathayāmi te||6-80||

śrīānandabhairava uvāca

tvatprasādānmahādevi ! vidyāsvapnaprabodhini|
sarvapañcaprapañcānāṃ dīkṣā deyā maheśvari||6-81||

yadyato deva sarveṣāṃ bhūtānāṃ svāpakāraṇam|
karomi kathaya tvaṃ māṃ bhāvamārgottamottamam||6-82||

śrīmahābhairavyuvāca

prathamaṃ divyabhāvastu kaulike śṛṇu yatnataḥ|
sarvadevācītāṃ vidyāṃ tejaḥpuñjaprapūritām||6-83||

tejomayīṃ jagatsarvāṃ vibhāvya mūtīkalpanām|
tattanmūtīmayaiḥ rūpaiḥ snehaśūnye na vā punaḥ||6-84||

ātmānaṃ tanmayaṃ kṛtvā sarvabhāvaṃ tathaiva ca|
tatsarvāṃ yoṣitaṃ dhyātvā pūjayedyatamānasaḥ||6-85||

aśeṣakulasampannāṃ nānājātisamudbhavām|
nānādeśodbhavāṃ vāpi sadguṇālasya saṃyutām||6-86||

dvitīyavatsarādūrdhvaṃ yāvat syādaṣṭamābdakam|
tāvajjaptvā pūjayitvā kanyāṃ sundaramohinīm||6-87||

divyabhāvaḥ sthitaḥ sākṣāttantramantraphalaṃ labhet|
kumārīpūjanādeva kumārībhojanādibhiḥ||6-88||

ekadvitryādibījānāṃ phaladā nātra saṃśayaḥ|
tābhyaḥ puṣpaphalaṃ dattvā anulepādikaṃ tathā||6-89||

balipriyañca naivedyaṃ dattvā tadbhāvabhāvitaḥ|
mudā tadaṅgamālyānāṃ bālabhāvaviceṣṭitaḥ||6-90||

jātipriya kathālāpakrīḍākautūhalānvitaḥ|
yathārthaṃ tat priyaṃ tatra kṛttvā siddhīśvaro bhavet||6-91||

kanyā sarvasamṛddhiḥ syāt kanyā sarvaparantapaḥ|
homaṃ mantrārcanaṃ nityakriyāṃ kaulikasatkriyām||6-92||

nānāphalaṃ mahādharmaṃ kumārīpūjanaṃ binā|
tattadarddhaphalaṃ nātha prāpnoti sādhakottamaḥ||6-93||

phalaṃ koṭiguṇaṃ vīraḥ kumārīpūjayā labhet|
kusumāñjalipūrṇañca kanyāyāṃ kulapaṇḍitaḥ||6-94||

dadāti yadi tatpuṣpaṃ koṭimeruprado bhavet|
tajjñānajaṃ mahāpuṇyaṃ kṣaṇādeva samālabhet||6-95||

kumārī bhojitā yena trailokyaṃ tena bhojitam|
ekavarṣā bhavet sandhyā dvivarṣā ca sarasvatī||6-96||

trivarṣā ca tridhāmūtīścaturvarṣā ca kālikā|
sūryagā pañcavarṣā ca ṣaḍvarṣā caiva rohiṇī||6-97||

saptabhirmālinī sākṣādaṣṭavarṣā ca kubjikā|
navabhiḥ kālasandātrī daśabhiścāparājitā||6-98||

ekādaśe ca rudrāṇī dvādaśe'bde tu bhairavī|
trayodaśe mahālakṣmīdvīsaptapīṭhanāyikā||6-99||

kṣetrajñā pañcadaśabhiḥ ṣoḍaśe cāmbikā matā|
evaṃ krameṇa sampūjya yāvat puṣpaṃ na vidyate||6-100||

pratipadādipūrṇāntaṃ vṛddhibhedena pūjayet|
mahāparvasu sarveṣu viśeṣāñca pavitrake||6-101||

mahānavamyāṃ deveśa kumārīśca prapūjayet|
tasmāt ṣoḍaśaparyantaṃ yuvatīti pracakṣate||6-102||

tatra bhāvaprakāśaḥ syātsa bhāvaḥ paramo mataḥ|
rakṣitavyaṃ prayatnena rakṣitāstāḥ prakāśayet||6-103||

mahāpūjādikaṃ kṛtvā vastrālaṅkārabhojanaiḥ|
pūjayenmandabhāgyo'pi labhate jayamaṅgalam||6-104||

anyeṣāṃ kathanenātha prayojanamahāphalam|
vidhinā pūjayed yastu divyavīrapaśusthitaḥ||6-105||

bhāvatraye mahāsaukhyaṃ divye satkarma satphalam||6-106||

iti śrī rudrayāmale uttaratantre mahātantroddīpane kumāryupacaryāvilāse siddhamantraprakaraṇe bhāvanirṇaye ṣaṣṭhaḥ paṭalaḥ||6||

Kapitel 7

atha saptamaḥ paṭalaḥ

ānandabhairavī uvāca

atha pūjāṃ pravakṣyāmi kumāryāścātidurlabhām|
vyādhivargavihīnānāṃ śīghraṃ siddhyati bhūtale||7-1||

tatprakāraṃ mahādeva vīrāṇāmadhipādhipa|
pūjāsthānaṃ mahāpīṭhaṃ devālayamathāpi vā||7-2||

sundarīṃ paramānandavarddhanīṃ jayadāyinīm|
kālarātrisvarūpāṃ śrīṃ gaurīṃ raktāṅgarāgiṇīm||7-3||

kanyāṃ devakulodbhūtāṃ rākṣasīṃ vā narottamām|
naṭīkanyāṃ hīnakanyāṃ tathā kāpālikanyakām||7-4||

rajakasyāpi kanyāṃ te tathā nāpitakanyakām|
gopālakanyakāñcaiva tathā brāhmaṇakanyakām||7-5||

śūdrakanyāṃ vaiśyakanyāṃ tathā vaidyakanyakām
caṇḍālakanyakāṃ vāpi yatra kutrāśrame sthitām||7-6||

suhṛdvargasya kanyāṃ ca samānīya prayatnataḥ|
pūjayet paramānandairātmadhyānaparāyaṇaḥ||7-7||

kramaśaḥ śṛṇu devendra varahastaniṣevita|
paramānandasaundarya kāraṇānandavigrahaḥ||7-8||

mama pūjāṃ yaḥ karoti pratyahaṃ śuddhabhaktitaḥ|
tasyāvaśyaṃ kumārīṇāṃ pūjanaṃ bhojanaṃ raveḥ||7-9||

tejorūpaṃ vidhoścāgneḥ sarvabhāve praśasyate|
tatpūjanāt tadālāpād bhojanādapi tat śubham||7-10||

mama prītirbhavetsākṣād devatāguptisaṃsthitā|
bālabhairavadevasya kāminīvaṭukasya ca||7-11||

matputrasya sarvalokapūjitasya mahaujasaḥ|
pūjābhivīvidhaidīvyaiḥ kumārī deva pūjitā||7-12||

kumārī kanyakā proktā sarvajñā jagadīśvarī|
pūjārthaṃ sarvalokasya samānīya sureśvarāḥ||7-13||

pūjayanti mahādevīṃ guptabhāvanivāsinīm|
sadā bhojanavāñchārghyāṃ mālyasantuṣṭahāsinīm||7-14||

vṛthā na rauti sā devī kumārī devanāyikā|
sarasvatīsvarūpā ca pūjyate sarvanāyakaiḥ||7-15||

śivabhaktaivīṣṇubhaktaistathānyadevapūjitaiḥ|
sarvalokaiḥ pūjitā sā cāvaśyaṃ pūjyate budhaiḥ||7-16||

pūjayā labhate pūjāṃ pūjayā labhate śriyam|
pūjayā dhanamāpnoti pūjayā labhate mahīm||7-17||

pūjayā labhate lakṣmīṃ sarasvatīṃ mahaujasam|
mahāvidyāḥ prasīdanti sarve devā na saṃśayaḥ||7-18||

bālabhairavabrahmendrā brāhmaṇā brahmavādinaḥ|
rudrāśca devavargāśca vaiṣṇavā viṣṇurūpiṇaḥ||7-19||

avatārāśca dvibhujā viṣṇavo manuśobhitāḥ|
anye dikpāladevāśca carācaragurustathā||7-20||

nānāvidyāyutāssarve dānavā kūṭaśālinaḥ|
apavargasthitā ye ye te te tuṣṭā na saṃśayaḥ||7-21||

yadyahaṃ tuṣṭirūpā hi anye loke ca kā kathā|
kumārī pūjanaṃ kṛtvā trailokyaṃ vaśamānayet||7-22||

mahāśāntirbhavet kṣipraṃ sarvapuṇyaṃ phalapradam|
tattanmantrasadullekhāt kṣaṇāt puṇyayutaṃ bhavet||7-23||

mantreṇa puṭitaṃ kṛtvā japtvā siddhīśvaro bhavet|
yadyat prakāramuccārya vadāmi surasundara||7-24||

tattat kāryamavaśyaṃ ca bhinnabuddhiṃ na kārayet|

bhairava uvāca

atha bījaprabhedañca vada śaṅkarapūjite||7-25||

yadi māṃ snehapuñjo'sti matkulārthapraveśini|
vadasva paramānanda bhairavi prāṇavallabhe||7-26||

ānandabhairavī uvāca

śṛṇu nātha kulārthaṃ me kumārīpūjane manum|
mahāmantraṃ mahāmantraṃ siddhamantraṃ na saṃśayaḥ||7-27||

etanmantraprasādena jīvanmukto bhavet sudhīḥ|
ante devīpadaṃ yāti satyamānandabhairava||7-28||

ehikasukhasampattirmadhumatyāḥ prasādakam|
avaśyaṃ prāpnuyānmartyo viśvāsaṃ kuru śaṅkara||7-29||

vāgbhavena puraḥ kṣobhaṃ māyābīje guṇāṣṭakam|
śriyobīje śriyolābho māyābīje ripukṣayaḥ||7-30||

bhairaveṇa tu bījena khecaratvaṃ surādibhiḥ|
kumārikā hyahaṃ nātha sadā tvaṃ hi kumārakaḥ||7-31||

aṣṭottaraśataṃ vāpi ekāṃ vā paripūjayet|
pūjitāḥ pratipadyante nirdahantyavamānitāḥ||7-32||

kumārī yoginī sākṣāt kumārī paradevatā|
asurā aṣṭanāgāśca ye ye duṣṭagrahā api||7-33||

bhūtavetālagandharvā ḍākinīyakṣarākṣasāḥ|
yāścānyā devatāḥ sarvāḥ bhūrbhuvaḥ svaśca bhairava||7-34||

pṛthivyādīni sarvāṇi brahmāṇḍaṃ sacarācaram|
brahmā viṣṇuśca rudraśca īśvaraśca sadāśivaḥ||7-35||

te tuṣṭāḥ sarvatuṣṭāśca yastu kanyāṃ prapūjayet|
nidhiyuktāṃ kumārīṃ tu pūjayeccaiva bhairava||7-36||

pādyamarghyaṃ tathā dhūpaṃ kuṅkumaṃ candanaṃ śubham|
bhaktibhāvena sampūjya kumārībhyo nivedayet||7-37||

pradakṣiṇatrayaṃ kuryādādau madhye tathāntataḥ|
paścācca dakṣiṇā deyā rajatasvarṇamauktikaiḥ||7-38||

dakṣiṇāṃ vidhivaddatvā kumārībhyaḥ krameṇa tu|
vivāhayet svayaṃ kanyāṃ brahmahatyāṃ vyapohati||7-39||

yāvacca puṇyakāle tu kanyādānaṃ prakalpayet|
bhuktimuktiphalaṃ tasya saubhāgyaṃ sarvasampadaḥ||7-40||

rudraloke vasennityaṃ trinetro bhagavān haraḥ|
tīrthakoṭisahasrāṇi aśvamedhaśatāni ca||7-41||

tatphalaṃ labhate sadyo yastu kanyāṃ vivāhayet|
bālukāsāgare jñeyā tāvadabdasahasrakam||7-42||

ekaikaṃ kulamuddhṛtya rudraloke mahīyate|
tattadiṣṭadevānāṃ prītaye tuṣṭaye sudhī||7-43||

kanyādānaṃ samāhṛtya muktimāpnoti bhairava|
tattadvarṣīyakanyāyāstattadbuddhyā ca sādhakaḥ||7-44||

vibhāvya śivarūpatvaṃ sampradānīyakārake|
pūrṇarūpaṃ śivaṃ dhyātvā varaṃ sarvāṅgasundaram||7-45||

tejomayaṃ yaśaḥkāntaṃ bālabhairavarūpiṇam|
baṭukeśaṃ mahādevaṃ varayet sādhakāgraṇīḥ||7-46||

bālarūpāṃ bhairavīṃ ca trailokyasundarīṃ varām|
nānālaṅkāranamrāṅgīṃ bhadravidyāprakāśinīm||7-47||

cāruhāsyāṃ mahānandahṛdayāṃ śubhadāṃ śubhām|
dhyātvā dvādaśapatrābje pūrṇacandranibhānanām||7-48||

sampradāne samānīya tattanmantreṇa dāpayet|
etat śrutvā mahāvīro bāla(bala)rūpī nirañjanaḥ||7-49||

punajījñāsayāmāsa paramānandabhairavīm|

ānandabhairava uvāca

kumārīkulatattvārthaṃ mantrārthaṃ japanakramam||7-50||

yajanādiprakārañca bhojanādikramaṃ tathā|
homādiprakiyāṃ tasyāḥ stotraṃ pratyekameva hi||7-51||

kavacaṃ ca kumārīṇāṃ vadasva kramaśaḥ priye|
yena krameṇa sā vidyā kumārī paradevatā||7-52||

nirjane sādhakasyāgre mahāvākyaṃ svayaṃ vadet|
bālikā cārunayanā kena hetoḥ prasīdati||7-53||

tatprakāraṃ vada snehādānandabhairavapriye|

ānandabhairavī uvāca

śṛṇu śambho pravakṣyāmi kumārī kulamantrakān||7-54||

yena vijñānamātreṇa dharaṇīśo narottamaḥ|
sarveṣāṃ gururūpaḥ syāt kumārīyajanena ca||7-55||

ekavarṣā varā sandhyādikānāṃ manumuttamam|
ṣoḍaśācchāntarūpāṇāṃ mantraṃ śṛṇu mahāprabho||7-56||

kramādikañca sarveṣāṃ caitanyasiddhisatkriyām|
ānīya sundarīṃ nārīṃ kumārīṃ varanāyikām||7-57||

ratnālaṅkārasaṃyuktāṃ śaṅkhavastrādiśobhitām|
vāgbhavena jalaṃ nātha tannāmnā paridāpayet||7-58||

devībuddhyā sadā dhyātvā pūjayet sādhakottamaḥ|
māyābījena tannāmnā pādyaṃ dadyāt tathā prabho||7-59||

lakṣmībījena cārghyaṃ tu kuryād bījena candanam|
māyābījena puṣpāṇi kumāryai dāpayet sudhīḥ||7-60||

sadāśivena mantreṇa dhūpadīpau mahottamau|
datvā ṣaḍaṅgamantreṇa pūjayed devanāyakaḥ||7-61||

tatprakāraṃ mahādeva śṛṇuṣvānandarūpadhṛk|
mahātejomayaṃ śubhraṃ hṛdayaṃ hastadakṣiṇaiḥ||7-62||

vibhāvya prapaṭhed dhīmān tanmantraṃ śṛṇu śaṅkara|
ādau vāgbhavamuccārya māyāṃ lakṣmīṃ tu kūrcakam||7-63||

pretabījaṃ tato brūyāt savisargendubindukam|
kulaśabdaṃ samuccārya kumārike tato vadet||7-64||

hṛdayāyaḥ namaḥ procya tataḥ śirasi bhāvayet|
śuklavarṇaṃ sarvamayaṃ bījamuccārya saṃnyaset||7-65||

hakāraṃ vāgbhavāḍhyañca vakāraṃ vāgbhavārthakam|
māyāṃ lakṣmīṃ vāgbhavaṃ ca dviṭhānte śirase padam||7-66||

vahnijāyāvadhirmantro nyaset śirasi sādhakaḥ|
śikhāmadhye kṛṣṇavarṇaṃ nīlāñjanacayaprabham||7-67||

vibhāvya saṃnyasenmantrī kumārīkulasiddhaye|
ādau praṇavamuddhṛtva tadante vahnisundarī||7-68||

śikhāyai ca samuddhṛtya vaṣaṭkāraṃ tato vadet|
tataḥ kavacamadhye ca balavantaṃ sutejasam||7-69||

prathamāruṇasaṅkāśaṃ dhyātvā cārukalevaram|
vāgbhavañca samuccārya kulaśabdaṃ tato vadet||7-70||

vāgīśvarīpadaṃ paścāt kavacāya tato vadet|
tārakabrahmaśabdañca kavacanyāsajālakam||7-71||

tato netratrayaṃ dhyātvā mahābījaṃ mahāprabham|
raktavarṇa koṭikoṭivāmaṇḍala maṇḍitam||7-72||

virājitaṃ koṭipuṇyājītatejasi bhāskare|
vāgbhavaṃ ca samuccārya kuleśvaripadaṃ tataḥ||7-73||

netratrayāya śabdānte vauṣaṭ locanamantrakam|
tataḥ sādhakamantrī ca vāmahastatale tathā||7-74||

madhyamātarjanībhyāṃ ca tāladvayamupācaret|
tanmantraṃ koṭisūryograjyotsnājālasamaprabham||7-75||

mahākāśodbhavaṃ śabdaṃ mahograparipīḍanam|
māyābījaṃ tathāstrāya padamuddhṛtya yatnataḥ||7-76||

pāntaṭhāntaṃ samuddhṛtya mahāmantraṃ prakītītam|
tatastasyā hṛnnilaye dhyātvā ca parivārakān||7-77||

pūjayed yatnato mantrī bheṣajāmṛtadhārayā|
tarpayet pūjayed bhaktyā bhairavaṃ bālabhairavam||7-78||

devatābhiḥ pūjayitvā parivārān krameṇa vai|
tato vāgbhavamuccārya siddhajayāya śabdataḥ||7-79||

pūrvaṃ padaṃ samuccārya vaktrāya nama īritaḥ|
tato vāgbhavamuccārya jayāya śabdamuddharet||7-80||

uttaravaktramuddhṛtya caturthyantaṃ namaḥpadam|
tato vāgbhavamāyā śrī bījamuccārya yatnataḥ||7-81||

kubjike paścimānte ca vaktrāya nama ityapi|
tato vāgbhavamuccārya kālike padamuccaret||7-82||

dakṣavaktrāya śabdānte nānāmantraṃ prakītītam
etanmantrākṣaraṃ nātha samuccārya kuleśvara||7-83||

pūjayitvā krameṇaiva bhāskaraṃ paripūjayet|
candraṃ dikpāladevañca sandhyādīn paripūjayet||7-84||

vīrabhadrāṃ mahākālīṃ kaulinīṃ kulagāminīm|
aṣṭādaśabhujāṃ kālīṃ caturvargā prapūjayet||7-85||

naivedyādīn samānīya nānābhojyādisaṃyutam|
dugdhaṃ ghanāvṛtaṃ kṣīraṃ pakvānnaṃ pakvasatphalam||7-86||

yadyatkālopayogyañca śarkarāmadhumiśritam|
pañcatattvaṃ kuladravyaṃ nijakalyāṇavardhanam||7-87||

nānādravyañca naivedyaṃ svasvakalpoktasādhitam|
kumārībhyo nivedyaivaṃ nānāsaurabhaśobhitam||7-88||

śītalaṃ jalamānīya dadyāttābhyo mahāsudhīḥ|
tato hitaṃ mahāmantraṃ kumāryāścātidurlabham||7-89||

athavā svīyamūlañca japtvā siddhīśvaro bhavet||7-90||

samarthaprāṇavāyūnāṃ dhārayetkārayet svayam|
aṣṭāṅgādipraṇāmaṃ ca kurvan stotraṃ paṭhan diśet||7-91||

namāmi kulakāminīṃ paramabhāgyasandāyinīm|
kumāraraticāturīṃ sakalasiddhimānandinīm||7-92||

pravālaguṭikāmṛjāṃ rajatarāgavastrānvitām|
hiraṇyakulabhūṣaṇāṃ bhuvanavākkumārīṃ bhaje||7-93||

iti mantreṇa saṃnyasya tāriṇīṃ paripūjayet|
śivaṃ gaṇeśaṃ sampūjya praṇamet sādhakottamaḥ||7-94||

iti śrīrudrayāmale uttaratantre mahātantroddīpane kumāryupacaryāvinyāse siddhamantra-- prakaraṇe divyabhāvanirṇaye saptama paṭalaḥ||7||

Kapitel 8

athāṣṭamaḥ paṭalaḥ

śrīānandabhairavī uvāca

atha vakṣye mahādeva kumāryā japahomakam|
lakṣasaṃkhyajapaṃ kṛtvā māyāṃ vā vāgbhavaṃ ramām||8-1||

kālībījaṃ vāpi nātha māyāṃ vā kāmabījakam|
sadāśivena puṭitaṃ binducandravibhūṣitam||8-2||

athavā praṇavenāpi puṭitaṃ tridaśeśvara|
japitvā mūlamantrañca lakṣasaṃkhyāvidhānataḥ||8-3||

taddaśāṃśaṃ mahāhomaṃ ghṛtāktabilvapatrakaiḥ|
athavā śvetapuṣpaiśca kundapuṣpairmahāphalam||8-4||

evaṃ krameṇa juhuyāt karavīraprasūnakaiḥ|
ghṛtāktaiḥ kaivalairvāpi candanāgurumiśritaiḥ||8-5||

haviṣyāśī divābhāge rātrau pūjāparo bhavet|
nijapūjāvaśeṣaistu kuladravyaiḥ prapūjayet||8-6||

divāsaṃkhyaṃ japettatra paramānandarūpadhṛk|
japānte juhuyānmantrī maduktadravyasaṃyutaiḥ||8-7||

tataḥ prāṇātmakaṃ vāyuṃ śodhayitvā punaḥ punaḥ|
prāṇāyāmatrayaṃ kṛtvā cāṣṭāṅgaṃ praṇamenmudā||8-8||

praṇāmasamaye nātha idaṃ stotraṃ paṭhet yatiḥ|
kavacañca tathā pāṭhyaṃ kumārīṇāmathāpi vā||8-9||

nijadevyā mahāstotraṃ paṭheddhi kavacaṃ tataḥ|
kumārīṇāṃ mahādeva sahasranāma sāṣṭakam||8-10||

paṭhitvā siddhimāpnoti paṭhitvā sādhakottamaḥ|
agre saṃsthāpya tāḥ sarvā ratnakoṭisuśītalāḥ||8-11||

tataḥ stotraṃ paṭheddhīmān samāhitamanā vaśī|
mahādivyācārarato vīrabhāvolbaṇo'pi vā||8-12||

evaṃ krameṇa prapaṭhed bhaktibhāvaparāyaṇaḥ|
mahāvidyā mahāsevā bhaktiśraddhāplutāpītaḥ||8-13||

mahājñānī bhavet kṣipraṃ vāñchāsiddhimavāpnuyāt||8-14||

ānandabhairava uvāca

devendrādaya indukoṭikiraṇāṃ vārāṇasīvāsinī|
vidyāṃ vāgbhavakāminīṃ trinayanāṃ sūkṣmakriyājvālinīm|
caṇḍodyoganikṛntinīṃ trijagatāṃ dhātrīṃ kumārīṃ varā|
mūlāmbhoruhavāsinīṃ śaśimukhīṃ sampūjayāmi śriye||8-15||

bhāvyāṃ devagaṇaiḥ śivendrayatibhirmokṣāthībhirbālikā|
sandhyāṃ nityaguṇodayāṃ dvijagaṇe śreṣṭhodayāṃ sāruṇām|
śuklābhāṃ parameśvarīṃ śubhakarīṃ bhadrāṃ viśālānanā|
gāyatrīṃ gaṇamātaraṃ dinagatiṃ kṛṣṇāñca vṛddhāṃ bhaje||8-16||

bālāṃ bālakapūjitāṃ gaṇabhṛtāṃ vidyāvatāṃ mokṣadā|
dhātrīṃ śuklasarasvatīṃ navavarāṃ vāgvādinīṃ caṇḍikām|
svādhiṣṭhānaharipriyāṃ priyakarīṃ vedāntavidyāpradā|
nityaṃ mokṣahitāya yogavapuṣā caitanyarūpāṃ bhaje||8-17||

nānāratnasamūhanimītagṛhe pūjyāṃ sūrairbālikā|
vande nandanakānane manasije siddhāntabījānane|
arthaṃ dehi nirarthakāya puruṣe hitvā kumārīṃ kalām|
satyaṃ pātu kumārike trividhamūrtyā ca tejomayīm||8-18||

varānane sakalikāṃ kulapathollāsaikabījodvahā|
māṃsāmodakarālinīṃ hi bhajatāṃ kāmātiriktapradām|
bālo'haṃ vaṭukeśvarasya caraṇāmbhojāśrito'haṃ sadā|
hitvā bālakumārike śirasi śuklāmbhoruheśaṃ bhaje||8-19||

sūryāhlādavalākinīṃ kalimahāpāpāditāpāpahā|
tejo'ṅgāṃ bhuvi sūryagāṃ bhayaharāṃ tejomayīṃ bālikām|
vande hṛtkamale sadā ravidale vālendravidyāṃ satī|
sākṣāt siddhikarīṃ kumāri vimale'nvāsādya rūpeśvarīm||8-20||

nityaṃ śrīkulakāminīṃ kulavatīṃ kolāmumāmambikā|
nānāyoganivāsinīṃ suramaṇīṃ nityāṃ tapasyānvitām|
vedāntārthaviśeṣadeśavasanā bhāṣāviśeṣasthitāṃ
vande parvatarājarājatanayāṃ kālapriyo tvāmaham||8-21||

kaumārīṃ kulakāminīṃ ripugaṇakṣobhāgnisandohinī|
raktābhānayanāṃ śubhāṃ paramamārgamuktisaṃjñāpradām|
bhāryā bhāgavatīṃ matiṃ bhuvanamāmodapañcānanā|
pañcāsyapriyakāminīṃ bhayaharāṃ sarpādihārāṃ bhaje||8-22||

candrāsyāṃ caraṇadvayāmbujamahāśobhāvinodīṃ nadī|
mohādikṣayakāriṇīṃ varakarāṃ śrīkubjikāṃ sundarīm|
ye nityaṃ paripūjayanti sahasā rājendracūḍāmaṇi|
sampādaṃ dhanamāyuṣo janayato vyāpyeśvaratvaṃ jaguḥ||8-23||

yogīśaṃ bhuvaneśvaraṃ priyakaraṃ śrīkālasandarbhayā|
śobhāsāgaragāminaṃ harabhavaṃ vāñchāphaloddīpanam|
lokānāmaghanāśanāya śivayā śrīsaṃjñayā vidyayā|
dharmaprāṇasadaivatāṃ praṇamatāṃ kalpadrumaṃ bhāvaye||8-24||

vidyāṃ tāmaparājitāṃ madanabhāvāmodamattānanāṃ
hṛtpadmasthitapādukāṃ kulakalāṃ kātyāyanīṃ bhairavīm|
ye ye puṇyadhiyo bhajanti paramānandābdhimadhye mudā
sarvvācchāpitatejasā bhayakarīṃ mokṣāya saṅkīrtaye||8-25||

rudrāṇīṃ praṇamāmi padmavadanāṃ koṭyarkatejomayīṃ
nānālaṅkṛtabhūṣaṇāṃ kulabhujāmānandasandāyinīm|
śrī māyākamalānvitāṃ hṛdigatāṃ santānabījakriyāṃ
ānandaikaniketanāṃ hṛdi bhaje sākṣādalabdhāmaham||8-26||

namāmi varabhairavīṃ kṣititalādyakālānalā|
mṛṇālasukumārāruṇāṃ bhuvanadoṣasaṃśodhinīm|
jagadbhayaharāṃ harāṃ harati yā ca yogeśvarī|
mahāpadasahasrakam sakalabhogadāntāmaham||8-27||

sāmrājyaṃ pradadāti yācitavatī vidyā mahālakṣaṇā|
sākṣādaṣṭasamṛddhidātari mahālakṣmīḥ kulakṣobhahā|
svādhiṣṭhānasupaṅkaje vivasitāṃ viṣṇoranantapriye|
vande rājapadapradāṃ śubhakarīṃ kauleśvarīṃ kaulikīm||8-28||

pīṭhānāmadhipādhipām asuvahāṃ vidyāṃ śubhāṃ nāyikā|
sarvālaṅkaraṇānvitāṃ trijagatāṃ kṣobhāpahāṃ vāruṇīṃ|
vande pīṭhaganāyikāṃ tribhuvanacchāyābhirācchāditā|
sarveṣāṃ hitakāriṇīṃ jayavatāmānandarūpeśvarīm||8-29||

kṣetrajñāṃ madavihvalāṃ kulavatīṃ siddhipriyāṃ preyasīm|
śambhoḥ śrī vaṭukeśvarasya mahatāmānandasañcāriṇīm||8-30||

sākṣādātmaparodgamāṃ kamalamadhyasaṃbhāvinī|
śiro daśaśate dale'mṛtamahābdhidhārādharām|
nijamanaḥ kṣobhāpahāṃ śākinīm|
bāhyārtha prakaṭāmahaṃ rajatabhāṃ vande mahābhairavīm||8-31||

praṇāmaphaladāyinīṃ sakalabāhyavaśyāṃ guṇā|
namāmi paramambikāṃ viṣayadoṣasaṃhāriṇīm|
sampūrṇāvidhuvanmukhīṃ kamalamadhyasambhāvinīṃ|
śiro daśaśate dale'mṛtamahābdhidhārādharām||8-32||

sākṣādahaṃ tribhuvanāmṛtapūrṇadehāṃ
sandhyādi devakamalāṃ kulapaṇḍitendrām|
natvā bhaje daśaśate dalamadhyamadhye|
kauleśvarīṃ sakaladivyajanāśrayāṃ tām||8-33||

viśveśvarīṃ svarakule varabālike tvāṃ
siddhāsane pratidinaṃ praṇamāmi bhaktyā|
bhaktiṃ dhanaṃ jayapadaṃ yadi dehi dāsya|
tasmin mahāmadhumatīṃ laghunāhatāḥ syāt||8-34||

etatstotraprasādena kavitā vākpatirbhavet|
mahāsiddhīśvaro divyo vīrabhāvaparāyaṇaḥ||8-35||

sarvatra jayamāpnoti sa hi syād devavallabhaḥ|
vācāmīśo bhavet kṣipraṃ kāmarūpo bhavennaraḥ||8-36||

paśureva mahāvīro divyo bhavati niścitam|
sarvavidyāḥ prasīdanti tuṣṭāḥ sarve digīśvarāḥ||8-37||

vahniḥ śītalatāṃ yāti jalastambhaṃ sa kārayet|
dhanavān putravān rājā iha kāle bhavennaraḥ||8-38||

pare ca yāti vaikuṇṭhe kailāse śivasannidhau|
muktireva mahādeva yo nityaṃ sarvadā paṭhet||8-39||

mahāvidyāpadāmbhojaṃ sa hi paśyati niścitam|
śṛṇu nātha pravakṣyāmi kumārītarpaṇādikam||8-40||

yāsāṃ tarpaṇamātreṇa kulasiddhirbhaved dhruvam|
kulabālāṃ mūlapadmasthitāṃ kāmavihāriṇīm||8-41||

śatadhā mūlamantreṇa tarpayāmi tava priye|
mūlādhāramahātejo jaṭāmaṇḍalamaṇḍitām||8-42||

sandhyādevīṃ tarpayāmi kāmabījena me śubhe|
mūlapaṅkajayogāṅgī kumārīṃ śrīsarasvatīm||8-43||

tarpayāmi kuladravyaistava santoṣahetunā|
cakre mūlādhārapadme trimūtībālanāyikām||8-44||

sarvakalyāṇadāṃ devīṃ tarpayāmi parāmṛtaiḥ|
svādhiṣṭhāne mahāpadme ṣaḍdalāntaḥprakāśinīm||8-45||

śrībījena tarpayāmi bhogamokṣāya kevalam|
svādhiṣṭhānakulollāsa viṣṇusaṅketagāminīm||8-46||

kālikāṃ nijabījena tarpayāmi kulāmṛtaiḥ|
svādhiṣṭhānākhyapadmasthāṃ mahātejomayīṃ śivām||8-47||

sūryagāṃ śīrṣamadhunā tarpayāmi kuleśvarīm|
maṇipūrābdhimadhye tu manoharakalevarām||8-48||

umādevīṃ tarpayāmi māyābījena pārvatīm|
maṇipūrāmbhojamadhye trailokyaparipūjitām||8-49||

mālinīṃ malacittasya sadbuddhiṃ tarpayāmyaham|
maṇipūrasthitāṃ raudrīṃ paramānandavadhīnīm||8-50||

ākāśagāminīṃ devīṃ kubjikāṃ tarpayāmyaham|
tarpayāmi mahādevīṃ mahāsādhanatatparām||8-51||

yoginīṃ kālasandarbhāṃ tarpayāmi kulānanām|
śaktimantrapradāṃ raudrīṃ lolajihvāsamākulām||8-52||

aparājitāṃ mahādevīṃ tarpayāmi kuleśvarīm|
mahākaulapriyāṃ siddhāṃ rudralokasukhapradām||8-53||

rudrāṇīṃ raudrakiraṇāṃ tarpayāmi vadhūpriyām|
ṣoḍaśasvarasaṃsiddhiṃ mahārauravanāśinīm||8-54||

mahāmadyapānacittāṃ bhairavīṃ tarpayāmyaham|
trailokyavaradāṃ devīṃ śrībījamālayāvṛtām||8-55||

mahālakṣmīṃ bhavaiśvaryadāyinīṃ tarpayāmyaham|
lokānāṃ hitakartrīñca hitāhitajanapriyām||8-56||

tarpayāmi ramābījāṃ pīṭhādyāṃ pīṭhanāyikām|
jayantīṃ vedavedāṅgamātaraṃ sūryamātaram||8-57||

tarpayāmi sudhābhiśca kṣetrajñāṃ māyayāvṛtām|
tarpayāmi kulānandaparamāṃ paramānanām||8-58||

tarpayāmyambikādevīṃ māyālakṣmīhṛdisthitām||8-59||

sarvāsāṃ caraṇadvayāmbujatanuṃ caitanyavidyāvatī|
saukhyārthaṃ śubhaṣoḍaśasvarayutāṃ śrīṣoḍaśīsaṅkulām|
ānandārṇavapadmarāgakhacite siṃhāsane śobhite|
nityaṃ tat paritarpayāmi sakalaṃ śvetābjamadhyāsane||8-60||

ye nityaṃ prapaṭhanti cārusaphalastotrārddhasantarpaṇa|
vidyādānanidānamokṣaparamāṃ māyāmayaṃ yānti te|
naśyanti kṣitimaṇḍaleśvaragaṇāḥ sarvāvipatkārakā|
rājānaṃ vaśayanti yogasakalaṃ nityā bhavanti kṣaṇāt||8-61||

tarpaṇātmakamokṣākhyaṃ paṭhanti yadi mānuṣāḥ|
aṣṭaiśvaryayuto bhūtvā vatsarāttāṃ prapaśyati||8-62||

mahāyogī bhavennātha māsādabhyāsataḥ prabho|
trailokyaṃ kṣobhayetkṣipraṃ vāñchāphalamavāpnuyāt||8-63||

bhūmadhye rājarājeśo labhate varamaṅgalam|
śatrunāśe tathoccāṭe bandhane vyādhisaṅkaṭe||8-64||

cāturaṅge tathā ghore bhaye dūrasya preṣaṇe|
mahāyuddhe narendrāṇāṃ paṭhitvā siddhimāpnuyāt||8-65||

yaḥ paṭhedekabhāvena santarpaṇaphalaṃ labhet|
pūjāsāphalyamāpnoti kumārīstotrapāṭhataḥ||8-66||

yo na kuryātkumāryarcāṃ stotrañca nityamaṅgalam|
sa bhavet pāśavaḥ kalpo mṛtyustasya pade pade||8-67||

iti śrīrudrayāmale uttaratantre mahātantroddīpane kumāryupacaryāvilāse siddhamantra-- prakaraṇe divyabhāvanirṇaye aṣṭamaḥ paṭalaḥ||8||

Kapitel 9

atha navamaḥ paṭalaḥ

ānandabhairava uvāca

athātaḥ sampravakṣyāmi kumārīkavacaṃ śubham|
trailokyaṃ maṅgalaṃ nāma mahāpātakanāśakam||9-1||

paṭhanāddhāraṇāllokā mahāsiddhāḥ prabhākarāḥ|
śakro devādhipaḥ śrīmān devagururbṛhaspatiḥ||9-2||

mahātejomayo vahnirdharmmarājo bhayānakaḥ|
varuṇo devapūjyo hi jalānāmadhipaḥ svayam||9-3||

sarvaharttā mahāvāyuḥ kuberaḥ kuñjareśvaraḥ|
dharādhipaḥ priyaḥ śambhoḥ sarve devā digīśvaraḥ||9-4||

na meruḥ prabhurekāyāḥ sarveśo nirmalo dvayoḥ|
etatkavacapāṭhena sarve bhūpā dhanādhipāḥ||9-5||

praṇavo me śiraḥ pātu māyā sandāyikā satī|
lalāṭodrdhvaṃ mahāmāyā pātu me śrīsarasvatī||9-6||

kāmākṣā vaṭukeśānī trimūttirbhālameva me|
cāmuṇḍā bījarūpā ca vadanaṃ kālikā mama||9-7||

pātu māṃ sūryagā nityaṃ tathā netradvayaṃ mama|
karṇayugmaṃ kāmabījaṃ svarūpomātapasvinī||9-8||

rasanāgraṃ tathā pātu vāgdevī mālinī mama|
ḍāmarasthā kāmarūpā dantāgraṃ kuñjikā mama||9-9||

devī praṇavarūpā'sau pātu nityaṃ śivā mama|
oṣṭhādharaṃ śaktibījātmikā svāhāsvarūpiṇī||9-10||

pāyānme kālasandaṣṭā pañcavāyusvarūpiṇī|
galadeśaṃ mahāraudrī pātu me cāparājitā||9-11||

kṣauṃ bījaṃ me tathā kaṇṭhaṃ rudrāṇī svāhayānvitā|
hṛdayaṃ bhairavī vidyā pātu ṣoḍaśa susvarā||9-12||

dvau bāhū pātu sarvatra mahālakṣmīḥ pradhānikā|
sarvamantrasvarūpaṃ me codaraṃ pīṭhanāyikā||9-13||

pārśvayugmaṃ tathā pātu kumārī vāgbhavātmikā|
kaiśorī kaṭideśaṃ me māyābījasvarūpiṇī||9-14||

jaṅghāyugmaṃ jayantī me yoginī kullukāyutā|
sarvāṅgamambikādevī pātu mantrārthagāminī||9-15||

keśāgraṃ kamalādevī nāsāgraṃ vindhyavāsinī|
cibukaṃ caṇḍikā devī kumārī pātu me sadā||9-16||

hṛdayaṃ lalitā devī pṛṣṭhaṃ parvatavāsinī|
triśaktiḥ ṣoḍaśī devī liṅgaṃ guhyaṃ sadāvatu||9-17||

śmaśāne cāmbikā devī gaṅgāgarbhe ca vaiṣṇavī|
śūnyāgāre pañcamudrā mantrayantraprakāśinī||9-18||

catuṣpathe tathā pātu māmeva vajradhāriṇī|
śavāsanagatā caṇḍā muṇḍamālāvibhūṣitā||9-19||

pātu māne kaliṅge ca vaikharī śaktirūpiṇī|
vane pātu mahābālā mahāraṇye raṇapriyā||9-20||

mahājale taḍāge ca śatrumadhye sarasvatī|
mahākāśapathe pṛthvī pātu māṃ śītalā sadā||9-21||

raṇamadhye rājalakṣmīḥ kumārī kulakāminī|
arddhanārīśvarā pātu mama pādatalaṃ mahī||9-22||

navalakṣamahāvidyā kumārī rūpadhāriṇī|
koṭisūryapratīkāśā candrakoṭisuśītalā||9-23||

pātu māṃ varadā vāṇī vaṭukeśvarakāminī
iti te kathitaṃ nātha kavacaṃ paramādbhutam||9-24||

kumāryāḥ kuladāyinyāḥ pañcatattvārthapāraga yo japet pañcatattvena stotreṇa kavacena ca||9-25||

ākāśagāminī siddhirbhavettasya na saṃśayaḥ||9-26||

vajradehī bhavet kṣipraṃ kavacasya prapāṭhataḥ|
sarvasiddhīśvaro yogī jñānī bhavati yaḥ paṭhet||9-27||

vivāde vyavahāre ca saṅgrāme kulamaṇḍale|
mahāpathe śmaśāne ca yogasiddho bhavet sa ca||9-28||

paṭhitvā jayamāpnoti satyaṃ satyaṃ kuleśvara vaśīkaraṇakavacaṃ sarvatra jayadaṃ śubham||9-29||

puṇyavratī paṭhennityaṃ yatiśrīmānbhaved dhruvam siddhavidyā kumārī ca dadāti siddhimuttamām||9-30||

paṭhedyaḥ śṛṇuyādvāpi sa bhavetkalpapādapaḥ|
bhaktiṃ muktiṃ tuṣṭiṃ puṣṭiṃ rājalakṣmīṃ susampadām||9-31||

prāpnoti sādhakaśreṣṭho dhārayitvā japedyadi|
asādhyaṃ sādhayedvidvān paṭhitvā kavacaṃ śubham||9-32||

dhanināñca mahāsaukhyadharmmārthakāmamokṣadam|
yo vaśī divase nityaṃ kumārīṃ pūjayenniśi||9-33||

upacāraviśeṣeṇa trailokyaṃ vaśamānayet|
palalenāsavenāpi matsyena mudrayā saha||9-34||

nānābhakṣyeṇa bhojyena gandhadravyeṇa sādhakaḥ|
mālyena svarṇarajatālaṅkāreṇa sucailakaiḥ||9-35||

pūjayitvā japitvā ca tarpayitvā varānanām|
yajñadānatapasyābhiḥ prayogeṇa maheśvara||9-36||

stutvā kumārīkavacaṃ yaḥ paṭhedekabhāvataḥ|
tasya siddhirbhavet kṣipraṃ rājarājeśvaro bhavet||9-37||

vāñchārthaphalamāpnoti yadyanmanasi vartate|
bhūrjapatre likhitvā sa kavacaṃ dhārayed hṛdi||9-38||

śanimaṅgalavāre ca navamyāmaṣṭamīdine|
caturdaśyāṃ paurṇamāsyāṃ kṛṣṇapakṣe viśeṣataḥ||9-39||

likhitvā dhārayed vidvān uttarābhimukho bhavan|
mahāpātakayukto hi muktaḥ syāt sarvapātakaiḥ||9-40||

yoṣidvāmabhuje dhṛtvā sarvakalyāṇamālabhet|
bahuputrānvitā kāntā sarvasampattisaṃyutā||9-41||

tathāśrīpuruṣaśreṣṭho dakṣiṇe dhārayed bhuje|
ehike divyadehaḥ syāt pañcānanasamaprabhaḥ||9-42||

śivaloke pare yāti vāyuvegī nirāmayaḥ|
sūryamaṇḍalamābhedya paraṃ lokamavāpnuyāt||9-43||

lokānāmatisaukhyadaṃ bhayaharaṃ śrīpādabhaktiprada|
mokṣārthaṃ kavacaṃ śubhaṃ prapaṭhatāmānandasindhūdbhavam|
pārthānāṃ kalikālaghorakaluṣadhvaṃsaikahetuṃ jaya|
ye nāma prapaṭhanti dharmamatulaṃ mokṣaṃ vrajanti kṣaṇāt||9-44||

iti śrīrudrayāmale uttaratantre mahātantroddīpane kumāryupacaryāvinyāse kumārī-- kavacollāse siddhamantraprakaraṇe divyabhāvanirṇaye navamaḥ paṭalaḥ||9||

Kapitel 10

atha daśamaḥ paṭalaḥ

ānandabhairava uvāca

vada kānte sadānandasvarūpānandavallabhe|
kumāryā devatāmukhyāḥ paramānandavardhanam||10-1||

aṣṭottarasahasrākhyaṃ nāma maṅgalamadbhutam|
yadi me vartate vidye yadi snehakalāmalā||10-2||

tadā vadasva kaumārīkṛtakarmaphalapradam|
mahāstotraṃ koṭikoṭi kanyādānaphalaṃ bhavet||10-3||

ānandabhairavī uvāca

mahāpuṇyapradaṃ nātha śṛṇu sarveśvarapriya|
aṣṭottarasahasrākhyaṃ kumāryāḥ paramādbhutam||10-4||

paṭhittvā dhārayittvā vā naro mucyeta saṅkaṭāt|
sarvatra durlabhaṃ dhanyaṃ dhanyalokaniṣevitam||10-5||

aṇimādyaṣṭasiddhyaṅgaṃ sarvānandakaraṃ param|
māyāmantranirastāṅgaṃ mantrasiddhiprade nṛṇām||10-6||

na pūjā na japaṃ snānaṃ puraścaryāvidhiśca na|
akasmāt siddhimavāpnoti sahasranāmapāṭhataḥ||10-7||

sarvayajñaphalaṃ nātha prāpnoti sādhakaḥ kṣaṇāt|
mantrārthaṃ mantracaitanyaṃ yonimudrāsvarūpakam||10-8||

koṭivarṣaśatenāpi phalaṃ vaktuṃ na śakyate|
tathāpi vaktumicchāmi hitāya jagatāṃ prabho||10-9||

asyāḥ śrīkumāryāḥ sahasranāmakavacasya|
vaṭukabhairavaṛṣiranuṣṭupchandaḥ,
kumārīdevatā, sarvamantrasiddhisamṛddhaye viniyogaḥ||10-10||

oṃ kumārī kauśikī kālī kurukullā kuleśvarī|
kanakābhā kāñcanābhā kamalā kālakāminī||10-11||

kapālinī kālarūpā kaumārī kulapālikā|
kāntā kumārakāntā ca kāraṇā karigāminī||10-12||

kandhakāntā kaulakāntā kṛtakarmaphalapradā|
kāryākāryapriyā kakṣā kaṃsahantrī kurukṣayā||10-13||

kṛṣṇakāntā kālarātriḥ karṇeṣudhāriṇīkarā|
kāmahā kapilā kālā kālikā kurukāminī||10-14||

kurukṣetrapriyā kaulā kuntī kāmāturā kacā|
kalañjabhakṣā kaikeyī kākapucchadhvajā kalā||10-15||

kamalā kāmalakṣmī ca kamalānanakāminī|
kāmadhenusvarūpā ca kāmahā kāmamadīnī||10-16||

kāmadā kāmapūjyā ca kāmātītā kalāvatī|
bhairavī kāraṇāḍhyā ca kaiśorī kuśalāṅgalā||10-17||

kambugrīvā kṛṣṇanibhā kāmarājapriyākṛtiḥ|
kaṅkaṇālaṅkṛtā kaṅkā kevalā kākinī kirā||10-18||

kirātinī kākabhakṣā karālavadanā kṛśā|
keśinī keśihā keśā kāsāmbaṣṭhā karipriyā||10-19||

kavināthasvarūpā ca kaṭuvāṇī kaṭusthitā|
koṭarā koṭarākṣī ca karanāṭakavāsinī||10-20||

kaṭakasthā kāṣṭhasaṃsthā kandarpā ketakī priyā|
kelipriyā kambalasthā kāladaityavināśinī||10-21||

ketakīpuṣpaśobhāḍhyā karpūrapūrṇajihvikā|
karpūrākarakākolā kailāsagirivāsinī||10-22||

kuśāsanasthā kādambā kuñjareśī kulānanā|
kharbā khaḍgadharā khaḍgā khalahā khalabuddhidā||10-23||

khañjanā khararūpā ca kṣārāmlatiktamadhyagā|
khelanā kheṭakakarā kharavākyā kharotkaṭā||10-24||

khadyotacañcalā khelā khadyotā khagavāhinī|
kheṭakasthā khalākhasthā khecarī khecarapriyā||10-25||

khacarā kharapremā khalāḍhyā khacarānanā|
khecareśī kharogrā ca khecarapriyabhāṣiṇī||10-26||

kharjūrāsavasaṃmattā kharjūraphalabhoginī|
khātamadhyasthitā khātā khātāmbuparipūriṇī||10-27||

khyātiḥ khyātajalānandā khulanā khañjanāgatiḥ|
khalvā khalatarā khārī kharodveganikṛntanī||10-28||

gaganasthā ca bhītā ca gabhīranādinī gayā|
gaṅgā gabhīrā gaurī ca gaṇanātha priyā gatiḥ||10-29||

gurubhaktā gvālihīnā gehinī gopinī girā|
gogaṇasthā gāṇapatyā girijā giripūjitā||10-30||

girikāntā gaṇasthā ca girikanyā gaṇeśvarī|
gādhirājasutā grīvā gurvī gurvyambaśāṅkarī||10-31||

gandharvvakāminī gītā gāyatrī guṇadā guṇā|
guggulusthā guroḥ pūjyā gītānandaprakāśinī||10-32||

gayāsurapriyāgehā gavākṣajālamadhyagā|
gurukanyā guroḥ patnī gahanā gurunāginī||10-33||

gulphavāyusthitā gulphā garddabhā garddabhapriyā|
guhyā guhyagaṇasthā ca garimā gaurikā gudā||10-34||

gudordhvasthā ca galitā gaṇikā golakā galā|
gāndharvī gānanagarī gandharvagaṇapūjitā||10-35||

ghoranādā ghoramukhī ghorā gharmanivāriṇī|
ghanadā ghanavarṇā ca ghanavāhanavāhanā||10-36||

ghargharadhvanicapalā ghaṭāghaṭapaṭāghaṭā|
ghaṭitā ghaṭanā ghonā ghanarupa ghaneśvarī||10-37||

ghuṇyātītā ghargharā ca ghorānanavimohinī|
ghoranetrā ghanarucā ghorabhairava kanyakā||10-38||

ghātāghātakahā ghātyā ghrāṇāghrāṇeśavāyavī|
ghorāndhakārasaṃsthā ca ghasanā ghasvarā gharā||10-39||

ghoṭakesthā ghoṭakā ca ghoṭakeśvaravāhanā|
ghananīlamaṇiśyāmā gharghareśvarakāminī||10-40||

ṅakārakūṭasampannā ṅakāracakragāminī|
ṅakārī ṅasaṃśā caiva ṅīpanītā ṅakāriṇī||10-41||

candramaṇḍalamadhyasthā caturā cāruhāsinī|
cārucandramukhī caiva calaṅgamagatipriyā||10-42||

cañcalā capalā caṇḍī cekitānā carusthitā|
calitā cānanā cārvvo cārubhramaranādinī||10-43||

caurahā candranilayā caindrī candrapurasthitā|
cakrakaulā cakrarūpā cakrasthā cakrasiddhidā||10-44||

cakriṇī cakrahastā ca cakranāthakulapriyā|
cakrābhedyā cakrakulā cakramaṇḍalaśobhitā||10-45||

cakreśvarapriyā celā celājinakuśottarā|
caturvedasthitā caṇḍā candrakoṭisuśītalā||10-46||

caturguṇā candravarṇā cāturī caturapriyā|
cakṣuḥsthā cakṣuvasatiścaṇakā caṇakapriyā||10-47||

cārvvaṅgī candranilayā caladambujalocanā|
carvvarīśā cārumukhī cārudantā carasthitā||10-48||

casakasthāsavā cetā cetaḥsthā caitrapūjitā|
cākṣuṣī candramalinī candrahāsamaṇiprabhā||10-49||

chalasthā chudrarūpā ca chatracchāyāchalasthitā|
chalajñā cheśvarāchāyā chāyā chinnaśivā chalā||50||

chatrācāmaraśobhāḍhyā chatriṇāṃ chatradhāriṇī|
chinnātītā chinnamastā chinnakeśā chalodbhavā||10-51||

chalahā chaladā chāyā channā channajanapriyā|
chalachinnā chadmavatī chadmasadmanivāsinī||10-52||

chadmagandhā chadāchannā chadmaveśī chakārikā|
chagalā raktabhakṣā ca chagalāmodaraktapā||10-53||

chagalaṇḍeśakanyā ca chagalaṇḍakumārikā|
churikā churikakarā churikārinivāśinī||10-54||

chinnanāśā chinnahastā choṇalolā chalodarī|
chalodvegā chāṅgabījamālā chāṅgavarapradā||10-55||

jaṭilā jaṭharaśrīdā jarā jajñapriyā jayā|
jantrasthā jīvahā jīvā jayadā jīvayogadā||56||

jayinī jāmalasthā ca jāmalodbhavanāyikā|
jāmalapriyakanyā ca jāmaleśī javāpriyā||10-57||

javākoṭisamaprakhyā javāpuṣpapriyā janā|
jalasthā jagaviṣayā jarātītā jalasthitā||10-58||

jīvahā jīvakanyā ca janārddanakumārikā|
jatukā jalapūjyā ca jagannāthādikāminī||10-59||

jīrṇāṅgī jīrṇahīnā ca jīmūtāttyantaśobhitā|
jāmadā jamadā jṛmbhā jṛmbhaṇāstrādidhāriṇī||60||

jaghanyā jārajā prītā jagadānandavaddhīnī|
jamalārjunadarpaghnī jamalārjunabhañjinī||10-61||

jayitrījagadānandā jāmalollāsasiddhidā|
japamālā jāpyasiddhirjapayajñaprakāśinī||10-62||

jāmbuvatī jāmbavataḥ kanyakājanavājapā|
javāhantrī jagadbuddhirjjagatkartṛ jagadgatiḥ||10-63||

jananī jīvanī jāyā jaganmātā janeśvarī|
jhaṅkalā jhaṅkamadhyasthā jhaṇatkārasvarūpiṇī||10-64||

jhaṇatjhaṇadvahnirūpā jhananājhandarīśvarī|
jhaṭitākṣā jharā jhañjhā jharjharā jharakanyakā||10-65||

jhaṇatkārī jhanā jhannā jhakāramālayāvṛtā|
jhaṅkarī jharjharī jhallī jhalveśvaranivāsinī||10-66||

ñakārī ñakirātī ca ñakārabījamālinī|
ñanayo'ntā ñakārāntā ñakāraparameśvarī||10-67||

ñāntabījapuṭākārā ñekale ñaikagāminī|
ñaikanelā ñasvarūpā ñahārā ñaharītakī||10-68||

ṭunṭunī ṭaṅkahastā ca ṭāntavargā ṭalāvatī|
ṭapalā ṭāpabālākhyā ṭaṅkāradhvanirūpiṇī||10-69||

ṭalātī ṭākṣarātītā ṭitkārādikumārikā|
ṭaṅkāstradhāriṇī ṭānā ṭamoṭārṇalabhāṣiṇī||10-70||

ṭaṅkārī vidhanā ṭākā ṭakāṭakavimohinī|
ṭaṅkāradharanāmāhā ṭivīkhecaranādinī||10-71||

ṭhaṭhaṅkārī ṭhāṭharūpā ṭhakārabījakāraṇā|
ḍamarūpriyavādyā ca ḍāmarasthā ḍabījikā||10-72||

ḍāntavargā ḍamarukā ḍarasthā ḍoraḍāmarā|
ḍagarārddhā ḍalātītā ḍadārukeśvarī ḍutā||10-73||

ḍhārddhanārīśvarā ḍhāmā ḍhakkārī ḍhalanā ḍhalā|
ḍhakesthā ḍheśvarasutā ḍhemanābhāvaḍhonanā||10-74||

ṇomākānteśvarī ṇāntavargasthā ṇatunāvatī|
ṇano māṇāṅkakalyāṇī ṇākṣavīṇākṣabījikā||10-75||

tulasītantusūkṣmākhyā tāralyā tailagandhikā|
tapasyā tāpasasutā tāriṇī taruṇī talā||10-76||

tantrasthā tārakabrahmasvarūpā tantumadhyagā|
tālabhakṣatridhāmūttīstārakā tailabhakṣikā||10-77||

tārogrā tālamālā ca takarā tintiḍīpriyā|
tapasaḥ tālasandarbhā tarjayantī kumārikā||10-78||

tokācārā talodvegā takṣakā takṣakapriyā|
takṣakālaṅkṛtā toṣā tāvadrūpā talapriyā||10-79||

talāstradhāriṇī tāpā tapasāṃ phaladāyinī|
talvalvapraharālītā talārigaṇanāśinī||10-80||

tūlā taulī tolakā ca talasthā talapālikā
taruṇā taptabuddhisthāstaptā pradhāriṇī tapā||10-81||

tantraprakāśakaraṇī tantrārthadāyinī tathā|
tuṣārakiraṇāṅgī ca caturdhā vā samaprabhā||10-82||

tailamārgābhisūtā ca tantrasiddhiphalapradā|
tāmraparṇā tāmrakeśā tāmrapātrapriyātamā||10-83||

tamoguṇapriyā tolā takṣakārinivāriṇī|
toṣayuktā tamāyācī tamaṣoḍheśvarapriyā||10-84||

tulanā tulyarucirā tulyabuddhistridhā matiḥ|
takrabhakṣā tālasiddhiḥ tatrasthāstatra gāminī||10-85||

talayā tailabhā tālī tantragopanatatparā|
tantramantraprakāśā ca triśareṇusvarūpiṇī||10-86||

triṃśadarthapriyā tuṣṭā tuṣṭistuṣṭajanapriyā|
thakārakūṭadaṇḍīśā thadaṇḍīśapriyā'thavā||10-87||

thakārākṣararūḍhāṅgī thāntavargātha kārikā|
thāntā thamīśvarī thākā thakārabījamālinī||10-88||

dakṣadāmapriyā doṣā doṣajālavanāśritā|
daśā daśanaghorā ca devīdāsapriyā dayā||10-89||

daityahantrīparā daityā daityānāṃ maddīnī diśā|
dāntā dāntapriyā dāsā dāmanā dīrghakeśikā||10-90||

daśanā raktavarṇā ca darīgrahanivāsinī
devamātā ca durlabhā ca dīrghāṅgā dāsakanyakā||10-91||

daśanaśrī dīrghanetrā dīrghanāsā ca doṣahā|
damayantī dalasthā ca dveṣyahantrī daśasthitā||10-92||

daiśeṣikā diśigatā daśanāstravināśinī
dāridryahā daridrasthā daridradhanadāyinī||10-93||

danturā deśabhāṣā ca deśasthā deśanāyikā|
dveṣarūpā dveṣahantrī dveṣārigaṇamohinī||10-94||

dāmodarasthānanādā dalānāṃ baladāyinī|
digdarśanā darśanasthā darśanapriyavādinī||10-95||

dāmodarapriyā dāntā dāmodarakalevarā|
drāviṇī draviṇī dakṣā dakṣakanyā daladṛḍhā||10-96||

dṛḍhāsanādāsaśaktirdvandvayuddhaprakāśinī|
dadhipriyā dadhisthā ca dadhimaṅgalakāriṇī||10-97||

darpahā darpadā dṛptā darbhapuṇyapriyā dadhiḥ|
darbhasthā drupadasutā draupadī drupadapriyā||10-98||

dharmacintā dhanādhyakṣā dhaśveśvaravarapradā|
dhanahā dhanadā dhanvī dhanurhastā dhanuḥpriyā||10-99||

dharaṇī dhairyarūpā ca dhanasthā dhanamohinī|
dhorā dhīrapriyādhārā dharādhāraṇatatparā||10-100||

dhānyadā dhānyabījā ca dharmādharmasvarūpiṇī|
dhārādharasthā dhanyā ca dharmapuñjanivāsinī||10-101||

dhanāḍhyapriyakanyā ca dhanyalokaiśca sevitā|
dharmārthakāmamokṣāṅgī dharmārthakāmamokṣadā||10-102||

dharādharā dhuroṇā ca dhavalā dhavalāmukhī|
dharā ca dhāmarūpā ca dhruvā dhrauvyā dhruvapriyā||10-103||

dhaneśī dhāraṇākhyā ca dharmanindāvināśinī|
dharmatejomayī dharmmyā dhairyāgrabhargamohinī||10-104||

dhāraṇā dhautavasanā dhattūraphalabhoginī|
nārāyaṇī narendrasthā nārāyaṇakalevarā||10-105||

naranārāyaṇaprītā dharmanindā namohitā|
nityā nāpitakanyā ca nayanasthā narapriyā||10-106||

nāmnī nāmapriyā nārā nārāyaṇasutā narā|
navīnanāyakaprītā navyā navaphalapriyā||10-107||

navīnakusumaprītā navīnānāṃ dhvajānutā|
nārī nimbasthitānandānandinī nandakārikā||10-108||

navapuṣpamahāprītā navapuṣpasugandhikā|
nandanasthā nandakanyā nandamokṣapradāyinī||10-109||

namitā nāmabhedā ca nāmnārttavanamohinī|
navabuddhipriyānekā nākasthā nāmakanyakā||10-110||

nindāhīnā navollāsā nākasthānapradāyinī|
nimbavṛkṣasthitā nimbā nānāvṛkṣanivāsinī||10-111||

nāśyātītā nīlavarṇā nīlavarṇā sarasvatī|
nabhaḥsthā nāyakaprītā nāyakapriyakāminī||10-112||

naivavarṇā nirāhārā nivīhāṇāṃ rajaḥpriyā|
nimnanābhipriyākārā narendrahastapūjitā||10-113||

nalasthitā nalaprītā nalarājakumārikā|
pareśvarī parānandā parāparavibhedikā||10-114||

paramā paracakrasthā pārvatī parvatapriyā|
pārameśī parvanānā puṣpamālyapriyā parā||10-115||

parā priyā prītidātrī prītiḥ prathamakāminī|
prathamā prathamā prītā puṣpagandhapriyā parā||10-116||

pauṣyī pānaratā pīnā pīnastanasuśobhanā|
paramānaratā puṃsāṃ pāśahastā paśupriyā||10-117||

palalānandarasikā palāladhūmarūpiṇī|
palāśapuṣpasaṅkāśā palāśapuṣpamālinī||10-118||

premabhūtā padmamukhī padmarāgasumālinī|
padmamālā pāpaharā patipremavilāsinī||10-119||

pañcānanamanohārī pañcavaktraprakāśinī|
phalamūlāśanā phālī phaladā phālgunapriyā||10-120||

phalanāthapriyā phallī phalgukanyā phalonmukhī|
phetkārītantramukhyā ca phetkāragaṇapūjitā||10-121||

pheravī pheravasutā phalabhogodbhavā phalā|
phalapriyā phalāśaktā phālgunānandadāyinī||10-122||

phālabhogottarā phelā phulāmbhojanivāsinī|
vasudevagṛhasthā ca vāsavī vīrapūjitā||10-123||

viṣabhakṣā budhasutā bluṅkārī blūvarapradā|
brāhmī bṛhaspatisutā vācaspativarapradā||10-124||

vedācārā vedyaparā vyāsavaktrasthitā vibhā|
bodhajñā vauṣaḍākhyā ca vaṃśīvaṃdanapūjitā||10-125||

vajrakāntā vajragatirbadarīvaṃśavivaddhīnī|
bhāratī bhavaraśrīdā bhavapatnī bhavātmajā||10-126||

bhavānī bhāvinī bhīmā bhiṣagbhāryā turisthitā|
bhūrbhuvaḥsvaḥsvarūpā ca bhṛśārttā bhekanādinī||10-127||

bhautī bhaṅgapriyā bhaṅgabhaṅgahā bhaṅgahāriṇī|
bhartā bhagavatī bhāgyā bhagīrathanamaskṛtā||10-128||

bhagamālā bhūtanātheśvarī bhārgavapūjitā|
bhṛguvaṃśā bhītiharā bhūmirbhujagahāriṇī||10-129||

bhālacandrābhabhalvabālā bhavabhūtivībhūtidā|
makarasthā mattagatirmadamattā madapriyā||10-130||

madirāṣṭādaśabhujā madirā mattagāminī|
madirāsiddhidā madhyā madāntargatisiddhidā||10-131||

mīnabhakṣā mīnarūpā mudrāmudgapriyā gatiḥ|
muṣalā muktidā mūrttā mūkīkaraṇatatparā||10-132||

mṛṣārttā mṛgatṛṣṇā ca meṣabhakṣaṇatatparā|
maithunānandasiddhiśca maithunānalasiddhidā||10-133||

mahālakṣmīrbhairavī ca mahendrapīṭhanāyikā|
manaḥsthā mādhavīmukhyā mahādevamanoramā||10-134||

yaśodā yācanā yāsyā yamarājapriyā yamā|
yaśorāśivibhūṣāṅgī yatipremakalāvatī||10-135||

ramaṇī rāmapatnī ca ripuhā rītimadhyagā|
rudrāṇī rūpadā rūpā rūpasundaradhāriṇī||10-136||

retaḥsthā retasaḥ prītā retaḥsthānanivāsinī|
rendrādevasutāredā ripuvargāntakapriyā||10-137||

romāvalīndrajananī romakūpajagatpatiḥ|
raupyavarṇā raudravarṇā raupyālaṅkārabhūṣaṇā||10-138||

raṅgiṇā raṅgarāgasthā raṇavahnikuleśvarī|
lakṣmīḥ lāṅgalahastā ca lāṅgalī kulakāminī||10-139||

lipirūpā līḍhapādā latātantusvarūpiṇī|
limpatī lelihā lolā lomaśapriyasiddhidā||10-140||

laukikī laukikīsiddhirlaṅkānāthakumārikā|
lakṣmaṇā lakṣmīhīnā ca lapriyā lārṇamadhyagā||10-141||

vivasā vasanāveśā vivasyakulakanyakā|
vātasthā vātarūpā ca velamadhyanivāsinī||10-142||

śmaśānabhūmimadhyasthā śmaśānasādhanapriyā|
śavasthā parasiddhyarthī śavavakṣasi śobhitā||10-143||

śaraṇāgatapālyā ca śivakanyā śivapriyā|
ṣaṭcakrabhedinī ṣoḍhā nyāsajāladṛḍhānanā||10-144||

sandhyāsarasvatī sundyā sūryagā śāradā satī|
haripriyā harahālālāvaṇyasthā kṣamā kṣudhā||10-145||

kṣetrajñā siddhidātrī ca ambikā cāparājitā|
ādyā indrapriyā īśā umā ūḍhā ṛtupriyā||10-146||

sutuṇḍā svarabījāntā hariveśādisiddhidā|
ekādaśīvratasthā ca endrī oṣadhisiddhidā||10-147||

aupakārī aṃśarūpā astrabījaprakāśinī|
ityetat kāmukīnātha kumārīṇāṃ sumaṅgalam||10-148||

trailokyaphaladaṃ nityamaṣṭottarasahasrakam|
mahāstotraṃ dharmasāraṃ dhanadhānyasutapradam||10-149||

sarvavidyāphalollāsaṃ bhaktimān yaḥ paṭhet sudhīḥ|
sa sarvadā divārātrau sa bhavenmuktimārgagaḥ||10-150||

sarvatra jayamāpnoti vīrāṇāṃ vallabho labhet|
sarve devā vaśaṃ yānti vaśībhūtāśca mānavāḥ||10-151||

brahmāṇḍe ye ca śaṃsanti te tuṣṭā nātra saṃśayaḥ|
ye vaśanti ca bhūrloke devatulyaparākramāḥ||10-152||

te sarve bhṛtyatulyāśca satyaṃ satyaṃ kuleśvara|
akasmāt siddhimāpnoti homena yajanena ca||10-153||

jāpyena kavacādyena mahāstotrārthapāṭhataḥ|
vinā yajñaivīnā dānaivīnā jāpyairlabhet phalam||10-154||

yaḥ paṭhet stotrakaṃ nāma cāṣṭottarasahasrakam|
tasya śāntirbhavet kṣipraṃ kanyāstotraṃ paṭhettataḥ||10-155||

vāratrayaṃ prapāṭhena rājānaṃ vaśamānayet|
vāraikapaṭhito mantrī dharmārthakāmamokṣabhāk||10-156||

tridinaṃ prapaṭhedvidvān yadi putraṃ samicchati|
vāratrayakrameṇaiva vāraikakramato'pi vā||10-157||

paṭhittvā dhanaratnānāmadhipaḥ sarvavittagaḥ|
trijaganmohayenmantrī vatsarārddhaṃ prapāṭhataḥ||10-158||

vatsaraṃ vāpya yadi vā bhaktibhāvena yaḥ paṭhet|
cirajīvī khecarattvaṃ prāpya yogī bhavennaraḥ||10-159||

mahādūrasthitaṃ varṇaṃ paśyati sthiramānasaḥ|
mahilāmaṇḍale sthittvā śaktiyuktaḥ paṭhet sudhīḥ||10-160||

sa bhavetsādhakaśreṣṭhaḥ kṣīrī kalpadrumo bhavet|
sarvadā yaḥ paṭhennātha bhāvodgatakalevaraḥ||10-161||

darśanāt stambhanaṃ karttuṃ kṣamo bhavati sādhakaḥ|
jalādistambhane śakto vahnistambhādisiddhibhāk||10-162||

vāyuvegī mahāvāgmī vedajño bhavati dhruvam|
kavinātho mahāvidyo vandhakaḥ paṇḍito bhavet||10-163||

sarvadeśādhipo bhūttvā devīputraḥ svayaṃ bhavet|
kāntiṃ śriyaṃ yaśo vṛddhiṃ prāpnoti balavān yatiḥ||10-164||

aṣṭasiddhiyuto nātha yaḥ paṭhedarthasiddhaye|
ujjaṭe'raṇyamadhye ca parvate ghorakānane||10-165||

vane vā pretabhūmau ca śavopari mahāraṇe|
grāme bhagnagṛhe vāpi śūnyāgāre nadītaṭe||10-166||

gaṅgāgarbhe mahāpīṭhe yonipīṭhe gurorgṛhe|
dhānyakṣetre devagṛhe kanyāgāre kulālaye||10-167||

prāntare goṣṭhamadhye vā rājādibhayahīnake|
nirbhayādisvadeśeṣu śiliṅgālaye'thavā||10-168||

bhūtagartte caikaliṅgai vā śūnyadeśe nirākule|
aśvatthamūle bilve vā kulavṛkṣasamīpage||10-169||

anyeṣu siddhadeśeṣu kularūpāśca sādhakaḥ|
divye vā vīrabhāvastho yaṣṭvā kanyāṃ kulākulai||10-170||

kuladravyaiśca vividhaiḥ siddhidravyaiśca sādhakaḥ|
māṃsāsavena juhuyānmuktena rasena ca||10-171||

hutaśeṣaṃ kuladravyaṃ tābhyo dadyāt susiddhaye|
tāsāmucchiṣṭamānīya juhuyād raktapaṅkaje||10-172||

ghṛṇālajjāvinirmuktaḥ sādhakaḥ sthiramānasaḥ|
pibenmāṃsarasaṃ mantrī sadānando mahābalī||10-173||

mahāmāṃsāṣṭakaṃ tābhyo madirākumbhapūritam|
tāro māyā ramāvahnijāyāmantraṃ paṭhet sudhīḥ||10-174||

nivedya vidhinānena paṭhittvā stotramaṅgalam|
svayaṃ prasādaṃ bhuktvā hi sarvavidyādhipo bhavet||10-175||

śūkarasyoṣṭrmāṃsena pīnamīnena mudrayā|
mahāsavaghaṭenāpi dattvā paṭhati yo naraḥ||10-176||

dhruvaṃ sa sarvagāmī syād vinā homena pūjayā|
rudrarūpo bhavennityaṃ mahākālātmako bhavet||10-177||

sarvapuṇyaphalaṃ nātha kṣaṇāt prāpnoti sādhakaḥ|
kṣīrābdhiratnakoṣeśo viyadvyāpī ca yogirāṭ||10-178||

bhaktyāhlādaṃ dayāsindhuṃ niṣkāmattvaṃ labhed dhruvam|
mahāśatrupātane ca mahāśatrubhayāddīte||10-179||

vāraikapāṭhamātreṇa śatrūṇāṃ vadhamānayet|
samardayet śatrūn kṣipramandhakāraṃ yathā raviḥ||10-180||

uccāṭane māraṇe ca bhaye ghoratare ripau|
paṭhanāddhāraṇānmarttyo devā vā rākṣasādayaḥ||10-181||

prāpnuvanti jhaṭit śāntiṃ kumārīnāmapāṭhataḥ|
puruṣo dakṣiṇe bāhau nārī vāmakare tathā||10-182||

dhṛtvā putrādisampattiṃ labhate nātra saṃśayaḥ||10-183||

mamājñayā mokṣamupaiti sādhako|
gajāntakaṃ nātha sahasranāma ca
paṭhenmanuṣyo yahi bhaktibhāvata--
stadā hi sarvatra phalodayaṃ labhet ca||10-184||

mokṣaṃ satphalabhogināṃ stavavaraṃ sāraṃ parānandadaṃ
ye nityaṃ hi mudā paṭhanti viphalaṃ sārthañca cintākulāḥ
te nityāḥ prabhavanti kītīkamale śrīrāmatulyo jaye
kandarpāyutatulyarūpaguṇinaḥ krodhe ca rudropamāḥ||10-185||

iti śrīrudrayāmale uttaratantre mahātantroddīpane kumāryupacaryāvinyāse siddhamantra-- prakaraṇe divyabhāvanirṇaye aṣṭottarasahasranāmamaṅgalollāse daśamaḥ paṭalaḥ||10||

Kapitel 11

athaikādaśaḥ paṭalaḥ

ānandabhairavī uvāca

athātaḥ sampravakṣyāmi divyabhāvādinirṇayam|
yamāśritya mahārudro bhuvaneśvaranāmadhṛk||11-1||

yaṃ jñātvā kamalānātho devatānāmadhīśvaraḥ|
caturvedādhipo brahmā sākṣādbrahma sanātanaḥ||11-2||

baṭuko mama putraśca śakraḥ svargādhidevatā|
aṣṭasiddhiyutāḥ sarve dikpālāḥ khecarādayaḥ||11-3||

tatprakāraṃ mahādeva ānandanāthabhairava|
surānanda hṛdayānanda jñānānanda dayāmaya||11-4||

śṛṇusvaikamanā nātha yadi tvaṃ siddhimicchasi|
mama priyānandarūpa yato me tvaṃ tanusthitaḥ||11-5||

trividhaṃ divyabhāvañca vedāgamavivekajam|
vedārthamadhamaṃ samproktaṃ madhyamaṃ cāgamodbhavam||11-6||

uttamaṃ sakalaṃ proktaṃ vivekollāsasambhavam|
tathaiva trividhaṃ bhāvaṃ divyavīrapaśukramam||11-7||

divyaṃ vivekajaṃ proktaṃ sarvasiddhipradāyakam|
uttamaṃ tadvijānīyādānandarasasāgaram||11-8||

madhyamaṃ cāgamollāsaṃ vīrabhāvaṃ kriyānvitam|
vedodbhavaṃ phalārthañca paśubhāvaṃ hi cādhamam||11-9||

sarvanindā samāvyāptaṃ bhāvānāmadhamaṃ paśoḥ|
uttame uttamaṃ jñānaṃ bhāvasiddhipradaṃ nṛṇām||11-10||

madhyame madhumatyāśca matkulāgamasambhavam|
akālamṛtyuharaṇaṃ bhāvānāmatidurlabham||11-11||

vīrabhāvaṃ vinā nātha na siddhyati kadācana|
adhame adhamā vyākhyā nindārthavācakaṃ sadā||11-12||

yadi nindā na karoti tadā tatphalamāpnuyāt|
paśubhāve'pi siddhiḥ syāt yadi vedaṃ sadābhyaset||11-13||

vedārthacintanaṃ nityaṃ vedapāṭhadhvanipriyam|
sarvanindāvirahitaṃ hiṃsālasyavivajītam||11-14||

lobha--moha--kāma--krodha--mada-mātsaryavajītam|
yadi bhāvasthito mantrī paśubhāve'pi siddhibhāk||11-15||

paśubhāvaṃ mahābhāvaṃ ye jānanti mahītale|
kimasādhyaṃ mahādeva śramābhyāsena yānti tat||11-16||

śramādhīnaṃ jagat sarvaṃ śramādhīnāśca devatāḥ|
śramādhīnaṃ mahāmantraṃ śramādhīnaṃ parantapaḥ||11-17||

śramādhīnaṃ kulācāraṃ paśubhāvopalakṣaṇam|
vedārthajñānamātreṇa paśubhāvaṃ kulapriyam||11-18||

smṛtyāgamapurāṇāni vedārthavividhāni ca|
abhyasya sarvaśāstrāṇi tattvajñānāttu buddhimān||11-19||

palalamiva dhānyārthī sarvaśāstrāṇi santyajet|
jñānī bhūtvā bhāvasāramāśrayet sādhakottamaḥ||11-20||

vede vedakriyā kāryā maduktavacanādṛtaḥ|
paśūnāṃ śramadāhānāmiti lakṣaṇamīritam||11-21||

āgamārthaṃ kriyā kāryā matkulāgamaceṣṭayā|
vīrāṇāmuddhatānāñca mat śarīrānugāminām||11-22||

maccecchākula tattvānāmiti lakṣaṇamīritam|
vivekasūtrasaṃjñājñā kāryā sudṛḍha.cetasām||11-23||

sarvatra samabhāvānāṃ bhāvamātraṃ hi sādhanam|
sarvatra matpadāmbhojasambhavaṃ sacarācaram||11-24||

pṛṣṭvā yatkurute karma cākhaṇḍaphalasiddhidam|
akhaṇḍajñānacittānāmiti bhāvaṃ vivekinām||11-25||

nirmalānandadivyānāmiti lakṣaṇamīritam|
divye tu trividhaṃ bhāvaṃ yo jānāti mahītale||11-26||

na naśyati mahāvīraḥ kadācit sādhakottamaḥ|
divyabhāvaṃ vinā nātha matpadāmbhojadarśanam||11-27||

ya icchati mahādeva sa mūḍhaḥ sādhakaḥ katham|
paśubhāvaṃ prathamake dvitīye vīrabhāvakam||11-28||

tṛtīye divyabhāvañca divyabhāvatrayaṃ kramāt|
tatprakāraṃ śṛṇu śiva trailokyaparipāvana||11-29||

bhāvatrayaviśeṣajñaḥ ṣaḍādhārasya bhedanaḥ|
pañcatattvārthabhāvajño divyācārarataḥ tadā||11-30||

sa eva bhavati śrīmān siddhanāmādipāragaḥ|
śivavad viharet so'pi aṣṭaiśvaryasamanvitaḥ||11-31||

sarvatra śucibhāvena ānandaghanasādhanam|
prātaḥkālādimadhyāhnakālaparyantadhāraṇam||11-32||

bhojanañcoktadravyeṇa saṃyamādikrameṇa vā|
yaḥ sādhayati sa siddho divyabhāve paśukramāt||11-33||

divyabhāve vīrabhāvaṃ vadāmi tatpunaḥ śṛṇu|
madhyāhnādikasandhyāntaṃ śucibhāvena sādhanam||11-34||

japanaṃ dhāraṇaṃ vāpi cittamādāya yatnataḥ|
ekāntanirjane deśe siddho bhavati niścitam||11-35||

tatkālaṃ vīrabhāvārthaṃ bhāvamātraṃ hi sādhanam|
bhāvena labhate siddhiṃ vīrādanyanna kutracit||11-36||

rātrau gandhādisampūrṇastāmbūlapūritānanaḥ|
vijayānandasampanno jīvātmaparamātmanoḥ||11-37||

ekyaṃ citte samādhāya ānandodrekasaṃbhramaḥ|
yo japet sakalāṃ rātriṃ gatabhīnīrjane gṛhe||11-38||

sa bhavet kālikādāso divyānāmuttamottamaḥ|
evaṃ bhāvatrayaṃ jñātvā yaḥ karma sādhayettataḥ||11-39||

aṣṭaiśvaryayuto bhūtvā sarvajño bhavati dhruvam|
bhāvatrayāṇāṃ madhye tu bhāvapuṇyārthanirṇayam||11-40||

śṛṇu nātha pravakṣyāmi sāvadhānā'vadhāraya|
akasmāt siddhimāpnoti jñātvā saṅketalāñchitam||11-41||

yo jānāti mahādeva tasya siddhirna saṃśayaḥ|
dvādaśe paṭale sūkṣmasaṅketārthaṃ vadāmi tat||11-42||

ānandabhairavī uvāca

ekādaśe ca paṭale śuddhabhāvārthanirṇayam|
bhāvena labhyate sarvaṃ bhāvādhīnaṃ jagattrayam||11-43||

bhāvaṃ vinā mahādeva na siddhirjāyate kvacit|
paśubhāvāśrayāṇāñca aruṇodayakālataḥ||11-44||

daśadaṇḍāśritaṃ kālaṃ praśnārthaṃ kevalaṃ prabho|
cakraṃ dvādaśarāśeśca māsadvādaśakasya ca||11-45||

daśadaṇḍe vijānīyād bhāvābhāvaṃ vicakṣaṇaḥ|
anulomavilomena pañcasvaravibhedataḥ||11-46||

bālya kaiśorasaundaryaṃ yauvanaṃ vṛddhasañjñakam|
asta(aṣṭa)mitaṃ kramājjñeyo vidhiḥ pañcasvaraḥ svayam||11-47||

svakīyaṃ nāsikāgrasthaṃ pañcamaṃ parikītītam|
yannāsāpuṭamadhye tu vāyurbhavati bhairava||11-48||

tannāsāpuṭamadhye tu bhāvābhāvaṃ vicintayet|
ākāśaṃ vāyurūpaṃ hi taijasaṃ vāruṇaṃ prabho||11-49||

pāthīvaṃ kramaśo jñeyaṃ bālyāstādikrameṇa tu|
vāmodaye śubhā vāmā dakṣiṇe puruṣaḥ śubhaḥ||11-50||

vāyūnāṃ gamanaṃ jñeyaṃ gaganāvadhireva ca|
kevalaṃ madhyadeśe tu gamanaṃ pavanasya ca||11-51||

tadākāśaṃ vijānīyād bālyabhāvaṃ prakītītam
tiryaggatistu nāsāgre vāyorudayameva ca||11-52||

kevalaṃ bhramaṇaṃ jñeyaṃ sarvamaṅgalameva ca|
kiśoraṃ tadvijānīyād vāyau tiryaggatau vibho||11-53||

kevalorddhvanāsikāgre vāyurgacchati daṇḍavat|
tattaijasaṃ vijānīyād gamanaṃ balavad bhavet||11-54||

tadvṛddhagatabhāvañca vilambo'dhikaceṣṭayā|
prāpnoti paramāṃ prītiṃ varuṇāmbhodaye rujām||11-55||

yadādho gacchati kṣipraṃ kiñcid ūrdhvamagocaram|
yadā karoti praśvāsaṃ tadā rogolbaṇodayaḥ||11-56||

pṛthivyā unnataṃ bhāgyaṃ yogātapaprapīḍitam|
astamitaṃ mahādeva anulomavilomataḥ||11-57||

pavano gacchati kṣipraṃ vāmadakṣiṇabhedataḥ|
vāmanāsāpuṭe yāti pṛthivī jalameva ca||11-58||

sadā phalāphalaṃ datte muditā kuṇḍamaṇḍale|
tayorvai vāyavī śaktiḥ phalabhāgaṃ tadā labhet||11-59||

yadyevaṃ vāmabhāge tu vāmāyāḥ praśnakarmaṇi|
yadi tatra pumān praśnaṃ karoti vāmagāmine||11-60||

tadā rogamavāpnoti karmahīno bhaved dhruvam|
yadi vāyūdayo vāme dakṣiṇe puruṣaḥ sthitaḥ||11-61||

tadā phalamavāpnoti dravyāgamanadurlabham|
akasmād dravyahāniḥ syānmanogataphalāpaham||11-62||

suhṛd bhaṅgavivādañca bhinnabhinnodaye śubham|
kevalaṃ varuṇasyaiva puruṣo dakṣiṇe śubham||11-63||

aśubhaṃ pṛthivīdakṣe bhedo'yaṃ varadurlabhaḥ|
sadodayaṃ dakṣiṇe ca vāyostaijasa eva ca||11-64||

ākāśasya vijānīyāt śubhāśubhaphalaṃ prabho|
yadi bhāgyavaśādeva vāyormandā gatirbhavet||11-65||

dakṣanāśāmadhyadeśe tadā vāmodayaṃ śubham|
tadā vāme vicārañca vāyutejodvayasya ca||11-66||

jñātvodayaṃ vijānīyād mitre hāniḥ sure bhayam|
evaṃ subhavanāgāre yadi gacchati vāyavī||11-67||

tasmin kāle pumān dakṣo dakṣabhāgasthasammukhaḥ|
tadā kanyādānaphalaṃ yathā prāpnoti mānavaḥ||11-68||

tadā vāyuprasādena prāpnoti dhanamuttamam|
deśāntarasthabhāvārttā āyānti putrasampadaḥ||11-69||

bālyādikaṃ bhāvatrayaṃ rāśibhede śubhaṃ diśet
etaccakre phalaṃ tasya rāśidvādaśacakrake||11-70||

sūkṣmaṃ phalaṃ vijānīyāt cakraṃ nāma śṛṇu prabho|
ājñācakraṃ kāmacakraṃ phalacakrañca sāradam||11-71||

praśnacakraṃ bhūmicakraṃ svargacakraṃ tataḥ param|
tulācakraṃ vāricakraṃ ṣaṭcakraṃ triguṇātmakam||11-72||

sāracakramulkācakraṃ mṛtyucakraṃ kramātprabho|
ṣaṭkoṇaṃ cātra jānīyādanulomavilomataḥ||11-73||

sarvacakre svarajñānaṃ sarvatra vāyusaṅgatim|
sarvapraśnādisañcāraṃ bhāvena jāyate yadi||11-74||

tadā taddaṇḍamānañca jñātvā rāśyudayaṃ budhaḥ|
kuryāt praśnavicārañca yadi kītīmihecchati||11-75||

iti śrīrudrayāmale uttaratantre mahātantroddīpane bhāvabodhanirṇaye paśubhāvavicāre sārasaṅkete siddhamantraprakaraṇe bhairavībhairavasaṃvāde ekādaśaḥ paṭalaḥ||11||

Kapitel 12

atha dvādaśaḥ paṭalaḥ

ānandabhairavī uvāca

tadvāmasandhideśasthamaṣṭamāṅkamatho likhet|
tadadhaḥ sandhideśasthaṃ saptāṅkaṃ vilikhed budhaḥ||12-1||

tadūrdhvaṃ vāmakoṇe ca tṛtīyāṅkaṃ likhettataḥ|
tadūrdhvaṃ koṇagehe ca yugmāṅkaṃ vilikhettathā||12-2||

taddakṣiṇe gṛhe caikamaṅkavarṇaṃ śṛṇu prabho|
vasubhāvaṃ śūnyabhāvaṃ ṣaṣṭhabhāvañca śūnyakam||12-3||

etanmadhye nāsti varṇaṃ koṇāṅkañca savarṇakam|
ṭatavargau śa śa likhet śare śūnyādha eva ca||12-4||

vedāṅkasthau kacavargau eekārasamanvitau|
tṛtīyāṅkasthitaṃ varṇaṃ ādikṣāntaṃ ṭavargamom||12-5||

tapavargau yugāntasthau makāraṃ sāvadhānataḥ|
vilikhed dakṣiṇe tasya gehe caikāṅkamadhyake||12-6||

uyugaṃ patavargau ca akāraṃ yugmaśīrṣake|
etat cakraṃ kāmacakraṃ praśnakāle phalapradam||12-7||

vāmāvarttena gaṇayet daśakoṇasthavarṇakān|
anuloma vilomena pañcasvarādināmataḥ||12-8||

yasmingṛhe svīyanāma prāpnoti vedapāragaḥ|
tadgṛhāvadhi praśnārthaṃ gaṇayed grahasiddhaye||12-9||

navagrahanavasthānaṃ varṇaṃ jñātvā subuddhimān|
bālyabhāvādikaṃ jñātvā yatra grahasthitirbhavet||12-10||

tannakṣatraṃ samānīya dvārādhikāramānayet|
vinā trikoṇayogena ṣaṭkoṇaṃ likhed budhaḥ||12-11||

tanmadhye aṣṭakoṇañca bhitvā devagṛhāntaram|
tanmadhye cāpi ṣaṭkoṇaṃ tanmadhye ca trikoṇakam||12-12||

krameṇa vilikhed varṇaṃ dakṣiṇāvarttayogataḥ|
ūdrdhvavāmadeśabhāge a ā i ca kavargakam||12-13||

taddakṣiṇe ī i yugaṃ ṭavargañca likhed budhaḥ|
dakṣapārśve adhobhāge ṛyugaṃ tu tavargakam||12-14||

tadadho ḷ ḹ e e rūpañca pavargañca likhed budhaḥ|
tadvāmapārśvabhāge ca o au yaralavān likhet||12-15||

śeṣagehe likhedaṃ aḥ śādikṣāntaṃ hi ṣaḍgṛhe|
madhyastamādikoṇe ca ekāṅkaṃ śārvakaṃ tanum||12-16||

rudrāgnimūtīmanilaṃ agnikoṇe likhed budhaḥ|
yajamānaḥ paśupatimūtīṣaṣṭhañca dakṣiṇe||12-17||

mahādevaṃ somamūtīṃ saptamaṃ nairṛte likhet|
jalamūttībhavaṃ yugmaṃ paścime vilikhed budhaḥ||12-18||

ugravīraṃ vāyumūttīṃ vāyukoṇe caturthakam|
bhīmarūpākāśamūttīṃ pañcamaṃ cottare likhet||12-19||

īśānaṃ sūryamūtīñca īśāne ṣaḍdalaṃ likhet|
adhaḥ ṣaṭkoṇamadhye ca ṣaṭkoṇaṃ vilikhettataḥ||12-20||

ūdrdhvakoṇe grīṣmakālaṃ śiśirañcāpi dakṣiṇe|
varṣākālamadhastasya sarvādhaśca vasantakam||12-21||

śaratkālaṃ pañcakośe śītakālañca ṣaṣṭhake|
trikoṇe cāpi tanmadhye vahnirūpaṃ vakārakam||12-22||

likhitvā gaṇayenmantrī varṇadevāṅkavahnibhiḥ|
etaccakraṃ mahāsūkṣmaṃ phalacakraṃ viśāradam||12-23||

adhunā kulanātheśa pṛṣṭhacakraṃ punaḥ śṛṇu|
vinā jñānena yasyaivaṃ pṛṣṭhabhāvo na jāyate||12-24||

yadi pṛṣṭhacakrabhāvaṃ jānāti sādhakottamaḥ|
tadā nijaphalaṃ jñātvā siddhimāpnoti niścitam||12-25||

ānandabhairava uvāca

ṣaṭkoṇaṃ kārayenmantrī vinā trikoṇasādhanaiḥ|
tanmadhye ca catuṣkoṇaṃ tanmadhye śādivarṇakān||12-26||

likhitvā vilikhettatra ṣaḍaṅkamadhyadeśataḥ|
ṣaḍaṅkaṃ dāpayenmantrī dīrghadīrghakrameṇa tu||12-27||

tadagre ṣaḍgṛhaṃ kuryāttatrāṅkārṇān likhetsudhīḥ|
ūdrdhvaprathamagehe ca kavargaṃ vilikhed budhaḥ||12-28||

taddakṣiṇe mandire ca cavargaṃ vilikhed budhaḥ|
ṭavargaṃ dakṣiṇe cādhaḥ sarvādhastu tavargakam||12-29||

tadvāme mandire nātha pavargaṃ varṇamaṅgalam|
tadūrdhve yādivāntaṃ ca dakṣiṇāvarttayogataḥ||12-30||

akārādisvarān tatra mandire vilikhed budhaḥ|
yāvat svarasthitiryāti tāvatkālaṃ vicārayet||12-31||

meṣādirāśisadbhāvaṃ vargalekhanamānataḥ|
anulomavilomena vilikhet ṣaṣṭhamandire||12-32||

yadyadgṛhe sādhyanāma cāsti nātha svarādikam|
ekatrīkṛtya haraṇāt yadaṅkaṃ prāpyate varam||12-33||

ṣaḍaṅkena tato nātha haredanalasaṃkhyayā|
yadaṅkaṃ prāpyate tatra sa rāśistat kṣaṇasya ca||12-34||

ājñācakraṃ phalaṃ siddhaṃ vidyānātha vadāmi tat|
yena vijñātamātreṇa sarvajño bhavati dhruvam||12-35||

akasmāt śaktimāpnoti vidyāratnaṃ dadāmi tat|
ravyādisaptavārañca kṛte bhadravivardhanam||12-36||

śanyādisaptavāraṃ ca tretāyāṃ saukhyavarddhanam|
gurvādisaptavārañca dvāpare dharmasādhanam||12-37||

śukrādivārasaptañca kalau yugaphalapradam|
ataḥ śukrādiparyantaṃ gaṇanīyaṃ vicakṣaṇaiḥ||12-38||

gaṇayet saptavārañca madhye catudrdale sudhīḥ|
pūrvādikramato vārān gaṇayed tantravittamaḥ||12-39||

nijavāro yatra patre samāptistūdbhavañca tat|
tadbharāśiṃ samānīya varṇabhedaṃ samānayet||12-40||

sāmānyaphalamūlañca vadārṇādipatrabhedataḥ|
ājñācakraṃ śubhaṃ mantrī ājñācakraṃ vicārayet||12-41||

tatphalāphalamāhātmyaṃ śṛṇu saṅketapaṇḍita||12-42||

ānandabhairava uvāca

dale pūrvabhāge ākārārdha indu--|
sphuṭe rājyalābhaṃ hakārāntaśabdam|
sāmānārthabhāvaṃ viśiṣṭārthayoga|
kratukṣemayuktaṃ tathā putralābham||12-43||

dayāyuktabhūṣāśrayatvaṃ jayatva|
samāpnoti martyo vivāhaṃ suvāham
sukhaṃ nātha lokānurāgaṃ subhoga|
vibhādhāvakānāṃ samāpte kṣaṇādim||12-44||

padme dakṣiṇapatrake priyapadā modadahaṃ bhāsvara|
nānālakṣaṇaduḥkhadaṃ śucipadā āndolitastairaham|
māhendrāmṛtayogarāgahananaṃ sākṣādyamāropaṇa|
cittānāṃ paricañcalaṃ khalaguṇāhlādena sāmoditam||12-45||

pātrārthalābhaṃ yadi vādha eva pragacchati krūrakhalapratāpaḥ|
tathāpi hantuṃ na ca varṇamadhye kṣamaḥ svasiddhaṃ bhajate kṣamādi|| 12-46||

rasārthapraśnaṃ kurute yadi syād vāro hi cāro gṛhamadhyabhāge|
svakīya indupriyavad bhaved dhruvam manogataṃ saukhyavivardhanañca||12-47 ||

śatrūṇāṃ hananaṃ tadā kulagataṃ sañcāravātaṃ mudā|
rogāṇāṃ parimardanaṃ prabhupade bhaktyathīnāṃ jñāpanam|
āhlādaṃ hṛdayāmbuje'mṛtadhanaṃ tīrthāgamaṃ śokaha|
sūkṣmārthaṃ gaṇayettataḥ pracapalā vāgdevatādarśanam||12-48||

ātharve patramadhye nivasati kamalā komalā vādyadātrī|
āgantavyādivārtā kathayati sahasā sarvadā maṅgalāni|
nityāvaśyaṃ pratāpaṃ priyagaṇahitāṃ premabhāvāśrayattva|
nityaṃ kāntāmukhāmbhoruhavimalamadhupremapānābhilāṣam||12-49||

meṣe tṛptimupaiti siṃha iṣubhiḥ kumbhena teṣāṃ phala|
lābhaṃ kuñjaraghātakeṣu rajataṃ cauryeṇa yadyadgata|
evaṃ kāsyavihāraṇaṃ śatapale sūryodayāttiṣṭhati|
prātaḥ kālaphalāphalaṃ kathayati śrīkeśarīmadhyagaḥ||12-50||

paśyādekaśataṃ palendudhanuṣā vyāptaṃ yadā bhūtale|
vittānāṃ haraṇaṃ tadā jalagate mitrasya rājyādikam|
dūrasthādikathāgatādisamayaṃ śatrormahāpīḍana|
vāñchāvargakulodayaṃ samudayāt sūryasya cāgaṇyate||12-51||

śeṣe caikaśate phale samudite kumbho mahādurbalī|
dāridryasya kathā kadā suviṣayaṃ vidyārthabhūṣañca yam|
lābhaṃ deśavideśakāryagamanaṃ śīghraṃ dhanādyāgama|
devānāṃ khalu darśanārthakathanaṃ vyāmohasannāśanam||12-52||

vāre śukre śanigatadina lavaṭāhau ca sūrye|
nityaṃ jñānodayanijapatha āyuṣāṃ nirṇayaṃ tat|
aṣṭau vargānudayati mudā prāpya vīro mahattva|
loko doṣaṃ prathamakhacare cāyuṣāṃ pṛṣṭamātram||12-53||

iti śrīrudrayāmale uttaratantre mahātantroddīpane bhāvapraśnārthabodhanirṇaye pāśavakalpe ājñācakrasārasaṅkete siddhamantraprakaraṇe bhairavībhairavasaṃvāde dvādaśaḥ paṭalaḥ||12||

Kapitel 13

atha trayodaśaḥ paṭalaḥ

ānandabhairavī uvāca

ājñāpraśnārthabhāvañca varṇavinyāsanirṇayam|
adhunā śṛṇu sarvajña bhāvajñānaparāyaṇa||13-1||

yadi meṣe svanakṣatraṃ svavārasaṃyutaṃ śubham|
jñātvā śubhādipatrañca palamānena sādhakaḥ||13-2||

gaṇayed varṇasārañca yena tatpraśnanirṇayaḥ|
pūrve dale kakārasya varṇabhedaṃ śṛṇu prabho||13-3||

manasi sukhasamūhaṃ prāṇasaukhyārthacintā|
vasanagamanalābhaṃ prītiputrārthayogyam|
sthirapadamapi deśe darśanaṃ prāṇabandhoḥ|
sakalakaluṣahāniścādipatre kakāre||13-4||

sadā nṛnāsike sukhaṃ sukholbaṇasya sevana|
sadāśive ca bhaktidaṃ svakīyagehasatphalam|
kalādharasya dṛṣṭibhiḥ pradhānalokapūjana|
hitāhitaṃ na bādhate vivāhakelinā sukham||13-5||

ṛkāraṃ vipadāṃ dhvaṃsaṃ dhairye vidyāvibodhanam|
vyādhipīḍādurjanānāṃ pīḍāpraśnaṃ vadettadā||13-6||

ukāre vāyubhāvasya vṛthāgamanameva ca|
dāridryahānayoryānti dūrāgamanadurlabham||13-7||

khakāre dravyapraśnañca śubhakārye gate bhayam|
āśu bhayaṃ samāpnoti prāpya nirdhanatāṃ vrajet||13-8||

pañcatvajijñāsanameva satyaṃ nityaṃ sukhānāmudayāya ceṣṭā|
śatrovīnāśāya hitāya bandhoḥ pakārakūṭe paracauraceṣṭā||13-9||

kaivalyādisamāpanaṃ nijamano duṣṭavyāpahaṃ kāminā|
nānābhogavināśanaṃ kanakaraupyarājapradaṃ svake|
mārībhītivirodhanaṃ dhanapaterānandapuñjodaya|
govidyāśriyamāśu lābhavividhaṃ dharmārthacintākulam||13-10||

haripūjā haridhyānaṃ haripādāmbuje ratiḥ|
cauryāharaṇadravyasya na hānirjanmahārdake||13-11||

ākāre tejaso hānirmahāśabde vināśanam|
āgatānāñca hāniḥ syāt pakṣapātaṃ gatau jayam||13-12||

uśato nijagehasthā ulbaṇavyādhipīḍanam|
utsāhadhvaṃsaśūnyañca pāṭhe pāṇḍityamulbaṇam||13-13||

dīrghaḷkāravarṇe ca lāvaṇyalocano nṛpaḥ|
lajjānaṣṭakṣemabuddhimītratulyapriyo bhavet||13-14||

dīrghapraṇavamoṅkāre nirāśrayo na jīvati|
mahadāśrayamātreṇa sarvaṃ cūrṇaṃ karoti hi||13-15||

siṃhe kārmukameṣalagnasamaye nityāśiṣaṃ prāpnuyāt|
kiñcidbhāti parākramī gatimatāṃ śreṣṭho bhavet karmaṇi|
kiñciddoṣakulāpahaṃ narapaterutsāhasaṃvardhana|
krodhī nityaparākramī bhavati saḥ śīghrābhilāṣānvitaḥ||13-16||

atha vakṣye mahādeva vīrāṇāmuttamottama|
sarvaśāstrārthatattvajña tattvajñānaparāyaṇa||13-17||

dakṣiṇasthadalasyāpi varṇabhedārthanirgamam|
phalamatyantaniṣkarṣaṃ vāñchāvākyaphalapradam||13-18||

kānte bīje kamalanilayā gehabhāgasthirā yā|
nānādeśabhramaṇabhayadā naiva kutrāpi susthā|
caṇḍodvegāpahasati khalānāñca hāniḥ prabuddho|
vāṇī vaśyā vasati vadane cakriṇāṃ hānayaḥ syuḥ||13-19||

cārupratāpaṃ caraṇe gurūṇāṃ bhaktirdṛḍhā syād gamaneṣu cāru|
tadāgatānāṃ nṛpatipriyāṇāṃ sampreraṇaṃ cāruphalañca kūṭe||13-20 ||

kānteṣu kāntāvadanāravinde suṣaṭpadatvaṃ ramaṇīvilāsam|
āyuḥ kṣayodvegavināśakaraṇaṃ cākarṣaṇaṃ deśasukhaṃ dhanānām|| 13-21||

ṭakāre dhāraṇaṃ deśe sukhaṃ śeṣe niśāmukham|
videśasthadhanādīnāṃ syādāgamanamuttamam||13-22||

dakūṭamadhanaṃ vinā bhavati vighnahāniḥ sadā|
jayaṃ svagṛhakāmino kamalanetrakāntā yathā|
susiddhakarameva hi prabalabhāvanāto bhavet|
bhave jayati mānuṣastu pṛṣṭasya jijñāsane||13-23||

vyākhyātaṃ munibhiḥ phalaṃ phalamayaṃ kālaṃ ripūṇāṃ sadā|
lokānāṃ vaśakāraṇaṃ kulavaro vedāgame pāragaḥ|
prāpnoti priyaputrakaṃ narapaterutsāhasaṃ kāraṇa|
kārye durjanapīḍanaṃ bhayasamūhānāṃ vināśaṅkake||13-24||

yaśasi vayasi tejo buddhireva yakūṭe|
samayaphalabhūpollāsavṛddhiḥ samṛddhayā|
yajanamapi surāṇāṃ cauryamātraṃ na bhūyā--
datiśayadhanavṛddhiḥ kreyavikreyakāle||13-25||

śītakāle dhanaprāptiḥ svarṇaraupyādilābhakam|
putraprāptiḥ sukhaprāptiḥ saṅkaṭe vadati dhruvam||13-26||

lakṣmīḥ priyaṃ dhanaṃ dātuṃ muditā bhūmimaṇḍale|
jalena jāyate hānirlayaṃ deve na kūṭake||13-27||

praśnādyakṣaramityādisvaramūlaṃ hi yo naraḥ|
jijñāsanaṃ yadā kuryāt tadā syādutkaṭaṃ phalam||13-28||

śṛṇu tattat svaraṃ nātha etatpatrasthamākṣayam||13-29||

ikārakūlamaṅgale dhanāditṛṣṇayānvitoḥ|
viśeṣadharmalakṣaṇaṃ dhanañca paitṛkaṃ labhet||13-30||

gatipriyaṃ sudevatā susampadaṃ sadāsukham|
tathā hi sūkṣmabuddhibhiḥ parāstamākarodarim||13-31||

īkāramaparapriyaṃ paramatadhvaṃsasaṃvarddhanam|
videśagamanaṃ nahi prabhavatīha bāhyaṃ dayā||13-32||

jagajjanamabhipriyaṃ taruṇadoṣasammānanam|
vikārarahitaṃ sukhaṃ bhavati pṛṣṭa āvedake||13-33||

e bīje baddhasantoṣaṃ kāmanāphalasiddhidam|
vāyunā haraṇaṃ caiva prāpnoti nṛpamānanam||13-34||

amītyekākṣare bīje bījabhūte jagatpateḥ|
prāpnoti kanyādānādiphalaṃ vastrañca taijasam||13-35||

gokanyāmakare khage khagacaratā saundaryalakṣmīrbhavet|
śeṣe kāñcanapuñjalābhamatulaṃ santoṣasāraṃ gatau|
saṃsāre nijadāyikā svajanatā ratnādikaṃ sañcaya|
sarvaṃ sañcayati prabho hitakaraṃ praśnārthamādyākṣare||13-36||

tṛtīyadalamāhātmyaṃ yad yad varṇe vicārayet|
praśnādyakṣaravarṇeṣu nītvā ca gaganaṃ caret||13-37||

tatprakāraṃ śṛṇu prāṇavallabha premapāraga|
yajjñānāt praśnasiddhiḥ syādakālaphaladaṃ nṛpam||13-38||

dṛṣṭvā jñātvā bhāvarāśimuttamādhamamadhyamam|
lokabhāvavidhānajño nijavidyādikaṃ tathā||13-39||

sarvaṃ viṣayarūpeṇa bhāvasāraṃ vicārayet|
gabījaṃ maṅgalaṃ jñeyaṃ phalamatyantabhāgyadam||13-40||

gatadravyādilābhañca tathā lokavaśaṃ phalam||13-41||

dakārakūṭe kaṭhinaṃ ripūṇāṃ vidrāvaṇaṃ dharmavināśakasya|
bhūmipatervā maraṇaṃ vināśanaṃ divyāṅganāyā vararatnalābham||13-42 ||

ṭakāre dūragānāñca darśanaṃ bhavati dhruvam|
udvāhaḥ putrasampattiḥ ṣaṣṭhamāsena labhyate||13-43||

ṭānte caurabhayaṃ nāsti taddravyāgamanaṃ bhavet|
vidhividyāprakāśena śive viṣṇau ca bhaktimān||13-44||

dhakārakūṭe dharaṇīpatittvaṃ vyādherbhayaṃ nāsti tathā paśośca|
praveśamātreṇa gatau kalāpi jīvādisampattimupaiti lakṣmīm||13-45||

rabīje siddhaḥ samyak khagakulavaro dhīragamanam|
vāñchātulyaṃ vibhavamatulaṃ rājarājyapriyaṃ syāt|
pratāpaṃ sāmrājyaṃ sakalahitagolokarasatā|
rasaṃ sarvaṃ lokaṃ priyamatisukhaṃ lābhavividham||13-46||

cakāre vahnibīje ca jitaṃ sarvaṃ carācaram|
yathā krameṇa sarvatra gamane bhāgyadaṃ phalam||13-47||

ṣakāramadhyame deśe vārttādeśādupaiti hi|
patrikāgamanaṃ kāryaṃ yaḥ karoti dhanaṃ labhet||13-48||

kṣakāre sakhyabhāvañca mitrabhāvaṃ yadā labhet|
suprītiśca bhavettasmāt tadā praśnabhayaṃ na ca||13-49||

svarājye ca bhavet saukhyaṃ puṣpajijñāsakarmaṇi|
hasanānte tathā varṇe pācakaṃ dehi cādidam||13-50||

yadi syāducyate nātha viparītaphalaṃ na ca||13-51||

dīrghīkāre viṣayaghaṭanā nātha pādeḥ matiḥ syād|
yadyārambho bhavati kulanaṃ dīrghajīvī narendraḥ|
bālāpatyaṃ gamayati mudā kāladeśādhikārī|
lokāraṇye sakalakaluṣadhvaṃsahetormṛgendraḥ||13-52||

sukhañcacāra cāṣṭame mahādhaneśasannidhau|
prabuddhavān bhavennaraḥ samāhito bhaved dhruvam|
vicitracāturī yadā mahākucoragā prabho|
prahasyate kṣaṇādapi prabhātasūryadarśanāt||13-53||

atīva dhairyatāṃ labhet vicitravāgbhavejjayam|
jayena sevitaṃ purā purāṇa vākyalābhaka|
jagajjanādisevanaṃ labhet (vā yadi svayaṃ?)||13-54||

na cākulāgamaṃ gayāgabhīratulyasatphalam|
sadā hi puṇyasāgare guroḥ padāmbujaṃ labhet||13-55||

visarjanīye susvare samāptikomalānvitam|
janāgamaṃ dhanāgamaṃ viśālavedanānvitam||13-56||

manogataṃ kubuddhidaṃ svakīyabandhusajjanam|
visarjanaṃ kulakṣaṇaṃ bhavellabhet kubandhanam||13-57||

sakulaṃ niṣkulaṃ kāntaṃ viduḥ śreṣṭhā maharṣayaḥ|
hāsyasukhe hāsyaphalaṃ bhāvanāyāṃ bhavennahi||13-58||

krodhakrameṇaiva tadaiva cakṣuṣo--
vīkārabhāvena haret samastam|
śīrṣe karau cet kalikālasaṃyuta|
phalaṃ hi lābhe vadha eva bhūṣaṇam||13-59||

śeṣe vedadale varābhayakare hārāvaśabdāpahā|
dūrādāgamanaṃ bhaveddhi niyataṃ bālāgaṇairāvṛtam|
ghorāpāyavisarjanaṃ jalaguṇāhlādena sāmodita|
kūṭe kūṭaghakāravargalaharī bhāsāpabhāsārase||13-60||

javarge jatukaṃ svarṇaṃ jīvanopāyacintanam|
jarāvyādhisamākrāntaṃ jīrṇavastrāpahāraṇam||13-61||

ṭhakārakūṭe yadi cakravartī|
bhūmaṇḍale syātpatatīti niścitam|
antaḥsukhaṃ hanti yadādibhāve|
ṭhakāramātreṇa ripūttamo bhavet||13-62||

ādyapraśnākṣaraṃ nātha takāraṃ taruṇapriyam|
pāpāndhakāra paṭaladhvaṃsāya kalpayate tadā||13-63||

nakāramādye yadi praśnavāgmī jijñāsamāno dhruvamarthasañcayam|
ālāpamātreṇa narā vaśā syuḥ praveśanaṃ rājakulendrasannidhau||13-64 ||

bhīto bhavati deśe ca bhayasthāne na duḥkhabhāk|
bhūṣāsampattivṛddhiśca bhakārakūṭamaṅgale||13-65||

lokānurāgaṃ sarvatra ādyakṣaravicārataḥ|
lakārasyāpi lokeśa bhāryāduḥkhaṃ vimuñcati||13-66||

sakāre maithunaṃ kāntākulasya kulavarddhanam|
dhanavṛddhirvaṃśavṛddhiḥ sarasvatīkṛpā bhavet||13-67||

vedapatre akārasya phalamāhātmyanirṇayam|
śṛṇu nātha pravakṣyāmi sāvadhānā'vadhāraya||13-68||

kakārādi kṣakārāntaṃ vyāpta tiṣṭhati tattvataḥ|
akāreṇa vinā śaktirjjāyate kutra na prabho||13-69||

akāre grathitaṃ sarvaṃ carācarakalevaram|
yadyakāramādyabhāge praśnajijñāsane bhavet||13-70||

kuphale'pi satphalānāṃ sañcayaṃ bhavati dhruvam|
śatrūṇāṃ vāsahetordhanādīnāñcaiva sañcaye||13-71||

antaryajanavidyāsu lokasyāgamane tathā|
nijaduḥkhānutāpe syādyakāravidhirucyate||13-72||

ukāraphalamāhātmyaṃ śṛṇu praśnārthapaṇḍita|
uṣākāle cauryapraśnamullāsaṃ mānasoddhamam||13-73||

uttamasthalavāsañca utkṛṣṭabhojanādikam|
ulbaṇābuddhirutpattirumādevīpade matiḥ||13-74||

rakāralakṣaṇaṃ cakṣuḥ śabdasya vacanaṃ bhavet|
locane darśanaṃ strīṇāṃ likhanaṃ dūrasambhavam||13-75||

prāpnoti paramāṃ lakṣmīṃ lokavaśyāya kevalam|
lāṅgalānāṃ sañcayañca bhūmilābho bhaved dhruvam||13-76||

okāre rājyavṛddhiḥ syāt putravṛddhistathaiva ca|
sadā santoṣamāpnoti praṇavaḥ sarvasiddhidaḥ||13-77||

mīne karkaṭarāśivṛścikatule dharmāgnibhānūdaye|
gehe vedavicāraṇe śubhaphalaṃ śrīlābhagatyunnatim|
vidyāvedakathādikaṃ jayavatāmānandasindhoḥ phala|
prāpnoti pratipattisiddhapadavīṃ martyo mudā harṣaṇam||13-78||

patrapramāṇaṃ kathitaṃ hīnavidyāvinirgamam|
punaḥ śṛṇu mahākālakalikālasya udbhavam||13-79||

yadyanmāsasya prathame tathā cāhno'rbhakasya ca|
daṇḍadvaye śubhaphalaṃ prathamasya maheśvara||13-80||

tṛtīyaikadaṇḍamātraṃ viparītaphalapradam|
tatra daṇḍeṣu nakṣatraṃ yadi cennāśubhaṃ bhavet||13-81||

aśvinyādyaṣṭanakṣatraṃ pūrvaprathamapatrake|
tatsutāraṃ vijānīyāt duṣṭadoṣe sukhaṃ bhavet||13-82||

āśleṣābhādicitrāntaṃ dvitīye dakṣiṇe dale|
tatphalaṃ viparītākhyaṃ saphale'pi phalāpaham||13-83||

svātyādivasunakṣatraṃ tṛtīyādhodale likhet|
tatsutāraṃ kramājjñeyaṃ nānyathāśubhamānayet||13-84||

tatphalārthaṃ kutsitañca viparītaphalasthale|
aśubhaṃ tatphalasthāne kuphale suphalaṃ bhavet||13-85||

uttarāṣāḍhakātārādirevatyantameva ca|
tatphalaṃ tu bhaved martyo yadi karmaparo bhavet||13-86||

atha vakṣye mahādeva aśvinyādiphalaṃ prabho|
yajjñātvā devatāḥ sarvā digvidikṣvādirakṣakāḥ||13-87||

tatprakāraṃ mahāpuṇyaṃ devadeva phalodbhavam||13-88||

trailokye saukhyapūjāṃ tribhuvanaviditāṃ traiguṇāhlādasiddhā|
siddhabhrānto viśālo varadavidalitāṃ vedanārdrāpaśaṅkām|
mandānāṃ mandabhāgyopahaguṇahananaṃ hīnadīnāpadāhā|
lokānāṃ satphalānāṃ phalagatavapuṣā sāśvinī sā dadau cet||13-89||

evaṃ krameṇa deveśa tārakāṇāṃ phalāphalam|
punaḥ punaḥ śṛṇu prāṇa--vallabha premabhāvaka||13-90||

iti śrīrudrayāmale uttaratantre mahātantroddīpane bhāvanirṇaye pāśavakalpe ājñācakra-- sārasaṅkete siddhamantraprakaraṇe bhairavībhairavasaṃvāde trayodaśaḥ paṭalaḥ||13||

Kapitel 14

atha caturdaśaḥ paṭalaḥ

ānandabhairavī uvāca

athātaḥ sampravakṣyāmi yogamārgeṇa śaṅkara|
bharaṇyādisaptaviṃśān nakṣatrārthaṃ susatphalam||14-1||

tatphalāphalamāhātmyaṃ sākṣātkārakaleḥ phalam|
phalārthaṃ bharaṇīkṣetraṃ dharmavidyādinirṇayam||14-2||

dharmacintāvinirbodhaṃ gamanābhāvamaṅgalam|
makārādivarṇajātāṃ prāpnoti bharaṇīṃ bhake||14-3||

kṛttikāyāṃ śādivarṇaṃ vyādhiśaṅkarasaṃkṣayam|
ārogyāya dhanasyārthe tatra sūryaṃ na cācaret||14-4||

yā rohiṇī dhanavatāṃ dhanahānayorna|
prāṇapriyaṃ gaṇasubuddhavibuddhiśuddhim|
nāgādidoṣaśamanaṃ kṣiticakramadhye|
rājaśriyaṃ vibudhaśuddhimupaiti vṛddhim||14-5||

gṛgendraśīrṣagāminī narendra mandire nidhi|
dadāti pāpanirmale jale ghanyaśūnyake|
bhayaṃ vivāhakālake kule śubhaṃ śubhekṣaṇā|
svakīyakilbiṣaṃ dahedanantabuddhisañcayam||14-6||

ārdrāvidrumarūpiṇī ratikalākolāhalollāsinī|
sā matyārpaṇameva samprakurute kāle phalālāpanam|
saukhyaṃ mukhyasamṛddhidā daradalāmbhojacchaṭālimpaṭā|
sā dhīraṃ parirakṣyati pratidinaṃ śāntaṃ dṛśāntaṃ dahet||14-7||

punarvasusutārikā taruṇarūpakūpā kṛpā--|
viśiṣṭaphalabhāvanārahitacittadoṣāpahā|
dhanamantaparimāṇagaṃ pracuraśokasaṅghāpahā|
prarakṣati mahāgrahaḥ paramapīḍitaṃ mānuṣam||14-8||

puṇyā pauṣamākaroti sahasā tejasvināṃ kāntidā|
kāntāyāḥ kanakādi--lābhavipadāṃ dhvaṃsena vaṃśādidā|
bādhāyāṃ phaladā mṛgā mṛgapaterānandatulyaṃ śriyam|
kādyā pañcamavarṇajñānalalitā pātīha putraṃ yathā||14-9||

etaddhi pūrvapatrānte tārā maṅgaladāyikāḥ|
pratibhānti yathā cakre grahāṇāṃ bhrāmaṇe śubhe||14-10||

viparītaphalaṃ nātha prāpnoti pātake bahu|
puṣyāyāṃ sa bhavet krūraḥ karkaṭastho'pi bhāskaraḥ||14-11||

etāsāṃ tārakāṇāñca rāśidevān śṛṇu prabho|
meṣaḥ siṃho dhanuścaiva aśvinyādikadevatāḥ||14-12||

yeṣāṃ rāśisthitaṃ varṇaṃ na hānivīṣayāspade|
sarvatra jayamāpnoti grahe krūre'pi saukhyadaḥ||14-13||

vibhinnarāśau saṃbhinno dharmanindāvivajītaḥ|
svanakṣatraphalaṃ jñātvā praśnārthaṃ komalaṃ vadet||14-14||

tattannakṣatrasuphalaṃ kuphalaṃ vā bhavedyadi|
tadā varṇavicārañca kṛtvā puṣpaṃ tadā vadet||14-15||

akṣamālākrameṇaiva tadvarṇānāṃ vicārataḥ|
tattadvarṇavicāre tu yadyat saukhyaṃ pravarttate||14-16||

adhike doṣajāle tu adhikaṃ duḥkhameva ca|
bahusaukhyaṃ nityasaukhyaṃ prāpnoti sādhakottamaḥ||14-17||

etāsāṃ tārakāṇāṃ tu vārān śṛṇu yathākramam|
ravyādiravivārāntaṃ tārāṇāmadhipaṃ śubham||14-18||

aśubhañca tathā rudra jñātvā praśnārthamāvadet|
tadvāranirṇayaṃ vakṣye pūrvapaṅkeruhe dale||14-19||

ravau rājyaṃ bālakānāṃ yadi praśnaṃ priyaṃ phalam|
dharmārthalābhamevaṃ hi trayoviṃśādhike nare||14-20||

saṃhitaṃ paramānandaṃ yogena tattvacintanam|
ityādi ravivārasya vṛddhānāmaśubhaṃ śubhe||14-21||

some ratnamupaiti devakusumāmodena pūrṇa sukham|
bālāyāṃ navakanyakā śubhaphalaṃ mudrāmayārtha labhet|
kaivalyārthaviceṣṭanaṃ nṛpavadhūpremābhilāpaḥ sadā|
vāñchā puṇyasukhāspadeṣu vimalā bhaktiśca some dine||14-22||

pṛthvīputro rudhiravadano bālabālī viśeṣo|
mukhyaṃ kāryaṃ dahati sahasā sāhasaṃ vāsanāyām|
hanti prāyo viphalaghaṭitaṃ śokasantānasāra|
mokṣaṃ puṇyaṃ ghaṭayati sadā maṅgale bhūmivāre||14-23||

budhe vāramukhye mahāpuṇyapuñja|
samāpnoti martyastathā durbalañca|
sadā kāladoṣaṃ mahāghoraduḥkha|
ripūṇāṃ dhanīnāṃ mahāvīryadarpam||14-24||

surāṇāṃ devānāṃ vividha dhanalābhaṃ vitaraṇa|
pratāpaṃ satkīttī kratuphalaviśeṣaṃ vidhigatam|
janānāmānandaṃ samara vasagatānanda hṛdaye|
pratiṣṭhā saddharmaṃ gamayati mudā vāsanagurau||14-25||

mandāramālānvita dehadhārī nākasthale gacchati devaniṣṭhaḥ|
hareḥ pade bhaktimupaiṃti satyaṃ prasādhanāt śukrasuvārakāle||14-26||

śanaiścaradine bhayaṃ bhuvanadoṣamohānvita|
kṣitipriyasutapriyaṃ paramatārakaṃ strīsukham|
viśiṣṭadhananīradaṃ vayasi siddhirṛddhyarkaja|
bhajanti yadi mānuṣāḥ sakalakāmanādeḥ prabhoḥ||14-27||

punaśca ravivāragaṃ phalamatīva duḥkhāspada|
pracaṇḍakiraṇaṃ sadā vikalalokarogāpaham|
tameva paribhāvanaṃ parikaroti yo vā naro|
na naśyati kadācana pracuratāpaśāpākaram||14-28||

kalādharaphalaṃ śṛṇu praṇavabāhyasūkṣmāśraya|
samagrakhacarāphalaṃ phalavatāṃ hi sañjñāphalam|
gabhīravacanaṃ nṛpapriyakarasya rakṣākara|
yadīndubhajanaṃ yadā kaliśubhādiśambho'karot||14-29||

dvitīyadalamāhātmyaṃ nakṣatramaṇḍalāvṛtam|
tattattārāphalaṃ vakṣye yena praśnārthanirṇayaḥ||14-30||

aśleṣā bahuduḥkhavādanagataṃ vyāmohaśobhāvṛta|
nānābhṛṅganiṣevaṇaṃ dhanavatāṃ hāniḥ pade sampade|
bhūpānāṃ parivarjjanaṃ khalajanairācchāditaṃ tāpita|
sandadyāt kṣitijātibhāti niyataṃ kolāhale nārake||14-31||

maghāyāṃ maheśi dhanaṃ hanti madhye mahollāsavṛddhiṃ bhayaṃ tasya
śatroḥ|
kṣitikṣobhahantārametyantabhāvaṃ kukāmāturāṇāṃ sadā saṅgakāram|| 14-32||

pūrvaphalguninakṣatre dūragānāṃ phalaṃ paṭhet|
atidhairyaṃ śatrupakṣe hānayo yānti niścitam||14-33||

phalamuttaraphalgunyā dīyate gatirīśvarī|
yadi devaparo nātha tadā sarvatra sundaram||14-34||

hastāmastakavrīḍayā śubhavilokatraye bhāgyadā|
raktāṅgīgaticañcalāmalaguṇāhlādena kalyāṇadā|
sā nityaṃ pradadāti rukmaśatakaṃ bhaktāya yajñāthīne|
nānāvyañjanabhojanairatisukhī saṃjñāsamūhaṃ dadet||14-35||

dadāti vittaṃ jagatīha citrā manorathaṃ vyākulatāmalaṅkṛtā|
kadācidevaṃ hi śarīraduḥkhadaṃ na prāpnuyādīśvarabhaktimālabhet|| 14-36||

aśleṣānātha śukro vipadamapi kadā no dadāti praduḥkha|
dakṣe patre vihārottarabhayaharācaṇḍatāpaṃ na hanti|
jīvaḥ śrīmānamoghāśādhanamapi vividhaṃ brāhmaṇaḥ pītavarṇaḥ|
pūrvāntaḥphalgunīśo vidhutanujavaro nīlavarṇaḥ svapatram||14-37||

kurute bahusukhavittaṃ uttaraphalgunīnātho maṅgalena|
hastāyāḥ patiścandro vibhavamanantaṃ citreśo raviḥ||14-38||

adhastṛtīyapatrasya nakṣatrāṇi śṛṇu prabho|
yāsāṃ vāraviśiṣṭānāṃ praśnaniṣkarṣasatphalam||14-39||

svātīṃ raviḥ pāti mahogra tejasā|
vināśakāle viparītabuddhidaḥ|
induvīśākhāṃ sukhadaḥ sarasvatī|
kujo'nurādhāṃ vipadāṃ prabādhām||14-40||

budho hi pāyāt sakalārthasādhinī|
tathā hi mūlāṃ sukhadāñca jīvaḥ|
tadā dhanārthaṃ pradadāti śukraḥ|
pūrvānvitāṣāḍhikayā'nvitaḥ sukham||14-41||

caturthapatraṃ vāmasthaṃ mahāmaṅgalakāraṇam|
atharvavedarūpaṃ tat sarvapraśnakathāvṛtam||14-42||

viparīte mahaddukhaṃ varṇasaukhye'pi hānayaḥ|
bhavanti tārakāṇāñca śubhadṛṣṭayā mahodayāḥ||14-43||

tattārakānāthaguṇaṃ śubhāśubhaphalapradam|
praśnavarṇasamūhānāṃ matamālokya nirṇayam||14-44||

śaniḥ pātyuttarāṣāḍhāṃ hānirūpāṃ vipākadām|
duḥkhadāridryasaṃyuktāṃ devaniṣṭhena bādhate||14-45||

raviḥ prapāti śravaṇāṃ dhanādibhiḥ pradhānadevāśrayanivīkalpām|
tathā dhaniṣṭhāṃ phaladāṃ sudhāṃśuḥ kujo vipattiṃ
śatabhiggaṇeśaḥ||14-46||

pūrvabhādrapadānātho budhaḥ kāñcanavardhanaḥ|
tathā lokaṃ mahādevottarabhādrapadāpatiḥ||14-47||

bṛhaspatiḥ sukhollāsaṃ revatī śastathā bhṛguḥ|
dadāti paramāhlādaṃ svasva patrastharāśibhiḥ||14-48||

abhijittārakaṃ pāti śaniḥ śrīmān dhanapradaḥ|
phalabhāgaṃ mudā dātuṃ śanī rājamṛgāntike||14-49||

taccandroccasthamiti ke vadanti paramapriyam|
rāhurājā grahāḥ kṣetre abhijit kālaveṣṭitaḥ||14-50||

tatkālaṃ sūkṣmatadrūpaṃ yo jānāti mahītale|
sandhyākālamiti jñeyaṃ śanirāhū sukhāntayoḥ||14-51||

tatsandhikālamevaṃ hi sattvaguṇamahodayam|
tatkumbhakaṃ vijānīyānmadīya dehasambhavam||14-52||

mahāsūkṣmakṣaṇaṃ taddhi kuṇḍalīmaṇḍalaṃ yathā|
tasyāḥ prathamabhāge ca dhāraṇākhyaḥ śaniḥ prabhuḥ||14-53||

svayaṃ brahmā mudā bhāti nirañjanakalevaraḥ|
tasyāḥ śeṣe recanākhyaḥ saṃhāravigrahaḥ śuciḥ||14-54||

rāhurūpī svayaṃ śambhuḥ pañcatattvavidhānavit|
kālarūpī mahādevo vikaṭāsyo bhayaṅkaraḥ||14-55||

sarvapāpānalaṃ hanti candrarūpī sudhākaraḥ|
kṛṣṇavarṇaḥ kālayamaḥ puṇyāpuṇyanirūpakaḥ||14-56||

dvayormadhye sūkṣmarūpā taḍitkoṭisamaprabhā|
mahāsattvāśritā devī viṣṇumāyāgrahāśritā||14-57||

abhijittārakā sūkṣmā sandhikālalayā jayā|
kumbhakākrāntahṛdayā grahacakrapurogamā||14-58||

nakṣatramaṇḍalagrāmamadhyasthā tithiṣoḍaśī|
asāmayī sūkṣmakalā taruṇānandanirbharā||14-59||

asyā ādyabhāgasaṃstho brahmarūpī rajoguṇaḥ|
asyāḥ śeṣaḥ kālarūpī tamoguṇalayapriyaḥ||14-60||

candro brahmā śivaḥ sūryo mahāmāyātanūttaraḥ|
ātreyī paramā śaktiḥ suṣumnāntaragāminī||14-61||

madhyasthā brahmaśivayovīdhiśāstrasya siddhidā|
yairjñāyate sarvasaṃsthā sarvānandahṛdi sthitā||14-62||

tairānandaphalopetaiḥ sattvasambhogakāriṇī|
mahāviṣṇurmahāmāyā candratārāsvarūpiṇī||14-63||

muktidā bhogadā bhogyā śambhorādyā maheśvarī|
ajñānāvṛtatā ghorāndhakārakālasaṃhārahaṃsinī||14-64||

mandavāyupriyā yasya kalpanārthe ca vīrahā|
sā pāti jagatāṃ lokān tasyādhīnamidaṃ jagat||14-65||

nākāle mirayate kaścid yadi jānāti vāyavīm|
vāyavī paramā śaktiriti tantrārtha nirṇayaḥ||14-66||

sūkṣmāgamanarūpeṇa sūkṣmasiddhiṃ dadāti yā|
narāṇāṃ bhajanārthāya aṣṭaiśvaryajayāya ca||14-67||

kathitaṃ brahmaṇā pūrvaṃ śiṣyāya tanujāya ca|
lobhamohakāmakrodhamadamātsaryahāya ca||14-68||

tatkramaṃ paramaṃ prītivardhanaṃ bhūtale prabho|
ājñācakrasya madhye tu vāyavī paritiṣṭhati||14-69||

candrasūryāgnirūpā sā dharmādharmavivajītā|
manorūpā buddhirūpā śarīraṃ vyāpyaṃ tiṣṭhati||14-70||

ājñā dvidalamadhye tu catudrdaśamudāhṛtam|
vedadale vedavarṇaṃ vādisāntaṃ mahāprabham||14-71||

tadagnirūpa sampannam ṛgvedādisamanvitam|
śṛṇu tadvedamāhātmyaṃ kramaśaḥ kramaśaḥ prabho||14-72||

iti śrī rudrayāmale uttaratantre bhāvapraśnārthanirṇaye ājñācakrasaṅkete vedaprakaraṇe bhairavī bhairavasaṃvāde caturdaśaḥ paṭalaḥ||14||

Kapitel 15

atha pañcadaśaḥ paṭalaḥ

ānandabhairavī uvāca

devakāryaṃ vedaśākhāpallavaṃ praṇavaṃ param|
vadāmi paramānanda bhairavāhlādamāśṛṇu||15-1||

ādyapatre akārañca ṛgvedaṃ paramākṣaram|
brahmāṇaṃ taṃ vijānīyād ādyavedārthanirṇayam||15-2||

vedena labhyate sarvaṃ vedādhīnamidaṃ jagat|
vedamantravihīno yaḥ śaktividyāṃ samabhyaset||15-3||

sa bhaveddhi kathaṃ yogī kaulamārgaparāyaṇaḥ|
śrīānandabhairava uvāca brahmastotraṃ hi kiṃ devi! brahmavidyā ca kīdṛśī?||15-4||

brahmajñānī ca ko vā syāt ko vā brahmaśarīradhṛk|
tatprakāraṃ kulānandakāriṇi priyakaulini||15-5||

vada śīghraṃ yadi snehadṛṣṭiścenmayi sundari|
śrī ānandabhairavī uvāca tadeva brahmaṇaḥ stotraṃ vāyavīśaktisevanam||15-6||

sūkṣmarūpeṇa magnā yā brahmavidyā prakītītā|
sadā vāyū prāṇarasasūkṣmonmattaprasannadhīḥ||15-7||

ekāntabhaktiḥ śrīnāthe brahmavidyā prakītītā|
aṣṭāṅganyāsanihataḥ sūkṣmasañcārahṛt śuciḥ||15-8||

sadā vivekamākuryād brahmajñānī prakītītaḥ|
brahmānandaṃ hṛdi śrīmān śaktimādhāya vāyavīm||15-9||

sadā bhajati yo jñānī brahmajñānī prakītītaḥ|
vijayārasasāreṇa binā bāhyāsavena ca||15-10||

vāyavyānandasaṃyukto brahmajñānī prakītītaḥ|
sadānandarase magnaḥ paripūrṇakalevaraḥ||15-11||

ānandāśrujalonmatto jñāto brahmaśarīradhṛk|
śaktiḥ kuṇḍalinī devī jaganmātāsvarūpiṇī||15-12||

prāpyate yaiḥ sadā bhaktaiḥ muktirevāgamaṃ phalam|
ādyapatre pratiṣṭhanti varṇajālasamāśritāḥ||15-13||

vāyavīśaktayaḥ kāntā brahmāṇḍamaṇḍalasthitāḥ|
rāśinakṣatratithibhiḥ sarvadojjvalanāyikāḥ||15-14||

bhavānī brahmaśaktisthā sā'vaśyamevamāśrayet|
māsena jāyate siddhiḥ khecarī vāyuśoṣaṇī||15-15||

dvimāse vajradehaḥ syāt krameṇa vardhayet pumān|
dvimāse kalpasaṃyukto yasya sambandharūpataḥ||15-16||

caitanyā kuṇḍalī śaktirvāyavī balatejasā|
caitanyasiddhihetusthā jñānamātraṃ dadāti sā||15-17||

jñānamātreṇa mokṣaḥ syād vāyavī jñānamāśrayet|
mahābalī mahāvāggmī vardhate ca dine dine||15-18||

āyurvṛddhiḥ sadā tasya jarāmṛtyuvivajītaḥ|
kuṇḍalīkṛpayā nātha vinā kiñcinna siddhyati||15-19||

brahmā viṣṇuśca rudraśca īśvarañca sadāśivaḥ|
tataḥ paraśivo deva vāyavī parikalpitā||15-20||

ete ṣaṭśaṅkarāḥ sarvasiddhidāḥ cittasaṃsthitāḥ|
sarve tiṣṭhanti patrāgre'mṛtadhārārasāplutāḥ||15-21||

adhomukhāḥ sūkṣmarūpāḥ koṭisūryasamaprabhāḥ|
brahmamārgasthitāḥ sarve santi ṣaṭcakramaṇḍale||15-22||

ājñayā adha evaṃ hi cakraṃ dvādaśakaṃ smaret|
galitāmṛtadhārābhirāplutaṃ kuṇḍalīpriyam||15-23||

āgneyīṃ kuṇḍalīṃ mattvā adhodhārābhitarpaṇam|
prakurvanti parānandarasikāḥ ṣaṭśivāḥ sadā||15-24||

candramaṇḍalasañjātā jīvarūpadharā yathā|
ātmajñānasamāśaktāḥ śaktitarpaṇatatparāḥ||15-25||

dvitīyadalarūpaṃ hi yajurvedaṃ kuleśvara|
akasmāt siddhikaraṇaṃ viṣṇunā parimīlitam||15-26||

vajrakoṭimahādhvānaghoranādasamākulam|
harimīśvaramīśānaṃ vāsudevaṃ sanātanam||15-27||

satvādhiṣṭhāna vinayaṃ caturvargaphalapradam|
vāñchātiriktadātāraṃ kṛṣṇaṃ yogeśvaraṃ prabhum||15-28||

rādhikā rākiṇī devī vāyavīśaktilālitam|
mahābalaṃ mahāvīraṃ śaṅkhacakragadādharam||15-29||

pītāmbaraṃ sārabhūtaṃ yauvanāmodaśobhitam|
śrutikanyāsamākrāntaṃ śrīvidyārādhikā prabhum||15-30||

daityadānavahantāraṃ śarīrasya sukhāvaham|
bhāvadaṃ bhaktinilayaṃ yadā sāgara candrakam||15-31||

garuḍāsanasamārūḍhaṃ manorūpaṃ jaganmayam|
yajñakarmavidhānajñaṃ ājñācakropari sthitam||15-32||

adhaḥ parāmṛtarasapānonmattakalevaraḥ|
sādhako yoganirataḥ svādhiṣṭhānagataṃ yathā||15-33||

tadākāraṃ vibhāvyāśu siddhimāpnoti śaṅkara|
ko vaiṣṇavo vājikaḥ ko dhāmīko vāpi ko bhuvi||15-34||

ko vā bhavati yogī ca tanme vada sureśvari|
ānandabhairavī uvāca śaṅkara śṛṇu vakṣyāmi kālanirṇayalakṣaṇam||15-35||

vaiṣṇavānāṃ vaiṣṇavatvaṃ ājñācakre phalāphalam|
ājñācakraṃ mahācakraṃ yo jānāti mahītale||15-36||

tasyā'sādhyaṃ tribhuvane na kiñcidapi vartate|
sadā śucirdhyānaniṣṭho muhurjāpyaparāyaṇaḥ||15-37||

smṛtivedakriyāyukto vidhiśrutimanupriyaḥ|
sarvatra samabhāvo yo vaiṣṇavaḥ parikītītaḥ||15-38||

samatā śatrumitreṣu kṛṣṇabhaktiparāyaṇaḥ|
yogaśikṣāparo nityaṃ vaiṣṇavaḥ parikītītaḥ||15-39||

yajurvedābhyāsarataḥ sadācāravicāravān|
sadā sādhuṣu saṃsargo vaiṣṇavaḥ parikītītaḥ||15-40||

vivekadharmavidyārthī kṛṣṇe cittaṃ nidhāya ca|
śivavat kurute karma vaiṣṇavaḥ parikītītaḥ||15-41||

yajñiko brāhmaṇo dhīro bhavaḥ premābhilāṣavān|
vanastho ghoravipine navīnataruśobhite||15-42||

ekākī kurute yogaṃ jīvātmaparamātmanoḥ|
vāyvagnī recakaḥ sūryaḥ pūrakaścandramā tathā||15-43||

jvalacchikhā sūryarūpā na ca yojanameva ca|
punaḥ pūrakayogaśca candrasya tejasā haviḥ||15-44||

ūdrdhvaviṣā jvaladvahnau vāyavībalacañcale|
yo'niśaṃ kurute homaṃ maunī yājñika ucyate||15-45||

jīvasūryāgnikiraṇe ātmacandrādyapūrakaiḥ|
kāye yaḥ kurute homaṃ yājñikaḥ parikītītaḥ||15-46||

surā śaktiḥ śivo māṃsaṃ tadbhoktā bhairavaḥ svayam|
śaktyagnau juhuyānmāṃsaṃ yājñikaḥ parikītītaḥ||15-47||

vidhivat kulakuṇḍe ca kulavahnau śivātmakaiḥ|
pūrṇahomaṃ yaḥ karoti yājñikaḥ parikītītaḥ||15-48||

bhūmaṇḍale dharmaśālo nirjane kāmaveśmani|
dṛḍhabhaktyā jīvasāraṃ yo japet sa hi dhāmīkaḥ||15-49||

maṇau loṣṭhe samaṃ dhyānaṃ dharme'dharme jaye'jaye|
kṛtvā tyāgī bhavedyastu brahmajñānī sa sādhakaḥ||15-50||

sadā īśvaracintā ca gurorājñā vyavasthitiḥ|
suśīlo dīnabandhuśca dhāmīkaḥ parikītītaḥ||15-51||

kālajño vidhivettā ca aṣṭāṅgayogavigrahaḥ|
parvate kandare maunī bhakto yogī prakītītaḥ||15-52||

brahmajñānī cāvadhūtaḥ puṇyātmā sukṛtī śuciḥ|
vāñchāvihīno dharmātmā sa yogī parikītītaḥ||15-53||

vāgvādinīkṛpāpātraḥ ṣaḍādhārasya bhedakaḥ|
ūrdhvaretā strīvihīnaḥ sa yogī parikītītaḥ||15-54||

yajurvedapurogāmī yajuḥpatrasthavarṇadhṛk|
varṇamālācittajāpo bhāvukaḥ sa hi yogirāṭ||15-55||

māsadvādaśakagrastaṃ rāśidvādaśakānvitam|
tithivāraṃ tu nakṣatrayuktamājñāmbujaṃ bhajet||15-56||

dikkāladeśapraśnārthaṃ vāyavīśaktinirṇayam|
bālavṛddhāstādidaṇḍapalaniśvāsasaṃkhyayā||15-57||

vyāptamājñācakrasāraṃ bhajet paramapāvanam|
cakre sarvatra sukhadaṃ satāṃ hānirna ca prabho||15-58||

khalānāṃ viparītañca nindakānāṃ pade pade|
duḥkhāni prabhavantīha pāpināñca phalāphalam||15-59||

pāpī pañcattvamāpnoti jñānī yāti paraṃ padam|
yaḥ śvāsakālavettā ca sa jñānī parikītītāḥ||15-60||

śvāsakālaṃ na jānāti sa pāpī parikītītaḥ|
yajurvedaṃ sattvaguṇaṃ sattvādhiṣṭhānanirmalam||15-61||

gurorājñākrameṇaiva adhastattvena kuṇḍalīm|
mahāśaktiṃ samāpnoti ūdrdhvādhaḥ kramayogataḥ||15-62||

yajurveda mahāpātrasattvādhiṣṭhānasevayā|
lalāṭāmṛtadhārābhiścaitanyā kuṇḍalī bhavet||15-63||

vibhāvya dvidalaṃ cakraṃ homaṃ kuryādahanīśam|
śuddhājyairjuhuyānmantrī adhastuṇḍe ca kuṇḍalīm||15-64||

bhajanti ruddhendriyaśuddhayoga|
pracaṇḍaraśmipragatāṅgasundarāḥ|
āmbujaṃ cakravaraṃ catudrdala|
yanmadhyadeśe śatakoṭitejasam||15-65||

iti śrīrudrayāmale uttaratantre mahātantroddīpane bhāvanirṇaye pāśavakalpe ājñā-- cakrasārasaṅkete siddhamantraprakaraṇe vedaprakaraṇollāse bhairavabhairavīsaṃvāde|
pañcadaśaḥ paṭalaḥ||15||

Kapitel 16

atha ṣoḍaśaḥ paṭalaḥ

ānandabhairavī uvāca

śṛṇuṣvānandarudreśa tṛtīyadalalakṣaṇam|
sāmavedamadhaścakraṃ tamoguṇanirākulam||16-1||

varṇajālādinākrāntaṃ rudrarūpaṃ maheśvaram|
layasthānaṃ kāmarūpaṃ paramānandamandiram||16-2||

vahnivṛttisusthānaṃ vibhāvya yogirāḍ bhavet|
tatsthānaṃ yogināṃ dharmo gurorājñāphalapradam||16-3||

tatpadābjaṃ śrīgurūṇāṃ bhrūmadhye dvidalāmbuje|
muhurmuhuḥ śanairdhyāyet samīrāspadabhāsvaram||16-4||

vibhāvya manasā vācā karmaṇā sūkṣmavāyunā|
līnaṃ kṛtvā sadā dhyāyet sadā harṣakalevaraḥ||16-5||

sahasrāre yathā dhyānaṃ taddhyānaṃ dvidalāmbuje|
gurumātmānamīśānaṃ devadevaṃ sanātanam||16-6||

akasmāt siddhidātāraṃ yogā'ṣṭāṅgaphalapradam||16-7||

nityaṃ śabdamayaṃ pramāṇaviṣayaṃ nityopameyaṃ guru|
candrollāsatanuprabhaṃ śatavidhūllāssāya paṅkeruham|
sarvaprāṇagataṃ gatisthamacalaṃ jñānādhinirlepana|
rūḍhālāsyaguṇālayaṃ layamayaṃ svātmopalabdhiṃ bhaje||16-8||

yadi bhajejjagatāmamaleśvaraṃ smaraharaṃ gurumīśvaramātmani|
paramasundaracandrasāmākulaṃ nipatitādyakulānalasañcayam||16-9||

praṇamatāṃ samatāṃ kurute guro yadi bhavān viphalaṃ parihanti me|
tava padāmbujamadbhutalīlayā paribhaje bhavasāgarapāragam||16-10||

gurupadaṃ sitapaṅkajarājitaṃ kanakanūpurasundarasañjanam|
racitacitritacārunakhendukaṃ bhuvanabhāvanapāvanamāśraye||16-11||

sakalasatphala pālanakomalaṃ vimalaśoṇita paṅkaja maṇḍitam|
padatalaṃ khanigrahapālanaṃ khacitaratnadharācalanaṃ bhaje||16-12||

sukanakājaḍitāsanapaṅkaje paribhavaṃ bhavasāgarasambhavam|
yadi kṛpā vibhavenmayi pāmare vyavatu māṃ tava pādatalaṃ bhaje||16-13 ||

paramahaṃsamanuṃ hararūpiṇaṃ sakalamakṣavaśaṅgurumīśvaram|
sakalalakṣaṇacandramasaḥkaraṃ tarugurormukhapaṅkajamāśraye||16-14||

gurorājñācakraṃ bhuvanakaraṇaṃ kevalamaya|
sakāraṃ nādendukumudahṛdayaṃ kāmakalayā|
layasthāne vāyornavamadhurasamodamilite|
dale vedakṣetre vidhuvirahite tatra padake||16-15||

tamoguṇasamākrānte adhomaṇḍalamaṇḍite|
dvibindunilaye sthāne dvidale śrīguroḥ padam||16-16||

mahāvahniśikhākāraṃ tanmadhye cintayet sudhīḥ|
etadyogaprasādena bījavāgbhavakūṭakaiḥ||16-17||

cirajīvī bhavet kṣudro vāgīśatvamavāpnuyāt|
śrīguroścaraṇāmbhojaniḥsṛtaṃ yat parāmṛtam||16-18||

tatparāmṛtadhārābhiḥ santarpya kulanāyikām|
punaḥ punaḥ samākuñcya prabuddhāṃ tāṃ smaret sadā||16-19||

paryāyattvāpararasaṃ dhārayenmārutaṃ sudhīḥ|
tatparāmṛtadhārābhiḥ santarpya kulanāyikām||16-20||

tataḥ punaḥ punaḥ pātyaṃ sarvapuṇyaphalaṃ priye|
dhanaratnamahālakṣmīḥ prāpnoti sādhakottamaḥ||16-21||

sarvatra jayamāpnoti yuddhe krodhe mahābhaye|
mahāyudhi sthito yāti suśīlo mokṣamāpnuyāt||16-22||

iti te kathitaṃ nātha brahmajñānamanuttamam|
ājñācakratrikhaṇḍasya dalasya kāmarūpataḥ||16-23||

satphalaṃ samavāpnoti vicārya bhāvayedyadi|
ājñācakre trikhaṇḍe ca kāmarūpaṃ maheśvaram||16-24||

cīnācārasamākrāntaṃ śmaśānādhipaveṣṭitam|
kālaṃ kālakaraṃ cakraṃ mahākālaṃ kalānidhim|
palānupalavipaladdaṇḍatithyātipadapakṣakaiḥ||16-25||

māsavatsarādiyugairmahākālaiḥ samanvitam|
ulkākoṭisamaṃ netraṃ tīkṣṇadaṃṣṭrṃ sureśvaram||16-26||

koṭikoṭinetrajālaśobhitānanapaṅkajam|
cidrūpaṃ sadasanmuktirūpiṇaṃ bahurūpiṇam||16-27||

dhyātvā tvatisukhenaiva kālarudraṃ pareśvaram|
nāsikodrdhve bhruvormadhye ājñācakre mahāprabho||16-28||

vibhāvya paramaṃ sthānaṃ tatkṣaṇāttanmayo bhavet|
hākinīṃ bhāvayenmantrī rauravādivināśinīm||16-29||

koṭisaudāminībhāsāmamṛtānandavigrahām|
amātattvapūrṇaśobhāṃ hemavārāṇasīsthitām||16-30||

nānālaṅkāra śobhāṅgīṃ navayauvanaśālinīm|
pīnastanīṃ balonmattāṃ sarvādhārasvarūpiṇīm||16-31||

dīrghapraṇavajāpena toṣayantīṃ trivikramam|
maunāṃ manomayīṃ devīṃ sarvavidyāsvarūpiṇīm||16-32||

mahākālīṃ mahānīlāṃ pītavarṇāṃ śaśiprabhām|
tripurāṃ sundarīṃ vāmāṃ vāmakāmadughāṃ śivām||16-33||

dhyāyedekāsane vāme paranāthasya pāvanīm|
sarvādhārātmikāṃ śaktiṃ dunīvāryāṃ duratyayām||16-34||

śvāsamātreṇa vasayet kulamārgaṃ na paṇḍitaḥ|
kulākulavibhāgena ātmānaṃ nīyate pare||16-35||

śvāsābhyāsaṃ vinā nātha aṣṭāṅgābhyasanena ca|
vinā damena dhairyeṇa kulamārgo na siddhyati||16-36||

tathā pūrakayogena recakenāpi tiṣṭhati|
vinā kumbhakasattvena yathaitau nāpi tiṣṭhataḥ||16-37||

tathā yogaṃ vinā nātha aṣṭāṅgābhyasanaṃ vinā|
kulamārgo mahātattvo na siddhyati kadācana||16-38||

kulamārgaṃ vinā mokṣaṃ kaḥ prāpnoti mahītale|
kulamārgaṃ na jānāti yogavākyāgamākulam||16-39||

sa kathaṃ pūjayeddevīṃ tasya yogaḥ kṛtaḥ prabho|
ajñātvā vīranāthānāmācāraṃ yaḥ karoti hi||16-40||

teṣāṃ bahudine yogaśikṣā bhavati niścitam|
prāṇāyāmaṃ mahādharmaṃ vedānāmapyagocaram||16-41||

sarvapuṇyasya sāraṃ hi pāparāśitulānalam|
mahāpātakakoṭīnāṃ tatkoṭīnāñca duṣkṛtam||16-42||

pūrvajanmājītaṃ pāpaṃ nānāduṣkarmapātakam|
naśyatyeva mahādeva ṣaṇmāsābhyāsayogataḥ||16-43||

sandhyākāle prabhāte ca yaḥ karotyapyahanīśam|
vaśī ṣoḍaśasaṃkhyābhiḥ prāṇāyāmān punaḥ punaḥ||16-44||

saṃvatsaraṃ vaśī dhyāttvā khecaro yogirāḍ bhavet|
yogī bhūtvā kaulamārgaṃ samāśrityāmaro bhavet||16-45||

mahāvidyāpatirbhūtvā vicārāt sādhakottamaḥ||16-46||

iti śrīrudrayāmale uttaratantre mahātantroddīpane bhāvārthabodhanirṇaye pāśavakalpe ājñā-- cakrasārasaṅkete siddhamantraprakaraṇe bhairavībhairavasaṃvāde ṣoḍaśaḥ paṭalaḥ||16||

Kapitel 17

atha saptadaśaḥ paṭalaḥ

ānandabhairavī uvāca

atha vakṣye mahādeva atharvavedalakṣaṇam|
sarvavarṇasya sāraṃ hi śaktyācārasamanvitam||17-1||

atharvavedādutpannaṃ sāmavedaṃ tamoguṇam|
sāmavedādyajurvedaṃ mahāsattvasamudbhavam||17-2||

rajoguṇamayaṃ brahmā ṛgvedaṃ yajuṣaḥ sthitam|
mṛṇālasūtrasadṛśī atharvavedarūpiṇī||17-3||

atharve sarvavedāśca jalakhecarabhūcarāḥ|
nivasanti mahā vidyā kulavidyā maharṣayaḥ||17-4||

samāptipatraśeṣārthaṃ samīpaṃ lokamaṇḍale|
śakticakrasamākrāntaṃ divyabhāvātmakaṃ śubham||17-5||

tatraiva vīrabhāvañca tatraiva paśubhāvakam|
sarvabhāvāt paraṃ tattvamatharvaṃ vedapatrakam||17-6||

dvibindunilayasthānaṃ brahmāviṣṇuśivātmakam|
caturvedānvitaṃ tattvaṃ śarīraṃ dṛḍhaṇimītam||17-7||

catuvīṃśatitattvāni santi gātre manohare|
brahmā rajoguṇākrāntaḥ pūrakeṇābhirakṣati||17-8||

viṣṇuḥ sattvaguṇākrāntaḥ kumbhakaiḥ sthirabhāvanaiḥ|
harastamoguṇākrānto recakeṇāpi vigraham||17-9||

atharvavedacakrasthā kuṇḍalī paradevatā|
etanmāyā tu yo naiva brahmaviṣṇuśivena ca||17-10||

śarīraṃ devanilayaṃ bhaktaṃ jñātvā pravakṣyati|
sarvavedamayī devī sarvamantrasvarūpiṇī||17-11||

sarvayantrātmikā vidyā vedavidyāprakāśinī|
caitanyā sarvadharmajñā svadharmasthānavāsinī||17-12||

acaitanyā jñānarūpā hemacampakamālinī|
akalaṅkā nirādhārā śuddhajñānamanojavā||17-13||

sarvasaṅkaṭahantrī ca sā śarīraṃ prapāti hi|
tasyāḥ kāryamidaṃ viśvaṃ tasyāḥ puṇyāni hanti hi||17-14||

tasyāścaitanyakaraṇe sadā vyākulacetasaḥ|
mahātmānaḥ prasiddhyanti yadi kurvanti cetanām||17-15||

tasyā anugrahādeva kiṃ na siddhyati bhūtale|
ṣaṇmāsābhyāsayogena caitanyā kuṇḍalī bhavet||17-16||

sā devī vāyavī śaktiḥ paramākāśavāhinī|
tāriṇī vedamātā ca bahiryāti dine dine||17-17||

dvādaśāṅgulamānena āyuḥ kṣarati nityaśaḥ|
dvādaśāṅgulavāyuśca kṣayaṃ kuryāddane dine||17-18||

yāvad yāvad bahiryāti kuṇḍalī paradevatā|
tāvattāvatkhaṇḍalayaṃ bhaveddhi pāpamokṣaṇam||17-19||

yadā yadā na kṣarati vāyavī sūkṣmarūpiṇī|
bāhyacandre mahādeva āgneyī somamaṇḍale||17-20||

mūlādhāre kāmarūpe jvalantī caṇḍikā śikhā|
yadā śiromaṇḍale ca sahasradalapaṅkaje||17-21||

tejomayī sadā yāti śivaṃ kāmeśvaraṃ prabhum|
acyutākhyaṃ mahādevaṃ tadā jñānī sa yogirāṭ||17-22||

yadi kṣarati sā devī bāhyacandre manolaye|
tadā yogaṃ samākuryāt yāvat śīrṣeṇa gacchati||17-23||

yadi śīrṣe samāgamyāmṛtapānaṃ karoti sā|
vāyavī sūkṣmadehasthā sūkṣmālayapriyā satī||17-24||

tadeva paramā siddhirbhaktimārgo na saṃśayaḥ|
caturveda jñānasāraṃ atharvaṃ parikītītam||17-25||

atharvavedavidyā ca devatā vāyavī matā|
tasyāḥ sevanamātreṇa rudrrarūpo bhavennaraḥ||17-26||

kevalaṃ kumbhakasthā sā ekā brahmaprakāśinī|

bhairava uvāca

kena vā vāyavī śaktiḥ kṛpā bhavati pārvati||17-27||

sthiracetā bhavet kena vivekī vā kathaṃ bhavet|
mantrasiddhirbhavet kena kāyasiddhiḥ kathaṃ bhavet||17-28||

vistārya vada cāmuṇḍe ānandabhairaveśvarī|

ānandabhairavī uvāca

śṛṇuṣvaikamanāḥ śambho mama prāṇakuleśvara||17-29||

ekavākyena sakalaṃ kathayāmi samāsataḥ|
śraddhayā parayā bhaktyā manoniyamatatparaḥ||17-30||

sa prāpnoti parāśaktiṃ vāyavīṃ sūkṣmarūpiṇīm|
dhairyakṣamāmitāhārī śāntiyukto yatirmahān||17-31||

satyavādī brahmacārī dayādharmasukhodayaḥ|
manasaḥ saṃyamajñānī digambarakalevaraḥ||17-32||

sarvatra samabuddhiśca paramārthavicāravit|
śaraśayā bhūmitale vāyavīṃ paramāmṛtam||17-33||

ya evaṃ pibati kṣipraṃ tatraiva vāyavī kṛpā|
gurusevāpare dhīre śuddhasattvatanuprabhe||17-34||

bhakte aṣṭāṅganirate vāyavī sukṛpā bhavet|
atithiṃ bhojayedyastu na bhuktā svayameva ca||17-35||

sarvapāpavinirmukto vāyavī sukṛpā tataḥ|
antarātmā mahātmā yaḥ kurute vāyudhāraṇam||17-36||

devagurau satyabuddhirvāyavī sukṛpā tataḥ|
ekakālo vṛthā yāti naiva yasya maheśvara||17-37||

vāyavyāṃ cittamādāya tatrānilakṛpā bhavet|
vicaranti mahīmadhye yogaśikṣānibandhanam||17-38||

prāṇāyāmecchuko yo vā vāyavī sukṛpā tataḥ|
prativatsaramānena pīṭhe pīṭhe vasanti ye||17-39||

vāyavīṃ prajapantīha vāyavī sukṛpā tataḥ|
alpāhārī nirogī ca vijayānandananditaḥ||17-40||

vāyavīṃ bhajato yogī vāyavī sukṛpā bhavet|
antaryāge pīṭhacakre cittamādhāya yatnataḥ||17-41||

nāmaniṣṭho dhāraṇākhyo vāyavī sukṛpā tataḥ|
paśubhāva samākrāntaḥ sadā retovivajītaḥ||17-42||

śukramaithunahīnaśca vāyavī sukṛpā tataḥ|
akāle'pi sakāle'pi nityaṃ dhāraṇatatparaḥ||17-43||

yogināmapi saṅgī yo vāyavī sukṛpā tataḥ|
bandhubāndhavahīnaśca vivekākrāntamānasaḥ||17-44||

śokāśokasamaṃ bhāvaṃ vāyavī sukṛpā tataḥ|
sarvadānandahṛdayaḥ kālajño bhautasādhanaḥ||17-45||

maunadhāraṇajāpaśca vāyavī sukṛpā tataḥ|
nirjanasthānanirato niśceṣṭo dīnavatsalaḥ||17-46||

bahujalpanaśūnyaśca sthiracetāḥ prakītītaḥ|
hāsya santoṣahiṃsādirahitaḥ pīṭhapāragaḥ||17-47||

yogaśikṣāsamāptyarthī sthiracetāḥ prakītītaḥ|
matkulāgamabhāvo jño mahāvidyādimantravit||17-48||

śuddhabhaktiyutaḥ śāntaḥ sthiracetāḥ prakītītaḥ|
mūlādhāre kāmarūpe hṛdi jālandhare tathā||17-49||

lalāṭe pūrṇagiryākhye uḍḍīyāne tadūrdhvake|
vārāṇasyāṃ bhruvormadhye jvalantyāṃ locanatraye||17-50||

māyāvatyāṃ sukhavṛtte kaṇṭhe cāṣṭapure tathā|
ayodhyāyāṃ nābhideśe kaṭyāṃ kāñcyāṃ maheśvara||17-51||

pīṭheṣveteṣu bhūloke cittamādhāya yatnataḥ|
udare pūrayed vāyuṃ sūkṣmasaṅketabhāṣayā||17-52||

pādāṅguṣṭhe ca jaṅghāyāṃ jānuyugme ca mūlake|
caturdale ṣaḍdale ca tathā daśadale tathā||17-53||

dale dvādaśake caiva siddhisiddhāntanirmale|
kaṇṭhe ṣoḍaśapatre ca dvidale pūrṇatejasi||17-54||

kailāsākhye brahmarandhrapade nirmalatejasi|
sahasrāre mahāpadme koṭikoṭividhuprabhe||17-55||

cālayitvā mahāvāyuṃ kumbhayitvā punaḥ punaḥ|
pūrayitvā recayitvā romakūpādvinirgatam||17-56||

tisraḥ koṭyardhakoṭi ca yāni lomāni mānuṣe|
nāḍīmukhāni sarvāṇi dharmabinduṃ cyavanti hi||17-57||

yāvattadbindupātaśca tāvatkālaṃ layaṃ smṛtam|
tāvatkālaṃ prāṇayogāt prasvedādhamasiddhidam||17-58||

sūkṣmavāyusevayā ca kinna siddhyati bhūtale|
lomakūpe mano dadyāt layasthāne manorame||17-59||

sthiracetā bhavet śīghraṃ nātra kāryā vicāraṇā|
vāyusevāṃ vinā nātha kathaṃ siddhirbhaved bhave||17-60||

sthiracittaṃ binā nātha madhyamāpi na jāyate|
sthāne sthāne mano datvā vāyunā kumbhakena ca||17-61||

dhārayenmārutaṃ mantrī kālajñānī divāniśam|
ekāntanirjane sthitvā sthiracetā bhaved dhruvam||17-62||

sthiracittaṃ vinā śambho siddhiḥ syāduttamā katham||17-63||

nivāhya pañcendriyasañjñakāni yatnena dhairyāyatirīśvarastvam|
prāpnoti māsannayasādhanena viṣāsavaṃ bhoktumasau samarthaḥ||17-64||

māsatrayābhyāsa--susañcayena sthirendriyaḥ syādadhamādisiddhiḥ|
sā khecarī siddhiratra prabuddhā caturthaye māse tu bhavedvikalpanam||17- 65||

tadādhikārī pavanāśano'sau sthirāsanānandasucetasā bhuvi|
prakalpane siddhiṃ yathārthagāminīmupeti śīghraṃ varavīrabhāvam||17- 66||

sā vayavī śaktiranantarūpiṇī lobhāvalīnāṃ kuhare mahāsukham|
dadāti saukhyaṃ gaticañcalaṃ jayaṃ sthirāśayatvaṃ sati śāstrakovidam
||17-67||

ṣaṇmāsayogāsananiṣṭhadehā vāyuśramānandarasāptavigrahaḥ|
vihāya kalpānvitayogabhāvaṃ śrutyāgamān kartumasau samarthaḥ||17-68||

sthiracetā mahāsiddhiṃ prāpnoti nātra saṃśayaḥ|
saṃvatsarakṛtābhyāse mahākhecaratāṃ vrajet||17-69||

yāvannirgacchati prītā vāyavī śaktiruttamā|
nāsāgramavavāryaiva sthiracetā mahāmatiḥ||17-70||

caṇḍavegā yadā kṣipramantarālaṃ na gacchati|
sarvatragāmī sa bhavet tāvatkālaṃ vicakṣaṇaḥ||17-71||

yadi śīrṣādūrdhvadeśe dvādaśāṅgulakopari|
gantuṃ samartho bhagavān śivatulyo gaṇeśvaraḥ||17-72||

sarvatragāmī prabhavet khecaro yogirāḍ vaśī|
iti siddhirvatsare syāt sthiracittena śaṅkara||17-73||

yogī bhūtvā manaḥsthairyaṃ na karoti yadā bhuvi|
kṛccherṇa padamāruhya prapatennārakī yathā||17-74||

ata eva mahākāla sthiracetā bhava prabho|
tadā māṃ prāpsyasi kṣipraṃ vāyavīmaṣṭasiddhidām||17-75||

yadi siddho bhaved bhūmau vāyavīsukṛpādibhiḥ|
sadā kāmasthiro bhūtvā gopayenmātṛjāravat||17-76||

yadā yadā mahādeva yogābhyāsaṃ karoti yaḥ|
śiṣyebhyo'pi sutebhyo'pi datvā kāryaṃ karoti yaḥ||17-77||

tadaiva sa mahāsiddhiṃ prāpnoti nātra saṃśayaḥ|
saṃvatsaraṃ careddharmaṃ yogamārgaṃ hi durgamam||17-78||

prakāśayenna kadāpi kṛtvā mṛtyumavāpnuyāt|
yogayogād bhavenmokṣo mantrasiddhirakhaṇḍitā||17-79||

na prakāśyamato yogaṃ bhuktimuktiphalāya ca|
nityaṃ sukhaṃ mahādharmaṃ prāpnoti vatsarād bahiḥ||17-80||

ātmasukhaṃ nityasukhaṃ mantraṃ yantraṃ tathāgamam|
prakāśayenna kadāpi kulamārga kuleśvara||17-81||

yadyevaṃ kurute dharmaṃ tadā maraṇamāpnuyāt|
yogabhraṣṭo vijñānajño'jaḍa. mṛtyumavāpnuyāt||17-82||

yena mṛtyuvaśo yāti tatkāryaṃ nāpi darśayet|
dattātreyo mahāyogī śuko nārada eva ca||17-83||

yena kṛtaṃ siddhimantraṃ varṇajālaṃ kulārṇavam|
ekena lokanāthena yogamārgapareṇa ca||17-84||

tathā maṅgalakāryeṇa dhyānena sādhakottamaḥ|
uttamāṃ siddhimāpnoti vatsarād yogaśāsanāt||17-85||

ādau vai brahmaṇo dhyānaṃ pūrakāṣṭāṅgalakṣaṇaiḥ|
kuryāt sakalasiddhyarthamambikāpūjanena ca||17-86||

ṛgvedaṃ cetasi dhyātvā mūlādhāre catudrdale|
vāyunā candrarūpeṇa dhārayenmārutaṃ sudhīḥ||17-87||

atharvānnirgataṃ sarvaṃ ṛgvedādi carācaram|
tena pūrṇacandramasā jīvenāryāmṛtena ca||17-88||

juhuyādekabhāvena kuṇḍalīsūryago'nale|
kumbhakaṃ kārayenmantrī yajurvedapuraḥsaram||17-89||

sarvasattvādhiṣṭhitaṃ tat sarvavijñānamuttamam|
vāyavyāḥ pūrṇasaṃsthānaṃ yogināmabhidhāyakam||17-90||

punaḥ punaḥ kumbhayitvā sattve nirmalatejasi|
mahāpralayasārajño bhavatīti na saṃśayaḥ||17-91||

recakaṃ śambhunā vyāptaṃ tamoguṇamanolayam|
sarvamṛtyukulasthānaṃ vyāptaṃ dharmaphalāphalaiḥ||17-92||

punaḥ punaḥ kṣobhaniṣṭho recakena nivartate|
recakena layaṃ yāti recanena paraṃ padam||17-93||

prāpnoti sādhakaśreṣṭho recakenāpi siddhibhāk|
recakaṃ vahnirūpañca koṭivahniśikhojjvalam||17-94||

dvādaśāṅgulamadhyasthaṃ dhyātvā bāhye layaṃ diśet|
candravyāptaṃ sarvalokaṃ sarvapuṇyasamudbhavam||17-95||

recakāgnirdahatīha vāyusakhyo mahābalī|
tat śaśāṅkajīvarūpaṃ pītvā jīvati vāyavī||17-96||

āgneyī dahyati kṣipraṃ eṣa homaḥ paro mataḥ|
etat kāryaṃ yaḥ karoti sa na mṛtyuvaśo bhavet||17-97||

etayoḥ sandhikālañca kumbhakaṃ tattvasādhanam|
tadeva bhāvakānāñca paramasthānameva ca||17-98||

mahākumbhakalākṛtyā sthiraṃ sthittvā ca kumbhake|
atharvagāminīṃ devīṃ bhāvayedamaro mahān||17-99||

anantabhāvanaṃ śabhbhoraśeṣasṛṣṭiśobhitam|
atharvaṃ bhāvayenmantrī śakticakrakrameṇa tu||17-100||

ājñācakre vedadale caturdalasumandire|
atharvayoginīṃ dhyāyet samādhisthena cetasā||17-101||

tato'cyutākhyaṃ jagatāmīśvaraṃ śīrṣapaṅkaje|
prapaśyati jagannāthaṃ nityasūkṣmasukhodayam||17-102||

ājñācakre śodhanamaśeṣadalamatharvaṃ parikītītam|
jyotiścakre tanmadhye yogamārgeṇa sadbilam||17-103||

prapaśyati mahājñānī bāhyadṛṣṭyā yathāmbujam|
kālena siddhimāpnoti brahmajñānī ca sādhakaḥ||17-104||

tato bhajet kaulamārgaṃ tato vidyāṃ prapaśyati|
mahāvidyāṃ koṭisūryajvālāmālāsamākulam||17-105||

etattattvaṃ vinā nātha na paśyati kadācana|
vasiṣṭho brahmaputro'pi cirakālaṃ susādhanam||17-106||

cakāra nirjane deśe kṛccherṇa tapasā vaśī|
śatasahasraṃ vatsaraṃ ca vyāpya yogādisādhanam||17-107||

tathāpi sākṣādvijñānaṃ na babhūva mahītale|
tato jagāma kruddho'sau tātasya nikaṭe prabhuḥ||17-108||

sarvaṃ tat kathayāmāsa svīyācārakramaṃ prabho|
anyamantraṃ dehi nātha eṣā vidyā na siddhidā||17-109||

anyathā sudṛḍhaṃ śāpaṃ tavāgre pradadāmi hi|
tatastaṃ vārayāmāsa evaṃ na kuru bho suta||17-110||

punastāṃ bhaja bhāvena yogamārgeṇa paṇḍita|
tataḥ sā varadā bhūtvā āgamiṣyati te'grataḥ||17-111||

sā devī paramā śaktiḥ sarvasaṅkaṭatāriṇī|
koṭisūryaprabhā nīlā candrakoṭisuśītalā||17-112||

sthiravidyullatākoṭisadṛśī kālakāminī|
sā pāti jagatāṃ lokān tasyāḥ karma carācaram||17-113||

bhaja putra sthirānanda kathaṃ śaptuṃ samudyataḥ|
ekāntacetasā nityaṃ bhaja putra dayānidhe||17-114||

tasyā darśanamevaṃ hi avaśyaṃ samavāpsyasi|
etat śrutvā gurorvākyaṃ praṇamya ca punaḥ punaḥ||17-115||

jagāma jaladhestīre vaśī vedāntavit śuciḥ|
sahasravatsaraṃ samyak jajāpa paramaṃ japam||17-116||

ādeśo'pi na babhūva tataḥ krodhaparo muniḥ|
vyākulātmā mahāvidyāṃ vasiṣṭhaḥ śaptumudyataḥ||17-117||

dvirācamya mahāśāpaḥ pradattaśca sudāruṇaḥ|
tenaiva muninā nātha muneragre kuleśvarī||17-118||

ājagāma mahāvidyā yogināmabhayapradā|
akāraṇamare vipra śāpo dattaḥ sudāruṇaḥ||17-119||

mama sevāṃ na jānāti matkulāgama cintanam|
kathaṃ yogābhyāsavaśāt matpadāmbhojadarśanam||17-120||

prāpnoti mānuṣo deve manadhyānamaduḥkhadam|
yaḥ kulārthī siddhamantrī madvedācāra nirmalaḥ||17-121||

mamaiva sādhanaṃ puṇyaṃ vedānāmapyagocaram|
bauddhadeśe'tharvavede mahācīne tadā vraja||17-122||

tatra gatvā mahābhāvaṃ vilokya matpadāmbujam|
matkulajño maharṣe tvaṃ mahāsiddho bhaviṣyasi||17-123||

etadvākyaṃ kathayitvā sā vāyavyākāśavāhinī|
nirākārā'bhavat śīghraṃ tataḥ sākāśavāhinī||17-124||

tato munivaraḥ śrutvā mahāvidyāṃ sarasvatīm|
jagāma cīnabhūmau ca yatra buddhaḥ pratiṣṭhati||17-125||

punaḥ punaḥ praṇamyāsau vasiṣṭhaḥ kṣitimaṇḍale|
rakṣa rakṣa mahādeva sūkṣmarūpadharāvyaya||17-126||

atidīnaṃ vasiṣṭhaṃ māṃ sadā vyākulacetasam|
brahmaputro mahādevīsādhanāyājagāma ca||17-127||

siddhimārgaṃ na jānāmi vedamārgaparo hara|
tavācāraṃ samālokya bhayāni santi me hṛdi||17-128||

tannāśaya mama kṣipraṃ durbuddhiṃ bhedagāminīm|
vedabahiṣkṛtaṃ karma sadā te cālaye prabho||17-129||

kathametat prakārañca madyaṃ māṃsaṃ tathāṅganām|
sarve digambarāḥ siddhā raktapānodyatā varāḥ||17-130||

muhurmuhuḥ prapibanti ramayanti varāṅganām|
sadā māṃsāsavaiḥ pūrṇā mattā raktavilocanāḥ||17-131||

nigrahānugrahe śaktāḥ pūrṇāntaḥkaraṇodyatāḥ|
vedasyāgocarāḥ sarve madyastrīsevane ratāḥ||17-132||

ityuvāca mahāyogī dṛṣṭvā vedabahiṣkṛtam|
prāñjalivīnayāviṣṭo vada caitat kulaṃ prabho||17-133||

manaḥpravṛttireteṣāṃ kathaṃ bhavati pāvana|
kathaṃ vā jāyate siddhirvedakāryaṃ binā prabho||17-134||

śrībuddha uvāca

vasiṣṭha śṛṇu vakṣyāmi kulamārgamanuttamam|
yena vijñātamātreṇa rudrarūpī bhavet kṣaṇāt||17-135||

sākṣepeṇa sarvasāraṃ kulasiddhyarthamāgamam|
ādau śucirbhaved dhīro vivekākrāntamānasaḥ||17-136||

paśubhāvasthiracetāḥ paśusaṅgavivajītaḥ|
ekākī nirjane sthitvā kāmakrodhādivajītaḥ||17-137||

damayogābhyāsarato yogaśikṣādṛḍhavrataḥ|
vedamārgāśrayo nityaṃ vedārthanipuṇo mahān||17-138||

evaṃ krameṇa dharmātmā śīlo dārḍhyaguṇānvitaḥ|
dhārayenmārutaṃ nityaṃ śvāsamārge manolayam||17-139||

evamabhyāsayogena vaśī yogī dine dine|
śanaiḥ kramābhyāsād dahed svedodgamo'dhamaḥ||17-140||

madhyamaḥ kalpasaṃyukto bhūmityāgaḥ paro mataḥ|
prāṇāyāmena siddhiḥ syānnaro yogeśvaro bhavet||17-141||

yogī bhūtvā kumbhakajño maunī bhakto divāniśam|
śive kṛṣṇe brahmapade ekāntabhaktisaṃyutaḥ||17-142||

brahmaviṣṇuśivā ete vāyavīgaticañcalā|
evaṃ vibhāvya manasā karmaṇā vacasā śuciḥ||17-143||

ādau cittaṃ samādhāya cidrūpāyāṃ sthirāśayaḥ|
tato mahāvīrabhāvaṃ kulamārgaṃ mahodayam||17-144||

śakticakraṃ sattvacakraṃ vaiṣṇavaṃ navavigraham|
samāśritya bhajenmantrī kulakātyāyanīṃ parām||17-145||

pratyakṣadevatāṃ śrīdāṃ caṇḍodveganikṛntinīm|
cidrūpāṃ jñānanilayāṃ caitanyānandavigrahām||17-146||

koṭisaudāminībhāsāṃ sarvatattvasvarūpiṇīm|
aṣṭādaśabhujāṃ raudrīṃ śivamāṃsācalapriyām||17-147||

āśritya prajapenmantraṃ kulamārgāśrayo naraḥ|
kulamārgāt paraṃ mārgaṃ ko jānāti jagattraye||17-148||

etanmārgaprasādena brahmā sraṣṭā svayaṃ mahān|
viṣṇuśca pālane śakto nirmalaḥ sattvarūpadhṛk||17-149||

sarvasevyo mahāpūjyo yajurvedādhipo mahān|
haraḥ saṃhārakarttā ca vīreśottamamānasaḥ||17-150||

sarveṣāmantakaḥ krodhī krodharājo mahābalī|
vīrabhāvaprasādena dikpālā rudrarūpiṇaḥ||17-151||

vīrādhīnamidaṃ viśvaṃ kulādhīnañca vīrakam|
ataḥ kulaṃ samāśritya sarvasiddhīśvaro jaḍaḥ||17-152||

māsenākarṣaṇaṃ siddhidvīmāse vākpatirbhavet|
māsatrayeṇa saṃyogājjñāyate sukhavallabhaḥ||17-153||

evaṃ catuṣṭaye māsi bhaved dikpālagocaraḥ|
pañcame pañcabāṇaḥ syātṣaṣṭhe rudro bhaved dhruvam||17-154||

etadācārasāraṃ hi sarveṣāmapyagocaram|
etanmārgaṃ kaulamārga kaulamārgaṃ paraṃ nahi||17-155||

yogināṃ dṛḍhacittānāṃ bhaktānāmekamāsataḥ|
kāryasiddhirbhavennārī kulamārgaprasādataḥ||17-156||

pūrṇayogī bhaved vipraḥ ṣaṇmāsābhyāsayogataḥ|
śaktiṃ binā śivo'śaktaḥ kimanye jaḍabuddhayaḥ||17-157||

ityuktvā buddharūpī ca kārayāmāsa sādhanam|
kuru vipra mahāśaktisevanaṃ madyasādhanam||17-158||

mahāvidyāpadāmbhojadarśanaṃ samavāpsyasi|
etacchrutvā gurorvākyaṃ smṛtvā devīṃ sarasvatīm||17-159||

madirāsādhanaṃ karttuṃ jagāma kulamaṇḍale|
madyaṃ māṃsaṃ tathā māṃsaṃ mudrā maithunameva ca||17-160||

punaḥ punaḥ sādhayitvā pūrṇayogī babhūva saḥ|
yogamārgaṃ kulamārgamekācārakramaṃ prabho||17-161||

yogī bhūtvā kulaṃ dhyātvā sarvasiddhīśvaro bhavet|
sandhikālaṃ kulapathaṃ yogena jaḍitaṃ sadā||17-162||

bhagasaṃyogamātreṇa sarvasiddhīśvaro bhavet|
etadyogaṃ vijānīyājjīvātmaparamātmanoḥ||17-163||

iti śrīrudrayāmale uttaratantre mahātantroddīpane bhāvapraśnārthanirṇaye siddhamantraprakaraṇe caturvedollāse bhairavabhairavīsaṃvāde saptadaśaḥ paṭalaḥ||17||

Video laden

YouTube

YouTube sammelt möglicherweise persönliche Daten. Datenschutzrichtlinie

Fortfahren Ausblenden

Kapitel 18

athāṣṭādaśaḥ paṭalaḥ

ānandabhairavī uvāca

śṛṇu nātha pravakṣyāmi asādhyasādhanaṃ param|
kāmacakrasya varṇānāṃ varṇanaṃ praśnanirṇayam||18-1||

ājñācakramadhyabhāge nāḍīkoṭirasālinī|
tanmadhye bhāvayenmantrī kāmacakraṃ manoramam||18-2||

kāmacakre ca pūrvoktavarṇamālokya sādhakaḥ|
nyāsamantre puṭīkṛtya japitvā yogirāḍ bhavet||18-3||

eko mandiramadhyastho mantramāśritya yatnataḥ|
nijanāmākṣaraṃ tatra tatkoṣṭhamanumāśrayet||18-4||

ānandabhairava uvāca

eteṣāṃ koṣṭhasaṃsthānāṃ varṇānāṃ hi phalāphalam|
vada kānte rahasyaṃ me kāmacakraphalodbhavam||18-5||

ānandabhairavī uvāca

kāmacakraṃ kālarūpaṃ tato vārāṇasīpuram|
tatra sarvapīṭhacakraṃ cakrāṇāmuttamottamam||18-6||

etaccakraprasādena te pādāmbujadarśanam|
prāpnoti sādhakān satyaṃ sarvaṃ jānāti sādhakaḥ||18-7||

kāmanāphalasiddhyarthaṃ mantrārthādivicāraṇām|
vṛddhamastamitaṃ tyaktvā gṛhṇīyānmantramuttamam||18-8||

( ānandabhairavī uvāca )|

śṛṇu varṇaphalaṃ nātha asādhyapraśnanirṇayam|
varṇānāñca nātha rāśibhedena saṃśṛṇu prabho||18-9||

bālyādiṣu sthitān vargān āśrayet sādhakottamaḥ|
varjayed vṛddhabhāvañca tathāstamitameva ca||18-10||

āśrayed rāśibhāvena bālyakaiśorayauvana|
atha bālyaṃ vargabhedaṃ vicāre vāmayogataḥ||18-11||

mantrāṇāñcāpi gaṇayet praśnakarmāṇi dakṣiṇāt|
madhyakoṇāvadhiṃ nātha gaṇanīyaṃ vicakṣaṇaiḥ||18-12||

ūdrdhvadakṣiṇayogena gaṇayet praśnakarmaṇi|
vāmayogena gaṇayed mantrādīnāṃ vicāraṇe||18-13||

śṛṇu tadvargavargāṇāṃ phalamatyantasundaram|
vadāmi paramānandarasasindhumadhuvrataḥ(ta)||18-14||

kavargaṃ kāmākhyābhavanamaṇipīṭhe trijagatā|
dharitrī sā dhātrī vasati satataṃ siddhinavake|
hutāśeṣvākāśe jaladatanusākāśajananī|
gabhīrā khaḍgābhā karahara(bhayavara)karā ghoramukharā||18-15||

abhyāsayogāt kalikālapāvanī|
kālīṃ kulānandamayīṃ rameśīm|
mahārasollāsasuvaktralocanā|
kāmeśvarīṃ kūrmapadaṃ(daṃ) bhajejjayī||18-16||

kālāguroruttamasiddhasevitā|
manoharā khecarasāraśākhinī|
ulkāsamagrā bhavadīpavṛtti--
steja(ḥ)(pra)kūṭāmalanīladehā||18-17||

khaḍgāyudhā kharparadhāriṇī sā|
caṇḍodgamā vāyupathastha khecarī|
vidyābhayākhañjanalocanā gatiḥ|
kṣitikṣaye khecaravargadhāriṇī||18-18||

khārī vihārī khalakhelanena|
kharākharonmattagatipriyā khagā|
mahākhagārūpakhalasthitā sadā|
prapāti vidyābalavikramasthitā||18-19||

vyāpāranidrāgahanārthacintākharaprabhābhāti yadā yadā||18-20||

gāyatrī gaṇanāyikā matigatiglāniragūḍhāśayā|
gītā gokulakāminī gurutarā gārhyāgnijeyodayā|
gorūpā gayahā gayā guṇavatī gāthāpathasthāyinī|
śrīgurvī pratipālanaṃ trijagatāṃ gāyanti yāṃ tāṃ bhajet||18-21||

vāyorgharmakarānandamohinī ghargharā ghanā|
nidrāmādhyāti ghaṭanā nīlā ghoṭakavāhinī||18-22||

bindusthā viṣabhojanānalakathā bījaśramāyopriyā|
pañcāḍhyāmanunāsikā sukhamayī vedakriyā ṣaṇmukhī||18-23||

vicitravastrācaraṇābjacālanam|
vicāraceṣṭāṃ mayi dehi cañcale||18-24||

iti varṇaṃ cavargasya mahāpātakanāśanam|
kāmacakre sthitaṃ yadyat praśne mantragṛhe yathā||18-25||

cavargaphalamatyantaniṣkarṣaṃ sūkṣmabhāvanam|
dhiyā sarvākṣaraśreṇīṃ bhāvayanti punaḥ punaḥ||18-26||

sarvaṃ jānāti śambho tvaṃ paraṃ kiṃ kathayāmi te|
tathāpi vargamāhātmyaṃ kāmacakrasthanirmalam||18-27||

yo jānāti kāmacakraṃ yamo hanti na taṃ janam|
tatprakāraṃ bhāvayuktaṃ bhāvanādhyānanirmalam||18-28||

dhyātvā kāmarūpasthā mūlādhāranivāsinaḥ|
devatāḥ pāthīvāḥ sarve ātmānaṃ parameṣṭhinaḥ||18-29||

na jānanti bālakā me teṣāṃ yogādisiddhaye|
kāmacrakaṃ kāmarūpaṃ kāmanāphalasiddhidam||18-30||

tanmantragrahaṇādeva sākṣādīśo bhavennaraḥ|
śrutiśāstrāṇi sarvāṇi kare tasya na saṃśayaḥ||18-31||

yogaśikṣādikaṃ sarvaṃ jānāti kāmacakrataḥ|
kāmacakraprasādena kāmarūpī bhaved dhruvam||18-32||

tadvarṇasthaṃ tadantaḥsthaṃ daśakoṇasthameva ca|
aṣṭadalasthaṃ tatrāpi vicārya sādhakottamaḥ||18-33||

anulomavilomena śāstrasyānukrameṇa ca|
bālyaṃ kaiśoramullāsaṃ vṛddhiḥ siddhiśca yauvane||18-34||

vṛddho vṛddhatvamāpnoti aste ca nidhanaṃ bhavet|
navagrahāstatra madhye pañcaprāṇāśca santi vai||18-35||

anulomavilomena gaṇayeddaśakoṇake|
daśakoṇe sarvasiddhiraṣṭasiddhiśca tatra vai||18-36||

aṣṭapatre praśaṃsanti adho'nantamadhye gṛhe|
brāhmaṇamūrdhvagehe ca mantravarṇāṃśca tattu tān||18-37||

samāśritya japedvidyāṃ sūrayaḥ kramarūpiṇīm|
hrasvadevīṃ hrasvabuddhiṃ dadāti sādhakāya ca||18-38||

yadi krodhaparā vidyā bhakṣayet sādhakaṃ laghu|
ataḥ samavayorūpāṃ devatāmaṣṭasiddhidām||18-39||

devo bhūtvā yajeddevaṃ tadā mokṣaṃ samāpnuyāt|
yadi varṇaṃ na jānāti kaulaputro'pyadho vrajet||18-40||

ḍākinī taṃ bhakṣayati dīkṣāmantrārṇahīnakam|
tato varṇavicārañca pravakṣyāmi samāsataḥ||18-41||

cāpān dhṛtvā narendrastamapi manujakaṃ pālayantīha loke|
sarva candro vighātaṃ pracuramayabhayaṃ bhāskaro hanti śokān|
cāturthyā cakrapāṇeḥ padamapi capalā sandadātīha māyā--|
yogodyogī carugatamanasā sādhakāyāśu yogam||18-42||

chatrāśā kamale sthitā sthitilaye vāñchāphalaśrīdharā|
chāyāmaṇḍapamadhyagācchalagatā chatrañchaṭā tejasā|
trailokyaṃ pratipāti pāśupatibhiḥ kṣetrādhipaiḥ śrīdharaiḥ|
prāṇapremavihāriṇī bhagavatīcchatreṇa taṃ sādhakam||18-43||

jātikhyātiranuttamā prabhavati prītāyamābhyāsatā|
jīvānāmatiduḥkharāśihananāt ekārthasañcāriṇī|
vajrā jīvanamadhyagā gatimatī vidyā jayā yāminī|
jātā jātanivāriṇī janamanaḥsaṃhāracintāvatu||18-44||

jhaṃ jhaṃtvādavivādaṃ jhaṭiti jharajharā jhārayābījajhaṅkā|
gaṅgā hanti hatāśubhā dhanamukhī kaivalyamuktipradā|
kṛtvā rakṣati sādhakaṃ jharajhanatkāreṇa sūkṣmānilā|
kāmakrodhavināśinī śaśimukhī jhaṅkāraśabdapriyā||18-45||

ñakārabījāmalabhāvasāraiḥ bāṇasya puñjaṃ pratihanti yoginī|
khaḍgāyudhā sā rasapānamattā saṃhāranidrākulasādhuduḥkhahā||18-46 ||

candrātapasnigdhasukānta vigrahā ṭaṅkāstra vajrāstrahatāripuṅgavāḥ|
ṭiṃ ṭiṃ mahāmantrajapena siddhidā hanti śriyaṃ kāpuruṣasya pātakam|| 18-47||

viśālanetrā yadi cārukāṅgī ṭhaṃ ṭhaṃ svabījaṃ paripāti kakṣarī|
manogataṃ duḥkhasamūhamurvaśī ratnākarā sainyakulaṃ nihanti||18-48||

ḍāmarā jagatāmādyā ḍaṃ ḍāṃ ḍiṃ ḍīṃ svarūpiṇī|
kāmacakre sukhaṃ datvā sārayaivaṃ tanoti sā||18-49||

ḍhaṃ ḍhāṃ bījātmikā vidyā ratnamandirasṃsthitā|
ḍhakkārī pāśahastā ca sādhaka pāti sundarī||18-50||

ṇaṃ ṇāṃ ṇiṃ ṇīṃ japati sujano jīvanīmadhyasaṃsthā|
aṣṭaiśvaryā prabhavati hṛdi kṣobhapuñjāpahāya|
vārāṇasyāṃ sakalabhayahā sandadātīha lakṣmī|
sūkṣmātyantānalapathamukhī kālajālaṃ nihanti||18-51||

tārārūpā tarusthā trinayana kuṭilā tārakākhyā|
nihantrī tanvaśreṇī taruvarakalātrāṇahetoratītā|
tālakṣetrā taḍidiva kalākoṭisūryaprakāśā|
tokādīnāṃ bahalataruṇī tārakaṃ pāti bhaktam||18-52||

kālakrameṇaiva vimuktidāyinī manoramā nīrajanetra komalā|
sthitā kṣa(tha)kārākṣaramālinīsthalā prapāti mukhyaṃ varasādhakaṃ śivā||18-53||

dālī daridrātinikṛṣṭaduḥkhahā dāntapriyā daityavidāriṇī dahā|
dānasthalasthā dayitā jagatpaterdayāṃ dadāti dravadevadārā||18-54||

dhātrī dharādhāraṇatatparā dhanī dhanapradā dharmagatirdharitrī|
dadhāra dhīraṃ dhanabījamālinī dhyānasthitā dharmanirūpaṇāya||18-55 ||

nandasya pratipālanāya jagatāmānandapuñjodayā|
yoginyo nayanāmbujojjvalaśikhāśobhā pramālākṣarā|
nītā nāvapathasthitā matimatī yāḥ pālayantīha tāḥ|
pāntu śrīmukhatejasā khalu yathā kālakramāt sādhakam||18-56||

pītā premavilāsinī varapathajñānāśrayā pālanāt|
pūjyā pāyasapā parāparapadā pītāmbarā poṣaṇā|
prauḍhā premavatī purāṇakathanā pāyāt purā pāvanī|
yā kāmeśvarapāvanaṃ parajanaṃ śrī sādhakaṃ prasthitā||18-57||

phutphaṇivaramālā pheravī pherurūpā|
phaṇadharamukhakulyāmbhojavākyāmṛtābdhau|
niravadhiharikaṇṭhe vākyarūpā phalasthā|
phalagataphaṇicūḍā pātu phullāravinde||18-58||

vajrākhyāṃ vaśakāriṇīṃ yadi japet śrīpādasaṃsevanāt|
bālyaṃ vedavinirgatāṃ bhagavatīṃ śrīrāmadevorvvarām|
vaśyā tasya karāmbuje vasati sā vīrāsanaḥsthā vaśā|
vaktrāmbhoruha komale bhagavatī bhūteśvarī bhūtagā||18-59||

mātā mandiramālinī matimatāmānandamālāmalā|
mithyāmaithunamohinī manasi yā(jā) mi(me)lā mahanmelanī|
mānī taṃ vadate maheśvaramahitvaṃ tasya vakṣaḥsthale|
sthitvā sā maraṇaṃ nihanti sahasā maunāvalambī bhavet||18-60||

yātapriyā yā pratibhāti yoginī|
yāmāsthitā yogamukhāspadā yathā|
yonisthale sā yatisādhaka|
yaśoyātrā sadā pāti yamādikaṃ dahet||18-61||

ratnasthā ratirājitā raṇamukhe rājñaḥ priyābhītihā--|
rukṣmā(kyā)laṅkṛtaraṅgiṇī rasavatī rāgāpahā rogahā|
rājendraṃ rajanīsthe prakupitā rādhāmṛtā pāti ta|
svāhārūpamanoramā suramaṇī rāmā rakārākṣarī||18-62||

lakṣmīrlāṅgalilakṣaṇā sulalanā lolāmalā nirbhayā|
bālāmūlamivāsatāṃ lavaṇākulā sindhūllāsalīlākulā|
lolākolakulānnajānalamukhī lagnālaghūrākulā|
kaulārkākulalocanā layakarī līlālayaṃ pāti mām||18-63||

viṣāsavasthānaraṇasthavāsanā|
vaśyāvahantī lalanāvaśārtham|
sā pāti vīraṃ yadi tāṃ bhajed vaśī|
viṣāśanaṃ te nivasanti vāruṇīm||18-64||

śītāṃ śaśīśoka viśeṣanāśinī|
bhajet suśīlāṃ sa bhaveddavākaraḥ|
śivāṃ śacīṃ śaucaśubhāṃ śavapriyā|
śavasthitāṃ śītaladeśaśobhitām||18-65||

ṣaṭcakre ṣaṭpadāṣāḍhī ṣaḍaṅgasthā ṣaḍānanā|
ṣaṭcakre siddhidā pāti sādhakaṃ ṣoḍaśī mudā||18-66||

sā mā sūkṣmā vahati sujalaṃ saptanākasthalāḍhyā|
sārā sākṣāt sukhasamarasojjvālasāhlādasāmyā|
sākārā sāmbujamadhugirā pūrayantī mahārthaṃ|
vedā saurā suramatinivahā sāmavedāntarasthā||18-67||

haṭhātkāreṇa sahārā harati prāṇahaṃ janam|
nihāriṇaṃ na sā hanti hiraṇyāhāramālinī||18-68||

ālokā lakṣajapadā lākṣaraṃllakṣaṇā samā|
ālagdānāla sālāpā ? pāti taṃ yo bhajellaghu||18-69||

kṣayaṃ kṣitau yāti susūkṣmabhāvana|
vihāya mantrī kṣayarogahāriṇī|
sūkṣmātisūkṣmānyatamaṃ vicintayet|
kṣobhādikaṃ pakṣakalākṣayantī||18-70||

ṣoḍaśasvarabhedena phalaṃ śṛṇu mahāprabho|
saṃkṣepeṇa pravaktavyamutkṛṣṭaṃ phalakāṅkṣaṇām||18-71||

ślokatrayeṇa(dvayena) tatsarvaṃ phalamatyantasādhanam|
ye kurvanti mahādeva kāmacakrotsavaṃ yathā||18-72||

a ā i ī u ū ṛ ṝ|
ādyāṣṭasvaramaṅgalaṃ japati yaḥ śrīnāthavaktrāmbujā|
prāpya śrīdharanāyakaḥ kṣititale siddho bhavet tatkṣaṇāt|
rājā rājakuleśvaro jayapathe dīpojvalāmālayā|
sampaśyet paramāṃ kalāṃ jayati saḥ kāmānalaṃ tāḍayet||18-73||

ḷ ḷ e e o au aṃ aḥ|
śeṣāṣṭau svarapāvanī priyajanānandena mandodarī|
mantraṃ hanti madānanā trijagatāṃ sādhūttamānāṃ sukham|
dattvā pālayati prabhā pralayake kauṭilyavidyāpahā|
bhaktaye kṣitipālanaṃ nijajapadhyānākulāmaṅgalam||18-74||

iti varṇaphalaṃ jñātvā yo gṛhṇāti manūttamam|
sa bhavet kulayogārthī siddhajñānī mahītale||18-75||

varge varge phalaṃ nātha śṛṇu vakṣyāmi adbhutam|
praśnādīnāñca kathanaṃ yo jānāti sa sādhakaḥ||18-76||

kavarge kāmasampattiṃ śriyā vyāptaṃ sumandiram|
prāpnoti kāmacakrārthaṃ rāśinakṣatrasammatam||18-77||

cavarge dīrghajīvī syāt dṛḍhasampadameva ca|
vṛttiṃ prāpnoti gamanādanuddaśya śarīriṇaḥ||18-78||

samācāraṃ samāpnoti gamane sarvamuttamam|
ṭavarge sambhave nātha mahaduccāṭanādikam||18-79||

putrāṇāmapi vṛddhiḥ syāt tavarge dhanalābhakam|
pavarge maraṇaṃ nātha yādi--kṣānte mahāguṇī||18-80||

kāmacakraphalaṃ nātha rāśidaṇḍena yojayet|
nijagehasthitaṃ rāśiṃ jñātvā hi dinadaṇḍataḥ||18-81||

gaṇayitvāśubhaṃ jñānī anulomavilomataḥ|
ghaṭasthaṃ sakalaṃ sandhikoṇasthaṃ pārśvake śubham||18-82||

śubhamantraṃ gṛhītvā tu siddhimāpnoti sādhakaḥ||18-83||

iti śrīrudrayāmale uttaratantre mahātantroddīpane bhāvapraśnārthanirṇaye pāśavakalpe kāmacakrasārasaṅkete siddhimantraprakaraṇe caturvedollāse bhairavabhairavī |
saṃvāde aṣṭādaśaḥ paṭalaḥ||18||

Kapitel 19

athonaviṃśaḥ paṭalaḥ

ānandabhairavī uvāca

idaṃ tu śṛṇu vakṣyāmi sarvatantrārthagopanam|
tatsarvaṃ praśnacakre ca ṣaḍādhārasya bhedanam||19-1||

kālacakraphalaṃ tatra nivīkalpādisādhanam|
praśnacakraṃ kāmarūpaṃ caitanyaṃ sarvadātmanoḥ||19-2||

ṣaḍmandire ṣaṭkalāpaṃ kaivalyasādhanādikam|
nānābhogaṃ yogasiddhiṃ hitvā yo mantramājapet||19-3||

sa bhaved devatādrohī koṭikalpena sidhyati|
hṛdi yasya mahābhaktiḥ pratibhāti mahodayā||19-4||

kṣaṇādeva hi siddhiḥ syāt kiṃ japairmantrasādhanaiḥ|
ato bhaktiṃ sadā kuryād devatābhāvasiddhaye||19-5||

bhairava uvāca

etaccakraprasādena ko vā kiṃ siddhimāpnuyāt|
etasya bhāvanādeva kiṃ phalaṃ bhāvanaṃ śubham||19-6||

ko vā praśnādikathane kṣamo bhavati sundari|
tatprakāraṃ vidhānena vada me phalasiddhaye||19-7||

ānandabhairavī uvāca

yaḥ karoti pūrṇahomaṃ putrārthaṃ yogasiddhaye|
kuṇḍalīkramayogena punaḥ punaḥ krameṇa ca||19-8||

etaccakrārthabhāvajñaḥ sa eva nātra saṃśayaḥ|
yaḥ karoti sadā nātha vāyunirgamalakṣaṇam||19-9||

ūrdhvaṃ saṃsthāpya vidhivad bhāvanāṃ kurute naraḥ|
sa eva siddhimāpnoti siddhamārgo(rge) na saṃśayaḥ||19-10||

phalametadbhāvanārthaṃ kāmakrodhādivajītaḥ|
bhāvanāphalasiddhyarthaṃ vāyusaṃyogasaṃkramāt||19-11||

lepayitvā śodhayitvā mantrayitvā punaḥ punaḥ|
dharmādharmavirodhena sūkṣmavāyukrameṇa ca||19-12||

prāpnoti mahatīṃ siddhimetaccakrasya tatphalam|
phalañca dvividhaṃ proktaṃ sthūlasūkṣmaparasthitam||19-13||

sthūlaṃ tyaktvā mahāsūkṣme mano yāti yadā yadā|
tadā hi mahatī siddhiramarastatkṣaṇād bhavet||19-14||

ekabāraṃ bhāvayedyaḥ siddhacakrasya varṇakān|
tasyaiva bhāvasiddhiḥ syād bhāvena kiṃ na siddhyati||19-15||

mahadbhāvaṃ vinā nātha kaḥ siddhiphalakagrahī|
yogabhraṣṭaḥ sthūlaphale parajanmani siddhibhāk||19-16||

ehike siddhimāpnoti sūkṣmaphalakrameṇa ca|
yo jānāti sūkṣmaphalaṃ sa yogī bhavati dhruvam||19-17||

sa eva praśnakathane yogyo bhavati sādhakaḥ|
yaḥ sūkṣmaphalabhoktā syāt kriyāgopanatatparaḥ||19-18||

nirantaraṃ praśnacakraṃ ājñācakropari sthitam|
vibhāvya kālasiddhiḥ syāt sarvajño vedapāragaḥ||19-19||

kālajñānī ca sarvajña iti tattvārtha nirṇayaḥ|
praśnacakrasthitaṃ varṇaṃ sūkṣmakālaphalāvaham||19-20||

manorūpaṃ daṇḍabhedaṃ māsabhedaṃ savargakam|
manaso bhrama evaṃ hi kāla eko na saṃśayaḥ||19-21||

mṛtyu(tyṃ)vaśaṃ karotyeva kālajñānī sa yogirāṭ|
kālena līyate sarvaṃ trailokyaṃ sacarācaram||19-22||

kālādhīnamidaṃ viśvaṃ tasmāt kāla(lṃ)vaśaṃ nayet|
tatkālaṃ sūkṣmanilayaṃ durvācyaṃ praśnakaṃ śṛṇu||19-23||

meṣaṃ tulārāśimanuttamaṃ sadā|
vaiśākhamāse phalasiddhikāraṇam|
kavargamāvāpya svarān sa eva|
vibhāvayet sa kṣitinātha ābhavet||19-24||

ājñācakropari dhyātvā sarvacakraṃ mahāprabho|
ekakṣaṇena siddhiḥ syāt parabhāvena hetunā||19-25||

siddheśacakracaitanyaṃ yo jānāti mahītale|
vāksiddhirjāyate māsāddivārātrikrameṇa ca||19-26||

varṇamālāsamākrāntaṃ rāśinakṣatrasaṃyutam|
grahacakraṃ bhāvayitvā sarvaṃ jānāti sādhakaḥ||19-27||

ca vargaṃ vṛṣamīnasthaṃ kaiśorasiddhikāraṇam|
dvimāsasādhanādeva sarvajño bhavati dhruvam||19-28||

yoginī khecarī bhūtvā prayāti nikaṭe satām|
grahacakraprasādena jīvanmuktastu sādhakaḥ||19-29||

yadi karma karotyeva ekāntacittanirmalaḥ|
tasyā'sādhyaṃ tribhuvane na kiñcidapi vartate||19-30||

praśnacakra prasādena sarve vai yogino bhuvi|
yadi yogī bhaved bhūmau tadā mokṣamavāpnuyāt||19-31||

vinā yogasādhanena kaḥ siddho bhūmimaṇḍale|
sādhanena vinā siddhiḥ kasya bhaktasya jāyate||19-32||

bhaktānāṃ nikaṭe sarve pratiṣṭhanti maharṣayaḥ|
ato bhaktiṃ sadā kuryāt sarvadharmān vihāya ca||19-33||

tatkālaṃ bhaktimāpnoti praśnacakraprasādataḥ|
tatprakāraṃ mahādharmaṃ ko vaktuṃ kṣama eva hi||19-34||

kañcittadbhāvasārañca praśnacakre vadāmyaham|
cavargabhāvanādeva bhaktiṃ prāpnoti sādhakaḥ||19-35||

samādhāya paraṃ devamājñācakropari prabho|
vibhāvya nityabhāvaṃ hi prāpnoti tatkulāda(kalāma)pi||19-36||

ānandāśrūṇi pulako dehāveśamanolayam|
sarvakarma svayaṃ--tyāgī yaḥ karoti sa yogirāṭ||19-37||

ṭavarge vāsanāsiddhiḥ saṃsārarahito bhavet|
balavān sarvavijñānī trimāse khecaro bhavet||19-38||

khecarīmelanaṃ tasya paraṃ prāpnoti cakrataḥ|
ṭavargaṃ vyāpya tiṣṭhanti mithunaṃ kumbhayonayaḥ||19-39||

svanakṣatrasvayogañca vibhāvya yogirāḍ bhavet|
caturmāse pūrṇayogī tavargasādhanādapi||19-40||

vetālādimahāsiddhimindrasiddhiṃ samāpnuyāt|
tavargaṃ vyāpya tiṣṭhanti makaravṛścikakarkaṭāḥ||19-41||

cirajīvī bhavedīśa indratulyapriyo bhavet|
tiṣṭhet pralayaparyantaṃ mahāpralayarūpavān||19-42||

kṛtvā kāla(lṃ)vaśaṃ mantrī mahāvāyau mahālayam|
mahācakre sūryamadhye vahnimaṇḍalamadhyage||19-43||

vāgdevatā tasya sākṣādbhavatīti na saṃśayaḥ|
pavargaṃ vyāpya tiṣṭhanti dhanuḥsiṃhāstu citkalāḥ||19-44||

vibhāvya paramasthānaṃ sa(na) naśyati mahānilam|
trailokyamaṣṭavargaṃ ca ṣaṭcakraṃ cakṣuṣā kṣaṇāt||19-45||

yadi vāntaṃ brahmarūpaṃ sarvatīrthapadāśraya|
mahāsattvaguṇākrāntaṃ matvā nirmalacakṣuṣā||19-46||

kanyāvṛścikarāśibhyāṃ brahmamārga vilokayet|
ṣaṇmāsena siddhiḥ syād mahākaulo bhaved dhruvam||19-47||

maunī ekāntabhaktaḥ syāt śrīpādāmbhojadarśanam|
prāpnoti sādhakaśreṣṭhaḥ sāyujyapadavīṃ labhet||19-48||

tato madhye pragacchanti yoginastattvacintakāḥ|
śādikṣānte catuṣkoṇe sarvayogāśraye pade||19-49||

vibhāvya yāti śīghraṃ saḥ śrī devīlokamaṇḍale|
mahākālo bhaved dhīmān praśnacakrasya bhāvakaḥ||19-50||

iti śrīrudrayāmale uttaratantre mahātantroddīpane bhāvapraśnārthanirṇaye pāśavakalpe praśnacakrasārasaṅkete siddhamantraprakaraṇe caturvedollāse bhairavabhairavīsaṃvāde|ūnaviṃśaḥ paṭalaḥ||19||

Kapitel 20

atha viṃśaḥ paṭalaḥ

ānandabhairavī uvāca

atha vakṣye mahādeva siddhamantravicāraṇam|
japitvā bhāvayitvā ca naro mucyeta saṅkaṭāt||20-1||

ānandabhairava uvāca

phalacakre sarvamantraṃ sarvasāraṃ tanupriyam|
kriyāyogād bhavet siddhirvāyavīśaktisevanāt||20-2||

vahnibījaṃ trikoṇasthaṃ ṣaṭkoṇaṃ tad bahiḥ prabho|
ṣaṭkoṇe ṣaṇmanuṃ(nūn) dhyātvā ṣaṇmāsādrudrarūpiṇaḥ||20-3||

aṣṭakoṇe sthitān varṇān aṅkabhedena paṇḍitaḥ|
aṅkasaṃkhyākrameṇaiva dhyātvā tad bahireva ca||20-4||

tatsaṃkhyāsu gatān varṇān vibhāvya khecaro bhavet|
vinā trikoṇayogena ṣaṭakoṇaṃ tatra varṇakān||20-5||

ājñācakramadhyadeśe kāmacakraṃ manoramam|
kāmacakraṃ(kra) madhyadeśe mahāsūkṣmaphalodayam||20-6||

praśnacakraṃ ṣaṭpadārthaṃ ṣaṭcakraphalasādhanam|
praśnacakre phalacakraṃ yogāṣṭāṅgaphalapradam||20-7||

phalacakrasyodrdhvabhāge varṇamālākrameṇa tu|
tadvarṇān maunajāpena phalasāraṃ samāpnuyāt||20-8||

phalacakraprasādena tattvacintāparo(rā) matiḥ|
sthitvā bhū(bhrū)madhyakuhare sadā bhāvayatīśvaram||20-9||

bhāvajñānī bhavet śīghraṃ mūḍho'pi bhāvanāvaśāt|
ādau sūkṣmaphalaṃ vakṣye varṇabhedena śaṅkara||20-10||

vahnirbhāti nirantaraṃ trijagatāṃ nāśāya rakṣākaro|
jīvaḥ sarvacalā calasthadahanaṃ śrīkālikāvigrahaḥ|
sarvavyāpaka īśvaraḥ kṣayati yaḥ kāmān manaḥpallava|
dhyātvā taṃ samarūpavān paraśivajñānī bhavettatkṣaṇāt||20-11||

vahnibījaṃ sūkṣmaphalaṃ sākṣāt pratyakṣakāraṇam|
trikoṇasthaṃ vahnibījaṃ vidhividyāprakāśakam||20-12||

akasmāt siddhidātāraṃ yo bhajet sa bhavet sukhī|
ṣaṭkoṇasthavarṇamantrān śṛṇuṣvānandabhairava||20-13||

yajjñātvā devatāḥ sarvā digvidikṣu prapālakāḥ|
tadbhedaṃ ramaṇīyārthaṃ saṅketaśuddhilāñchitam||20-14||

vahnibījasyodrdhvadeśe candrabījamanuttamam|
tatra yo bhāvayenmantrī sa siddho nātra saṃśayaḥ||20-15||

vidhorbījaṃ sūkṣmaṃ vimalakamalaṃ kāntakiraṇa|
sadā jīvasthānaṃ pralayanilayaṃ vāyujaḍitam|
tato vāme sūryaṃ sakalaviphaladhvaṃsanikara|
mahāvahnisthānaṃ bhajati sujano bhāvavidhinā||20-16||

tadadhaḥ koṇagehe ca śrībījaṃ pañcamasvaram|
bhāvakalpalatāsāramakārādikulākṣaram||20-17||

catuḥpañcāśadaṅkasthaṃ vāyubījamadhastataḥ|
vibhāvya vāyavīsiddhimavāpnoti narādhipaḥ||20-18||

tadaṅgaṃ dakṣiṇe nātha bhavānībījamaṇḍalam|
yugmasvarasamākrāntaṃ vibhāvya yogirāḍ bhavet||20-19||

taddakṣiṇordhvakoṇe ca somabījamanuttamam|
vibhāvya jagatāmīśadarśanaṃ prāpnuyānnaraḥ||20-20||

tadūrdhve paramaṃ bījaṃ sākṣātkāraphalapradam|
māsaikabhāvanādeva devaloke gatirbhavet||20-21||

tadūrdhvakoṇagehe ca rukmiṇībījamadbhutam|
sādhanādeva siddhiḥ syāllakṣmīnātho bhavediha||20-22||

aṅgakrameṇa sarvatra jñeyaṃ svaravidhānakam|
yena tena svareṇāpi veṣṭitaṃ phalabījakam||20-23||

bhavatyeva mahādeva vāyusiddhyādikāraṇam|
aṣṭakoṇaṃ(ṇa)tale nātha ṣaṭkoṇe yoni santi vai||20-24||

tadbījāni satphalāni dhyātvā vāksiddhimāpnuyāt|
rephodrdhve kamalābījaṃ bhāvakalpadrumākaram||20-25||

sarvatra tejasā vyāptaṃ vibhāvya yoginīpatiḥ|
tadadhaḥ śītalābījaṃ vāmabhāgakrameṇa tu||20-26||

vibhāvya paramānandarase magno mahāsukhī|
tadadhaḥ kāmabījañca kāmanāphalasiddhidam||20-27||

yo japet paramānando nityajñānī ca vāyunā|
tadagre vedakoṇe ca vāruṇaṃ bījamuttamam||20-28||

vibhāvya bhāvako bhūtvā cirajīvī sa jīvati|
tadūrdhve pañcame koṇe vajrabījaṃ vakārakam||20-29||

aṣṭasiddhikaraṃ sākṣād bhajatāṃ śīghrasiddhidam|
ṣaṭkoṇe ca tadūrdhve ca surabījaṃ mahāphalam||20-30||

hṛdi yo bhāvayenmantrī tasya siddhiḥ pratiṣṭhitā|
aṣṭakoṇasyodrdhvadeśe varṇamālāvidhiṃ śṛṇu||20-31||

yena bhāvanamātreṇa sarvajño jagadīśvaraḥ|
o au pavargamevaṃ hi yo nityaṃ bhajate'niśam||20-32||

tasya siddhiḥ kṣaṇādeva vāyavīrūpabhāvanāt|
candrabījasyodrdhvadeśe vibhāti pūrṇatejasā||20-33||

ḷ e e tavargañca taddakṣiṇavidhānataḥ|
tejomayī vāyuśaktirdadāti sarvamaṅgalam||20-34||

ṭavargaṃ bhāvayenmantrī ṛ ṛ ḷ svarasaṃyutam|
aṣṭaiśvaryapradaṃ nityaṃ kamalāsanasiddhidam||20-35||

tadadho bhāvayed yastu sa bhavet kalpapādapaḥ|
bhavānībījarūpasya adho gehe vibhāvayet||20-36||

i ī yugmaṃ cavargañca bhāvayitvāmaro bhavet|
a ā i saṃyuto nātha kavargaṃ kurute jayam||20-37||

bhāvayet parayā bhaktyā so'bhīṣṭaṃ phalamāpnuyāt|
ityetat kathitaṃ nātha phalacakraṃ ca sāradam||20-38||

etaccakrabhāvanābhirmahāvidyāpatirbhavet|
kāmarūpe mahāpīṭhe liṅgapīṭhe prayatnataḥ||20-39||

ājñācakraṃ catuścakraṃ bhāvayitvā'maro bhavet|
mahāyogī hiraṇyākṣo māsaikabhāvanāvaśāt||20-40||

saptadvīpeśvaro bhūtvā ante viṣṇurbabhūva saḥ|
sthiracetāḥ sa yogī syāditi tantrārthaniścayaḥ||20-41||

etāni cakrasārāṇi ājñācakrasthitāni ca|
vibhāvya paramānandairātmasiddhirbhaved dhruvam||20-42||

sūkṣmavāyuprasādena cirajīvī bhavediha||20-43||

iti śrīrudrayāmale uttaratantre mahātantroddīpane bhāvapraśnārthanirṇaye pāśavakalpe phalacakrasārasaṅkete siddhamantraprakaraṇe caturvedollāse bhairavībhairavasaṃvāde|viṃśaḥ paṭalaḥ||20||

Kapitel 21

athaikaviṃśaḥ paṭalaḥ

śrībhairava uvāca

vada kānte rahasyaṃ me yena siddho bhavennaraḥ|
tatprakāraṃ viśeṣeṇa devānāmapi durlabham||21-1||

vīrabhāvasya māhātmyamakasmāt siddhidāyakam|
karuṇādṛṣṭirānandā yadi cedasti sundari||21-2||

ānandabhairavī uvāca

paramānandasārajño yogakṣetraprapālaka|
rahasyaṃ śṛṇu me nātha mahākālajña bhāvaga||21-3||

yogamārgānusāreṇa vīrabhāvaṃ śrayeta kaḥ|
ānandodrekapuñjaṃ tat śaktivedārthanirṇayam||21-4||

vedādhīnaṃ mahāyogaṃ yogādhīnā ca kuṇḍalī|
kuṇḍalyadhīnaṃ cittaṃ tu cittādhīnaṃ carācaram||21-5||

manasaḥ siddhimātreṇa śaktisiddhirbhaved dhruvam|
yadi śaktirvaśībhūtā trailokyañca tadā vaśam||21-6||

amaraḥ sa bhavedeva satyaṃ satyaṃ kuleśvara|
sahasraślokayogena vīrayogārthanirṇayam||21-7||

paṭalaikādaśa kṣemayogena yogamaṇḍalam|
ṣaṭcakrabodhinī vidyā sahasradalapaṅkajam||21-8||

kailāsākhyaṃ sūkṣmapathaṃ brahmajñānāya yoginām|
kathayāmi mahāvīra kramaśaḥ kramaśaḥ śṛṇu||21-9||

vīrāṇāmuttamānāñca bhraṣṭānāṃ prahitāya ca|
sākṣāt siddhikaraṃ yadyat tatsarvaṃ pravadāmi te||21-10||

yogaśāstrakrameṇaiva yaḥ siddhiphalamicchati|
sa siddho bhavati kṣipraṃ brahmamārge na saṃśayaḥ||21-11||

brahmavidyāsvarūpeṇa japahomārcanādikam|
kurute phalasiddhyai yaḥ sa brahmajñānavān śuciḥ||21-12||

ṣaṭcakrabhedane prītiryasya sādhanacetasaḥ|
saṃsāre vā vane vāpi siddho bhavati dhruvam||21-13||

ṣaṭcakrārthaṃ na jānāti yo bhajedambikāpadam|
tasya pāpaṃ kṣayaṃ yāti saptajanmasu siddhibhāk||21-14||

jñātvā ṣaṭcakrabhedañca yaḥ karma kurute'niśam|
saṃvatsarāt bhavet siddhiriti tantrārthanirṇayaḥ||21-15||

prasvedanaṃ samāpnoti māsatrayaniṣevaṇāt|
aṣṭamāsāt kalpa(mpa)nāśo vatsarāt khecarī gatiḥ||21-16||

prasvedamadhamaṃ proktaṃ kalpa(mpa)naṃ madhyamaṃ smṛtam|
bhūmerutthāpanaṃ nātha khecaratvaṃ mahāsukham||21-17||

dvātriṃśad granthibhedañca mūlādhārāvadhisthitam|
merudaṇḍāśritaṃ deśaṃ kṛtvā brahmamayo bhavet||21-18||

suṣumnā bāhyadeśe ca yad yad granthipadaṃ prabho|
kramaśaḥ kramaśo bhitvā khecaro bhavati dhruvam||21-19||

alpa(nya)kārye mano datvā dhyānajñānavivajītaḥ|
unmattaḥ sa bhavedeva śāstrāṇāṃ yogirāḍ bhavet||21-20||

himakundendudhavalāṃ bālāṃ śaktiṃ mahojjvalām|
kalikālaphalānandāṃ mūle dhyātvā bhaved vaśī||21-21||

mūlapadmaṃ(dme) mahājñānī dhyātvā cārucaturdale|
kapilākoṭidānasya phalaṃ prāpnoti yogirāṭ||21-22||

mūlapadme koṭicandrakalāyuktaṃ saraktakam|
galatsudhārasāmodavadanābjaṃ phalaṃ bhajet||21-23||

nirmalaṃ koṭivīrogratejasaṃ brahmarūpiṇam|
vāmapārśve kuṇḍalinyā vibhāvya śītalo bhavet||21-24||

tataḥ śrīyāmalaṃ vīraṃ tadākāraṃ tadudbhavam|
lalāṭavahnijaṃ devyā nāthaṃ bhajati yogirāṭ||21-25||

tatra padmapūrvadale sindhūrāruṇavigraham|
vakāraṃ koṭicapalāmālaṃ bhajati yogirāṭ||21-26||

tatpārśve śoṇitadale ājñācakraṃ manoramam|
yathā dhyānaṃ kuṇḍalinyā ājñācakre tathātra ca||21-27||

bhūmicakrakramaṃ nātha śṛṇu śaṅkara yoginām|
yaṃ dhyātvā siddhimāpnoti siddhidaṃ ṣaḍgṛhaṃ bhavet||21-28||

ṣaḍgṛhaṃ trikālāgehamekatrasthaṃ mahāprabham|
dhyāyed yoginīgehaṃ madhyagehe rabījakam||21-29||

vakāraṃ dakṣiṇe gehe hemamālinamañjanam|
ḍākinī paramābījaṃ brahmabījaṃ vibhāvayet||21-30||

vakāravāmapārśve ca yogināṃ yogasādhanam|
sadāśivamahābījaṃ vibhāvya yogirāḍ bhavet||21-31||

vaṃ bījaṃ vāruṇādhyakṣaṃ himakundendunirmalam|
tadviṣṇorjanmasaṃsthānaṃ sattvaṃ dravamupāśrayet||21-32||

tadūrdhvapūrvagehe ca laṃ bījamindrapūjitam|
vidyullatāhemavarṇaṃ vibhāvya yogināṃ patiḥ||21-33||

indrabījaṃ dakṣapārśve śrībījaṃ bindulāñchitam|
sthiravidyullatārūpamindrāṇyāḥ sādhu bhāvayet||21-34||

tadvāmapārśvabhāge ca praṇavaṃ brahmasevitam|
vibhāvya koṭimihiraṃ yogirāḍ bhavati dhruvam||21-35||

vaṃ bījādhomandire śrīvidyāyāḥ bījatejasam|
koṭisūryaprabhākāraṃ vibhāvya sarvago bhavet||21-36||

nijadevyā vāmabhāge adhaḥ kanakamandire|
śrīguro ramaṇaṃ bījaṃ dhyātvā vāgbhavamīśvaram||21-37||

nijadevyā dakṣapārśve dīrghapraṇavatejasam|
koṭisūryaprabhārūpaṃ dhyātvā yogī bhaved yatiḥ||21-38||

nijadevīṃ tatra padme manaḥsadvākyayogakaiḥ|
yathā dhyānaṃ tathā maunaṃ dhyānaṃ kuryājjagatpateḥ||21-39||

brahmaṇaḥ pūrakeṇaiva mahāyogakrameṇa tu|
sūkṣmavāyūdgamenāpi bhūmicakre japañcaret||21-40||

catuṣkoṇaṃ dharāyāstu navabhūmigṛhānvitam|
aṣṭagehaṃ vibhedyādau vasuśūnye yajed yatiḥ||21-41||

dharābījaṃ vāntavarṇaṃ śakreṇa paripūjitam|
vibhāvya kuṇḍalītattvaṃ sarvasiddhīśvaro bhavet||21-42||

bhajedindraṃ tatra nāke śvetakuñjaravāhanam|
caturbāhuṃ devarājaṃ vidyutpuñjaṃ bhavakṣayam||21-43||

ḍākinyā mandire kāntaṃ brahmāṇaṃ haṃsahaṃsagam|
navīnārkaṃ caturbāhuṃ caturvaktraṃ bhajed vaśī||21-44||

brahmāṇaṃ ḍākinīyuktaṃ sindūrāplutabhāskaram|
paramāmodamattaṃ taṃ vibhāvya yogirāḍ bhavet||21-45||

vidyullatāvadujjvalāṃ śrīdevaḍākinīṃ surāṭ|
abhīkṣāṃ(kṣṇāṃ) raktanayanāṃ haṃsasthāṃ bhāvayed vaśī||21-46 ||

haṃsodrdhve kamalābījaṃ sarvālaṅkārabhūṣitam|
mahālakṣmīsvarūpaṃ yattad bhajanti maharṣayaḥ||21-47||

indrapṛthvībījavāme praṇavaṃ brahmasevitam|
prāṇāyāmasiddhidaṃ yattad bhajanti maharṣayaḥ||21-48||

tadadhaḥ prāṇanilayaṃ pretabījaṃ śaśiprabham|
vibhāvya śivatulyaḥ syād bhūmicakre sadāśivaḥ||21-49||

tadadho vāgbhavaṃ dhyāyet koṭisaudāminīprabham|
gurubījaṃ bhūmicakre mahāvidyāgururbhavet||21-50||

dakṣiṇe madhyagehe ca śrīvidyānirmalaṃ padam|
vibhāvya mānasadhyānāt siddho bhavati sādhakaḥ||21-51||

taddakṣiṇe śeṣagehe praṇavāntaṃ manūttamam|
sarvādhāraṃ brahmaviṣṇuśivadurgāpadaṃ bhavet||21-52||

etat śrībhūmicakrārthaṃ sarvaṃ caitanyakārakam|
mūlādhārapūrvadale vakāraṃ vyāpya tiṣṭhati||21-53||

bhūmicakramaṇḍale tu vakārasthaṃ smaredyadi|
brahmāṇḍamaṇḍaleśaḥ syādaṇḍaṃ vyāpyaikapatrakam||21-54||

tadekapatraṃ padasya śoṇitaṃ nirmaladyutim|
tanmadhyānte bhūmicakre madhye vaṃ bhāvayed vaśī||21-55||

etaccakraprasādena varuṇo madirāpatiḥ|
amṛtānandahṛdayaḥ sarvaiśvaryānvito bhavet||21-56||

dvitīye dakṣiṇe patre vāntabījaṃ mahāprabham|
mano vidhāya yogīndro dhyāyed yogārthasiddhaye||21-57||

tatra dhyāyet svargacakraṃ svargaśobhāsamākulam|
vibhāvya svarganāthaḥ syāddevendrasadṛśo bhuvi||21-58||

pañcakoṇaṃ vibhedyāpi pañcakoṇaṃ vibhāti yat|
tanmadhye vṛttayugalaṃ tatra ṣaṭkoṇagaṃ bhajet||21-59||

etat svargākhyacakraṃ tu bhūpuradvayamadhyake|
dakṣiṇottarapatrasthe vibhāvya vāntamīśvaram||21-60||

ṣaṭkoṇāntargataṃ vāntaṃ vidyutkoṭisamaprabham|
tamāśritya surāḥ sarve daśakoṇe vaśanti te||21-61||

pūrvakoṇe mahendraśca sarvadevasamāsthitaḥ|
indrāṇī sahitaṃ dhyātvā yogīndro bhavati dhruvam||21-62||

taddakṣiṇe raktakoṇe vahniṃ svāhānvitaṃ smaret|
koṭikālānalālolaṃ parivāragaṇānvitam||21-63||

taddakṣiṇe kāmarūpī bhāti śaktiyutaḥ prabhuḥ|
parivārānvitaṃ dhyātvā taṃ mṛtyu(tyuṃ)vaśamānayet||21-64||

nairṛtaṃ vidyudākāraṃ kandarpadamanaṃ priyam|
śaktiyuktaṃ svarānandaṃ vibhāvya yoginīpatiḥ||21-65||

tadadho varuṇaṃ dhyātvā suśaktiparilālitam|
jalānāmadhipaṃ sattvaṃ nityasattvaśriyo bhavet||21-66||

tadvāme marutaḥ koṇaṃ marudgaṇavibhākaram|
vāyusthānaṃ layasthānaṃ vāyuvyāptaṃ bhavet sudhīḥ||21-67||

tatpaścād gaṇanāthañca mattaṃ śaktisamanvitam|
parivāragaṇānandaṃ vibhāvya syād gaṇeśvaraḥ||21-68||

tatpaścāt paramaṃ sthānamīśaṃ śaktisamanvitam|
parivārānvitaṃ dhyātvā kāmarūpī bhavedyatiḥ||21-69||

tatpaścāt koṇagehe ca candrasūryāgnitejasam|
ekarūpamūdrdhvasaṃsthaṃ brahmāṇaṃ bhāvayedyatiḥ||21-70||

indravāmakoṇagehe anantaṃ vahnirūpiṇam|
anantasadṛśaṃ dhyātvā anantasadṛśo bhavet||21-71||

etat svacakramadhye tu vṛttayugmaṃ mahāprabham|
sarvadā vahninā vyāptaṃ jvaladagniṃ vibhāvayet||21-72||

vṛttamadhye ca ṣaṭkoṇaṃ koṇe koṇe ripukṣayam|
lobhamohādiṣaṭkañca haret ṣaṭkoṇasṃsthitān||21-73||

lobhaṃ harati indrāṇī(gnī) mohaṃ harati daṇḍadhṛk|
kāmaṃ nairṛtavaruṇau krodhaṃ vāyuśca yoginām||21-74||

madaṃ haredadhīśaśca brahmānantau hi yoginām|
mātsaryaṃ saṃharatyeva māsatrayaniṣevaṇāt||21-75||

ṣaṭkoṇamadhyadeśasthaṃ vāntabījaṃ śaśiprabham|
svarṇālaṅkārajaḍitaṃ bhāvayed yogasiddhaye||21-76||

sadā vyāptaṃ kuṇḍalinyā pālitaṃ maṇḍitaṃ sudhīḥ|
taile yathā dīpapuñjaṃ vibhāvya yogirāḍ bhavet||21-77||

svayaṃbhūliṅgaṃ tatraiva vibhāvya candramaṇḍalam|
āplutaṃ kārayenmantrī kuṇḍalīsahitaṃ vaśī||21-78||

evaṃ krameṇa siddhaḥ syāt kuṇḍalyākuñcanena ca|
sadābhyāsī mahāyogī saṃsthāpya vāyavīṃ tataḥ||21-79||

vāyavyābhāsayuktena etaccakrāśrayeṇa ca|
mūko'pi vākpatirbhūyāt phalabhāgī dine dine||21-80||

tṛtīyadalamāhātmyaṃ yogijñānodayaṃ param|
bhāvasiddhirbhavettasya yo bhajedātmacintanam||21-81||

dalamadhye tulācakraṃ catuṣkoṇo gṛhāṇi ca|
dvātriṃśad granthirūpāṇi santi granthivibhedane||21-82||

tulācakrasya nāḍībhirdvātriṃśad granthibhedanam|
galadeśāvadhi dhyānaṃ merumadhye prakārayet||21-83||

dvātriṃśadgranthigehasya madhye vṛttatrayaṃ śubham|
tanmadhye ca trikoṇe ca khaṃ mūrddhanyaṃ bhajed vaśī||21-84||

etadgehe vibhāvyāni varṇajālaphalāni ca|
dakṣiṇāvartayogena vibhāvya vākpatirbhavet||21-85||

akāramādyagehe ca anusvāraṃ dvitīyake|
visargaṃ tu tṛtīye ca yo bhajetsa bhavedvaśī||21-86||

etadanyamandireṣu kādihāntaṃ vibhāvayet|
vādisāntaṃ varjayitvā sabinduṃ sa bhavedvaśī||21-87||

ājñācakre yathānāmaphalaṃ prāpnoti sādhakaḥ|
varṇānāṃ mūlapadme tu tatphalaṃ hi tulāgṛhe||21-88||

bhajenmadhyaṃ sakārasya trivṛttastha trikoṇake|
jvālāmālasahasrāḍhyaṃ svarṇālaṅkṛtamāśrayet||21-89||

pratyekavarṇapuṭitaṃ tulācake ca maunavān|
maunaṃ japaṃ yaḥ karoti ṣakāraṃ vyāpya yogirāṭ||21-90||

etadyogaprasādena caitanyā kuṇḍalī bhavet|
vāksiddhiśca bhavettasya tāpatrayavināśinī||21-91||

siddhirmantrasya varṇānāṃ japamātreṇa śaṅkara|
tulācakrāntarasthānaṃ vibhāvya mantrasiddhibhāk||21-92||

etaccakraṃ vinā nātha kuṇḍalī nāpi siddhyati|
bhāvajñānaṃ binā kutra yogī bhavati bhārate||21-93||

athānyadalamāhātmyaṃ śṛṇu vakṣyāmi tattvataḥ|
yogasañcārasāraṃ yat kuṇḍalīśaktisādhanam||21-94||

śaktibījaṃ binduyuktam aṣṭakoṇasthanirmalam|
vidyutpuñjaṃ svarṇamālāveṣṭitaṃ bhāvayedyatiḥ||21-95||

catuṣkoṇaṃ vibhedyāpi catuṣkoṇaṃ manoharam|
tanmadhye ca catuṣkoṇaṃ sabījaṃ bhāvayettataḥ||21-96||

koṭisūryasamāṃ devīṃ kuṇḍalīdevamātaram
pādāṅguṣṭhāvadhiṃ dhyātvā sarvasiddhīśvaro bhavet||21-97||

yadi vāricakramadhye dhyānaṃ kurvanti mānuṣāḥ|
amarāḥ sattvayogasthāḥ ṣaṭcakraphalabhoginaḥ||21-98||

taccatuṣkaṃ samāvāpya vārivyāptaṃ sunirmalam|
vāmāvartasthitaṃ dhyāyet saptakhaṇḍaṃ mahābalī||21-99||

saptavṛttopari dhyāyed dalaṣoḍaśapaṅkajam|
dale dale mahātīrthaṃ siddho bhavati niścitam||21-100||

tīrthamālāvṛtaṃ nātha dalaṃ ṣoḍaśa śobhitam|
tadekapatra(dma)madhye tu bhāti vidyullatānvitam||21-101||

pūrvādau dakṣiṇe pātu tīrthamālāphalaṃ śṛṇu|
yeṣāṃ darśanamātreṇa jīvanmuktastu sādhakaḥ||21-102||

gaṅgā godāvarī devī gayā guhyā mahāphalā|
yamunā koṭiphaladā buddhidā ca sarasvatī||21-103||

maṇidvīpaṃ śvetagaṅgā mahāpuṇyā mahāphalā|
śvetagaṅgā mahāpuṇyā bhargagaṅgā mahāphalā||21-104||

svargagaṅgā mahākṣetraṃ puṣkaraṃ tīrthapāraṇam|
kāverī sindhupuṇyā ca narmadā śubhadā sadā||21-105||

aṣṭakoṇe aṣṭasiddhiṃ vāripūrṇāṃ phalodayām|
saptakoṇe saptasindhuṃ pūrvādau bhāvayed yatiḥ||21-106||

lavaṇekṣusurāsapīrdadhidugdhajalāntakāḥ|
sakāraṃ vyāpya tiṣṭhanti mahāsattvaṃ smared yatiḥ||21-107||

madhye catuṣke śaktiñca koṭisaudāminītanuḥ|
vibhāvya vāricakre tu koṭividyāpatirbhavet||21-108||

śaktibījaṃ vāmabhāge ādyā prakṛtisundarī|
vibhāti kāmanāśāya yoginī sā satāṅgatiḥ||21-109||

śaktibījaṃ dakṣiṇe ca puṅkalā puṃśivātmakam|
sadā bhāvanarūpābhaṃ yo bhajedīśasiddhaye||21-110||

śaktibījasyodrdhvabhāge pūrṇacandramanoharam|
bhajanti sādhavaḥ sarve dharmakāmārthasiddhaye||21-111||

śaktibījatale gehe śrīsūryaṃ kālavahnijam|
ulkākoṭisamaṃ dhyātvā vāñchātiriktamāpnuyāt||21-112||

vāricakraprasādena cirajīvī bhavennaraḥ|
bhūmau mahākālarūpī mūlādhāre catudrdale||21-113||

catudrdalaśeṣadale vāricakraṃ saṣāntakam(?)|
koṭisaudāminībhāsaṃ vibhāvya yogirāḍ bhavet||21-114||

iti śrīrudrayāmale uttaratantre mahātantroddīpane bhāvārthanirṇaye pāśavakalpe|mūlapadmollāse bhūmicakra--svargacakra--tulācakra-- vāricakrasārasaṅkete|siddhamantraprakaraṇe bhairavabhairavīsaṃvāde ekaviṃśaḥ paṭalaḥ||21||

Kapitel 22

atha dvāviṃśaḥ paṭalaḥ

śrīānandabhairavī uvāca

śṛṇu śambho pravakṣyāmi ṣaṭcakrasya phalodayam|
yajjñātvā yoginaḥ sarve ciraṃ tiṣṭhanti bhūtale||22-1||

mūlādhāraṃ mahāpadmaṃ caturdalasuśobhitam|
vādisāntaṃ svarṇavarṇaṃ śaktibrahmapadaṃ vrajet||22-2||

kṣityaptejomarudvyomamaṇḍalaṃ ṣaṭsu paṅkaje|
krameṇa bhāvayenmantrī mūlavidyāprasiddhaye||22-3||

mūlapadmodrdhvadeśe ca svādhiṣṭhānaṃ mahāprabham|
ṣaḍdalaṃ rākiṇīṃ viṣṇuṃ kaṇīkāyāṃ smaredyatiḥ||22-4||

ṣaḍdalaṃ bādilāntaṃ ca varṇaṃ dhyātvā surādhipaḥ|
kandarpavāyunā vyāptaliṅgamūle bhajedyatiḥ||22-5||

tadūrdhve nābhimūle ca maṇikoṭisamaprabham|
daśadalaṃ yogadharmaṃ ḍādiphāntārthagaṃ bhajet||22-6||

lākinīsahitaṃ rudraṃ dhyāyedyogādisiddhaye|
mahāmokṣapadaṃ dṛṣṭvā jīvanmukto bhaved dhruvam||22-7||

bandhūkapuṣpasaṅkāśaṃ daladvādaśaśobhitam|
kādiṭhāntārṇasahitamīśvaraṃ kākinīṃ bhajet||22-8||

tadūrdhve ṣoḍaśollāsapade sākṣāt sadāśivam|
mahādevīṃ sākinīgaṃ kaṇṭhe dhyātvā śivo bhavet||22-9||

viśuddhākhyaṃ mahāpuṇyaṃ dharmārthakāmamokṣadam|
dhūmradhūmākaraṃ vidyutpuñjaṃ bhajati yogirāṭ||22-10||

ājñānāmotpalaṃ śubhraṃ himakundendumandiram|
haṃsasthānaṃ bindupadaṃ dvidalaṃ bhrūkuṭe bhajet||22-11||

lakṣavarṇadvayāḍhyaṃ yad binduyuktaṃ manolayam|
tayoḥ strīpuṃprakṛtyākhyaṃ koṭicandrojjvalaṃ bhajet||22-12||

kaṇṭhe ṣoḍaśapatre ca ṣoḍaśasvaraveṣṭitam|
akārādivisargāntaṃ vibhāvya kuṇḍalīṃ nayet||22-13||

ājñācakre samānīya koṭicandrasamodayām|
kaṇṭhādhārāṃ kuṇḍalinīṃ jīvanmukto bhavediha||22-14||

yadi śvāsaṃ na tyajati bāhyacandramasi prabho|
bhrūmadhye candranikare tyaktvā yogī bhavediha||22-15||

sūkṣmavāyūdgamenaiva tyajed vāyuṃ muhurmuhuḥ|
sahasrādāgataṃ mūle mūlāttatraivamānayet||22-16||

candraḥ sūrye layaṃ yāti sūryaścandramasi prabho|
yo bāhye nānayet śabdaṃ tasya binducayo bhavet||22-17||

yāvad bāhye candramasi mano yāti raviplute|
antargate candrasūrye na tasya duritaṃ tanau||22-18||

kevalaṃ sūkṣmavāyusthaṃ vāyavīśaktilālitam|
mānasaṃ yaḥ karotīti tasya yogādivarddhanam||22-19||

prāpte yajñopavīte yaḥ śrīdharo brāhmaṇottamaḥ|
yogābhyāsaṃ sadā kuryāt sa bhavedyogivallabhaḥ||22-20||

yāvatkālaṃ sthitaṃ binduṃ bālyabhāve yathā yathā|
tathā tathā yogamārgaṃ bindupātānmariṣyati||22-21||

tathāpi yadi māsaṃ vā pakṣaṃ vā daśabhidīnam|
yadi tiṣṭhati bindūgraḥ sākṣādabhyāsato jayī||22-22||

kāmānalamahāpīḍāviśiṣṭaḥ puruṣo yadā|
tatkāmādisaṃharaṇe vinā yogena kaḥ kṣamaḥ||22-23||

samasaṃsargagūḍhena kāmo bhavati niścitam|
tatkāmāt krodha utpanno mahāśatruvīnāśakṛt||22-24||

krodhād bhavati sammohaḥ sammohāt smṛtivibhramaḥ|
smṛtibhraṃśād buddhināśo buddhināśād vināśanam||22-25||

ataḥ sambuddhimādhārya mūlādibrahmamaṇḍale|
dhyātvā śrīnāthapādābjaṃ siddho bhavati sādhakaḥ||22-26||

īśvarasya kṛpācinhamādau śāntirbhaved hṛdi|
śāntibhirjāyate jñānaṃ jñānānmokṣamavāpnuyāt||22-27||

śāntivīdyā pratiṣṭhā ca nivṛttiriti tāḥ smṛtāḥ|
caturvyūhastato devaḥ procyate parameśvaraḥ||22-28||

idaṃ jñānamidaṃ jñeyamiti cintāsamākulāḥ|
paṭhantyahanīśaṃ śāstraṃ paratattvaparāṅmukhāḥ||22-29||

śiro vahati puṣpāṇi gandhaṃ jānāti nāsikā|
paṭhanti mama tantrāṇi durlabhā bhāvabodhakāḥ||22-30||

yajñopavītakāle tu paśubhāvāśrayo bhavet|
yāvadyogaṃ na samprāptaṃ tāvad vīrācaraṃ na ca||22-31||

ācāro vinayo vidyā pratiṣṭhā yogasādhanam|
tasyaiva jāyate siddhiriṣṭapādāmbuje matiḥ||22-32||

deve gurau mahābhaktiryasya nityaṃ vivardhate|
saṃvatsarāttasya siddhirbhavatyeva na saṃśayaḥ||22-33||

vedāgamapurāṇānāṃ sāramālokya yatnataḥ|
manaḥ saṃsthāpayediṣṭapādāmbhoruhamaṇḍale||22-34||

cetasi kṣetrakamale ṣaṭcakre yoganirmale|
mano nidhāya maunī yaḥ sa bhaved yogavallabhaḥ||22-35||

manaḥ karoti karmāṇi mano lipyati pātake|
manaḥsaṃyamanī bhūtvā pāpapuṇyairna lipyate||22-36||

śrī bhairava uvāca

vada kānte rahasyaṃ me yena siddho bhavennaraḥ|
tatprakāraṃ viśeṣeṇa yogināmapyagocaram||22-37||

yatraiva gopayedyadyadānandena nirīkṣayet|
pūjayed bhāvayeccaiva varjayenna jugupsayet||22-38||

krameṇa vada tattvañca yadi sneho'sti māṃ prati|
na jñātvāpi ca bhūtattvaṃ yogī mohāśrito bhavet||22-39||

ānandabhairavī uvāca

trailokye yogayogyo'si ṣaṭcakrabhedane rataḥ|
tvameva paramānanda mahādhiṣṭhānanirmala||22-40||

saṅghātayenmahāvīra etāndoṣān mahābhayān|
kāmakrodhalobhamohamadamātsaryasañjñakān||22-41||

saṅghātayenmahāvīro vikāraṃ cendriyodbhavam|
nidrā--lajjā--daurmanasyaṃ daśakālānalān prabho||22-42||

saṅgopayenmahāvīro mahāmantraṃ kulakriyām|
mudrākṣasūtratantrārthaṃ gopināṃ vīrasaṅgamam||22-43||

atyācāraṃ bhairavāṇāṃ yoginīnāṃ ca sādhanam|
nāḍīgrathanamānañca gopayenmātṛjāravat||22-44||

na nindet prāṇanidhane devatāṃ gurumīśvaram|
surāṃ vidyāṃ mahākṣetraṃ pīṭhaṃ yogādhikāriṇam||22-45||

yoginī jaḍamunmattaṃ janmakarmakulakriyām|
prayoge dharmakartāraṃ na nindet prāṇasaṃsthitau||22-46||

patnīṃ bhrātṛvadhūñcaiva bauddhācārañca yoginīm|
karma śubhāśubhañcaiva mahāvīro na nindayet||22-47||

nirīkṣayenna kadāpi kanyāyoniṃ dine ratim|
paśukrīḍāṃ digvasanāṃ kāminīṃ prakaṭastanīm||22-48||

vigrahaṃ dyūtapāśārthaṃ klībaṃ viṣṭhādikaṃ śucau|
abhicārabhārañca kriyāmapramattasya nekṣayet||22-49||

pūjayetparayā bhaktyā devatāṃ gurumīśvaram|
śaktiṃ sādhumātmarūpaṃ sthūlasūkṣmaṃ prayatnataḥ||22-50||

atithiṃ mātaraṃ siddhaṃ pitaraṃ yoginaṃ tathā|
pūjayet parayā bhaktyā siddhamantraṃ susiddhaye||22-51||

bhāvayedekacittena sādhūktaṃ yogasādhanam|
gurorvākyopadeśaṃ ca svadharmaṃ tīrthadevatām||22-52||

kulācāraṃ vīramantramātmānaṃ parameṣṭhinam|
bhāvayedvidhividyāṃ ca tantrasiddhārthanirṇayam||22-53||

varjayet sādhakaśreṣṭho'gamyāgamanādikam|
dhūrtasaṅgaṃ vañcakañca pralāpamanṛtāśubham||22-54||

varjayet pāpagoṣṭhīyamālasyaṃ bahujalpanam|
avedakarmasañcāraṃ gosavaṃ brāhmaṇasya ca||22-55||

jugupsayenna kadāpi viṇmūtraṃ kledaśoṇitam|
hīnāṅgīṃ piśitaṃ nātha kapālāharaṇādikam||22-56||

surāṃ gopālanañcaiva nijapāpaṃ riporbhayam|
jugupsayenna sudharmmaṃ yadi siddhimihecchati||22-57||

samayācāramevedaṃ yogināṃ vīrabhāvinām|
gurvājñayā yaḥ karoti jīvanmukto bhaved bhuvi||22-58||

vṛthā dharma vṛthā caryaṃ vṛthā dīkṣā vṛthā tapaḥ|
vṛthā sukṛtamākhyeti gurvājñālaṅghanaṃ nṛṇām||22-59||

brāhmaṇakṣatriyādīnāmādau yogādisādhanam|
paścāt kulakriyā nātha yogavidyāprasiddhaye||22-60||

vinā bhāvena vīreṇa pūrṇayogī kuto bhavet|
ādau kuryāt paśorbhāvaṃ paścāt kulavicāraṇam||22-61||

mama tantre mahādeva kevalaṃ sāranirṇayam|
akasmād bhaktisiddhyarthaṃ kulācāraṃ ca yoginām||22-62||

brāhmaṇānāṃ kulācāraṃ kevalaṃ jñānasiddhaye|
jñānena jāyate yogī yogādamaravigrahaḥ||22-63||

bhūtvā yogī kulīnaśca yogābhyāsamahanīśam|
ṣaṭcakraṃ bhūtanilayaṃ bhāvayed bhāvasiddhaye||22-64||

mūlapadmasyodrdhvadeśe liṅgamūle mahāśuciḥ|
svādhiṣṭhāne mahāpadmaṃ paddale vāyunā yajet||22-65||

etat ṣaḍdalavarṇānāṃ bhāvanāṃ yaḥ karoti hi|
tasya sākṣād bhavedviṣṇuḥ rākiṇīsahitaḥ prabho||22-66||

svādhiṣṭhānaṣaḍdalasya kaṇīkāmadhyamaṇḍale|
dalāṣṭakaṃ bhāvayitvā nāgayuktaṃ sa īśvaraḥ||22-67||

aṣṭau nāgā aṣṭadale pratibhānti yathāruṇāḥ|
jalasyopari padme ca dhyāyettannāgavallabhām||22-68||

anantaṃ vāsukiṃ padmaṃ mahāpadmaṃ ca takṣakam|
kulīraṃ karkaṭaṃ śaṅkhaṃ dakṣiṇādau dale bhajet||22-69||

aṣṭadalopari dhyāyet kaṇīkāvṛttayugmakam|
tadūrdhve ṣaḍdalaṃ vādilāntayuktaṃ sabindukam||22-70||

pūrvādikramayogena dakṣiṇāvarttavāyunā|
punaḥ punaḥ kumbhayitvā dhyāyet ṣaḍvarṇavāyavīm||22-71||

keśaraṃ yugalaṃ dhyāyet kulordhve sākṛtiṃ mudā|
aṣṭadale ṣaḍdale ca vibhāvya yogirāḍ bhavet||22-72||

aṣṭadalasyordhvadeśe vṛttayugmaṃ manoharam|
tasyopari punardhyāyet ṣaḍdale vādilāntakam||22-73||

dalāṣṭakādho dhyāyedyo vṛttayugmaṃ manoharam|
vṛttādhomaṇḍalākāraṃ vaṃ bījaṃ vyāpya tiṣṭhati||22-74||

vṛttalagnaṃ samāvyāptaṃ yaṃ bījaṃ vidyudākaram|
koṭisūryasamābhāsaṃ vibhāvya yogināṃ patiḥ||22-75||

yāntabījakalānāṃ tu adhaḥ ṣaṭkoṇamaṇḍalam|
ṣaṭkoṇe dakṣiṇādau ca bhāvayed yādilāntakam||22-76||

tatṣaṭkoṇamadhyadeśe ṣaṭkoṇaṃ dhūmra maṇḍalam|
tatkoṇe dakṣiṇādau ca dravyādiṣaṭkamāśrayet||22-77||

dravyaṃ guṇāstathā karma sāmānyaṃ saviśeṣakam|
samavāyaṃ krameṇaiva ṣaṭkoṇeṣu vibhāvayet||22-78||

pūrvādikramayogena dakṣiṇāvartavāyunā|
sarvatra bhāvayenmantrī kumbhayitvā punaḥ punaḥ||22-79||

dravyaṣaṭkoṇamadhye tu ṣaṭkoṇaṃ cārutejasam|
koṇe koṇe ca ṣaḍvargān bhāvayet sthiracañcalān||22-80||

tanmadhye ca trikoṇe ca rākiṇīsahitaṃ harim|
koṭicandramarīcisthaṃ dhyāyedyogī viśāladhīḥ||22-81||

ṣaḍdalāntargataṃ padmaṃ yogināmapi sādhanam|
yo nityaṃ kurute'bhyāsaṃ tasya yogaḥ prasiddhyati||22-82||

etaccakraprasādena nīrogī nirahaṅkṛtaḥ|
sarvajño bhavati kṣipraṃ śrīnāthapadabhāvanāt||22-83||

jyotīrūpaṃ yogamārgaṃ sūkṣmātisūkṣmanirmalam|
trailokyakāmanāsiddhiṃ ṣaṭcakre bhāvayeddharim||22-84||

yo hariḥ śeṣaśambhuśca yaḥ śambhuḥ sūkṣmarūpadhṛk|
sūkṣmarūpasthito brahmā brahmādhīnamidaṃ jagat||22-85||

ekamūtīstrayo devā brahmaviṣṇupitāmahāḥ|
mama vigrahasṃśliṣṭāḥ sṛjatyavati hanti ca||22-86||

prāṇāyāmodgatā ete yogavighnakarāḥ sadā|
prāṇāyāmena niṣpīḍya prasabhaṃ siddhimāpnuyāt||22-87||

akāraṃ brahmaṇo varṇaṃ śabdarūpaṃ mahāprabham|
praṇavāntargataṃ nityaṃ yogapūrakamāśrayet||22-88||

ukāraṃ vaiṣṇavaṃ varṇaṃ śabdabhedinamīśvaram|
praṇavāntargataṃ sattvaṃ yogakumbhakamāśrayet||22-89||

makāraṃ śāmbhavaṃ rūpaṃ bījabhūtaṃ vidhūdgatam|
praṇavāntasthitaṃ kālaṃ layasthānaṃ samāśrayet||22-90||

varṇatrayavibhāgena praṇavaṃ parikalpitam|
praṇavājjāyate haṃso haṃsaḥ so'haṃ paro bhavet||22-91||

so'haṃ jñānaṃ mahājñānaṃ yogināmapi durlabham|
nirantaraṃ bhāvayedyaḥ sa eva paramo bhavet||22-92||

haṃ pumān śvāsarūpeṇa candreṇa prakṛtistu saḥ|
etaddhaṃsaṃ vijānīyāt sūryamaṇḍalabhedakam||22-93||

viparītakrameṇaiva so'haṃ jñānaṃ yadā bhavet|
tadaiva sūryagaḥ siddhaḥ svadhāsvaraprapūjitaḥ||22-94||

hakārārṇaṃ sakārārṇaṃ lopayitvā tataḥ param|
sandhiṃ kuryāttataḥ paścāt praṇavo'sau mahāmanuḥ||22-95||

etad haṃsaṃ mahāmantraṃ svādhiṣṭhāne manogṛhe|
manorūpaṃ bhajedyastu sa bhavet sūryamadhyagaḥ||22-96||

haṃsaṃ sūrya vijānīyāt so'haṃ candro na saṃśayaḥ|
viparīto yadā bhūyāttadaiva mokṣabhāg bhavet||22-97||

yadi haṃsamanorūpaṃ svādhiṣṭhāne hareḥ pade|
vibhāvya śrīguroḥ pāde nīyate nātra saṃśayaḥ||22-98||

so'haṃ yadā śaktikūṭaṃ akārākārasampuṭam|
kṛtvā japati yo jñānī sa bhavet kalpapādapaḥ||22-99||

japahomādikaṃ sarvaṃ haṃsena yaḥ karoti hi|
tadaiva candrasūrya syāt haṃsamantraprasādataḥ||22-100||

etajjapaṃ mahādeva dehamadhye karomyaham|
ekaviṃśasahasrāṇi ṣaṭśatāni ca haṃmanuḥ||22-101||

puṃrūpeṇa hakārañca strīrūpeṇa sakārakam|
japtvā rakṣāṃ karotīha candrabinduśatena ca||22-102||

praṇavāntaṃ mahāmantraṃ nityaṃ japati yo naraḥ|
vāyusiddhirbhavettasya vāyavī sukṛpā bhavet||22-103||

bṛhad haṃsaṃ pravakṣyāmi yena siddho bhavennaraḥ|
kāmarūpī kṣaṇādeva vāksiddhiriti niścitam||22-104||

ādau praṇavamuccārya tato haṃsapadaṃ likhet|
tatpaścāt praṇavaṃ jñeyaṃ tataḥ parapadaṃ smaret||22-105||

tarpayāmi padasyānte praṇavaṃ phaḍiti smaret|
etaddhi haṃsamantrastu vīrāṇāmudayāya ca||22-106||

bṛhad haṃsaprasādena ṣaṭcakrabhedako bhavet|
ṣaṭcakre ca praśaṃsanti sarve devāścarācarāḥ||22-107||

yogasiddhiṃ vighātāya bhramanti yoginastanau|
yadi haṃsaṃ bṛhaddhaṃsaṃ japanti vāyusiddhaye||22-108||

tadā sarve palāyante rākṣasānmānuṣā yathā||22-109||

iti śrīrudrayāmale uttaratantre mahātantroddīpane bhāvanirṇaye pāśavakalpe ṣaṭcakrasārasaṅkete yogaśikṣāvidhinirṇaye siddhamantraprakaraṇe|
bhairavībhairavasaṃvāde dvāviṃśaḥ paṭalaḥ||22||

Kapitel 23

Shiva und Shakti – göttliches Bewusstsein und seine schöpferische Kraft.

atha trayoviṃśaḥ paṭalaḥ

śrībhairavī uvāca

athātaḥ sampravakṣyāmi brahmamārgamanuttamam|
yad yajjñātvā surāḥ sarve jayākhyāḥ paramaṃ jaguḥ||23-1||

na tantejaḥprakāśāya mahatāṃ dharmavṛddhaye|
yogāya yogināṃ deva bhakṣaprasthanirūpaṇam||23-2||

yogābhyāsaṃ yaḥ karoti na jānātīha bhakṣaṇam|
koṭivarṣasahasreṇa na yogī bhavati dhruvam||23-3||

ato vai bhakṣamāhātmyaṃ pravadāmi samāsataḥ|
yajjñātvā siddhimāpnoti svādhiṣṭhānādibhedanam||23-4||

ādau vivekī yo bhūyād bhūtale parameśvara|
sa eva bhakṣaniyamaṃ gṛhe'raṇye samācaret||23-5||

vāyvāsanadṛḍhānandaparamānandanirbharaḥ|
mitāhāraṃ sadā kuryāt pūrakāhlādahetunā||23-6||

tadā pūrakasiddhiḥ syād bhakṣaṇādinirūpaṇāt|
udaraṃ pūrayennityaṃ kumbhayitvā punaḥ punaḥ||23-7||

nijahastapramāṇābhiḥ pūrayet pūrṇameva ca|
tatpūrayet sthāpayennātha viśvāmitrakapālake||23-8||

haṃsadvādaśavāreṇa śilāyāmapi gharṣayet|
nityaṃ tatpātrapūrṇaṃ ca pākenaikena bhakṣayet||23-9||

taṇḍulān śālisambhūtānkapālaprasthapūrṇakān|
dine dine kṣayaṃ kuryād bhakṣaṇādiṣu karmasu||23-10||

haṃsadvādaśavāreṇa japena saṃkṣayaṃ caret|
śilāyāṃ tatkapālaṃ ca varddhayet pūrakādikam||23-11||

yāvatkālaṃ kṣayaṃ yāti nijabhakṣaṇanirṇayam|
tatkālaṃ vāyunāpūrya nodaraṃ kākacañcubhiḥ||23-12||

ākuñcayet sadā mūle kuṇḍalī bhakṣadhāraṇāt|
tatrasampūrayedyogī bhakṣaprasthāvanāśanāt||23-13||

kālakrameṇa tat siddhimavāpnoti jitendriyaḥ|
yatsthānaṃ bhakṣaṇasyaiva tatsthāne pūrayetsukham||23-14||

punaḥ punarbhakṣaṇena bhakṣasiddhimupaiti hi|
vinā pūrakayogena bhakṣaṇaṃ nāpi siddhyati||23-15||

athavānyaprakāreṇa bhakṣatyāgaṃ vinirṇayam|
yena hīnā na siddhyanti nāḍīcakrasthadevatāḥ||23-16||

dvātriṃśad grāsamādāya triparvvaṇi yathāsthitam|
arddhagrāsaṃ vihāyāpi nityaṃ bhakṣaṇamācaret||23-17||

sadā sampūrayed vāyuṃ bhāvako gatabhīrmahān|
bhakṣasthāne samāyojya pibed vāyumahanīśam||23-18||

catuḥṣaṣṭidine sarvaṃ kṣayaṃ kṛtvā tataḥ sudhīḥ|
payobhakṣaṇamākuryāt sthiracetā jitendriyaḥ||23-19||

payaḥ pramāṇaṃ vakṣyāmi hastaprasthatrayaṃ trayam|
śanaiḥ śanaivījetavyāḥ prāṇā mattagajendravat||23-20||

ṣaṇmāsājjāyate siddhiḥ pūrakādiṣu lakṣaṇam|
krameṇāṣṭāṅgasiddhiḥ syāt yatīnāṃ kāmarūpiṇām||23-21||

baddhapadmāsanaṃ kṛtvā vijayānandananditaḥ|
dhārayenmārutaṃ mantrī mūlādhāre manolayam||23-22||

athāsanaprabhedañca śṛṇu matsiddhikāṅkṣaṇām|
yena vinā pūrakāṇāṃ siddhibhāk na mahītale||23-23||

adho muṇḍāsanaṃ vakṣye sarveṣāṃ prāṇināṃ sukham|
ūdrdhvamārge padaṃ dattvā dhārayenmārutaṃ sudhīḥ||23-24||

sarvāsanānāṃ śreṣṭhaṃ hi ūdrdhvapādo yadā caret|
tadaiva mahatīṃ siddhiṃ dadāti vāyavī kalā||23-25||

etatpadmāsanaṃ kuryāt prāṇavāyuprasiddhaye|
śubhāsanaṃ tadā dhyāyetpūrayitvā punaḥ punaḥ||23-26||

ūrumūle vāmapādaṃ punastaddakṣiṇaṃ padam|
vāmorau sthāpayitvā ca padmāsanamitismṛtam||23-27||

savyapādasya yogena āsanaṃ parikalpayet|
tadaikāsanakāle tu dvitīyāsanamābhavet||23-28||

pṛṣṭhe karadvayaṃ nītvā vṛddhāṅguṣṭhadvayaṃ sudhīḥ|
kāyasaṅkocamākṛtya dhṛtvā baddhāsano bhavet||23-29||

baddhapadmāsanaṃ kṛtvā vāyubaddhaṃ punaḥ punaḥ|
cibukaṃ sthāpayedyatnād hlāditejasi bhāskare||23-30||

ityāsanaṃ hi sarveṣāṃ prāṇināṃ siddhikāraṇam|
vāyuvaśyāya yaḥ kuryāt sa yogī nātra saṃśayaḥ||23-31||

svabhāvasiddhikaraṇaṃ sarveṣāṃ svastikāsanam|
vāmapādatale kuryātpādadakṣiṇameva ca||23-32||

savyāpasavyayogena āsanadvayameva ca|
sarvatraivaṃ prakāraṃ ca kṛtvā nāḍīva sāramet||23-33||

āsanāni śṛṇu hyetattriṃśatāsaṃkhyakāni ca|
savyāpasavyayogena dviguṇaṃ prabhavediha||23-34||

catuḥṣaṣṭyāsanānīha vadāmi vāyusādhanāt|
dvātriṃśadbindubhedāya kalpayed vāyuvṛddhaye||23-35||

kārmukāsanamākṛtya udare pūrayet sukham|
tadā vāyurvaśo yāti kālena sūkṣmavāyunā||23-36||

kṛtvā padmāsanaṃ mantrī veṣṭayitvā pradhārayet|
kareṇa dakṣiṇenaiva vāmapādāntikaṃ taṭam||23-37||

savyāpasavyadviguṇaṃ kārmukāsanameva ca|
kārmukadvayayogena śaravad vāyumānayet||23-38||

kukkuṭāsanamāvakṣye nāḍīnirmalahetunā|
matkulāgamayogena kuryād vāyuniṣevaṇam||23-39||

nijahastadvayaṃ bhūmau pātayitvā jitendriyaḥ|
padbhyāṃ baddhaṃ yaḥ karoti kūrparadvayamadhyataḥ||23-40||

savyāpasavyayugalaṃ kukkuṭaṃ brahmaṇā kṛtam|
baddhaṃ kṛttvā adhaḥśīrṣaṃ yaḥ karoti khagāsanam||23-41||

khagāsana prasādena śramalopo bhaved drutam|
punaḥ punaḥ śramādeva viṣayaśramalopakṛt||23-42||

lolāsanaṃ sadā kuryād vāyulolāpaghātanāt|
sthiravāyuprasādena sthiracetā bhaveddrutam||23-43||

padmāsanaṃ samākṛtya pādayoḥ sandhigahvare|
hastadvayaṃ madhyadeśaṃ niyojya kukkuṭākṛtiḥ||23-44||

nijahastadvayadvandvaṃ nipātya hastanirbharam|
kṛtvā śarīramullāpya sthitvā padmāsane'nilaḥ||23-45||

sthitvaitadāsane mantrī adhaḥśīrṣaṃ karoti cet|
uttamāṅgāsanaṃ jñeyaṃ yogināmatidurlabham||23-46||

etadāsanamātreṇa śarīraṃ śītalaṃ bhavet|
punaḥ punaḥ prasādena caitanyā kuṇḍalī bhavet||23-47||

savyāpasavyayogena yaḥ karoti punaḥ punaḥ|
pūrayitvā mūlapadme sūkṣmavāyuṃ vikumbhayet||23-48||

kṛtvā kumbhakamevaṃ hi sūkṣmavāyulayaṃ vidhau|
mūlādibrahmarandhrānte sthāpayellayage pade||23-49||

etat śubhāsanaṃ kṛttvā sūkṣmarandhre manolayam|
sūcīrandhre yathāsūtraṃ pūrayet sūkṣmavāyunā||23-50||

etat krameṇa ṣaṇmāsān pūrakasyāpi lakṣaṇam|
mahāsukhaṃ samāpnoti yogāṣṭāṅganiṣevaṇāt||23-51||

atha vakṣye mahādeva parvatāsanamaṅgalam|
yatkṛtvā sthirarūpī syād ṣaṭcakrādivilopanam||23-52||

yonyāsanaṃ parvatena yogaṃ yogaphale'nilam|
tatkālaphalalantāvat khecaro yāvadeva hi||23-53||

pādayogena cakrasya liṅgāgraṃ yo niyojayet|
anyatpadamūrau dattvā tatra yonyāsanaṃ bhuvi||23-54||

tatra madhye mahādeva banddhayonyāsanaṃ śṛṇu|
yatkṛtvā khecaro bhūtvā vicaredīśvaro yathā||23-55||

kṛtvā yonyāsanaṃ nātha liṅgaguhyādibandhanam|
mukhanāsānetrakarṇakaniṣṭhāṅgulibhistathā||23-56||

oṣṭhādharaṃ kaniṣṭhābhyāmanāmābhyāñca nāsike|
madhyamābhyāṃ netrayugmaṃ tarjjanībhyāṃ paraiḥ śrutī||23-57||

kṛttvā yonyāsanaṃ nātha yogināmati durlabham|
kṛttvā yaḥ pūrayed vāyuṃ mūlamākuñcya stambhayet||23-58||

savyāpasavyayogena siddho bhavati sādhakaḥ|
śanaiḥ śanaiḥ samāruhya kumbhakaṃ paripūrayet||23-59||

aruṇodayakālācca vasudaṇḍe sadāśiva|
savyāpasavyayogena gṛhṇīyādvāyugānilam||23-60||

dvitīyaprahare kuryād vāyupūjāṃ manoramām|
etadāsanamākṛtya siddho bhavati sādhakaḥ||23-61||

athānyadāsanaṃ vakṣye yatkṛtvā so'maro bhavet|
matsādhakaḥ śuciḥ śrīmān kuryādgattvā nirāvile||23-62||

bhekānāmāsanaṃ yogaṃ nijavakṣasi sammukham|
nidhāya pādayugalaṃ skandhe bāhū padopari||23-63||

dhyāyeddhi citpadaṃ bhrāntamāsanasthaḥ sukhāya ca|
yadi sarvāṅgamuttolya gagane khecarāsanam||23-64||

mahābhekāsanaṃ proktaṃ sarvasiddhipradāyakam|
mahāvidyāṃ mahāmantraṃ prāpnoti japatīha yaḥ||23-65||

etat prabhedaṃ vakṣyāmi karoti yaḥ sa cāmaraḥ|
ekapādamūrau baddhvā skandhe'nyatpādarakṣaṇam||23-66||

etatprāṇāsanaṃ nāma sarvasiddhipradāyakam|
vāyumūle samāropya dhyāttvākuñcya prakārayet||23-67||

kevalaṃ pādamekañca skandhe cāropya yatnataḥ|
ekapādena gagane tiṣṭhet sa daṇḍavat prabho||23-68||

apānāsanametaddhi sarveṣāṃ pūrakāśrayam|
kṛttvā sūkṣme śīrṣapadme samāropya ca vāyubhiḥ||23-69||

tadā siddho bhavenmarttyaḥ prāṇāpānasamāgamaḥ|
apānāsanayogena kṛttvā yogeśvaro bhuvi||23-70||

samānāsanamāvakṣye siddhamantrādisādhanāt|
ekapādamūrau dattvā guhye'nyalliṅgavaktrake||23-71||

etad vīrāsanaṃ nātha samānāsanasaṃjñakam|
ityākṛtya japenmantraṃ dhṛtvā vāyuṃ caturdale||23-72||

kuṇḍalīṃ bhāvayenmantraṃ koṭividyullatākṛtim|
ātmacandrāmṛtarasairāplutāṃ yoginīṃ sadā||23-73||

vīrāsanaṃ tu vīrāṇāṃ yogavāyupradhāraṇam|
yo jānāti mahāvīraḥ sa yogī bhavati dhruvam||23-74||

atha vakṣye mahākāla samānāsanasādhana|
bhedakrameṇa yajjñātvā vīrāṇāmadhipo bhavet||23-75||

samānāsanamākṛtya vṛddhāḍguṣṭhaṃ kareṇa ca|
ekena so'dhikārī syāt svarayogādisādhane||23-76||

āsanaṃ yo hi jānāti vāyūnāṃ haraṇaṃ tathā|
kālādīnāṃ nirṇayaṃ tu sa kadācinna naśyati||23-77||

kālena labhyate siddhiḥ kālarūpo mahojjvalaḥ|
sādhakairyogibhirdhyeyaḥ siddhavīrāsanātmanā||23-78||

atha vakṣye nīlakaṇṭha granthibhedāsanaṃ śubham|
jñātvā rudro bhavet kṣipraṃ sūkṣmavāyuniṣevaṇāt||23-79||

kṛtvā padmāsanaṃ mantrī jaṅghayoḥ hṛdaye karau|
kūrparasthāna paryantaṃ vibhedya skandhadhāraṇam||23-80||

bhitvā padmāsanaṃ mantrī sahasrārddhena ghāṭanam|
yena śīrṣaṃ bhāvanamraṃ sarvāṅgulibhirāśramam||23-81||

granthibhedāsanañcaitat khecarādipradarśanam|
kṛttvā sūkṣmavāyulayaṃ paramātmani bhāvayet||23-82||

athānyāsanamāvakṣye yogapūrakarakṣaṇāt|
kṛttvā padmāsanaṃ pādā aṅguṣṭhajaṅghayoḥ sthitam||23-83||

hastamekaṃ tu jaṅghāyāḥ kārmukaṃ kūrparorddhakam|
padmāsane samādhāya aṅguṣṭhaṃ paridhāvayet||23-84||

kārmukāsanametaddhi savyāpasavyayogataḥ|
padmāsanaṃ veṣṭayitvā aṅguṣṭhāgraṃ pradhāvayet||23-85||

yaḥ karoti sadā nātha kārmukāsanamuttamam|
tasya rogādiśatrūṇāṃ kṣayaṃ nītvā sukhī bhavet||23-86||

atha vakṣye'tra saṃkṣepāt sarvāṅgāsanamuttamam|
yatkṛtvā yoganipuṇo vidyābhiḥ paṇḍito yathā||23-87||

adho nidhāya śīrṣaṃ ca ūdrdhvapādadvayaṃ caret|
padmāsanaṃ tu tatraiva bhūmau kūrparayugmakam||23-88||

daṇḍe daṇḍe sadā kuryāt śramaśāntiparaḥ sudhīḥ|
nityaṃ sarvāsanaṃ hitvā na kuryād vāyudhāraṇam||23-89||

māsena sūkṣmavāyūnāṃ gamanaṃ copalabhyate|
trimāse devapadavīṃ trimāse śītalo bhavet||23-90||

atha vakṣye mahādeva mayūrāsanamuttamam|
bhūmau nipātya hastau dvau kūrparopari dehakam||23-91||

kūrparopari saṃsthāpya sarvadehaṃ sthirāśayaḥ|
kevalaṃ hastayugalaṃ nipātya bhuvi susthiraḥ||23-92||

etadāsanamātreṇa nāḍīsambhedanaṃ bhavet|
pūrakeṇa dṛḍho yāti sarvatrāṅgāśrayeṇa ca||23-93||

athānyadāsanaṃ kṛttvā sarvavyādhinivāraṇam|
yogābhyāsī bhavetkṣipraṃ jñānāsanaprasādataḥ||23-94||

dakṣapādorumūle ca vāmapādatalaṃtathā|
dakṣapādatalaṃ dakṣapārśve saṃyojya dhārayet||23-95||

etajjñānāsanaṃ nātha jñānādvidyāprakāśakam|
nirantaraṃ yaḥ karoti tasya granthiḥ ślathī bhavet||23-96||

savyāpasavyayogena muṇḍāsanamiti smṛtam|
kṛtvā dhyātvā sthiro bhūtvā līyate paramātmani||23-97||

garuḍāsanamāvakṣye yena dhyānaṃ sthiraṃ bhuvi|
sarvadoṣādvinirmukto bhavatīha mahābalī||23-98||

ekapādamurau baddhvā ekapādena daṇḍavat|
jaṅghāpādasandhideśe jñānavyagraṃ vyavasthitam||23-99||

etadāsanamākṛtya pṛṣṭhe saṃhāramudrayā|
ārādhya yoganāthaṃ ca sadā sarveśvarasya ca||23-100||

athānyadāsanaṃ vakṣye yena siddho bhavennaraḥ|
akasmād vāyusañcāraṃ kokilākhyāsanena ca||23-101||

ūdrdhve hastadvayaṃ kṛtvā tadagre pādayoḥ sudhīḥ|
vṛddhāṅguṣṭhadvayaṃ nātha śanaiḥ śanaiḥ prakārayet||23-102||

padmāsanaṃ samākṛtya kūrparopari saṃsthitaḥ|
atha vakṣye vīranātha ānandamandirāsanam||23-103||

yatkṛtvā amaro dhīro bhavatyeveha sādhakaḥ|
hastayugmaṃ pādadeśe pādayugmaṃ pradāpayet||23-104||

prakṛtya daṇḍavat kaula nitambāgre pratiṣṭhati|
khañjanāsanamāvakṣye yatkṛtvā susthiro bhavet||23-105||

pṛṣṭhe pādadvayaṃ baddhvā hastau bhūmau pradhārayet|
bhūmau hastadvayaṃ nātha pātayitvānilaṃ pibet||23-106||

pṛṣṭhe pādadvayaṃ baddhvā khañjanena jayī bhavet|
athānyadāsanaṃ vakṣye sādhakānāṃ hitāya vai||23-107||

pavanāsanarūpeṇa khecaro yogirāḍbhavet|
sthitvā baddhāsane dhīro nābheradhaḥkaradvayam||23-108||

ūdrdhvamuṇḍaḥ pibed vāyuṃ niruddhyeta yamāvile|
atha sarpāsanaṃ vakṣye vāyupānāya kevalam||23-109||

śarīraṃ daṇḍavattiṣṭhedrajjubaddhastu pādayoḥ|
vāyavī kuṇḍalī devī kuṇḍalākāramaṅgule||23-110||

maṇḍitā bhūṣaṇādyaiśca vakṣye sarpāsanasthitam|
nidrālasyabhayān tyaktvā rātrau kuryātpunaḥ punaḥ||23-111||

sarvān vighnān vaśīkṛtya nidrādīn vāyusādhanāt|
atha vakṣye kākarūpaskandhāsanamanuttamam||23-112||

kalipāpāt pramucyeta vāyavīṃ vaśamānayet|
nijapādadvayaṃ baddhvā skandhadeśe ca sādhakaḥ||23-113||

nityametat padadvandvaṃ bhūmau puṣṭikaradvayam||23-114||

iti śrīrudrayāmale uttaratantre mahātantroddīpane bhāvāsananirṇaye pāśavakalpe ṣaṭcakrasārasaṅkete siddhamantraprakaraṇe bhairavībhairavasaṃvāde|trayoviṃśaḥ paṭalaḥ||23||

Kapitel 24

atha catuvīṃśaḥ paṭalaḥ

ānandabhairavī uvāca

atha vakṣye mahādeva yogaśāstrārthanirṇayam|
yena vijñānamātreṇa ṣaṭcakragranthibhedakaḥ||24-1||

parvvātiriktadivase kuryāt śrīyogasādhanam|
kālikākulasarvasvaṃ kalā kālasamanvitam||24-2||

āsanaṃ vidhinā jñānaṃ koṭikoṭikriyānvitam|
śatalakṣasahasrāṇi āsanāni mahītale||24-3||

svarge pātālamadhye tu sammuktāni mahaṣībhiḥ|
bhedābhedakrameṇaiva kuryānnityaṃ sadāsanam||24-4||

tatprakāraṃ ca vividhaṃ yatkṛttvā so'maro bhavet|
amaraḥ siddha ityāhuraṣṭaiśvaryasamanvitam||24-5||

pratibhāti sa evārtho mūlamantrārthavedinaḥ|
amarāste praśaṃsanti sarvalokanirantaram||24-6||

devāḥ śrīkāminīkāntāḥ prabhavanti jagattraye|
kālaṃ hi vaśamākarttuṃ niyukto yaśca bhāvakaḥ||24-7||

te sarve vicarantīha koṭivarṣaśateṣu ca|
tattadāsananāmāni śṛṇu tatsādhanāni ca||24-8||

yena vijñānamātreṇa sākṣādīśasya bhaktimān|
atha kūrmāsanaṃ nātha kṛtvā vāyuṃ prapūrayet||24-9||

kāmarūpo bhavet kṣipraṃ kalikalmaṣanāśanam|
samānāsanamākṛtya liṅgāgre svīyamastakam||24-10||

nitambe hastayugalaṃ bhūmau saṅkocitaḥ patet|
kumbhīrāsanamāvakṣye vāyūnāṃ dhāraṇāya ca||24-11||

tiṣṭhet kuṇḍākṛtirbhūmau karau śīrṣopari sthitau|
padopari padaṃ dattvā śīrṣopari karadvayam||24-12||

tiṣṭhet kuṇḍākṛtirbhūmau kumbhīrāsanameva tat|
atha matsyāsanaṃ pṛṣṭhe hastopari karāṅguliḥ||24-13||

pādayugmapramāṇena vṛddhāṅguṣṭhasya yojanam|
makarāsanamāvakṣye vāyupānāya kumbhayet||24-14||

pṛṣṭhe pādadvayaṃ dattvā hastābhyāṃ pṛṣṭhabandhanam|
atha siṃhāsanaṃ nātha kūrparopari jānunī||24-15||

sthāpayitvā ūdrdhvamukho vāyupānaṃ samācaret|
atha vakṣye mahādeva kuñjarāsanamuttamam||24-16||

kareṇaikena pādābhyāṃ bhūmau tiṣṭhet śiraḥ karaḥ|
vyāghrāsanamatho vakṣye krodhakālavināśanam||24-17||

ekapādaṃ śīrṣamadhye merudaṇḍopari sthitam|
bhallūkāsanamāvakṣye yatkṛttvā yogirāḍ bhavet||24-18||

nitambe ca pādagoṣṭhī hastābhyāmaṅgulīyakam|
atha kāmāsanaṃ vakṣye kāmasaṅgena hetunā||24-19||

garuḍāsanamākṛtya kaniṣṭhāgraṃ spṛśodbhavam|
varttulāsanamāvakṣye yatkṛttvā bhairavo bhavet||24-20||

ākāśasthitapādābhyāṃ pṛṣṭhadeśaṃ nibandhayet|
atha mokṣāsanaṃ vakṣye yatkṛttvā mokṣamandiram||24-21||

dakṣahastaṃ dakṣapādaṃ kevalaṃ sthāpayetsudhīḥ|
atha mālāsanaṃ nātha yatkṛtvā vāyavīpriyaḥ||24-22||

śubhayogaṃ samāpnoti ekahastasthito naraḥ|
atha divyāsanaṃ vakṣye pṛṣṭhaṃ hastena bandhayet||24-23||

ekahastamadhyadeśaṃ bhūmihastañca nāsayā|
arddhodayāsanaṃ nātha sarvāṅgaṃ khe niyojayet||24-24||

kevalaṃ hastayugalaṃ bhūmimālokya nāsayā|
atha candrāsanaṃ vakṣye pādābhyāṃ svaśarīrakam||24-25||

punaḥ punaḥ dhārayed yo vāyudhāraṇapūrvakam|
atha haṃsāsanaṃ vakṣye śarīreṇa punaḥ punaḥ||24-26||

bhūmau santāḍayet śvāsaiḥ prāṇavāyudṛḍhaḥ sudhīḥ|
atha sūryāsanaṃ vakṣye pṛṣṭhāt pādena bandhanam||24-27||

pṛṣṭhe bhedānvitaṃ pādaṃ tasya hastena bandhayet|
atha yogāsanaṃ vakṣye yatkṛtvā yogirāḍ bhavet||24-28||

sarvāḥ pādataladvandvaṃ svāṅge baddhvā karadvayam|
gadāsanamato vakṣye gadākṛtirvased bhuvi||24-29||

ūdrdhvabāhurbhavedyena kāyaśodhanahetunā|
atha lakṣmyāsanaṃ vakṣye liṅgāgre'ṅghirataladvayam||24-30||

guhyadeśe hastayugmaṃ talābhyāṃ bandhayed bhuvi|
atha kulyāsanaṃ vakṣye yatkṛtvā kauliko bhavet||24-31||

ekahastaṃ mastakastho'dhaḥ śīrṣe'bhinnage karam|
brāhmaṇāsanamāvakṣye yatkṛttvā brāhmaṇo bhavet||24-32||

ekapādamūrau dattvā tiṣṭhed daṇḍākṛtirbhuvi|
kṣatriyāsanamāvakṣye yatkṛttvā dhanavān bhavet||24-33||

keśena pādayugalaṃ baddhvā tiṣṭhedadhomukhaḥ|
atha vaiśyāsanaṃ vakṣye yatkṛtvā satyavānbhavet||24-34||

vṛddhāṅguṣṭhena yastiṣṭhet hastayugmaṃ svakorasi|
atha śūdrāsanaṃ vakṣye yatkṛtvā sevako bhavet||24-35||

dhṛtvāṅguṣṭhadvayaṃ yojyaṃ nāsāgrapādamadhyake|
atha jātyāsanaṃ vakṣye yena jātismaro bhavet||24-36||

hastāṅghirayugmaṃ bhūmau ca gamanāgamanaṃ tataḥ|
pāśavāsanamāvakṣye kṛttvā paśupatirbhavet||24-37||

pṛṣṭhe hastadvayaṃ dattvā kūrparāgre svamastakam|
eteṣāṃ sādhanādeva cirajīvī bhavennaraḥ||24-38||

saṃvatsaraṃ sādhanādvai jīvanmukto bhaved dhruvam|
śrīvidyāsādhanaṃ paścāt kathitavyaṃ taba prabho||24-39||

āsanaṃ yogasiddhyarthaṃ kāyaśodhanahetunā|
idānīṃ śṛṇu deveśa rahasyaṃ komalāsanam||24-40||

yogasiddhivicārāya rahasyaṃ carmāsanaṃ śubham|
atha narāsanaṃ vakṣye ṣoḍaśādiprakārakam||24-41||

yena sādhanamātreṇa yogī bhavati sādhakaḥ|
prakāraṃ ṣoḍaśaproktaṃ matkulāgamasambhavam||24-42||

yena sādhanamātreṇa sākṣādyogī mahītale|
ekamāsād bhavetkalpo dvimāse drutakalpanam||24-43||

trimāse yogakalpaḥ syāccaturmāse sthirāśayaḥ|
pañcamāse sūkṣmakalpe ṣaṣṭhamāse vivekagaḥ||24-44||

saptamāse jñānayukto bhāvako bhavati dhruvam|
aṣṭamāse'nnasaṃyukto jitendriyakalevaraḥ||24-45||

navame siddhimilano daśame cakrabhedavān|
ekādaśe mahāvīro dvādaśe khecaro bhavet||24-46||

iti yogāsanasthaśca yogī bhavati sādhakaḥ|
narāsanaṃ yaḥ karoti sa siddho nātra saṃśayaḥ||24-47||

tatprakāraṃ pravakṣyāmi yena siddho bhavetprabho|
adhomukhaṃ mahādeva narāsanasya sādhane||24-48||

karaṇīyaṃ sādhakendrairyogaśāstrārthasammataiḥ|
akṣīṇaṃ yauvanoddāmaṃ sundaraṃ cārukuntalam||24-49||

lokānāṃ śreṣṭhamevaṃ hi patitaṃ raṇasammukhe|
tatsarvaṃ hi samānīya maṅgale vāsare niśi||24-50||

candrasūryāsanaṃ kṛtvā sādhayettatra kaulikaḥ|
athānyat sampravakṣyāmi sarvasiddhiprakārakam||24-51||

bhekāsanaṃ yaḥ karoti sa eva yoginīpatiḥ|
athānyat sampravakṣyāmi yatkṛtvā yogirāḍ bhavet||24-52||

tatsarvottaraśirasi sthitvā candrāsane japet|
athānyat tatprakārañca mahāvidyādidarśanāt||24-53||

matsare gauravarṇe ca tatra śailāsane japet|
athānyattatprakāraṃ ca yogikaulo na saṃśayaḥ||24-54||

yadyevaṃ mirayate so'pi tadā bhadrāsane japet|
tattatsādhanakāle ca evaṃ kuryāddane dine||24-55||

nṛtyavādyagītarāgabhogonaviṃśatau dine|
caturdaśaṃ na vīkṣyeta bhairavāṇāṃ bhayādrdanāt||24-56||

manoniveśamātreṇa yogī bhavati bhairava|
svecchāsanaṃ samākṛtya mantraṃ japati yo naraḥ||24-57||

mahāsāro vītarāgaḥ siddho bhavati niścitam|
athānyat śavamāhātmyaṃ śṛṇuṣvāvahito mama||24-58||

tatsarvaṃ gṛhamānīyācchādya śārdūlacarmaṇā|
tatra mantrī mahāpūjāṃ kṛtvā praviśya saṃjapet||24-59||

padmāsanasthastasyaiva jhaṭid yogī na saṃśayaḥ||24-60||

etatprakārarāsanamāśu kṛtvā|
jitendriyo yogaphalārthavijñaḥ|
bhavenmanuṣyo mama cājñayā hi|
siddho gaṇo'sau jagatāmadhīśaḥ||24-61||

mūlakhaḍgayaṣṭiparaḍitaravārādinā yutam|
.... bhūtasarparājavyāghraṃ sadyo mṛtaṃ yajet||24-62||

yasya mṛtyurbhavennātha bhairavasya surāpateḥ|
raṇe sammukhayuddhasya tadānīya japaṃ caret||24-63||

tatra kaulāsanaṃ kṛtvā athavā kamalāsanam|
mahāvidyāmahāmantraṃ japtvā liṅgamavāpnuyāt||24-64||

etatsarvaṃ na gṛhṇīyād yadīcchedātmano hitam|
kuvyādhimaraṇaṃ kuṣṭhaṃ strīvaśyaṃ patitaṃ mṛtam||24-65||

dubhīkṣamṛtamunmattamavyaktaliṅgameva ca|
hīnāṅgaṃ bhūcaravṛddhaṃ palāyanaparaṃ tathā||24-66||

anyadyo yad vicāreṇa hattvā lokaṃ japanti ye|
te sarve vyāghrabhakṣā syuḥ khādanti vyāghrarūpiṇaḥ||24-67||

paryuṣitaṃ tathāśvasthamadhikāṅgaṃ kukilbiṣam|
brāhmaṇaṃ gomayaṃ vīraṃ dhāmīkaṃ santyajet sudhīḥ||24-68||

strījanaṃ yoginaṃ tyaktvā sādhayedvīrasādhanam|
tadā siddho bhavenmantrī ājñayā me na saṃśayaḥ||24-69||

taruṇaṃ sundaraṃ śūraṃ mantravidyaṃ samujjvalam|
gṛhītvā japamākṛtya siddho bhavati nānyathā||24-70||

manuṣyaśavahṛtpadme sarvasiddhikulākulāḥ|
tatra sarvāsanānyeva siddhyanti nātra saṃśayaḥ||24-71||

athānyattatprakāraṃ tu yatkṛtvā yogirāṭ bhavet|
komalādyāsane sthitvā dhārayan mārutaṃ sudhīḥ||24-72||

tatkomalāsanaṃ vakṣye śṛṇuṣva mama tadvacaḥ|
avṛddhakaṃ mṛtaṃ bālaṃ ṣaṇmāsāt komalaṃ param||24-73||

tadvibhedaṃ pravakṣyāmi garbhacyuta mahāśavam|
taddhi vyāghratvacārūḍhaṃ kṛtvā tatra japet sthitaḥ||24-74||

ṣaṇmāsānantaraṃ yāvaddaśamāsācca pūrvakam|
mṛtaṃ cārumukhaṃ bālaṃ garbhāṣṭamapuraḥsaram||24-75||

ekahaste dvihaste vā caturhaste samantataḥ|
viśuddha āsane kuryāt saṃskāraṃ pūjanaṃ tataḥ||24-76||

pūrṇe pañcamavarṣe ca sādhako vītabhīḥ svayam|
hīnavītopanayano yo mṛtastaṃ hi komalam||24-77||

garbhacyutaphalaṃ nātha śṛṇu tatphalasiddhaye|
aṇimādyaṣṭasiddhiḥ syāt saṃvatsarasya sādhanāt||24-78||

mṛtāsane japenmantrī mahāvidyāmamuṃ śubham|
acirāttasya siddhiḥ syānnātra kāryā vicāraṇā||24-79||

athānyat śavamāhātmyaṃ śṛṇu siddhiśca sādhanāt|
sādhako yogirāṭ bhūttvā mama pādatale vaset||24-80||

daśasaṃvatsare pūrṇe yo mirayeta śubhe dine|
śanau maṅgalavāre ca tamānīya prasādhayet||24-81||

tatra vīrāsanaṃ kṛttvā yo japed bhadrakālikām|
athavā baddhapadme ca sa siddho bhavati dhruvam||24-82||

atha bhāvaphalaṃ vakṣye yena śavādisādhanam|
akasmāt prāptimātreṇa śavasya vihitasya ca||24-83||

yaṃ pañcadaśavarṣīyaṃ sundaraṃ patitaṃ raṇe|
tamānīya japedvidyāṃ niśi vīrāsane sthitaḥ||24-84||

śīghrameva susiddhiḥ syāt khecarī vāyupūraṇī|
dhāraṇāśaktisiddhiḥ syāt yaḥ karotīha sādhanam||24-85||

atha ṣoḍaśavarṣīyaṃ sarvasiddhikaraṃ nṛṇām|
bhogamokṣau kare tasya śavendrasya ca sādhanāt||24-86||

evaṃ krameṇa pañcāśad varṣīyaṃ sundaraṃ varam|
ānīya sādhayedyastu sa yogī bhavati dhruvam||24-87||

śavaṃ raṇasthamānīya sādhayetsusamāhitaḥ|
indratulyo bhavennātha raṇasthaśavasādhanāt||24-88||

yadi sammukhayuddhe vā śṛṇu paṭṭīśaghātanam|
śavamānīya vīrendro japedvīrāsanasthitaḥ||24-89||

tat śavaṃ tu mahādeva pūjārthaṃ nijamandire|
devālaye nirṇaye ca sthāpayitvā japaṃ caret||24-90||

tatra vīrāsanaṃ kiṃ vā yonimudrāsanādikam|
padmāsanaṃ tathākṛtya vāyuṃ dhṛtvā japaṃ caret||24-91||

māsaikena bhavedyogī vipro guṇadharaḥ śuciḥ|
sūkṣmavāyudhāraṇajño japed yauvanage śave||24-92||

śavasādhanakālena yadyat karma karoti hi|
tatkarmasādhanādeva yogī syādamaro naraḥ||24-93||

ānandabhairavī uvāca

kālakriyādikaṃ jñāttvā sūkṣmānilanidhāraṇam|
sādhako vicaredvīro vīrācāravivecakaḥ||24-94||

śavāde raṇayātasya kriyāmāhātmyamuttamam|
śṛṇu saṅketabhāṣābhiḥ śivendracandraśekhara||24-95||

ekahastārddhamāne tu bhūmyadhovidhimandire|
saṃsthāpya suśavaṃ nātha māyādavagataḥ prabho||24-96||

ekāhaṃ jagadādhārā ādhārāntargatā satī|
patihīnā sūkṣmarūpādadharādicarācaram||24-97||

madīyaṃ sādhakaṃ puṇyaṃ dharmakāmārthamokṣagam|
prakaromi sadā rakṣāṃ dhātrīrūpā sarasvatī||24-98||

kevalaṃ tadabhāvena śambho yogaparāyaṇa|
magnā saṃsārakaraṇāttvayi tvañcāhameva ca||24-99||

yadyatpadārthanikare tiṣṭhasi tvaṃ sadā mudā|
tatraiva saṃsthirā hṛṣṭā cāhameva na saṃśayaḥ||24-100||

etadbhāvaṃ tvaṃ karoṣi kasya hetostava priyā|
vāmāṅge saṃsthirā nityaṃ kāmakrodhavivajītā||24-101||

ānandabhairava uvāca

kiṃ prayojanamevaṃ hi śavādīnāñca sādhanāt|
yadi te śrīpadāmbhojamadhūnmatto bhavedyatiḥ||24-102||

trailokyapūjite bhīme vāgvādinīsvarūpiṇī|
śavasādhanamātreṇa kena yogī bhavedvada||24-103||

ānandarasa lāvaṇyamanda hāsamukhāmbuje|
yogī bhajati yogārthaṃ kena tatphalamāvada||24-104||

ānandabhairavī uvāca

yadi śaṅkara bhakto'si mama jāpaparāyaṇaḥ|
tathāpi śavabhāvena śavavat śavasādhanam||24-105||

rātriyoge prakarttavyaṃ divase na kadācana|
śave sthiro yo babhūva sa bhakto me na saṃśayaḥ||24-106||

me śavākṛtimaddravyaṃ mama tuṣṭinibandhanam|
mamājñāpālane yogyaḥ kuryād vīraḥ śavāsanam||24-107||

yadyahaṃ tatra gacchāmi tadaiva sa śivo bhavet|
niḥśeṣatyāgamātreṇa śavatvaṃ pralayaṃ tanoḥ||24-108||

yaḥ karoti bhāvarāśiṃ mayi devyāṃ maheśvara|
trailokyapūjitāyāṃ tu sa śivaḥ śavamāśrayet||24-109||

adhikārī tu bhaktasya pālanaṃ parapṛṣṭhataḥ|
karomi kāminīnātha sandeho nātra bhūtale||24-110||

yadāhaṃ tyajyate gātraṃ paśūnāṃ māraṇāya ca|
tadaite ca mṛtāḥ sarve jīvante kena hetunā||24-111||

tadāhutimahādravyaṃ śavendraṃ raṇahānigam|
ānīya sādhayedyastu sa sthiro me subhaktigaḥ||24-112||

sadā krodhī bhavedyastu sa krūro nātra saṃśayaḥ|
sa kathaṃ vīrarātrau ca sādhayed vihvalaḥ śavam||24-113||

bhayavihvalacetā yaḥ sa krodhī nātra saṃśayaḥ|
nāsti krodhasamaṃ pāpaṃ pāpāt kṣipto bhavet śave||24-114||

yo bhaktaḥ pāpanirmuktaḥ siddharūpī nirāśrayaḥ|
vivekī dhyānaniṣṭhaśca sthiraḥ saṃsādhayet śavam||24-115||

yāvatkālaṃ sthiracittaṃ na prāpnoti jitendriyaḥ|
tāvatkālaṃ nāpi kuryāt śavendrasyāpi sādhanam||24-116||

śavamānīya taddvāre tenaiva parikhanya ca|
taddanāttaddinaṃ yāvat yadbaddhvā vyāpya sādhayet||24-117||

evaṃ kṛtvā haviṣyāśī mahāvidyādisādhanam|
jitendriyo mudā kuryād aṣṭāṅgasādhanena ca||24-118||

tadaṣṭāṅgaphalaṃ hyetat yatkṛttvā siddhibhāg bhavet|
nāḍīmudrābhedakañca kulācāraphalānvitam||24-119||

aṣṭāṅgasādhanādeva siddharūpo mahītale|
paścādanyasvargagāmī bhavenna bhūtalaṃ binā||24-120||

ādau bhūtalasiddhiḥsyādbhuvolokasya siddhibhāk|
janalokasya siddhīśastapolokasya siddhibhāk||24-121||

satyalokasya siddhīśaḥ paścād bhavati sādhakaḥ|
evaṃ krameṇa siddhiḥ syāt svargādīnāṃ maheśvara||24-122||

aṣṭāṅgasādhanārthāya devā bhavanti bhūtale|
bhūtale siddhimāhṛtya gacchanti brahmamandire||24-123||

krameṇaivaṃ vilīnāste ato bhūtalasādhanam|
bhūtale śavamāsthāya brahmacārī divā śuciḥ||24-124||

niśāyāṃ pañcatattvena divase'ṣṭāṅgasādhanam|
jitendriyo nivīkāro vittavānaparo naraḥ||24-125||

śavaṃ saṃsādhayeddhīraścintālasyavivajītaḥ|
cintābhirjāyate lobho lobhāt kāmaḥ prapadyate||24-126||

kāmādbhavati sammoho mohādālasya sañcayaḥ|
ālasyadoṣajālena nidrā bhavati tatkṣaṇāt||24-127||

mahānidrāvipākena mṛtyurbhavati niścitam|
apakṣanidrābhaṅgena krodho bhavati niścitam||24-128||

tatkrodhāccittavikalo vikalāt śvāsavarddhanaḥ|
vṛthāyuḥ kṣayamāpnoti vistare śvāsasaṃkṣaye||24-129||

balabuddhikṣayaṃ yāti buddhihīno jaḍātmakaḥ|
jaḍabhāvena mantrāṇāṃ japahīno bhavennaraḥ||24-130||

japahīne śvāsanāśaḥ śvāsanāśe tanukṣayam|
atastanuṃ samāśritya japaniṣṭho bhavet śuciḥ||24-131||

aṣṭāṅgadhāraṇenaiva siddho bhavati nānyathā|
aṣṭāṅgalakṣaṇaṃ vakṣye sākṣāt siddhikaraṃ param||24-132||

janmakoṭisahasrāṇāṃ phalena kurute naraḥ|
yamena labhyate jñānaṃ jñānāt kulapatirbhavet||24-133||

yo yogeśaḥ sa kuleśaḥ śiśubhāvasthanirmalaḥ|
niyamena bhavet pūjā pūjayā labhate śivam||24-134||

yatra kalyā ṇa sampūrṇā sampūrṇaḥ śucirucyate|
āsanena dīrghajīvī rogaśokavivajītaḥ||24-135||

granthibhedanamātreṇa sādhakaḥ śītalo bhavet|
prāṇāyāmena śuddhaḥ syāt prāṇavāyuvaśena ca||24-136||

vaśī bhavati deveśa ātmārāme'pi līyate|
pratyāhāreṇa cittaṃ tu cañcalaṃ kāmanāpriyam||24-137||

tatkāmanāvināśāya sthāpayet padapaṅkaje|
dhāraṇena vāyusiddhiraṣṭasiddhistataḥ param||24-138||

aṇimāsiddhimāpnoti aṇurūpeṇa vāyunā|
dhyānena labhate mokṣaṃ mokṣeṇa labhate sukham||24-139||

sukhenānandavṛddhiḥ syādānando brahmavigrahaḥ|
samādhinā mahājñānī sūryācandramasorgatiḥ||24-140||

mahāśūnye layasthāne śrīpadānandasāgaraḥ|
tattaraṅge mano dattvā paramārthavinirmale||24-141||

śrīpādamūtīmākalpya dhyāyet koṭiravīnduvat|
śrīmūtīṃ koṭicapalāṃ samujjvalāṃ sunirmalām||24-142||

dhyāyedyogī sahasrāre koṭisūryendumandirām||24-143||

śrīvidyāmatisundarīṃ trijagatāmānandapuñjeśvarī|
koṭyarkāyuta tejasi priyakarīṃ yogādarīṃ śāṅkarīm|
tāṃ mālāṃ sthiracañcalāṃ gurughanāṃ vyālācalāṃ kevalāṃ dhyāyet sūkṣmasamādhinā sthiramatiḥ saśrīpatirgacchati||24-144||

iti śrīrudrayāmale uttaratantre mahātantroddīpane bhāvanirṇaye pāśavakalpe ṣaṭcakrasārasaṅkete yogavidyāprakaraṇe mantrasiddhiśaktyupāye|bhairavībhairavasaṃvāde catuvīṃśaḥ paṭalaḥ ||24||

Kapitel 25

atha pañcaviṃśaḥ paṭalaḥ

ānandabhairava uvāca vada kānte rahasyaṃ me tattvāvadhānapūrvakam|
yad yajjñātvā mahāyogī praviśatyanalāmbuje||25-1||

yadi snehadṛṣṭirasti mama brahmanirūpaṇam|
yogasāraṃ tattvapathaṃ nirmalaṃ vada yogine||25-2||

ānandabhairavī uvāca śṛṇu prāṇeśa vakṣyāmi yoganātha kriyāguro|
yogāṅgaṃ yogināmiṣṭaṃ tattvabrahmanirūpaṇam||25-3||

etat sṛṣṭiprakārañca prapālanavidhiṃ tathā|
asaṃkhyasṛṣṭisaṃhāraṃ vadāmi tattvataḥ śṛṇu||25-4||

tvameva saṃhārakaro varapriyaḥ pradhānameṣu tritayeṣu śaṅkara|
saṃhārabhāvaṃ malabhūtināśanaṃ pradhānamādyasya jagatprapālanam||25-5||

tatrādhanaṃ merubhujaṅgamaṅgaṃ sṛṣṭiprakāraṃ khalu tatra madhyamam|
tatpālanañceti mayaiva rājye saṃhārarūpaṃ prakṛterguṇārthakam||25-6||

etattrayaṃ nātha bhayādikāraṇaṃ tannāśanāmne praṇavaṃ guṇātmakam|
trayaṃ guṇātītamanantamakṣaraṃ sambhāvya yogī bhavatīha sādhakaḥ||25-7||

avyaktarūpāt praṇavāddhi sṛṣṭistallīyate vyaktatanoḥ samāsā|
sūkṣmādyakārāt pratibhānti khe sadā praṇaśyati sthūlakalānnirakṣarāt||25-8||

atīva citraṃ jagatāṃ vicitraṃ nityaṃ caritraṃ kathituṃ na śakyate|
haṃsāśritāste bhavavāsino janā jñātvā na dehasthamupāśrayante||25-9||

dehādhikārī praṇavādideva māyāśrito nidrita eṣa kālaḥ|
pralīyate dīrghapathe ca kāle tadā praṇaśyanti jagat sthitā janāḥ||25-10||

kālo jagadbhakṣaka īśaveśo tarī tu jīrṇā patihīnadīnā|
sa eva mṛtyuvīhitaṃ carācaraṃ prabhuñjati śrīrahitaṃ palāyanam||25-11||

pañcendutattvena mahendrasṛṣṭiḥ pratiṣṭhitā yajñavidhānahetunā|
sadaiva yajñaṃ kurute bhavārṇave niḥsṛṣṭikāle varayajñasādhanam||25-12||

hitāhitaṃ tatra mahārṇave bhayaṃ vilokya lokā bhayavihvalāḥ sadā|
viśanti te kutsitamārgamaṇḍale ato mahānārakibuddhihīnāḥ||25-13||

māyāmaye dharmakulānale bhave līno hareryāti pathānusārī|
mirayeta kālānalatulyamṛtyunā kathaṃ tu yogī kathameva sādhakaḥ||25-14||

yaḥ sādhakaḥ prema--kalāsubhaktyā sa eva mūrkho yadi yāti saṃsṛtau|
saṃsārahīnaḥ priyacārukālyāḥ siddho bhavet kāmadacakravartī||25-15||

vasenna siddho gṛhīṇīsamṛddhyāṃ mahāvipadduḥkhaviśoṣikāyām|
yadīha kāle prakaroti vāsanāṃ tadā bhavenmṛtyuratīva niścitam||25-16||

kṛpāvalokyaṃ vadanāravindaṃ tadaiva he nātha mamaiva cedyadi|
sadaiva yaḥ sādhugaṇāśrito naro dhyātvā nigūḍhamatibhāgagadvataḥ||25-17||

sa eva sādhuḥ prakṛterguṇāśritaḥ kṛtī vaśī vedapurāṇavaktā|
sattvaṃ mahākāla itīha cāhaṃ praṇiścayaṃ te kathitaṃ śriye mayā||25-18||

guṇena bhaktendragaṇādhikānāṃ sākṣāt phalaṃ yogajapākhyasaṅgatim|
aṣṭāṅgabhedena śṛṇuṣva kāmaperamāya bhāvāya jayāya vakṣye||25-19||

māyādikaṃ yaḥ prathamaṃ vaśaṃ nayet sa eva yogī jagatāṃ pratiṣṭhitaḥ|
raviprakāraṃ yamavāsanāvaśe śṛṇuṣva taṃ kālavaśārthakevalam||25-20||

sarvatra kāmādikamāśu jitvā jetuṃ samartho yamakarmasādhakaḥ|
kāmaṃ tathā krodhamatīva lobhaṃ mohaṃ madaṃ mātsaritaṃ suduṣṭakṛtam||25-21||

ato mayā dvādaśa śabda ghātakaṃ vaśaṃ samākṛtya mahendratulyam|
sarvatra vāyorvaśakāraṇāya karoti yogī sacalānyathā bhavet||25-22||

ahiṃsanaṃ satyasuvākyasupriyamasteyabhāvaṃ kurute vasiṣṭhavat|
subrahmacaryaṃ sudṛḍhārjjavaṃ sadā kṣamādhṛtiṃ sevasusūkṣmavāyunaḥ||25-23||

tathā mitāhāramasaṃśayaṃ manaḥ śaucaṃ prapañcārthavivarjanaṃ prabho|
karoti yaḥ sādhakacakravartī vādyotsavājñānavivarjanaṃ sadā||25-24||

vaśī yamadvādaśasaṃkhyayeti karoti cāṣṭāṅgaphalārthasādhanam|
varānanā śrīcaraṇāravindaṃ sattvādaśācchannatrinetragocaram||25-25||

tapaśca santoṣamanasthiraṃ sadā āstikyamevaṃ dvijadānapūjanam|
nitāntadevārcanameva bhaktyā siddhāntaśuddhaśravaṇaṃ ca hrīrmatiḥ||25-26||

japohutaṃ tarpaṇameva sevanaṃ tadbhāvanaṃ ceṣṭanameva nityam|
itīha śāstre niyamāścaturdaśā bhaktikriyāmaṅgalasūcanāni||25-27||

pūrvoktayonyāsanameva satyaṃ bhekāsanaṃ baddhamahotpalāsanam|
vīrāsanaṃ bhadrasubhakāsanaṃ ca pūrvoktamevāsanamāśu kuryāt||25-28||

sarvāṇi tantrāṇi kṛtāni nātha sūkṣmāṇi nālaṃ vaśahetunā mayā|
tathāpi mūḍho yadi vāyupānamāhṛtya yonau bhramatīha pātakī||25-29||

prāṇānilānandavaśena matto gajendragāmī puruṣottamaṃ smṛtam|
tasyaiva sevānipuṇo bhavedvaśī brahmāṇḍalokaṃ paripāti yo balī||25-30||

vadāmi devādisureśvara prabho sūkṣmānilaṃ prāṇavaśena dhārayet|
siddho bhavet sādhakacakravartī sarvāntarasthaṃ paripaśyati prabhum||25-31||

ānandabhairava uvāca vada kānte mahābrahmajñānaṃ sarvatra śobhanam|
yena vāyuvaśaṃ kṛttvā khecaro bhūbhṛtāṃ patiḥ||25-32||

sādhako brahmarūpī syāt brahmajñānaprasādataḥ|
brahmajñānāt paraṃ jñānaṃ kutrāsti vada sundari||25-33||

ānandabhairavī uvāca śṛṇuṣva yogināṃ nātha dharmajño brahmasañjñaka|
ajñānadhvāntamohānāṃ nirmalaṃ brahmasādhanam||25-34||

brahmajñānasamo dharmo nānyadharmo vidhīyate|
yadi brahmajñānadharmī sa siddho nātra saṃśayaḥ||25-35||

koṭikanyāpradānena koṭijāpena kiṃ phalam|
brahmajñānasamo dharmo nānyadharmo vidhīyate||25-36||

sarovarasahasreṇa koṭihemācalena ca|
koṭibrāhmaṇabhojyena koṭitīrthena kiṃ phalam||25-37||

kāmarūpe mahāpīṭhe sādhakairlabhyate yadi|
brahmajñānasamo dharmo nānyadharmo vidhīyate||25-38||

brahmajñānaṃ tu dvividhaṃ prāṇāyāmajamavyayam|
bhaktivākyaṃ śabdarasaṃ svarūpaṃ brahmaṇaḥ patham||25-39||

prāṇāyāmaṃ tu dvividhaṃ sugarbhañca nigarbhakam|
japadhyānaṃ sagarbhaṃ tu tadā yuktaṃ nigarbhakam||25-40||

avyayālakṣaṇākrāntaṃ prāṇāyāmaṃ parāt param|
brahmajñānena jānāti sādhako vijitendriyaḥ||25-41||

tatprakāradvayaṃ nātha mālāvṛttiṃ japakramam|
mālāvṛttidvādaśakaṃ japakramaṃ tu ṣoḍaśa||25-42||

nāsikāyāṃ mahādeva lakṣaṇatrayamanuttamam|
pūrakaṃ kumbhakaṃ tatra recakaṃ devatātrayam||25-43||

eteṣāmapyadhiṣṭhāne brahmaviṣṇuśivāḥ prajāḥ|
triveṇī saṅgame yānti sarvapāpāpahārakāḥ||25-44||

īḍā ca bhāratī gaṅgā piṅgalā yamunā matā|
īḍāpiṅgalayormadhye suṣumnā ca sarasvatī||25-45||

triveṇīsaṅgamo yatra tīrtharājaḥ sa ucyate|
triveṇīsaṅgame vīraścālayettān punaḥ punaḥ||25-46||

sarvapāpād vinirmuktaḥ siddho bhavati nānyathā|
punaḥ punaḥ bhrāmayitvā mahātīrthe nirañjane||25-47||

vāyurūpaṃ mahādevaṃ siddho bhavati nānyathā|
candrasūryātmikāmadhye vahnirūpe mahojjvale||25-48||

dhyātvā koṭi(ravi)karaṃ kuṇḍalīkiraṇaṃ vaśī|
trivārabhramaṇaṃ vāyoruttamādhamamadhyamāḥ||25-49||

yatra yatra gato vāyustatra tatra trayaṃ trayam|
iḍādevī ca candrākhyā sūryākhyā piṅgalā tathā||25-50||

suṣumnā jananī mukhyā sūkṣmā paṅkajatantuvat|
suṣumnā madhyadeśe ca vajrākhyā nāḍikā śubhā||25-51||

tatra sūkṣmā citriṇī ca tatra śrīkuṇḍalīgatiḥ|
tayā saṅgrāhya taṃ nāḍyā ṣaṭpadmaṃ sumanoharam||25-52||

dhyānagamyāparaṃ jñānaṃ ṣaṭśaraṃ śaktisaṃyutam|
brahmā viṣṇuśca rudraśca īśvaraśca sadāśivaḥ||25-53||

tataḥ paraśivo nātha ṣaṭśivāḥ parikītītāḥ|
ḍākinī rākiṇī śaktirlākinī kākinī tathā||25-54||

sākinī tatra ṣaṭpadme śaktayaḥ ṣaṭśivānvitāḥ|
mūlādhāraṃ svādhiṣṭhānaṃ maṇipūraṃ supaṅkajam||25-55||

anāhataṃ viśuddhākhyamājñācakraṃ mahotpalam|
ājñācakrādimadhye tu candraṃ śītalatejasam||25-56||

prapatantaṃ mūlapadme taṃ dhyātvā pūrakānilam|
yāvatkālaṃ sthairyaguṇaṃ tatkālaṃ kumbhakaṃ smṛtam||25-57||

piṅgalāyāṃ pragacchantaṃ recakaṃ taṃ vaśaṃ nayet|
aṅguṣṭhaikaparvaṇā ca dakṣanāsāpuṭaṃ vaśī||25-58||

dhṛtvā ṣoḍaśavāreṇa praṇavena japaṃ caret|
etatpūrakamākṛtya kuryātkumbhakamadbhutam||25-59||

catuḥṣaṣṭipraṇavena japaṃ dhyānaṃ samācaret|
kumbhakānantaraṃ nātha recakaṃ kārayed budhaḥ||25-60||

dvātriṃśadvārajāpena mūlena praṇavena vā|
dvināsikāpuṭaṃ baddhvā kumbhakaṃ sarvasiddhidam||25-61||

kaniṣṭhānāmikābhyāṃ tu vāmamaṅguṣṭhadakṣiṇam|
punardakṣiṇanāsāgera vāyumāpūrayed budhaḥ||25-62||

manuṣoḍaśajāpena kumbhayet pūrvavattataḥ|
tato vāme recakañca dvātriṃśatpraṇavena tu||25-63||

punarvāmena sampūrya ṣoḍaśapraṇavena tu|
punardakṣiṇanāsāgre dvādaśāṅgulamānataḥ||25-64||

kumbhayitvā recayedyaḥ sarvatra pūrvavat prabho|
prāṇāyāmatrayeṇaiva prāṇāyāmaikamuttamam||25-65||

dvivāraṃ madhyamaṃ proktaṃ madhyamaṃ caikavārakam|
trikālaṃ kārayedyatnāt anantaphalasiddhaye||25-66||

prātarmadhyāhnakāle ca sāyahne niyataḥ śuciḥ|
japadhyānādibhirmu(ryu)ktaṃ sagarbhaṃ yaḥ karoti hi||25-67||

māsāt sallakṣaṇaṃ prāpya ṣaṇmāse pavanāsanaḥ|
tālumūle samāropya jihvāgraṃ yogasiddhaye||25-68||

trikāle siddhimāpnoti prāṇāyāmena ṣoḍaśa|
sadābhyāsī vaśībhūttvā pavanaṃ janayet pumān||25-69||

ṣaṇmāsābhyantare siddhiriti yogārthanirṇayaḥ|
yogena labhyate sarvaṃ yogādhīnamidaṃ jagat||25-70||

tasmād yogaṃ paraṃ kāryaṃ yadā yogī tadā sukhī|
binā yogaṃ na siddhe'pi kuṇḍalī paradevatā||25-71||

atha yogaṃ sadā kuryāt īśvarīpādadarśanāt|
yogayogād bhavenmokṣa iti yogārthanirṇayaḥ||25-72||

mantrasiddhīcchuko yo vā saiva yogaṃ sadābhyaset|
mātrāvṛttiṃ pravakṣyāmi kākacañcupuṭaṃ tathā||25-73||

sūkṣmavāyu bhakṣaṇaṃ tat candramaṇḍalacālanam|
tryāvṛttiñcaiva vividhaṃ tanmadhye uttamaṃ trayam||25-74||

varṇaṃ sacandaṃ saṃyuktaṃ mūlaṃ tryakṣarameva vā|
jānujaṅghāmadhyadeśe tattatsarvāsanasthitaḥ||25-75||

vāmahastatālumūlaṃ bhrāmayed dvādaśakramāt|
dvādaśakramaśaḥ kuryāt prāṇāyāmaṃ hi pūrvavat||25-76||

mātrāvṛttikrameṇaiva japamaṣṭasahasrakam|
prāṇāyāmadvādaśaikairbhavettadaṣṭasahasrakam|
kṛtvā siddhīśvaro nāma niṣpāpī caikamāsataḥ||25-77||

trisandhyaṃ kārayedyatnād brahmajñānī nirañjanaḥ|
bhavatīti na sandehaḥ sadābhyāsī hi yogirāṭ||25-78||

yogābhyāsād bhavenmukto yogābhyāsāt kuleśvaraḥ|
yogābhyāsācca saṃnyāsī brahmajñānī nirāmayaḥ||25-79||

sadābhyāsād bhavedyogī sadābhyāsāt parantapaḥ|
sadābhyāsāt pāpamukto vidhividyāśakṛt śakṛt||25-80||

kākacañcupuṭaṃ kṛtvā pibedvāyumahanīśam|
sūkṣmavāyukrameṇaiva siddho bhavati yogirāṭ||25-81||

baddhapadmāsanaṃ kṛtvā yogimudrāṃ vibhāvya ca|
mūle sampūrayed vāyuṃ kākacañcupuṭena tu||25-82||

mūlamākuñcya sarvatra prāṇāyāme manorame|
prabodhayet kuṇḍalinīṃ caitanyāṃ citsvarūpiṇīm||25-83||

oṣṭhādharakākatulaṃ dante dantāḥ pragāḍhakam|
baddhvā vā yad yajed yogī jihvāṃ naiva prasārayet||25-84||

rājadantayugaṃ nātha na spṛśejjihvayā sudhīḥ|
kākacañcupuṭaṃ kṛtvā baddhvā vīrāsane sthitaḥ||25-85||

tālujihvāmūladeśe cānyajihvāṃ prayojayet|
tadudbhūtāmṛtarasaṃ kākacañcupuṭe pibet||25-86||

yaḥ kākacañcupuṭake sūkṣmavāyupraveśanam|
karoti stambhanaṃ yogī so'maro bhavati dhruvam||25-87||

etadyogaprasādena jīvanmuktastu sādhakaḥ|
jarāvyādhimahāpīḍārahito bhavati kṣaṇāt||25-88||

athavā mātrayā kuryāt ṣoḍaśasvarasampuṭam|
svamantraṃ praṇavaṃ vāpi japtvā yogī bhavennaraḥ||25-89||

athavā varṇamālābhiḥ puṭitaṃ mūlamantrakam|
mālāsaṃkhyākrameṇaiva japtvā kālavaśaṃ nayet||25-90||

vadane noccaredvarṇaṃ vāñchāphalasamṛddhaye|
kevala jihvayā japyaṃ kāmanāphalasiddhaye||25-91||

nābhau sūryo vahnirūpī lalāṭe candramāstathā|
agniśikhāsparśanena galitaṃ candramaṇḍalam||25-92||

tatparāmṛtadhārābhiḥ dīptimāpnoti bhāskaraḥ|
santuṣṭaḥ pāti satataṃ pūrakeṇa ca yoginām||25-93||

tataḥ pūrakayogena amṛtaṃ śrāvayet sudhīḥ|
kuryātprajvalitaṃ vahniṃ recakena varāgninā||25-94||

atha maunajapaṃ kṛtvā tataḥ sūkṣmānilaṃ mudā|
sahasrāre guruṃ dhyātvā yogī bhavati bhāvakaḥ||25-95||

prāṇavāyusthiro yāvat tāvanmṛtyubhayaṃ kutaḥ|
ūrdhvaretā bhavedyāvattāvatkālabhayaṃ kutaḥ||25-96||

yāvadbinduḥ sthito dehe vidhurūpī sunirmalaḥ|
sadāgalatsudhāvyāptastāvanmṛtyubhayaṃ kutaḥ||25-97||

ānandabhairava uvāca vada kānte kulānandarasike jñānarūpiṇi|
sarvatejo'gradevena yena siddho bhavennaraḥ||25-98||

mahāmṛtā khecarī ca sarvatattvasvarūpiṇī|
kīdṛśī śāṅkarīvidyā śrotumicchāmi tatkriyām||25-99||

adhyātmavidyāyogeśī kīdṛśī bhavitavyatā|
kīdṛśī paramā devī tatprakāraṃ vadasva me||25-100||

ānandabhairavī uvāca yasya nātha manasthairyaṃ mahāsattve sunirmale|
bhaktyā sambhāvanaṃ yatra vināvalambanaṃ prabho||25-101||

yasyā manaścittavaśaṃ svamindriya|
sthirā svadṛṣṭirjagadīśvarīpade|
na khenduśobhe ca vināvalokana|
vāyuḥ sthiro yasya binā nirodhanam||25-102||

ta eva mudrā vicaranti khecarī pāpādvimuktāḥ prapibanti vāyum|
yathā hi bālasya ca tasya veṣṭī nidrāvihīnāḥ pratiyānti nidrām||25-103||

pathāpathajñānavivajītā ye dharmārthakāmāddhi vihīnamānasāḥ|
vināvalambaṃ jagatāmadhīśvara eṣaiva mudrā vicaranti śāṅkarī||25-104||

jñāne sādhyātmavidyārthaṃ jānāti kulanāyakam|
adhyājñācakrapadmasthaṃ śivātmānaṃ suvidyayā||25-105||

adhyātmajñānamātreṇa siddho yogī na saṃśayaḥ|
ṣaṭcakrabhedako yo hi adhyātmajñaḥ sa ucyate||25-106||

adhyātmaśāstrasaṅketamātmanā maṇḍitaṃ śivam|
koṭicandrākṛtiṃ śāntiṃ yo jānāti ṣaḍambudhe||25-107||

sa jñānī saiva yogī syāt saiva devo maheśvaraḥ|
sa māṃ jānāti he kānta vismayo nāsti śaṅkara||25-108||

mama sarvātmakaṃ rūpaṃ jagatsthāvarajaṅgamam|
sṛṣṭisthitipralayagaṃ yo jānāti sa yogirāṭ||25-109||

adhyātmavidyāṃ vijñāpya nānāśāstraṃ prakāśitam|
tacchāsrajālayugmā ye te'dhyātmajñāḥ kathaṃ narāḥ||25-110||

tridaṇḍī syātsadābhakto vedābhyāsaparaḥ kṛtī|
vedādudbhavaśāstrāṇi tyaktvā māṃ bhāvayedyadi||25-111||

vedābhyāsaṃ samākṛtya nānāśāstrārthanirṇayam|
samutpannāṃ mahāśaktiṃ samālokya bhajedyatiḥ||25-112||

sarvatra vyāpikāṃ śaktiṃ kāmarūpāṃ nirāśrayām|
vyaktāvyaktāṃ sthirapadāṃ vāyavīṃ māṃ bhajedyatiḥ||25-113||

yasyā ānandamatulaṃ jñānaṃ yasya phalāphalam|
yogināṃ niścayajñānamekameva na saṃśayaḥ||25-114||

yasyāḥ prabhāvamātreṇa tattvacintāparo naraḥ|
tāmeva paramāṃ devīṃ sarparājasu kuṇḍalīm||25-115||

tāmeva vāyavīṃ śaktiṃ sūkṣmarūpāṃ sthirāśayām|
ānandarasikāṃ gaurīṃ dhyāyet śvāsanivāsinīm||25-116||

ānandaṃ brahmaṇo rūpaṃ tattvadehe vyavasthitam|
tasyābhivyañjakaṃ dravyaṃ yogibhiḥ paripīyate||25-117||

taddravyasthāṃ mahādevīṃ nīlotpaladalaprabhām|
mānavīṃ paramāṃ devīmaṣṭādaśabhujairyutām||25-118||

kuṇḍalīṃ cetanākāntiṃ caitanyāṃ paradevatām|
ānandabhairavīṃ nityāṃ ghorahāsāṃ bhayānakām||25-119||

tāmeva paramāṃ devīṃ sarvavāyuvaśaṅkarīm|
madirāsindhusambhūtāṃ mattāṃ raudrīṃ varābhayām||25-120||

yoginīṃ yogajananīṃ jñānināṃ mohinīsamām|
sarvabhūtasarvapakṣasthitirūpāṃ mahojjvalām||25-121||

ṣaṭcakrabhedikāṃ siddhiṃ tāsāṃ nityāṃ matisthitām|
vimalāṃ nirmalāṃ dhyāttvā yogī mūlāmbuje yajet||25-122||

etatpaṭalapāṭhe tu pāpamukto vibhākaraḥ|
yathodrdhvaretā dharmajño vicaret jñānasiddhaye||25-123||

etatkriyādarśanena jñānī bhavati sādhakaḥ|
jñānādeva hi mokṣaḥ syānmokṣaḥ samādhisādhanaḥ||25-124||

yaduddharati vāyuśca dhāraṇāśaktireva ca|
tanmantraṃ varddhayitvā prāṇāyāmaṃ samācaret||25-125||

prāṇāyāmāt paraṃ nāsti pāparāśikṣayāya ca|
sarvapāpakṣaye yāte kinna siddhyati bhūtale||25-126||

prāṇavāyuṃ mahograṃ tu mahattejomayaṃ param|
prāṇāyāmena jitvā ca yogī mattagajaṃ yathā||25-127||

prāṇāyāmaṃ vinā nātha kutra siddho bhavennaraḥ|
sarvasiddhikriyāsāraṃ prāṇāyāmaṃ paraṃ smṛtam||25-128||

prāṇāyāmaṃ triveṇīsthaṃ yaḥ karoti muhurmuhuḥ|
tasyāṣṭāṅgasamṛddhiḥ syādyogināṃ yogavallabhaḥ||25-129||

iti śrīrudrayāmale uttaratantre mahātantroddīpane bhāvanirṇaye pāśavakalpe ṣaṭcakrasārasaṅkete siddhamantraprakaraṇe prāṇāyāmollāse bhairavībhairavasaṃvāde pañcaviṃśaḥ paṭalaḥ||25||

Kapitel 26

atha ṣaḍaviṃśaḥ paṭalaḥ

ānandabhairavī uvāca śṛṇu prāṇeśa sakalaṃ prāṇāyāmanirūpaṇam|
prāṇāyāme japaṃ dhyānaṃ tattvayuktaṃ vadāmi tat||26-1||

prakārayeyamullāsaṃ prāṇāyāmeṣu śobhitam|
devatāvidhiviṣṇvīśāste tu madhyamamadhyamāḥ||26-2||

rajastamoguṇaṃ nātha sattve saṃsthāpya yatnataḥ|
kāmakrodhādikaṃ tyaktvā yogī bhavati yogavit||26-3||

rajoguṇaṃ nṛpāṇāṃ tu tamoguṇamatīva ca|
adhikaṃ tu paśūnāṃ hi sādhūnāṃ sattvameva ca||26-4||

sattvaṃ viṣṇuṃ vedarūpaṃ nirmalaṃ dvaitavajītam|
ātmopalabdhiviṣayaṃ trimūtīmūlamāśrayet||26-5||

sattvaguṇāśrayādeva niṣpāpī sarvasiddhibhāk|
jitendriyo bhavet śīghraṃ brahmacārivratena ca||26-6||

prāṇavāyuvaśenāpi vaśībhūtāścarācarāḥ|
tasyaiva kāraṇe nātha japaṃ dhyānaṃ samācaret||26-7||

vakṣyāmi tatprakāraṃ japadhyānaṃ vidhidvayam|
etatkaraṇamātreṇa yogī syānnātra saṃśayaḥ||26-8||

japaṃ ca trividhaṃ proktaṃ vyaktāvyaktātisūkṣmagam|
vyaktaṃ vācikamupāṃśumavyaktaṃ sūkṣmamānasam||26-9||

tatra dhyānaṃ pravakṣyāmi prakāramekaviṃśatim|
dhyānena japasiddhiḥ syāt japāt siddhirna saṃśayaḥ||26-10||

ādau vidyāmahādevīdhyānaṃ vakṣyāmi śaṅkara|
eṣā devī kuṇḍalinī yasyā mūlāmbuje manaḥ||26-11||

manaḥ karoti sarvāṇi dharmakarmāṇi sarvadā|
yatra gacchati sa śrīmān tatra vāyuśca gacchati||26-12||

ato mūle samāropya mānasaṃ vāyurūpiṇam|
dvādaśāṅgulakaṃ bāhye nāsāgre cāvadhārayet||26-13||

manaḥsthaṃ rūpamākalpya manodharmaṃ muhurmuhuḥ|
manastat sadṛśaṃ yāti gatiryatra sadā bhavet||26-14||

manovikārarūpaṃ tu ekameva na saṃśayaḥ|
ajñānināṃ hi deveśa brahmaṇo rūpakalpanā||26-15||

avyaktaṃ brahmarūpaṃ hi tacca dehe vyavasthitam|
dharmakarmavinirmuktaṃ manogamyaṃ bhajedyatiḥ||26-16||

padmaṃ caturdalaṃ mūle svarṇavarṇaṃ manoharam|
tatkaṇīkāmadhyadeśe svayambhūveṣṭitāṃ bhajet||26-17||

koṭisūryapratīkāśāṃ suṣumnārandhragāminīm|
ūdrdhvaṃ galatsudhādhārāmaṇḍitāṃ kuṇḍalīṃ bhajet||26-18||

svayambhūliṅga paramaṃ jñānaṃ ciravivarddhanam|
sūkṣmātisūkṣmamākāśaṃ kuṇḍalījaḍitaṃ bhajet||26-19||

pūrvoktayogapaṭalaṃ tatra mūle vibhāvayet|
kuṇḍalīdhyānamātreṇa ṣaṭcakrabhedako bhavet||26-20||

dhyāyed devīṃ kuṇḍalinīṃ parāparagurupriyām|
ānandāṃ bhuvi madhyasthāṃ yoginīṃ yogamātaram||26-21||

koṭividyullatābhāsāṃ sūkṣmātisūkṣmavartmagām|
ūdrdhvamārgavyācalantīṃ prathamāruṇavigrahām||26-22||

prathamodgamane kaulīṃ jñānamārgaprakāśikām|
prati prayāṇe pratyakṣāmamṛtavyāptavigrahām||26-23||

dharmodayāṃ bhānumatīṃ jagatsthāvarajaṅgamām|
sarvāntasthāṃ nivīkalpāñcaitanyānandanirmalām||26-24||

ākāśavāhinīṃ nityāṃ sarvavarṇasvarūpiṇīm|
mahākuṇḍalinīṃ dhyeyāṃ brahmaviṣṇuśivādibhiḥ||26-25||

praṇavāntaḥsthitāṃ śuddhāṃśuddhajñānāśrayāṃ śivām|
kulakuṇḍalinīṃ siddhiṃ candramaṇḍalabhedinīm||26-26||

mūlāmbhojasthitāmādyāṃ jagadyoniṃ jagatpriyām|
svādhiṣṭhānādipadmasthāṃ sarvaśaktimayīṃ parām||26-27||

ātmavidyāṃ śivānandāṃ pīṭhasthāmatisundarīm|
sarpākṛtiṃ raktavarṇāṃ sarvarūpavimohinīm||26-28||

kāminīṃ kāmarūpasthāṃ mātṛkāmātmadāyinīm|
kulamārgānandamayīṃ kālīṃ kuṇḍalinīṃ bhajet||26-29||

iti dhyātvā mūlapadme nirmale yogasādhane|
dharmodaye jñānarūpīṃ sādhayet parakuṇḍalīm||26-30|| kuṇḍalībhāvanādeva khecarādyaṣṭasiddhibhāk|
īśvaratvamavāpnoti sādhako bhūpatirbhavet||26-31|| yogābhyāse bhāvasiddhau smṛto vāyurmahodayaḥ|
prāṇānāmādunīvāryo yatnena taṃ pracālayet||26-32|| pratikṣaṇaṃ samākṛṣya mūlapadmastha kuṇḍalīm|
tadā prāṇamahāvāyurvaśī bhavati niścitam||26-33|| ye devāścaiva brahmāṇḍe kṣetre pīṭhe sutīrthake|
śilāyāṃ śūnyage nātha siddhāḥ syuḥ prāṇavāyunā||26-34|| brahmāṇḍe yāni saṃsanti tāni santi kalevare|
te sarve prāṇasaṃlagnāḥ prāṇātītaṃ nirañjanam||26-35|| yāvatprāṇaḥ sthito dehe tāvanmṛtyubhayaṃ kutaḥ|
gate prāṇe samāyānti devatāścetanāsthitāḥ||26-36|| sarveṣāṃ mūlabhūtā sā kuṇḍalī bhūtadevatā|
vāyurūpā pāti sarvamānandacetanāmayī||26-37|| jagatāṃ cetanārūpī kuṇḍalī yogadevatā|
ātmamanaḥsamāyuktā dadāti mokṣameva sā||26-38|| atastāṃ bhāvayenmantrī bhāvajñānaprasiddhaye|
bhavānīṃ bhogamokṣasthāṃ yadi yogamihecchasi||26-39|| vāyurodhanakāle ca kuṇḍalī cetanāmayī|
brahmarandhrāvadhi dhyeyā yoginaṃ pāti kāminī||26-40|| vāyurūpāṃ parāṃ devīṃ nityāṃ yogeśvarī jayām|
nivīkalpāṃ trikoṇasthāṃ sadā dhyāyet kuleśvarīm||26-41|| anantāṃ koṭisūryābhāṃ brahmaviṣṇuśivātmikām|
anantajñānanilayāṃ yāṃ bhajanti mumukṣavaḥ||26-42|| ajñānatimire ghore sā lagnā mūḍhacetasi|
suptā sarpāsanā maulā pāti sādhakamīśvarī||26-43|| īśvarīṃ sarvabhūtānāṃ jñānājñānaprakāśinīm|
dharmādharmaphalavyāptāṃ karuṇāmayavigrahām||26-44|| nityāṃ dhyāyanti yogīndrāḥ kāñcanābhāḥ kalisthitāḥ|
kulakuṇḍalinīṃ devīṃ caitanyānandanirbharām||26-45|| kakārādimāntavarṇāṃ mālāvidyullatāvṛtām|
hemālaṅkārabhūṣāṅgīṃ ye māṃ sambhāvayanti te||26-46|| ye vai kuṇḍalinīṃ vidyāṃ kulamārgaprakāśinīm|
dhyāyanti varṣasaṃyuktāste muktā nātra saṃśayaḥ||26-47|| ye muktā pāparāśestu dharmajñānasumānasāḥ|
te'vaśyaṃ dhyānamākurvan stuvanti kuṇḍalīṃ parām||26-48|| kulakuṇḍalinīdhyānaṃ bhogamokṣapradāyakam|
yaḥ karoti mahāyogī bhūtale nātra saṃśayaḥ||26-49|| trividhaṃ kuṇḍalinīdhyānaṃ divyavīrapaśukramam|
paśubhāvādiyogena siddho bhavati yogirāṭ||26-50|| divyadhyānaṃ pravakṣyāmi sāmānyānantaraṃ prabho|
ādau sāmānyamākṛtya divyādīn kārayettataḥ||26-51|| koṭicandrapratīkāśāṃ tejobimbāṃ nirākulām|
jvālāmālāsahasrāḍhyāṃ kālānalaśatopamām||26-52|| draṃṣṭrakarāladurdharṣāṃ jaṭāmaṇḍalamaṇḍitām|
ghorarūpāṃ mahāraudrīṃ sahasrakoṭicañcalām||26-53|| koṭicandrasamasnigdhāṃ sarvatrasthāṃ bhayānakām|
anantasṛṣṭisaṃhārapālanonmattamānasām||26-54|| sarvavyāpakarūpādyāmādinīlākalevarām|
anantasṛṣṭinilayāṃ dhyāyanti tāṃ mumukṣavaḥ||26-55|| vīradhyānaṃ pravakṣyāmi yatkṛtvā vīravallabhaḥ|
varāṇāṃ vallabho yo hi mukto bhogī sa ucyate||26-56|| vīrācāre sattvaguṇaṃ nirmalaṃ divyamuttamam|
samprāpya ca mahāvīro yogī bhavati tatkṣaṇāt||26-57|| vīrācāraṃ binā nātha divyācāraṃ na labhyate|
tato vīrācāradharmaṃ kṛtvā divyaṃ samācaret||26-58|| vīrācāraṃ koṭiphalaṃ vāraikajapasādhanam|
koṭikoṭijanmapāpaduḥkhanāśaṃ sa bhaktakaḥ||26-59|| kulācāraṃ samācāraṃ vīrācāraṃ mahāphalam|
kṛtvā siddhiśca vai dhyānaṃ kuladhyānaṃ madīyakam||26-60|| kulakuṇḍalinīṃ devīṃ māṃ dhyātvā pūjayanti ye|
mūlapadme mahāvīro dhyātvā bhavati yogirāṭ||26-61|| kālīṃ kaulāṃ kuleśīṃ kalakala--kalijadhyānakālānalārkāṃ|
kalyolkāṃ kālakavalāṃ kilikilikalikāṃ kelilāvaṇyalīlām|
sūkṣmākhyāṃ saṃkṣayākhyāṃ kṣayakulakamale sūkṣmatejomayīntā--|
mādyantasthāṃ bhajanti praṇatagatajanāḥ sundarīṃ cāruvarṇām||26-62|| aṣṭādaśabhujairyuktāṃ nīlendīvaralocanām|
madirāsāgarotpannāṃ candrasūryāgnirūpiṇīm||26-63|| candrasūryāgnimadhyasthāṃ sundarīṃ varadāyinīm|
kāminīṃ koṭikandarpadarpāntakapatipriyām||26-64|| ānandabhairavākrāntāmānandabhairavīṃ parām|
bhoginīṃ koṭiśītāṃśugaladgātramanoharām||26-65|| koṭividyullatākārāṃ sadasadvyaktivajītām|
jñānacaitanyaniratāṃ tāṃ vīrā bhāvayanti hi||26-66|| asyā dhyānaprasādena tvaṃ tuṣṭo bhairavaḥ svayam|
ahaṃ ca tuṣṭā saṃsāre sarve tuṣṭā na saṃśayaḥ||26-67|| prāṇāyāmān sa karoti sādhakaḥ sthiramānasaḥ|
dhyātvā devīṃ mūlapadme vīro yogamavāpnuyāt||26-68|| vīrabhāvaṃ sūkṣmavāyudhāraṇena maheśvara|
sādhako bhuvi jānāti svamṛtyuṃ janmasaṅkaṭam||26-69|| māsādākarṣaṇīsiddhirvāksiddhiśca dvimāsataḥ|
māsatrayeṇa saṃyogājjāyate devavallabhaḥ||26-70|| evañcatuṣṭaye māsi bhaveddakapālagocaraḥ|
pañcame pañcabāṇaḥ syāt ṣaṣṭhe rudro na saṃśayaḥ||26-71|| vīrabhāvasya māhātmyaṃ koṭijanmaphalena ca|
jānāti sādhakaśreṣṭho devībhaktaḥ sa yogirāṭ||26-72|| vīrācāraṃ mahādharmaṃ cittasthairyasya kāraṇam|
yasya prasādamātreṇa divyabhāvāśrito bhavet||26-73|| svayaṃ rudro mahāyogī mahāviṣṇuḥ kṛpānidhiḥ|
mahāvīraḥ sa evātmā mokṣabhogī na saṃśayaḥ||26-74|| atha nātha mahāvīra bhāvasnānaṃ kulāśrayam|
yatkṛtvā śucireva syāt śuciścet kiṃ na siddhyati||26-75|| kulasnānaṃ mahāsnānaṃ yogināmatidurlabham|
kṛtvā jitendriyo vīraḥ kuladhyānaṃ samācaret||26-76|| snānaṃ tu trividhaṃ proktaṃ majjanaṃ gātramārjanam|
mantrajñānādibhiḥ snānamuttamaṃ parikītītam||26-77|| tatprakāraṃ śṛṇu prāṇavallabha priyakāraka|
snānamātreṇa muktaḥ syāt pāpaśailādanantagaḥ||26-78|| snānañca vimale tīrthe hṛdayāmbhojapuṣkare|
bindutīrthe'thavā snāyāt sarvajanmāghamuktaye||26-79|| iḍāsuṣumne śivatīrthake'smin jñānāmbupūrṇe vahataḥ śarīre|
brahmādibhiḥ snāti tayostu nīre kiṃ tasya gāṅgairapi puṣkarairvā||26-80|| iḍāmalasthānanivāsinī yā sūryātmikāyāṃ yamunā pravāhikā|
tathā suṣumnā maladeśagāminī sarasvatī majjati bhakṣaṇārthakam||26-81|| manogatasnānaparo manuṣyo mantrakriyāyoga viśiṣṭa tattvavit|
mahīsthatīrthe vimale jale mudā mūlāmbuje snāti ca muktibhāg bhavet||26-82|| sarvāditīrthe suratīrthapāvanī gaṅgā mahāsatvavinirgatā satī|
karoti pāpakṣayameva muktiṃ dadāti sākṣādatulārthapuṇyadā||26-83|| sargasthaṃ yāvadātīrthaṃ svādhiṣṭhāne supaṅkaje|
mano nidhāya yogīndraḥ snāti gaṅgājale tathā||26-84|| maṇipūre devatīrthe pañcakuṇḍaṃ sarovaram|
etat śrīkāmanātīrthaṃ snāti yo muktimicchati||26-85|| anāhate sarvatīrthaṃ sūryamaṇḍalamadhyagam|
vibhavaḥ sarvatīrthāni snāti yo muktimicchati||26-86|| viśuddhākhye mahāpadme aṣṭatīrthaṃ samudbhavam|
kaivalyamuktidaṃ dhyātvā snāti vīro vimuktaye||26-87|| mānasaṃ bindutīrthañca kālīkuṇḍaṃ kalātmakam|
ājñācakre sadā dhyātvā snāti nirvāṇasiddhaye||26-88|| etat kule priyasnānaṃ kurvanti yogino mudā|
ato vīrāḥ sattvayuktāḥ sarvasiddhiyutāḥ surāḥ||26-89|| nānā pāpaṃ sadā kṛtvā brahmahatyāvinirgatam|
kṛtvā snānaṃ mahātīrthe siddhāḥ syuraṇimādigāḥ||26-90|| snānamātreṇa niṣpāpī śaktaḥ syādvāyusaṅgrahe|
tīrthānāṃ darśanaṃ yeṣāṃ śakto yogī bhaved dhruvam||26-91|| atha sandhyāṃ mahātīrthe kulaniṣṭhaḥ samācaret|
kularūpāṃ yogavidyāṃ yogayogād yatīśvaraḥ||26-92|| śivaśaktau samāyogo yasmin kāle prajāyate|
sā sandhyā kulaniṣṭhānāṃ samādhisthe prajāyate||26-93|| śivaṃ sūryaṃ hṛdi dhyātvā bhālaśaktīndusaṅgamam|
sā sandhyā kulaniṣṭhānāṃ samādhisthe prajāyate||26-94|| athavenduṃ śivaṃ dhyātvā hṛtsūryaśaktisaṅgamam|
saṃyogavidyā sā sandhyā samādhisthe prajāyate||26-95|| iti sandhyā ca kathitā jñānarūpā jaganmayī|
sā nityā vāyavī śaktiḥ chinnabhinnā vināśanāt||26-96|| tattvatīrthe mahādeva tarpaṇaṃ yaḥ karoti hi|
trailokyaṃ tapītaṃ tena tatprakāraṃ śṛṇu prabho||26-97|| mūlāmbhoje kuṇḍalinīṃ candrasūryāgnirūpiṇīm|
samutthāpya kuṇḍalinīṃ paraṃ binduṃ niveśya ca||26-98|| tadudbhavāmṛteneha tarpayed dehadevatām|
kuleśvarīmādividyāṃ sa siddho bhavati dhruvam||26-99|| candrasūryamahāvahnisambhūtāmṛtadhārayā|
tarpayet kaulinīṃ nityāmamṛtāktāṃ vibhāvayet||26-100|| etatparapadā kālī strīvidyādipratarpaṇam|
kṛtvā yogī bhavedeva satyaṃ satyaṃ kuleśvara||26-101|| mūle pātraṃ cāndramasaṃ lalāṭendvamṛte na ca|
sampūrya jñānamārgeṇa tarpayettena khecarīm||26-102|| sudhāsindhormadhyadeśe kulakanyāṃ pratarpayet|
madirāmṛtadhārābhiḥ siddho bhavati yogirāṭ||26-103|| tatra tīrthe mahājñānī dhyānaṃ kuryāt prayatnataḥ|
tadgarbhamabhyasennityaṃ dhyānametaddhi yoginām||26-104|| svīyāṃ kanyāṃ bhojayedvai parakīyāmathāpi vā|
paritoṣāya sarveṣāṃ yuvatīṃ vā pratoṣayet||26-105|| stotreṇānena divyena toṣayet śaṅkara prabho|
sahasranāmnā kaumāryāḥ stutvā devīṃ pratoṣayet||26-106|| yaḥ karoti pūrṇayajñaṃ pañcāṅgaṃ japakarmaṇi|
puraścaraṇakāryaṃ ca prāṇāyāmena kārayet||26-107|| prāṇavāyuḥ sthiro gehe pūjāgrahaṇahetunā|
ye'ntarasthaṃ na kurvanti teṣāṃ siddhiḥ kutaḥ sthitā||26-108|| ato'ntaryajanenaiva kuṇḍalītuṣṭamānasā|
yadi tuṣṭā mahādevī tadaiva siddhibhāk pumān||26-109|| abhiṣicya jagaddhātrīṃ pratyakṣaparadevatām|
mūlāmbhojāt sahasrāre pūjayed bindudhārayā||26-110|| galaccandrāmṛtollāsidhārayāsicya pārvatīm|
pūjayet parayā bhaktyā mūlamantraṃ smaran sudhīḥ||26-111|| arccayanviṣayaiḥ puṣpaistatkṣaṇāttanmayo bhavet|
nyāsastanmayatābuddhiḥ so'haṃbhāvena pūjayet||26-112|| mantrākṣarāṇi cicchaktau protāni paribhāvayet|
tāmeva parame vyomni paramānandasaṃsthite||26-113|| darśayatyātmasadbhāvaṃ pūjāhomādibhivīnā|
tadantaryajanaṃ jñeyaṃ yogināṃ śaṅkara prabho||26-114|| antarātmā mahātmā ca paramātmā sa ucyate|
tasya smaraṇamātreṇa sādhuyogī bhavennaraḥ||26-115|| amāyamanahaṅkāramarāgamamadaṃ tathā|
amohakamadambhañca anindākṣobhakau tathā||26-116|| amātsaryamalobhaśca daśapuṣpāṇi yoginām|
ahiṃsā paramaṃ puṣpaṃ puṣpamindriyanigrahaḥ||26-117|| dayā puṣpaṃ kṣamā puṣpaṃ jñānapuṣpaṃ ca pañcamam|
ityaṣṭasaptabhiḥ puṣpaiḥ pūjayet paradevatām||26-118|| atha homavidhiṃ vakṣye puraścaraṇasiddhaye|
saṅketabhāṣayā nātha kathayāmi śṛṇuṣva tat||26-119|| ātmānamaparicchinnaṃ vibhāvya sūkṣmavat sthitaḥ|
ātmatrayasvarūpaṃ tu citkuṇḍaṃ caturasrakam||26-120|| ānandamekhalāyuktaṃ nābhisthajñānavahniṣu|
arddhamātrākṛtiryonibhūṣitaṃ juhuyāt sudhīḥ||26-121|| itimantreṇa tadvahnau so'haṃbhāvena homayet|
bāhyanārīvidhiṃ tyaktvā mūlāntena svatejasam||26-122|| nābhicaitanyarūpāgnau haviṣā manasā srucā|
jñānapradīpite nityamakṣavṛttirjuhomyaham||26-123|| iti prathamamāhutyā mūlānte sañcaret kriyām|
dvitīyāhutidānena homaṃ kṛtvā bhavedvaśī||26-124|| dharmādharmapradīpte ca ātmāgnau manasā srucā|
suṣumnā vartmanā nityamakṣavṛttiṃ juhomyaham||26-125|| svāhāntaṃ mantramuccārya ādye mūlaṃ niyojya ca|
juhuyādekabhāvena mūlāmbhoruhamaṇḍale||26-126|| caturthe pūrṇahavane etanmantreṇa kārayet|
etanmantracaturthaṃ tu pūrṇavidyāphalapradam||26-127|| antanīrantaranirandhanamedhamāne|
māyāndhakāraparipanthini saṃvidagnau|
kasmṃiścidadbhutamarīcivikāsabhūmau viśvaṃ juhomi vasudhādiśivāvasānam||26-128|| ityantaryajanaṃ kṛtvā sākṣād brahmamayo bhavet|
na tasya puṇyapāpāni jīvanmukto bhaved dhruvam||26-129|| jñānināṃ yogināmeva antaryāgo hi siddhidaḥ|
athāntaḥ pañcamakārayajanaṃ śṛṇu śaṅkara||26-130|| antaryajanakāle tu dṛḍhabhāvena bhāvayet|
tvāṃ māṃ nāthaikatāṃ dhyātvā divārātryaikatāṃ yathā||26-131|| surāśaktiḥ śivo māṃsaṃ tadbhakto bhairavaḥ svayam|
tayoraikyasamutpanna ānando mokṣanirṇayaḥ||26-132|| ānandaṃ brahmakiraṇaṃ dehamadhye vyavasthitam|
tadabhivyañjakairdravyaiḥ kuryād brahmāditarpaṇam||26-133|| ānandaṃ jagatāṃ sāraṃ brahmarūpaṃ tanusthitam|
tadabhivyañjakaṃ dravyaṃ yogibhistaiḥ prapūjayet||26-134|| liṅgatrayaṃ ca ṣaṭpadmādhāramadhyendubhedakaḥ|
pīṭhasthānāni cāgatya mahāpadmavanaṃ vrajet||26-135|| mūlāmbhojo brahmarandhraṃ cālayedasucālayet|
gatvā punaḥ punastatra ciccandraḥ paramodayaḥ||26-136|| ciccandraḥ kuṇḍalīśaktiḥ sāmarasyamahodayaḥ|
vyomapaṅkajanispandasudhāpānarato naraḥ||26-137|| madhupānamidaṃ nātha bāhye cābhyantare satām|
itaraṃ madyapānaṃ tu yogināṃ yogaghātanāt||26-138|| itaraṃ tu mahāpānaṃ bhrāntimithyāvivajītaḥ|
mahāvīraḥ saṅkaroti yogāṣṭāṅgasamṛddhaye||26-139|| puṇyāpuṇyapaśuṃ hatvā jñānakhaḍgena yogavit|
paraśivena yaścittaṃ niyojayati sādhakaḥ||26-140|| māṃsāśī sa bhavedeva itare prāṇighātakāḥ|
śarīrasthe mahāvahnau dagdhamatsyāni pūjayet||26-141|| śarīrasthajalasthāni itarāṇyaśubhāni ca|
mahīgatasnigdhasaumyodbhavamudrāmahābalāḥ||26-142|| tatsarvaṃ brahmakiraṇe āropya tarpayet sudhīḥ|
tatra mudrābhojanāni ānandavarddhakāni ca||26-143|| itarāṇi ca bhogārthe etaddhi yogināṃ param|
paraśaktyātmamithunasaṃyogānandanirbharāḥ||26-144|| muktāste maithunaṃ tatsyāditare strīniṣevakāḥ|
etatpañcamakāreṇa pūjayet paranāyikām||26-145|| puraścaraṇagūḍhārthasāramantraprapūjanam|
etadyogaṃ sadābhyased nidrālasyavivajītaḥ||26-146|| prāṇavāyurayaṃ kuryāt kālakāraṇavāraṇāt|
etatkriyāṃ prāṇavaśe yaḥ karoti nirantaram||26-147|| tasya yogasamṛddhiḥ syāt kālasiddhimavāpnuyāt||26-148||

iti śrīrudrayāmale uttaratantre mahātantroddīpane bhāvanirṇaye sūkṣmayogasiddhyadhikaraṇe pāśavakalpe ṣaṭcakrasārasaṅkete siddhimantraprakaraṇe bhairavabhairavīsaṃvāde ṣaḍviṃśaḥ paṭalaḥ||26||

Kapitel 27

atha saptaviṃśaḥ paṭalaḥ

ānandabhairava uvāca vividhāni tvayoktāni yogaśāstrāṇi bhairavi|
sarvarūpatvamevāsyā mama kānte priyaṃvade||27-1||

yogāṣṭāṅgaphalānyeva sarvatattvajalāni ca|
idānīṃ śrotumicchāmi śaktitattvakrameṇa tu||27-2||

pūrvoktaprāṇavāyūnāṃ haraṇaṃ vāyudhāraṇam|
pratyāhāraṃ dhāraṇākhyaṃ dhyānaṃ samādhimāvada||27-2||

ānandabhairavī uvāca śṛṇu lokeśa vakṣyāmi prāṇāyāmaphalāphalam|
na gṛhṇīyādvistaraṃ tu svalpaṃ naiva tu kumbhayet||27-4||

śanaiḥ śanaiḥ prakartavyaṃ saṅghātañca vivarjayet|
pūrakāhlādasiddheśca prāṇāyāmaśataṃ śatam||27-5||

vṛddhyai prāṇalakṣaṇaṃ tu yasmin yasmin dine gatiḥ|
kṛṣṇapakṣe śuklapakṣe tithitriṃśatphalodayaḥ||27-6||

śuklapakṣe iḍāyāṃ tu kṛṣṇapakṣe'nyadeva hi|
kuryāt sarvatra gamanaṃ suṣumnā bahurūpiṇī||27-7||

tithitrayaṃ sitasyāpi pratipadādisambhavam|
taddvayaṃ dakṣanāsāyāṃ vāyorjñeyaṃ mahāprabho||27-8||

caturthīṃ pañcamīṃ ṣaṣṭhīṃ vyāpyodayati devatā|
vāmanāsāpuṭe dhyeyā vāyudhāraṇakarmaṇi||27-9||

saptamīmaṣṭamīñcaiva navamīṃ vyāpya tiṣṭhati|
vāmanāsāpuṭe dhyeyā sādhakaiḥ kulapaṇḍitaiḥ||27-10||

daśamyekādaśīṃ caiva dvādaśīṃ vyāpya tiṣṭhati|
vāyurdakṣiṇanāsāgre dhyeyo yogibhirīśvaraḥ||27-11||

trayodaśīṃ vyāpya vāyuḥ paurṇamāsīṃ caturdaśīm|
vāmanāsāpuṭe dhyeyaḥ saṃhāraharaṇāya ca||27-12||

kṛṣṇapakṣaphalaṃ vakṣye yajjñātvā amaro bhavet|
kālajñānī bhavet śīghraṃ nātra kāryā vicāraṇā||27-13||

pratipaddvitīyāmasya tṛtīyāmapi tasya ca|
piṅgalāyāṃ samāvāpya vāyanīḥsarate sadā||27-14||

caturthī pañcamīṃ ṣaṣṭhīṃ vāme vyāpya pratiṣṭhati|
saptamīmaṣṭamīṃ vāyurnavamīṃ dakṣiṇe tataḥ||27-15||

daśamyekādaśīṃ vāyurvyāpya bhramati sarvadā|
vāme ca dakṣiṇe'nyāni tithyādīni sadāniśam||27-16||

yadā etadvyastabhāvaṃ samāpnoti narottamaḥ|
tadaiva maraṇaṃ rogaṃ bandhunāśaṃ tripakṣake||27-17||

bhinnajanmatithiṃ jñātvā tasmin kāle virodhayet|
ārabhya janmanāśāya prāṇāyāmaṃ samācaret||27-18||

yadā pratyayabhāvena dehaṃ tyaktvā prayacchati|
tadā nirudhya śvasanaṃ kālāgnau dhārayedadhaḥ||27-19||

yāvat svasthānamāyāti tāvatkālaṃ samabhyaset|
yāvanna calate dehaṃ yāvanna calate manaḥ||27-20||

kramādabhyasataḥ puṃso dehe svedodgamo'dhamaḥ|
madhyamaṃ kampasaṃyukto bhūmityāgaḥ parasya tu||27-21||

ṣaṇmāsādbhūtadarśī syāt dūraśravaṇameva ca|
saṃvatsarābhyāsayogā yogavidyāprakāśakṛt||27-22||

yogī jānāti sarvāṇi tantrāṇi svakramāṇi ca|
yadi darśanadṛṣṭiḥ syāttadā yogī na saṃśayaḥ||27-23||

pratyāhāraphalaṃ vakṣye yatkṛtvā khecaro bhavet|
īśvare bhaktimāpnoti dharmajñānī bhavennaraḥ||27-24||

uttamasya guṇaprāptiryāvacchīlanamiṣyate|
tāvajjapet sūkṣmavāyuḥ pratyāhāraprasiddhaye||27-25||

indriyāṇāṃ vicaratāṃ viṣayeṣu nivartanam|
balādāharaṇaṃ tebhyaḥ pratyāhāro vidhīyate||27-26||

nānyakarmasu dharmeṣu śāstradharmeṣu yogirāṭ|
patitaṃ cittamānīya sthāpayet pādapaṅkaje||27-27||

dunīvāryaṃ dṛḍhacittaṃ duratyayamasammatam|
balādāharaṇaṃ tasya pratyāhāro vidhīyate||27-28||

etat pratyāhārabalāt yogī svastho bhaved dhruvam|
akasmād bhāvamāpnoti bhāvarāśisthiro naraḥ||27-29||

bhāvāt parataraṃ nāsti bhāvādhīnamidaṃ jagat|
bhāvena labhyate yogaṃ tasmādbhāvaṃ samāśrayet||27-30||

atha dhāraṇamāvakṣye yatkṛtvā dhairyarūpabhāk|
trailokyamudare kṛtvā pūrṇaḥ tiṣṭhati yogirāṭ||27-31||

aṅguṣṭhagulphajānūrusīmani liṅganābhiṣu|
hṛdgrīvākaṇṭhadeśeṣu lambikāyāṃ tathā nasi||27-32||

bhrūmadhye mastake mūdhnī dvādaśānte yathāvidhi|
dhāraṇaṃ prāṇamaruto dhāraṇeti nigadyate||27-33||

sarvanāḍīgranthideśe ṣaṭcakre devatālaye|
brahmamārge dhāraṇaṃ yad dhāraṇeti nigadyate||27-34||

dhāraṇaṃ mūladeśe tu kuṇḍalīṃ nāsikātaṭe|
prāṇavāyoḥ praśamanaṃ dhāraṇeti nigadyate||27-35||

tatra śrīcaraṇāmbhojamaṅgale cārutejasi|
bhāvena sthāpayeccittaṃ dhāraṇāśaktimāpnuyāt||27-36||

atha dhyānaṃ pravakṣyāmi yat kṛtvā sarvago bhavet|
dhyānayogād bhavenmokṣo matkulāgamanirgamaḥ||27-37||

samāhitena manasā caitanyāntarvatīnā|
ātmanyabhīṣṭadevānāṃ yogadhyānamihocyate||27-38||

śrīpadāmbhoruhadvandve nakhakiñjalkacitrite|
sthāpayitvā manaḥpadmaṃ dhyāyediṣṭagaṇaṃ mahat||27-39||

atha samādhimāhātmyaṃ vadāmi tattvataḥ śṛṇu|
yasyaiva kāraṇādeva pūrṇayogī bhavennaraḥ||27-40||

samatvabhāvanā nityaṃ jīvātmaparamātmanoḥ|
samādhinā jayī bhūyādāndabhairaveśvara||27-41||

saṃyogasiddhimātreṇa samādhisthaṃ mahājanam|
prapaśyati mahāyogī samādhyaṣṭāṅgalakṣaṇaiḥ||27-42||

etatsamādhimākṛtya yogī yogānvito bhavet|
atha candre manaḥ kuryāt samāropya vibhāvayet||27-43||

etadaṣṭāṅgasāreṇa yogayogyo bhavennaraḥ|
yogayogād bhavenmokṣo mantrasiddhirakhaṇḍitā||27-44||

yogaśāstra prakāreṇa sarve vai bhairavāḥ smṛtāḥ|
yogaśāstrāt paraṃ śāstraṃ trailokye nāpi vartate||27-45||

trailokyātītaśāstrāṇi yogāṅgavividhāni ca|
jñātvā yā paśyati kṣipraṃ nānādhyāyena śaṅkara||27-46||

kāmādidoṣanāśāya kathitaṃ jñānamuttamam|
idānīṃ śṛṇu vakṣyāmi mantrayogārthanirṇayam||27-47||

viśvaṃ śarīramākleśaṃ pañcabhūtāśrayaṃ prabho|
candrasūryāgnitejobhiḥ jīvabrahmaikarūpakam||27-48||

tisraḥ koṭyastadardhena śarīre nāḍayo matāḥ|
teṣu mukhyā daśa proktāstāsu tisro vyavasthitāḥ||27-49||

pradhānā merudaṇḍe'tra somasūryāgnirūpiṇī|
nāḍītrayasvarūpeṇa yogamātā pratiṣṭhitā||27-50||

iḍā vāme sthitā nāḍī śuklā tu candrarūpiṇī|
śaktirūpā ca sā nāḍī sākṣādamṛtavigrahā||27-51||

dakṣiṇe piṅgalākhyā tu puṃrūpā sūryavigrahā|
dāḍimīkusumaprakhyā viṣākhyā parikītītā||27-52||

merumadhye sthitā yā tu suṣumnā bahurūpiṇī|
visargādbinduparyantaṃ vyāpya tiṣṭhati tattvataḥ||27-53||

mūlādhāre trikoṇākhye icchājñānakriyātmake|
madhye svayaṃbhūliṅgaṃ taṃ koṭisūryasamaprabham||27-54||

tadūrdhve kāmabījaṃ tu kalāśāntīndunāyakam|
tadūrdhve tu śikhākārā kuṇḍalī brahmavigrahā||27-55||

tadbāhye hemavarṇābhaṃ vasuvarṇacaturdalam|
drutahemasamaprakhyaṃ padmaṃ tatra vibhāvayet||27-56||

tadūrdhve'gnisamaprakhyaṃ ṣaḍdalaṃ hīrakaprabham|
vādilāntaṃ tu ṣaḍvarṇasahitaṃ rasapatrakam||27-57||

svādhiṣṭhānākhyamamalaṃ yogināṃ hṛdayaṅgamam|
mūlamādhāraṣaṭkānāṃ mūlādhāraṃ prakītītam||27-58||

svaśabdena paraṃ liṅgaṃ svādhiṣṭhānaṃ svaliṅgakam|
tadūrdhve nābhideśe tu maṇipūraṃ mahāprabham||27-59||

meghābhaṃ vidyutābhaṃ ca bahutejomayaṃ tataḥ|
maṇimadbhannatatpadmaṃ maṇipūraṃ śaśiprabham||27-60||

kathitaṃ sakalaṃ nātha hṛdayābjaṃ śṛṇu priya|
daśabhiśca dalairyuktaṃ ḍādiphāntākṣarānvitam||27-61||

śivenādhiṣṭhitaṃ padmaṃ viśvālokanakārakam|
tadūrdhve'nāhataṃ padmaṃ hṛdisthaṃ kiraṇākulam||27-62||

udyadādityasaṅkāśaṃ kādiṭhāntākṣarānvitam|
daladvādaśasaṃyuktamīśvarādyasamanvitam||27-63||

tanmadhye bāṇaliṅgaṃ tu sūryāyutasamaprabham|
śabdabrahmamayaṃ vakṣye'nāhatastatra dṛśyate||27-64||

tenānāhatapadmākhyaṃ yogināṃ yogasādhanam|
ānandasadanaṃ tattu siddhenādhiṣṭhitaṃ param||27-65||

tadūdrdhvaṃ tu viśuddhākhyaṃ dalaṣoḍaśapaṅkajam|
varṇaiḥ ṣoḍaśabhiryuktaṃ dhūmravarṇaṃ mahāprabham||27-66||

yogināmadbhutasthānaṃ siddhivarṇaṃ samabhyaset|
viśuddhaṃ tanute yasmāt jīvasya haṃsalokanāt||27-67||

viśuddhaṃ padmamākhyātamākāśākhyaṃ mahāprabham|
ājñācakraṃ tadūdrdhve tu athīnādhiṣṭhitaṃ param||27-68||

ājñāsaṃkramaṇaṃ tatra gurorājñeti kītītam|
kailāsākhyaṃ tadūrdhve tu tadūrdhve bodhanaṃ tataḥ||27-69||

evaṃvidhāni cakrāṇi kathitāni tava prabho|
tadūddhrvasthānamamalaṃ sahasrārāmbujaṃ param||27-70||

bindusthānaṃ paraṃ jñeyaṃ gaṇānāṃ matamāśṛṇu|
bauddhā vadanti cātmānamātmajñānī na īśvaraḥ||27-71||

sarvaṃ nāstīti cārvākā nānākarmavivajītāḥ|
vedanindāparāḥ sarve bauddhāḥ śūnyābhivādinaḥ||27-72||

mama jñānāśritāḥ kāntāścīnabhūminivāsinaḥ|
ātmānamaparicchinnaṃ vibhāvya bhāvyate mayā||27-73||

śrīpadābje binduyugmaṃ nakhendumaṇḍalaṃ śubham|
śivasthānaṃ pravadanti śaivāḥ śāktā maharṣayaḥ||27-74||

paramaṃ puruṣaṃ nityaṃ vaiṣṇavāḥ prītikārakāḥ|
hariharātmakaṃ rūpaṃ saṃvadanti pare janāḥ||27-75||

devyāḥ padaṃ nityarūpāścaraṇānandanirbharāḥ|
vadanti munayo mukhyāḥ puruṣaṃ prakṛtātmakam||27-76||

puṃprakṛtyākhyabhāvena magnā bhānti mahītale|
iti te kathitaṃ nātha mantrayogamanuttamam||27-77|| yogamārgānusāreṇa bhāvayet susamāhitaḥ|
ādau mahāpūrakeṇa mūle saṃyojayenmanaḥ||27-78|| gudameḍhrantare śaktiṃ tāmākuñcya prabuddhayet|
liṅgabhedakrameṇaiva prāpayedbinducakrakam||27-79|| śambhulābhāṃ parāṃ śaktimekībhāvaivīcintayet|
tatrotthitāmṛtarasaṃ drutalākṣārasopamam||27-80|| pāyayitvā parāṃ śaktiṃ kṛṣṇākhyāṃ yogasiddhidām|
ṣaṭcakrabhedakastatra santarpyāmṛtadhārayā||27-81|| ānayettena mārgeṇa mūlādhāraṃ tataḥ sudhīḥ|
evamabhyasyamānasya ahanyahani mārutam||27-82|| jarāmaraṇaduḥkhādyairmucyate bhavabandhanāt|
tantroktakathitā mantrāḥ sarve siddhyanti nānyathā||27-83|| svayaṃ siddho bhavet kṣipraṃ yoge hi yogavallabhā|
ye guṇāḥ santi devasya pañcakṛtyavidhāyinaḥ||27-84|| te guṇāḥ sādhakavare bhavantyeva na cānyathā|
iti te kathitaṃ nātha mantrayogamanuttamam||27-85|| idānīṃ dhāraṇākhyañca śṛṇuṣva paramāñjanam|
dikkālādyanavacchinnaṃ tvayi cittaṃ nidhāya ca||27-86|| mayi vā sādhakavaro dhyātvā tanmayatāmiyāt|
tanmayo bhavati kṣipraṃ jīvabrahmaikayojanāt||27-87|| iṣṭapāde mati datvā nakhakiñjalkacitrite|
athavā mananaṃ cittaṃ yadā kṣipraṃ na siddhyati||27-88|| tadāvayavayogena yogī yogaṃ samabhyaset|
pādāmbhoje mano dadyād nakhakiñjalkacitrite||27-89|| jaṅghāyugme tathārāmakadalīkāṇḍamaṇḍite|
ūrudvaye mattahastikaradaṇḍasamaprabhe||27-90|| gaṅgāvarttagabhīre tu nābhau siddhibile tataḥ|
udare vakṣasi tathā haste śrīvatsakaustubhe||27-91|| pūrṇacandrāmṛtaprakhye lalāṭe cārukuṇḍale|
śaṅkhacakragadāmbhojadordaṇḍaparimaṇḍite||27-92|| sahasrādityasaṅkāśe kirīṭakuṇḍaladvaye|
sthāneṣveṣu bhajenmantrī viśuddhaḥ śuddhacetasā||27-93|| mano niveśya śrīkṛṣṇe vaiṣṇavo bhavati dhruvam|
iti vaiṣṇavamākhyātaṃ dhyānaṃ sattvaṃ sunirmalam||27-94|| viṣṇubhaktāḥ prabhajanti svādhiṣṭhānaṃ manaḥ sthirāḥ|
yāvanmanolayaṃ yāti kṛṣṇe ātmani cintayet||27-95|| tāvat svādhiṣṭhānasiddhiriti yogārthanirṇayaḥ|
tāvajjapenmanuṃ mantrī japahomaṃ samabhyaset||27-96|| ataḥ paraṃ na kiñcicca kṛtyamasti manohare|
vidite paratattve tu samastainīyamairalam||27-97|| ata eva sadā kuryāt dhyānaṃ yogaṃ manuṃ japet|
tamaḥ parivṛte gehe ghaṭo dīpena dṛśyate||27-98|| evaṃ sa yo vṛto hyātmā manunā gocarīkṛtaḥ|
iti te kathitaṃ nātha mantrayogamanuttamam||27-99|| kṛtvā pāpodbhavairduḥkhairmucyate nātra saṃśayaḥ|
durlabhaṃ viṣayāsaktaiḥ sulabhaṃ yogināmapi||27-100|| sulabhaṃ na tyajedvidvān yadi siddhimihecchati|
brahmajñānaṃ yogadhyānaṃ mantrajāpyaṃ kriyādikam||27-101|| yaḥ karoti sadā bhadro vīrabhadro hi yogirāṭ|
bhaktiṃ kuryāt sadā śambhoḥ śrīvidyāyāḥ parātparām||27-102|| yogasādhanakāle ca kevalaṃ bhāvanādibhiḥ|
mananaṃ kīrttanaṃ dhyānaṃ smaraṇaṃ pādasevanam||27-103|| arcanaṃ vandanaṃ dāsyaṃ sakhyamātmanivedanam|
etadbhaktiprasādena jīvanmuktastu sādhakaḥ||27-104|| yogināṃ vallabho bhūtvā samādhistho bhavedyatiḥ||27-105||

iti śrīrudrayāmale uttaratantre mahātantroddīpane bhāvārthanirṇaye pāśavakalpe ṣaṭcakrasārasaṅkete siddhamantraprakaraṇe bhairavībhairavasaṃvāde saptaviṃśaḥ paṭalaḥ||27||

Kapitel 28

athāṣṭāviṃśaḥ paṭalaḥ

ānandabhairava uvāca trailokyapūjite kānte idānīṃ siddhihetave|
mantrasiddherlakṣaṇaṃ tu yogināmatidurlabham||28-1||

tvanmukhāmbhoruhollāsaniḥsṛtaṃ paramāmṛtam|
pītvā cakāra tantrāṇi yattatra nāsti tad vada||28-2||

ānandabhairavī uvāca niścayaṃ te pravakṣyāmi ānandabhairaveśvara|
mantrasiddherlakṣaṇaṃ tu yogamārgānukūlataḥ||28-3||

nityaṃ cetasi susthire sthitapathakleśādidoṣakṣaya|
sarvañcottamamantrasiddhikalitaṃ saṃlakṣaṇaṃ śobhanam|
mṛtyūnāṃ haraṇaṃ jagatpatimatiṃ sandarśanañcottama|
yogo'kleśavivarddhanaṃ samudayāccheśaprayogeṣṭabhāk||28-4||

narendrāṇāṃ kāye praviśati haṭhāt kṣobhayati ta|
pure teṣāmūdrdhvotkramaṇacarasyāvarapure|
adhaḥchidraṃ paśyet khacaravanitāmelanamala|
śṛṇoti pradhmāne jagati jagatāṃ kītīratulā||28-5||

itīha siddhyādisulakṣaṇena|
prayāti vaikuṇṭhapurīṃ manoramām|
hitaṃ yadā paśyati sattvabhūbhṛtā|
jagadvipakṣo nijapakṣamāśrayet||28-6||

kītīrbhūṣaṇamādibhaktisaphalā bhuktikriyāsaṃyutā|
devānāmatibhaktiyuktahṛdayaṃ sarvakriyādakṣatā|
trailokyaṃ nijadāsyakarmanipuṇaṃ jitvā ciraṃ jīvati
aṣṭāṅgābhyasanaṃ jagadvaśakaraṃ caitanyatāmuttamam||28-7||

bhogecchārahitaṃ jagajjanacamatkārānukalpānvita|
rogāṇāṃ daraṇaṃ viraktahṛdayaṃ vairāgyabhaktipriyam|
tyāgaṃ saṃsaraṇaṃ tathā śamadayāmāyābdhijālasya vā|
eśvaryaṃ kavitārasaṃ dhanajanaṃ lakṣmīgaṇaṃ jāpanam||28-8||

ullāsaṃ hṛdayāmbuje sutadhanaṃ sammānanaṃ satpatha|
vāñchāsāgararatnapūrṇaghaṭitaṃ kāntāgaṇānmoditam|
saṅketādimanupriyaṃ hariharabrahmaikabhāvānvita|
lokānāṃ gurutānirantaraśivānandaika mudrādharam||28-9||

etaduktaṃ mahādevottaratantranirūpaṇam|
mantrasiddhilakṣaṇaṃ taduttamādhamamadhyamam||28-10||

munayo devamukhyāśca nityaṃ janmani janmani|
divyarūpaṃ narakule dhṛtvā tṛpyanti cāniśam||28-11||

tavaivāpi mamaivāpi tarpaṇaṃ homabhojanam|
sarvadā kurute sādhu tanmano bhavati dhruvam||28-12||

etatprāṇavāyupāne sūkṣmacandraniyojane|
kartavyaṃ pratyahaṃ kāryaṃ divārātrau muhurmuhuḥ||28-13||

adyaitat karma saṃskuryāt yogasādhanamuttamam|
yaḥ śrīmān sādhu sadvaktā duṣṭamantro'pi sidhyati||28-14||

etaddoṣasamūhaṃ tu vadāmi tattvataḥ śṛṇu|
chinnādidoṣaduṣṭānāṃ yogatattvena sidhyati||28-15||

devendra pāśaduṣṭā ca bhuvaneśī susiddhidā|
ārādhitā mahāvidyā vīryadarpavivajītā||28-16||

ekākṣarī vīryahīnā vāgbhavena mahojjvalā|
tadavadyuttamā devī tārasampuṭahaṃsinī||28-17||

āviddhā kāmarājena vidyā kāmeśvarī parā|
śareṇa pīḍitā pūrvaṃ bhuvaneśyāḥ pratiṣṭhitā||28-18||

yā kumārī mahāvidyā yayā saptāribodhikā|
tārācandrasvarūpāhaṃ śivaśaktyā ca kevalam||28-19||

bhairavīṇāṃ hi vidyānāṃ doṣajālaṃ śṛṇu prabho|
etāndoṣānpraṇaśyanti yogamārgānusāriṇaḥ||28-20||

yataḥ kuṇḍalinī devī yogena cetanāmukhī|
ato yogaṃ sadā kuryāt sarvamantraprasiddhaye||28-21||

bhairavī vidhiśaptā ca dagdhā ca kīlitā tathā|
saiva saṃhārakarī mohitā cānumoditā||28-22||

mahāmadonmattacittā rmūcchitā vīryavajītā|
stambhitā māritācchinnā viddhā ruddhā ca trāsitā||28-23||

nirbījā śaktihīnā ca suptā mattā ca ghūṇītā|
parāṅmukhī netrahīnā sā bhītā duḥsaṃskṛtā||28-24||

suṣuptā bheditā prauḍhā bālikā mālinī kṣamā|
bhayadā yuvatī krūrā dāmbhikā śokasaṅkaṭā||28-25||

nisṃtriśakā siddhihīnā kūṭasthā mandabuddhidā|
hīnakarṇā hīnanāsā atikruddhāṅgabhaṅgurā||28-26||

kalahā kalahaprītā bhraṣṭasthānakṣayākulā|
dharmabhraṣṭā cātivṛddhātibālā siddhināśinī||28-27||

kṛtavīryā mahābhīmā krodhapuṃjā ca dhvaṃsinī|
kālavidyā sūkṣmadharmā vidharmā dharmamohinī||28-28||

durgasthitā kṣiptacittā pracaṇḍā caṇḍagāminī|
ulkāvaccalatī tīkṣṇā mandāhārā niraṃśakā||28-29||

tattvahīnā kekarā ca dhūṇītāliṅgitā jitā|
atiguptā kṣudhārttā ca dhūrttā dhyānasthirāsthirā||28-30||

etā vidyāḥ prasannāḥ syuryogakālanirodhanāt|
vīrabhāvena siddhiḥ syāt puraścaraṇakarmaṇā||28-31||

ānandabhairavī uvāca tatra vīro yajet kāntāṃ parakīyāmathāpi vā|
svīyāmalaṅkārayuktāṃ sundarīṃ cāruhāsinīm||28-32||

madanānalataptāṅgīmāsavānanda vigrahām|
yoginīṃ kaulinīṃ yogyāṃ dharmaśīlāṃ kulapriyām||28-33||

dīkṣitāṃ lolavadanāṃ vadanāmbhojamohinīm|
nānādeśasthitāṃ kanyāṃ yuvatīṃ paripūjayet||28-34||

jāpikāṃ mandahāsyāṃ ca mandamanda gatipriyām|
kṛśāṅgīmatisaundaryāmalaṅkṛtakalevarām||28-35||

koṭikanyāpradānena yatphalaṃ labhate naraḥ|
tatphalaṃ labhate sadyaḥ kāminīparipūjanāt||28-36||

tataḥ ṣoḍaśakanyāśca yoginyo yogasiddhaye|
pūjayet parayā bhaktyā vastrālaṅkārabhūṣaṇaiḥ||28-37||

nānāvidhaiḥ piṣṭakānnaiḥ pakvānnaiḥ prāṇasambhavaiḥ|
dadhidugdhaghṛtaiścāpi navanītaiḥ saśarkaraiḥ||28-38||

upalākhaṇḍamiśrānnaiḥ nānārasaphalānvitaiḥ|
cūḍādibhirnārikelaiḥ kapilairnāgaraṅgakaiḥ||28-39||

nānāgandhaphalaiścaiva nānāgandhasamanvitaiḥ|
mṛganābhicandanaiśca śrīkhaṇḍairnavapallavaiḥ||28-40||

pūjayettāḥ prayatnena jalajaiḥ sthalajaistathā|
nānāsugandhipuṣpaiśca raktacandanakuṅkumaiḥ||28-41||

pūjayet śūnyagṛhe ca nirjane vipine tathā|
kuladevīṃ samānīya svāgataṃ pravadedanu||28-42||

arghodakena saṃśodhyāmṛtīkaraṇamācaret|
śaktiñcābhimukhīṃ nītvā vīrayogī bhaveddhruvam||28-43||

śaktiṃ ca ṣoḍaśī devīṃ kulacakrapriyāṃ śubhām|
mahāśaktiṃ śṛṇu prāṇavallabhe śrīkalāvatīm||28-44||

brāhmaṇī kṣatriyā vaiśyā śūdrā veśyā ca sundarī|
kulabhūṣāsamākrāntā māninī nātipiṅgalā||28-45||

rajakī naṭakī kaulā śyāmāṅgī sthūlavigrahā|
saṅketāgamanā bhāryā vidagdhā rañjakī tathā||28-46||

khaṭakī kolakanyā ca kulamārgapravatīkā|
sarvāṅgasundarī bhavyā cārunetrā hasanmukhī||28-47||

yadyaddīkṣāratāstāstu deyā dīkṣā tadā prabho|
sūkṣmatantrānusāreṇa kathitaṃ pūrvasūcitam||28-48||

sarvāṅgasundarī śuddhā śuddhalokakulodbhavā|
yuvatī yoganiratā sā devī ḍākinī matā||28-49||

tāmānīya mahāmantraṃ dāpayediṣṭasiddhaye|
tatastāḥ pūjanīyāstu dīkṣāhīnāstu nācaret||28-50||

śrīkṛṣṇarāmamantraṃ tu dāpayetsattvasiddhaye|
tābhya ādau tato mṛtyuñjayamantraṃ tataścaret||28-51||

ānandabhairavībījaṃ devīṃ śaktiṃ svabījakam|
athavā siddhamantraṃ tu śrīvidyāyāḥ pradāpayet||28-52||

kiṃ vā kevalamāyāṃ tu krodhāruṇakarākṛtim|
jvalantīṃ mūlapadme tu svayambhūkusumākarām||28-53||

etadbhūtāṃ mahāmāyāṃ tasmai datvā jayī bhavet|
ādau vāmakarṇapuṭe agnivāraṃ pare trayam||28-54||

ataḥ śikṣāṃ sadānandadīkṣānte kārayed budhaḥ|
dīkṣāmūlaṃ japaṃ sarvaṃ dīkṣāmūlaṃ guroḥ kṛpā||28-55||

dīkṣāmāśritya māyāṃ yā japet sā khecarī parā|
tasyāḥ pūjanamātreṇa prasannāhaṃ na saṃśayaḥ||28-56||

jagatāṃ jagadīśānāṃ nārīrūpeṇa saṃsthitiḥ|
ahaṃ nārī na sandehaḥ sundarī kutsitā parā||28-57||

sundarīpālanārthāya vināśāyāśu kutsitā|
sādhakasya bhrāntirūpā saṃhitāḥ paribhāvayet||28-58||

yā parā mokṣadā vidyā sundarī kāmacāriṇī|
bhāvinī sā bhavānī ca tāṃ vidyāṃ paripūjayet||28-59||

tasyā aṅge sthirā nityaṃ devatāyā ahaṃ prabho|
yaśca yogī sarvasamaḥ sa sarvātmā nayet kila||28-60||

anyathā siddhihāniḥ syād bhāvābhāvavicāraṇāt|
binā bhāvaṃ na siddhyettu bhāvānāṃ bhāvarāśiga||28-61||

kulapuraścaraṇaṃ kuryāt kulākulavimuktaye|
yogī syādavyayo dhīro vidvānmukto hi jīvane||28-62||

brāhmaṇīṃ sundarīṃ caiva saṃsthāpya kramato yajet|
vāmahaste mahārghyaṃ tu dakṣiṇe āsanādikam||28-63||

dadyāt pādyamāsanāni tattannāmnā ca svāgatam|
tattadā arghapātrasthajalena prokṣayecca tāḥ||28-64||

dhenumudrāṃ samākṛtya vaṃ mantreṇāmṛtīkriyām|
amṛtīkaraṇānte ca rūpabhedaṃ samānayet||28-65||

saṃjñābhirnāmakaraṇaṃ kṛtvā cāsanamarpayet|
śrībhairavī uvāca atha kānta pravakṣyāmi ṣaṭcakrabhedanakriyām||28-66||

yatkṛtvā amarā loke vicaranti carācare|
akālamṛtyuharaṇaṃ sarvavyādhivināśanam||28-67||

yogena jīvavargāśca bhavantyamararūpiṇaḥ|
ṣaṭcakre ca mahāpadme sarvasattvaguṇānvite||28-68||

dharmādharme manorājye sarvavidyānidhau kratau|
kalikalmaṣamukhyānāṃ sarvapāpāpahārakam||28-69||

mano datvā mahākāle jīvāḥ sarvatra gāminaḥ|
etacchruttvā mahāvīro vivekī paramārthavit||28-70||

punajījñāsayāmāsa jñānajñeyena śaṅkara|
ānandabhairava uvāca ṣaṭcakrabhedanakathāṃ kathayasva varānane||28-71||

hitāya sarvajantūnāṃ hiraṇyavarṇamaṇḍitam|
prakāśayasva varade yogānāmudayaṃ vada||28-72||

yena yogena dhīrāṇāṃ hitārthaṃ vāñchitaṃ mayā|
kālakrameṇa siddhiḥ syāt kālajālavināśanāt||28-73||

kālakṣālanahetośca punarudyāpanaṃ kṛtam|
ānandabhairavī uvāca ādau kuryāt parānandaṃ rasasāgarasambhavam||28-74||

māndyaṃ mandaguṇopetaṃ śṛṇu tatkramamuttamam|
stotraṃ kuryāt mūlapadme kuṇḍalinyāḥ puraṣkriyām||28-75||

puraścaraṇakāle tu japānte nityakarmaṇi|
kāmyakarmaṇi dharmeṣu tathaiva dharmakarmasu||28-76||

gurvādyagurunityeṣu bhaktimākṛtya sampaṭhet|
oṃ namo gurave oṃ namo gurvambaparadevatāyai||28-77||

sarvadharmasvarūpāyai sarvajñānasvarūpāyai|
oṃ bhavavibhavāyai oṃ dakṣayajñavināśinyai||28-78||

oṃ bhadrakālyai oṃ kapālinyai oṃ umāyai oṃ māheśvaryai
oṃ sarvasaṅkaṭatāriṇyai oṃ mahādevyai namo namaḥ||28-79||

oṃ yā māyā mayadānavakṣayakarī śaktiḥ kṣamā karttṛkā|
śumbhaśrīmahiṣāsurāsurabalaprātrolacaṇḍāmahā|
bhadrārdrā rudhirapriyā priyakarī krodhāṅgaraktotpalā|
cāmuṇḍā raṇaraktabījarajanī jyotsnā mukhendīvarā||28-80||

yā jāyā jayadāyinī nṛgṛhiṇī bhītyāpahā bhairavī|
nityā sā parirakṣaṇaṃ kuru śivā sārasvatotpattaye|
sā me pātu kalevarasya viṣayāhlādendriyāṇāṃ balaṃ
vakṣaḥ sthāyinamulvaṇojjvalaśikhākārādijīvāñcitā||28-81||

kṛtvā yogakulānvitaṃ svabhavane nityaṃ manorañjana|
nityaṃ saṃyamatatparaṃ paratare bhaktikriyānirmalam|
śambho rakṣarajo'panīśacaraṇāmbhoje sadā bhāvana|
vidyārthapriyadarśanaṃ trijagatāṃ saṃyamyayogī bhavet||28-82||

ākāṅkṣāparivajītaṃ nijaguroḥ sevāparaṃ pāvana|
premāhlādakathācyutaṃ kuṭilatāhiṃsāpamānapriyam|
kālakṣepaṇa doṣajālarahitaṃ śāktaṃ subhaktaṃ pati|
śrīśaktipriyavallabhaṃ surucirajñānāntaraṃ māninam||28-83||

mālāsūkṣma susūkṣmabaddhanilayaṃ sallakṣaṇaṃ sākṣiṇaṃ
nānākāraṇakāraṇaṃ sasaraṇaṃ sākārabrahmārpaṇam|
nityā sā jaḍitaṃ mahāntamakhile yogāsanajñānina|
taṃ vande puruṣottamaṃ trijagatāmaṃśārkahaṃsaṃ param||28-84||

māyāṅke pratibhāti cārunayānāhlādaikabījaṃ vidhi|
kallolāvikulākulā samatulā kālāgnivāhānanā|
hālāhelana kaulakālakalikā keyūrahārānanā|
sarvāṅgā mama pātu pītavasanā śīghrāsanā vatsalā||28-85||

sā bālābalavāhanā sugahanā sammānanā dhāraṇā|
khaṃ khaṃ khaṃ khacarācarā kulacarā vācācarā vaṅkharā|
caṃ caṃ caṃ camarīharībhagavatī gāthāgatāḥ saṅgatiḥ|
bāhau me paripātu paṅkajamukhī yā caṇḍamuṇḍāpahā||28-86||

kaṃ kaṃ kaṃ kamalākalā gatiphalā phūtkārapherūtkarā|
paṃ paṃ paṃ paramā ramā jayagamā vyāsaṅgamā jaṅgamā|
taṃ taṃ taṃ timirāruṇā sakaruṇā mātāvalā tāriṇī|
bhaṃ bhaṃ bhaṃ bhayahāriṇī priyakarī sā me bhavatvantarā||28-87||

jhaṃ jhaṃ jhaṃ jharajharmarīgatipathasthātā ramānanditaṃ
maṃ maṃ maṃ malinaṃ hi māṃ hayagatāṃ hantrīṃ ripūṇāṃ hi tām|
bhaktānāṃ bhayahāriṇī raṇamukhe śatroḥ kulāgnisthitā|
sā sā sā bhavatu prabhāvapaṭalā dīptāṅghrayugmojjvalā||28-88||

gaṃ gaṃ gaṃ gururūpiṇī gaṇapaterānandapuñjodayā
tārāsārasaroruhāruṇakalā koṭiprabhālocanā|
netraṃ pātu(sadā)śivapriyapathā kauṭyāyutārkaprabhā|
tuṇḍaṃ muṇḍavibhūṣaṇā naraśiromālā vilolā samā||28-89||

yogeśī śaśiśekharolvaṇakathālāpodayā mānavī|
śīrṣaṃ pātu lalāṭakarṇa yugalānantastataḥ sarvadā|
mūrttaṃ meruśikhā sthitā vyavatu me gaṇḍasthalaṃ kaivalī|
tuṣṭaṃ cāṣṭamaṣaṣṭikādharatalaṃ dhātrī dharādhāriṇī||28-90||

nāsāgradvayagahvaraṃ bhṛgutarā netratrayaṃ tāriṇī|
keśān kuntalakālikā sukapilā kailāsaśailāsanā|
kaṅkālāmalamālikā suvasanā dantāvalīṃ daityahā|
bāhyaṃ mantramanantaśāstrataraṇī sañjñāvacaḥstambhinī||28-91||

haṃ haṃ haṃ narahāraghoraramaṇī sañcāriṇī pātu me|
śatrūṇāṃ dalanaṃ karotu niyataṃ me caṇḍamuṇḍāpahā|
bhīmā sandahatu pratāpatapanā saṃvarddhanaṃ vaddhīnī|
mandārapriyagandhavibhramamadā vaidagdhamohāntarā||28-92||

śyāmā pātu pataṅgakoṭininadā haṅkāraphaṭkāriṇī|
ānandotsavasarvasārajayadā sarvatra sā rakṣikā|
kṣauṃ kṣauṃ kṣauṃ kaṭhinākṣarā kṣayakarī sarvāṅgadoṣaṃhanā|
dehāreḥ kacahā parā kacakucākīlālapūrāśitā||28-93||

ghaṃ ghaṃ ghaṃ ghaṭaghargharā vighaṭitā jāyāpateḥ pātu me
kalpe kalpā kulānāmatibhayakalitaṃ sarvatra me vigraham|
nidrodrāvitakālikā mama kulaṃ laṅkātaṭācchādinī
naṃ naṃ naṃ nayanānanā sukamalā sā lākinī lakṣaṇā||28-94||

kukṣau pṛṣṭhatalaṃ sadā mama dhanaṃ sā pātu mudrāmayī|
mokṣaṃ pātu karālakālarajakī yā rañjakī kautukī|
kṛtyā nāpitakanyakā śaśimukhī sūkṣmā mama prāṇaga|
mandārapriyamālayā maṇimayagranthyā mahanmaṇḍitā||28-95||

pūjyā yogibhirutsukī bhagavatī mūlasthitā satkriyā|
mattā pātu pativratā mama gṛhaṃ dharmaṃ yaśaḥ śreyasam|
dharmāmbhoruhamadhyadarśanikare kālī mahāyoginī|
mattānāmatidarpahā haraśiromālā kalā kevalā||28-96||

me guhyaṃ jayameva liṅgamapi me mūlāmbujaṃ pātu sā|
yā kanyā himaparvatasya bhayahā pāyānnitambasthalam|
sarveṣāṃ hṛdayodayānalaśikhāśaktirmanorūpiṇī|
me bhaktiṃ paripātu kāmakuśalā lakṣmīḥ priyā me prabho||28-97||

gaurī gauravakāriṇī bhuvi mahāmāyā mahāmohahā|
vaṃ vaṃ vaṃ varavāruṇī sumadirā me pātu nityaṃ kaṭim|
kūṭā sā ravicandravahnirahitā svecchāmayī me mukham||28-98||

etatstotraṃ paṭhed yastu sarvakāle ca sarvadā|
sa bhavet kālayogendro mahāvidyānidhirbhavet||28-99||

mūlapadmabodhane ca mūlaprakṛtisādhane|
nijamantrabodhane ca ghorasaṅkaṭakālake||28-100||

āpadastasya naśyanti andhakāraṃ binā raviḥ|
sarvakāle sarvadeśe mahāpātakaghātakaḥ||28-101||

sa bhaved yoginīputraḥ kalikāle na saṃśayaḥ||28-102||

iti śrīrudrayāmale uttaratantre mahātantroddīpane bhāvāsananirṇaye pāśavakalpe ṣaṭcakra prakāśe bhairavabhairavīsaṃvāde kandavāsinistotraṃ nāma aṣṭāviṃśaḥ paṭalaḥ||28||

Kapitel 29

athaikonatriṃśaḥ paṭalaḥ

ānandabhairavī uvāca atha ṣaṭcakrayogaṃ ca pravakṣyāmīha tattvataḥ|
kuṇḍalīyogavividhaṃ kṛtvā yogī bhavennaraḥ||29-1||

mūlādibrahmarandhrāntaṃ ṣaṭcakrabhedanaṃ matam|
ṣaṭcakre yogaśāstrāṇi vividhāni vasanti hi||29-2||

yo jānātīha ṣaṭcakraṃ sarvaśāstrārthavidbhavet|
catudrdalaṃ mūlapadmaṃ vādisāntārṇasambhavam||29-3||

hiraṇyavarṇamamalaṃ dhyāyedyogī punaḥ punaḥ|
nirjane vipine śūnye paśupakṣigaṇāvṛte||29-4||

nirbhaye sundare deśe dubhīkṣādivivajīte|
kṛtvā dṛḍhāsanaṃ mantrī yogamārgaparo bhavet||29-5||

tadā yogī bhavet kṣipraṃ mama śāstrānusārataḥ|
pūrvadale vakāraṃ ca dhyāyedyogī sadā sukhī||29-6||

suvarṇavarṇaṃ hitakāriṇaṃ nṛṇāṃ satvodbhavaṃ pūrvadalasthitaṃ sukham|
mattapriyaṃ vāraṇamattamandiraṃ mantrārthakaṃ śītalarūpadhāriṇam||29-7||

yogānubhāvāśrayakālamandiraṃ tejomayaṃ siddhisamṛddhidaṃ gurum|
ādyākṣaraṃ vaṃ varabhāvasādhanaṃ nārāyaṇaṃ bhāvanapañcamacyutam||29-8||

dhyāyet śakāraṃ kanakācalaprabhaṃ gaurīpateḥ śrīkaraṇaṃ purāṇam|
lakṣmīpriyaṃ sarvasuvarṇaveṣṭitaṃ sadā mudā dakṣiṇapatramuttamam||29-9||

śamīśvarīṣaṣṭhaguṇāvataṃsaṃ ṣaṭpadmasambhedanakārakaṃ param|
parāparasthānanivāsinaṃ guṇaṃ hemācalaṃ patramahaṃ bhajāmi||29-10||

sakāramānandarasaṃ priyaṃ priyaṃ dhyāye mahāhāṭakaparvatāgrakam|
dhyāye mudāhaṃ ghananāthamandire māyāmahāmohavināśanaṃ jayam||29-11||

caturbhujaṃ bhujayugaṃ aṣṭādaśabhujaṃ tathā|
aṣṭahastaṃ sadā dhyāyenmantrī bhāvaviśuddhaye||29-12||

tato dhyāyet kaṇīkāyāṃ madhyadeśe manoramam|
svayambhūliṅgaparamaṃ yogināṃ yogasiddhidam||29-13||

prātaḥ sūryasamaprakhyaṃ taḍitkoṭisamaprabham|
taṃ saṃveṣṭya mahādevī kuṇḍalī yogadāyinī||29-14||

sārdhatriveṣṭanagranthiyutā sā muktidāyinī|
nidritā sā sadā bhadrā mahāpātakaghātinī||29-15||

nirantaraṃ tasya śīrṣe vibhāti śaśadhāriṇī|
tacchvāsadhāriṇī nityā jagatāṃ prāṇadhāriṇī||29-16||

suptā sarpasamā bhrāntiḥ yathārkaśatakoṭayaḥ|
yadā liṅgaṃ sā vihāya prāktiṣṭhati mahāpathe||29-17||

tadā siddho bhavedyogī dhyānadhāraṇakṛt śuciḥ|
sadānandamayo nityaścaitanyakuṇḍalī yadā||29-18||

suṣumnā nāḍikāmadhye mahāsūkṣmavile sthitaḥ|
mano nidhāya yo yogī śvāsamārgaparo bhavet||29-19||

tadā sā dravati kṣipraṃ caitanyā kuṇḍalī parā|
pṛṣṭhadeśe mahādaṇḍe merumūle mahāprabhe||29-20||

mūlādibrahmarandhrādhaḥ sadāsthirūpadhārakaḥ|
kanakācalanāmnā ca pratibhāti jagattraye||29-21||

tanmadhye paramā sūkṣmā suṣumnā bahurūpiṇī|
manomunisvarūpā ca manaścaitanyakāriṇī||29-22||

tanmadhye bhāti vajrākhyāghorapātakanāśinī|
siddhidābhāvavijñānāṃ mokṣadā kularūpiṇām||29-23||

tanmadhye citriṇī devī devatāprītivaddhīnī|
hitaiṣiṇī mahāmāyā kālajālavināśinī||29-24||

sā pāti sakalān cakrān padmarūpadharān parān|
trailokyamaṇḍalagatān sākṣādamṛtavigrahān||29-25||

svayaṃ dadhāra sā devī citrākhyā cārutejasī|
tale pṛṣṭhe ūdrdhvadeśe śīrṣe vakṣasi nābhiṣu||29-26||

kaṇṭhakūpe cakramadhye brahmāṇḍaṃ pāti sarvadā|
śarīrātmakamīśārthaṃ trailokyaṃ sacarācaram||29-27||

citrāsugrathanaṃ padmaṃ yo'vabhāvyati bhāvakaḥ|
bhāvena labhyate yogaṃ bhāvena bhāvyate śivaḥ||29-28||

bhāvena śaktimāpnoti tasmādbhāvaṃ samāśrayet|
ṣaṭcakrabhāvanāṃ kṛtvā mahāyogī bhavennaraḥ||29-29||

sarvadharmānvito bhūtvā rājate kṣitimaṇḍale|
sarvatragāmī sa bhavet yadi padme manolayam||29-30||

padmabhāvanamātreṇa ākāśasadṛśo bhavet|
mahāpadme mano datvā mahābhakto bhaveddhruvam||29-31||

yadi bhakto bhavennātha tadā mukto na saṃśayaḥ|
yadi mukto mahīmadhye dhyānayogaparāyaṇaḥ||29-32||

tadā kālaparāṃ jñātvā sarvadarśī ca sarvavit|
sarvajñaḥ sarvatobhadro bhavatīti na saṃśayaḥ||29-33||

citriṇī madhyadeśe ca brahmanāḍī mahāprabhā|
sarvasiddhipradā nityā sā devī sakalā kalā||29-34||

vyomarūpā bhagavatī sarvacaitanyarūpiṇī|
ekarūpaṃ paraṃ brahma brahmātītaṃ jagattrayam||29-35||

yadā jagattrayaṃ brahma tadā sattvālayaṃ prabho|
mahālaye mano datvā sarvakālajayo bhavet||29-36||

mṛtyuñjayo mahāvīro mahācchatro mahāgatiḥ|
sarvavyāpakarūpeṇa īśvaratvena bhāṣate||29-37||

sarvadā mantrasambhūto viśālākṣaḥ prasannadhīḥ|
ekasthānasthito yāti nakṣatraṃ sa hi śaṅkara||29-38||

ekadṛṣṭiḥ kṣudhātṛṣṇārahito vākyavajītaḥ|
nirākāre mano dadyāttadā mahānayaṃ prabho||29-39||

kintu nāthājñānināṃ hi nāpi nāpi mahālayaḥ|
mahāpralaya evaṃ hi yogināṃ nātra saṃśayaḥ||29-40||

yadā manoyoga viśuddhaye manolayaṃ yaḥ kurute'pyahanīśam|
sa eva mokṣo guṇasindhurūpī kālāgnirūpī nijadaivadaivataḥ||29-41||

mahāmanoyoga vikāravajītaḥ|
kāmakriyā kāṇḍaviśuddhamaṇḍitaḥ|
hito gatīnāṃ matimānnirasto|
mahālayastho'mara eva bhaktaḥ||29-42||

mānī vicārārthavivekacittaś--
cāturya cittolbaṇatāvivajītaḥ|
yogī bhavetsādhaka cakravartī|
vyomāmbuje cittavisarjanaṃ sadā||29-43||

iti śrīrudrayāmale uttaratantre mahātantroddīpane ṣaṭcakra prakāśe bhairavībhairavasaṃvāde mahāpralayanāmā ekonatriṃśaḥ paṭalaḥ||29||

Kapitel 30

atha triṃśaḥ paṭalaḥ

ānandabhairavī uvāca atha vakṣye mahākāla mūlapadmavivecanam|
yat kṛtvā amaro bhūtvā vaset kālacatuṣṭayam||30-1||

atha ṣaṭcakrabhedārthe bhedinīśaktimāśrayet|
chedinīṃ sarvagranthīnāṃ yoginīṃ samupāśrayet||30-2||

tasyā mantrān pravakṣyāmi yena siddho bhavennaraḥ|
ādau śṛṇu mahāmantraṃ bhedinyāḥ paraṃ manum||30-3||

ādau kālīṃsamutkṛtya brahmamantraṃ tataḥ param|
devyāḥ praṇavamuddhṛtya bhedanī tadanantaram||30-4||

tato hi mama gṛhṇīyāt prāpaya dvayameva ca|
cittacañcīśabdānte māṃ rakṣa yugmameva ca||30-5||

bhedinī mama śabdānte akālamaraṇaṃ hara|
hara yugmaṃ svaṃ mahāpāpaṃ namo namo'gnijāyayā||30-6||

etanmantraṃ japettatra ḍākinīrakṣasi prabho|
ādau praṇavamuddhṛtya brahmamantraṃ tataḥ param||30-7||

śāmbhavīti tataścoktvā brāhmaṇīti padaṃ tataḥ|
manoniveśaṃ kurute tārayeti dvidhāpadam||30-8||

chedinīpadamuddhṛtya mama mānasaśabdataḥ|
mahāndhakāramuddhṛtya chedayeti dvidhāpadam||30-9||

svāhāntaṃ manumuddhṛtya japenmūlāmbuje sudhīḥ|
etanmantraprasādena jīvanmukto bhavennaraḥ||30-10||

tathā strīyoginīmantraṃ japettatraiva śaṅkara|
oṃ ghorarūpiṇipadaṃ sarvavyāpini śaṅkara||30-11||

mahāyogini me pāpaṃ śokaṃ rogaṃ hareti ca|
vipakṣaṃ chedayetyuktvā yogaṃ mayyarpaya dvayam||30-12||

svāhāntaṃ manumuddhṛtya japādyogī bhavennaraḥ|
khecaratvaṃ samāpnoti yogābhyāsena yogirāṭ||30-13||

ḍākinīṃ brahmaṇā yuktāṃ mūle dhyātvā punaḥ punaḥ|
japenmantraṃ sadāyogī brahmamantreṇa yogavit||30-14||

brahmamantraṃ pravakṣyāmi tajjāpenāpi yogirāṭ|
brahmamantraprasādena jaḍo yogī na saṃśayaḥ||30-15||

praṇavatrayamuddhṛtya dīrghapraṇavayugmakam|
tadante praṇavatrīṇi brahma brahma trayaṃ trayam||30-16||

sarvasiddhipadasyānte pālayeti ca māṃ padam|
sattvaṃ guṇo rakṣa rakṣa māyāsvāhāpadaṃ japet||30-17||

ḍākinīmantrarājañca śṛṇuṣva parameśvara|
yajjaptvā ḍākinī vaśyā trailokyasthitipālakāḥ||30-18||

yo japet ḍākinīmantraṃ caitanyā kuṇḍalī jhaṭit|
anāyāsena siddhiḥ syāt paramātmapradarśanam||30-19||

māyātrayaṃ samuddhṛtya praṇavaikaṃ tataḥ param|
ḍākinyante mahāśabdaṃ ḍākinyambapadaṃ tataḥ||30-20||

punaḥ praṇavamuddhṛtya māyātrayaṃ tataḥ param|
mama yogasiddhimante sādhayeti dvidhāpadam||30-21||

manumuddhṛtya deveśi japādyogī bhavejjaḍaḥ|
japtvā sampūjayenmantrī puraścaraṇasiddhaye||30-22||

sarvatra cittasāmyena dravyādivividhāni ca|
pūjayitvā mūlapadme cittopakaraṇena ca||30-23||

tato mānasajāpañca stotrañca kālipāvanam|
paṭhitvā yogirāṭ bhūttvā vaset ṣaṭcakraveśmani||30-24||

śaktiyuktaṃ vidhiṃ yastu stauti nityaṃ maheśvara|
tasyaiva pālanārthāya mama yantraṃ mahītale||30-25||

tat stotraṃ śṛṇu yogārthaṃ sāvadhānāvadhāraya|
etatstotraprasādena mahālayavaśo bhavet||30-26||

brahmāṇaṃ haṃsasaṅghāyutaśaraṇavadāvāhanaṃ devavaktra|
vidyādānaikahetuṃ timicaranayanāgnīnduphullāravindam
vāgīśaṃ vāggatisthaṃ matimatavimalaṃ bālārkaṃ cāruvarṇaṃ|
ḍākinyāliṅgitaṃ taṃ suranaravaradaṃ bhāvayenmūlapadme||30-27||

nityāṃ brahmaparāyaṇāṃ sukhamayīṃ dhyāyenmudā ḍākinī|
raktāṃ gacchavimohinīṃ kulapathe jñānākulajñāninīm|
mūlāmbhoruhamadhyadeśanikaṭe bhūvimbamadhye prabhā|
hetusthāṃ gatimohinīṃ śrutibhujāṃ vidyāṃ bhavāhlādinīm||30-28||

vidyāvāstavamālayā galatalaprālambaśobhākarā|
dhyātvā mūlaniketane nijakule yaḥ stauti bhaktyā sudhīḥ|
nānākāravikārasārakiraṇāṃ kartrī vidho yoginā|
mukhyāṃ mukhyajanasthitāṃ sthitimatiṃ sattvāśritāmāśraye||30-29||

yā devī navaḍākinī svaramaṇī vijñāninī mohinī|
māṃ pātu pirayakāminī bhavavidherānandasindhūdbhavā|
me mūlaṃ guṇabhāsinī pracayatu śrīḥ kītīcakraṃ hi mā|
nityā siddhiguṇodayā suradayā śrīsaṃjñayā mohitā||30-30||

tanmadhye paramākalā kulaphalā bāṇaprakāṇḍākarā
rākā rāśaṣasādaśā śaśighaṭā lolāmalā komalā|
sā mātā navamālinī mama kulaṃ mūlāmbujaṃ sarvadā|
sā devī lavarākiṇī kaliphalollāsaikabījāntarā||30-31||

dhātrī dhairyavatī satī madhumatī vidyāvatī bhāratī|
kalyāṇī kulakanyakādharanarārūpā hi sūkṣmāspadā|
mokṣasthā sthitipūjitā sthitigatā mātā śubhā yoginā|
naumi śrībhavikāśayāṃ śamanagāṃ gītodgatāṃ gopanām||30-32||

kalkeśīṃ kulapaṇḍitāṃ kulapathagranthikriyācchedinī|
nityāṃ tāṃ guṇapaṇḍitāṃ pracapalāṃ mālāśatārkāruṇām|
vidyāṃ caṇḍaguṇodayāṃ samudayāṃ trailokyarakṣākṣarā|
brahmajñānanivāsinīṃ sitaśubhānandaikabījodgatām||30-33||

gītārthānubhavapirayāṃ sakalayā siddhaprabhāpāṭalām|
kāmākhyāṃ prabhajāmi janmanilayāṃ hetupirayāṃ satkriyām|
siddhau sādhanatatparaṃ parataraṃ sākārarūpāyitām||30-34||

brahmajñānaṃ nidānaṃ guṇanidhinayanaṃ kāraṇānandayānam|
brahmāṇaṃ brahmabījaṃ rajanijayajanaṃ yāgakāryānurāgam||30-35||

śokātītaṃ vinītaṃ narajalavacanaṃ sarvavidyāvidhijñam|
sārāt sāraṃ taruṃ taṃ sakalatimirahaṃ haṃsagaṃ pūjayāmi||30-36||

etatsambandhamārgaṃ navanavadalagaṃ vedavedāṅgavijñam|
mūlāmbhojaprakāśaṃ taruṇaraviśaśipronnatākārasāram||30-37||

bhāvākhyaṃ bhāvasiddhaṃ jayajayadavidhiṃ dhyānagamyaṃ purāṇam
pārākhyaṃ pāraṇāyaṃ parajanajanitaṃ brahmarūpaṃ bhajāmi||30-38||

ḍākinīsahitaṃ brahmadhyānaṃ kṛtvā paṭhet stavam|
paṭhanād dhāraṇānmantrī yogināṃ saṅgatirbhavet||30-39||

etatpaṭhanamātreṇa mahāpātakanāśanam|
ekarūpaṃ jagannāthaṃ viśālanayanāmbujam||30-40||

evaṃ dhyātvā paṭhet stotraṃ paṭhitvā yogirāḍ bhavet||30-41||

iti śrīrudrayāmale uttaratantre mahātantroddīpane siddhamantraprakaraṇe|ṣaṭcakrasiddhisādhane bhairavabhairavīsaṃvāde ḍākinī|stotraṃ nāma triṃśaḥ paṭalaḥ||30||

Kapitel 31

athaikatriṃśaḥ paṭalaḥ

ānandabhairavī uvāca atha nātha pravakṣyāmi bhedinyāḥ sādhanaṃ param|
yena sādhanamātreṇa yogī syāt kalikālahā||31-1||

kalikāle mahāyogaṃ sādhaya tvaṃ mahāprabho|
yadi na sādhitaḥ kālaḥ sa kālo dehabhakṣakaḥ||31-2||

bhedinīsādhanenaiva granthīnāṃ bhedanaṃ bhavet|
ḍākinīṃ hṛdaye dhyāyet paramānandarūpiṇīm||31-3||

aṣṭahastāṃ viśālākṣīṃ śaśāṅkāvayavāṅkitām|
trailokyamohinīṃ vidyāṃ bhayadāṃ varadāṃ satām||31-4||

śuklavarṇāṃ trinayanāṃ cārurūpamanoharām|
dhyātvā mūlāmbuje yogī pādyādyaiḥ paripūjayet||31-5||

tatra manolayaṃ kṛtvā yogī bhavati bhūtale|
yadā manolayaṃ yāti tadā tasyāḥ stavaṃ paṭhet||31-6||

stotraṃ paṭhanamātreṇa sarvasattvāśrito bhavet|
dhyānamākṛtya prapaṭhet sarvasiddhimayo bhavet||31-7||

yā bhedinī sakalagranthivināśanānā|
dharmāntare sakalaśatruvināśanasthā|
sā me sadā pratidinaṃ paripātu deha|
kālātmikā bhagavatī śubhakāryakartrī||31-8||

yā kāntā karuṇāmayī trijagatāmānandasiddhisthitā|
nityā sā paripālikā kulakalā nīlāmalākomalā|
vāṇī siddhikarī kṛtārthanigaḍe śīghrodayā śāṅkarī|
saṃjñābhedanabhedikā śubhakarī vedāntasiddhāntadā||31-9||

vāṇī bālā kulālā kalakalacaraṇā yāmalāsaṃkhyamālā|
helābhālāntarālā kulakamalacalā cañcalā dehakālā||31-10||

bhedākhyā bhedyabhedā varanadaninadā nādabinduprakāśā|
sā me śīrṣaṃ lalāṭaṃ mukhahṛdayakaṭiṃ mukhyapadmaṃ prapāyāt||31-11||

kāñcīpīṭhaprakāśā nijapadavilayā yoginīnetravakṣā|
nātiyogaprakāśyā caruśataghaṭitā ghorasaṃhārakārā||31-12||

brahmānandasvarūpā vigatimatiharā hīrakā bhāti netrā|
hāraśreṇyādibhūṣā śaśiśatakiraṇā pātu māṃ bhedyadeham||31-13||

yā bhedinī sakalapāparipupirayāṇāṃ svargāpavargaviralā bagalāmukhī sā|
me pātu dehaghaṭitaṃ sakalepsitārthaṃ bhāvaprabhāvapaṭalā sahadehasaṃsthā||31-14||

kāmāśritā vividhadoṣavināśaleṣā|
saundaryaveśakaraṇī kratukarmarakṣā|
dīkṣā satāṃ matimatāṃ nijayogadātrī|
sā me sadā sakaladehamihāśu bhedyā||31-15||

kāntā śāntaguṇodayā mama dhanaṃ dehasya nityāśayā
pāyāt śrīkuladaivatasya jayadā yā yogasāraṃ param|
sākṣādīśvarapūjitā samucitā cittāthītā cāthītā|
yanme ghoratare jaye nijakule kālākule vyākule||31-16||

bhedābhedavivajītā suravaraśrīhastapadmācīte|
me meḍhaṃr khalu liṅga mūlakamalaṃ kālapirayā pātu sā|
saptasvargatalaṃ mamaiva vapuṣā mithyāvamānāpahā|
heḍambāsurasundara pirayavatī hemāvatī bhāratī||31-17||

etat stotraṃ paṭhitvā yaḥ stauti mūlāmbuje ca mām|
sa eva yogamāpnoti sa bhaved yogivallabhaḥ||31-18||

manaḥ sthiraṃ bhavet kṣipraṃ rājatvaṃ labhate jhaṭit|
anāyāsena siddhiḥ syāt tasya vāyurvaśo bhavet||31-19||

yoginīnāṃ darśanaṃ hi anāyāsena labhyate|
bhāvasindhuyuto bhūtvā vicaredamaro yathā||31-20||

mūlapadme vaseddevī mūlāmbhojaprakāśinī|
mālatī mālavī maunā mālinī ca manoharā||31-21||

mānasī madanā mānyā mudrāmaithunatatparā|
merusthā mādyakusumā maṇḍitā maṇḍalasthitā||31-22||

manaḥsthairyakarī devī bhāvyate yaiḥ kumārakaiḥ|
akasmāt siddhimāpnoti kālena parameśvara||31-23||

atha vakṣye mahādevyāḥ chedinyāḥ stavamuttamam|
chettā tvaṃ sarvagranthīnāṃ matprasādād yatīśvaraḥ||31-24||

yatprasādādananto hi yogī saṃsāramaṇḍale||31-25||

deśānandā sakalaguṇadā chedinī chedanasthā|
havyasthā sā vibhavaniratā yā nidhisthā niśāyām|
sā me nityaṃ kulakamalagā gopanīyā vidhijñā|
śrīvāgeśī gaganavasanā sarvayogaṃ prapāyāt||31-26||

kāmānandā madananiratā bhāvitā bhāvasindhau
kāmānandodbhavarasavatī yogiyogasthadhātrī|
dehaklede nirasanaratā ... ... ... ... ... ...|
sā me dhautaṃ prakuru vapuṣo dharmapuñjaṃ prapāyāt||31-27||

kālākālaṃ kamalakalikāvāsinī kālikā me|
granthicchedaṃ sthiragṛhagatā gātranāḍīpathasthā|
vaktrāmbhoje vacanamadhuraṃ dhārayantī janānā|
sā me randhraṃ mama ruciratanoḥ pātu pañcānanā yā||31-28||

yogāṅgasthā sthitilayavibhavā lomakūpāmbujasthā|
mātā gaurī giripatisutā bhāsurāstrapradīptā|
sampāyānme hṛdayavivaraṃ chedinīmūlapūre|
kailāsasthā mamamanugiriṃ pātu rudraprasādā||31-29||

nādāntaḥsthā managuṇadharaṇāsannasiddhāntapārā|
bhogānandā bhaganagabile kāśayantī janānām|
vidyāvidyā vividhagaganā chedinī channarūpā|
sā sarvāntaḥkaraṇanilayā lākinī premabhāvā||31-30||

yogaṃ svarge'rpayasi manasi premabhāvaṃ pareśe|
yā yā yātrā trividhakaraṇā kāraṇā sarvajantoḥ|
mātā jñātrī gaṇeśe gṛhigaṇasadayā sarvakartrī mano me|
rakṣā rakṣākṣaragatakalā kevalā niṣkalā yā||31-31||

sā yogendrā samavatu mudā me gudaṃ kuṇḍalinyā|
jahnoḥ kanyā kamalanilayā rākiṇī premabhāvān|
mokṣaprāṇān tapanarahitā pātu me vedavaktrā|
siddhā mūlāmbujadalagatā pāvanī pātu tuṇḍam||31-32||

herambājñā pralayaghaṭitā kākinī krodharūpā||31-33||

yadi bhajati kulīnaḥ kāminīṃ krodhavidyā|
sa bhavati parayogī chedinīstotrapāṭhāt|
sakaladuritanāśaḥ kṣālanādiprasiddhiḥ|
sakalajanavaśaḥ syāt tasya nityaṃ surājyam||31-34||

etat stotraṃ paṭhedvidvān mahāsaṃyamatatparaḥ|
mūle manaḥ sthiro yāti sarvāniṣṭavināśanaḥ||31-35||

sarvasiddhiḥ kare tasya yo bhāvaṃ samupāśrayet
śṛṇuṣva paramānanda rasasāgarasambhava||31-36||

yoginīstotrasāraṃ ca śravaṇāddhāraṇād yatiḥ|
aprakāśyamidaṃ ratnaṃ nṛṇāmiṣṭaphalapradam||31-37||

yasya vijñānamātreṇa śivo bhavati sādhakaḥ||31-38||

kaṅkālī kulapaṇḍitā kulakalā kālānalā śyāmalā|
yogendrendrasurājyanāthayajitā'nyā yoginīṃ mokṣadā|
māmekaṃ kujaḍaṃ sukhāstamadhanaṃ hīnaṃ ca dīnaṃ khala|
yadyevaṃ paripālanaṃ karoṣi niyataṃ tvaṃ trāhi tāmāśraye||31-39||

yajñeśī śaśiśekharā svamaparā herambayogāspadā|
dātrī dānaparā harāhariharā'ghorāmarāśaṅkarā|
bhadre buddhivihīna dehajaḍitaṃ pūjājapāvajītaṃ
māmekārbhamakiñcanaṃ yadi sarattvaṃ yoginī rakṣasi||31-40||

bhāvyā bhāvanatatparasya karaṇā sā cāraṇā yoginī|
candrasthā nijanāthadehasugatā mandāramālāvṛtā|
yogeśī kulayoginī tvamamarā dhārādharācchādinī
yogendrotsavarāgayāgajaḍitā yā mātṛsiddhisthitā||31-41||

tvaṃ māṃ pāhi pareśvarī suratarī śrībhāskarī yogaga|
māyāpāśavibandhanaṃ tava kathālāpāmṛtāvajītam|
nānādharmavivajītaṃ kalikule saṃvyākulālakṣaṇa|
mayyeke yadi dṛṣṭipātakamalā tat kevalaṃ me balam||31-42||

māyāmayī hṛdi yadā mama cittalagna|
rājyaṃ tadā kimu phalaṃ phalasādhanaṃ vā|
ityāśayā bhagavatī mama śaktidevī|
bhāti piraye śrutidale mukharārpaṇaṃ te||31-43||

yā yoginī sakalayogasumantraṇāḍhyā|
devī mahadguṇamayī karuṇānidhānā|
sā me bhayaṃ haratu vāraṇamattacittā|
saṃhāriṇī bhavatu sodaravakṣahārā||31-44||

yadi paṭhati manojño gorasāmīśvaraṃ yo|
vaśayati ripuvargaṃ krodhapuñjaṃ vihanti|
bhuvanapavanabhakṣo bhāvukaḥ syāt susaṅgī|
ratipatiguṇatulyo rāmacandro yatheśaḥ||31-45||

etatstotraṃ paṭhedyastu sa bhakto bhavati pirayaḥ|
mūlapadme sthiro bhūttvā ṣaṭcakre rājyamāpnuyāt||31-46||

iti śrīrudrayāmale uttaratantre mahātantroddīpane ṣaṭcakraprakāśe siddhimantraprakaraṇe bhairavabhairavīsaṃvāde bhedinyādistotraṃ nāma ekatriṃśaḥ paṭalaḥ||31||

Kapitel 32

atha dvātriṃśaḥ paṭalaḥ

śrīānandabhairavī uvāca atha kānta pravakṣyāmi śṛṇuṣva mama tattvataḥ|
śaktiḥ kuṇḍalinī devī sarvabhedanabhedinī||32-1||

kalikalmaṣahantrī ca jagatāṃ mokṣadāyinī|
tasyāḥ stotraṃ tathā dhyānaṃ nyāsaṃ mantraṃ śṛṇu prabho||32-2||

yasya vijñānamātreṇa mūlapadme manolayaḥ|
caitanyānandanirato bhavet kuṇḍalisaṅgamāt||32-3||

ākāśagāminīṃ siddhiṃ dadāti kuṇḍalī bhṛśam|
amṛtānandarūpābhyāṃ karoṣi pālanaṃ nṛṇām||32-4||

śvāsocchvāsakalābhyāṃ ca śarīraṃ triguṇātmakam|
pañcabhūtāvṛtā nityaṃ pañcānilā bhaved dhruvam||32-5||

koṭisūryapratīkāśāṃ nirālambāṃ vibhāvayet|
sarvasthitāṃ jñānarūpāṃ śvāsocchvāsanivāsinīm||32-6||

svayambhūkusumotpannāṃ dhyānajñānaprakāśinīm|
mokṣadāṃ śaktidāṃ nityāṃ nityajñānasvarūpiṇīm||32-7||

lolāṃ līlādharāṃ sarvāṃ śuddhajñānaprakāśinīm|
koṭikālānalasamāṃ vidyutkoṭimahaujasām||32-8||

tejasā vyāptakiraṇāṃ mūlādūrdhvaprakāśinīm|
aṣṭalokaprakāśāḍhyāṃ phullendīvaralocanām||32-9||

sarvamukhīṃ sarvahastāṃ sarvapādāmbujasthitām|
mūlādibrahmarandhrāntasthānalokaprakāśinīm||32-10||

tribhāṣāṃ sarvabhakṣāṃ ca śvāsanirgamapālinīm|
lalitāṃ sundarīṃ nīlāṃ kuṇḍalīṃ kuṇḍalākṛtim||32-11||

abhūmaṇḍalabāhyasthāṃ bāhyajñānaprakāśinīm|
nāginīṃ nāgabhūṣāḍhyāṃ bhayānakakalevarām||32-12||

yogijñeyāṃ śuddharūpāṃ viralāmūrdhvagāminīm|
evaṃ dhyātvā mūlapadme kuṇḍalīṃ paradevatām||32-13||

bhāvasiddhirbhavet kṣipraṃ kuṇḍalībhāvanādiha|
tato mānasajāpaṃ hi mānasaṃ homatarpaṇam||32-14||

abhiṣekaṃ mudā kṛtvā prātaḥ kāle punaḥ punaḥ
prāṇāyāmaṃ tataḥ kṛtvā stotraṃ ca kavacaṃ paṭhet||32-15||

etatstotrasya pāṭhena svayaṃ siddhāntavid bhavet|
kuṇḍalī sukṛpā tasya māsād bhavati niścitam||32-16||

nidrādoṣādikṃ tyaktvā prakāśyāhaṃ śarīrake|
ahaṃ dātrī suyogānāmadhipāhaṃ jagattraye||32-17||

ahaṃ karma ahaṃ dharmaḥ ahaṃ devī ca kuṇḍalī|
yo jānāti mahāvīra kuṇḍalīrūpasevanāt||32-18||

iti taṃ pātrakaṃ kartumavatīrṇāsmi sarvadā|
ata eva paraṃ mantraṃ kuṇḍalinyāḥ stavaṃ śubham||32-19|| prapaṭhet sarvadā dehe yadi vaśyā na kuṇḍalī|
tāvat kālaṃ japaṃ kuryād yāvat siddhirna jāyate||32-20|| ādhāre paradevatā bhavanatādhokuṇḍalī devatā|
devānāmadhidevatā trijagatāmānandapuñjasthitā||32-21|| mūlādhāranivāsinī triramaṇī yā jñāninī mālinī|
sā me mātṛmanusthitā kulapathānandaikabījānanā||32-22|| sarvāṅgasthitikāriṇī suragaṇānandaikacinhā śivā|
vīrendrā navakāminī vacanadā śrīmānadā jñānadā||32-23|| sānandā ghananandinī ghanagaṇā chinnā bhavā yoginī|
dhīrā dhairyavatī samāptaviṣayā śrīmaṅgalī kuṇḍalī||32-24|| sarvākāranivāsinī jayadharādhārādharasthāgayā|
gītā godhanavaddhīnī gurumayī jñānapirayā godhanā||32-25|| gārhāgnisthiti candrikā sulatikā jāḍyāpahā rāgadā|
dārā godhanakāriṇī mṛgamanā brahmāṇḍamārgojjvalā||32-26|| mātā mānasagocarā haricarā siṃhāsanekāraṇā|
yāmā dāsagaṇeśvarī guṇavatī chāyāpathasthāyinī||32-27|| nidrā kṣubdhajanapirayā varatṛṣā bhāṣāviśeṣasthitā|
sthityantapralayāpahā naraśiromālādharā kuṇḍalī||32-28|| gāṅgeśī yamuneśvarī gurutarī godāvarī bhāskarī|
bhaktātīkṣayakāriṇī samaśivaṃ yadyekabhāvānvitā||32-29|| tvaṃ śīghraṃ kuru kaulike mama śirorandhraṃ tadabjaṃ mudā|
tatpatrasthitadaivataṃ kulavatī mātṛsthalaṃ pāhikam||32-30|| bhālodrdhve dhavalā kalārasakalā kālāgnijālojjvalā|
pheruprāṇaniketane gurutarā gurvī sugurvī surā||32-31|| hālollāsasamodayā yatinayā māyā jagattāriṇī|
nidrāmaithunanāśinī mama harā mohāpahā pātukam||32-32|| bhālaṃ nīlatanusthitā matimatāmarthapirayā maithilī|
bhālānandakarā mahāpirayajanā padmānanā komalā||32-33|| nānāraṅgasupīṭhadeśavasanā siddhāsanā ghoṣaṇā|
trāṇasthāvararūpiṇī kalihanī śrīkuṇḍalī pātukam||32-34|| bhrūmadhyaṃ bagalāmukhī śaśimukhī vidyāmukhī sammukhī|
nāgākhyā nagavāhinī mahiṣahā pañcānanasthāyinī||32-35|| pārāvāra vihārahetusapharī setuprakārā parā|
kāśīvāsinamīśvaraṃ pratidinaṃ śrīkuṇḍalī pātukam||32-36|| yā kuṇḍodbhavasārapānaniratā mohādidoṣāpahā|
sā netratrayamambikā suvalikā śrīkālikā kaulikā||32-37|| kākasthā dvikacañcupāraṇakarī saṃjñākarī sundarī|
me pātu pirayayā tayā viśadayā sacchāyayā chāditā||32-38|| śrīkuṇḍe raṇacaṇḍikā suratikā kaṅkālikā bālikā|
sākāśā parivajītā sugatikā jñānomīkā cotsukā||32-39|| saukāsūkṣmasukhapirayā guṇanikā dīkṣā ca sūkṣmākhyakā|
māmandyaṃ mama kandavāsini śive santrāhi santrāhikam||32-40|| etatstotraṃ paṭhitvā tribhuvanapavanaṃ pāvanaṃ laukikānām|
rājā syāt kilviṣāgniḥ kratupatiriha yaḥ kṣemadaṃ yogināṃ vā||32-41|| sarveśaḥ sarvakartā bhavati nijagṛhe yogayogāṅgavaktā|
śāktaḥ śaivaḥ sa ekaḥ paramapuruṣago nirmalātmā mahātmā||32-42|| praṇavena puṭitaṃ kṛtvā yaḥ stauti niyataḥ śuciḥ|
sa bhavet kuṇḍalīputro bhūtale nātra saṃśayaḥ||32-43||

iti śrīrudrayāmale uttaratantre mahātantroddīpane mūlacakrasārasaṅkete bhairavabhairavīsaṃvāde kandavāsinīstotraṃ nāma dvātriṃśaḥ paṭalaḥ||32||

Kapitel 33

atha trayastriṃśaḥ paṭalaḥ

śrī ānandabhairavī uvāca atha vakṣye mahādeva kuṇḍalīkavacaṃ śubham|
paramānandadaṃ siddhaṃ siddhavṛndaniṣevitam||33-1||

yatkṛtvā yoginaḥ sarvaṃ dharmādharmapradarśakāḥ|
jñānino mānino dharmā vicaranti yathāmarāḥ||33-2||

siddhayo'pyaṇimādyāśca karasthāḥ sarvadevatāḥ|
etat kavacapāṭhena devendro yogirāḍ bhavet||33-3||

ṛṣayo yoginaḥ sarve jaṭilāḥ kulabhairavāḥ|
prātaḥkāle trivāraṃ ca madhyāhne vārayugmakam||33-4||

sāyāhne vāramekaṃ tu paṭhet kavacameva ca|
paṭhedevaṃ mahāyogī kuṇḍalīdarśanaṃ bhavet||33-5||

kulakuṇḍalīkavacasya brahmendra ṛṣirgāyatrī chandaḥ, kulakuṇḍalī
devatā sarvābhīṣṭasiddhyarthe viniyogaḥ|| oṃ īśvarī jagatāṃ dhātrī lalitā sundarī parā|
kuṇḍalī kularūpā ca pātu māṃ kulacaṇḍikā||33-6||

śiro me lalitā devī pātūgrākhyā kapolakam|
brahmamantreṇa puṭitā bhrūmadhyaṃ pātu me sadā||33-7||

netratrayaṃ mahākālī kālāgnibhakṣikā śikhām|
dantāvalīṃ viśālākṣī oṣṭhamiṣṭānuvāsinī||33-8||

kāmabījātmikā vidyā adharaṃ pātu me sadā|
ḷyugasthā gaṇḍayugmaṃ māyā viśvā rasapirayā||33-9||

bhuvaneśī karṇayugmaṃ cibukaṃ krodhakālikā|
kapilā me galaṃ pātu sarvabījasvarūpiṇī||33-10||

mātṛkāvarṇapuṭitā kuṇḍalī kaṇṭhameva ca|
hṛdayaṃ kālapṛthvī ca kaṅkālī pātu me mukham||33-11||

bhujayugmaṃ caturvargā caṇḍadodrdaṇḍakhaṇḍinī|
skandhayugmaṃ skandamātā hālāhalagatā mama||33-12||

aṅgulyagraṃ kulānandā śrīvidyā nakhamaṇḍalam|
kālikā bhuvaneśānī pṛṣṭhadeśaṃ sadāvatu||33-13||

pārśvayugmaṃ mahāvīrā vīrāsanadharābhayā|
pātu māṃ kuladarbhasthā nābhimudaramambikā||33-14||

kaṭideśaṃ pīṭhasaṃsthā mahāmahiṣaghātinī|
liṅgasthānaṃ mahāmudrā bhagaṃ mālāmanupirayā||33-15||

bhagīrathapirayā dhūmrā mūlādhāraṃ gaṇeśvarī|
caturdalaṃ kakṣyapūjyā dalāgraṃ me vasundharā||33-16||

śīrṣaṃ rādhā raṇākhyā ca brahmāṇī pātu me mukham|
medinī pātu kamalā vāgdevī pūrvagaṃ dalam||33-17||

chedinī dakṣiṇe pātu pātu caṇḍā mahātapā|
candraghaṇṭā sadā pātu yoginī vāruṇaṃ dalam||33-18||

uttarasthaṃ dalaṃ pātu pṛthivīmindrapālitā|
catuṣkoṇaṃ kāmavidyā brahmavidyābjakoṇakam||33-19||

aṣṭaśūlaṃ sadā pātu sarvavāhanavāhanā
caturbhujā sadā pātu ḍākinī kulacañcalā||33-20||

meḍhrsthā madanādhārā pātu me cārupaṅkajam|
svayambhūliṅga cārvākā koṭarākṣī mamāsanam||33-21||

kadambavanamāpātu kadambavanavāsinī|
vaiṣṇavī paramā māyā pātu me vaiṣṇavaṃ padam||33-22||

ṣaḍdalaṃ rākiṇī pātu rākiṇī kāmavāsinī|
kāmeśvarī kāmarūpā śrīkṛṣṇaṃ pītavāsasam||33-23||

vanamālāṃ vanadurgā śaṅkhaṃ me śaṅkhinī śivā|
cakraṃ cakreśvarī pātu kamalākṣī gadāṃ mama||33-24||

padmaṃ me padmagandhā ca padmamālā manoharā|
rādilāntākṣaraṃ pātu lākinī lokapālinī||33-25||

ṣaḍdale sthitadevāṃśca pātu kailāsavāsinī|
agnivarṇā sadā pātu gaṇaṃ me parameśvarī||33-26||

maṇipūraṃ sadā pātu maṇimālāvibhūṣaṇā|
daśapatraṃ daśavarṇaṃ ḍādiphāntaṃ trivikramā||33-27||

pātu nīlā mahākālī bhadrā bhīmā sarasvatī|
ayodhyāvāsinī devī mahāpīṭhanivāsinī||33-28||

vāgbhavādyā mahāvidyā kuṇḍalī kālakuṇḍalī|
daśacchadagataṃ pātu rudraṃ rudrātmakaṃ mama||33-29||

sūkṣmāt sūkṣmatarā pātu sūkṣmasthānanivāsinī|
rākiṇī lokajananī pātu kūṭākṣarasthitā||33-30||

taijasaṃ pātu niyataṃ rajakī rājapūjitā|
vijayā kulabījasthā tavargaṃ timirāpahā||33-31||

mantrātmikā maṇigranthiṃ bhedinī pātu sarvadā|
garbhadātā bhṛgusutā pātu māṃ nābhivāsinī||33-32||

nandinī pātu sakalaṃ kuṇḍalī kālakampitā|
hṛtpadmaṃ pātu kālākhyā dhūmravarṇā manoharā||33-33||

daladvādaśavarṇaṃ ca bhāskarī bhāvasiddhidā|
pātu me paramā vidyā kavargaṃ kāmacāriṇī||33-34||

cavargaṃ cāruvasanā vyāghrāsyā ṭaṅkadhāriṇī|
cakāraṃ pātu kṛṣṇākhyā kākinīṃ pātu kālikā||33-35||

ṭakurāṅgī ṭakāraṃ me jīvabhāvā mahodayā|
īśvarī pātu vimalā mama hṛtpadmavāsinī||33-36||

kaṇīkāṃ kālasandarbhā yoginī yogamātaram|
indrāṇī vāruṇī pātu kulamālā kulāntaram||33-37||

tāriṇī śaktimātā ca kaṇṭhavākyaṃ sadāvatu|
vipracittā mahogrogrā prabhā dīptā ghanāsanā||33-38||

vākstambhinī vajradehā vaidehī vṛṣavāhinī|
unmattānandacittā ca kṣaṇośīśā bhagāntarā||33-39||

mama ṣoḍaśapatrāṇi pātu mātṛtanusthitā|
surān rakṣatu vedajñā sarvabhāṣā ca kaṇīkām||33-40||

īśvarārddhāsanagatā prapāyānme sadāśivam|
śākambharī mahāmāyā sākinī pātu sarvadā||33-41||

bhavānī bhavamātā ca pāyād bhrūmadhyapaṅkajam|
dvidalaṃ vratakāmākhyā aṣṭāṅgasiddhidāyinī||33-42||

pātu nāsāmakhilānandā manorūpā jagatpirayā|
lakāraṃ lakṣaṇākrāntā sarvalakṣaṇalakṣaṇā||33-43||

kṛṣṇājinadharā devī kṣakāraṃ pātu sarvadā|
dvidalasthaṃ sarvadevaṃ sadā pātu varānanā||33-44||

bahurūpā viśvarūpā hākinī pātu saṃsthitā|
harāparaśivaṃ pātu mānasaṃ pātu pañcamī||33-45||

ṣaṭcakrasthā sadā pātu ṣaṭcakrakulavāsinī|
akārādikṣakārāntā bindusargasamanvitā||33-46||

mātṛkārṇā sadā pātu kuṇḍalī jñānakuṇḍalī|
devakālī gatipremā pūrṇā giritaṭaṃ śivā||33-47||

uḍḍīyāneśvarī devī sakalaṃ pātu sarvadā|
kailāsaparvataṃ pātu kailāsagirivāsinī48|| pātu me ḍākinīśaktirlākinī rākiṇī kalā|
sākinī hākinī devī ṣaṭcakrādīn prapātu me||33-49||

kailāsākhyaṃ sadā pātu pañcānana tanūdbhavā|
hiraṇyavarṇā rajanī candrasūryāgnibhakṣiṇī||33-50||

sahasradalapadmaṃ me sadā pātu kulākulā|
sahasradalapadmasthā daivataṃ pātu khecarī||33-51||

kālī tārā ṣoḍaśākhyā mātaṅgī padmavāsinī|
śaśikoṭigaladrūpā pātu me sakalaṃ tamaḥ||33-52||

vane ghore jale deśe yuddhe vāde śmaśānake|
sarvatra gamane jñāne sadā māṃ pātu śailajā||33-53||

parvate vividhāyāse vināśe pātu kuṇḍalī|
pādādibrahmarandhrāntaṃ sarvākāśaṃ sureśvarī||33-54||

sadā pātu sarvavidyā sarvajñānaṃ sadā mama|
navalakṣamahāvidyā daśadikṣu prapātu mām||33-55||

ityetat kavacaṃ devi kuṇḍalinyāḥ prasiddhidam|
ye paṭhanti dhyānayoge yogamārgavyavasthitāḥ||33-56||

te yānti muktipadavīmaihike nātra saṃśayaḥ|
mūlapadme manoyogaṃ kṛtvā hṛdāsanasthitaḥ||33-57||

mantraṃ dhyāyet kuṇḍalinīṃ mūlapadmaprakāśinīm|
dharmodayāṃ dayārūḍhāmākāśasthānavāsinīm||33-58||

amṛtānandarasikāṃ vikalāṃ sukalāṃ śitām|
ajitāṃ raktarahitāṃ viśaktāṃ raktavigrahām||33-59||

raktanetrāṃ kulakṣiptāṃ jñānāñjanajayojjvalām|
viśvākārāṃ manorūpāṃ mūle dhyātvā prapūjayet||33-60||

yo yogī kurute evaṃ sa siddho nātra saṃśayaḥ|
rogī rogāt pramucyeta baddho mucyeta bandhanāt||33-61||

rājyaṃ śriyamavāpnoti rājyahīnaḥ paṭhedyadi|
putrahīno labhet putraṃ yogahīno bhavedvaśī||33-62||

kavacaṃ dhārayedyastu śikhāyāṃ dakṣiṇe bhuje|
vāmā vāmakare dhṛtvā sarvābhīṣṭamavāpnuyāt||33-63||

svarṇe raupye tathā tāmre sthāpayitvā prapūjayet|
sarvadeśe sarvakāle paṭhitvā siddhimāpnuyāt||33-64||

sa bhūyāt kuṇḍalīputro nātra kāryā vicāraṇā||33-65||

iti śrīrudrayāmale uttaratantre mahātantroddīpane siddhividyāprakaraṇe ṣaṭcakraprakāśe bhairavībhairavasaṃvāde kandavāsinīkavacaṃ nāma trayastriśaḥ paṭalaḥ||33||

Kapitel 34

atha catustriṃśaḥ paṭalaḥ

ānandabhairavī uvāca atha bhedān pravakṣyāmi hitāya jagatāṃ prabho|
nirmalātmā śuciḥ śrīmān dhyānātmā ca sadāśivaḥ||34-1||

sa mokṣago jñānarūpī sa ṣaṭcakrārthabhedakaḥ|
triguṇajñānavikalo na paśyati divāniśam||34-2||

divārātryajñānahetorna paśyati kalevaram|
iti kṛtvā hi maraṇaṃ nṛṇāṃ janmani janmani||34-3|| tajjanmakṣayahetośca mama yogaṃ samabhyaset|
pañcasvaraṃ mahāyogaṃ kṛtvā syādamaro naraḥ||34-4|| tatprakāraṃ śṛṇuṣvātha vallabha pirayadarśana|
tava bhāvena kathaye na kutra vada śaṅkara||34-5|| yadi lokasya nikaṭe kathyate yogasādhanam|
vighnā ghorā vasantyeva gātre yogādikaṃ katham||34-6|| yogayogād bhavenmokṣaḥ tatprakāśādvināśanam|
ato na darśayed yogaṃ yadīcchedātmanaḥ śubham||34-7|| kṛtvā pañcāmarā yogaṃ pratyahaṃ bhaktisaṃyutaḥ|
paṭhet śrīkuṇḍalīdevīsahasranāma cāṣṭakam||34-8|| mahāyogī bhavennātha ṣaṇmāse nātra saṃśayaḥ|
pañcame vā yogavidyā sarvavidyāprakāśinī||34-9|| kṛtvā pañcasvarā siddhiṃ tato'ṣṭāṅgādidhāraṇā|
ādau pañcasvarā siddhistato'nyā yogadhāraṇā||34-10|| tatprakāraṃ pravakṣyāmi sāvadhānāvadhāraya|
ahaṃ jānāmi saṃsāre kevalaṃ yogapaṇḍitān||34-11|| tat sākṣiṇī hyahaṃ nātha bhaktānāmudayāya ca|
idānīṃ kathaye te'haṃ mama vā yogasādhanam||34-12|| evaṃ kṛtvā nityarūpī yogānāmaṣṭadhā yataḥ|
tataḥ kālena puruṣaḥ siddhimāpnoti niścitam||34-13|| pañcāmarā vidhānāni krameṇa śṛṇu śaṅkara|
netīyogaṃ hi siddhānāṃ mahākaphavināśanam||34-14|| dantiyogaṃ pravakṣyāmi paścād hṛdayabhedanāt|
dhautīyogaṃ tataḥ paścāt sarvamalavināśanāt||34-15|| neulīyogamaparaṃ sarvāṅgodaracālanāt|
kṣālanaṃ paramaṃ yogaṃ nāḍīnāṃ kṣālanāt smṛtam||34-16|| etat pañcāmarāyogaṃ yamināmatigocaram|
yamaniyamakāle tu pañcāmarākriyāṃ yajet||34-17|| amarā sādhanādeva amaratvaṃ labhed dhruvam|
etatkaraṇakāle ca tathā pañcāmarāsanam||34-18|| pañcāmarābhakṣaṇena amaro yogasiddhibhāk|
tāni dravyāṇi vakṣyāmi tavāgre parameśvara||34-19|| yena hīnā na siddhyanti kalpakoṭiśatena ca|
ekā tu amarā dūrvā tasyā granthiṃ samānayet||34-20|| anyā tu vijayā devī siddhirūpā sarasvatī|
anyā tu bilvapatrasthā śivasantoṣakāriṇī||34-21|| anyā tu yogasiddhyarthe nirguṇḍī cāmarā matā|
anyā tu kālitulasī śrīviṣṇoḥ paritoṣiṇī||34-22|| etāḥ pañcasvarāḥ jñeyā yogasādhanakarmaṇi|
etāsāṃ dviguṇaṃ grāhyaṃ vijayāpatramuttamam||34-23|| brāhmaṇī kṣatriyā vaiśyā śūdrāḥ sarvatra pūjitāḥ|
etaddravyāṇi saṅgrāhya bhakṣayeccūrṇamuttamam||34-24|| taccūrṇabhakṣasamaye etanmantrādipañcamam|
paṭhitvā bhakṣaṇaṃ kṛtvā naro mucyeta saṅkaṭāt||34-25|| oṃ tvaṃ dūrve'marapūjye tvaṃ amṛtodbhavasambhave|
amaraṃ māṃ sadā bhadre kuruṣva nṛharipiraye||34-26|| oṃ dūrvāyai namaḥ svāhā iti dūrvāyāḥ|
punavījayāmantreṇa śodhayet sarvakanyakāḥ|
oṃ saṃvide brahmasambhūte brahmaputri sadā'naghe|
bhairavāṇāṃ ca tṛptyarthe pavitrā bhava sarvadā||34-27|| oṃ brāhmaṇyai namaḥ svāhā|
oṃ siddhimūlakare devi hīnabodhaprabodhini|
rājaputrīvaśaṅkari śūlakaṇṭhatriśūlini||34-28|| oṃ kṣatriyāyai namaḥ svāhā|
oṃ ajñānendhanadīptāgni jñānāgnijjvālarūpiṇi|
ānandādyāhutiṃ kṛtvā samyakjñānaṃ prayaccha me||34-29|| hrīṃ hrīṃ vaiśyāyai namaḥ svāhā|
oṃ namasyāmi namasyāmi yogamārgapradaśīni|
trailokyavijaye mātaḥ samādhiphaladā bhava||34-30|| śrīṃ śūdrāyai namaḥ svāhā|
oṃ kāvyasiddhikarī devī bilvapatranivāsini|
amaratvaṃ sadā dehi śivatulyaṃ kuruṣva mām||34-31|| oṃ śivadāyai namaḥ svāhā|
nirguṇḍi paramānande yogānāmadhidevate|
sā māṃ rakṣatu amare bhāvasiddhiprade namaḥ||34-32|| oṃ śokāpahāyai namaḥ svāhā|
oṃ viṣṇoḥ piraye mahāmāye mahākālanivāriṇī|
tulasī māṃ sadā rakṣa māmekamamaraṃ kuru||34-33|| oṃ hrīṃ śrīṃ eṃ klīṃ amarāyai namaḥ svāhā|
punareva samākṛtya sarvāsāṃ śodhanañcaret||34-34|| oṃ amṛte amṛtodbhave'mṛtavaṣīṇi amṛtamākarṣaya|
ākarṣaya siddhiṃ dehi svāhā|
dhenumudrāṃ yonimudrāṃ matsyamudrāṃ pradarśayet|
tattvamudrākrameṇaiva tarpaṇaṃ kārayed budhaḥ||34-35|| amantrakaṃ saptavāraṃ gurornāmnā śive'rpayet|
saptakañca sveṣṭadevyā nāmnā śuddhiṃ pradāpayet||34-36|| tatastarpaṇamākuryāttarpayāmi namo namaḥ|
etadvākyasya pūrve ca iṣṭamantraṃ samuccaret||34-37|| paradevatāṃ samuddhṛtya sarvādyapraṇavaṃ smṛtam|
tato mukhe prajuhuyāt kuṇḍalīnāmapūrvakam||34-38|| oṃ eṃ vada vada vāgvādini mama jihvāgre sthirībhava|
sarvasattvavaśaṅkari śatrukaṇṭhatriśūlini svāhā|
etajjaptvā sāśramī ca vaśī sādhakasattamaḥ|
pañcāmarā śāsanajñaḥ kulācāravidhipirayaḥ||34-39|| sthiracetā bhavedyogī yadi pañcāmarāgataḥ|
netīyogavidhānāni śṛṇu kailāsapūjite||34-40|| yena sarvamastakasthakaphānāṃ dahanaṃ bhavet|
sūkṣmasūtraṃ dṛḍhataraṃ pradadyāt nāsikābile||34-41|| mukharandhre samānīya sandhānena samānayet|
punaḥ punaḥ sadā yogī yātāyātena gharṣayet||34-42|| krameṇa varddhanaṃ kuryāt sūtrasya parameśvara|
netīyogena nāsāyā randhraṃ nirmalakaṃ bhavet||34-43|| vāyorgamanakāle tu mahāsukhamiti prabho|
dantīyogaṃ tataḥ paścātkuryāt sādhakasattamaḥ||34-44|| dantadhāvanakāle tu yogametat prakāśayet|
dantadhāvanakāṣṭhañca sārdhahastaikasambhavam||34-45|| nātisthūlaṃ nātisūkṣmaṃ navīnaṃ namramuttamam|
apakvaṃ yatnato grāhyaṃ mṛṇālasadṛśaṃ tarum||34-46|| gṛhītvā dantakāṣṭhaṃ vai yogī nityaṃ prabhakṣayet|
dantakāṣṭhāgrabhāgañca kaniṣṭhāṅguliparvataḥ||34-47|| evaṃ dantāvalibhyāñca carvaṇaṃ sundaraṃ caret|
tataḥ prakṣālya toyena śanaigīlanamācaret||34-48|| śanaiḥ śanaiḥ prakarttavyaṃ kāyāvākcittaśodhanam|
yāvadabhinnakāṣṭhāgraṃ nābhimūle tvanākṣatam||34-49|| tāvat sūkṣmataraṃ grāhyamavaśyaṃ pratyahañcaret|
hṛdaye jalacakrañca yāvat khaṇḍaṃ na jāyate||34-50|| tāvatkālaṃ sarvadine prabhāte dantadhāvanam|
hṛdaye kaphabhāṇḍasya khaṇḍanaṃ jāyate dhruvam||34-51|| pavanāgamane saukhyaṃ prayāti yoganirbharam|
khecaratvaṃ sa labhatām amlānañca kaṭūdbhavam||34-52|| miṣṭānnaṃ śākadadhyannaṃ dvivāraṃ rātribhojanam|
avaśyaṃ santyajedyogī yadi yogamihecchati||34-53|| ekabhāgaṃ mudgabījaṃ dvibhāgaṃ taṇḍulaṃ matam|
uttamaṃ pākamākṛtya ghṛtadugdhena bhakṣayet||34-54|| athavā kevalaṃ dugdhaṃ tarpaṇaṃ kārayed budhaḥ|
kuṇḍalīṃ kularūpāñca dugdhena paritarpayet||34-55|| kuṇḍalītarpaṇaṃ yogī yadi jānāti śaṅkara|
anāyāsena yogī syāt sa jñānīndro bhaveddhruvam||34-56|| yamaniyamaparo yaḥ kuṇḍalīsevanastho vibhavavirahito vā bhūribhārāśrito vā|
sa bhavati parayogī sarvavidyārthavedyo|
guṇagaṇagaganastho muktarūpī gaṇeśaḥ||34-57||

iti śrīrudrayāmale uttaratantre mahātantroddīpane ṣaṭcakraprakāśe bhairavabhairavīsaṃvāde pañcāmarāsādhanaṃ nāma catustriśaḥ paṭalaḥ||34||

Kapitel 35

atha pañcatriṃśaḥ paṭalaḥ

ānandabhairavī uvāca atha vakṣye mahākāla rahasyaṃ cātidurlabham|
yasya vijñānamātreṇa naro brahmapadaṃ labhet||35-1||

ākāśe tasya rājyañca khecareśo bhaved dhruvam|
dhaneśo bhavati kṣipraṃ brahmajñānī bhavennaraḥ||35-2||

yogānāmadhipo rājā vīrabhadro yathākaviḥ|
viriñcigaṇanāthasya kṛpā bhavati sarvadā||35-3||

yaḥ karoti pañcayogaṃ sa syādamaravigrahaḥ|
dhautīyogaṃ pravakṣyāmi yatkṛtvā nirmalo bhavet||35-4||

atyantaguhyaṃ yogaṃ ca samādhikaraṇaṃ nṛṇām|
yadi na kurute yogaṃ tadā maraṇamāpnuyāt||35-5||

dhautīyogaṃ vinā nātha kaḥ siddhyati mahītale|
sūkṣmātsūkṣmataraṃ vastraṃ dvātriṃśaddhastamānataḥ||35-6||

ekahastakrameṇaiva yaḥ karoti śanaiḥ śanaiḥ|
yāvad dvātriṃśaddhastañca tāvatkālaṃ kriyāñcaret||35-7||

etatkriyā prayogeṇa yogī bhavati tatkṣaṇāt|
krameṇa mantrasiddhiḥ syāt kālajālavaśaṃ nayet||35-8||

etanmadhye cāsanāni śarīrasthāni cācaret|
dṛḍhāsane yogasiddhiriti tantrārthanirṇayaḥ||35-9||

siddhe manau parāvāptiḥ pañcayogāsanena ca|
pārśve cāṣṭāṅgulaṃ vastraṃ dīrghe dvātriṃśadīśvara||35-10||

etat sūkṣmaṃ suvasanaṃ gṛhītvā kārayed yatiḥ|
jitendriyaḥ sadā kuryād jñānadhyānaniṣevaṇaḥ||35-11||

kulīnaḥ paṇḍito mānī vivekī susthirāśayaḥ|
dhautīyogaṃ sadā kuryāttadaiva śucigo bhavet||35-12||

anācāreṇa hāniḥ syādindriyāṇāṃ balena ca|
mahāpātakamukhyānāṃ saṅgadoṣeṇa hānayaḥ||35-13||

sambhavanti mahādeva kālayogaṃ sukarma ca|
vṛddho vā yauvanastho vā bālo vā jaḍa eva ca||35-14||

karaṇāddīrghajīvī syādamaro lokavallabhaḥ|
mantrasiddhiraṣṭasiddhiḥ sa siddhīnāmadhīśvaraḥ||35-15||

śanaiḥ śanaiḥ sadā kuryāt kāladoṣavināśanāt|
hṛdayagranthibhedena sarvāvayavavardhanam||35-16||

tadā mahābalo jñānī cāruvarṇo mahāśayaḥ|
dhautīyogodbhavaṃ kāmaṃ mahāmaraṇakāraṇam||35-17||

tasya tyāgaṃ yaḥ karoti sa naro devavikramaḥ|
śvāsaṃ tyaktvā stambhanañca mano dadyānmahānile||35-18||

śvāsādīnāñca gaṇanamavaśyaṃ bhāvayed gṛhe|
prāṇāyāmavidhānena sarvakālaṃ sukhī bhavet||35-19||

vāyupānaṃ sadā kuryāt dhyānaṃ kuryātsadaiva hi|
pratyāhāraṃ sadā kuryāt manoniveśanaṃ sadā||35-20||

mānasādiprajāpyañca sadā kuryānmanolayam|
dhautīyogāntaraṃ hi neulīṅkarma cācaret||35-21||

neulīyogamātreṇa āsane neulopamaḥ|
neulīsādhanādeva cirajīvī nirāmayaḥ||35-22||

antarātmā sadā maunī nirmalātmā sadā sukhī|
sarvadā samayānandaḥ kāraṇānandavigrahaḥ||35-23||

yogābhyāsaṃ sadā kuryāt kuṇḍalī sādhanādikam|
kṛtvā mantrī khecaratvaṃ prāpnoti nātra saṃśayaḥ||35-24||

tatprakāraṃ pravakṣyāmi sāvadhānāvadhāraya|
bhuktvā mudgānnapakvañca bāraikaṃ pratipālayet||35-25||

prapālayetsodarañca kaṭināsāvivajītaḥ|
punaḥ punaścālanañca kuryāt svodaramadhyakam||35-26||

kulālacakravat kuryāt bhrāmaṇañcodarasya ca|
sarvāṅgacālanādeva kuṇḍalīcālanaṃ bhavet||35-27||

cālanāt kuṇḍalīdevyāścaitanyā sā bhavet prabho|
etasyānantaraṃ nātha kṣālanaṃ parikītītam||35-28||

nāḍīnāṃ kṣālanādeva sarvavidyānidhirbhavet|
sarvatra jayamāpnoti kālikādarśanaṃ bhavet||35-29||

vāyusiddhirbhavettasya pañcabhūtasya siddhibhāk|
tasya kītīstribhuvane kāmadevabalopamaḥ||35-30||

sarvatragāmī sa bhavedindriyāṇāṃ patirbhavet|
muṇḍāsanaṃ hi sarvatra sarvadā kārayed budhaḥ||35-31||

ūdrdhve muṇḍāsanaṃ kṛtvā adhohaste japaṃ caret|
yadi tridinamākartuṃ samartho muṇḍikāsanam||35-32||

tadā hi sarvanāḍyaśca vaśībhūtā na saṃśayaḥ|
nāḍīkṣālanayogena mokṣadātā svaya bhavet||35-33||

nāḍīyogena sarvārthasiddhiḥ syānmuṇḍikāsanāt|
muṇḍāsana yaḥ karoti neūli--siddhigo yadi||35-34||

neūlīsādhanagato neūlīsādhanottamaḥ|
tadā kṣālanayogena siddhimāpnoti sādhakaḥ||35-35||

neūlīṃ yo na jānāti sa kathaṃ karttumuttamaḥ|
sa dhīro mānasacaro matimān sa jitendriyaḥ||35-36||

yo neūlī yogasāraṃ karttumuttamapāragaḥ|
sa cāvaśya kṣālanañca kuryāt nāḍyādiśodhanāt||35-37||

neūlīyogamārgeṇa nāḍīkṣālanapāragaḥ|
bhavatyeva mahākāla rājarājeśvaro yathā||35-38||

pṛthivīpālanarato vigrahaste prapālanam|
kevalaṃ prāṇavāyośca dhāraṇāt kṣālanaṃ bhavet||35-39||

vinā kṣālanayogena dehaśuddhirnajāyate|
kṣālanaṃ nāḍikādīnāṃ kaphapittamalādikam||35-40||

karoti yatnato yogī muṇḍāsananiṣevaṇāt|
vāyugrahaṇamevaṃ hi neūlīvaśakālake||35-41||

na kuryāt kevalaṃ nātha anyakāle sadā caret|
yāvanneūlīṃ na jānāti tāvat vāyuṃ na saṃpibet||35-42||

bahutaraṃ na saṅagrāhyaṃ vāyorāgamanādikam|
kevalaṃ śvāsagaṇanaṃ yāvanneūlī na siddhyati||35-43||

pañcasvarā prakathitā yoginī siddhidāyikā|
pañcasvarasādhanādeva pañcavāyurvaśo bhavet||35-44||

pratāpe sūryatulyaḥ syāt śokadoṣāpahārakaḥ|
sarvayogasthirataraṃ saṃprāpya yogirāḍ bhavet||35-45||

iti śrīrudrayāmale uttaratantre mahātantroddīpane ṣaṭcakraprakāśe bhairavabhairavī saṃvāde pañcasvarayogasādhanaṃ nāma pañcatriṃśaḥ paṭalaḥ||35||

Kapitel 36

atha ṣaḍastriṃśaḥ paṭalaḥ

śrīānandabhairavī uvāca atha kānta pravakṣyāmi kuṇḍalīcetanādikam|
sahasranāmasakalaṃ kuṇḍalinyāḥ priyaṃ sukham||36-1||

aṣṭottaraṃ mahāpuṇyaṃ sākṣāt siddhipradāyakam|
tava premavaśenaiva kathayāmi śṛṇuṣva tat||36-2||

vinā yajanayogena vinā dhyānena yatphalam|
tatphalaṃ labhate sadyo vidyāyāḥ sukṛpā bhavet||36-3||

yā vidyā bhuvaneśānī trailokyaparipūjitā|
sā devī kuṇḍalī mātā trailokyaṃ pāti sarvadā||36-4||

tasyā nāma sahasrāṇi aṣṭottaraśatāni ca|
śravaṇātpaṭhanānmantrī mahābhakto bhavediha||36-5||

ehike sa bhavennātha jīvanmukto mahābalī||36-6||

asya śrīmanmahākuṇḍalīsāṣṭottarasahasranāmastotrasya brahmaṣīrjagatīcchando bhagavatī
śrīmanmahākuṇḍalīdevatā sarvayogasamṛddhisiddhyarthe viniyogaḥ|| kuleśvarī kulānandā kulīnā kulakuṇḍalī|
śrīmanmahākuṇḍalī ca kulakanyā kulapriyā||36-7||

kulakṣetrasthitā kaulī kulīnārthaprakāśinī|
kulākhyā kulamārgasthā kulaśāstrārthapātinī||36-8||

kulajñā kulayogyā ca kulapuṣpaprakāśinī
kulīnā ca kulādhyakśā kulacandanalepitā||36-9||

kularūpā kulodbhūtā kulakuṇḍalivāsinī|
kulābhinnā kulotpannā kulācāravinodinī||36-10||

kulavṛkśasamudbhūtā kulamālā kulaprabhā|
kulajñā kulamadhyasthā kulakaṅkaṇaśobhitā||36-11||

kulottarā kaulapūjā kulālāpā kulakriyā|
kulabhedā kulaprāṇā kuladevī kulastutiḥ||36-12||

kaulikā kālikā kālyā kalibhinnā kalākalā|
kalikalmaṣahantrī ca kalidoṣavināśinī||36-13||

kaṅkālī kevalānandā kālajñā kāladhāriṇī|
kautukī kaumudī kekā kākā kākalayāntarā||36-14||

komalāṅgī karālāsyā kandapūjyā ca komalā|
kaiśorī kākapucchasthā kambalāsanavāsinī||36-15||

kaikeyīpūjitā kolā kolaputrī kapidhvajā|
kamalā kamalākśī ca kambalāśvatarapriyā||36-16||

kalikābhaṅgadoṣasthā kālajñā kālakuṇḍalī|
kāvyadā kavitā vāṇī kālasandarbhabhedinī||36-17||

kumārī karuṇākārā kurusainyavināśinī|
kāntā kulagatā kāmā kāminī kāmanāśinī||36-18||

kāmodbhavā kāmakanyā kevalā kālaghātinī|
kailāsaśikharārūḍhā kailāsapatisevitā||36-19||

kailāsanāthanamitā keyūrahāramaṇḍitā|
kandarpā kaṭhinānandā kulagā kīcakṛtyahā||36-20||

kamalāsyā kaṭhorā ca kīṭarūpā kaṭisthitā|
kandeśvarī kandarūpā kolikā kandavāsinī||36-21||

kūṭasthā kūṭabhakśā ca kālakūṭavināśinī|
kāmākhyā kamalā kāmyā kāmarājatanūdbhavā||36-22||

kāmarūpadharā kamrā kamanīyā kavipriyā|
kañjānanā kañjahastā kañjapatrāyatekśaṇā||36-23||

kākinī kāmarūpasthā kāmarūpaprakāśinī|
kolāvidhvaṃsinī kaṅkā kalaṅkārkakalaṅkinī||36-24||

mahākulanadī karṇā karṇakāṇḍavimohinī|
kāṇḍasthā kāṇḍakaruṇā karmakasthā kuṭumbinī||36-25||

kamalābhā bhavā kallā karuṇā karuṇāmayī|
karuṇeśī karākartrī kartṛhastā kalodayā||36-26||

kāruṇyasāgarodbhūtā kāruṇyasindhuvāsinī|
kāttīkeśī kāttīkasthā kāttīkaprāṇapālanī||36-27||

karuṇānidhipūjyā ca karaṇīyā kriyā kalā|
kalpasthā kalpanilayā kalpātītā ca kalpitā||36-28||

kulayā kulavijñānā kaṣīṇī kālarātrikā|
kaivalyadā kokarasthā kalamañjīrarañjanī||36-29||

kalayantī kālajihvā kiṅkarāsanakāriṇī|
kumudā kuśalānandā kauśalyākāśavāsinī||36-30||

kasāpahāsahantrī ca kaivalyaguṇasambhavā|
ekākinī arkarūpā kuvalā karkaṭasthitā||36-31||

karkoṭakā koṣṭharūpā kūṭavahnikarasthitā|
kūjantī madhuradhvānaṃ kāmayantī sulakśaṇam||36-32||

ketakī kusumānandā ketakīpuṇyamaṇḍitā|
karpūrapūrarucirā karpūrabhakśaṇapriyā||36-33||

kapālapātrahastā ca kapālacandradhāriṇī|
kāmadhenusvarūpā ca kāmadhenuḥ kriyānvitā||36-34||

kaśyapī kāśyapā kuntī keśāntā keśamohinī|
kālakartrī kūpakartrī kulapā kāmacāriṇī||36-35||

kuṅkumābhā kajjalasthā kamitā kopaghātinī|
kelisthā kelikalitā kopanā karpaṭasthitā||36-36||

kalātītā kālavidyā kālātmapuruṣodbhavā|
kaṣṭasthā kaṣṭakuṣṭhasthā kuṣṭhahā kaṣṭahā kuśā||36-37||

kālikā sphuṭakartrī ca kāmbojā kāmalā kulā|
kuśalākhyā kākakuṣṭhā karmasthā kūrmamadhyagā||36-38||

kuṇḍalākāracakrasthā kuṇḍagolodbhavā kaphā|
kapitthāgravasākāśā kapittharodhakāriṇī||36-39||

kāhoḍa. kāhaḍa. kāḍa. kaṅkalā bhāṣakāriṇī|
kanakā kanakābhā ca kanakādrinivāsinī||36-40||

kārpāsayajñasūtrasthā kūṭabrahmārthasādhinī|
kalañjabhakśiṇī krūrā krodhapuñjā kapisthitā||36-41||

kapālī sādhanaratā kaniṣṭhākāśavāsinī|
kuñjareśī kuñjarasthā kuñjarā kuñjarāgatiḥ||36-42||

kuñjasthā kuñjaramaṇī kuñjamandiravāsinī|
kupitā kopaśūnyā ca kopākopavivajītā||36-43||

kapiñjalasthā kāpiñjā kapiñjalatarūdbhavā
kuntīpremakathāviṣṭā kuntīmānasapūjitā||36-44||

kuntalā kuntahastā ca kulakuntalalohinī|
kāntāṅghrasevikā kāntakuśalā kośalāvatī||36-45||

keśihantrī kakutsthā ca kakutsthavanavāsinī|
kailāsaśikharānandā kailāsagiripūjitā||36-46||

kīlālanirmalākārā(?) kīlālamugdhakāriṇī|
kutunā kuṭṭahī kuṭṭhā kūṭanā modakāriṇī||36-47||

krauṅkārī krauṅkarī kāśī kuhuśabdasthā kirātinī|
kūjantī sarvavacanaṃ kārayantī kṛtākṛtam||36-48||

kṛpānidhisvarūpā ca kṛpāsāgaravāsinī|
kevalānandaniratā kevalānandakāriṇī||36-49||

kṛmilā kṛmidoṣaghnī kṛpā kapaṭakuṭṭitā|
kṛśāṅgī kramabhaṅgasthā kiṅkarasthā kaṭasthitā||36-50||

kāmarūpā kāntaratā kāmarūpasya siddhidā|
kāmarūpapīṭhadevī kāmarūpāṅkujā kujā||36-51||

kāmarūpā kāmavidyā kāmarūpādikālikā|
kāmarūpakalā kāmyā kāmarūpakuleśvarī||36-52||

kāmarūpajanānandā kāmarūpakuśāgradhīḥ|
kāmarūpakarākāśā kāmarūpatarusthitā||36-53||

kāmātmajā kāmakalā kāmarūpavihāriṇī|
kāmaśāstrārthamadhyasthā kāmarūpakriyākalā||36-54||

kāmarūpamahākālī kāmarūpayaśomayī|
kāmarūpaparamānandā kāmarūpādikāminī||36-55||

kūlamūlā kāmarūpapadmamadhyanivāsinī|
kṛtāñjalipriyā kṛtyā kṛtyādevīsthitā kaṭā||36-56||

kaṭakā kāṭakā koṭikaṭighaṇṭavinodinī|
kaṭisthūlatarā kāṣṭhā kātyāyanasusiddhidā||36-57||

kātyāyanī kācalasthā kāmacandrānanā kathā|
kāśmīradeśaniratā kāśmīrī kṛṣikarmajā||36-58||

kṛṣikarmasthitā kaurmā kūrmapṛṣṭhanivāsinī|
kālaghaṇṭā nādaratā kalamañjīramohinī||36-59||

kalayantī śatruvargān krodhayantī guṇāguṇam
kāmayantī sarvakāmaṃ kāśayantī jagattrayam||36-60||

kaulakanyā kālakanyā kaulakālakuleśvarī
kaulamandirasaṃsthā ca kuladharmaviḍambinī||36-61||

kuladharmaratākārā kuladharmavināśinī|
kuladharmapaṇḍitā ca kuladharmasamṛddhidā||36-62||

kaulabhogamokśadā ca kaulabhogendrayoginī|
kaulakarmā navakulā śvetacampakamālinī||36-63||

kulapuṣpamālyākāntā kulapuṣpabhavodbhavā|
kaulakolāhalakarā kaulakarmapriyā parā||36-64||

kāśīsthitā kāśakanyā kāśī cakśuḥpriyā kuthā
kāṣṭhāsanapriyā kākā kākapakśakapālikā||36-65||

kapālarasabhojyā ca kapālanavamālinī|
kapālasthā ca kāpālī kapālasiddhidāyinī||36-66||

kapālā kulakartrī ca kapālaśikharasthitā|
kathanā kṛpaṇaśrīdā kṛpī kṛpaṇasevitā||36-67||

karmahantrī karmagatā karmākarmavivajītā|
karmasiddhiratā kāmī karmajñānanivāsinī||36-68||

karmadharmasuśīlā ca karmadharmavaśaṅkarī|
kanakābjasunirmāṇamahāsiṃhāsanasthitā||36-69||

kanakagranthimālyāḍhyā kanakagranthibhedinī|
kanakodbhavakanyā ca kanakāmbhojavāsinī||36-70||

kālakūṭādikūṭasthā kiṭiśabdāntarasthitā|
kaṅkapakśinādamukhā kāmadhenūdbhavā kalā||36-71||

kaṅkaṇābhā dharā karddā karddamā karddamasthitā|
karddamasthajalācchannā karddamasthajanapriyā||36-72||

kamaṭhasthā kārmukasthā kamrasthā kaṃsanāśinī|
kaṃsapriyā kaṃsahantrī kaṃsājñānakarālinī||36-73||

kāñcanābhā kāñcanadā kāmadā kramadā kadā|
kāntabhinnā kāntacintā kamalāsanavāsinī||36-74||

kamalāsanasiddhisthā kamalāsanadevatā|
kutsitā kutsitaratā kutsā śāpavivajītā||36-75||

kuputrarakśikā kullā kuputramānasāpahā|
kujarakśakarī kaujī kubjākhyā kubjavigrahā||36-76||

kunakhī kūpadīkśusthā kukarī kudhanī kudā|
kupriyā kokilānandā kokilā kāmadāyinī||36-77||

kukāminā kubuddhisthā kūrpavāhana mohinī|
kulakā kulalokasthā kuśāsanasusiddhidā||36-78||

kauśikī devatā kasyā kannādanādasupriyā|
kusauṣṭhavā kumitrasthā kumitraśatrughātinī||36-79||

kujñānanikarā kusthā kujisthā karjadāyinī|
kakarjā karjjakariṇī karjavaddhavimohinī||36-80||

karjaśodhanakartrī ca kālāstradhāriṇī sadā|
kugatiḥ kālasugatiḥ kalibuddhivināśinī||36-81||

kalikālaphalotpannā kalipāvanakāriṇī|
kalipāpaharā kālī kalisiddhisusūkṣmadā||36-82||

kālidāsavākyagatā kālidāsasusiddhidā|
kaliśikśā kālaśikśā kandaśikśāparāyaṇā||36-83||

kamanīyabhāvaratā kamanīyasubhaktidā|
karakājanarūpā ca kakśāvādakarā. karā||36-84||

kañcuvarṇā kākavarṇā kroṣṭurūpā kaṣāmalā|
kroṣṭrnādaratā kītā kātarā kātarapriyā||36-85||

kātarasthā kātarājñā kātarānandakāriṇī|
kāśamarddatarūdbhūtā kāśamarddavibhakśiṇī||36-86||

kaṣṭahāniḥ kaṣṭadātrī kaṣṭalokaviraktidā|
kāyāgatā kāyasiddhiḥ kāyānandaprakāśinī||36-87||

kāyagandhaharā kumbhā kāyakumbhā kaṭhoriṇī|
kaṭhoratarusaṃsthā ca kaṭhoralokanāśinī||36-88||

kumārgasthāpitā kuprā kārpāsatarusambhavā|
kārpāsavṛkśasūtrasthā kuvargasthā karottarā||36-89||

karṇāṭakarṇasambhūtā kārṇāṭī karṇapūjitā|
karṇāstrarakśikā karṇā karṇahā karṇakuṇḍalā||36-90||

kuntalādeśanamitā kuṭumbā kumbhakārikā|
karṇāsarāsanā kṛṣṭā kṛṣṇahastāmbujājītā||36-91||

kṛṣṇāṅgī kṛṣṇadehasthā kudeśasthā kumaṅgalā|
krūrakarmasthitā korā kirāta kulakāminī||36-92||

kālavāripriyā kāmā kāvyavākyapriyā krudhā|
kañjalatā kaumudī ca kujyotsnā kalanapriyā||36-93||

kalanā sarvabhūtānāṃ kapitthavanavāsinī|
kaṭunimbasthitā kākhyā kavargākhyā kavagīkā||36-94||

kirātacchedinī kāryā kāryākāryavivajītā|
kātyāyanādikalpasthā kātyāyanasukhodayā||36-95||

kukṣetrasthā kulāvighnā karaṇādipraveśinī|
kāṅkālī kiṅkalā kālā kilitā sarvakāminī||36-96||

kīlitāpekśitā kūṭā kūṭakuṅkumacacītā|
kuṅkumāgandhanilayā kuṭumbabhavanasthitā||36-97||

kukṛpā karaṇānandā kavitārasamohinī|
kāvyaśāstrānandaratā kāvyapūjyā kavīśvarī||36-98||

kaṭakādihastirathahayadundubhiśabdinī|
kitavā krūradhūrtasthā kekāśabdanivāsinī||36-99||

keṃ kevalāmbitā ketā ketakīpuṣpamohinī|
kaiṃ kaivalyaguṇodvāsyā kaivalyadhanadāyinī||36-100||

karī dhanīndrajananī kākśatākśakalaṅkinī|
kuḍuvāntā kāntiśāntā kāṃkśā pāramahaṃsyagā||36-101||

kartrī cittā kāntavittā kṛṣaṇā kṛṣibhojinī|
kuṅkumāśaktahṛdayā keyūrahāramālinī||36-102||

kīśvarī keśavā kumbhā kaiśorajanapūjitā|
kalikāmadhyaniratā kokilasvaragāminī||36-103||

kuradehaharā kumbā kuḍumbā kurabhedinī|
kuṇḍalīśvarasaṃvādā kuṇḍalīśvaramadhyagā||36-104||

kālasūkṣmā kālayajñā kālahārakarī kahā|
kahalasthā kalahasthā kalahā kalahāṅkarī||36-105||

kuraṅgī śrīkuraṅgasthā koraṅgī kuṇḍalāpahā|
kukalaṅkī kṛṣṇabuddhiḥ kṛṣṇā dhyānanivāsinī||36-106||

kutavā kāṣṭhavalatā kṛtārthakaraṇī kusī|
kalanakasthā kasvarasthā kalikā doṣabhaṅgajā||36-107||

kusumākārakamalā kusumasragvibhūṣaṇā|
kiñjalkā kaitavārkaśā kamanīyajalodayā||36-108||

kakārakūṭasarvāṅgī kakārāmbaramālinī|
kālabhedakarā kāṭā karpavāsā kakutsthalā||36-109||

kuvāsā kabarī karvā kūsavī kurupālanī|
kurupṛṣṭhā kuruśreṣṭhā kurūṇāṃ jñānanāśinī||36-110||

kutūhalaratā kāntā kuvyāptā kaṣṭabandhanā|
kaṣāyaṇatarusthā ca kaṣāyaṇarasodbhavā||36-111||

katividyā kuṣṭhadātrī kuṣṭhiśokavisarjanī|
kāṣṭhāsanagatā kāryāśrayā kā śrayakaulikā||36-112||

kālikā kālisantrastā kaulikadhyānavāsinī|
kḷptasthā kḷptajananī kḷptacchannā kalidhvajā||36-113||

keśavā keśavānandā keśyādidānavāpahā|
keśavāṅgajakanyā ca keśavāṅgajamohinī||36-114||

kiśorārcanayogyā ca kiśoradevadevatā|
kāntaśrīkaraṇī kutyā kapaṭā priyaghātinī||36-115||

kukāmajanitā kauñcā kauñcasthā kauñcavāsinī|
kūpasthā kūpabuddhisthā kūpamālā manoramā||36-116||

kūpapuṣpāśrayā kāntiḥ kramadākramadākramā|
kuvikramā kukramasthā kuṇḍalīkuṇḍadevatā||36-117||

kauṇḍilyanagarodbhūtā kauṇḍilyagotrapūjitā|
kapirājasthitā kāpī kapibuddhibalodayā||36-118||

kapidhyānaparā mukhyā kuvyavasthā kusākśidā|
kumadhyasthā kukalpā ca kulapaṅktiprakāśinī||36-119||

kulabhramaradehasthā kulabhramaranādinī|
kulāsaṅgā kulākśī ca kulamattā kulānilā||36-120||

kalicinhā kālacinhā kaṇṭhacinhā kavīndrajā|
karīndrā kamaleśaśrīḥ koṭikandarpadarpahā||36-121||

koṭitejomayī koṭyā koṭīrapadmamālinī|
koṭīramohinī koṭiḥ koṭikoṭividhūdbhavā||36-122||

koṭisūryasamānāsyā koṭikālānalopamā|
koṭīrahāralalitā koṭiparvatadhāriṇī||36-123||

kucayugmadharā devī kucakāmaprakāśinī|
kucānandā kucācchannā kucakāṭhinyakāriṇī||36-124||

kucayugmamohanasthā kucamāyāturā kucā|
kucayauvanasammohā kucamarddanasaukhyadā||36-125||

kācasthā kācadehā ca kācapūranivāsinī|
kācagrasthā kācavarṇā kīcakaprāṇanāśinī||36-126||

kamalā locanapremā komalākśī manupriyā|
kamalākśī kamalajā kamalāsyā karālajā||36-127||

kamalāṅghiradvayā kāmyā karākhyā karamālinī|
karapadmadharā kandā kandabuddhipradāyinī||36-128||

kamalodbhavaputrī ca kamalā putrakāminī|
kirantī kiraṇācchannā kiraṇaprāṇavāsinī||36-129||

kāvyapradā kāvyacittā kāvyasāraprakāśinī|
kalāmbā kalpajananī kalpabhedāsanasthitā||36-130||

kālecchā kālasārasthā kālamāraṇaghātinī|
kiraṇakramadīpasthā karmasthā kramadīpikā||36-131||

kālalakṣmīḥ kālacaṇḍā kulacaṇḍeśvarapriyā|
kākinīśaktidehasthā kitavā kintakāriṇī||36-132||

karañcā kañcukā krauñcā kākacañcupuṭasthitā|
kākākhyā kākaśabdasthā kālāgnidahanāthīkā||36-133||

kucakśanilayā kutrā kuputrā kraturakśikā|
kanakapratibhākārā karabandhākṛtisthitā||36-134||

kṛtirūpā kṛtiprāṇā kṛtikrodhanivāriṇī|
kukśirakśākarā kukśā kukśibrahmāṇḍadhāriṇī||36-135||

kukśidevasthitā kukśiḥ kriyādakśā kriyāturā|
kriyāniṣṭhā kriyānandā kratukarmā kriyāpriyā||36-136||

kuśalāsavasaṃśaktā kuśāriprāṇavallabhā|
kuśārivṛkśamadirā kāśīrājavaśodyamā||36-137||

kāśīrājagṛhasthā ca karṇabhrātṛgṛhasthitā|
karṇābharaṇabhūṣāḍhyā kaṇṭhabhūṣā ca kaṇṭhikā||36-138||

kaṇṭhasthānagatā kaṇṭhā kaṇṭhapadmanivāsinī|
kaṇṭhaprakāśakariṇī kaṇṭhamāṇikyamālinī||36-139||

kaṇṭhapadmasiddhikarī kaṇṭhākāśanivāsinī
kaṇṭhapadmasākinīsthā kaṇṭhaṣoḍaśapatrikā||36-140||

kṛṣṇājinadharā vidyā kṛṣṇājinasuvāsasī|
kutakasthā kukhelasthā kuṇḍavālaṅkṛtākṛtā||36-141||

kalagītā kālaghajā kalabhaṅgaparāyaṇā|
kālīcandrā kalā kāvyā kucasthā kucalapradā||36-142||

kucauraghātinī kacchā kacchādasthā kajātanā|
kañjāchadamukhī kañjā kañjatuṇḍā kajīvalī||36-143||

kāmarābhārsuravādyasthā kiyadhaṃkāranādinī|
kaṇādayajñasūtrasthā kīlālayajñasañjñakā||36-144||

kaṭuhāsā kapāṭasthā kaṭadhūmanivāsinī|
kaṭinādaghoratarā kuṭṭalā pāṭalipriyā||36-145||

kāmacārābjanetrā ca kāmacodgārasaṃkramā|
kāṣṭhaparvatasaṃdāhā kuṣṭhākuṣṭha nivāriṇī||36-146||

kahoḍamantrasiddhasthā kāhalā ḍiṇḍimapriyā|
kulaḍiṇḍimavādyasthā kāmaḍāmarasiddhidā||36-147||

kulāmaravadhyasthā kulakekāninādinī|
kojāgaraḍholanādā kāsyavīraraṇasthitā||36-148||

kālādikaraṇacchidrā karuṇānidhivatsalā|
kratuśrīdā kṛtārthaśrīḥ kālatārā kulottarā||36-149||

kathāpūjyā kathānandā kathanā kathanapriyā|
kārthacintā kārthavidyā kāmamithyāpavādinī||36-150||

kadambapuṣpasaṅkāśā kadambapuṣpamālinī|
kādambarī pānatuṣṭā kāyadambhā kadodyamā||36-151||

kuṅkulepatramadhyasthā kulādhārā dharapriyā|
kuladevaśarīrārdhā kuladhāmā kalādharā||36-152||

kāmarāgā bhūṣaṇāḍhyā kāminīraguṇapriyā|
kulīnā nāgahastā ca kulīnanāgavāhinī||36-153||

kāmapūrasthitā kopā kapālī bakulodbhavā|
kārāgārajanāpālyā kārāgāraprapālinī||36-154||

kriyāśaktiḥ kālapaṅktiḥ kārṇapaṅktiḥ kaphodayā|
kāmaphullāravindasthā kāmarūpaphalāphalā||36-155||

kāyaphalā kāyapheṇā kāntā nāḍīphalīśvarā|
kamapherugatā gaurī kāyavāṇī kuvīragā||36-156||

kabarīmaṇibandhasthā kāverītīrthasaṅgamā|
kāmabhītiharā kāntā kāmavākubhramāturā||36-157||

kavibhāvaharā bhāmā kamanīyabhayāpahā|
kāmagarbhadevamātā kāmakalpalatāmarā||36-158||

kamaṭhapriyamāṃsādā kamaṭhā markaṭapriyā|
kimākārā kimādhārā kumbhakāramanasthitā||36-159||

kāmyayajñasthitā caṇḍā kāmyayajñopavītikā|
kāmayāgasiddhikarī kāmamaithunayāminī||36-160||

kāmākhyā yamalāśasthā kālayāmā kuyoginī|
kuruyāgahatāyogyā kurumāṃsavibhakśiṇī||36-161||

kururaktapriyākārī kiṅkarapriyakāriṇī|
kartrīśvarī kāraṇātmā kavibhakśā kavipriyā||36-162||

kaviśatrupraṣṭhalagnā kailāsopavanasthitā|
kalitridhā trisiddhisthā kalitridinasiddhidā||36-163||

kalaṅkarahitā kālī kalikalmaṣakāmadā|
kulapuṣparaṅga sūtramaṇigranthisuśobhanā||36-164||

kambojavaṅgadeśasthā kulavāsukirakśikā|
kulaśāstrakriyā śāntiḥ kulaśāntiḥ kuleśvarī||36-165||

kuśalapratibhā kāśī kulaṣaṭcakrabhedinī|
kulaṣaṭpadmamadhyasthā kulaṣaṭpadmadīpinī||36-166||

kṛṣṇamārjārakolasthā kṛṣṇamārjāraṣaṣṭhikā|
kulamārjārakupitā kulamārjāraṣoḍaśī||36-167||

kālāntakavalotpannā kapilāntakaghātinī|
kalahāsā kālahaśrī kalahārthā kalāmalā||36-168||

kakśapapakśarakśā ca kukṣetrapakśasaṃkśayā|
kākśarakśāsākśiṇī ca mahāmokśapratiṣṭhitā||36-169||

arkakoṭiśatacchāyā ānvīkśikikarācītā|
kāverītīrabhūmisthā āgneyārkāstradhāriṇī||36-170||

iṃ kiṃ śrīṃ kāmakamalā pātu kailāsarakṣiṇī|
mama śrīṃ īṃ bījarūpā pātu kālī śirasthalam||36-171||

urusthalābjaṃ sakalaṃ tamolkā pātu kālikā|
ūḍumbanyarkaramaṇī uṣṭregrā kulamātṛkā||36-172||

kṛtāpekṣā kṛtimatī kuṅkārī kiṃlipisthitā|
kuṃdīrghasvarā kḷptā ca keṃ kailāsakarācīkā||36-173||

kaiśorī kaiṃ karī kaiṃ keṃ bījākhyā netrayugmakam|
komā mataṅgayajitā kauśalyādi kumārikā||36-174||

pātu me karṇayugmantu krauṃ krauṃ jīvakarālinī|
gaṇḍayugmaṃ sadā pātu kuṇḍalī aṅkavāsinī||36-175||

arkakoṭiśatābhāsā akṣarākṣaramālinī|
āśutoṣakarī hastā kuladevī nirañjanā||36-176||

pātu me kulapuṣpāḍhyā pṛṣṭhadeśaṃ sukṛttamā|
kumārī kāmanāpūrṇā pārśvadeśaṃ sadāvatu||36-177||

devī kāmākhyakā devī pātu pratyaṅgirā kaṭim|
kaṭisthadevatā pātu liṅgamūlaṃ sadā mama||36-178||

guhyadeśaṃ kākinī me liṅgādhaḥ kulasiṃhikā|
kulanāgeśvarī pātu nitambadeśamuttamam||36-179||

kaṅkālamālinī devī me pātu cārumūlakam|
jaṃghāyugmaṃ sadā pātu kītīḥ cakrāpahāriṇī||36-180||

pādayugmaṃ pākasaṃsthā pākaśāsanarakṣikā|
kulālacakrabhramarā pātu pādāṅgulīrmama||36-181||

nakhāgrāṇi daśavidhā tathā hastadvayasya ca|
viṃśarūpā kālanākṣā sarvadā parirakṣatu||36-182||

kulacchatrādhārarūpā kulamaṇḍalagopitā|
kulakuṇḍalinī mātā kulapaṇḍitamaṇḍitā||36-183||

kākānanī kākatuṇḍī kākāyuḥ prakharārkajā|
kākajvarā kākajihvā kākājijñā sanasthitā||36-184||

kapidhvajā kapikrośā kapibālā hikasvarā|
kālakāñcī viṃśatisthā sadā viṃśanakhāgraham||36-185||

pātu devī kālarūpā kalikālaphalālayā|
vāte vā parvate vāpi śūnyāgāre catuṣpathe||36-186||

kulendrasamayācārā kulācārajanapriyā|
kulaparvatasaṃsthā ca kulakailāsavāsinī||36-187||

mahādāvānale pātu kumārge kutsitagrahe|
rājño'priye rājavaśye mahāśatruvināśane||36-188||

kalikālamahālakṣmīḥ kriyālakṣmīḥ kulāmbarā|
kalīndrakīlitā kīlā kīlālasvargavāsinī||36-189||

daśadikṣu sadā pātu indrādidaśalokapā|
navacchinne sadā pātu sūryādikanavagrahā||36-190||

pātu māṃ kulamāṃsāḍhyā kulapadmanivāsinī|
kuladravyapriyā madhyā ṣoḍaśī bhuvaneśvarī||36-191||

vidyāvāde vivāde ca mattakāle mahābhaye|
dubhīkṣādibhaye caiva vyādhisaṅkarapīḍite||36-192||

kālīkullā kapālī ca kāmākhyā kāmacāriṇī|
sadā māṃ kulasaṃsarge pātu kaule susaṅgatā||36-193||

sarvatra sarvadeśe ca kularūpā sadāvatu|
ityetat kathitaṃ nātha mātuḥ prasādahetunā||36-194||

aṣṭottaraśataṃ nāma sahasraṃ kuṇḍalīpriyam|
kulakuṇḍalinīdevyāḥ sarvamantrasusiddhaye||36-195||

sarvadevamanūnāñca caitanyāya susiddhaye|
aṇimādyaṣṭasiddhyarthaṃ sādhakānāṃ hitāya ca||36-196||

brāhmaṇāya pradātavyaṃ kuladravyaparāya ca|
akulīne'brāhmaṇe ca na deyaḥ kuṇḍalīstavaḥ|
pravṛtte kuṇḍalīcakre sarve varṇā dvijātayaḥ||36-197||

nivṛtte bhairavīcakre sarve varṇāḥ pṛthak--pṛthak|
kulīnāya pradātavyaṃ sādhakāya viśeṣataḥ||36-198||

dānādeva hi siddhiḥ syānmamājñābalahetunā|
mama kriyāyāṃ yastiṣṭhetsa me putro na saṃśayaḥ||36-199||

sa āyāti mama padaṃ jīvanmuktaḥ sa vāsavaḥ|
āsavena samāṃsena kulavahnau mahāniśi||36-200||

nāma pratyekamuccārya juhuyāt kāyasiddhaye|
pañcācārarato bhūttvā ūdrdhvaretā bhavedyatiḥ||36-201||

saṃvatsarānmama sthāne āyāti nātra saṃśayaḥ|
ehike kāyasiddhiḥ syāt daihike sarvasiddhidaḥ||36-202||

vaśī bhūttvā trimārgasthāḥ svargabhūtalavāsinaḥ|
asya bhṛtyāḥ prabhavanti indrādilokapālakāḥ||36-203||

sa eva yogī paramo yasyārthe'yaṃ suniścalaḥ|
sa eva khecaro bhakto nāradādiśukopamaḥ||36-204||

yo lokaḥ prajapatyevaṃ sa śivo na ca mānuṣaḥ|
sa samādhigato nityo dhyānastho yogivallabhaḥ||36-205||

caturvyūhagato devaḥ sahasā nātra saṃśayaḥ|
yaḥ pradhārayate bhaktyā kaṇṭhe vā mastake bhuje||36-206||

sa bhavet kālikāputro vidyānāthaḥ svayaṃbhuvi|
dhaneśaḥ putravān yogī yatīśaḥ sarvago bhavet||36-207||

vāmā vāmakare dhṛttvā sarvasiddhīśvaro bhavet||36-208||

yadi paṭhati manuṣyo mānuṣī vā mahatyā|
sakaladhanajaneśī putriṇī jīvavatsā|
kulapatiriha loke svargamokṣaikahetuḥ
sa bhavati bhavanātho yoginīvallabheśaḥ||36-209||

paṭhati ya iha nityaṃ bhaktibhāvena martyo
haraṇamapi karoti prāṇaviprāṇayogaḥ|
stavanapaṭhanapuṇyaṃ koṭijanmāghanāśa|
kathitumapi na śakto'haṃ mahāmāṃsabhakṣā||36-210||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde mahākulakuṇḍalinī aṣṭottarasahasranāmastavakavacaṃ nāma ṣaṭtriṃśattamaḥ paṭalaḥ||36||

Kapitel 37

atha saptatriṃśaḥ paṭalaḥ

ānandabhairava uvāca śrutañca paramaṃ jñānaṃ dharmādharmavivecanam|
sarvavedāntasāraṃ ca sārātsāraṃ parātparam||37-1||

kuṇḍalīstavanaṃ śrutvā pūrṇo'haṃ jagadīśvari|
īdānīṃ śrotumicchāmi svādhiṣṭhānaṃ prakāśakam||37-2||

yadi me sukṛpādṛṣṭirānandaghanasañcaye
vada śrīkuṇḍalīyogaṃ svādhiṣṭhānavibhedanam||37-3||

yena krameṇa bhedaṃ syāttatprakāraṃ vinirṇaya|
ānandabhairavī uvāca mahākāla mahāvīra ānandasāgarapiraya||37-4||

yogyo'si yogamārgāṇāmata eva prakathyate|
yena krameṇa cakrasya bhedaḥ syādamaro bhavet||37-5||

amaro jitacittāriḥ krodhajit prabalo balī|
dharmādharmajñānavāṃśca yogī bhavati sajjanaḥ||37-6||

parakāladarśī vijñaḥ syāt kratuśraddhāparāyaṇaḥ|
ahaṅkāravihīno yaḥ sa yogī bhavati dhruvam||37-7||

mahāvīrasusaṅginī ca saṅgadoṣavivajītaḥ|
mahātmāparamaṃ brahmajñānī bhavati yogirāṭ||37-8||

vikhyātaḥ sarvadeśe ca kintu svāśrayavajītaḥ|
bālako vikramī dhanvī dhanurbāṇadharo'vyayaḥ||37-9||

sa bhavet yogamārgeśo vivekī pāpavajītaḥ|
avidyāgranthiniśceṣṭo vivekadharmacātakaḥ||37-10||

caturo viṣamajñānavajīto yajñakṛt śuciḥ|
sa bhaved yoginīputro yogānāmadhipo bhavet||37-11||

yadi yogasthito mantrī vāyavīśaktinirbharaḥ|
sa eva yogī ṣaṇmāsāditi me tantranirṇayaḥ||37-12||

yo me tantrāṇi jānāti sadarthajñānajāni ca|
sa eva caturo yogī mama bhakto na saṃśayaḥ||37-13||

yadi vāyupānarato mantrī bhavati sādhakaḥ||37-14||

atha svādhiṣṭhānaṃ kulavaragataṃ ṣaḍdalagata|
prabhākāraṃ viṣṇoratiśayapadaṃ kāmanilayam|
mahāyogendrāṇāṃ manasi nilayaṃ cārukiraṇa|
śaraccandrajyotsnāyutamatidhanaṃ bhavyaviṣayam||37-15||

sadābhāvakṣetre sakalasudhiyo veda ... ...
yadāmāpakṣeme sakalasudhiyo vedapathagāḥ|
vicāraṃ kurvanti kṣitigataratāḥ śrīprabhṛtayaḥ|
mahāviṣṇoḥ pītāmbara narapate śyāmalatanoḥ|
( prakāśasyāntaḥpaṭastha naṭavarasyātinilayam )|
viṭacchāyāmadhye nivasati yathā gokulakule||37-16||

haridhyānaṃ kuryānniravadhimahānandarasikaḥ|
sa evātmā sākṣādiha navavaraḥ ṣoḍaśayuvā
mahāsarpāristhaṃ sthitikaraṇagaṃ nāgagamana|
mukhaṃ vaṃśīnādadhvaniguṇadharaṃ bhāvayati kaḥ||37-17||

sa evātmā nityo yatiriha dale komalakule|
kulāgāre sāre sarasijayute ṣaḍdalavare|
surānandaśrīdaṃ divi damanakarttāramamada|
sudhākāntaṃ kṛṣṇaṃ paramapuruṣaṃ bhāvayati kaḥ||37-18||

mahāvidyāsiddhaṃ kulapatimanomānyayajita|
mukundaṃ śrīkṛṣṇaṃ rasadalagataṃ svāgamagata|
murāriṃ pāpāriṃ navayuvatihṛtpadmasugata|
hṛṣīkeśaṃ viṣṇuṃ viṣayakaraṇaṃ bhāvayati kaḥ||37-19||

sa yogendro jñānī jayati sṛkṛtau kautukavatā|
rameśaṃ śrīkṛṣṇaṃ rasaviṣaharaṃ mānasacaram|
sarasvatyā yuktaṃ kularasamayaṃ muktijaḍita|
bhajeccaitanyāntaṃ suraguruvaraṃ mokṣamayate||37-20||

yatīndraḥ saśrīkaḥ pracayati nijaṃ bhāvyaviṣaya|
purāṇaṃ yogīndraṃ harimakhilapaṃ kāmanilayam|
mahāsūkṣmaṃ dvāraṃ kulavadhurataṃ vāmakiraṇa|
viśālākṣaṃ kṛṣṇaṃ nijarasakule kāntamamaram||37-21||

kṛpāsākṣījñānaṃ guṇagaditadehaṃ dāharahita|
mahāśaulaṃ satyaṃ kuvalayakariṃ hanti maraṇam|
aghāvīśaṃ śrīśaṃ śaśimukhikarāmbhojayajita|
tamātmānaṃ kṛṣṇaṃ nijakuladale yo'pi bhajati||37-22||

mahāśabdotpannaṃ prakṛtivikṛtiṃ kāraṇakṛti|
kṛpāsindhuṃ kṛṣṇaṃ kulavadhuśatāmodamilitam|
jagannāthaṃ stauti kṣitipativaśāyopakaraṇa|
virāṭaṃ brahmāṇḍaṃ karaṇagamahāviṣṇumaraṇam||37-23||

vinodaṃ vyākartuṃ tribhuvanapatiḥ śrīpatiraho|
pracaṇḍe saṃsāre udayati sadābhāvasadane|
mahāmeghaśyāmastriphalakaruṇāsāgarakule|
amūlye sañcāre viṣayarasanāsañcaya viṣam||37-24||

sa kṛṣṇaḥ śrī viṣṇuḥ prakṛtigadayā hanti satata|
ataḥ kṛṣṇo dhyeyaḥ suranaragaṇaiḥ pañcasumukhaiḥ|
kulāmbhoje ṣaṭke manarasadale dhyānaphalitaḥ|
kirātī rākiṇyā nayana kamalāpānamadhuram||37-25||

dharādhāraṃ pūrṇaṃ gagananilayaṃ kālapuruṣa|
manogamyaṃ ramyaṃ nava nayanalāvaṇyarasikam|
sadā dhyāyet kṛṣṇaṃ kurugaṇaripuṃ yaḥ kulapatiḥ|
nirālambaḥ śyāmaḥ prakṛtiyamunātīratarugaḥ||37-26||

kulīnā gopībhiḥ parimilitapārśvasthalasukhaḥ|
pradhānaḥ kṣetrajñaḥ kṣitipatikarāmbhojayajitaḥ|
prakāśātmā nāthaḥ pracayakaruṇo dhyeya irayā|
manodharmaṃ cchatraṃ trividhaguṇagānāśritakaram||37-27||

trikāṇḍasthaṃ khaṇḍodbhavavanarasaṃ prāṇarasika|
yadā stauti prātaḥ samayamaphale cāruvaradam|
mahāmokṣakṣetraṃ kulavadhuyutaṃ kṛṣṇaparama|
guṇeśaṃ rādheśaṃ rajanividhunitaṃ vedanilayam||37-28||

kriyādakṣaṃ sūkṣmaṃ samayaguṇayogāṅkajaḍita|
trikoṇasthaṃ gaṅgājalagalitasāraṃ tārakatanum|
mahākālānandaṃ gaganaghanavarṇaṃ sajalaka|
prabhāvāraṃ bhāvaṃ taruṇanavavapuḥ śrīdharamalam||37-29||

vanotphulāmbhojā manaviracanā bhālakalayā|
mahāśobhārūpaṃ kulapuruṣagaṃ vyāśrayati yaḥ|
sa yogī saṃsāre bhavati rasanāyoganirataḥ|
mano yo vyādhāya pracuraphaladaṃ kṛṣṇamakhilam||37-30||

mahājñānotsāhaṃ gatiguṇavahiḥ prāṇanicaya|
jagattāraṃ brahma niravadhimahāyogakiraṇam|
yadā lokastauti pratidinamihānandaghaṭita|
vikāraṃ sarveṣāṃ grahaṇanilanaṃ bhāskaravidhoḥ||37-31||

mahārāhugrāsaṃ śataśatamahāpuṇyanikaraṃ|
kulānandaṃ viṣṇuṃ śaśiśataghaṭārāmakiraṇam|
manogamyaṃ sūkṣmaṃ triguṇajaḍitaṃ bhāvayati kaḥ||37-32||

kṛṣṇabhaktiṃ mudā kṛṣṇaṃ dhyātvā kṛtvā yatirbhavet|
śrīkṛṣṇacaraṇāmbhoje tasya bhaktirna saṃśayaḥ||37-33||

kṛṣṇabrahma kṛṣṇabrahmā ca tridhyānaparāyaṇaḥ|
sa kṛṣṇastaṃ janaṃ nītvā dadāti api śaṅkara||37-34||

vinā kṛṣṇapadāmbhojaṃ svādhiṣṭhānaṃ kuto jayam|
kṛṣṇadhyānānmahāpadmabhedaṃ prāpnoti śaṅkara||37-35||

iti śrīrudrayāmale uttaratantre mahātantroddīpane ṣaṭcakraprakāśe bhairavībhairavasaṃvāde svādhiṣṭhānaśrīkṛṣṇarākiṇīsādhanaṃ nāma saptatriṃśattamaḥ paṭalaḥ||37||

Kapitel 38

athāṣṭātriṃśaḥ paṭalaḥ

ānandabhairavī uvāca śṛṇu nātha pravakṣyāmi śrīkṛṣṇasādhanottamam|
yena krameṇa bhaktiḥ syātkālajālavaśo bhavet||38-1||

mama pādāmbuje bhaktirbhavatyeva na saṃśayaḥ|
bhaktimān yaḥ sādhakendro mahāviṣṇuṃ bhajedyadi||38-2||

śivatulyo bhavennātha mama bhakto mahītale||38-3||

śrīkṛṣṇaṃ jagadīśvaraṃ trijagatāmānandamokṣātmaka|
sampūrṇaṃ triguṇāvṛtaṃ guṇadharaṃ sattvādhidaivaṃ param|
liṅgādhaḥ sthitirājyapālapuruṣaṃ pañcānanasthāyina|
śrīviṣṇuṃ śubhadaṃ jano yadi bhajellokaḥ saśaktiṃ sukhī||38-4||

ādau kāmaṃ trisargaṃ kulavadhuniyutaṃ kāmabījaṃ trisargaṃ|
śrīkṛṣṇaṃ vārayugmaṃ praṇayayugalakaṃ candrikākāśayuktam|
brahmadvandvaṃ bhajāmi prakṛti puruṣikāṃ kākinīṃ tatpare ca|
bhūyo bhūyo bhajāmi śravaṇagalayanaṃ vahnijāyāvilagnam||38-5||

etanmantraṃ japitvā praṇavamiti namo'ntaṃ tathādye militvā|
bhūyo bhūyo namo'ntaṃ tribhuvanasahitaṃ kṣobhayettat kṣaṇena|
rājaśrīstasya śīrṣe niravadhi vasudhā mandire saṃsthirā syāt|
kālacchedaṃ prakṛtya pravasati sumukhī brahmadaṇḍe ca kāle||38-6||

tataḥ prāṇe daivanātha mama santoṣavarddhana|
idānīṃ narasiṃhasya mantraṃ śṛṇu mahāprabho||38-7||

kāntabījaṃ samuddhṛtya yugalaṃ yugalaṃ smṛtam|
mahānṛsiṃhamantreṇa pūjayāmi namo namaḥ||38-8||

svādhiṣṭhāne mahāpadme manoniṣpāpahetunā|
mano vidhāya yo yogī japenmantraṃ punaḥ punaḥ||38-9||

etanmantrajapenāpi siddho bhavati sādhakaḥ|
etanmantraprabhāveṇa bhāvasiddhiṃ kṣaṇāllabhet||38-10||

sādhako yadi bhūmisthaḥ sādhayettu harermanum|
reṇusaṃkhyā krameṇaiva siddhiṃ prāpnoti vīryataḥ||38-11||

atha vakṣye mahādeva sarvavarṇasusārakam|
varṇamālāsvasaṃśakto japtvā siddhimavāpnuyāt||38-12||

siddhimantraṃ prārthayate yadi martyo nirāśrayaḥ|
nirjane saṃsthiro bhūttvā ekākī dīpavajītaḥ||38-13||

niḥśaṅkaṃ prajapenmantraṃ svādhiṣṭhānābjasaṅgate|
vaśīkṛtaṃ jagatsarvaṃ yena tatkramamāśṛṇu||38-14||

praṇavaṃ pūrvamuccārya nāntabījaṃ tathodgaret|
vahnibījasamālagnamadhodantasvarānvitam||38-15||

nādabindusamāyuktaṃ punarvāradvayaṃ vadet|
narasiṃhāya śabdānte punarvāratrayaṃ vadet||38-16||

devībījaṃ śaktibījaṃ svāhāntaṃ manumudgaret|
etanmantraprayogeṇa kuṇḍalīvaśamānayet||38-17||

svādhiṣṭhāne sthirībhāvaṃ prāpnoti sādhakāgraṇīḥ|
sarveṣāṃ prāṇago bhūtvā prabalo'sau mahītale||38-18||

śītaṃ raudraṃ samaṃ tasya pāpāpāpaṃ jayājayam|
dharmādharmaḥ sadā jñānaṃ nityajñānaṃ samāpnuyāt||38-19||

punaḥ śrīkṛṣṇamantrāśca sarvadevaniṣevakāḥ|
yajjñātvā devatāḥ sarvā sarvadiṅmukhapālakāḥ||38-20||

tatprayogaṃ mahādeva śṛṇu siddheśca lakṣaṇam|
vinā kṛṣṇāśrayeṇāpi brahmā tuṣṭo na kutracit||38-21||

na tuṣṭā kuṇḍalī devī paśubhāvaṃ vinā prabho|
paśubhāve jñānasiddhirvīrabhāve hi mokṣabhāk||38-22||

divyabhāve samādhistho jīvanmuktaḥ sa ucyate|
kāntabījaṃ samuddhṛtya śakravāmasvarānvitam||38-23||

nādabindusamākrāntaṃ kṛṣṇasambodhanaṃ padam|
punaḥ pūrvamanuṃ yuktā tryakṣarātmā mahāmanuḥ||38-24||

etanmantrajapaṃ kṛtvā yogī bhavati yogirāṭ|
yogo'yaṃ paramāhlādakārako'nantarūpakaḥ||38-25||

bahubhiḥ kiṃ kathanīyaṃ yaḥ karoti phalaṃ labhet|
dhyāyet śrīgopikānāthaṃ rākiṇīmaṇḍaleśvaram||38-26||

jagatāṃ sattvanilayaṃ śrīkṛṣṇaṃ gokuleśvaram
svādhiṣṭhānasthitaṃ śyāmaṃ yajed bhujacatuṣṭayam||38-27||

śaṅkhacakragadāpadma -- mahāśobhāmanoramam|
sarvavidyāgataṃ kāmyaṃ śrīgovindaṃ suśītalam||38-28||

mahāmohaharaṃ nāthaṃ vanamālāvibhūṣitam|
koṭikanyākarāmbhojajayitaṃ sarvasaṅgatam||38-29||

kirīṭinaṃ mahāvīraṃ bālenduṃ cūḍayānvitam|
guñjāmālā śobhitāṅgaṃ śrīnāthaṃ parameśvaram||38-30||

pītāmbaraṃ mandahāsyaṃ ṣaṭpadmadalamadhyagam|
kāminīprāṇanilayaṃ vasudevasutaṃ harim||38-31||

evaṃ dhyātvā ṣaḍdale ca sadā vakṣaḥsthakaustubham|
rājarājeśvaraṃ śauriṃ bhāvyaṃ śrīvatsalāñchanam||38-32||

svādhiṣṭhānagataṃ dhyāyenmurārisiddhigo naraḥ|
evaṃ dhyātvā purā brahmā nārāyaṇaguṇodayaḥ||38-33||

manaḥ kalpitadravyaiśca pūjayetparameśvaram|
ṣaḍdale ca mahāpadme saṃdhyāyet harimāyajet||38-34||

ṣoḍaśopacārayuktairmānasakṣetrasambhavaiḥ|
manaḥ kalpitapīṭhe ca sthāpayitvā hariṃ gurum||38-35||

yogeśvaraṃ kṛṣṇamīśaṃ rādhikārākiṇīśvaram|
ekāntacitte cāropya kṛṣṇaṃ pīṭhe prapūjayet||38-36||

tatra dalāṣṭakaṃ padmaṃ tatra ṣaṭkoṇakaṇīkam|
vedadvāropaśobhañca sṃnirmmāya manoharam||38-37||

punaḥ punaryadā dhyāyet ṣaḍdaleṣu daleṣṭakam|
pañcopacārairdaśakaiḥ śrīviṣṇuṃ paripūjayet||38-38||

gandhādayo naivedyāntā pūjāpañcopacārikā
āsanaṃ svāgataṃ pādyamarghyamācamanīyakam||38-39||

madhuparkācamanasnāna--vasanābharaṇāni ca
sugandhisumano dhūpadīpanaivedyavandanam||38-40||

prayojayedarcanāyāmupacārāṃstu ṣoḍaśa
viṣṇorārādhane kuryāt sarvatra vidhireṣa yaḥ||38-41||

vidhiḥ syāt kṛṣṇaviśveśa samudbhūtasya satpateḥ|
daśopacārakathanaṃ śrūyatāṃ vallabha prabho||38-42||

pādyamarghyaṃ tathācāmaṃ madhuparkācamanaṃ tathā|
gandhādayo naivedyāntā upacārā daśakramāt||38-43||

viṣṇuṃ sampūjya dhīmān haviṣyāśījītendriyaḥ|
sarvadā paramānandaḥ kālikāvaśasevakaḥ||38-44||

sarvajñānadharo vīro vivekī sarvadarśakaḥ|
saṃbhāvayet svādhiṣṭhāne nirantaraṃ mahāśuciḥ||38-45||

bālakakriyayā vyāpto bhāvajñānī nirāmayaḥ|
sa bhavet kālikāputro yaḥ kṛṣṇabhāvatatparaḥ||38-46||

kṛṣṇaṃ sañcintayenmūlakamalodrdhve kulātmakam|
sa bhavetkālikāputro'ṣṭāṅgasiddhiguṇānvitaḥ||38-47||

mānasaiḥ pūjanaṃ kṛtvā śaṅkhasthāpanamācaret|
yatkṛtvā mānasaṃ yogaṃ na kuryādbahirarcanam||38-48||

mūlamantradevatāyāḥ sādhane daivataṃ yajet|
devasya dakṣiṇasthāṃśca pūrvopāsyasusaṃsthitān||38-49||

pūjayed gandha puṣpādyaistulyamantreṇa mantravit|
tataḥ śrīkṛṣṇapādābjaṃ dhyānaṃ kuryānmanolayam||38-50||

evaṃ krameṇa tatpadme sthiro bhavati yogirāṭ|
yaḥ karoti śuddhabhāvaṃ mahāmohaharaṃ harim||38-51||

sthāpayitvā ca ṣaṭpadme mahāmokṣamavāpnuyāt|
yaḥ pradhānaguṇajñaśca sa me śāstrārthamāśrayet||38-52||

ihakāle śatruloke nivasatyeva yogirāṭ|
pādāmbhoje mano dadyānmakhakiñjalkacitrite||38-53||

jaṅghāyuge cārurāmakadalīkāṇḍamaṇḍite|
ūrudvaye mattagajakaradaṇḍasamaprabhe||38-54||

gaṅgāvartagabhīre tu nābhau śuddhavile'male|
udare vakṣasi tathā harau śrīvatsakaustubhe||38-55||

pūrṇacandrāyutapakṣe lalāṭe cārukuṇḍale|
śaṅkhacakragadāmbhoje dordaṇḍoparimaṇḍite||38-56||

sahasrādityasaṅkāśe sakirīṭakuladvayam|
sthāneṣveṣu yajenmantrī viśuddhaḥ śuddhacetasā||38-57||

mano niveśya kṛṣṇe vai tanmayo bhavati dhruvam|
yāvanmanolayaṃ yāti kṛṣṇe svātmani cinmaye||38-58||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde śrīkṛṣṇasvādhiṣṭhānapraveśo nāma aṣṭātriṃśattamaḥ paṭalaḥ||38||

Kapitel 39

athaikonacattvāriṃśaḥ paṭalaḥ

ānandabhairavī uvāca atha nātha pravakṣye'haṃ saṃsārasādhanottamam|
yena sādhanamātreṇa yogī bhavati tatkṣaṇāt||39-1||

anāyāsena siddhiḥ syād yadyanmanasi varttate|
trailokyaṃ mohayetkṣipraṃ trailokyaṃ vaśamānayet||39-2||

rāmeṇa sahitaṃ nityaṃ jagatāṃ sākṣiṇaṃ varam|
jāmadagnyakarāmbhojasevitaṃ sarvasevitam||39-3||

anantasattvanilayaṃ vāsukī saṅgamākulam|
aṣṭahastāgrasuśrīdaṃ nānālaṅkāraśobhitam||39-4||

svādhiṣṭhānagataṃ dhyātvā śītalo jāyate vaśī|
tatstotraṃ śṛṇu me nātha yatpāṭhāt siddhimāpnuyāt||39-5||

brahmādayaḥ surādhīśā munayaḥ kraturakṣakāḥ|
etat stotraṃ purā kṛtvā jīvanmukto mahītale||39-6||

ataḥ śrīkālikānātha stotraṃ śṛṇu mahatphalam||39-7||

śrīviṣṇoradbhutakarmaṇo brahmaṣīstriṣṭupchandaḥ śrīviṣṇuḥ śrīkṛṣṇaḥ śrīnārāyaṇo devatā
sarvastotrasārakavacamantrasiddhyarthe viniyogaḥ||

śrī kṛṣṇaṃ jagatāmadhīśamanaghaṃ dhyānātsiddhiprada|
govindaṃ bhavasindhupārakaraṇaṃ santāraṇaṃ kāraṇam|
śrī viṣṇuṃ vanamālinaṃ narahariṃ nārāyaṇaṃ gokula|
yogendraṃ naranāthamādipuruṣaṃ vṛndāvane bhāvayet||39-8||

mokṣaśrīsahitaṃ kṛtāntavikṛtaṃ dharmārṇavaṃ sundara|
śrīrāmaṃ balarāmabhāvavimalaṃ nityākulaṃ satkulam|
śrīśyāmaṃ kanakādihāravilasatlambodaraṃ śrīdhara|
taṃ vande harimīśvaraṃ guṇavatīmāyāśrayaṃ svāśrayam||39-9||

vaikuṇṭheśamaśeṣadoṣarahitaṃ sāyujyamokṣātmaka|
nānāratnavinimītā mama pūjā rājendracūḍāmaṇim|
śobhāmaṇḍalamaṇḍitaṃ suratarucchāyākaraṃ yogina|
vidyāgopasutāvṛtaṃ guṇamayaṃ vāksiddhaye bhāvayet||39-10||

svādhiṣṭhānaniketanaṃ parajanaṃ vidyādhanaṃ māyina|
śrīnāthaṃ kulayoginaṃ tribhuvanollāsaikabījaṃ prabhum|
saṃsārotsavabhāvalābhanirataṃ sarvādideśaṃ sukha|
vande'haṃ varasarpaśatrusaphale pṛṣṭhe sthirānandadam||39-11||

bhāvāṣṭaṃ bhavabhāvayogajaḍitaṃ jāḍyāpahaṃ bhāsvara|
nityaṃ śuddhaguṇaṃ gabhīradhiṣaṇāmodaikahetuṃ patim|
kītīkṣemakaraṃ mahābhayaharaṃ kāmādhidaivaṃ śiva|
tattatṣaḍdalamadhyageharucirānandaikadeśāspadam||39-12||

vande śrīpatimacyutaṃ narahariṃ daityāriśikṣyākula|
gandharvaprabhṛteḥ sugāyanarataṃ vaṃśīdharaṃ bhāvadam|
ratnānāmadhipaṃ gatisthamacalaṃ govardhanādhāraṇa|
viśvāmitratapodhanādi munibhiḥ saṃsevitaṃ taijasam||39-13||

vande govindapādāmbujamajamajitaṃ rājitaṃ bhaktimārge|
sattvotpannaṃ prabhutvaṃ paragaṇanamitaṃ cārumañjīrahāram|
haṃsākāraṃ dhavalagaruḍānandapṛṣṭhe nimagna|
bandhūkāraktasārānvitacaraṇatalaṃ sarvadāśāntarālam||39-14||

rākiṇyāḥ premasiddhaṃ navavayasigataṃ gītavādyādirāga|
rāgotpannaṃ suphalaguṇadaṃ gokulānandacandram|
vāṇī--lakṣmī--pirayaṃ taṃ tribhuvanasujanāhlādakartāramādya|
vande siddhāntasāraṃ gatinatirahitaṃ sārasaṅketitāptam||39-15||

kāmaṃ kāmātmakaṃ taṃ vidhugataśirasaṃ kṛṣṇasambodhanānta|
bījaṃ kāmaṃ punastat puruṣasurataruṃ bhāvayitvā bhaje'ham|
śrīkṛṣṇaṃ kṛṣṇakṛṣṇaṃ niravadhisukhadaṃ suprakāśaṃ prasanna|
svādhiṣṭhānākhyapadmemanasi gato bhave siddhisthalastham||39-16||

ākāśe cārupadme rasabhayavalagaṃ raktavarṇaṃ prakāṇḍa|
ātmārāmaṃ narendraṃ sakalaratikaraṃ kaṃsahantāramādim|
ādyantasthānahīnaṃ vidhiharagamanaṃ sendranīlāmalābha|
bhāvotsāhaṃ trisargasthitiparamamaraṃ bhāvaye bhāvasiddhyai||39-17||

sarveṣāṃ jñānadānaṃ rasadalakamale sarvadā tvaṃ karoṣi|
ātmānandaṃ sudhādipirayadhanaguṇināmekayogapradhānam|
māyāpūrṇaḥ pracayanavarasaḥ prītideśaḥ prabhekaḥ|
śrīrājākhyaḥ prapūrṇaḥ mayi dhanarahite dṛṣṭipātaṃ bhavādau||39-18||

kālī śrīkuṇḍalinyāḥ paragṛhanirataṃ bhāvakabrahmarūpaṃ
mukticchatraṃ pureśaṃ nijadhanasukhaṃ bhāryayā krīḍayantam
sabhākṣetraṃ netraṃ nayamānamayamatpurasaṃsthābhiṣekam||39-19||

dhyātvā'haṃ praṇamāmi sūkṣmakamale lokādhipaṃ vyādhipa|
vaikuṇṭhaṃ kṛṣṇamīḍe kurubhavavibhavakṣemahantāramantam|
śāntānāṃ jñānagamyaṃ svanayanakamale pālayantaṃ trimārgaṃ
vajrāriṃ pūtanāriṃ dvayavakanarakadhvāntasaṃhārasūram||39-20||

mānyaṃ lokeṣu sarveṣvatiśayamanasaṃ kevalaṃ nirmalañca|
oṅkāraṃ kāraṇākhyaṃ sugatimatimatāṃ mātṛkāmantrasiddham|
siddhānāmādisiddhaṃ suraripuśamanaṃ kālarūpaṃ ripūṇā|
mūlordhve ṣaḍdalānte manasi suvimale pūrayitvā mukundam||39-21||

nityaṃ sambhāvaye'haṃ nijatanusamatā siddhaye pūjayāmi
tvaṃ sākṣādakhileśvaraḥ pirayakaraḥ śrīlokahastācītaḥ|
kṣoṇīśaḥ pralayātmakaḥ pratiguṇī jñānī tvameko mahān||39-22||

yadyevaṃ mama pāmarasya kaluṣaṃ śrīdharmahīnāndita|
kṛtvā pādatale yadīha niyataṃ vyārakṣa rakṣātmagam|
rādhākṛṣṇapadāmalāmbujatalaṃ caitanyamuktyākulaṃ
sarvatrādigamāgamaṃ trigamanaṃ nirvāṇamokṣāśrayam||39-23||

bālaṃ vairivināśanaṃ sukhamayaṃ kaivalyamokṣāspada|
daivaṃ devagaṇācītaṃ rasadale cāropayāmi prabho|
nirddaṣṭaṃ bhuvanāśrayaṃ yatipatiṃ nirvāṇamokṣasthitaṃ
nirvāṇādikamodane pracapalaṃ śrīcañcalāsaṅkulam||39-24||

vande'haṃ parameśvaraṃ sakaladaityānāṃ balaprāṇaha|
haṃsārūḍhanirakṣaṇaṃ kṣaṇagataṃ vāṇīpatiṃ bhūpatim|
vāñchākalpalatāpatiṃ kulapatiṃ vidyāpatiṃ gopatim||39-25||

śrīvidyāpatimādidevapuruṣaṃ viśveśvarapremaga|
śrīkumbhodbhavakālasatvanikaraṃ tvāṃ bhāskaraṃ bhāvaye|
siddhānāmabhicinhayoganirataṃ rakṣa tvamādau hi mām||39-26||

prabho niḥsaṅketaṃ guṇamaṇimataṃ śreyasi mata|
matāmantaḥ susthaṃ vigalitamahāpremasurasam|
mudā vande kṛṣṇaṃ harakaratalāmbhojayajitam||39-27||

prabhāpuñjaṃ rāmāśrayapadamadaṃ kāmakuśala|
mahāmantracchāyāṃ rajanimilitaṃ dhvāntajaḍitam|
trikoṇasthaṃ kusthaṃ kugatisugatiṃ kāraṇagati|
pralīnaṃ saṃsthānaṃ jagati jagatāṃ dharmamudayam||39-28||

rameśaṃ vāṇīśaṃ vidhigatapadaṃ śambhunigata|
trikālaṃ yogānāṃ nayanakamalaṃ śabdaniratam|
kulānandaṃ gopījanahṛdayagaṃ gopiyajitaṃ
vidhānaṃ tvāmindraṃ gurutaramupendraṃ hariripum||39-29||

mudā tvāṃ vande'haṃ capalaṃ tāṃ me navahave|
kulālāpaśraddhāmaya makhilasiddhipradamanam|
malātītaṃ nītaṃ suranarasatāṃ śāstrabhavanam||39-30||

vinodaṃ nārīṇāṃ hṛdayarasikaṃ śokarahitam|
virājaṃ yajñānāṃ hitamatiguṇaṃ yāmi śaraṇam||39-31||

etatsambandhamātrī mama kulaśirasi sthāyinaṃ pātu nityaṃ
gopīnāṃ prāṇanāthaḥ pratidinamaniśaṃ bhāladeśaṃ prapāyāt|
bhālādhodeśasaṃsthaṃ samavatu sahasā rājarājeśvareśaḥ|
( gopānvanvo sureśaḥ ? )
sthityanteśastrinetraṃ sukhamakhilabhavaḥ kaṇṭhacchatrābhisaṃstham||39-32||

pṛṣṭhasthaṃ pātu śauriḥ pratidinamamaro liṅgabāhyaṃ kaṭisthaṃ
śambhupremābhilāṣī mama tu kulapadaṃ guhyadeśaṃ prapāyāt
ānandodrekakārī sakalatanugataṃ pātu nityaṃ murāriḥ|
daityāriścorumūlaṃ nṛhariravatu me jaṅghayā pādapadmam||39-33||

etatstotraṃ paṭhedvidvān niyato bhaktimān śuciḥ|
sthiro bhavati māsena ṣaḍdale sarvasiddhibhāk||39-34||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde śrīkṛṣṇastavanakavacaṃ nāmaikonacatvāriṃśattamaḥ paṭalaḥ||39||

Kapitel 40

atha cattvāriṃśaḥ paṭalaḥ

ānandabhairavī uvāca atha nātha pravakṣyāmi śṛṇuṣvāvahito mama|
yena krameṇa lokānāṃ yogakāryaṃ dṛḍhaṃ bhavet||40-1||

sarvatra bhāvagrastaḥ saḥ siddho bhavati bhairava|
yo bhavedbhairavo devo bhuvane sarvago hi saḥ||40-2||

kriyādakṣo mahāvīro vīravallabhabhāvakaḥ|
bhāvayitvā varṇamālāṃ madhye japtvā divāniśam||40-3||

haviṣyāśī prāṇavāyurato vedāntapāragaḥ|
siddhāntavettā sarveṣāṃ śāstrāṇāṃ nirṇayapirayaḥ||40-4||

gāthājñānī parānando vivekī bhāvatatparaḥ|
bhāvavettā rahasyārthajñānī kovidavedavit||40-5||

vākyasiddhijñānaparaḥ satyavādī dṛḍhāsanaḥ|
bhāvayet ṣaḍgataṃ varṇaṃ dhyānaṃ kuryāt pṛthak pṛthak||40-6||

ṣaṭpadmastho bhāvayedvai ṣaḍvarṇaṃ dhyānapūrvakam|
vādilāntākṣaraṃ dhyāyenmahāvidyāniṣevakaḥ||40-7||

bakāraṃ saundaryaṃ svakiraṇamayaṃ bhāvyamatula|
mukundaśrībhaktipirayaramaṇakaṃ pūrvadalagam|
viśiṣṭajñānāntaṃ sukharanataṃ koṭikiraṇa|
vibhāvya śrīlakṣmīṃ gamayati jhaṭit kālapuruṣam||40-8||

dvivarṇaṃ śrīnāthaṃ sukhayati bhakāraṃ rasadale|
trikoṇāpārśvasthāṃ capalaśakalaṃ śambhunilayam|
mahāraktākāraṃ taruṇavigataṃ bhīmamakula|
kulāgārasthānaṃ kularamaṇīraktāyutamiti||40-9||

yadā dhyāyet jñānī niravadhi mudā śokaviṣaha|
trilokānāṃ sthānaṃ bhuvanaśaraṇaṃ prātavisukhī|
mahāmokṣadvāre bhavati sa mahān sarvajaḍito|
vilāsī sarveṣāṃ navanavavadhūnāṃ pirayapatiḥ||40-10||

mahākālasthānaṃ sa jayati sakāraṃ yadi bhaje
darīṇāṃ vyāhastā rudhirakiraṇaṃ koṭyaruṇakam|
mahākālasthānaṃ (.....) śaraṇaṃ prāgapi sukhī|
trikoṇāṃ dakṣāṅge nigamanayano yogayajitaḥ||40-11||

vinodī saukhyānāṃ suratarusamāno bhuvi divi|
yakāraṃ yo dhyāyedamarapadavīvyādhirahitaḥ|
mahāvāṇīnāthaṃ praṇayajaḍitaṃ tvak surataru|
mukundānandāntaḥ pavanamilitaṃ kāmakaraṇam||40-12||

tadā loko'kāmī bhavati nitarāṃ kākapavanī|
mahāgneḥ saṃsthānaṃ parajaladharaṃ sūryaśatakam|
yadānandairdhyāyet paramadhanadaṃ yajñasudhayā|
sudhāpānajñānī havanakaraṇaṃ kāmyaphaladam|
pirayaṃ tadveratyāḥ kamalagabhujaṅgeśvaranuta|
trikoṇāpṛṣṭhasthaṃ vidhihariharasya pirayamiti||40-13||

vidhānaṃ vahnīnāṃ kulavimalabījaṃ sakaruṇa|
asṛṅ māyākhaṇḍaṃ khagagaṇamanorañjanavaram|
yadi dhyāyedeko vibhavavividhaṃ yāti sahasā|
mahendraḥ sthānāṅgaṃ kamalasukhadaṃ kṛṣṇanilayam||40-14||

pirayaṃ siddhakṣetraṃ yadi sukhamayaṃ bhāvayati yaḥ|
lakāraṃ candrasthaṃ vidhuśatakaraṃ bindunilayam|
viśālākṣī rādhā madhuravacanālāpakalitaṃ
ramāmode patre taraṇakaraṇaṃ sāpaharaṇam||40-15||

suvāme rākiṇyā navarasamayaṃ mohaharaṇa|
vibhāvya śrīnāthaṃ bhajati sa naro dhyānanipuṇo|
mahāmokṣaṃ prāpya prathamarajasaṃ saṅgamayati||40-16||

tato dhyeyā mahāvidyā rākiṇīśaktiruttamā|
śrīviṣṇusahitā nityaṃ yogairbhogavivajītaḥ||40-17||

akalaṅkī kulānando mandahāsyāvṛto mahān|
sa yogī paramaṃ rājyaṃ prāpnoti nātra saṃśayaḥ||40-18||

yāvanmūlādhārayogaṃ tāvad yamādikaṃ prabho|
yamaniyamāsane kāle yogaṃ pañcāmarānvitam||40-19||

tāvatkuryānmahādeva yāvattat siddhimāpnuyāt|
yadi pañcāmarā siddhistadā māyādisiddhibhāk||40-20||

pañcāsavā siddhikāle prāṇādivāyupañcamam|
dhṛtvā dhṛtvā punardhṛtvā kumbhayedaniśaṃ śanaiḥ||40-21||

śarīre nirmale yāte vāyunirmalatā bhavet|
sarvarūpī mahāvāyunīrmalātmānamātmani||40-22||

siddhiṃ dadāti yogeśa yadi svakāryamāśrayet||40-23||

iti śrīrudrayāmale uttaratantre mahātantroddīpane siddhimantraprakaraṇe ānandabhairavī-- bhairavasaṃvāde ṣaḍdalavarṇaprakāśo nāma catvāriṃśattamaḥ paṭalaḥ||40||

Kapitel 41

athaikacattvāriṃśaḥ paṭalaḥ

ānandabhairavī uvāca kṛtāntasaṃhāravihārabhogaṃ
rasāplutaśrīkara śaṅkara prabho|
tavājñayā'haṃ kathayāmi siddhaye|
mayāgamānandavaśāddhi tantram||41-1||

premābhilāṣī sujano munīndro|
jānāti tantrārthamanantasādhanam|
mahāprabhāte carāṇābjabhakto|
govindaśambhoryadi bhaktibhājanaḥ||41-2||

ṣaḍcakrabhedārthaviśeṣasādhana|
jānāti yo vā sa jano'tidurlabhaḥ|
sa eva saṃsāraniṣedhasādhana|
sadā vihāyācala bhaktimāpnuyāt||41-3||

ānandabhairava uvāca yadi vā kathitā kānte ṣaḍdalaprakriyā śubhā|
rākiṇyā milanaṃ devyāḥ kuṇḍalinyāḥ parākramam||41-4||

sārddhaṃ śrīviṣṇunā kālarūpiṇā bahurūpiṇā|
śuddhanirmalatattvena parivāragaṇaiḥ saha||41-5||

na taddhi kathitaṃ sarvaṃ śrīkṛṣṇasya parākramam|
stavanaṃ devarākiṇyā sahitaṃ kṛṣṇasādhanam||41-6||

maṅgalaṃ paramaṃ brahmasādhanaṃ kulavarddhanam|
kṛṣṇaprakāśastavanaṃ rākiṇīśaktisaṃyutam||41-7||

kathayasva mahākāli yadi sneho'sti māṃ prati|
atyantaguhyaṃ kathanaṃ sahasranāmamaṅgalam||41-8||

aṣṭottaraṃ mahāviṣṇo rākiṇyā sahitaṃ piraye|
idānīṃ rākiṇīstotraṃ vada bhāminī kāmade||41-9||

ānandabhairavī uvāca yogendra paramānandasindho śrīcandraśekhara|
śṛṇuṣva rākiṇīstotraṃ paramānandavardhanam||41-10||

sarvatra sukhadaṃ proktaṃ siddhānāmapi sādhanam|
etat stavanapāṭhena yogī yogendrabhāk bhavet||41-11||

vaiṣṇavīsādhane yastu pañcācāraṃ karoti vā|
sarveṣāṃ sādhanotkṛṣṭaṃ jātibhraṣṭo'pi no bhavet||41-12||

samatā śatrumitreṣu karmākarmasu tattvavit|
yadi vā vaiṣṇave nātha samabhāvaḥ prajāyate||41-13||

pañcācārakrameṇaiva siddho bhavati nānyathā|
rādhādigopikābhiśca gopavṛndaiḥ samantataḥ||41-14||

pañcācāraṃ mudā kṛtvā sarveṣāṃ paripālanam|
cakāra kamalānātho'taḥ pañcācāramāśrayet||41-15||

pañcācārakrameṇaiva caitanyā kuṇḍalī bhavet|
kṛṣṇacaitanyahetośca rākiṇyāśca tathā prabho||41-16||

caitanyāya ṣaḍdalasthadeva caitanyahetunā|
kuṇḍalīvadhurākiṇyāḥ stotraṃ śṛṇu kulārṇava||41-17||

āndolitā rasanidhau kulacañcalā yā|
māyāmayo sakaladuḥkhavināśavīrā|
vīrāsanā sthitigatā sulabhā munīnā|
bhavyā prapātu bhavikā kularākiṇī mām||41-18||

ānandasindhu jaḍitākhilasārapānā
bālā kulīnanamitā dalaṣaṭkulasthā|
kālīkalāmalaguṇā dhanināṃ dhanasthā|
kṛṣṇeśvarī samudayaṃ kuru rākiṇī me||41-19||

yā rākiṇī trijagatāmudayāya ceṣṭā|
saṃjñāmayī kulavatī kulavallabhasthā|
viśveśvarī smaraharapirayakarmaniṣṭhā|
kṛṣṇapirayā mama sukhaṃ paripātu devī||41-20||

ṣaḍvarganāthakarapadmaniṣevitā yā|
rādheśvarī pirayakarī surasundarī sā|
mātā kuleśajananī jagatāṃ manusthā|
vidyā parā ripuharāvata me śarīram||41-21||

govindarāmaramaṇī navamālinī yā|
rājyeśvarī smaraharā navakāminī vā|
me ṣaḍdalāśritasuraṃ paripātu nitya|
śrīkuṇḍalī suvimalā kularākiṇī sā||41-22||

śrīsundarī kulaparā kulavṛndavandyā
sandhyāvidhi prabhavatāmatikāmatīrthā|
śrīdāyinī kulagaṇāmalabhāvadātrī|
nityaṃ prapātu viṣayaṃ kulaṣaḍdalānām||41-23||

caitanyadānaniratāṃ triguṇābhirāmā|
śyāmāṃ nitambadhṛtasundararatnaghaṇṭām|
nīlācalasthitakarāṃ varadānahastā|
śrīkṛṣṇavāmakamalopari pūjayāmi||41-24||

tāṃ rākiṇīṃ triramaṇīṃ samalāpahantrī|
sarvasthitāṃ gaganamātaramambujasthām|
padmāsanāṃ śrutibhujāṃ gurujāmanantā|
śāntāṃ ṣaḍambujadalopari pūjayāmi||41-25||

śāntiṃ kṛpākapaṭakopari nāśamukti|
śivāṃ paramavaiṣṇavapūjitāṅghram|
rādhāṃ sudhāṃ varamayīṃ jagatāṃ guṇasthā|
dharmārṇavāṃ rasadale paripūjayāmi||41-26||

karttīkarāṃ sakaruṇāṃ ramaṇīṃ trisargā|
tāṃ rākiṇīmatidayāmamalārthacintām|
bhrāntiṃ bhramāgamavarāṃ smṛtimādipūjyā|
bhāryāṃ hareratisukhāṃ paripūjayāmi||41-27||

yā kātaraṃ niravadhipraṇayasvavasthā
vāgīśvarī bhagavatī yatikoṭinamrā|
tāmrākṛtiprakṛticetasi raktavarṇā|
māyāmayī surakalāvati pātu me'ṅgam||41-28||

kalpadrumāśayalatā phalarūpiṇī yā|
bhargasthitā puruṣakoṭimunistuvantī|
sā me kuleśvararasaṃ harihastapūjyā|
kṣāntiḥ sadā mama dhanaṃ paripātu rādhā||41-29||

kṣemaṅkarī varakarī sukarī haristhā|
yā saukarī bhavakarī tripurā maheśī|
vāyusthitā layamayī sthitimārgasaṅgā|
bhaṅgapirayā sakalakā paripātu rādhā||41-30||

gaṅgā nirmalabhāvadā mamaśirodeśaṃ sadā rakṣatu|
śrīrādhā kularākiṇī mama kapālordhva mahāvākpirayā|
mantrasthā jayadā mudā kumudinī bhālaṃ bhruvorantara|
vidyā vāgbhavakuṇḍalīphalavalābālā ca netratrayam||41-31||

gaṇḍaṃ caṇḍasarasvatī śrutikulaṃ kailāsaśailasthitā|
medhā ṭaṃ ghaṭavāsinī śaśīmukhī sūkṣmātisūkṣmāśayā|
jihvāgraṃ cibukaṃ radāvadhivahā kaṇṭhaṃ galaṃ skandhagaṃ
skandeśī daśanaprabhāmalamati -- vaikuṇṭhadhāmeśvarī||41-32||

nānāvarṇavilāsinī mṛdurasaṃ śambhorbhavānī śivā|
pṛṣṭhaṃ karmasu pṛṣṭhagā gatikarī nityolbaṇī bhāsvatī|
pārśvaṃ me kulamālinī mama kaṭiṃ liṅgaṃ nitambāmbara|
kāmākhyā dhanadāyinī sakaruṇā pādadvayaṃ pātu sā||41-33||

mātṛkrodhanivāriṇī mama śivaṃ ṣaṭpatraśobhākara|
pātu śrīcaruvāsinī kulataruṃ gaurī parānandadā|
caitanyasthalavāsinī mama gatā govindamātṛpirayā|
caitanyaṃ satataṃ prapātu dharaṇī dhātrī varakṣetragā||41-34||

dhanyā piṅgalalocanāmbujamukhī caitanyakarmapirayā|
sarvatra pirayamākarotu niyataṃ śaktiḥ kṣamākartṛkā|
kītīsthā mama kītīcakranilayaṃ lākṣāruṇā balvarī|
nīcā cakranivāsinī mama jayā jīvaṃ mudā pātu mām||41-35||

etatstotraṃ paṭhennityaṃ prāṇavāyuvarāśubhe|
ṣaṭcakrabhedasamaye sadā pāṭhyaṃ suyogibhiḥ||41-36||

kulavinyāsasamaye kulacakrapraveśane|
avaśyaṃ prapaṭhedvidvān rākiṇīrādhikāstavam||41-37||

trisandhyaṃ cedamākuryāt paṭhitvā ca punaḥ punaḥ|
dhyātvā bhāvaparo bhūtvā mucyate bhavabandhanāt||41-38||

acalāṃ bhaktimāpnoti viśvāmitro yathā vaśī|
paṭhanāt pāmaro yāti brahmalokaṃ kulādhipa||41-39||

etatpaṭhanamātreṇa śītalo guṇavān bhavet|
aprakāśyamidaṃ stotraṃ sarvāntakavināśanam||41-40||

samabhāvaṃ samākṛtya jīvanmukto bhavedvaśī|
pañcācārarato bhūtvā sādhayed yadi sādhanam||41-41||

kuṇḍalīyogakāle ca kulācāraṃ na varjayet|
kulācāravarjanena mahāhāniḥ prajāyate||41-42||

brāhmaṇaḥ kṣatriyo vāpi vaiśyo vā śūdra eva ca|
samabhāvaṃ sadā kṛtvā kulācāraṃ samāśrayet||41-43||

kuṇḍalī pṛthivī devī rākiṇī svāridevatā|
tadgehagāminī devī rādhikā rājyakāminī||41-44||

asyāḥ sādhanakāle ca samayācāramāśrayet|
samabhāve mahāmokṣa iti tantrārthanirṇayaḥ||41-45||

samabhāvārthakathanaṃ tyaktvā yogī bhavetkṛtī||41-46||

iti śrīrudrayāmale uttaratantre mahātantroddīpane siddhimantraprakaraṇe ṣaṭcakraprakāśe bhairavībhairavasaṃvāde svādhiṣṭhānarākiṇī--stotraṃ nāmaikacatvāriṃśattamaḥ paṭalaḥ||41||

Kapitel 42

atha dvicattvāriṃśaḥ paṭalaḥ

ānandabhairavī uvāca kathayāmi mahākāla paramādbhutasādhanam|
kuṇḍalīrūpiṇī devī rākiṇyāḥ kulavallabha||42-1||

mānasaṃ dravyamānīya cāthavā bāhyadravyakam|
anaṣṭahṛṣṭacittaśca pūjayet sāvadhānataḥ||42-2||

bhaktyā japenmūlamantraṃ mānasaṃ sarvameva ca|
pūjayitvā tato japtvā homaṃ kuryāt parāmṛtaiḥ||42-3||

samāsaiḥ pakvanaivedyaiḥ sugandhikusumaistathā|
svayambhūkusumainītyamarghyaṃ kṛttvā nivedayet||42-4||

sumukhaṃ pūjayennityaṃ madhumāṃsena śaṃkara|
hutvā hutvā punarhutvā prāṇavāyvagnisaṃgamaiḥ||42-5||

bhrāmayittvā mano bāhye sthāpayittvā punaḥ punaḥ|
punarāgamyagamanaṃ kārayittvā sumaṅgalam||42-6||

vācayittvā suvāṇībhiryācayittvā savāpikam|
tarpaṇaṃ cābhiṣekañca kevalāsavamiśritaiḥ||42-7||

māṃsairmudrādibhirmatsyaiḥ sāradravyaiḥ sapiṣṭakaiḥ|
ghṛtādisuphalairvāpi yad yadāyāti kaulike||42-8||

acalāṃ bhaktimāpnoti viśvāmitro yathā vaśī|
tattaddravyaiḥ sādhakendro nityaṃ santarpya saṃjapet||42-9||

etanmantraṃ pāṭhittvā ca tarpaṇañca samācaret|
tarpaṇānte cābhiṣekaṃ sadā kuryācca tāntrikaḥ||42-10||

mūlānte cābhiṣiñcāmi namaḥ svāhā padaṃ tataḥ|
tato hi praṇamedbhaktyā aṣṭāṅganatibhiḥ prabho||42-11||

sahasranāmnā stavanamaṣṭottarasamanvitam|
ardhāṅga rākiṇīyuktaṃ rākiṇīkeśavastavam||42-12||

śṛṇu taṃ sakalaṃ nātha yatra śraddhā sadā tava|
śravaṇārthaṃ bahūktaṃ tat kṛpayā te vadāmyaha||42-13||

etat śravaṇamātreṇa sarvapāpakṣayo bhavet|
rākiṇīsaṅgamaṃ nātha stavanaṃ nāma pāvanam||42-14||

ye paṭhanti śraddhayā cāśraddhayā vā punaḥ punaḥ|
tasya sarvaḥ pāparāśiḥ kṣayaṃ yāti kṣaṇādiha||42-15||

kāle kāle mahāvīro bhavatyeva hi yogirāṭ|
saṃsārottāraṇe yukto mahābalaparākramaḥ||42-16||

oṃ śrīkṛṣṇo mahāmāyā yādavo devarākiṇī|
govindo viśvajananī mahāviṣṇurmaheśvarī||42-17||

mukundo mālatī mālā vimalā vimalākṛtiḥ|
ramānātho mahādevī mahāyogī prabhāvatī||42-18||

vaikuṇṭho devajananī dahano dahanapriyā|
daityārirdaityamathinī munīśo maunabhāvitā||42-19||

nārāyaṇo jayakalā karuṇo karuṇāmayī|
hṛṣīkeśaḥ kauśikī ca keśavaḥ keśighātinī||42-20||

kiśorāpi kaiśorī mahākālī mahākalā|
mahāyajño yajñahartrī dakṣeśo dakśakanyakā||42-21||

mahābalī mahābālā bālako devabālikā|
cakradhārī cakrakarā cakrāṅgaḥ cakramadīkā||42-22||

amaro yuvatī bhīmo bhayā devo divisthitā|
śrīkaro veśadā vaidyo guṇā yogī kulasthitā||42-23||

samayajño mānasajñā kriyāvijñaḥ kriyānvitā|
akśaro vanamālā ca kālarūpī kulākśarā||42-24||

viśālākśo dīrghanetrā jayado jayavāhanā|
śāntaḥ śāntikarī śyāmo vimalaśyāma vigrahā||42-25||

kamaleśo mahālakṣmī satyaḥ sādhvī śiśuḥ prabhā|
vidyutākāravadano vidyutpuñjanabhodayā||42-26||

rādheśvaro rākiṇī ca kuladevaḥ kulāmarā|
dakśiṇo dakśiṇī śrīdā kriyādakśo mahālayā||42-27||

vaśiṣṭhagamano vidyā vidyeśo vāksarasvatī|
atīndriyo yogamātā raṇeśī raṇapaṇḍitā||42-28||

kṛtāntako bālakṛṣṇā kamanīyaḥ sukāmanā|
ananto anantaguṇadā vāṇīnātho vilakśaṇā||42-29||

gopālo gopavanitā gogopa kulātmajā|
maunī maunakarollāsā mānavo mānavātmajā||42-30||

sarvācchinno mohinī ca māyī māyā śarīrajā|
akśuṇṇo vajradehasthā garuḍastho hi gāruḍī||42-31||

satyapriyā rukmiṇī ca satyaprāṇo'mṛtāpahā|
satyakarmā satyabhāmā satyarūpī trisatyadā||42-32||

śaśīśo vidhuvadanā kṛṣṇavarṇo viśāladhīḥ|
trivikramo vikramasthā sthitimārgaḥ sthitipriyā||42-33||

śrīmādhavo mādhavī ca madhuhā madhusūdanī|
vaikuṇṭhanātho vikalā vivekastho vivekinī||42-34||

vivādastho vivādeśī kumbhakaḥ kumbhakārikā|
sudhāpānaḥ sudhārūpā suveśo devamohinī||42-35||

prakriyādhārako dhanyā dhanyārtho dhanyavigrahā|
dharaṇīśo mahānantā sānanto nandanapriyā||42-36||

priyo vipriyaharā ca viprapūjyo dvijapriyā|
kānto vidhumukhī vedyo vidyā vāgīśvaro'ruṇā||42-37||

akāmī kāmarahitā kamro vilacarapriyā|
puṇḍarīko vikuṇḍasthā vaikuṇṭho bālabhāvinī||42-38||

padmanetra padmamālā padmahasto'mbujānanā|
padmanābhiḥ padmanetrā padmasthaḥ padmavāhanā||42-39||

vāsudevo bṛhadgarbhā mahāmānī mahāñjanā|
kāruṇyo bālagarbhā ca ākāśastho vibhāṇḍajā||42-40||

tejorāśistaijasī ca bhayācchanno bhayapradā|
upendro varṇajālasthā svatantrastho vimānagā||42-41||

nagendrastho nāginī ca nageśo nāganandinī|
sārvabhaumo mahākālī nagendraḥ nandinīsutā||42-42||

kāmadevāśrayo māyā mitrastho mitravāsanā|
mānabhaṅgakaro rāvā vāraṇāripriyaḥ priyā||42-43||

ripuhā rākiṇī mātā sumitro mitrarakśikā|
kālānta kalahā devī pītavāsāmbarapriyā||42-44||

pāpahartā pāpahantrī niṣpāpaḥ pāpanāśinī|
parānandapriyo mīnā mīnarūpī malāpahā||42-45||

indranīlamaṇiśyāmo mahendro nīlarūpiṇī|
nīlakaṇṭhapriyo durgā durgādurgatināśinī||42-46||

trikoṇamandiraśrīdo vimāyā mandirasthitā|
makarandarasollāso makarandarasapriyā||42-47||

dāruṇārinihantā ca dāruṇārivināśinī|
kalikālakulācāraḥ kalikālaphalāvahā||42-48||

kālakṣetrasthito raudrī vratastho vratadhāriṇī|
viśālākśo viśālāsyā camatkāro karodyamā||42-49||

lakārastho lākinī ca lāṅgalī lolayānvitā|
nākastho nākapadakā nākākśo nākarakśakā||42-50||

kāmago nāmasambandhā sāmavedaviśodhikā|
sāmavedaḥ sāmasandhyā sāmago māṃsabhakśiṇī||42-51||

sarvabhakśo rātrabhakśā retastho retapālinī|
rātrikārī mahārātriḥ kālarātro mahāniśā||42-52||

nānādoṣaharo mātrā mārahantā surāpahā|
candanāṅgī nandaputrī nandapālaḥ vilopinī||42-53||

mudrākārī mahāmudrā mudrito mudritā ratiḥ|
śākto lākśā vedalākśī lopāmudrā narottamā||42-54||

mahājñānadharo'jñānī nīrā mānaharo'marā|
satkītīstho mahākītīḥ kulākhyo kulakītītā||42-55||

āśāvāsī vāsanā sā kulavettā sugopitā|
aśvatthavṛkśanilayo vṛkśasāranivāsinī||42-56||

nityavṛkśo nityalatā kḷptaḥ kḷptapadasthitaḥ|
kalpavṛkśo kalpalatā sukālaḥ kālabhakśikā||42-57||

sarvālaṅkārabhūṣāḍhyo sarvālaṅkārabhūṣitā|
akalaṅkī nirāhārā dunīrīkṣyo nirāpadā||42-58||

kāmakartā kāmakāntā kāmarūpī mahājavā|
jayanto yājayantī ca jayākhya jayadāyinī||42-59||

trijīvano jīvamātā kuśalākhyo visundarā|
keśadhārī keśinī ca kāmajo kāmajāḍyadā||42-60||

kiṅkarastho vikārasthā mānasaṃjño manīṣiṇī|
mithyāharo mahāmithyā mithyāsargo nirākṛti||42-61||

nāgayajñopavītaśca nāgamālāvibhūṣitā|
nāgākhyo nāgakulapā nāyako nāyikā vadhūḥ||42-62||

nāyakakṣemado nārī naro nārāyaṇapriyā|
kirātavarṇo rāsajñī tārako guṇatārikā||42-63||

śaṅkarākhyo'mbujākārā kṛpaṇaḥ kṛpaṇāvatī|
deśago deśasantoṣā darśo darśanivāsinī||42-64||

darśanajño darśanasthā dṛg dṛdikśā suro'surāḥ|
surapālo devarakśā trirakśo rakśadevatā||42-65||

śrīrāmasevī sukhadā sukhado vyāsavāsinī|
vṛndāvanastho vṛndā ca vṛndāvanyo mahattanū||42-66||

brahmarūpī tritārī ca tārakākśo hi tāriṇī|
tantrarthajñaḥ tantravidyā sutantrajñaḥ sutantrikā||42-67||

tṛptaḥ sutṛptā lokānāṃ tarpaṇastho vilāsinī|
mayūrā mandirarato mathurā mandire'malā||42-68||

mandiro mandirādevī nirmāyī māyasaṃharā|
śrīvatsahṛdayo vatsā vatsalo bhaktavatsalā||42-69||

bhaktapriyo bhaktagamyā bhakto bhaktiḥ prabhuḥ prabhā|
jaro jarā varo rāvā havirhemā kśamaḥ kśiti||42-70||

kśoṇīpo vijayollāsā vijayojayarūpiṇī|
jayadātā dātṛjāyā balipo balipālikā||42-71||

kṛṣṇamārjārarūpī ca kṛṣṇamārjārarūpiṇī|
ghoṭakastho hayasthā ca gajago gajavāhanā||42-72||

gajeśvaro gajādhārā gajo garjanatatparā|
gayāsuro gayādevī gajadarpo gajāpītā||42-73||

kāmanāphalasiddhyarthī kāmanāphalasiddhidā|
dharmadātā dharmavidyā mokśado mokśadāyinī||42-74||

mokśāśrayo mokśakartrī nandagopāla īśvarī|
śrīpatiḥ śrīmahākālī kiraṇo vāyurūpiṇī||42-75||

vāyvāhārī vāyuniṣṭhā vāyubījayaśasvinī|
jetā jayantī yāgastho yāgavidyā śivaḥ śivā||42-76||

vāsavo vāsavasthī ca vāsākhyo dhanavigrahā|
ākhaṇḍalo vikhaṇḍā ca khaṇḍastho khaṇḍakhañjanī||42-77||

khaḍgahasto bāṇahastā bāṇago bāṇavāhanā|
siddhāntajño dhvāntahantrī dhanastho dhānyavaddhīnī||42-78||

lokānurāgo rāgasthā sthitaḥ sthāpakabhāvanā|
sthānabhraṣṭo'padasthā ca śaraccandranibhānanā||42-79||

candrodayaścandravarṇā cārucandro rucisthitā|
rucikārī ruciprītā racano racanāsanā||42-80||

rājarājo rājakanyā bhuvano bhuvanāśrayā|
sarvajñaḥ sarvatobhadrā vācālo layadhātinī||42-81||

liṅgarūpadharo liṅgā kaliṅgaḥ kālakeśarī|
kevalānandarūpākhyo nirvāṇamokśadāyinī||42-82||

mahāmeghagāḍha. mahānandarūpā|
mahāmeghajālo mahāghorarūpā|
mahāmeghamālaḥ sadākārapālā|
mahāmeghamālāmalālolakālī||42-83||

viyadvyāpako vyāpikā sarvadehe
mahāśūravīro mahādharmavīrā|
mahākālarūpī mahācaṇḍarūpā|
vivekī madaikī kuleśaḥ kuleśī||42-84||

sumārgī sugītā śucisvo vinitā|
mahārko vitarkā sutarko'vitarkā|
kṛtīndro mahendrī bhago bhāgyacandrā|
caturtho mahārthā nagaḥ kītīcandrā||42-85||

viśiṣṭo maheṣṭirmanasvī sutuṣṭi--|
rmahāṣaḍdalastho mahāsuprakāśā|
galaccandradhārāmṛtasnigdhadeho|
galatkoṭisūryaprakāśābhilāṣā||42-86||

mahācaṇḍavego mahākuṇḍavegī|
mahāruṇḍakhaṇḍo mahāmuṇḍakhaṇḍā|
kulālabhramaccakrasāraḥ prakārā|
kulālo malākā racakraprasārī||42-87||

kulālakriyāvān mahāghorakhaṇḍaḥ
kulālakrameṇa bhramajñānakhaṇḍā|
pratiṣṭhaḥ pratiṣṭhā pratīkśaḥ pratīkśā|
mahākhyo mahākhyā sukālo'tidīkśā||42-88||

mahāpañcamācāratuṣṭaḥ praceṣṭā|
mahāpañcamā premahā kāntaceṣṭā|
mahāmattaveśo mahāmaṅgaleśī|
sureśaḥ kśapeśī varo dīrghaveśā||42-89||

caro bāhyaniṣṭhā caraścāruvarṇā|
kulādyo'kulādyā yatiryāgavādyā|
kulokāpahantā mahāmānahantrī|
mahāviṣṇuyogī mahāviṣṇuyogā||42-90||

kśitikśobhahantā kśitikśubdhabādhā|
mahārgho mahārghā dhanī rājyakāryā|
mahārātri sāndrāndhakāraprakāśo|
mahārātri sāndrāndhakārapraveśā||42-91||

mahābhīmagambhīraśabdapraśabdo|
mahābhīmagambhīraśabdāpaśabdā|
kulā jñānadātrī yamo yāmayātrā|
vaśī sūkṣmaveśāśvago nāmamātrā||42-92||

hiraṇyākśahantā mahāśatruhantrī|
vināśapriyo bāṇanāśapriyā ca|
mahāḍākinīśo mahārākiṇīśo|
mahāḍākinī sā mahārākiṇī sā||42-93||

mukundo mahendro mahābhadracandrā|
kśitityāgakartā mahāyogakartrī|
hito mārahantrī maheśeśa indrā|
gatikśobhabhāvo mahābhāvapuñjā||42-94||

śaśīnāṃ samūho vidhoḥ koṭiśaktiḥ|
kadambāśrito vāramukhyā satīnā|
mahollāsadātā mahākālamātā|
svayaṃ sarvaputraḥ svayaṃ lokaputrī||42-95||

mahāpāpahantā mahābhāvabhartrī|
hariḥ kātīkī kātīko devasenā|
jayāpto viliptā kulāpto gaṇāptā|
suvīryo sabhāṣā kśitīśo'bhiyātā||42-96||

bhavān bhāvalakṣmīḥ priyaḥ premasūkṣmā|
janeśo dhaneśī kṛpo mānabhaṅgā|
kaṭhorotkaṭānāṃ mahābuddhidātā|
kṛtisthā guṇajño guṇānandavijñā||42-97||

mahākālapūjyo mahākālapūjyā|
khagākhyo nagākhyā kharaḥ khaḍgahastā|
atharvo'tharvāndolitasthaḥ mahārthā|
khagakśobhanāśā haviḥ kūṭahālā||42-98||

mahāpadma mālādhṛto gāṇapatyā|
gaṇastho gabhīrā guruḥ jñānagamyā|
ghaṭaprāṇadātā ghanākārarūpā|
bhayārthoṅabījāṅavārīṅakartā||42-99||

bhavo bhāvamātā naro yāmadhyātā|
calānto'calākhyā cayo'ñjālikā ca
chalajñaśchalāḍhyā chakāraśchakārā|
jayo jīvanasthā jaleśo jaleśā||42-100||

japañjāpakārī jagajjīvanīśā
jagatprāṇanātho jagaddhlādakārī|
jharo jharjharīśā jhanatkāraśabdo|
jhanañjhañjanānādajhaṅkārarāvā||42-101||

ñacaitanyakārī ñakaivalyanārī|
hanollāsadhārī ṭanatṭaṅkahastā|
ṭhareśo paviṣṭaśṭhakārādikoṭī|
ḍaro ḍākinīśo ḍareśo ḍamārā||42-102||

ḍhameśo hi ḍhakkā varasthānabījo|
ṇavarṇā tamālatanuḥ sthānaniṣṭhā|
thakārārṇamānasthanistho'saṃkhyā|
dayāvān dayārdrā dhaneśo dhanāḍhyā||42-103||

navīno nagebhāgatīrṇāṅgahāro|
nageśī paraḥ pāraṇī sādipālā|
phalātmā phalā phālgunī pheṇanāśaḥ|
phalābhūṣaṇāḍhyā vaśī vāsaramyā||42-104||

bhagātmā bhavastrī mahābījamāno|
mahābījamālā mukundaḥ susūkṣmā|
yatisthā yaśasthā ratānandakartā|
ratirlākinīśo layārtha pracaṇḍā||42-105||

pravālāṅgadhārī pravālāṅgamālā|
halohālahelāpadaḥ pādatālā|
vaśīndraḥ prakāśo varasthānavāsā|
śivaḥ śrīdharāṅgaḥ śalākā śilā ca||42-106||

ṣaḍādhāravāsī ṣaḍādhāravidyā|
ṣaḍāmbhojasaṃsthaḥ ṣaḍabjopaviṣṭā|
sadā sādharogropaviṣṭā'parāgī|
susūktāpayasthā palāśrayasthitā||42-107||

harasthograkarmā harānandadhārā laghustho|
lipisthā kśayīkśubdhaka saṃkhyā|
ananto nirvāṇāharākārabījā|
urastho'pyurusthā urā ūrdhvarūpā||42-108||

ṛcastho hi ṝgālaso dīrghaḷsthā|
tvameko hi caiṃbījagurvī guṇasthā|
sadauṅkāravarṇā hsauṃkārabījā|
asaṅkāracandro hyusaḥ kāravīrā||42-109||

harīndro harīśā hariḥ kṛṣṇarūpā|
śivo vedabhāṣā ca śauriḥ prasaṅgā|
gaṇādhyakśarūpī parānandabhakśā|
pareśo gaṇeśī raso vāsapūjyā||42-110||

cakori kulaprāṇabuddhisthitisthā|
svayaṃ kāmadhenusvarūpī virūpā|
śrīhiraṇyaprabhaḥ śrī hiraṇyaprabhāṅgī|
prabhātārkavarṇo'ruṇākāraṇāṅgī||42-111||

vibhā koṭidhārā dharādhāra koṣā|
raṇīśo pratyādikūṭo'dharo .. dhāraṇā śaurirāryā|
mahāyajñasaṃstho mahāyajñaniṣṭhā|
sadākarmasaṅgaḥ sadāmaṅgaraṅgā||42-112||

kirātīpati rākiṇī kālaputrī|
śilākoṭa nirmāṇadohā viśālā|
kalārkakalastho kalākiṅkiṇīsthā|
kiśoraḥ kiśorī kurukṣetrakanyā||42-113||

mahālāṅgaliśrī baloddhāmakṛṣṇaḥ|
kulālādividyā'bhayo bhāvaśūnyā|
mahālākinī kākinī śākinīśo|
mahāsuprakāśā paro hākinīśā||42-114||

kurukṣetravāsī kurupremamūtī|
rmahābhūtibhogī mahāyoginī ca|
kulāṅgārakāro kulāṅgīśakanyā|
tṛtīyastṛtīyā'dvitīyo'dvitīyā||42-115||

mahākandavāsī mahānandakāśī|
puragrāmavāsī mahāpīṭhadeśā|
jagannātha vakśaḥ sthalastho vareṇyā--|
cyutānandakartā rasānandakartrī||42-116||

jagaddīpakalo jagaddīpakālī|
mahākāmarūpī mahākāmapīṭhā|
mahākāmapīṭhasthiro bhūtaśuddhi --|
rmahābhūtaśuddhiḥ mahābhūtasiddhiḥ||42-117||

prabhāntaḥ pravīṇā gurustho giristhā|
galaddhāradhārī mahābhaktaveṣā|
kśaṇakśunnivṛttinīvṛttāntarātmā|
sadantargatasthā layasthānagāmī||42-118||

layānandakāmyā visargāptavargo|
viśālākśamārgā kulārṇaḥ kulārṇā|
manasthā manaḥśrīḥ bhayānandadātā sadā|
lāṇagītā gajajñānadātā mahāmerupāyā||42-119||

tarormūlavāsī tarajñopadarśā sureśaḥ|
sameśaḥ sureśā sukhī khaḍganiṣṭhā|
bhayatrāṇakartā bhayajñānahantrī|
janānāṃ makhastho makhānandabhaṅgā||42-120||

mahāsatpathastho mahāsatpathajñā|
mahābindumāno mahābindumānā|
khagendropaviṣṭo visargāntarasthā|
visargapraviṣṭo mahābindunādā||42-121||

sudhānandabhakto vidhānandamuktiḥ|
śivānandasustho vinānandadhātrī|
mahāvāhanāhlādakārī suvāhā|
surānandakārā girānandakārī||42-122||

hayānandakāntiḥ mataṅgasthadevo|
mataṅgādhidevī mahāmattarūpaḥ|
tadeko mahācakrapāṇiḥ pracaṇḍā--|
khilāpasthalastho'vihamnīśapatnī||42-123||

śikhānandakartā śikhāsāravāsī|
suśākambharī kroṣṭarī vedavedīsugandhā|
yugo yogakanyā davo dīrghakanyā śaraṇyaḥ śaraṇyā|
munijñānagamyā sudhanyaḥ sudhanyā||42-124||

śaśī vedajanyā yamī yāmavāmā|
hyakāmo hyakāmā sadā grāmakāmā|
dhṛtīśaḥ dhṛtīśā sadā hāṭakasthā'--|
yaneśo'yaneśī bhakāro bhagīrā||42-125||

calatkhañjanasthaḥ khalatkhelanasthā|
vivātī kirātī khilāṅgo'khilāṅgī|
bṛhatkhecarastho bṛhatkhecarī ca|
mahānāgarājo mahānāgamālā||42-126||

hakārārddhasaṃjñā vṛtohāramālā|
mahākālanemiprahā pārvatī ca|
tamisrā tamisrāvṛto duḥkhahatyā|
vipanno vipannā guṇānandakanyā||42-127||

sadā duḥkhahantā mahāduḥkhahantrī|
prabhātārka varṇaḥ prabhātāruṇaśrīḥ|
mahāparvatapremabhāvopapanno|
mahādevapatnīśabhāvopapannā||42-128||

mahāmokśanīlapriyā bhaktidātā|
nayānanda bhaktipradā devamātā||42-129||

ityetatkathitaṃ nātha mahāstotraṃ manorama|
sahasranāmayogā'ṅgamaṣṭottarasamanvitamam||42-130||

yaḥ paṭhet prātarutthāya śucirvāśucimānasaḥ|
bhaktyā śāntimavāpnoti anāyāsena yogirāṭ||42-131||

pratyahaṃ dhyānamākṛtya trisandhyaṃ yaḥ paṭhet śuciḥ|
ṣaṇmāsāt paramo yogī satyaṃ satyaṃ sureśvara||42-132||

akālamṛtyuharaṇaṃ sarvavyādhivināśanam|
apamṛtyvādiharaṇaṃ vāramekaṃ paṭhedyadi||42-133||

paṭhittvā ye na gacchanti vipatkāle mahāniśi|
anāyāsena te yānti mahāghore bhayārṇave||42-134||

akāle yaḥ paṭhennityaṃṃ sukālastatkṣaṇādbhavet|
rājasvaharaṇe caiva suvṛttiharaṇādike||42-135||

māsaikapaṭhanādeva rājasvaṃ sa labhed dhuravam|
vicaranti mahāvīrāḥ svarge martye rasātale||42-136||

gaṇeśatulyavalino mahākrodhaśarīriṇaḥ|
etatstotraprasādena jīvanmukto mahītale||42-137||

mahānāmastotrasāraṃ dharmādharmanirūpaṇam|
akasmāt siddhidaṃ kāmyaṃ kāmyaṃ paramasiddhidam||42-138||

mahākulakuṇḍalinyāḥ bhavānyāḥ sādhane śubhe|
abhedyabhedane caiva mahāpātakanāśane||42-139||

mahāghoratare kāle paṭhitvā siddhimāpnuyāt|
ṣaṭcakrastambhanaṃ nātha pratyahaṃ yaḥ karoti hi||42-140||

manogatistasya haste sa śivo na tu mānuṣaḥ|
yogābhyāsaṃ yaḥ karoti na stavaḥ paṭhyate yadi||42-141||

yogabhraṣṭo bhavet kṣipraṃ kulācāravilaṅghanāt|
kulīnāya pradātavyaṃ na khalvakuleśvaram||42-142||

kulācāraṃ samākṛtya brāhmaṇāḥ kṣatriyādayaḥ|
yoginaḥ prabhavantyeva stotrapāṭhāt sadāmarāḥ||42-143||

ānandabhairava uvāca vada kānte rahasyaṃ me mayā sarvañca vismṛtam|
mahāviṣaṃ kālakūṭaṃ pīttvā devādirakṣaṇāt||42-144||

kaṇṭhasthāḥ devatāḥ sarrvā bhasmībhūtāḥ susambhṛtāḥ|
mahāviṣajvālayā ca mama dehasthadevatāḥ||42-145||

kaivalyaniratāḥ sarve prārthayanti nirantaram|
ṣaṭcakraṃ kathayitvā tu santoṣṃ me kuru prabho|
ṣaṭcakrabhedakathanamamṛtaśravaṇādikam||42-146||

kathitvā mama santoṣaṃ kuru kalyāṇi vallabhe|
amṛtānandajaladhau sudhābhiḥ siktavigraham||42-147||

kṛttvā kathaya śīghraṃ me cāyuṣaṃ parivardhaya|
ānandabhairavī uvāca nigūḍhārtha mahākāla kāleśa jagadīśvara||42-148||

bhairavānandanilaya kālakūṭaniṣevaṇa|
idānīṃ śṛṇu yogārtha mayi saṃyoga eva ca||42-149||

śrutvā caitatkriyākāryaṃ naro yogīśvaro bhavet|
mamodbhavaḥ khe'male ca sarvākāravivajīte||42-150||

bhūramadhye sarvadehe ca sthāpayitvā ca māṃ naraḥ|
bhāvyate cāparicchannaṃ brahmaviṣṇuśivātmakam||42-151||

mama rūpaṃ mahākāla sattvarajastamaḥ priyam|
kevalaṃ rajoyogena śarīraṃ nāpi tiṣṭhati||42-152||

tathā kevalayogena tamasā nāpi tiṣṭhati|
tathā kevalasattvena kuto dehī pratiṣṭhati|
atastriguṇayogena dhārayāmi navāṅgakam||42-153||

śanaiḥ śanaiḥ vijetavyāḥ sattvarajastamoguṇāḥ|
ādau jitvā rajodharmaṃ paścāttāmasameva ca||42-154||

sarvaśeṣe sattvaguṇaṃ naro yogīśvaro bhavet|
guṇavān jñānavān vāgmī suśrīrdharmī jitendriyaḥ||42-155||

śuddhanirmalasatvaṃ tu guṇamāśritya mokṣabhāk|
sadā sattvaguṇācchannaṃ puruṣaṃ kāla eva ca||42-156||

paśyatīha na kadācijjarāmṛtyuvivajītam|
taṃ janaṃ paramaṃ śāntaṃ nirmalaṃ dvaitavajītam||42-157||

sarvatyāginamātmānaṃ kālaḥ sarvatra rakṣati|
jale vā parvate vāpi mahāraṇye raṇasthale||42-158||

bhūgarttanilaye bhīte saṃhāre duṣṭavigrahe|
santiṣṭhati mahāyogī satyaṃ satyaṃ kuleśvara||42-159||

mahāyogaṃ śṛṇu prāṇavallabha śrīniketana|
yogārthaṃ paramaṃ brahmayogārtha parantapaḥ||42-160||

ye jānanti mahāyogaṃ mirayante na ca te narāḥ|
kṛtvā kṛtvā ṣaḍdalasya sādhanaṃ kṛtsnasādhanam||42-161||

tataḥ kuryānmūlapadme kuṇḍalīparicālanam|
muhurmuhuścālanena naro yogīśvaro bhavet||42-162||

ekāntanirmale deśe dubhīkṣādivivajīte|
varṣamekāsane yogī yogamārgaparo bhavet||42-163||

padmāsanaṃ sadā kuryād baddhapadmāsanaṃ tathā|
mahāpadmāsanaṃ kṛtvā tathā cāsanamañjanam||42-164||

tatpaścāt svastikākhyañca baddhasvastikameva ca|
yogābhyāse sadā kuryāt mantrasiddhyādikarmaṇi||42-165||

cakrāsanaṃ sadā yogī yogasādhanakarmaṇi|
baddhacakrāsanaṃ nāma mahācakrāsanaṃ tathā||42-166||

kṛtvā punaḥ prakartavyaṃ baddhayogeśvarāsanam|
yogeśvarāsanaṃ kṛtvā mahāyogeśvarāsanam||42-167||

vīrāsanaṃ tataḥ kuryāt mahāvīrāsanaṃ tathā|
baddhavīrāsanaṃ kṛtvā naro yogeśvaro bhavet||42-168||

tataḥ kuryānmahākāla baddhakukkuṭāsanam|
mahākukkuṭamākṛtya kevalaṃ kukkuṭāsanam||42-169||

mayūrāsanamevaṃ hi mahāmayūrameva ca|
baddhamayūramākṛtya naro yogeśvaro bhavet||42-170||

etat sarvaṃ pravaktavyaṃ vicārya sumanaḥpriya|
abhiṣekaprakaraṇe āsanādiprakāśakam||42-171||

kathitavyaṃ viśeṣeṇa idānīṃ śṛṇu ṣaṭkramam|
brahmā viṣṇuśca rudraśca īśvaraśca sadāśivaḥ||42-172||

tataḥ paraśivo devaḥ ṣaṭśivāḥ ṣaṭprakāśakāḥ|
eteṣāṃ ṣaḍguṇānandāḥ śaktayaḥ paradevatāḥ||42-173||

ṣaṭcakrabhedanaratā mahāvidyādhidevatāḥ|
eteṣāṃ stavanaṃ kuryāt paradevasamanvitam||42-174||

etatprakārakaraṇe yaśca pratyahamādarāt|
kriyāniviṣṭaḥ sarvatra bhāvanāgraharūpadhṛk||42-175||

sa paśyati jagannāthaṃ kamalopagataṃ harim|
ādau harerdarśanañca kārayedyena kuṇḍalī||42-176||

tato rudrasya sañjñāyāṃ lākinyāḥ śubhadarśanam|
sarvaśaḥ kramaśo nātha darśanaṃ prāpyate naraḥ||42-177||

śanaiḥ śanairmahākāla kailāsadarśanaṃ bhavet|
krameṇa sarvasiddhiḥ syāt aṣṭāṅgayogasādhanāt||42-178||

aṣṭāṅgasādhane kāle yadyat karmaṃ karoti hi|
tatsarvaṃ pariyatnena śṛṇu sādarapūrvakam|
tatkriyādikamākṛtya śīdhraṃ yogī bhaviṣyati||42-179||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde dvicattvāriṃśattamaḥ paṭalaḥ||42||

Kapitel 43

atha tricattvāriṃśaḥ paṭalaḥ

ānandabhairavī uvāca atha kāmāturāṇāñca kāmanirmūlahetunā|
kathayāmi mahākāla yat kṛtvā kāminīvaśam||43-1||

tatprakāraṃ pravakṣyāmi yogasādhanahetunā|
hastāsanaṃ samākṛtya ūdrdhve padmāsanaṃ caret||43-2||

śiromūle karadvandvaṃ niyojya japamācaret|
alpālpadhāraṇaṃ kuryāt śvāsasaṃkhyāṃ samācaret||43-3||

śvāsasaṃkhyāṃ tadā kuryād yadā kumbhakasusthiraḥ|
vinā śvāsasaṃkhyāṃ ca kuto yogivaro vaśī||43-4||

vinā saṃkhyāprayogeṇa binā kuyogavāraṇāt|
kadācinna prakartavyaṃ saṃkhyākumbhakavajītaḥ||43-5||

alpālpakumbhakaṃ kuryāt khecarapirayakarmaṇi|
sarvakāle prakartavyaṃ sarvakāle sukhī bhavet||43-6||

ānandakalpamākṛtya vijayādyāsavādibhiḥ|
krameṇa bhedanaṃ kuryāt tataḥ sādhakayogirāṭ||43-7||

yogināmaparicchinnaṃ bhāvaṃ vidyutprabhākaram|
vidyutkoṭisamābhāsaṃ vāridhārāsamākulam||43-8||

yadyevaṃ sutabhāvajñā vipākena patanti te|
te yānti paramaṃ sthānaṃ te yānti koṭirājyapāḥ||43-9||

te bhogino yoginaśca te lokapālakāḥ smṛtāḥ|
te mahadguṇasambhogyā mirayante na kadā kutaḥ||43-10||

te bhavanti mahāśreṣṭhāste bhavanti sudhākarāḥ|
te bhedakaraṇe yuktāste manuṣyā na devatāḥ||43-11||

te sarve yānti sarvatra te śivāste ca kiṅkarāḥ|
te me bhaktā mahākāla iti me svāgamodayam||43-12||

ye bhajanti tava padā'mbhojaṃ bhāvaparāyaṇāḥ|
te jñānino bhavantyeva teṣāṃ kālo vaśo bhavet||43-13||

ye prāṇavāyusaṃyogā ye prāṇaparirakṣakāḥ|
ātmahatyāṃ parīhāya brahmalokaṃ mudānvitāḥ||43-14||

yānti nātha dhyānaparāḥ saṃsārārthavivajītāḥ|
araṇyavāsino ye ca nāraṇyavāsino narāḥ||43-15||

ekāntanirjane deśe sarvavighnavivajīte|
ṣaṭcakrabhedamākṛtya te narāḥ phalabhāginaḥ||43-16||

mahākālaphalaṃ yastu sadecchati satāṃ gatim|
sa eva yogī bhūmadhye sthitvā sarvatrago bhavet||43-17||

sarvadeśe sadā pūjyaḥ sarveśo nirmalo'dvayaḥ|
anādyanantavibhavaḥ kālātmā sa bhavet kṣaṇāt||43-18||

eteṣāṃ sādhanaṃ śīghraṃ siddhividyāsukalpanam|
etadrūpaṃ nijaṃ dhyātvā bhedaṃ kṛtvā nijasthalam||43-19||

mūlādhāraṃ svādhiṣṭhānaṃ bhedajñānī vibhedya ca|
kuryāt paramasandarbhaṃ maṇipūre vicakṣaṇaḥ||43-20||

kṛtvā ca darśanaṃ vidvān śrīkṛṣṇacaraṇāmbujam|
svādhiṣṭhānādidevendraṃ śaktiyuktaṃ nirañjanam||43-21||

rākiṇīrādhikā vyāptaṃ trilokarakṣaṇaṃ param|
paramākāśanilayaṃ traiguṇyaṃ vārirūpiṇam||43-22||

vāñchākalpatarormūlavāsinaṃ śivavaiṣṇavam|
vilokyānandahṛdayo'śaṅkaḥ sarvatra darśakaḥ||43-23||

kṛtvā yogī sadābhyāsī maṇipūraṃ vilokayet|
maṇipūraṃ mahācinhaṃ siddhikṣetraṃ sudhāmayam||43-24||

hiraṇyakoṭidānena gokoṭidānahetunā|
koṭibrāhmaṇabhojyena yatphalaṃ labhate naraḥ||43-25||

tatphalaṃ labhate dhyātvā maṇipūraṃ manoramam|
maṇipūraṃ mahāsthānaṃ yogināmapyadarśanam||43-26||

sūkṣmātisūkṣmaṃ paramaṃ jñānināṃ jñānagocaram|
aprakāśyaṃ mahāguhyaṃ yogayogena labhyate||43-27||

ānandabhairava uvāca yogārthaṃ yatra kamale koṭividyutsamaprabhe|
koṭikālāgnimilite koṭicandravinimīte||43-28||

koṭisūryādikiraṇe manaḥ kena vilīyate|
sūcīrandhre yathā sūtraṃ tadeva phaladaṃ sukham||43-29||

yanna dṛṣṭaṃ śrutaṃ kvāpi jñānaṃ na tatra sundari|
tatra kena prakāreṇa manoniveśanaṃ bhavet||43-30||

yatra na gamanaṃ nṝṇāṃ tasya devasya yatphalam|
tatphalaṃ kiṃ na jānāti adṛṣṭe gamanaṃ kutaḥ||43-31||

kuto rājñāṃ nasampattiḥ kuto vā svārthadarśanam|
kuto vā jāyate siddhirbhedane kiṃ phalaṃ bhavet||43-32||

tattvaṃ jānāsi deveśi tatprakāraṃ prakāśaya|
ānandabhairavī uvāca yaduktaṃ taddhi sakalaṃ saphalaṃ parameśvara||43-33||

tatra pūrvaṃ yogadharmasvāśrayaṃ śṛṇu tatkramam|
pūrvasmaraṇamātreṇa jīvanmukto bhaviṣyasi||43-34||

jīva eva mahābhāga lokānāṃ mokṣabandhagaḥ|
sa jīvo vāyurūpeṇa mahābalaparākramaḥ||43-35||

gacchati pratyahaṃ nityaṃ sarvadā ca punaḥ punaḥ|
punarāyāti dharaṇīṃ svabhāvena nirantaram||43-36||

nānābhāvapirayaḥ so'pi nānākāranirūpakaḥ|
nānādharmapirayaḥ śuddho'śuddhaveśadharo mahān||43-37||

kandarpanilayo yogī sa yogī paramārthavit|
sa jñānī nirahaṅkārī so'haṅkārī śarīradhṛk||43-38||

sarvagandhapirayo'dṛśyo bhāvayettāṃ rahasyavit|
sa eva niṣkalaḥ śuddhaḥ sadā dhyānaparāyaṇaḥ||43-39||

yadā cātmani brahmāṇḍe brahmaṇi tvayi śaṅkare|
tanmayo vilayaṃ yāti tadā bhāvo mahān smṛtaḥ||43-40||

tadbhāvaḥ paramaṃ jñānaṃ na kathyaṃ viparītakam|
ādhāraṃ susukhaṃ nityaṃ svalpakālavivajītam||43-41||

atyantadharma sandhānaṃ prāpya yogī bhavennaraḥ|
śanaiḥ śanaiḥ pragantavyaṃ tatra tatra sudarśanam||43-42||

tatra tatra mahāsiddho bhūttvā saṃsāraputravān|
yogināṃ bahukālasthaṃ mṛtānāmalpakālakam||43-43||

śvāsadhāraṇamākṛtya bahukālaṃ sukhī bhavet|
yathā bṛhaspatiḥ śrīmān yathā sūryo divākaraḥ||43-44||

tathā prakāśamākuryāt koṭibhiḥ stotranāmabhiḥ|
stutvā bhūtvā mahādravyaistarpayitvā yathākramam||43-45||

abhiṣiktaḥ punardhyātvā pūjayitvā yathāvidhi|
mānasopacāradravyaiḥ svadhāyuktairathāpi vā||43-46||

paramānandito bhūttvā bhāvayet pīṭhadevatāḥ|
bhāvayitvā tato japtvā dharmādharmau vicintayet||43-47||

devatāyāṃ mano yojya sthāpayitvā svapīṭhake|
punarutphullakamalaṃ mudritaṃ parikārayet||43-48||

ṣaḍdalaṃ rmūcchitaṃ kṛtvā dalāgre saṃviśet sudhīḥ|
sadānandaḥ sarvamayo vedavedāntanāmabhiḥ||43-49||

stavakoṭibhirekatra dhyātvā saṃhāramudrayā|
adhomukhe daśadalakamalāgre niyojayet||43-50||

ṣaḍdalāgraṃ mahākāla niyojya gamanaṃ caret|
tato gacchet prajvalite padme daśadale pure||43-51||

praviśya kaṇīkāmadhye tanmayastatkṣaṇād bhavet|
tatkṣaṇāttanmayo bhūtvā kuṇḍalīcakrasaṃsthitaḥ||43-52||

asādhyasādhanaṃ sarvaṃ maṇipūrasthanirmalam|
maṇipūre mahāpīṭhe dhyānagamye sati prabho||43-53||

manoniveśanaṃ kṛtvā naro mucyeta saṅkaṭāt|
manoyogī manobhogī manobhakto manoyuvā||43-54||

mana eva manuṣyāṇāṃ kāraṇaṃ trāṇamokṣayoḥ|
kāraṇaṃ sarvabhāvānāṃ tadbhāvaṃ santyajed budhaḥ||43-55||

sarvabhāvaṃ vihāyāpi mahābhāvaṃ samāśrayet|
bhāvena labhyate mokṣo bhāvena labhyate sukham||43-56||

etadbhāvaṃ sadā kuryād bhāvād bhavati yogirāṭ|
bhāvena bhaktimāpnoti viṣayād bhāvamāśrayet||43-57||

viṣayaṃ vikṛtigrāhyaṃ sukṛtijñānavajītam|
tyaktvā divyaṃ mahāpīṭhaṃ maṇipūraṃ samāśrayet||43-8||

mahāyantre mano datvā nirmāṇaṃ kārayed budhaḥ|
maṇibhirgrathanaṃ kṛtvā nānāmaṇivibhūṣitam||43-50||

supīṭhaṃ kulapīṭhe vā liṅgapīṭhamathāpi vā|
śrīvidyāpīṭhamālikhya vibhāvya ca punaḥ punaḥ||43-60||

tataḥ prasphuṭite padme dalāgre ṣaḍdalasya ca|
sthāpayitvā mahāviṣṇuṃ pūjayitvā susaṃyataḥ||43-61||

japtvā ca tanmayo bhūtvā nidhāya maṇipūrake|
dṛḍhākāramūrdhvagataṃ ṣaḍdalaṃ parirakṣayet||43-62||

tataścodrdhvatare sthāne mahoccottarasundare|
manoniveśanaṃ kṛtvā śaktiṃ rudraṃ samāśrayet||43-63||

caitanyarūpiṇīṃ śaktiṃ caitanyaṃ rudrarūpiṇam|
tatra bhadrātmakaṃ raudraṃ raudrīṃ prakāśakāriṇīm||43-64||

bhaktyā punaḥ punardhyāyedūrdhvaretāstamīśvaram|
pragacchanti codrdhvamārge dhyeyā yogibhireva ca||43-65||

ahaṃ devī parānandā maṇipūranivāsinī|
tathā śrīlākinīśaktiḥ śrīrudrastvaṃ na saṃśayaḥ||43-66||

rudrarūpī mahādevo rudrarūpā sarasvatī|
sarvadā ūdrdhvagāmī ca sā śaktirūdrdhvagāminī||43-67||

ūdrdhvamārgaṃ kāśayantīṃ yoginīṃ yogamātaram|
mahārudraṃ tathā dhyātvā maṇipūre sunirmale||43-68||

ūdrdhvamukhaṃ samākuryād mahāpadmaṃ manoramam|
maṇipūraṃ mahākāntaṃ maṇikoṭisunirmalam||43-69||

koṭikoṭiśaraccandra pūrṇajyotiḥsamākaram|
ūdrdhvamukhaṃ samākuryāt svayaṃbhāvena jāyate||43-70||

yadi codrdhvamukhaṃ padmaṃ yantramaṇḍalasaṃyutam|
atikomalapatreṣu bhāti cātyadbhutaṅkaram||43-71||

lepayitvā yojayitvā sthāpayitvā punaḥ punaḥ|
prāpayitvā mahārudraṃ trailokyajananīṃ śivām||43-72||

rudrāṇīṃ raudraśaktiñca lākinīṃ lokasākṣiṇīm|
kumbhakaṃ prāṇavāyośca prāṇavāyośca yojanam||43-73||

ekatra milanaṃ kṛtvā bhāvanaṃ parikārayet|
bhāvena labhyate mokṣo bhāva eva nijapirayaḥ||43-74||

mano niveśya tatrastho rudrārādhanamācaret|
tathā śrīlākinīdevyāḥ paramādbhutasādhanam||43-75||

śṛṇuṣva paramānanda bhairava pirayavallabha|
mamopadeśaṃ santyajya ko'pi siddho na sambhavet||43-76||

mamājñābalayogena siddho bhavati mānavaḥ|
muktimūlaṃ mahābhāvaṃ muktimūlaṃ hi sādhanam||43-77||

muktikrameṇa kālena siddho bhavati sādhakaḥ|
mama yogakrameṇaiva mama tantrāvalokanāt||43-78||

ko'pi nātha brahmayogī bhavatyeva na cākhile|
sarve ca yoginaḥ śīghraṃ prabhavanti na saṃśayaḥ||43-79||

sphuṭākāradalaṃ kṛtvā vinyāsaṃ tatra kārayet|
mahāyogikulanyāsaṃ vidyānyāsaṃ samācaret||43-80||

sarvanyāsaṃ nijanyāsaṃ jñānajālaṃ samācaret|
mānasakriyayā vyāptaṃ dehaṃ madhurasamplutam||43-81||

śivarūpiṇamātmānaṃ vaiṣṇavaṃ jñānacakṣuṣam|
ekākāraṃ mūlamantradhyānaṃ tatra samācaret||43-82||

dhyātvā cārghyaṃ samākuryāt kulacakrakrameṇa tu|
ātmānamaparicchinnaṃ vicintya punareva ca||43-83||

sandhyāyennijacaitanyadevatāṃ kuladevatām|
pādyārdhyādikrameṇaiva pūjayitvā'pyahanīśam||43-84||

parivārāṃstato dhyātvā tatsarvān paripūjayet|
dhūpadīpau tato dadyād nijapūjāvidhānataḥ||43-85||

prāṇāyāmaṃ dīpanādau kuryāt sādhaka eva ca|
bhaktyā dhyātvā manuṃ japtvā maṇipūrasthadaivate||43-86||

japaṃ samarpya vidhinā prāṇāyāmaṃ punastrayam|
praṇamya stotrakavacaiḥ svadevīṃ hṛdi cārpayet||43-87||

iti śrīrudrayāmale uttaratantre mahātantroddīpane siddhimantraprakaraṇe bhairavabhairavīsaṃvāde maṇipūracakrabhedaprakāro nāma tricatvāriṃśattamaḥ paṭalaḥ||43||

Kapitel 44

atha catuścattvāriṃśaḥ paṭalaḥ

ānandabhairavī uvāca maṇipūravibhedārthaṃ śṛṇu vakṣyāmi tattvataḥ|
yaṃ jñātvā mūḍhalokāśca praviśanti mahāghaṭe||44-1||

amūḍhatvaṃ prāpnuvanti bhavanti yogino'marāḥ|
khecaratvaṃ prāpnuvanti sāṃkhyayoganiṣeviṇaḥ||44-2||

mahāpātakamukhyānāṃ nāśaṃ śīghraṃ mahāripum|
kiyatkāle'nale doṣe jale parvatakānane||44-3||

kurvanti ca didṛkṣūṇāṃ devatāvaśameva ca|
maṇipūraṃ mahāpīṭhaṃ dhyāyed yaḥ prāṇasaṃyamam||44-4||

tathā pañcāsavāsiddhiṃ kṛtvā pūraṃ vibhedayet|
triloka jananīṃ satyāṃ śivāmādyāṃ triyoginīm||44-5||

mūlādhārāt samutpatya gacchantī rasaṣaḍdale|
prakāśaṃ ṣaḍdalaṃ kṛttvā pragacchantī prabhānvitā||44-6||

maṇipūre mahācakre trailokyajapasādhane|
siddhīnāṃ nilaye kāmye kamanīye manaḥpiraye||44-7||

manaḥ pirayā mahādevī sarvollāsanakāriṇī|
khecarī mahadānandamaṇḍitā mantrayoginī||44-8||

anugrahakarī siddhā vibhāvyā tata eva hi|
ānandaghana sandohamātmajñānaṃ sunirmalam||44-9||

maṇipūraṃ saṃvibhāvya kinna siddhyati bhūtale|
aṇimā laghimā vyāptirmahāśreṣṭhādisiddhibhāk||44-10||

kaulo vā vāra mukhyo vā jñānī vā sādhakottamaḥ|
yogābhyāsaṃ yaḥ karoti maṇipūraṃ samāśrayet||44-11||

maṇipūrasthitaṃ devaṃ yaḥ stauti niyataḥ śuciḥ|
stavarājasya pāṭhena prabuddhā kuṇḍalī bhavet||44-12||

sā devī paramā māyā maṇipūre sthitā śivā|
prabuddhāṃ kāsyatyeva tataḥ siddho bhavenmanuḥ||44-13||

siddhe manau parāprāptiriti me tantranirṇayaḥ|
yadi caitanyamicchanti kuṇḍalinyāḥ parākramam||44-14||

jānāti nijadehe ca mahodayamanuttamam|
teṣāṃ caitanyahetośca devatānāṃ kuleśvara||44-15||

mahāstotraṃ samākuryāt pratyahaṃ siddhihetunā|
siddhikāryaṃ dharmakāryaṃ maṇipūre samāpnuyāt||44-16||

maṇipūranivāsinyāḥ bhedanaṃ jñānasādhanam|
sahasranāmamamalaṃ siddhidravyanirūpaṇam||44-17||

nityasiddhiṃ kāmyasiddhiṃ maṇipūre samāśrayet|
prāṇabuddhyā sveṣṭadevīṃ pūjayellākinīṃ parām||44-18||

svadevatāṃ pūjayed vai maṇipūre mahālaye|
maṇipūrasthitāṃ raudrīṃ mahāśaktiṃ mahodayām||44-19||

sarvasañcāriṇīṃ yogyāṃ mahāyogipirayāṃ parām|
nijadevīpadāmbhoja pūjāvat pūjanaṃ caret||44-20||

pūjāṃ samāpya vidhinā stotraṃ devyāḥ samācaret|
tatprāṇavāyurūpeṇa siddhīnāṃ nāśahetave||44-21||

kṛtaṃ stotraṃ koṭināma brahmaṇā guṇakātmanā|
tatsarvaṃ prakaroṣyetat prakāraṃ jñānaśaṅkara||44-22||

etatstotraprasādena yoginaste mahaujasaḥ|
ahaṅkāraghaṭī jñānaṃ mahāvyādhinivāraṇam||44-23||

mahāstavanamevaṃ hi sākṣādānandavardhanam|
naya bhaktipradaṃ śuddhaṃ śuddhānāmapyagocaram||44-24||

śivāṃ śakyāmādyāṃ daśadalagatāṃ rudramahiṣī|
viśālākṣīṃ sūkṣmāṃ śaśiyutajaṭājūṭamukuṭām|
mahāvidyutkoṭipirayajaḍitapīṭhe trinayanā|
mahālākinyākhyāṃ daśadala kalāṃ bhāvayati kaḥ||44-25||

mṛṇālāntardhvāntaḥ prakaṭataṭasaṃhārasubhagā|
kulakṣetrollāsāṃ caramapadadāṃ dīpakalikām|
sadānandākārāṃ gatiguṇaharāṃ cārukiraṇā|
prabhāvarṇaśyāmāṃ ruciravadanāṃ bhāvayati kaḥ||44-26||

pratīkṣānandābdhi prakaṭacaraṇāmbhojayugalā|
viyadvarṇāṃ kāntāṃ suravarasupūjāvidhiratām|
mahāsūkṣmadvārapracalanakarīṃ bhedanakarī|
divāyogāhlādapirayajanaśivāṃ bhāvayati kaḥ||44-27||

ayodhyāpīṭhasthāmaruṇakamanīṃ premagalitā|
mahāraudrīṃ bhīmāṃ śataśataravipremanikarām|
mahāduḥkhārtānāṃ nayanaśubhagāṃ bhāvavirahā|
satīṃ sītāmindrotsavanavaghaṭāṃ bhāvayati kaḥ||44-28||

sudhābdherāhlādaprakaraṇasurāṃ saurabhakarā|
kriyārūpāṃ yogyāṃ bhuvamaṇipūraprakṛtigām|
guroḥ sthānodyogāṃ samanadahanāṃ śītalavarā|
tritattvāṃ tattvajñāṃ sa(śa)maraharaśaktiṃ bhajati kaḥ||44-29||

vikārākārāṅgīṃ taruṇaravikoṭiśriyamimā|
kulādhārāṃ sārāṃ paramarasadhārāṃ jayavarām|
kṛpācchannākāmāṃ paramarasabhāṇḍeṣu śubhadā|
bhajedindrāṃ rudrāṃ śaśimukhakarāhlādanikarām||44-30||

rasābdhau viśrāntiṃ kupitajanaśāntiṃ sakaruṇā|
trilokajñānasthāṃ madananilayāṃ yoganikarām|
maṇidvīpacchāyāṃ daśadalakalāṃ kevalabhavā|
bhavānīṃ rudrāṇīṃ varadamaṇipūre bhajati kaḥ||44-31||

kṛpābdhau kiṃ kiṃ kimanugatasutāṃ maulinamitā|
śivāṅkāṃ mūlasthāṃ sakalamaṇipūrasthirabhavām|
hiraṇyākṣīṃ takṣāṃ kṣayakaraṇaraśmicchaviśatā|
vinodīṃ pañcāsyapirayaguṇadharāṃ bhāvayati kaḥ||44-32||

mahāpadmākhyāṃ sakaladhanadānākulacalā|
calānandodreka--pracayarasasindhūdbhavahṛdi|
hṛdānando dhyāyet sakalaguṇadātrīṃ sukhamayī|
kalāṃ sūkṣmātyantāṃ timiradahanāṃ koṭidhanadām||44-33||

daśakaṃ yaḥ paṭhennityaṃ śrīvidyāṃ sukhadāyinīm|
dhyātvā hṛdayapadmādho nirmalātmā sadā paṭhet||44-34||

maṇipūrasthitaṃ devaṃ rudraṃ paśyati yogirāṭ|
rudrāṇīsahitaṃ śambhuṃ dṛṣṭvā mukto bhavet kṣaṇāt||44-35||

jīvanmuktaḥ sa evātmā yoginīvallabho bhavet|
yogātmā paramātmā ca sa hi sākṣādanīśvaraḥ||44-36||

sa bhitvā maṇi pūrābdhiṃ nirmalaṃ jyotirujjvalam|
śambhorīśvarayogajñakriyānāthasya śrīpateḥ||44-37||

nikaṭe yāti devyāśca sthāne yogī na saṃśayaḥ||44-38||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe maṇipūrabhedane bhairavībhairavasaṃvāde tritattvalākinīśaktistavanaṃ nāma catuścattvāriṃśattamaḥ paṭalaḥ||44||

Kapitel 45

atha pañcacattvāriṃśaḥ paṭalaḥ

ānandabhairavī uvāca atha kālakramaṃ vakṣye yatkāle yogirāḍ bhavet|
tatkālaṃ prāṇavāyūnāṃ nilayaṃ sūkṣmasañcayam||45-1||

punaḥ punaḥ sañcayane dṛḍho bhavati saṃvaśī|
kriyāyāṃ sañcarantyeva yoginyo yogamātaraḥ||45-2||

yatkāle yatprakarttavyaṃ bhānurūpyakulārṇava|
kāle kāle vaśo yāti paramātmā nirāmayaḥ||45-3||

vinā prayogasāreṇa vinā jāpyena śaṅkara|
kaḥ siddho jāyate jñānī yogī bhavati kutra vā||45-4||

abhyāsamantrayogena śanairyogī bhavennaraḥ|
prabhāte jñānaśaucañca kuṇḍalībhāvanādikam||45-5||

tanmadhye cāpi saṃskuryād yogaṃ pañcāmarādikam|
tato mantrasnānakāryaṃ mastake jalasecanam||45-6||

sandhyāvandana kāryañca tataḥ kuryāt pṛthak pṛthak|
tata utthāya sadbhūmau śuddhakomalajāsane||45-7||

upaviśya sadābhyāsī śuddhakāyāsanañcaret|
tatkāryasamaye nātha dhyānaṃ caitanyameva ca||45-8||

kuṇḍalinyāḥ sadā kuryāt tanmadhye japameva ca|
āsanaṃ sundaraṃ kuryāt savyāpasavyabhedataḥ||45-9||

āsanādikamākṛtya śeṣe susthāsanaṃ caret|
susthāsanaṃ samākṛtya cordhvapadmāsanaṃ caret||45-10||

mastakādhaḥ keśamadhye hastau dattvā manuṃ japet|
caturaśītitriguṇamāsanaṃ bhañjanaṃ tathā||45-11||

pratyāsanaṃ krameṇaiva eteṣāṃ dviguṇaṃ punaḥ|
eteṣāmāsanādīnāṃ vaktavyā saṅkhyakā punaḥ||45-12||

aṣṭāṅgasādhane nātha vaktavyaṃ sarvamāsanam|
prāṇāyāmaṃ ṣoḍaśakamathavā dvādaśādikam||45-13||

svakarṇāgocaraṃ kṛtvā pibedvāyuṃ sadā budhaḥ|
tataḥ samāpya tatkāryaṃ mantrayogaṃ samabhyaset||45-14||

samāpya mantrayogaṃ ca prāṇāyāmatrayaṃ caret|
tata utthāya nadyādiṃ vilokya cāntarātmani||45-15||

snānaṃ kṛttvā mahāyogī mānasādikrameṇa tu|
tatraiva mānasaṃ jāpaṃ samāpya japameva ca||45-16||

ekaprāṇāyāmaṃ kuryāt kṛttvā tīre viśet sudhīḥ|
pidhāya pītavasanaṃ dharmādharmaṃ vicintayet||45-17||

tataḥ sandhyāvandanaṃ ca kṛttvā pūjāvidhiṃ caret|
sarvatra kumbhakaṃ kṛttvā bhāvayittvā punaḥ punaḥ||45-18||

maṇipūre mahāpīṭhe dhyātvā devīṃ kuleśvarīm|
pūjayittvā vidhānena prāṇāyāmaṃ punaścaret||45-19||

tataḥ kuryāt sādhakendro vidhinā kavacastavam|
sarvatra prāṇasaṃyogād yogī bhavati niścitam||45-20||

athavā kālajālānāṃ vāraṇāya mahaṣībhiḥ|
etat kāryaṃ samākuryād yoganirṇayasiddhaye||45-21||

vinā yogaprasādena (na) kālaḥ saṃvaśo bhavet|
kālena yogamāpnoti yogadhyānaṃ svakālakam||45-22||

yogādhīnaṃ paraṃ brahma yogādhīnaṃ parantapaḥ|
yogādhīnā sarvasiddhistasmād yogaṃ samāśrayet||45-23||

yogena jñānamāpnoti jñānānmokṣamavāpnuyāt|
tatkramaṃ śṛṇu bhūcakre sarvasiddhyādisādhanam||45-24||

siddhisādhanamantreṇa yogī bhavati bhūpatiḥ|
śīghraṃ rājā bhaved yogī śīghraṃ yogī bhaved yatiḥ||45-25||

śīghraṃ yogī bhavedvipro yadi svadharmamāśrayet|
svadharmaniṣṭhatājñānaṃ sajjñānaṃ paramātmanaḥ||45-26||

tajjñānena labhed yogaṃ yogādhīnāśca siddhayaḥ|
siddhyadhīnaṃ paraṃ brahma tasmād yogaṃ samāśrayet||45-27||

svadharmaniṣṭhatājñānaṃ sa tajjñānaṃ samāśrayet|
yogayogādbhavenmokṣo mama tantrārthanirṇayaḥ||45-28||

yogī brahmā murāriśca tathā yogī maheśvaraḥ|
tathā yogī mahākālaḥ kaulo yogī na saṃśayaḥ||45-29||

maṇipūrabhedane tu yatnaṃ kuryāt sadā budhaḥ|
yadi cenmaṇipūrasthadevatābhedako bhavet||45-30||

sarvakṣaṇaṃ sukhī bhūtvā ciraṃ tiṣṭhati niścitam|
mahāprabhaṃ sundarañca mahāmohanighātanam||45-31||

meghābhaṃ vidyutābhaṃ ca pūrṇatejomayaṃ param|
maṇibhirgrathitaṃ padmaṃ maṇīnāṃ pūrameva ca||45-32||

sūryakāntaiścandrakāntairvahnikāntairmahojjvalaiḥ|
ityādimaṇibhiḥ sarvaṃ paraṃ kāntiguṇodayam||45-33||

niviḍe jalade meghe koṭividyutprabhā yathā|
tatprakāraṃ bhāvanīyaṃ siddhānāṃ jñānagocaram||45-34||

atyantasūkṣmamārgasthaṃ nityasthānaṃ hi yoginām|
maṇibhiḥ śobhitaṃ padmaṃ maṇipūraṃ tathocyate||45-35||

daśakomalapatraiśca samāyuktaṃ manoharam|
ḍādiphāntavarṇayuktaṃ sthiravidyutsamākulam||45-36||

śivenādhiṣṭhitaṃ padmaṃ viśvālokanakārakam|
ādau varṇarūpakāṇāṃ dhyānaṃ kuryāt svadhāmayaḥ||45-37||

mahāpadme mano datvā nirmalaṃ paribhāvayet|
ḍādiphāntākṣarāṇāṃ ca dhyānājjñānasthiro bhavet||45-38||

manodhairyamupāgamya divyabhaktiṃ samālabhet|
varṇadhyānaṃ pravakṣyāmi śṛṇuṣva parameśvara||45-39||

yadvibhāvyāmaro bhūtvā ciraṃ tiṣṭhati mānavaḥ|
mahādhairyakriyāṃ kuryād vāyupānaṃ śanaiḥ śanaiḥ||45-40||

yatra yatra mano yāti tanmayastatkṣaṇād bhavet|
pūrvādidalamārabhya dhyānaṃ kuryāt pṛthag pṛthak||45-41||

ḍāṃ ḍāṃ ḍāṃ ḍākinīntā ḍamaruvararatāṃ tāriṇīṃ tārarūpā|
ḍiṃ ḍiṃ ḍiṃ ḍāmarasthāṃ ḍamaruḍamagṛhe ḍaṅkaḍiṃkiṃ manusthām|
ḍaṃ ḍaṃ ḍaṃ ḍāmareśīṃ ḍimiḍimiḍimigadhvānanirmāṇaḍorā|
ḍoṃ ḍoṃ ḍoṃ ḍākaḍaṃ ḍaḥ praḍuma ḍamuḍāṃ dāḍimāmāśrayāmi||45-42||

ḍhāṃ ḍhāṃ ḍhāṃ gāḍhaḍhakkāṃ varanikarakarāṃ bāḍhamābāḍhamantrā|
ḍhiṃ ḍhiṃ ḍhiṃ nāgarūpāṃ bhaja bhaja vimalānandacittaprakāśaḥ|
śrīṃ ḍheṃ ḍhaṃ vajraḍhūṃ khā khavaṭa maṭamaraṃ svāhayā ṭoṃṭabījā|
ḍhoṃ ḍhoṃ ḍhoṃ ḍhakkaḍhakkaḥ pirayaḍhunakaruṇākāminīṃ lākinīṃ tām||45-43||

bāṇasthityasaṃsthāṃ rucinakaravaṇākāraṇā vāṇavāṇi|
vīṇāṃ veṇūtsavāḍhyāṃ maṇiguṇakaruṇāṃ naṃ khaṭījapravīṇam|
veṇusthānāṃ sumānāṃ maṇimayapavamāmantramālāvilolā|
sindūrāraktavarṇāṃ taruṇaghananavīnāmalāṃ bhāvayāmi||45-44||

tārāṃ tārakamañjālavimalāṃ tālādisiddhipradā|
tāḍaṅkāmatitejasā munimanoyogaṃ vahantīṃ parām|
tāṃ tārāṃ tulasīṃ tulāṃ tanutaṭāṃ tarkodbhavāṃ tāntrikā|
śrīsūryāyutatejasīṃ bhaja manaḥ śrīmātaraṃ tāpasīm||45-45||

vyagrasthāṃ sthānasusthāṃ sthitipathapathikāṃ thārṇakūṭāṃ thamālī|
gāthāṃ yogāṃ vipathāṃ thamiti thamiti thaṃ vahnijāyāṃ sthirāsām|
candrajyotsnāsthalasthāṃ sthirapadamathanāmujjvalāmāsanasthā|
sthairyāṃ sthairyābhirāmāṃ praṇava nava sudhāṃ candravarṇāṃ bhajāmi||45-46||

drāṃ drīṃ drūṃ dīrghadaṃṣṭraṃ daśanabhayakarāṃ sāṭṭahāsāṃ kuleśī|
doṣacchatrāpahantrīṃ divitaraṇadaśādāyinīmādarasthām|
śliṣṭāhlādapradīptāmakhiladhanapadāṃ dīpanīṃ bhāvayāmi||45-47||

dharmāṃ śrīṃ dhyānaśikṣāṃ dharaṇidharadharāṃ dhūmadhūmāvatīṃ tā|
dhūstūrākāravakrāṃ kuvalayadharaṇīṃ dhārayantīṃ karābjam|
vidyunmadhyārkakoṭijvalanadharasudhāṃ kokilākṣīṃ susūkṣmā|
dhyātvā hlādaikasiddhiṃ dharaṇidhananidhiṃ siddhividyāṃ bhajāmi||45-48||

nityāṃ nityaparāyaṇāṃ trinayanāṃ bandhūkapuṣpojjvalā|
koṭyarkāyutasaṃsthirāṃ navanavāṃ hastadvayāmbhoruhām|
nānālakṣaṇadhāraṇāmalavidhuśrīkoṭiraśmisthitā|
sānandāṃ naganandinīṃ triguṇagāṃ naṃ naṃ prabhāṃ bhāvaye||45-49||

prītiṃ premamayīṃ parātparatarāṃ preṣṭhaprabhāpūritā|
pūrṇāṃ pūrṇaguṇopari pralapanāṃ māṃsapirayāṃ pañcamām|
vyāpāropanipātakāpalapanā pānāya pīyūṣapā|
cittaṃ prāpaya pītakāntavasanāṃ paurāṇikīṃ pārvatīm||45-50||

spheṃ spheṃ sameṃ phaṇivāhanāṃ phaṇaphaṇāṃ phullāravindānanā|
pherūṇāṃ varaghoranādavikaṭāsphālapraphullenmukhīm
phaṃ phaṃ phaṃ phaṇikaṅkaṇāṃ phaṇiti phaṃ mantraikasiddheḥ phalā|
bhaktyā dhyānamahaṃ karomi niyataṃ vāñchāphalaprāptaye||45-51||

vidyutāṅkāramadhye tu bijalīraktavarṇakān|
evaṃ dhyātvākhilān varṇānraktavidyud dalodyatām||45-52||

sadā dhyāyet kuṇḍalinīṃ kaṇīkāmadhyagāminīm|
varahastāṃ viśālākṣīṃ candrāvayavalakṣaṇām||45-53||

cārucandanadigdhāṅgīṃ phaṇihāravibhūṣaṇām|
dvibhujāṃ koṭikiraṇāṃ bhālasindūraśobhitām||45-54||

trinetrāṃ kālarūpasthāṃ lākinīṃ layakāriṇīm|
siddhimārgasādhanāya dhyāyed varṇān daśa kramāt||45-55||

caturbhujāṃ ṣaḍbhujāṃ ca aṣṭahastāṃ parāparām|
durgāṃ daśabhujāṃ devīṃ nijavāhanasusthitām||45-56||

sarvāstradhāriṇīṃ sarvāṃ hastadvādaśaśobhitām|
caturdaśabhujāṃ raudrīṃ tathā ṣoḍaśapālinīm||45-57||

aṣṭādaśabhujāṃ śyāmāṃ hastaviṃśatidhāriṇīm|
evaṃ dhyātvā pūjayitvā rudrāṇīstotramāpaṭhet||45-58||

iti śrīrudrayāmale uttaratantre mahātantroddīpane siddhimantraprakaraṇe|ṣaṭcakraprakāśe bhairavībhairavasaṃvāde varṇadhyānakathana|nāma pañcacatvāriṃśattamaḥ paṭalaḥ||45||

Kapitel 46

Die Buchstaben als Träger von Mantra und Shakti.

atha ṣaṭcattvāriṃśaḥ paṭalaḥ

ānandabhairavī uvāca śṛṇu bhairava vakṣyāmi rudrāṇīstotramuttamam|
śruttvā paṭhittvā deveśa dhārayittvā svadehake||46-1||

mahāsiddho bhavedeva mahākālavaśo bhavet|
trailokyarakṣaṇārthāya brahmaṇā viṣṇunā tathā||46-2||

rudrayuktāṃ mahāraudrīṃ stuttvā sarvajayo bhavet|
tacchruttvā munayaḥ sarve yogino yogadarśakāḥ||46-3||

sarve devāḥ sarvalokādhipāḥ syuḥ prāṇarakṣakāḥ|
etat stavanamātreṇa brahmā brahmatvamāpnuyāt||46-4||

viṣṇuvīṣṇutvamāpnoti devatvaṃ sarvadevatāḥ|
idānīṃ śṛṇu tatstotramaṣṭāṅgayoga sādhanam||46-5||

etatstavanapāṭhena cāṣṭāṅgakuladevatāḥ|
vaśībhūtāḥ prabhavanti saptasvargasthadevatāḥ||46-6||

asya mahārudraśaktistotrasya mahākālabhairavaṛṣiranuṣṭupchandaḥ śrīmachrīrūpiṇī devatā vāṃ
bījaṃ drāṃ śaktiḥ samauṃ spheṃ kīlakaṃ mahogrādi
devatā sarvābhīṣṭasiddhyarthe jape viniyogaḥ|| mahāraudrī rudrāruṇāravaravakrodhanikarā|
vikārā dharmāṇāṃ haratu viṣayaṃ dehi paramam|
vivekaṃ satputraṃ tvamapi jagatāmādipuruṣaṃ|
vibhākoṭigrāmaskhalananicalā locanacalā||46-7||

tvamekā trailokyaṃ vyavasi satataṃ me śubhabhavā|
anantā sā cātīndriyagaṇakalā nāgavasanā|
śriyaṃ dātuṃ nityaṃ samudayati raśmistava śive|
śivāhlādānandā jaḍitamanamandā kuru mudā||46-8||

mahālobhaṃ pāpaṃ hara hara hare hīrakanibhe|
viṣānandodghātā mama tanu viṣaṃ veśavaśini|
sudhānandaṃ dehi kṣayamapi harakrodhamatulaṃ|
madaṃ kāmaṃ mohaṃ kulajanani divyaṃ vitara tat||46-9||

tapasyāsadbhāvaṃ tvamapi ca dadāsīha yadi vā|
pradīptā sadvyāptā bhavati tava dāne mama manaḥ|
praphullātiśrīde jaya mama na bhaktiṃ nijaśubhāṃ|
samīḍe tvāmekāṃ bhuvanajanarakṣāṃ kuru sadā||46-10||

vicārya sve tantre racayasi sukhaṃ nityamilitaṃ|
mahākhaḍgaprakhyā tribhuvanakarā rudradayitā|
surāṇāṃ saṃrakṣāṃ yadi kuru mudā pīṭhanikare|
maṇidvīpe tejomayi hi maṇipūre'malapadam||46-11||

mahākṣetre yuddhotsavabhayaharā tvaṃ kulakalā|
kirātī sarvāṇī mama kulagataṃ pālaya laye|
layajñānānandaṃ racaya hṛdaye yogajanani|
yatīnāṃ rakṣāyai kulayuvati vidye udayati||46-12||

pratiṣṭhā kītīste tvamavatarasi trāsi timirā--|
nna jāne tvat tattvaṃ taruṇi mahimānaṃ sukhamayam|
mahāpārāvārāṃ nidhibhavajaleśaṃ kuru jayam|
hiraṇyāhlādasthā tvamapi karuṇāsāgaramayī||46-13||

vidhātāraṃ viṣṇuṃ suravaraṇavandīn parajanān|
prapāsi tvaṃ siddhā sukhabhuvanabhaṅgakṣayakarā|
kirantī sānandā kiraṇaśatakoṭiṃ tribhuvane|
tvamekā kalyāṇi giriśaramaṇiṃ pāhi satatam||46-14||

tvadīyaṃ sukhāntaṃ samīcchāmi satyaṃ|
visargenduvarṇātmakaṃ kāmanākhyam|
kṛpādṛṣṭipātā manaḥ pāhi śuddhā|
tvamekā parabrahmarūpeṇa siddhā||46-15||

jagattāriṇī tvaṃ jagavyāpinī tvaṃ|
jagajjvālarūpā jagaddharmarūpā|
anaikāntikattvāttvamānandarūpā|
tvamekā parabrahmarūpeṇa siddhā||46-16||

vidhānaṃ janānāṃ kuru tvaṃ tvamīśā|
kṣapākṣā macittā pirayānandadātrī|
tvamājñāmbujasthā tvamāryā gurūṇāṃ|
tvamekā parabrahmarūpeṇa siddhā||46-17||

prabhāmaṇḍalasthā sthitityāgasaṃsthā|
sthalāmbhojamālā tvamālagnakaṇṭhā|
śivaśyāmavarṇā mahāpiṅgalārṇā|
tvamekā parabrahmarūpeṇa siddhā||46-18||

caturthaśrutisthācalaścandrasaṃsthā|
mahāvedabhāṣā tvamekā jagatyām|
mahābhaktibhāvāśritaṃ māṃ prasiddhe|
tvamekā parabrahmarūpeṇa siddhā||46-19||

jagaddhāmaceṣṭe jagadbuddhiniṣṭhe|
jagadyauvanasthā jagadbhāvasaṃsthā|
samāvarttamadhye mahāghūṇītaṃ māṃ|
tvamekā parabrahmarūpeṇa siddhā||46-20||

mahā sṛṣṭisaṃhārakālakramasthā|
mahāmāṃsabhakṣā sadānandarūpā|
mahāśākya maunīndrapūjye surejye|
tvamekā parabrahmarūpeṇa siddhā||46-21||

catuḥṣaṣṭitantrārṇa vāhlādakatvā--|
nmahābhautikatvānmahāsiddhividyā|
chalacchinnadehā chalānannasaṃjñā|
tvamekā parabrahmarūpeṇa siddhā||46-22||

śivatvaṃ mahattvaṃ samatvāmalatvā--|
danaikāntikatvaṃ dadāsi tvamādyā|
sudhāsāgarasthā mahāmohanasthā|
tvamekā parabrahmarūpeṇa siddhā||46-23||

mahāsiṃhapṛṣṭhe padāmbhojalakṣmī--
rmama śrīśiromaṇḍalasthaṃ prapātu|
bhavānandasantānakalpe'vadehaṃ|
tvamekā parabrahmarūpeṇa siddhā||46-24||

sthirā sā mahāvidyudākārahārā|
mahācañcalā cācalā jñānajanyā|
sadā bhāvanatvātsadā jñāpanasthā|
tvamekā parabrahmarūpeṇa siddhā||46-25||

kulānandamohā mahākaulakanyā|
kulakṣetrarakṣā kulacchatrakārā|
mahācañcalatvānmahāvāyughūrṇā|
tvamekā parabrahmarūpeṇa siddhā||46-26||

ciraṃjīvinī bhāminī bhūmibījā|
bhayābhāvahantrī śaratkoṭicandrā|
vibhūtirbhayāhārakartrī prakṛṣṭā|
tvamekā parabrahmarūpeṇa siddhā||46-27||

mahāvīrabhāvāśrayā bhāvarūpā|
viśeṣāviśeṣe mahāśaivavīrā|
visargāpavargāśrayārṇojjvalattvāt|
tvamekā parabrahmarūpeṇa siddhā||46-28||

mahāpañcamatvānmahāmodakatvān
mahākaulikātvādasañcāraṇatvāt|
kulapremabhāvakriyāniścalatvāt|
tvamekā parabrahmarūpeṇa siddhā||46-29||

vasoḥ siddhidātrī śivānandakartrī|
mahāmaithunānandasambhedanatvāt|
sukhāśvāsatattvāttapaḥ prāṇarakṣā|
tvamekā parabrahmarūpeṇa siddhā||46-30||

galatpremabhāvā kulajñānatattvāt|
pirayā śrīkṛpātvaṃ bhavādhāramūttīḥ|
mahaiśvaryahetormahārājakanyā|
tvamekā parabrahmarūpeṇa siddhā||46-31||

mahāmokṣavidyā mahānirmalatvāt|
prabhāpañcacūḍasya siddhipirayā ca|
mahānādabinduprayāsābhirāmā|
tvamekā parabrahmarūpeṇa siddhā||46-32||

mahāvidrumākāravarṇābhirāmā|
kulāhlādasūtrādisaṃsādhanatvāt|
mahadrājyavidyādhanā saṅghaṭatvāt|
tvamekā parabrahmarūpeṇa siddhā||46-33||

tavāṅghradvayāmbhoja pūjāsukhatvā--
nmahākālarūpā svayaṃ sarvavidyā|
vikārādi sambandhaviśeṣaṇatvāt|
tvamekā parabrahmarūpeṇa siddhā||46-34||

śivatvaṃ śubhatvaṃ mahāśailakanye|
pirayatvaṃ paratvaṃ mahāpāvanatvam|
samādhehi tattvādanaikāntikatvāt|
tvamekā parabrahmarūpeṇa siddhā||46-35||

mahācetanādevanādona natvāda--|
saṃkhyāmatīnāṃ manoyogamukhyā|
virodhāpahantrī ripuprāṇahantrī|
tvamekā parabrahmarūpeṇa siddhā||46-36||

catuvīṃśatikrodhatattvānukūle|
viyatkhaṇḍacandrojjvale kīlakasthe|
sadā māṃ prapātu pracaṇḍārkavarṇā|
tvamekā parabrahmarūpeṇa siddhā||46-37||

śubhaṃ kāmadhenusvarūpaṃ svadehaṃ|
sadā darśane śraddhayā cāruvarṇā|
himāṃśuprabhākoṭivarṇe'tvapūrṇe|
tvamekā parabrahmarūpeṇa siddhā||46-38||

mahākāmabījānvitā khaṇḍayantī|
mahādoṣajālaṃ śanairāvahantī|
śivābhadrakālī sthirānandamālā|
tvamekā parabrahmarūpeṇa siddhā||46-39||

mahākālakūṭāśinaṃ tīkṣṇanetraṃ|
sadā pāhi śambhuṃ bhayārdrātivelam|
bhavāpālanatvādasaṃkhyānivāsā|
tvamekā parabrahmarūpeṇa siddhā||46-40||

harantī viṣāḍhyaṃ vahantī kalādyaṃ|
raṭantī naṭantī viśālā bhramantī|
śriyaḥ pālanī pālikā bālikātvāt|
tvamekā parabrahmarūpeṇa siddhā||46-41||

bhavānandahetoḥ sadā śraddhayā vā|
padāmbhojamadhye manoyogakāle|
parāsaṃkhyate kāmasaṃkṣālanatvāt|
tvamekā parabrahmarūpeṇa siddhā||46-42||

kṣitikṣobhanāśāya siddhādividyā|
kulāḍhyākhilāḍhyānanā sūkṣmamadhyā|
prayatnaṃ karoṣi kṣayānandadānā|
tvamekā parabrahmarūpeṇa siddhā||46-43||

mahādhairyamāhṛtyajaṃ japyate yais --|
tavādyābhidhānāni kāliprabhāte|
tadaivāpi kāle dadāsīha siddhiṃ|
tvamekā parabrahmarūpeṇa siddhā||46-44||

ciraṃ sthāpayantī ciraṃ bhāsayantī|
tvamākhyā gurūṇāṃ kulānandavidye|
svadhākāratuṣṭā kalāvahnijāyā|
tvamekā parabrahmarūpeṇa siddhā||46-45||

surānandakāle phalodbhūtacinhā|
citāmadhyadeśe mahāsiddhidātri|
tribhinnā vibhinnā mahārudravidye|
tvamekā parabrahmarūpeṇa siddhā||46-46||

mahāpūvī kātyāyani krodhamūle|
vivekādikaṃ dharmamādau dadāsi|
trayāṇāṃ surāṇāṃ mudārakṣaṇāya|
tvamekā parabrahmarūpeṇa siddhā||46-47||

viśuddhasphuṭattvānmahākautukatvā--|
ttanudhyānamohādanante kṛtattvāt|
kulārakṣaṇātmā mahālakṣaṇātmā|
tvamekā parabrahmarūpeṇa siddhā||46-48||

dahantī ripūṇāṃ kulañcātmadeśaṃ|
kṣaṇādeva sūkṣmāsusūkṣmā satī sā|
mamānandadeśaṃ sadā pālaya śrī|
ttvamekā parabrahmarūpeṇa siddhā||46-49||

caturthāśramasthāśramaṃ pāhi rudre|
mahograpratāpe mahāraudri bhadre|
mahāpātakādikṣayatvāmṛtattvā--
ttvamekā parabrahmarūpeṇa siddhā||46-50||

mahāvāyuramye mahājñānagamye|
mahāmantrajāpyādisiddhiprasiddhe|
layaṃ dehi bāhyānilāghātanatvā--
ttvamekā parabrahmarūpeṇa siddhā||46-51||

na jānāmi kiṃ vāmaro vāpi viṣṇu--|
rmahākauliko vā na jānāti pūjām|
kulādyāsanante surendrādipāṭhe|
tvamekā parabrahmarūpeṇa siddhā||46-52||

madīyaṃ pralobhyaṃ mahābhadrakāli|
prakāśena karttuṃ samarthā bhava tvam|
padābje ca hantuṃ mahāpāpasarge|
tvamekā parabrahmarūpeṇa siddhā||46-53||

vahantī kapālaṃ skhalantīmapārthaṃ|
mahāhemamālā mahākāśayantī|
śivo maṅgalaṃ me tu vaiśvānarīśe|
tvamekā parabrahmarūpeṇa siddhā||46-54||

pracaṇḍā prasannā bhavakṣobhaheto--|
vīvādādighātāya śāntiḥ pratuṣṭiḥ|
kiyatkālasaṃsthā prasannāntarātmā|
tvamekā parabrahmarūpeṇa siddhā||46-55||

mahāvāyupānā kriyāmokṣakāle|
kulajñānadānā divārūpiṇī tvam|
prabhutvaṃ vidhehi kṣame kāmakartrī|
tvamekā parabrahmarūpeṇa siddhā||46-56||

yadi śrīvarādye mamākhyā sasiddhiṃ|
videhīti citte samādhāya bhaktaḥ|
samāpnoti śīghraṃ sadā prārthyate yaiḥ|
sadā paṭhyate vā mudā vāramekam||46-57||

mahākālaśambho mahājñānasiddhaḥ|
sadā kālavaśye paṭhedekacittaḥ|
mahābhaktibhāvaṃ labhed veda muktiṃ|
mahādevabhaktiṃ trikālena yogam||46-58||

maṇeḥ pīṭhamadhye mahārudrakāntāṃ|
mahālākinīṃ kuṇḍalīṃ bhāvayantī|
mahāpuṇyalābhaṃ stavaṃ brahmasāraṃ|
mahākāntalābhāya puṇyāya siddhyai||46-59||

mahākāli rudrāṇi bhadrāṇi kṛṣṇe|
bhavānandamūttīprakāśāya kuryāt|
kilānandamākṛtya sampūjyate yai--
rmahādevi caṇḍe tava dhyānaniṣṭhā||46-60||

mahāmokṣabhāvaṃ samāpnoti śīghraṃ
mahāśuddhatā kāmahā kālarūpī||46-61||

iti śrīrudrayāmale uttaratantre mahātantroddīpane siddhimantraprakaraṇe ṣaṭcakraprakāśe maṇipūrabhedanakrame bhairavībhairavasaṃvāde rudraśaktilākinīstotraṃ nāma|ṣaṭcattvāriṃśaḥ paṭalaḥ ||46||

Kapitel 47

atha saptacattvāriṃśaḥ paṭalaḥ

śrīānandabhairavī uvāca śṛṇu kailāsanāthābja cakramaṇḍalasaṃsthitim|
ṣaṭcakrabhedamāhātmyaṃ sāvadhānāvadhāraya||47-1||

aprakāśyamidaṃ mantraṃ maṇipūravibhedanam|
aṣṭaiśvaryasādhanāya jīvanmuktipradāya ca||47-2||

kathayāmi mahākāla yajjñātvā yogino'marāḥ|
kriyāsādhanamātreṇa kena yogena eva hi||47-3||

sādhanādeva sarvajñaḥ sarvārthajñānavān bhavet|
rudrāṇīsahitaṃ rudraṃ dhyātvā sampūjya sañjapet||47-4||

atha vakṣye mahāmantraṃ pūjāprakaraṇaṃ tathā|
maṇipūre sthito mantrī rudrāṇīyajanaṃ caret||47-5||

samprati mantrasyoddhāraṃ karomi kālakūṭapa|
praṇavaṃ pūrvamuccārya namaḥ śabdaṃ tato vadet||47-6||

te śabdānte samuddhṛtya rudraśabdaṃ tataḥ param|
rūpiṇyai padamuccārya rudrāṇī mantramīritam||47-7||

tato mahārudramantraṃ vakṣyāmi tattvataḥ śṛṇu|
praṇavānte namasśabdaṃ te mahāśabdamuccaret||47-8||

rudrāya padamuddhṛtya mahārudramanuḥ smṛtaḥ|
tato'nyatkālarūpeśa rudrāṇīmantramāśṛṇu||47-9||

ḍādiphāntaiḥ sarvavarṇairādyante puṭitaṃ manoḥ|
sarvaśeṣe vahnijāyā mahāmantrottamottamaḥ||47-10||

asya jāpanamātreṇa ṣaṭpadma sādhane jayī|
evaṃ prakāraṃ rudrasya cāthavānyaprakārakam||47-11||

rudrāṇāṃ vividhaṃ mantraṃ koṭitantre vinirṇayam|
maṇipūre sadā dhyāyed yogasādhanahetunā||47-12||

sarvatra mānasaṃ kāryaṃ dhyānapūjāvidhānakam|
pramodākhyātimanubhirmṛtyuñjayādibhistathā||47-13||

caitanyaṃ kārayet śīghraṃ maṇipūrasthadevayoḥ|
atha vakṣye maheśasya rudrasya paramātmanaḥ||47-14||

prāsādākhyaṃ mahāmantraṃ trailokyaphalasiddhidam|
sāntamoṅkārasaṃyuktaṃ nādabinduvibhūṣitam||47-15||

prāsādākhye manuḥ prokto bhajatāṃ kāmadomaṇiḥ|
praṇavaṃ pūrvamuccārya svāhāntaṃ japate yadi||47-16||

stambhanādīni karmāṇi sa karoti na saṃśayaḥ|
athavā mṛtyujetāraṃ mahāmantraṃ mahāmanum||47-17||

japenmānasajāpena yajjāpyaṃ prāṇarakṣakam|
tāraṃ sthirā sakarṇendurbhṛguḥ sargasamanvitaḥ||47-18||

tryakṣarātmā nigadito mantro mṛtyuñjayātmakaḥ|
athavānyaprakāreṇa japenmṛtyuñjayātmakam||47-19||

mṛtyuñjayaṃ samuddhatya pālaya dvitayaṃ tataḥ|
mṛtyuñjayaṃ samuddhṛtya punareva vilomataḥ||47-20||

dvādaśākṣaramantro'yaṃ mṛtyuñjayābhidho'paraḥ|
dhyānaṃ (pūjāṃ) tathā nyāsaṃ śṛṇu vakṣyāmi śaṅkara||47-21||

rudramantreṇa puṭitaṃ yojayenmṛtyuhāraṇam|
tathā hi rudrakāntāyā mantreṇa puṭitaṃ śivam||47-22||

japitvā pūjayitvā ca naro goptā bhavedvaśī|
prātaḥkṛtyādikaṃ kṛtvā haviṣyāśī jitendriyaḥ||47-23||

atisāvadhānaparo vidhisevāparāyaṇaḥ|
snānasandhyādikaṃ kṛtvā āsanādikamāśrayet||47-24||

samāpya āsanaṃ sarvaṃ pītavastre pidhāya ca|
athavā śuklavastre dve paridhāya manohare||47-25||

komalādyāsane gatvā prakṣālyapādayugmakama|
dvirācamya vidhānena pūjāyāṃ svastikāsane||47-26||

vīrāsane tathā padmāsanayonyāsane tathā|
upaviśya nirmalātmā pūjāmārgaparo bhavet||47-27||

sarvāṇi dravyabhojyāni manasā kalpitāni ca|
tadalābhe salābhe vā manaḥkalpitaśodhanam||47-28||

karaṇīyaṃ sarvadaiva nijabāhye'pi cālayet|
yathā labhyāni dravyāṇi saṃśodhya tatra yojayet||47-29||

tataḥ kuryād viśeṣeṇa prāṇāyāmaṃ manoramam|
catuḥṣaṣṭimātrayā vā tathā ṣoḍaśamātrayā||47-30||

taddvādaśamātrayā vā saṃkhyayā vāyumāśrayet|
prāṇāyāmaṃ samāpyātha rudranyāsaṃ samācaret||47-31||

śrīkaṇṭhādimahāvīranyāsaṃ kuryāt prayatnataḥ|
rudranyāsaṃ pravakṣyāmi manuyogādisiddhaye||47-32||

etannyāsābhikaraṇe naro rudrasamo bhavet|
sadā kuryānmahānyāsaṃ sarvasiddhiprakāśanāt||47-33||

śaktihīnaṃ śaktiyuktaṃ mahānyāsaṃ prakītītam|
śaktiyuktaṃ samākṛtya mahāśakto bhaved balī||47-34||

śaktihīnaṃ tathā kāryaṃ sarvavighnavināśanāt|
mātṛkāpadmacakre tu mātṛkāvargasaṃyutam||47-35||

mātṛkāpuṭitaṃ mantraṃ kiṃ vā mantreṇa saṃpuṭam|
kṛtvā mantrī nyāsajālaṃ sāvadhānena kārayet||47-36||

vikramī siṃhatulyaḥ syāttaṃ dṛṣṭvā yānti śatravaḥ|
maunī bhūtvā samākṛtya kulacakrasya bhedanam||47-37||

maṇipūre sthiro bhūtvā mahātejomayo bhavet|
teṣāṃ nāma pravakṣyāmi pañcāśadekasaṃkhyayā||47-38||

pañcāśadekaśaktīnāṃ tathā nāma śṛṇu prabho|
sarveṣāmabhidhānānte īśāya nama uccaret||47-39||

ekaikaṃ mātṛkāvarṇaṃ nāmna ādye niyojayet|
śaktiyuktaṃ sadā nāma īśāntaṃ santyajet tathā||47-40||

bhedane śaktiyuktastu nyāsaṃ kuryānmahāyatiḥ|
kuśāsane siddhihetoścailājinakuśottaram||47-41||

baddhaikamāsanaṃ yogī nyāsajālaṃ samācaret|
athavā dvīpicarmādi komalādyāsane'pi vā||47-42||

yogābhyāsī nyāsajālaṃ kṛtvā sāvabhayo bhavet|
bhadrakālī gṛhe sthitvā ye kurvanti nirantaram||47-43||

mahānyāsaṃ mahādeva tatkṣaṇādamaro bhavet|
āyurārogyasampattiṃ samprāpnoti mahāśriyam||47-44||

samāyāti mama sthāne nyāsayogaprasādataḥ|
nyāsadhāraṇayogena maṇipūre hṛdo bhavet||47-45||

ādau tannāma vaktavyaṃ paścātśaktyābhivnanakam|
śrīkaṇṭhaścāpyanantaśca sūkṣmā trimūtīreva ca||47-46||

amareśvaraścārghīśo bhāvabhūtistataḥ param|
atithīśasthāṇvīśo haro jhiṇṭīśa eva ca||47-47||

bhautikaḥ sadyojātaścāpyanugraheśvarastathā|
akrūro'pi mahāseno nirjarādiśca ṣoḍaśa||47-48||

ete devā mahārudra ṣoḍaśasvaravigrahāḥ|
krodhīśaścāpi caṇḍeśaḥ pañcāntakaḥ śivottamaḥ||47-49||

ekarudrastathā kūrma ekanetreśvarastataḥ|
caturānano'jeśaśca sarvaḥ someśa eva ca||47-50||

lāṅgalīśo dārukeśo'rddhanārīśvara eva ca|
( umākānteśa āṣāḍhiḥ ḍiṇḍīśo'trīśa eva ca
mīneśaścāpi meṣeśo lohiteśaḥ śikhīśvaraḥ|
chagalaṇḍe dviraṇḍeśo mahākāleśvarastataḥ|)
vāṇīśaśca bhujaṅgeśaḥ pinākīśastataḥ param||47-51||

khaḍgīśa ścarakeśaśca śyeno bhṛgvīśa eva ca
nakulīśaḥ śiveśaśca saṃvarttakeśa eva ca||47-52||

ete rudrāḥ samākhyātāḥ sarvakāle kuleśvarāḥ|
yasya nāmnaścāntabhāte īśaśabdo na vidyate||47-53||

keśāntaṃ nāma saṃskṛtya nyāsaṃ maulīśamācaret|
kāmaṃ mohādināśārthaṃ yaḥ karoti nirantaram||47-54||

mātṛkāvarṇaghaṭitaṃ mātṛkāsthalake nyaset|
śaktiyuktaṃ yadā nyāsaṃ tatkāle'pīśayojanam|
athavā rudraśaktyā ca tathā rudreṇa sampuṭam||47-55||

nijamantreṇa vā nātha puṭitaṃ mātṛkāsthale|
śaktyā ca grathanaṃ kṛtvā saṃsāraṃ santaret kṣaṇāt||47-56||

tatprakāraṃ śṛṇu prāṇanātha śaṅkara vallabha|
pūrṇodarī ca girijā śālmalī tadanantaram||47-57||

lolākṣī varttulākṣī ca dīrghaghoṇā tataḥ param|
sudīrghamukhigomukhyau dīrghajihvā tataḥ param||47-58||

kuṇḍodarī codrdhvamukhī tathā vikṛtamukhyapi
jvālāmukhī vahnimukhī lolajihvā tataḥ param||47-59||

vidyāmukhī tathā nātha etāśca svaraśaktayaḥ|
kādyārṇaśaktividyāśca vakṣyāmi pārvatīśvara||47-60||

mahākālīsarasvatyormahālakṣmyāstataḥ param|
drāviṇī nāgarī bhūyaḥ khecarī cāpi mañjarī||47-61||

rūpiṇī bimbinī paścāt kākodarī ca pūtanā|
bhadrakālī yoginī ca śaṅkhinī rgajjinī tathā||47-62||

kālarātriḥ kuñjikā ca kapaddanī tataḥ param|
vajrā jayā tato nātha sumukheśvaryapi prabho||47-63||

revatī mādhavī caiva vāruṇī vāyavī tathā|
vakṣovidāriṇī caiva sahajālakṣmyatha prabho||47-64||

vyāpinī caiva māyā ca rudrāṅkapīṭhadevatāḥ|
sarvābharaṇasaṃyuktā sindūrāruṇavigrahāḥ||47-65||

dhṛtaśūlakapālādi bāṇaśaktiprakheṭakāḥ|
varābhayakarā nityāḥ sarpavāhanavāhanāḥ||47-66||

śrīkaṇṭhādyā mahārudrā dhṛtaśūlakapālakāḥ|
khaḍgakheṭakaśaktīṣu gadāmūsaladhārakāḥ||47-67||

nānāstradhārakā nityā bandhūkakoṭisundarāḥ|
raktacandanadigdhāṅgāḥ pañcacūḍadharāḥ parāḥ||47-68||

raktotpalamahāmālālaṅkārakarapaṅkajāḥ|
pīṭhanyāsaṃ tataḥ kuryāt mama tantrānusārataḥ||47-69||

sarvatramūlapuṭitamathavā varṇasampuṭam|
kṛtvā pīṭhanyāsakāryaṃ vidhānena vadāmi tat||47-70||

oṃ anantāya namaśca namo hṛdi tataḥ param|
oṃ padmāya namaḥ śabdaṃ hṛdaye ca tataḥ param||47-71||

oṃ sūryamaṇḍalāya dvādaśānte kalātmane|
oṃ namaḥ padaṃ samuccārya cānte ca hṛdaye prabho||47-72||

oṃ uṃ somamaṇḍalāya ṣoḍaśakalātmane namaḥ|
sarvatra hṛdaye kāryaṃ pīṭhanyāsaṃ manolayam||47-73||

oṃ maṃ vahnimaṇḍalāya daśakalātmane namaḥ|
oṃ saṃ sattvāya namaśca oṃ raṃ rajase namaḥ||47-74||

oṃ taṃ tamase namaśca pūrvādikeśareṣu ca|
oṃ taṃ ātmane namaśca oṃ sarvavyāpine namaḥ||47-75||

oṃ aṃ antarātmane ca oṃ manonmanyai namaśca|
tadupari tato vadet namo'nte śūnyavāsine||47-76||

oṃ paṃ paramātmane ca namo'nte kālarūpiṇe|
oṃ hrīṃ jñānātmane cānte namo'nte varṇavāsine||47-77||

pīṭhaśaktestato nyāsaṃ kuryāt sādhakayogirāṭ|
hṛtpadmasyāpi pūrvādi keśareṣu ca saṃnyaset||47-78||

oṃ vāmāyai namaścānte oṃ jyeṣṭhāyai namo vadet|
oṃ sarvabhūtadamanyai namaḥ śabdaṃ samuccaret||47-79||

( oṃ raudrāyai namaścānte oṃ kālyai ca namo vadet|
oṃ kalavikariṇyai namaḥ śabdaṃ tato vadet|
oṃ balapramathanyai namo va bho'nte ca punarvadet|)
etā vinyasya deveśa madhye vinyāsamācaret|
hṛtpadmasya kaṇīkāyāṃ kṛtvā bhāvanamācaret||47-80||

oṃ manonmanyai namaśca tadupari tato vadet|
oṃ namo bhagavate'nte ca sakalapadamuccaret|
guṇāya śaktiyuktāya anantāya padaṃ tataḥ||47-81||

( yogapīṭhātmane cānte namaḥ śabdaṃ samuccaret|
tataḥ kuryānmahādeva ṛṣyādinyāsameva ca|
rudraśaktyā ṛṣevīṣṇustathā mṛtyuñjayasya ca|)
kahoḍa muniputraśca ṛṣirasya prakītītaḥ|
maheśvaramukhājjñātvā yaḥ sākṣāttapasā manum||47-82||

saṃsādhayati śuddhātmā sa tasya ṛṣirīritaḥ|
gurutvānmastake cāsya nyāsastu parikītītaḥ||47-83||

sarveṣāṃ mantratattvānāṃ chādanād chanda ucyate|
akṣarātvātpadatvācca mukhe cchandaḥ samīritam||47-84||

sarveṣāmeva jantūnāṃ preṣaṇātpreraṇāttathā|
hṛdayāmbhojamadhyasthā devatā tatra tāṃ nyaset||47-85||

ṛṣicchando'parijñānānna mantraḥ phalabhāgbhavet|
daurbalyaṃ yāti mantrāṇāṃ viniyogamajānatām||47-86||

nyasenmūdhnī ṛṣinyāsaṃ chandonyāsaṃ mukhāmbuje|
devatānyāsamākuryāt hṛdayāmbhoruhe sudhīḥ||47-87||

mūke guhye bījanyāsaṃ śaktinyāsaṃ tu pādayoḥ|
sarvāṅge kīlakanyāsamācaret yatnataḥ sudhīḥ||47-88||

śivaśaktyātmakanyāsaṃ śirasyeva samācaret|
śirasi prāṇarakṣāyai mahāviṣṇuṛṣaye namaḥ||47-89||

mukhe paṅktacchandase vai namaḥśabdaṃ samuccaret|
hṛdi mahārudrāya śaktiyuktāya saṃvadet||47-90||

devatāyai namaḥ śabdaṃ karanyāsaṃ tataścaret|
tato'ṅganyāsamākṛtya dhyānaṃ kuryāt prayatnataḥ||47-91||

vahninā dīrghabījena mantrasyāṅgakriyāṃ caret|
rudradhyānaṃ pravakṣyāmi dhyānād bhavati bhūpatiḥ||47-92||

raudraṃ raudrātmakaṃ taṃ prakṛtipuruṣaṃ gaṃbhīragītābhidhānaṃ|
śūlaṃ khaḍgaṃ dadhānaṃ varamabhayakaraṃ padmamekaṃ pracaṇḍam|
sañcāraṃ raśmijālaṃ śaśiśatakiraṇaṃ kāmadhenusvarūpaṃ|
dhyāyedraudrīṃ svaśaktiṃ pralayamayatanuṃ sūryakoṭiprakāśam||47-93||

evaṃ dhyātvā sumanasaiśca sampūjyārghya vidhiñcaret|
kṛtvārghyaṃ rudramantreṇa pīṭhapūjāṃ samācaret||47-94||

vāmā jyeṣṭhā tathā raudrī kālī kalapadādikā|
vikaraṇyākṣarā proktā balādivikaraṇyatha||47-95||

balapramathanī paścāt sarvabhūtadamanyatha|
manonmanīti samproktāḥ śivasya pīṭhaśaktayaḥ||47-96||

pūjayed gandhapuṣpādyaiḥ pīṭhaśaktiḥ krameṇa tu|
praṇavādi namo'ntena pūjā kāryā vidhānataḥ||47-97||

punardhyātvā ca pādyārghyairāvāhya paripūjayet|
pādyamarghyamācamanīyaṃ snānīyaṃ punarācamanam||47-98||

gandhapuṣpabilvadalaiḥ pūrvāvaraṇamarcayet|
vaṃ hṛdayāya nama ityādiṣaḍaṅgapūjanam||47-99||

madhye catudīkṣu caivaṃ śeṣe vāradvayaṃ vadet|
indrādīn lokapālāṃśca pūjayitvā tato'rcayet||47-100||

vajrādīṃśca mahākāla dhūpadīpainīvedayet|
naivedyaṃ bahu kṛtvā (ca) pānārthaṃ jaladānakam101|| śarīraśodhanaṃ kṛtvā prāṇāyāmaṃ tataścaret|
japet śatatrayaṃ mantrī viśuddhaḥ śuddhacetasā||47-102||

aṣṭottaraṃ yojayitvā gajāntakasahasrakam|
athavāṣṭottaraśataṃ japtvā samarpaṇaṃ caret||47-103||

prāṇāyāmatrayaṃ kuryānnijamantra prasiddhaye|
tataḥ praṇāmamākuryāt śakticaitanyahetunā||47-104||

namo rudrāya devāya koṭisūrryendumūrttaye|
sarvāya jñānadānāya namaste śūladhāriṇe||47-105||

namaste kālarudrāya kālāya vedarūpiṇe|
vedamārgapradarśāya śatrusaṃkṣayakāriṇe||47-106||

raudrāya śaktiyuktāya śaṅkarāya namo namaḥ|
caturbhujāya vedāya mahākāśasvarūpiṇe||47-107||

varapadmaśūlakhaḍgadhāriṇe brahmaṇe namaḥ ....
rudraśaktyarcanaṃ kṛtvā mahārudreṇa saṃyutam||47-108||

maṇipūre dṛḍho yāti satyaṃ satyaṃ kuleśvara|
śaktyarccanavidhiṃ vakṣye mūlamantreṇa pūjanam||47-109||

sarvatra kārayenmantrī aṣṭaiśvaryajayāya ca|
ādau ṛṣinyāsakāryaṃ vakṣyāmi śṛṇu tattvataḥ||47-110||

śirasīha rudraśaktirmahāviṣṇupadaṃ tataḥ|
ṛṣaye nama uccārya mukhe hastaṃ niyojayet||47-111||

paṅktachandase namaśca hṛdi hastaṃ niyojayet|
mahārudrāṇīti padaṃ lākinīpadameva ca||47-112||

triśaktyante mahāvidyā devatāyai namastataḥ|
guhye oṃ padamuccārya nijabījāya te namaḥ||47-113||

sarvāṅge sakalāyaiva vajrāya kīlakāya ca|
namaḥ padaṃ samuccārya ṛṣyādinyāsameva ca||47-114||

rudravatsakalaṃ kāryaṃ karāṅganyāsakarmaṇi|
ādāvṛṣyādikanyāsaḥ karaśuddhistataḥ param||47-115||

aṅgulivyāpakanyāso hṛdādinyāsa eva ca|
rudraśaktimahāṣoḍhānyāsañca tadanantaram||47-116||

mantranyāsaṃ tataḥ kṛtvā vyāpakanyāsamācaret|
tālatrayañca digbandhaḥ prāṇāyāmastataḥ param||47-117||

dhyānaṃ kuryādviśeṣeṇa rudraśaktyā mahāprabho||47-118||

rudrāṇīṃ rudrakāntāṃ navarasajaḍitāṃ kuṅkumāśaktagātrāṃ|
lokeśīṃ ṣaḍbhujāntāṃ tribhuvanayajitāṃ koṭisaudāminībhām|
padmasthāṃ padmahastāṃ varabhayakarāṃ khaḍgaśaktiṃ dadhānāṃ|
dhyāyed raudrīṃ trinetrāṃ śavadamanaśaśiśreṇibhūṣāmalāṅgīm||47-119||

rudravat pūjanaṃ kāryaṃ rudraśaktyāśca śaṅkara|
daśopacāraiḥ pūjā vā tathā pañcopacārakaiḥ||47-120||

aṣṭādaśopacārairvā ṣoḍaśādyupacārakaiḥ|
alābhe tu prakarttavyaṃ mānasena nivedayet||47-121||

sarvatra mānasaṃ kāryaṃ koṭi koṭiguṇaṃ bhavet|
pūjāṃ samāpya vidhinā jalaṃ datvā japādike||47-122||

prāṇāyāmatrayaṃ kṛtvā japtvāṣṭottarakaṃ śatam|
sahasraṃ vā muhurjaptvā aṣṭottarasamanvitam||47-123||

japaṃ samarpayedvidvān guhyātiguhyamantrakaiḥ|
prāṇāyāmatrayaṃ paścāt kuryāt sādhakasattamaḥ||47-124||

vandanaṃ bhaktiyuktena kuryād yogādisiddhaye|
mahāraudra namaste'stu lākinyai te namo namaḥ||47-125||

śāntyai tuṣṭyai namo nityaṃ durgāyai te namo namaḥ|
rudraśaktyai namo nityaṃ maṇipūranivāsinī||47-126||

aṣṭasiddhiṃ yogasiddhiṃ dehi tubhyaṃ namo namaḥ|
sarvagranthichedikāyai parabrahmasvarūpiṇī||47-127||

māṃ rakṣa pālaya tvaṃ hi maṇipūre namo namaḥ|
praṇamya vidhinānena pūjāsamāpanañcaret||47-128||

punastatra pūjayed vai prāsādākhyaṃ mahāprabhum|
tathā mṛtyuñjayaṃ devaṃ maṇipūre prapūjayet||47-129||

prāṇāyāmādikaṃ kṛtvā śrīkaṇṭhanyāsamācaret|
pūrṇodaryādisahitaṃ kṛtvā pīṭhaṃ nyasetsudhīḥ||47-130||

pīṭhamanuṃ pravinyasya ṛṣyādinyāsamācaret|
ṛṣirasya vāsudevaḥ paṅktiśchanda udāhṛtam||47-131||

sadāśivo devatā ca aṅgulinyāsamācaret|
hāmaṅguṣṭhābhyāṃ namaḥ paścāt hrīṃ tarjanībhyāṃ tataḥ param|
khāṃ namaḥ padamante ca ṣaḍdīrghabhājayānvitam||47-132||

evaṃ karanyāsamākāryaṃ vidhānena samācaret|
śūdrastu etatparyantaṃ kāryaṃ homādikaṃ ca yat||47-133||

na kuryāt pārvatīnātha tathā strīloka ityapi|
yadi jñānī bhaved deva sa devo na tu mānuṣaḥ||47-134||

cāṇḍālādīni vā jātau sthito brāhmaṇottamaḥ|
jñānavān vādasaṃvāde vajīto nyāsamācaret||47-135||

nyāsastanmayatā buddhiḥ so'haṃbhāvena pūjayet|
sa eva jñānī paramo vedaśāstraviśāradaḥ||47-136||

nyāsapūjādikaṃ tasya sarvadā nātra saṃśayaḥ|
yāvaddehe hyahaṃbuddhistāvanmaraṇadhārakaḥ||47-137||

tadvajīto mṛtyujetā nyāsapūjādikaṃ kṛtaḥ|
ṣaḍdīrghabhājā bījena hakāreṇa sabindunā||47-138||

karayoraṃgulidvandvaṃ vinyaset saṃkrameṇa tu|
īśānādyāḥ pañcamūrttīvīnyaset sādhakottamaḥ||47-139||

tataḥ kuryānmahādeva ūdrdhvaḥ prāgdakṣiṇottare|
mukheṣu vinyasenmantrī cāṅgulibhiḥ parasparam||47-140||

tattadbījaiḥ prayatnena tattanmūrttīḥ pravinyaset|
aṅguṣṭhayoḥ śeṣabhāge hau [†] īśānāya oṃ namaḥ||47-141||

ṣaḍdīrghabhājābījena hakāreṇa sabindunā|
tatpuruṣamaghorañca vāmadevaṃ tataḥ param||47-142||

sadyojātaṃ krameṇaiva aṅgulī dve tataḥ param|
vinyasetsādhakaśreṣṭho namo'ntaṃ parameśvara||47-143||

śirovadanahṛdguhyapādeṣu vinyasetsudhīḥ|
tattadaṅgulibhiścaiva tatkrameṇa pravinyaset||47-144||

pañcamūrttīrnyasennātha tatprakāraṃ śṛṇuṣva tat|
īśānādisvabījaṃ tu prakāreṇa pravinyaset||47-145||

śūdraḥ kuryānnyāsajālametat paryantameva hi|
tata ūrdhvaprāgdakṣiṇapaścimottarasaṃmukhe||47-146||

īśānasya pañcakalā brahmaṛg vedasaṃyutāḥ|
pañcapādādikā nātha praṇavādinamo'ntikāḥ||47-147||

īśānaṃ sarvavidyānāṃ oṃ nalinyai tataḥ param|
kalāyai nama evāpi sarvatraivaṃ krameṇa tu||47-148||

īśvaraḥ sarvabhūtānāṃ tadaṅgaṃ padakaṃ tataḥ|
dayāyai kalāyai namaścāpi brahmādipadaṃ tataḥ||47-149||

oṃ brahmeṣṭadāyai cānte kalāyai nama ityapi|
tataḥ śivo'stu me padaṃ oṃ sāvitryai padaṃ vadet||47-150||

kalāyai nama evaṃ hi sadāśivo padantataḥ|
omante cāṃśumālinyai kalāyai pada ityapi||47-151||

diṅmukhe sa nyasenmantrī pūrvādikramayogataḥ|
tatpuruṣasya catasraḥ kalā nyaset sadā vaśī||47-152||

oṃ tatpuruṣāyapadaṃ vidmahe tadanantaram|
oṃ śāntyai padasyānte kalāyai nama ityapi||47-153||

mahādevāya śabdānte dhīmahīti tataḥ padam|
oṃ vidyāyai padasyānte kalāyai nama ityapi||47-154||

tanno rudraḥ padaṃ paścāt oṃ pratiṣṭhāyai padaṃ likhet|
śrī durgāyai kalāyai namaścātha pracodayāt||47-155||

oṃ nivṛtyai kalāyai ca namaḥ padaṃ samuccaret|
tato'ṣṭasthānamadhye tu aghorāṣṭakalā nyaset||47-156||

hṛdgrīvāṃ madhyagatalaṃ tathā nābhiṣu pṛṣṭhake|
tathā vakṣasi cāghorā aṣṭau kalā nyaset sudhīḥ||47-157||

aghorebhya umānte vai umāyai padamuccaret|
kalāyai nama evātha aghorebhyaḥ padaṃ vadet||47-158||

oṃ mohāyai padasyānte kalāyai nama ityapi|
aghorapadamuccārya kṣamāyai śabdamuccaret||47-159||

kalāyai nama evātha ghoratarebhya eva ca|
oṃ nidrāyai padasyānte kalāyai nama ityapi||47-160||

sarvataḥ sarvaṃ oṃ ante vyādhaye śabdamuccaret|
kalāyai nama evātha sarvebhyaḥ padamuccaret||47-161||

oṃ mṛtyave padasyānte kalāyai nama ityapi|
namaste'stu padasyānte om kṣudhāyai padaṃ vadet||47-162||

kalāyai nama evātha rudrarūpe'tha eva ca|
om kṛṣṇāyai padasyānte kalāyai nama ityapi||47-163||

vāmadevasya devasya trayodaśa kalā nyaset|
eteṣu sthānapadmeṣu tatprakāraṃ śṛṇu prabho||47-164||

guhye'ṇḍa śeṣamadhye tu ūruyugme tataḥ padam|
jānudvaye tathā jaṅghāyugale sphigdvaye tathā||47-165||

kaṭyāṃ pārśvayuge caiva krameṇa bhāvako nyaset|
ādau praṇavamuccārya tato mantraṃ smaretsudhīḥ||47-166||

vāmadevāya śabdānte namo jyeṣṭhāyaśabdataḥ||47-167||

namo rudrāya śabdānte namaḥ śabdaṃ samuccaret|
kālāya nama evānte kalavikaraṇāya ca||47-168||

namo balavikaraṇāya balapramathanāya ca|
om vāmadevāya namaḥ om vajrāya tataḥ param||47-169||

kalāyai nama evātha jyeṣṭhāya nama ityapi|
om rakṣāyai padasyānte kalāyai nama ityapi||47-170||

rudrāya nama om ratyai kalāyai nama ityapi|
kālāya nama ityante pālinyai śabdamuccaret||47-171||

kalāyai nama ityante pālinyai śabdamuccaret|
kāmāyai śabdamuccārya kalāyai nama eva hi||47-172||

vikaraṇāya namonte praṇavañcoñcaredbudhaḥ|
saṃyaminyai padānte ca kalāyai nama ityapi||47-173||

bala om śabdamuccārya krodhāyaipadamuccaret|
kalāyai nama evātha vikalāyai namastataḥ||47-174||

oṃ vṛddhyai padakasyānte kalāyai nama ityapi|
bala oṃ śabdamuccārya sthirāyai śabdamuccaret||47-175||

kalāyai nama evātha pramathanāya namastataḥ|
oṃ raudrapadasyānte kalāyai nama ityatha||47-176||

sarvabhūtadamanāya nama oṃ padamuccaret|
bhrāminyai padakasyānte kalāyai nama ityapi||47-177||

nama oṃ śabdamuccārya mohinyai padakaṃ smaret|
kalāyai nama evātha unmanāya namastataḥ||47-178||

oṃ jayāyai padasyānte kalāyai nama uccaret|
tato nyāsaṃ mahākāla sadyojātasya tāḥ kalāḥ||47-179||

sadyojātaṃ prapadyāmi om vṛddhyai padamuccaret|
kalāyai nama evātha sadyojātāya vai namaḥ||47-180||

om vṛddhyai padakasyānte kalāyai nama ityapi|
bhave pade tataḥ paścād om sadyaḥ padamuccaret||47-181||

kalāyai nama evātha abhave om tataḥ param|
om medhāyai padasyānte kalāyai nama ucyate||47-182||

tato bhajasva māṃ śabdaṃ om prajñāyai padaṃ vadet|
kalāyai nama evātha bhava om śabdamuccareta||47-183||

prabhāyai padamuccārya kalāyai nama ityapi|
tadbhavāya namaḥ paścāt om sudhāyai namastataḥ||47-184||

kalāyai nama uccārya nsasedaṣṭau kalāḥ prabhoḥ|
īśānākhyāstato nātha bhaktaḥ pañca ṛco nyaset||47-185||

pañcāṅguliṣu yogeśa kramaśaḥ kāmanāśanāt|
praṇavaṃ pūrvamuccārya tato mantraṃ smaretsudhīḥ||47-186||

īśānaḥ sarvavidyānāṃ īśvarastadanantaram|
uccaretsarvabhūtānāṃ brahmādhipatirityapi||47-187||

brahmaṇodhipatiḥ paścāt śivo me'stu sadāśivaḥ
praṇavaṃ pūrvamuccārya tatastatpuruṣāya ca||47-188||

vidmahe padataḥ paścāt mahādevāya dhīmahi|
tato rudraḥ padasyānte pracodayātpunarvadet||47-189||

praṇavaṃ pūrvamuddhṛtya tato mantraṃ smaret sudhīḥ|
aghorebhyo'tha ghorebhyo ghoraśabdaṃ samuccaret||47-190||

ghoratarebhya evānte sarvataḥ sarvaśabdakam|
sarvebhyo'nte namaste'stu rudrarūpebhya eva ca||47-191||

aṣṭau sthāneṣu caiteṣu sarvapāpanivṛttaye|
pārśvayorhastayoścaiva nāsikāyāñca mastake||47-192||

bāhuyugme mahāvīra maṇipūravibhedakaḥ|
tatprakāraṃ pravakṣye'haṃ sāvadhāno'vadhāraya||47-193||

balapramathanāya namo'nte ca sarvabhūtapadaṃ vadet|
damanāya namo'nte tu namaḥ śabdaṃ samuccaret||47-194||

unmanāya namaḥ paścāt punaḥ praṇavamuddharet|
sadyojātaṃ prapadyāmi sadyojātāya vai namaḥ||47-195||

bhave bhavenādibhave bhajasva māṃ tataḥ param
bhavodbhavāya śabdānte namo mantraṃ mudā nyaset||47-196||

aṅgulībhyāṃ samāhṛtya pañca ṛcānayā prabho
evaṃ krameṇa sannayāsaṃ kuryādeṣu sthaleṣu ca||47-197||

rmūdhnihṛdguhyapādeṣu nyasedetā ṛco mudā
tataḥ kuryānmahākāla cāṅganyāsāntaraṃ śubham||47-198||

tatprakāraṃ pravakṣyāmi sāvadhāno'vadhāraya|
vāgbhavaṃ pūrvamuccārya kāmabījaṃ tataḥ param||47-199||

vakāraṃ śatrusaṃyuktaṃ dakṣakārṇendusaṃyutam|
candrabījaṃ vāmanetrathāntavahnividhūnntam||47-200||

kevalaṃ candrabījaṃ tu savisargamanuṃ tataḥ|
sarvajñāya padasyānte hṛdayāya namaḥ padam||47-201||

amṛte padamuccārya kāmabījaṃ tataḥ padam|
tejojvālāpadaṃ māline'nte ca kḷptāya brahmaṇe'pi vasettataḥ||47-202||

svāhāntaṃ tata evātha jvalitaśikhiśabdakam|
śikhāyānādibodhāya śikhāyai vaṣaḍityatha||47-203||

vajiraṇe vajrahastāya svatantrāya padaṃ vadet|
kavacāya tāraśabdaṃ tato'nyad bījamuccaret||47-204||

nākāraṃ bindusaṃyuktaṃ vāmanetraṃ sabindukam|
paśuśabdaṃ tāramantraṃ anantaśaktaye padam||47-205||

astrāya phaḍiti procya evaṃ vinyasya yogirāṭ|
maṇipūre mano yojya dhyāyeccaitanyamuttamam||47-206||

om muktāpītapayodamauktikajavāvarṇairmukhaiḥpañcabhiḥ
tryakṣairañcitamīśamindumukuṭaṃ pūrṇendukoṭiprabham|
śūlaṃ ṭaṅkakṛpāṇavajradahanānnāgendraghaṇṭāṅkuśān|
pāśaṃ bhītiharaṃ dadhānamamitākalpojjvalāṅgaṃ bhaje||47-207||

evaṃ dhyātvā mānasopacāraiḥ sampūjya pūjakaḥ|
arghyasthāpanamākuryānnijamantrābhiśodhanam||47-208||

śaivoktapīṭhamanvantāṃ pīṭhapūjāṃ tataścaret|
punardhyātvā samāvāhya cāvāhanādimudrayā||47-209||

pañcapuṣpāñjalidānaparyantaṃ paripūjayet|
pañcapuṣpāñjaliṃ dattvā vadanārcanamācaret||47-210||

śivāvaruṇadevāṃśca pūjayettat kramaṃ śṛṇu|
eśānyāṃ pūjayedvidvān īśānāya namastataḥ||47-211||

pūrve oṃ tatpuruṣāya namaḥ śabdaṃ samuccaret|
dakṣiṇe oṃ aghorāya namaḥ śabdaṃ samuccaret||47-212||

uttare oṃ vāmaśabdaṃ devāya nama uccaret|
paścime praṇavaṃ paścāt sadyojātāya eva hi||47-213||

namo'ntaṃ pūjanaṃ kṛtvā sarvasiddhīśvaro bhavet|
īśānādicatuṣkeṣu nivṛttītyādīn prapūjayet||47-214||

praṇavānte nivṛtyai ca namaścānte tato'rcayet|
evaṃ pratiṣṭhāṃ vidyāṃ ca śāntiṃ sampūjya yatnataḥ||47-215||

praṇavādinamo'ntena caturthyantapadena ca|
yojayitvā mahāpūjāvidhau kuryāt samarpaṇam||47-216||

daśadalasya madhye tu vibhāvyāṣṭadalaṃ sudhīḥ|
tatraiva pūjanaṃ kuryāt aṣṭāṅgayogasiddhaye||47-217||

praṇavādinamo'ntena caturthyantapadena ca|
pūjayeddevadeveśaṃ gandhapuṣpākṣatādibhiḥ||47-218||

ananteśaṃ pūjayedvai tathā sūkṣmeśameva ca|
śivottameśaṃ sampūjya ekanetreśameva ca||47-219||

ekarudreśamevaṃ hi trimūrttīśaṃ tato'rcayet|
bhaktyā samarcayettatra śrīkaṇṭheśaṃ śikhaṇḍinam||47-220||

tadbāhyapatrikāgreṣu uttarādikrameṇa tu
umādyādevatāḥ pūjyāḥ praṇavādinamo'ntikāḥ||47-221||

umādevīṃ samabhyarcya tathā caṇḍeśvaraṃ tataḥ|
nandinañca mahākālaṃ gaṇeśaṃ vṛṣabhaṃ tathā||47-222||

bhṛṅgarīṭaḥ skandaputrau tadbāhye kramato'rcayet|
indrādīn lokapālāṃśca gandhadīpaiḥ samarcayet||47-223||

vajrādīṃśca krameṇaiva pūjayetsādhakottamaḥ|
dhūpadīpādinaivedyapānārthaṃ punarācamanam||47-224||

saṃhāramudrayā cordhve sthāpayedrudrarūpiṇam|
visarjanāntaṃ tatkarma utsṛṣṭapūjanādikam||47-225||

samāpya vidhinānena pūjākarma samāpayet|
pratyahaṃ mānasaṃ jāpaṃ homamarcanatarpaṇe||47-226||

vardhayet sādhakaśreṣṭho bhaktibhāvaparāyaṇaḥ|
pañcalakṣajapenāsyā puraścaraṇamiṣyate||47-227||

evaṃ dhyātvā japenmantraṃ pañcalakṣaṃ madhuplutaiḥ|
prasūnaiḥ karavīrotthairathavā juhuyāt sudhīḥ||47-228||

sarvadā mānasaṃ kāryaṃ dravyālābhe'niśaṃ caret|
taddaśāṃśaṃ prajuhuyāttaddaśāṃśañca tarpaṇam||47-229||

taddaśāṃśaṃ cābhiṣekaṃ daśāṃśaṃ viprabhojanam|
evaṃ japaṃ sādhanañca purā nārāyaṇo muniḥ||47-230||

kṛtvā sarvasattvamayaḥ śītalo yogirāḍ bhavet|
yaḥ karoti sādhanāni so'cirādamaro bhavet||47-231||

pūjānte pūjāśeṣe ca pūjāmadhyakrameṇa ca|
praṇamet sādhakaśreṣṭho varuṇāt pāpabhūpateḥ||47-232||

oṃ namaḥ paramakalyāṇa namaste viśvabhāvana
namaste pārvatīnātha umākānta namo'stu te||47-233||

viśvātmane vicintyāya guṇāya nirguṇāya ca|
dharmāya jñānamokṣāya namaste sarvayogine||47-234||

namaste kālarūpāya trailokyarakṣaṇāya ca|
golokaghātakāyaiva caṇḍeśāya namo'stu te||47-235||

sadyojātāya devāya namaste śūladhāriṇe|
kālāntāya ca kāntāya caitanyāya namo namaḥ||47-236||

kulātmakāya kaulāya candraśekhara te namaḥ|
umānātha namastubhyaṃ yogīndrāya namo namaḥ||47-237||

sarvāya sarvapūjyāya dhyānasthāya guṇātmane|
pārvatī prāṇanāthāya namaste paramātmane||47-238||

etatstotraṃ paṭhitvā ca stauti yaḥ parameśvaram|
yāti rudrakulasthānaṃ maṇipūraṃ vibhidyate||47-239||

etatstotraprapāṭhena tuṣṭo bhavati śaṅkaraḥ|
khecaratvaṃ padaṃ nityaṃ dadāti parameśvaraḥ||47-240||

tato vakṣye mahādeva mṛtyuñjayavidhānakam|
yat kṛtvā paramabrahmamayo bhavati sādhakaḥ||47-241||

mṛtyuñjayasya mantraṃ vai japate yadi mānuṣaḥ|
koṭivarṣaśataṃ sthitvā līno bhavati brahmaṇi||47-242||

sarvavyāpakarūpeṇa sa tiṣṭhati sadāśiva|
tatprakāraṃ pravakṣyāmi sāvadhāno'vadhāraya||47-243||

ādau pūjāṃ vidhānena vakṣyāmi sāranimītām|
śrīkaṇṭhasapūrṇodaryāśca nyāsaṃ cāsye samācaret||47-244||

tato hṛdayamadhye tu svahastāṅgulimudrayā|
tadvayānyasya deveśa tatprakāśaṃ pracakṣyate||47-245||

praṇavādi namo'ntena caturthyantapadena ca|
yojayitvā nyasenmantrī mantrabhāvaparāyaṇaḥ||47-246||

ādhāraśaktimevaṃ hi prakṛtitadanantaram|
kūrmamanantaṃ tatpaścāt pṛthivīṃ kṣīrasāgaram||47-247||

śvetadvīpaṃ tataḥ paścānmaṇimaṇḍapameva ca|
kalpavṛkṣe tato nātha vinyasenmaṇivedikām||47-248||

ratnasiṃhāsanaṃ tatra hṛdayāmbhojamaṇḍale|
dakṣavāmaskandhabhāge vāmorau dakṣiṇe tathā||47-249||

mukhe vāmapārśvabhāge nābhau dakṣapārśvake|
praṇavādinamo'ntena caturthyantapadena ca||47-250||

sarvatra nyāsamākuryātteṣāṃ nāma śṛṇu prabho|
krameṇa sarvaṃ karttavyaṃ kramabhaṅgo na cācaret||47-251||

dharmaṃ jñānañca vairāgyamaiśvaryaṃ tadanantaram|
adharmamapi cājñānamavairāgyaṃ tataḥ param||47-252||

anaiśvaryaṃ krameṇāpi vinyaset sādhakottamaḥ|
punarvāraṃ hṛdambhoje nyasedekamanāḥ sudhīḥ||47-253||

anantapadmamevaṃ tu aṃ sūryamaṇḍalaṃ tathā
dviṣaṭkalātmanā sārdhaṃ saṃ somamaṇḍalaṃ tathā||47-254||

ṣoḍaśakalātmānañca maṃ vahnimaṇḍalaṃ tathā
daśakalātmanā sārdhaṃ saṃ satvaṃ tadanantaram||47-255||

raṃ bījaṃ rajasaṃ tatra taṃ tamasameva ca
āṃ ātmane nyasenmantrī aṃ antarātmane namaḥ||47-256||

paṃ bījaṃ paramātmānaṃ māyājñānātmane namaḥ
ityantaṃ nyasya deveśa mantrasiddhimavāpsyasi||47-257||

maṇipūre mantrasiddhiṃ sarvasiddhimavāpnuyāt
yaḥ karoti sadā nyāsaṃ dhyānapūjāparāyaṇaḥ||47-258||

vāmāṃ jyeṣṭhāṃ tathā raudrīṃ kālīṃ kalapadādikām|
vikaraṇyāhvayā yuktā balavikaraṇīṃ tathā||47-259||

balapramathinīṃ caiva nyaset sādhakasattamaḥ|
tataḥ sarvabhūtadamanīṃ manonmanīṃ tato nyaset||47-260||

tadupari nyasennātha oṃ namo bhagavate padam|
sakalaguṇātmanaḥ śaktiṃ cānte yuktāya padamāvadet||47-261||

anantāya padasyānte yogapīṭhātmane padam|
namo'nto'yaṃ mahāmantraḥ sarvopari nyasetsudhīḥ||47-262||

tato nātha samākuryāt sādhako gatabhīḥ svayam|
ṛṣyādinyāsamākuryāt tatprakāraṃ śṛṇu prabho||47-263||

śirasi padamuccārya kahoḍaṛṣaye namaḥ|
tadupari tato nātha mahāviṣṇupadaṃ vadet||47-264||

ṛṣaye nama ityuktvā mukhe devīpadaṃ vadet|
gāyatrīcchandase paścānnamaḥ śabdaṃ samuccaret||47-265||

hṛdi mṛtyuñjayāyaivaṃ daivatāyai namaḥ padam|
ṛṣiḥ kahoḍo devyāśca gāyatrīcchanda īritam||47-266||

mṛtyuñjayo mahādevo devatāsya prakītītā|
karāṅganyāsakau kuryāt ṣaḍdīrghabhājayā saha||47-267||

sakāreṇa mahākāla tatprakāraṃ śṛṇu prabho|
sāmaṅguṣṭhābhyāṃ cānte ca namaḥ śabdaṃ krameṇa tu||47-268||

evaṃ karāṅgulīnyāsaṃ kuryādeva mahāprabho|
ṣaḍdīrghabhājā mantreṇa sakāreṇa sabindunā||47-269||

karāṅganyāsamākuryāt kulatantrakrameṇa tu|
tato dhyānaṃ samākuryāt śubhabhāvaparāyaṇaḥ||47-270||

indvarkānalalocanaṃ smitamukhaṃ padmadvayāntāspadaṃ|
mudrāpāśamṛgākṣasūtravilasatpāṇiṃ himāṃśucchavim|
koṭīrendugalatsudhāplutatanuṃ hārādibhūṣojjvalaṃ|
kāntyā viśvavimohanaṃ paśupatiṃ mṛtyuñjayaṃ bhāvaye||47-271||

evaṃ dhyātvā mānasopacāradravyaiḥ prapūjayet|
arghyasthāpanamākṛtya tattanmantreṇa sādhakaḥ||47-272||

pūjayetpīṭhamanvantā tattanmantreṇa sādhakaḥ|
punardhyātvā samāvāhya mūlamantreṇa mantravit||47-273||

pādyādibhiḥ pūjayedvai gandhapuṣpādiśobhitaiḥ|
pañcapuṣpāñjaliṃ datvā parivārān prapūjayet||47-274||

keśareṣvagninirṛtivāyvīśāneṣu pūjayet|
madhye dikṣu ca tanmadhye sā bījaṃ tatra coccaret||47-275||

hṛdayāya namaścānte sīṃ bījaṃ tadanantaram|
śirase svāhayā sārdhaṃ su bījaṃ tadanantaram||47-276||

śikhāyai vaṣaḍityādi saiṃ bījaṃ tadanantaram|
kavacāya padasyānte tārabījaṃ samuccaret||47-277||

soṃ bījaṃ pūrvamuccārya netratrayāya ityapi|
vauṣaḍādimadhyapadaṃ catudīkṣu tataḥ param||47-278||

saścānte'strāya śabdānte phaḍityeva samarcayet|
ṣaḍaṅgāni pūjayitvā tadbahiḥ pratipūjayet||47-279||

indrādīṃllokapālāṃśca vajrādīṃśca tathā prabho|
dhūpadīpādinaivedyapānādīni pradāpayet||47-280||

vidhinā vādanaṃ kuryānmṛtyuñjayasutoṣaṇāt|
visarjanāntaṃ yatkarma samāpya vidhināmunā||47-281||

saṃhāramudrayā caiva hṛdaye cānayed budhaḥ|
prasannahṛdayo bhūtvā caraṇodakamāpibet||47-282||

etanmātreṇa deveśa sarvasiddhiṃ samāpnuyāt|
pibāmi caraṇadvandvāmbhojaniḥsṛtakaṃ bhaje||47-283||

amaratvaṃ sadā dehi mṛtyuñjaya namo'stute||47-284||

iti śrīrudrayāmale uttaratantre mantraprakāśo nāma saptacatvāriṃśaḥ paṭalaḥ||47||

Kapitel 48

athāṣṭacattvāriṃśaḥ paṭalaḥ

ānandabhairava uvāca śrutaṃ ca sādhanaṃ puṇyaṃ mahārudrasya sundari|
maṇipūre prakāśañca kathitaṃ jñānanirṇayam||48-1||

akasmāt siddhisampattiṃ nutiṃ vada mahāpirayām|
yasya śravaṇamātreṇa pāṭhena yoginīvaśam||48-2||

śrīānandabhairavī uvāca paramānandadeveśa yogānāmadhipa prabho|
stotraṃ rudrasya vakṣyāmi sārātsāraṃ parātparam||48-3||

yajjñātvā yoginaḥ sarve ṣaṭcakraparibhedakāḥ|
ākāśagāminaḥ sarve rsvagamokṣābhilāṣukāḥ||48-4||

mahādevasamāḥ sarve devāśca svargabhoginaḥ|
sarvarakṣākaraṃ stotraṃ ye paṭhanti nirantaram||48-5||

te yānti brahmasadanaṃ siddhamukhyā mahītale||48-6||

oṃ bhajāmi śambhuṃ sukhamokṣahetuṃ|
rudraṃ mahāśaktisamākulāṅgam|
raudrātmakaṃ cāruhimāṃśuśekharaṃ|
kālaṃ gaṇeśaṃ sumukhāya śaṅkaram||48-7||

mṛtyuñjayaṃ jīvanarakṣakaṃ paraṃ|
śivaṃ parabrahmaśarīramaṅgalam|
himāṃśukoṭicchavimādadhānaṃ|
bhajāmi padmadvayamadhyasaṃsthitam||48-8||

sarvātmakaṃ kāmavināśamūlaṃ|
taṃ candracūḍaṃ maṇipūravāsinam|
caturbhujaṃ jñānasamudrayāḍhyaṃ|
pāśaṃ mṛgākṣaṃ guṇasūtravyāptam||48-9||

dharāmayaṃ tejasamindukoṭiṃ|
vāyuṃ jaleśaṃ gaganātmakaṃ param|
bhajāmi rudraṃ kulalākinīgataṃ|
sarvāṅgayogaṃ jayadaṃ sureśvaram||48-10||

śukraṃ mahābhīmanayaṃ purāṇaṃ|
prāṇātmakaṃ vyāghivināśamūlam|
yajñātmakaṃ kāmanivāraṇaṃ guruṃ|
bhajāmi viśveśvaraśaṅkaraṃ śivam||48-11||

vedāgamānāmatimūladeśaṃ|
tadudbhavaṃ bhadrahitaṃ parāparam|
kālāntakaṃ brahmasanātanapirayaṃ|
bhajāmi śambhuṃ gaganādirūḍham||48-12||

śivāgamaṃ śabdamayaṃ vibhākaram|
bhāsvatpracaṇḍānalavigrahaṃ graham|
grahasthitaṃ jñānakaraṃ karālam
bhajāmi śambhuṃ prakṛtīśvaraṃ haram||48-13||

chāyākaraṃ yogakaraṃ sukhendraṃ|
mattaṃ mahāmattakulotsavāḍhyam|
yogeśvaraṃ yogakalānidhiṃ vidhiṃ|
vidhānavaktāramahaṃ bhajāmi||48-14||

hemācalālaṅkṛtaśuddhaveśaṃ|
varābhayādānanidānamūlam|
bhajāmi kāntaṃ vanamālaśobhitaṃ|
cāmūlapadmāmalamālinaṃ kulam||48-15||

svayaṃ purāṇaṃ puruṣeśvaraṃ guruṃ|
mithyābhayāhlādavibhāvinaṃ bhaje|
bhāvapirayaṃ premakalādharaṃ śivaṃ|
girīśvaraṃ cārupadāravindam||48-16||

dhyānapirayaṃ jñānagabhīrayogaṃ|
bhāgyāspadaṃ bhāgyasamaṃ sulakṣaṇam|
śūlāyudhaṃ śūlavibhūṣitāṅgaṃ|
śrīśaṅkaraṃ mokṣaphalakriyaṃ bhaje||48-17||

namo namo rudragaṇebhya evaṃ|
mṛtyuñjayebhyaḥ kulacañcalebhyaḥ|
śaktipirayebhyo vijayādibhūtaye|
śivāya dhanyāya namo namaste||48-18||

bāhyaṃ triśūlaṃ varasūkṣmabhāvaṃ|
viśālanetraṃ tanumadhyagāminam|
mahāvipad duḥkhavināśabījaṃ|
prajñādayākāntikaraṃ bhajāmi||48-19||

purāntakaṃ pūrṇaśarīriṇaṃ guruṃ|
smarārimādyaṃ nijatarkamārgam|
anādidevaṃ divi doṣaghātinam|
bhajāmi pañcākṣarapuṇyasādhanam||48-20||

digagbaraṃ padmamukhaṃ karasthaṃ|
sthitikriyāyoganiyojanaṃ bhavam|
bhāvātmakaṃ bhadraśarīriṇaṃ śivaṃ|
bhajāmi pañcānanamarkavarṇam||48-21||

māyāmayaṃ paṅkajadāmakomalaṃ|
digvyāpinaṃ daṇḍadharaṃ hareśvaram|
tripakṣakaṃ tryakṣarabījabhāvaṃ|
tripadmamūlaṃ triguṇaṃ bhajāmi||48-22||

vidyādharaṃ vedavidhānakāryaṃ|
kāyāgataṃ nītaninādatoṣam|
nityaṃ caturvargaphalādimūlaṃ|
vedādisūtraṃ praṇamāmi yogam||48-23||

vedāntavedyaṃ kulaśāstravijñaṃ|
kriyāmayaṃ yogasvadharmadānam|
bhakteśvaraṃ bhaktiparāyaṇaṃ varaṃ|
bhaktaṃ mahābuddhikaraṃ bhajāmyaham||48-24||

gatāgataṃ gamyamagamyabhāvaṃ|
samullasatkoṭikalāvataṃsam|
bhāvātmakaṃ bhāvamayaṃ sukhāsukhaṃ|
bhajāmi bhargaṃ prathamāruṇaprabham||48-25||

bindusvarūpaṃ parivādavādinaṃ|
madhyāhnasūryāyutasannibhaṃ navam|
vibhūtidānaṃ nijadānadānaṃ|
dānātmakaṃ taṃ praṇamāmi devam||48-26||

kumbhāpahaṃ śatrunikumbhaghātinaṃ|
daityārimīśaṃ kulakāminīśam|
prītyānvitaṃ cintyamacintyabhāvaṃ|
prabhākarāhlādamahaṃ bhajāmi||48-27||

trimūttīmūlāya jayāya śambhave|
hitāya lokasya vapurdharāya|
namo bhayācchinnavighātine pate|
namo namo viśvaśarīradhāriṇe||48-28||

tapaḥphalāya prakṛtigrahāya|
guṇātmane siddhikarāya yogine|
namaḥ prasiddhāya dayāturāya|
vāñchāphalotsāhavivardhanāya te||48-29||

śivamamaramahāntaṃ pūrṇayogāśrayantaṃ|
dharaṇidharakarābjairvardhamānaṃ trisargam|
visama maraṇaghātaṃ mṛtyupūjyaṃ janeśaṃ|
vidhigaṇapatisevyaṃ pūjaye bhāvayāmi||48-30||

etatstotraṃ paṭhed vidvān muniryogaparāyaṇaḥ|
nityaṃ jagannāthaguruṃ bhāvayitvā punaḥ punaḥ||48-31||

maṇipūre vāyuniṣṭho nityaṃ stotraṃ paṭhed yadi|
jīvanmuktaśca dehānte paraṃ nirvāṇamāpnuyāt||48-32||

iti śrīrudrayāmale uttaratantre mahātantroddīpane rudramṛtyuñjayastavanaṃ|nāma aṣṭacatvāriṃśattamaḥ paṭalaḥ||48||

Kapitel 49

athaikonapañcāśattamaḥ paṭalaḥ

ānandabhairavī uvāca ṣaṭcakrabhedanārthāya sarvasiddhasusiddhaye|
vakṣyāmi lākinīdevīstotraṃ paramadurlabham||49-1||

yatpāṭhādatisantoṣaṃ prāpnoti yatirīśvara|
tatkriyāsārasampannaṃ stavanaṃ lākinīpirayam||49-2||

asya śrīlākinīstotrasya mahāviṣṇukahoḍaṛṣirgāyatrīcchando mahāsiddhidamṛtyuñjaya-- mahārudra
lākinī sarasvatīdevatā maṇipūrabhedane
jape viniyogaḥ|| om bījākṣaramūtīmātī hariṇīmāryāṃ jayāṃ buddhidāṃ|
dīnānāmaparādhakoṭihananīṃ saṃjñāmaṇiṃ yoginām|
tvāmādyāmanurāgiṇīṃ guṇagaṇāmodaikahetusthalāṃ|
sthityantaḥkṛtakautukīma varade vande mudā lākinīm||49-3||

herambārcanasiddhidādvayagatā koṭiprabhā bhāskarā
sākārā kiraṇojjvalā sukhamayī vedadhvaniprāṇinī|
kopāko pitalakṣaṇā tarutarākalpāśayā saṃśayā
kṛtvaivaṃ varavaṇīnī samavatu śrīlākinī kaṅkinī||49-4||

keyūrāmalahāramālaśubhagā vīrāsanā sthāyinī
bhāryā rudrapateḥ pravālavimalā vaktrotpala sragdharā|
mātā yogavatāṃ satī parā parapadā mādhvīrasācchāditā|
tvaṃ māṃ pāhi kṛpāmayī yamagataṃ mṛtyuñjaye śrīdhare||49-5||

ākāṅkṣīkulasaṅkhyakā kṣayakarī śatruprabhāderdayā|
bhaktānāmatiduḥkhahā śaśimukhī yonyānanā kāmukī|
kāmasthānamakāmadoṣaśatakaṃ śīghraṃ tvalakṣemadā|
jīvanmuktipadaṃ vidhehi samare sargadruhasya pirayam||49-6||

tvaṃ pañcānanapūjitā tvamaśitā tvaṃ bālavidyāgati--|
stvaṃ satyaṃ kavitāsu vākyakavitā tvaṃ kevalānandadā|
tvaṃ lākṣāruṇarūpiṇī tvamavarā tvaṃ liṅgasaṃhāriṇī|
tvaṃ sākṣādamṛtapradā tvamajarā tvaṃ lākinī pātu mām||49-7||

nānāmaṅgaladharmarājyajaḍitā saṃskārabodhāśrayā|
liṅgasthācalaputrikā navagṛhe saṅkāmayantī śivā|
me liṅgopari rudranātha vipathavyābhedanaṃ saṅgamaṃ|
śīghraṃ kāraya devi mokṣaturikaṃ koṭīva candrojjvalā||49-8||

candrābhāsakalāśrayā śrayati yā śabdacchaṭā yā samā|
māyā mohabhidā dayā dayati yā kṛṣṇakriyā mohinī|
lakṣmīrnīlakalevarāmalamaṇeḥ pūrvaṃ sadā rakṣatu|
śrīvidyā bhayadāyinī tvamapi sā me nābhimūlodayā||49-9||

mātrā mudrāmanananilayā mālinī mantravidyā|
viśveśānī śayanarahitā śītavātātapasthā|
satyāsatyā vacanabhavagā gauri mātā tvameva|
prāṇān rakṣa prathamakiraṇāmāśraye tvāmanantām||49-10||

siddhāsiddhā śaśiravikalā kevalāmbhojasaṃsthā|
sthityānandā nayanasvacalāmbhojamadhyaprakāśā|
nityaṃ śraddhāgatipathakarā kartrī kāmānahartrī|
nādyastotraṃ bhaja bhaja bhaje tvāmanantāṃ svarūpe||49-11||

pītāpītā pavanagamanā dhāraṇadhyānayogā|
kālākālā kalikulakalā niṣkalā jñānarūpā|
kṛṣṇānandā madanakuharā kekarā śaṅkarī vā|
tvaṃ śrīghātrī dhavalakamalaṃ nābhimūle pravakṣye||49-12||

śvetā śvetāruṇaśatakarā bhāvanājñānasiddhiḥ|
prītāprītā paramagahanā cāruṇāmānanāyāḥ|
tvaṃ sā vidyā vidhibudhavarā dhāraṇājñānagamyā|
ramyāramyā ramaṇaniratā nīradā pātu nābhim||49-13||

mandodbandhapirayavadhulatā nīravānāvahantrī|
kṣetrākṣetrā paracaragatā bhuktimuktiprakāśā|
kaulākaulājñāpitanayanā gañjanā vātamugdhā|
mugdhāmugdhāmatidhanapaternābhisaṃsthe'vanābhim||49-14||

haṃsī siṃhāsanagatapadā cakravidyā susūkṣmā|
śrīvidyā tvaṃ navavilacarā sundarī raktavarṇā|
svarṇāmbhojopari śubhamanā cakramadhye pratiṣṭhā
sarvā varṇā parijanadayānābhipadmaṃ ca rakṣā||49-15||

brahmānandā nṛpagaṇamahāpūjayā śobhitāṅgī|
śrīśrīvidyāsakalavibhavā bhāvanīyā mahendraiḥ|
siddhasthāne maṇimayagṛhe mūlasiṃhāsanasthā|
padme cāṣṭānvitayugadale nābhimūle mamāva||49-16||

yogajñānaṃ dvividhavibhavaṃ vedavidyāprakāśaṃ|
me cāṣṭāṅgaṃ samavatu mudā ṣoḍaśī bhairavasthā|
candrolkā tvaṃ bhavabhayaharā śokatāpāpahantrī|
nābhāvabje udayati suro yastamīśe prarakṣa||49-17||

saṃśiṣṭā tvaṃ virata karuṇe śītale śītaśaile|
sākṣādanyapracayavacanā pārvaṇā parvapūrā|
vidyutpūraṃ samasukhamayaṃ pāhi pañcānanā yā|
tvaṃ sā devī śubhamaṇigṛhe śītalatvaṃ vidhehi||49-18||

chandogānāṃ sakalaviṣayacchedinī cārṇamātā
mālā lākṣaruṇakiraṇabhā gopapūjyā girījyā|
mātastvaṃ me svamaṇibhavanaṃ pāhi sūkṣmā bhavānī|
vānasthānāśraya jaya karācāṅgirā cānnapūrṇā||49-19||

candrollāsā'vayavasukhadā dīrghakeśī viśālā|
tvaṃ mātaṅgī janani jagatāṃ bālikā vipracaṇḍā|
jyotsnājāle udayati sadā raktabhāṣaprabhāsā|
tvaṃ me rudra hariharatanuṃ nābhimūle prarakṣa||49-20||

vāṇīnāmnā racayati vacaḥ sundarī varṇanasthā|
sthityantasthā calatanudharā dhāmasandhāmarā sā|
bodhānandaprakṛtitanubhirvyāpinī jñānamugdhā|
mātastvaṃ me maṇidalagṛhaṃ pāhi sarvāṅgavidye||49-21||

vidyā caṇḍāmalasitasṛjā candanāliptadehā|
viśveśāni bhagavati śive tvaṃ kṣayāmogharūpā|
jāyā śambhorjaṭilaśivagatā mokṣadā mānasaṃsthā|
cittaṃ śubhraṃ kuru viṣayachedanaṃ chedini tvam||49-22||

maṇimayakulagehe koṭividyutprakāśe'--
bhayavaramapi dehi kodhavidye mayi tvam|
sakalasukhavibhogaṃ pālaya prāṇarūpaṃ|
caraṇatalavilagnaṃ māmanāthaṃ pareśi||49-23||

bhuvanagahanahetoḥ kāyasargā vināste|
vidhimakhasuranāthaṃ mānuṣādi trisargam|
mama maṇikulapadme nityarūpābhidhānaṃ|
jayati khalu tadānīṃ stotrasāraprakāram||49-24||

bhavatu caraṇapadme lākinī devakanye|
viracaya manuśāstraṃ siddhamantraprakāram|
vaha vaha bhavabhāvaṃ trāhi māṃ candragehe|
kaṭhinahṛdayanāśaṃ śaṅkari tvaṃ kuruṣva||49-25||

kamalavanasamīpe vanyamadhye'tiguhye
viṣayaviṣayināśaṃ kaulike tvaṃ vikṛtya|
bhavanijamaṇipīṭhe sthāpayitvā nidānaṃ|
hara haradayite tvaṃ doṣaṣaṭkaṃ vivādam||49-26||

ghore sāndrāndhakāre mama nijakuladṛgdānakatrī prasanne|
vāñchākalpadrumasthā tvamiha kuśaladā dāyabhāgāvibhāgā|
tvaṃ kālī nandinīsthā nayakaruṇaghaṭā madhyagā māghakā tvaṃ|
bhīmā bhītyāpahantrī harapadanayano lākinī nābhimāva||49-27||

etatstotraṃ paṭhed vidvān yogajñānī nirāśrayaḥ|
mahāsukhagato vīro vibhavāyāmṛtāya ca||49-28||

bhogamokṣau kare tasya caihike yogirāḍ bhavet|
pare yāti mahādevī pādapadme na saṃśayaḥ||49-29||

ehike cirajīvitvaṃ dadāti kāmadāyinī|
maṇipūre sthito yāti kulamārgaprasādataḥ||49-30||

kulamārgeṇa yatsthānaṃ layaṃ viśveśvarīpadam|
tallayā maṇipūrasthā devatā paśyati dhruvam||49-31||

pūjānte prapaṭhet stotraṃ bhaktibhāvaparāyaṇaḥ|
śīghrameva hi yogī syāt kulamārgaprasādataḥ||49-32||

iti śrīrudrayāmale uttaratantre lākinīśastavanaṃ nāma ekonapañcāśattamaḥ paṭalaḥ||49||

Kapitel 50

atha pañcāśattamaḥ paṭalaḥ

ānandabhairavī uvāca nātha kānta pravakṣyāmi siddhasādhanamuttamam|
yena sādhanamātreṇa naro yogī bhaved dhruvam||50-1||

trivīraṃ trividhaṃ proktamuttamādhamamadhyamam|
tatraiva trividhaṃ saṅgamūrdhvapātālabhūtalam||50-2||

sapta ūrdhvaṃ tathā nātha sapta bhūtalameva ca|
sapta pātālamevaṃ hi saptatrisaptasaṃkhyakam||50-3||

tanmadhye trividhaṃ bhāvaṃ divyavīrapaśukramam|
divi tiṣṭhanti devāśca vīrāstiṣṭhanti bhūtale||50-4||

paśavaḥ santi pātāle kramaśaḥ kramaśaḥ prabho|
sarvatra triguṇacchannaṃ sattvarajastamādikam||50-5||

sattvaguṇaṃ svargamadhye sarve viṣṇuparāyaṇāḥ|
tadā sarve dṛḍhāḥ svarge bhūtale ca rajoguṇam||50-6||

brahmasevāparāḥ sarve brahmajñānina eva ca|
pātāle śivasevāśca śivarūpiṇa eva ca||50-7||

tamoguṇāt paśorbhāvaṃ tamodṛṣṭiṃ samāpya ca|
tato vihāya tajjñānaṃ vīro bhavati sādhakaḥ||50-8||

vīrabhāve jñānadṛṣṭiṃ brahmasiddhiṃ samāpya ca|
devatā bhavati kṣipraṃ sattve nirmalabhāvake||50-9||

sthiro bhūtvā mahādevo bhavatyeva krameṇa tu|
ākāśagāminī siddhiḥ kramaśo bhavati dhruvam||50-10||

mūlādhārasya cādho vai pātālatalavāsinaḥ|
tadūrdhve brahmaloke tu bhūtalādinivāsinaḥ||50-11||

tadūrdhve sattvanilayaṃ svādhiṣṭhānaṃ hi daivatam
vidhividyāprakāśaśca varadevasya sampadam||50-12||

tadūrdhve sarvarūpañca sarvajñānāśrayaṃ param|
parasthānaṃ mahādeva maṇipūraṃ manoharam||50-13||

rudraśaktyātmakaṃ cakraṃ śrīvidyācakramaṇḍalam|
lākinī paramā māyā mahārudreṇa sevitā||50-14||

maṇipūraprakāśāya rudraśaktivībhāti ca|
sarvajñānānandamayaṃ sarvasiddhiprakārakam||50-15||

mahāsūkṣmaśabdamayaṃ kuṇḍalaṃ jñānasādhanam|
yasyāḥ sādhanamātreṇa yogī bhavati bhairava||50-16||

prakāra eva sevāyāṃ mahāsiddhīśvaro bhavet|
sarve ca paśavaḥ santi talavad bhūtale narāḥ||50-17||

teṣāṃ jñānaprakāśāya vīrabhāvaḥ prakāśitaḥ|
vīrabhāvaṃ mudā prāpya krameṇa devatā bhavet||50-18||

yatkāle vīrabhāvādisiddhiṃ prāpnoti mānavaḥ|
tatkālanirṇayaṃ vakṣye vīrāddevatvamāpnuyāt||50-19||

māsenākaṣīṇī siddhirmāsena vākpatirbhavet|
māsatrayeṇa saṃyogājjāyate suravallabhaḥ||50-20||

evaṃ catuṣṭaye māsi bhaved dikpālagocaraḥ|
pañcame pañcabāṇaḥ syāt ṣaṣṭhe rudro na saṃśayaḥ||50-21||

vīrabhāvaṃ samāśritya sarvadā yogamāśrayet|
paśoradhīnaṃ deveśa vīrabhāvaṃ manoharam||50-22||

vīrādhīnaṃ divyabhāvaṃ divyena rudratarpaṇam|
rudradarśanamātreṇa jīvanmukto bhaved dhruvam||50-23||

jīvanmuktipadaṃ prāpya kinna sidhyati bhūtale|
manoniveśamākṛtya paśubhāvāśrito naraḥ||50-24||

vīrabhāvaṃ samāśritya cādau yogaṃ samāśrayet|
sarvadā cābhyased yogaṃ mantranyāsaparāyaṇaḥ||50-25||

yogasiddhiṃ jñānasiddhiṃ mokṣasiddhiṃ tataḥ param|
yadi mokṣamihecchanti paśavaḥ śāstramohitāḥ||50-26||

samajñānaṃ vīrabhāvamāśritya yogamāpnuyāt|
yogābhyāsasya cādye ca śarīraṃ pariśodhayet||50-27||

ādau pañcāmarāḥ kāryāḥ sarvakāryanirāśrayāḥ|
kevalaṃ yogamāśritya sadā pañcāmarā bhavet||50-28||

dviprakāraṃ mahākāla pañcāmarābhidhānakam|
netī dantī tathā dhautī neulī kṣālanaṃ tathā||50-29||

ekaprakāramevaṃ hi kathitaṃ parameśvara|
dantī netī tathā dhauti neulī kṣālanakramāt||50-30||

evaṃ vā nityamākuryād yogasiddhisamṛddhaye|
pañcāmarāsādhanādikāle kuryānnijakriyām||50-31||

oṣadhī pañcamaṃ grāhyaṃ pañcayogasusiddhaye|
bilvapatraṃ jayāpatraṃ tulasīśyāmapatrakam||50-32||

nirguṇḍīpatramevaṃ tu dūrvāgranthirasena ca|
eṣāṃ prakṛtināmāni vakṣyāmi śṛṇu śaṅkara||50-33||

amarā bilvapatraṃ tu cāmarā vijayādalam|
amaralatā granthidūrvā nirguṇḍī cāmareśvarī||50-34||

amarā śyāmatulasī pañcāmarāstarūdbhavāḥ|
kathitā yogasiddhyarthe tatpramāṇaṃ kramāt śṛṇu||50-35||

pañcatolakamānaṃ tu vijayāpatrameva ca|
anyeṣāṃ tolakaṃ caikaṃ saṃśodhya bhakṣaṇaṃ caret||50-36||

etadbhakṣaṇamātreṇa pañcayoge jayī bhavet|
punasteṣāṃ mahākāla manuṃ vakṣyāmi tattvataḥ||50-37||

sakalaṃ cāmarāyogaṃ mantreṇānena bhakṣayet|
tātadvayaṃ samuddhṛtya ṛyugaṃ tadanantaram||50-38||

visargabindusaṃyuktaṃ tatpaścādamṛtāmukhi|
maraṇaṃ mārayadvandvaṃ yogasiddhiṃ tataḥ param||50-39||

dehi dehi padasyānte svāhāntaṃ mantramuttamam|
etanmantreṇa cotpāṭya mantrayitvā prabhakṣayet||50-40||

etatkāṇḍasya mantraṃ tu tatraiva pariyojayet|
nirguṇḍīmantrarājaṃ tu śṛṇu vakṣyāmi bhairava||50-41||

kāmabījatrayaṃ paścāt kālībījatrayaṃ tathā|
sarvayogaṃ tataḥ paścāt sādhayadvayameva ca||50-42||

amṛtatvaṃ mayi śaktaṃ samarpayadvayaṃ tataḥ|
svāhāntamanunā cātha cotpāṭya bhakṣaṇaṃ caret||50-43||

bilvapatraṃ pragṛhṇīyāttanmantraṃ śṛṇu bhairava|
lajjābījaṃ kāmabījaṃ śaktibījaṃ tataḥ param||50-44||

brahmabījaṃ tataḥ paścād gaurasundari cāvadet|
māṃ sthāpaya mahāyoge pālayadvayameva ca||50-45||

śaṅkarapremagalite svāhāntaṃ mantramuccaret|
tulasīpatraṃ saṃśodhya cotpāṭya manunā'munā||50-46||

viṣṇupiraye mahāmāye śivayogaprasādhini|
māyācchedaṃ tataḥ paścāt saṃsāraṃ hārayadvayam||50-47||

amaratvaṃ dehi dehi svāhāntaṃ praṇavādikam|
śṛṇu śrīvijayāpatraśodhanaṃ hi catuvīdham||50-48||

caturvarṇaṃ svamantreṇa pariśodhya kulākulam|
tatkramaṃ parivakṣyāmi sāvadhānā'vadhāraya||50-49||

praṇavaṃ pūrvamuccārya devībījaṃ tataḥ param|
svāhāntaṃ mantramuddhṛtya saṃśodhya bhakṣayet sudhīḥ||50-50||

ekīkṛtya mahādeva caitanmantreṇa mantrayet|
amṛte'mṛtaśabdānte tadbhave padaṃ tataḥ||50-51||

śrībījaṃ manmathaṃ bījaṃ lajjābījadvayaṃ kramāt|
krameṇa ca samuddhṛtya vijaye jñānasundari||50-52||

yogamokṣaprade paścāt kāyaśodhini pāvani|
mama paścāt kāyasiddhiṃ dehi dehi tataḥ param||50-53||

amṛtavaṣīṇi śabdānte amṛtaṃ tadanantaram|
ākarṣayadvayaṃ paścāt siddhiṃ dehyanalapiraye||50-54||

etanmantreṇa saṃśodhya sāvadhānena bhakṣayet|
nyūnādhikaṃ na kartavyaṃ śanairabhyāsamācaret||50-55||

yāvat pramāṇabhakṣaḥ syāt pramāṇe cādhikaṃ na ca|
etadbhojanamākṛtya payaḥ pānaṃ samācaret||50-56||

tatprakāraṃ śṛṇu prāṇanātha īśvara śaṅkara|
marīcabījaṃ saṃśodhya dugdhaśodhanamācaret||50-57||

etatprakāraṃ dvividhaṃ tatprakāraṃ vadāmyaham|
vāñchākalpatarormūle guruṃ dhyātvā punaḥ punaḥ||50-58||

mānasopacāradravyaiḥ pūjayitvā vidhānataḥ|
marīcaṃ tolakārdhaṃ tu śodhayenmanunāmunā||50-59||

śrīkṛṣṇabījamuddhṛtya pṛthvībījatrayaṃ tathā|
ghoraghoratare paścānmarīcakulasundari||50-60||

nīlā tvaṃ bhava dehe me śarīraṃ śodhayadvayam|
dviṭhānto'yaṃ manuḥ proktastatpaścād dugdhaśodhanam||50-61||

ādau marīcaṃ bhuktvā tu dugdhapānaṃ mahābalam|
carvayitvā marīcaṃ tu dugdhapānaṃ mahābalam||50-62||

kṛṣṇabījaṃ samuddhṛtya kāmeśvarīmanuṃ tataḥ|
śivabījadvayaṃ paścāt kṛṣṇagovasavāsinī||50-63||

yogavigrahamuddhṛtya mama kāmaprasādhini|
tatpaścād yogasiddhīnāmīśvari kṣetravāsini||50-64||

śarīraṃ vasamante ca cālayadvayameva ca|
vighnān vārayayugmaṃ tu svāhānto'yaṃ mahāmanuḥ||50-65||

dvādaśavāramuccārya cāthavā pañcavārakam|
vāratrayaṃ mudā śodhya sarvatrāyaṃ vidhiḥ smṛtaḥ||50-66||

yadi pibet khecaratvaṃ tathā dugdhaṃ dvipādakam|
yadi cet kevalaṃ dugdhaṃ tadā prasthaṃ caturdaśa||50-67||

laghvāhārī mahājñānī pañcamādi virāgavit|
maṇipūre manoyogaṃ samākṛtyāmaro bhavet||50-68||

caturvargaḥ kare tasya yo maṇeḥ pīṭhamāśrayet|
śrīānandabhairava uvāca maṇipūrabhedanārthaṃ manoyogasusiddhaye||50-69||

khecarādimahāyogasiddhaye sarvasiddhaye|
mṛtyuñjayasya devasya rudraśaktyāśca darśanāt||50-70||

tathā pīṭhasthirārthāya kālajālavaśāya ca|
sahasranāmabījāni cāṣṭottaraśatāni ca||50-71||

mṛtyuñjayasya lākinyāḥ stotraṃ makārakūṭakam|
kathayasva varārohe yadi sneho'sti māṃ prati||50-72||

jñānade parameśāni śarīraṃ mama rakṣatu||50-73||

iti śrīrudrayāmale uttaratantre mahātantroddīpane siddhamantraprakaraṇa bhairavabhairavīsaṃvāde maṇibhedaprakāśo nāma pañcāśattamaḥ paṭalaḥ||50||

Kapitel 51

athaikapañcāśattamaḥ paṭalaḥ

ānandabhairavī uvāca atha sambhedanārrthāya vakṣye ṣaṭpaṅkajasya ca|
mahārudrasya devasya śrī śrīmṛtyuñjayasya ca||51-1||

lākinī śaktisahitaṃ sahasranāmamaṅgalam|
aṣṭottaraśatavyāptaṃ nigūḍhaṃ bhava siddhaye||51-2||

dhārayitvā paṭhitvā ca śrutvā vā nāmamaṅgalam|
śṛṇuṣva paramānanda yogendra candraśekhara||51-3||

tavāhlādapraṇayanāt sarvasampattiprāptaye|
maṇiyogasusiddhyarthaṃ sāvadhānā'vadhāraya||51-4||

aṣṭottarasahasranāmamaṅgalasya kahoḍa ṛṣirgāyatrīcchando mahārudramṛtyuñjayalākinī-- sarasvatīdevatā
sarvābhīṣṭaśacīpīṭhayogasiddhyarthe viniyogaḥ|

oṃ mṛtyuñjaya rudrādi lākinyādi sarasvatī|
mṛtyujetā mahāraudrī mahārudrasarasvatī||51-5||

mahāraudro mṛtyuharo mahāmaṇivibhūṣitā|
mahādevo mahāvaktro mahāmāyā maheśvarī||51-6||

mahāvīro mahākālo mahācaṇḍeśvarī snuṣā|
mahāvāto mahābhedo vīrabhadrā mahāturā||51-7||

mahācaṇḍeśvaro mīno maṇipūraprakāśikā|
mahāmatto mahārātro mahāvīrāsanasthitā||51-8||

māyāvī mārahantā ca mātaṅgī maṅgaleśvarī|
mṛtyuhārī muniśreṣṭhā manohārī manoyavā||51-9||

maṇḍalastho manīlāṅgo mānyā mohanamaulinī|
mattaveśo mahābāṇo mahābalā mahālayā||51-10||

mārī hārī mahāmārī madirāmattagāminī|
mahāmāyāśrayo maunī mahāmāyā marutpriyā||51-11||

mudrāśī madirāpī ca manoyogā mahodayā|
māṃsāśī mīnabhakśaśca mohinī meghavāhanā||51-12||

mānabhaṅgapriyo mānyā mahāmānyo mahābalā|
mahābāṇadharo mukhyo mahāvidyā mahīyasī||51-13||

mahāśūladharo'nanto mahābalī mahākulā|
malayādrinivāsī ca matirmālāsanapriyā||51-14||

māyāpatirmahārudro maruṇāhatakāriṇī|
mālādhārī śaṅkhamālī mañjarī māṃsabhakśiṇī||51-15||

mahālakśaṇasampanno mahālakśaṇalakśaṇā|
mahājñānī mahāvegī mauṣalī muṣalapriyā||51-16||

mahokhyo mālinīnātho mandarādrinivāsinī|
maunīnāmantarasthaśca mānabhaṅgā manaḥsvinī||51-17||

mahāvidyāpatirmadhyo madhye parvatavāsinī|
madirāpo mandaharo madanāmadanāsanā||51-18||

madanastho madakṣetro mahāhimanivāsinī|
mahān mahātmā māṅgalyo mahāmaṅgaladhāriṇī||51-19||

mahāhīnaśarīraśca manoharatadudbhavā|
māyāśaktipatirmohā mahāmohanivāsinī||51-20||

mahaccito nirmalātmā mahatāmaśucisthita|
mattakuñjarapṛṣṭhastho mattakuñjaragāminī||51-21||

makaro marutānando mākarī mṛgapūjitā|
maṇīpūjyā manorūpī medamāṃsavibhojinī||51-22||

mahākāmī mahādhīro mahāmahiṣamadnī|
mahiṣāsurabuddhistho mahiṣāsuranāśinī||51-23||

mahiṣastho maheśastho madhukaiṭabhanāśinī|
madhunāthaśca madhupo madhumāṃsādisiddhidā||51-24||

mahābhairavapūjyaśca mahābhairavapūjitā|
mahākānti priyānando mahākāntisthitā'marā||51-25||

mālākoṭidharo mālo muṇḍamālāvibhūṣitā|
maṇḍalajñānanirato maṇimaṇḍalavāsinī||51-26||

mahāvibhūtikrodhastho mithyādoṣasarasvatī|
merustho merunilaya menakānujarūpiṇi||51-27||

mahāśailāsana merumohinī meghavāhinī|
mañjughoṣo mañjunātho mohamudgaradhāriṇī||51-28||

meḍhrstho maṇipīṭhastho mūlarūpā manoharā|
maṅgalārtho mahāyogī mattamehasamudbhavā||51-29||

matisthita manomāno manomātā mahonmanī|
mandabuddhiharo mṛtyurmṛtyuhantrī manaḥpriyā||51-30||

mahābhakto mahāśakto mahāśaktirmadāturā|
maṇipuraprakāśaśca maṇipuravibhedinī||51-31||

makārakūṭanilayo mānā mānamanoharī|
mākśaro mātṛkāvarṇoṃ mātṛkābījamālinī||51-32||

mahātejā mahāraśmirmanyuga syān madhupriyā|
madhumāṃsasamutpanno madhumāṃsavihāriṇī||51-33||

maithunānandanirato maithunālāpamohinī|
murāripremasaṃtuṣṭo murārikarasevitā||51-34||

mālyacandanadigdhāṅgo mālinī mantrajīvikā|
mantrajālasthito mantrī mantriṇāṃmantrasiddhidā||51-35||

mantracaitanyakārī ca mantrasiddhipriyā satī|
mahātīrthapriyo meṣo mahāsiṃhāsanasthitā||51-36||

mahākrodhasamutpanno mahatī buddhidāyinī|
maraṇajñānarahito mahāmaraṇanāśinī||51-37||

maraṇodbhūtahantā ca mahāmudrānvitā mudā|
mahāmodakaro māro mārasthā māranāśinī||51-38||

mahāhetuharo hartā mahāpuranivāsinī|
mahākaulikapālaśca mahādaityanivāriṇī||51-39||

mārtaṇḍakoṭikiraṇo mṛtihantrī mṛtisthitā|
mahāśailo'malo māyī mahākālaguṇodayā||51-40||

mahājayo mahārudro mahārudrāruṇākarā|
manovarṇamṛjomākhyo mudrā taruṇarūpiṇī||51-41||

muṇḍamālādharo māryo māryapuṣpamṛjāmanī|
maṅgalapremabhāvasthā mahāvidyutprabhā'calā||51-42||

mudrādhārī matasthairyo matabhedaprakāriṇī|
mahāpurāṇavettā ca mahāpaurāṇikā'mṛtā||51-43||

maunavidyo mahāvidyā mahādhananivāsinī|
maghavā māghamadhyasthā mahāsainyā mahoragā||51-44||

mahāphaṇidharo mātrā mātṛkā mantravāsinī|
mahāvibhūtidānāḍhye meruvāhanavāhanā||51-45||

mahāhlādo mahāmitro mahāmaitreyapūjitā|
mārkaṇḍeyasiddhidātā mārkaṇḍeyāyuṣisthitā||51-46||

mārkaṇḍeyo muhuḥprīto mātṛkāmaṇḍaleśvarī|
mānasaṃstho mānadātā manodhāraṇatatparā||51-47||

mayadānavacittastho mayadānavacitriṇī|
mahāguṇadharānando mahāliṅgavihāriṇī||51-48||

maheśvarasthito mūlo mūlavidyākulodayā|
māyāpo mohanonmādī mahāgurunivāsinī||51-49||

mahāśuklāmbaradharo malayāgurudhūpitā|
madhūpinī madhūllāso mādhvīrasasamāśrayā||51-50||

mahāgururmahādeho mahotsāhā mahotpalā|
madhyapaṅkajasaṃsthātā madhyāmbujanivāsinī||51-51||

mārībhayaharo mallo mallagrahavirodhinī|
mahāmuṇḍalayonmādī madaghūṇītalocanā||51-52||

mahāsadyojātakālo mahākapilavatīnī|
meghavāho mahāvaktro manasāmaṇidhāriṇī||51-53||

maraṇāśrayahantā ca mahāgurvīgaṇasthitā|
mahāpadmasthito mantro mantravidyānidhīśvarī||51-54||

makarāsanasaṃsthātā mahāmṛtyuvināśinī|
mohano mohinīnātho mattanartanavāsinī||51-55||

mahākālakulollāsī mahākāmādināśinī|
mūlapadmanivāsī ca mahāmūlakulodayā||51-56||

māsākhyo māṃsanilayā maṅgalasthā mahāguṇā|
māyāchannataro mīno mīmāṃsāguṇavādinī||51-57||

mīmāṃsākārako māyī mārjārasiddhidāyinī|
medinīvallabhakṣemo medinījñānamodinī||51-58||

mauṣalīśa mṛṣārthastho manakalpitakeśarī|
manasa śrīdharo jāpo mandahāsasuśobhitā||51-59||

maināko menakāputro māyāchannā mahākriyā|
mahākriyā ca lomāṇḍo maṇḍalāsanaśobhitā||51-60||

māyādhāraṇakartā ca mahādveṣavināśinī|
muktakeśī muktadeho muktidā muktimāninī||51-61||

muktāhāradharo mukto muktimārgaprakāśinī|
mahāmuktikriyācchanno mahoccagirinandinī||51-62||

mūṣalādyastrahantā ca mahāgaurīmanaḥkriyā|
mahādhanī mahāmānī manomattā manolayā||51-63||

mahāraṇagata sānto mahāvīṇāvinodinī|
mahāśatrunihantā ca mahāstrajālamālinī||51-64||

śivo rudro valīśānī kitavāmodavadhīnī|
candracūḍādharo vedo madonmattā mahojjvalā||51-65||

vigalatkoṭicandrābho vidhukoṭisamodayā|
agnijvālādharo vīro jvālāmālāsahasradhā||51-66||

bhargapriyakaro dharmo mahādhāmīkatatparā|
dharmadhvajo dharmakartā dharmagupti prasṛttvarī||51-67||

mahāvidrumapūrastho vidrumābhāyutaprabhā|
puṣpamālādharo mānya śatrūṇāṃ kulanāśinī||51-68||

kojāgaro visargastho bījamālāvibhūṣitā|
bījacandro bījapūro bījābhā vighnanāśinī||51-69||

viśiṣṭo vidhimokśastho vedāṅgaparipūriṇī|
kirātinīpati śrīmān vijñāvijñajanapriyā||51-70||

vardhastho vardhasampanno varṇamālāvibhūṣitā|
mahādrumagata śūro vilasatkoṭicandrabhā||51-71||

mahākumāranilayo mahākāmakumārikā|
kāmajālakriyānātho vikalā kamalāsanā||51-72||

khaṇḍabuddhiharo bhāvo bhavatīti durāsanā|
asaṃkhyako rūpasaṃkhyo nāmasaṃkhyādipūraṇī||51-73||

sadmanādyamanā koṣakiṅkiṇījālamālinī|
candrāyutamukhāmbhojo vibhāyutasamānanā||51-74||

kālabuddhiharo bālo bhagavatyambikā'ṇḍajā|
muṇḍahastaścāturādyaḥ vivādarahitā'vṛtā||51-75||

pañcamācārakuśalo mahāpañcamalālasā|
vikāraśūnyo durdharṣo dvipadā mānuṣakriyā||51-76||

mayadānavakarmastho vidhātṛkarmabodhinī|
kalikālakriyārūḍha. vāyavīghargharadhvani||51-77||

sarvasañcārakartā ca sarvasañcārakatrīkā|
mandamandagatipremā mandamandagatisthitā||51-78||

sāṭṭahāso vidhukalā cāghorāghorayātanā|
mahānarakahartā ca narakādivipākahā||51-79||

pañcaraśmisamudbhūto nagādibalaghātinī|
garuḍāsanasampūjyo garuḍapremavadhīnī||51-80||

aśvatthavṛkśanilayo vaṭavṛkśatalasthitā|
cirāṅgo prathamābuddhi prapañcasārasaṅgati||51-81||

sthitikartā sthiticchāyā vimadā chatradhāriṇī|
dāḍimābhāsakusumo dāḍimodbhavapuṣpikā||51-82||

drāḍhyo dravībharatikā ratikālāpavadhīnī|
ratnagarbho ratnamālā ratneśvara ivāgati||51-83||

prasiddhaḥ pāvanī pucchā pucchasustha parāparā|
khecarī khecara svastho mahākhaḍgadharā jayā||51-84||

kiśorabhāvakhelastho vikhanādiprakārikā|
mahāśabdaprakāśaśca mahāśabdaprakāśikā||51-85||

cāruhāso vipadhantā śatrumitragaṇasthitā|
vajradaṇḍadharo vyāghro viyatkhelanakhañjanā||51-86||

gadādhara śīladhārī śaśikarpūragā'balā|
vasanāsanakārī ca vasanāvasanapriyā||51-87||

mahāvidyādharo gupto viśiṣṭagopanakriyā|
guptagītāgāyanastho guptaśāstragalapradā||51-88||

yogavidyāpurāṇaśca yāgavidyā vibhākalā|
ekakālo dvikālaścātra kālaphalāmbujā||51-89||

aṣṭādaśabhujo raudrī bhujagā vighnanāśinī|
vidyāgopanakārī ca vidyāsiddhipradāyinī||51-90||

vijayānandago mando mahākālamaheśvarī|
bhūtidānarato mārgoṃ mahadgītāprakāśinī||51-91||

keśādyāveśasantāno maṅgalābhā kulāntarā|
dvibhujo vedabāhuśca ṣaḍbhujā kāmacāriṇī||51-92||

candrakāntamālyadharo lokātilokarāgiṇī|
tribhaṅgadehanikaro vibhāṅgasthā vinodinī||51-93||

trikūṭasthastribhāvasthastriśarīrā trikālajā|
ekavaktro dvivaktraśca vaktraśūnyā śiśupriyā||51-94||

śrī vidyāmantrajālastho vijñānī kuśaleśvarī|
ghaṭāsaragato gaurā gauravī gaurikā'calā||51-95||

gurujñānagato gandho gandhabhogyā giridhvajā|
chāyāmaṇḍalamadhyastho vikaṭā puṣkarānanā||51-96||

kāmākhyo nirahaṅkāra kāmarūpanṛpāṅgajā|
sulabho durlabho duḥkhī sūkṣmātisūkṣmarūpiṇī||51-97||

bījajāpapaśo krūro vimohaguṇanāśinī|
ardharo nipuṇollāśo vibhurūpā sarasvatī||51-98||

anantaghoṣanilayo vihaṅgagaṇagāminī|
acyuteśa prakāṇḍastha pracaṇḍaphālavāhinī||51-99||

abhrānto bhrāntirahitā śrānto yānti pratiṣṭhitā|
avyartho vyarthavākyastho viśaṅkāśaṅkayānvitā||51-100||

yamunāpatipa pīno mahākālavasāvahā|
jambūdvīpeśvara pāra pārāvārakṛtāsanī||51-101||

vajradaṇḍadhara śānto mithyāgatiratīndriyā|
anantaśayano nyūnaḥ paramāhlādavadhīnī||51-102||

śiṣṭāśraṇilayo vyākhyo vasantakālasupriyā|
virajāndolito bhinno viśuddhaguṇamaṇḍitā||51-103||

añjaneśaḥ khañjaneśa palalāsavabhakśiṇī|
aṅgabhāṣākṛtisnātā sudhārasaphalāturā||51-104||

phalabījadharo daurgo dvārapālanapallavā|
pippalādaḥ kāraṇaśca vikhyātirativallabhā||51-105||

saṃhāravigraho vipro viṣaṇṇā kāmarūpiṇī|
avalāpo nāpanāpo vikḷptā kaṃsanāśinī||51-106||

haṭhātkāreṇato cāmo nācāmo vinayakriyā|
sarva sarvasukhācchanno jitājitaguṇodayā||51-107||

bhāsvatkirīṭo rāṅkārī varuṇeśītalāntarā|
amūlyaratnadānāḍhyo divārātristrikhaṇḍajā||51-108||

mārabījamahāmāno harabījādisaṃsthitā|
anantavāsukīśāno lākinī kākinī dvidhā||51-109||

koṭidhvajo bṛhadgargaścāmuṇḍā raṇacaṇḍikā|
umeśo ratnamāleśī vikumbhagaṇapūjita||51-110||

nikumbhapūjita kṛṣṇo viṣṇupatnī sudhātmikā|
alpakālaharaḥ kunto mahākuntāstradhāriṇī||51-111||

brahmāstradhāraka kśipto vanamālāvibhūṣitā|
ekākśara dvayakśaraśca ṣoḍaśākśarasaṃbhavā||51-112||

atigambhīravātastho mahāgambhīravādyagā|
trividhātmā trideśātmā tṛtīyātrāṇakāriṇī||51-113||

kiyatkālacalānando vihaṅgagamanāsanā|
gīrvāṇa bāṇahantā ca bāṇahastā vidhūcchalā||51-114||

bindudharmojjvalodāro viyajjvalanakāriṇī|
vivāsā vyāsapūjyaśca navadeśīpradhānikā||51-115||

vilolavadano vāmo viromā modakāriṇī|
hiraṇyahārabhūṣāṅgaḥ kaliṅganandinīśagā||51-116||

ananyakśīṇavakśaśca kśitikśobhavināśikā|
kśaṇakṣetraprasādāṅgo vaśiṣṭhādiṛṣīśvarī||51-117||

revātīranivāsī ca gaṅgātīranivāsinī|
cāṅgeśaḥ puṣkareśaśca vyāsabhāṣāviśeṣikā||51-118||

amalānāthasaṃjñaśca rāmeśvarasupūjitā|
ramānātha prabhu prāpti kītīdurgābhidhānikā||51-119||

lambodara premakālo lambodarakulapriyā|
svargadeho dhyānamāno locanāyatadhāriṇī||51-120||

avyarthavacanaprakṣyo vidyāvāgīśvarapriyā|
abdamānasmṛtiprāṇa kaliṅganagareśvarī||51-121||

atiguhyatarajñānī guptacandrātmikā'vyayā|
maṇināgagato gantā vāgīśānī balapradā||51-122||

kulāsanagato nāśo vināśā nāśasupriyā|
vināśamūlaḥ kūlasthaḥ saṃhārakulakeśvarī||51-123||

trivākyaguṇaviprendro mahadāścaryacitriṇī|
āśutoṣaguṇācchanna madavihvalamaṇḍalā||51-124||

virūpākśī lelihaśca mahāmudrāprakāśinī|
aṣṭādaśākśaro rudro makarandasubindugā||51-125||

chatracāmaradhārī ca chatradātrī tripauṇḍrjā|
indrātmako vidhātā ca dhanadā nādakāriṇī||51-126||

kuṇḍalīparamānando madhupuṣpasamudbhavā|
bilvavṛkśasthito rudro nayanāmbujavāsinī||51-127||

hiraṇyagarbha kaumāro virūpākśā ṛtupriyā|
śrīvṛkśanilayaśyāmo mahākulatarūdbhavā||51-128||

kulavṛkśasthito vidvān hiraṇyarajatapriyā|
kulapaḥ prāṇapa prāṇā pañcacūḍadharādharā||51-129||

uṣatī vedikānātho narmadharmavivecikā|
śītalāpta śītahīno manaḥsthairyakarī kśayā||51-130||

kukśistha kśaṇabhaṅgastho giripīṭhanivāsinī|
ardhakāyaḥ prasannātmā prasannavanavāsinī||51-131||

pratiṣṭheśa prāṇadharmā jyotīrūpā ṛtupriyā|
dharmadhvajapatākeśo balākā rasavaddhīnī||51-132||

meruśṛṅgagato dhūrto dhūrtamattā khalaspṛhā|
sevāsiddhiprado'nanto'nantakāryavibhedikā||51-133||

bhāvināmattvajānajño virāṭapīṭhavāsinī|
vicchedacchedabhedaśca chalanśāstraprakāśikā||51-134||

cārukarmyā saṃskṛtaśca taptahāṭakarūpiṇī|
parānandarasajñānī rasasantānamantriṇī||51-135||

pratīkśa sūkṣmaśabdaśca prasaṅgasaṅgatipriyā|
amāyī sāgarodbhūto bandhyādoṣavivajītā||51-136||

jitadharmo jvalacchatrī vyāpikā phalavāhanā|
vyāghracarmāmbaro yogī mahāpīnā varapradā||51-137||

varadātā sāradātā jñānadā varavāhinī|
cārukeśadharo māpo viśālā guṇadā'mbarā||51-138||

tāḍaṅkamālānirmāladharastāḍaṅkamohinī|
pañcāladeśa saṃbhūto viśuddhasvaravallabhā||51-139||

kirātapūjito vyādho manucintāparāyaṇā|
śiva vākyarato vāmo bhṛgurāmakuleśvarī||51-140||

svayambhū kusumācchanno vidhividyāprakāśinī|
prabhākaratanūdbhūto viśalyakaraṇīśvarī||51-141||

uṣatīśvara samparkī yogavijñānavāsinī|
uttamo madhyamo vyākhyo vācyāvācyavarāṅganā||51-142||

āṃbījavādaroṣāḍhyā mandarodarakāriṇī|
kṛṣṇasiddhāntasaṃsthāno yuddhasādhanacacīkā||51-143||

mathurāsundarīnātho mathurāpīṭhavāsinī|
palāyanaviśūnyaśca prakṛtipratyayasthitā||51-144||

prakṛtiprāṇanilayo vikṛtijñānanāśinī|
sarvaśāstravibhedaśca mattasiṃhāsanāsanā||51-145||

itihāsapriyo dhīro vimalā'malarūpiṇī|
maṇisiṃhāsanasthaśca maṇiparajayodayā||51-146||

bhadrakālījapānando bhadrābhadraprakāśinī|
śrībhadro bhadranāthaśca bhayabhaṅgavihiṃsinī||51-147||

ātmārāmo vidheyātmā śūlapāṇipriyā'ntarā|
atividyādṛḍhābhyāso viśeṣavittadāyinī||51-148||

ajarā'marakāntiśca kāntikoṭidharā śubhā|
paśupāla padmasaṃstha śrīśapāśupatā'stradā||51-149||

sarvaśāstradharo dṛpto jñāninī jñānavadhīnī|
dvitīyānātha īśārddho bādarāyaṇamohinī||51-150||

śavamāṃsāśano bhīmo bhīmanetrā bhayānakā|
śivajñānakramo dakśa kriyāyogaparāyaṇā||51-151||

dānastho dānasampanno danturā pārvatīparā|
priyānando divākartā niśāniṣādaghātinī||51-152||

aṣṭahasto vilolākśo manaḥsthāpanakāriṇī|
mṛduputro mṛducchatro vibhā'ṅgapuṇyanandinī||51-153||

antarikśagato mūlo mūlaputraprakāśinī|
abhītidānanirato vidhumālāmanoharī||51-154||

caturāsrajāhnavīśo girikanyā kutūhalī|
śiśupālaripuprāṇo videśapadarakṣiṇī||51-155||

vilakśaṇo vidhijñātā mānahantrī trivikramā|
trikoṇānanayogīśo nimnanābhirnageśvarī||51-156||

navīna guṇasampanno navakanyākulācalā|
trividheśo viśaṅketo vijvarā jvaradāyinī||51-157||

atidhāmīkaputraśca cārusiṃhāsanasthitā|
sthāpakottamavargāṇāṃ satāṃ siddhiprakāśinī||51-158||

siddhapriyo viśālākśo dhvaṃsakartrī nirañjanā|
śaktīśo vikaleśaśca kratukarmaphalodayā||51-159||

viphaleśo viyadgāmī lalitā buddhivāhanā|
malayādritapa kṣema kśayakartrī rajoguṇā||51-160||

dviruṇḍako dvārapālo balevīghnavināśinī|
māyāpadmagato māno mārīvidyāvināśinī||51-161||

hiṃgulājasthita siddho viduṣāṃ vādasāriṇī|
śrīpatīśa śrīkareśa śrīvidyā bhuvaneśvarī||51-162||

matiprathamajo dhanyo mithilānāthaputrikā|
rāmacandrapriya prāpto raghunāthakuleśvarī||51-163||

kūrmaḥ kūrmagato vīro vasāvargā girīśvarī|
rājarājeśvarībālo ratipīṭhaguṇāntarā||51-164||

kāmarūpadharollāso vidagdhā kāmarūpiṇī|
atithīśa sarvabhartā nānālaṅkāraśobhitā||51-165||

nānālaṅkārabhūṣāṅgo naramālāvibhūṣitā|
jagannātho jagadvyāpī jagatāmiṣṭasiddhidā||51-166||

jagatkāmo jagadvyāpī jayantī jayadāyinī|
jayakārī jīvakārī jayadā jīvanī jayā||51-167||

jayo gaṇeśa śrīdātā mahāpīṭhanivāsinī|
viṣama sāmavedastho yajurvedāṃśayogayā||51-168||

trikālaguṇagambhīro dvāviṃśatikarāmbujā|
sahasrabāhu sārastho bhāgagā bhavabhāvinī||51-169||

bhavanādikaro mārgo vinītā nayanāmbujā|
sarvatrākarṣako'khaṇḍa sarvajñānābhikaṣīṇī||51-170||

jitāśayo jitavipraḥ kalaṅkaguṇavajītā|
nirādhāro nirālambo viṣayā jñānavajītā||51-171||

ativistāravadano vivādakhalanāśinī|
bhāryānāthaḥ kśobhanāśo ripūṇāṃ kulapūjitā||51-172||

āśavo bhūrivargāṇāṃ cārukuntalamaṇḍitā|
atibuddhidharo sūkṣmo rajanīdhvāntanāśinī||51-173||

jyotsnājālakaro yogī viyogaśāyinī yugā|
yugagāmī yogagāmī jayadā lākinī śivā||51-174||

saṃjñābuddhikaro bhāvo bhavabhītivimohinī|
sundara sundarānando ratikāratisundarī||51-175||

ratijñānī ratisukho ratināthaprakāśinī|
buddharūpī bodhamātro vairodho dvaitavajītā||51-176||

bhūribhāvaharānando bhūrisantānadāyinī|
yajñasādhanakartā ca suyajña pañcamocanā||51-177||

koṭikoṭicandratejaḥ koṭikoṭirucicchaṭā|
koṭikoṭicañcalābho dvikoṭyayutacañcalā||51-178||

koṭisūryācchannadeha koṭikoṭiraviprabhā|
koṭicandrakāntamaṇi koṭīndukāntanirmalā||51-179||

śatakoṭividhumaṇi śatakoṭīndukāntagā|
vilasatkoṭikālāgni koṭikālānalopamā||51-180||

koṭivahnigato vahni vahnijāyā dvigodbhavā|
mahātejo vahnivāriḥ kālāgnihāradhāriṇī||51-181||

kālāgnirudro bhagavān kālāgnirudrarūpiṇī|
kālātmā kalikālātmā kalikā kulalākinī||51-182||

mṛtyujito mṛtyutejā mṛtyuñjayamanupriyā|
mahāmṛtyuharo mṛtyurapamṛtyuvināśinī||51-183||

jayo jayeśo jayado jayadā jayavadhīnī|
jayakaro jagaddharmo jagajjīvanarakśiṇī||51-184||

sarvajit sarvarūpī ca sarvadā sarvabhāvinī|
ityetat kathitaṃ nātha mahāvidyābhidhānakam||51-185||

śabdabrahmamayaṃ sākṣāt kalpavṛkṣasvarūpakam|
aṣṭottarasahasrākhyaṃ śatasaṃkhyāsamākulam||51-186||

trailokyamaṅgalakṣetraṃ siddhavidyāphalapradam|
sakalaṃ niṣkalaṃ sākṣāt kalpadrumakalānvitam||51-187||

yogināmātmavijñānamātmajñānakaraṃ param|
yaḥ paṭhed bhāvasampūrṇo mithyādharmavivajītaḥ||51-188||

rudrapīṭhe svayaṃ bhūttvā mahāyogī bhaveddhruvam|
akasmātsiddhimāpnoti cādhamāṃmālyadāyinīm||51-189||

rājalakṣmīdhanaiśvaryamatidhairya hayādikam|
kuñjaraṃ sundaraṃ vīraṃ putraṃ rājyaṃ sukhaṃ jayam||51-190||

rājarājeśvaratvaṃ ca divyavāhanameva ca|
akleśapañcamāsiddhiṃ tataḥ prāpnoti madhyamām||51-191||

atyantaduḥkhahananaṃ gurutvaṃ lokamaṇḍale|
devānāṃ bhaktisaṃkhyāñca divyabhāvaṃ sadā sukham||51-192||

āyurvṛddhiṃ lokavaśyaṃ pūrṇakośaṃ hi godhanam|
devānāṃ rājyabhavanaṃ pratyakṣe svapnakālake||51-193||

dīrghadṛṣṭibhayatyāgaṃ cālpakāryavivajītam|
sadā dharmapriyatvaṃ ca dharmajñānaṃ mahāguṇam||51-194||

vivekāṅkuramānandaṃ śrīvāṇīsukṛpānvitam|
tata uttamayogasthāṃ siddhiṃprāpnoti sādhakaḥ||51-195||

anantaguṇasaṃsthānaṃ māyārthabhūtivarjanam|
ekāntasthānavasatiṃ yogaśāstraniyojanam||51-196||

sarvākāṅkṣāviśūnyatvaṃ daivataikāntasevanam|
khecaratvaṃ sarvagatiṃ bhāvasiddhiṃ surapriyam||51-197||

sadā raudrakriyāyogaṃ vibhūtyaṣṭāṅgasiddhidam|
dṛḍhajñānaṃ sarvaśāstrakāritvaṃ rasasāgaram||51-198||

ekabhāvaṃ dvaitaśūnyaṃ mahāpadaniyojanam|
mahāguṇavatīvidyāpatitvaṃ śāntimeva ca||51-199||

prāpnoti sādhakaśreṣṭho yaḥ paṭhed bhāvaniścalaḥ|
trikālamekakālaṃ vā dvikālaṃ vā paṭhet sudhīḥ||51-200||

śatamaṣṭottaraṃ cāsya puraścaryāvidhiḥ smṛtaḥ|
puraścaraṇamākṛtya paṭhitvā ca punaḥ punaḥ||51-201||

aṣṭaiśvaryayuto bhūtvā manogatimavāpnuyāt|
sarvatra kuśalaṃ vyāptaṃ yaḥ paṭhenniyataḥ śuciḥ||51-202||

ṣaṭcakramaṇipīṭhañca bhittvā'nāhatago bhavet|
anāhataṃ tato bhittvā viśuddhasaṅgamo bhavet||51-203||

viśuddhapadmaṃ bhittvā ca śīrṣe dvidalago bhavet|
dvidalādimahāpadmaṃ bhittvaitat stotrapāṭhataḥ||51-204||

caturvargāṃ kriyāṃ kṛtvā cānte nirvāṇamokṣabhāk|
yogināṃ yogasiddhyarthe sarvabhūtadayodayam||51-205||

nirvāṇamokṣasiddhyarthe kathitaṃ parameśvara|
etatstavanapāṭhena kiṃ na siddhyati bhūtale||51-206||

kulaṃ kulakrameṇaiva sādhayed yogasādhanam|
yogānte yogamadhye ca yogādye prapaṭhet stavam||51-207||

kṛttikārohiṇīyogayātrāyāṃ mithune tathā|
śravaṇāyāṃ meṣagaṇe kuje cendusamākule||51-208||

śanivāre ca saṅkrāntyāṃ kujavāre punaḥ punaḥ|
sandhyākāle likhet stotraṃ dhyānadhāraṇayogirāṭ||51-209||

bhūrjapatre likhitvā ca kaṇṭhe śīrṣe pradhārayet|
athavā rātriyoge ca kulacakre likhet sudhīḥ||51-210||

sarvatra kulayogena paṭhan siddhimavāpnuyāt|
etannāmnā prajuhuyāt kālikākṛtimān bhavet||51-211||

taddaśāṃśakrameṇaiva hutvā yogīha sarvadā|
maṇipūre dṛḍho bhūtvā rudraśaktikṛpāṃ labhet||51-212||

iti śrīrudrayāmale lākinīśāṣṭottaraśatasahasranāmavinyāse ekapañcāśattamaḥ paṭalaḥ||51||

Video laden

YouTube

YouTube sammelt möglicherweise persönliche Daten. Datenschutzrichtlinie

Fortfahren Ausblenden

Kapitel 52

atha dvipañcāśattamaḥ paṭalaḥ

śrīānandabhairava uvāca kathayasva varārohe maṇipūramanukramam|
yajjñātvā munayaḥ sarve cāṣṭasiddhimavāpnuyuḥ||52-1||

prajapan gacchati kṣipraṃ anāyāsa manāhate|
mantrārthaṃ mantracaitanyaṃ nijavigraharakṣaṇam||52-2||

tatparāparagranthisthaṃ vicārya vaktumarhasi|
śrīānandabhairavī uvāca mahābhairava kālāgne manujñānaṃ niśāmaya||52-3||

kathayāmi tava snehādatikomalasādhanam|
mantrāṇāṃ mantracaitanyaṃ viṣayāni śṛṇu prabho||52-4||

maṇipūre tvanāyāse yatprasādāt sthiro bhavet|
etatkaraṇamātreṇa yogī bhavati niścitam||52-5||

koṭikoṭimantrajālaṃ tadarthakoṭayaḥ smṛtāḥ|
etanmadhye sārabhāgaṃ kathayāmi kulārṇava||52-6||

sarvatra samabhāvena saṃsmaran mantramuttamam|
śarīramaparicchinnaṃ brahmāṇḍaṃ sacarācaram||52-7||

mūlādi maṇipūrāntaṃ triguṇaṃ manurūpakam|
varṇamālāmupādāya muhurmuhurjapet sudhīḥ||52-8||

pūrṇatejomayīṃ dhyāyet koṭikālāgnirūpiṇīm|
svadevatāṃ sadā dhyāyenmūlādibrahmarandhrake||52-9||

tanmūtīmaparicchinnāṃ gūḍhasthānanivāsinīm|
gabhīrordhvagalānandāṃ sudhāsāgaravāsinīm||52-10||

yajjñātvā brahmatulyaṃ syād brahmarandhre vibhāvanāt|
mūlarandhre mudā dhyāyet koṭikālānalojjvalam||52-11||

jvalantaṃ dhyānamākuryādūrdhvaśikhāprabhākaram|
sudhārasamodamugdhaṃ havyāgnisadṛśojjvalam||52-12||

lalāṭaṃ cintayet kāntaṃ pūrṇendukoṭisaṅkulam|
vigaladrasapuñjaṃ tu tadrasaprojjvalānanam||52-13||

sthiravāyusthirākāraṃ mantrārthaṃ ceti bhāvayet|
athavā śuddhasaṅkāśaṃ pūrṇabrahmamayūkhagam||52-14||

mūlādibrahmarandhrāntaṃ mūlaṃ dhyātvā punaḥ punaḥ|
vicintayet sūkṣmarūpāṃ mahāgurvīṃ svadevatām||52-15||

mantrārthaṃ ceti tajjñānaṃ tajjñānānmokṣamāpnuyāt|
mantrārthajñānamātreṇa siddhinirvāṇamāpnuyāt||52-16||

na sthūlaṃ nātisūkṣmaṃ guṇamayavapuṣaṃ viśvanāthaṃ svaśaktiṃ|
svānandānandacittaṃ kaliphalamacalaṃ cañcalaṃ śuklaraktam|
pīnāpīnādirūpaṃ triguṇagagamanaṃ mūlapadmādivaktre|
viśvātmānaṃ kulākhyaṃ manuguṇajaḍitaṃ bhāvayetsiddhalokaḥ||52-17||

catuḥ ṣaṣṭikṣetre triguṇajananīṃ dhyānanipuṇāṃ|
(mahā)mantrākārāṃ bhuvanakaruṇāṃ bodhaviṣaye|
mahāvidyāmādyāṃ manumayarasācchannatanutā--
mavāpyāmandābdhau kulapathi bhajantīha rasikāḥ||52-18||

samastaṃ śūnyārthaṃ rajataghaṭanārāyaṇamayaṃ|
visargaṃ bindusthaṃ raviśaśikalā vahnikiraṇam|
jagad vyāpārāṅgaṃ bhavavirahitaṃ bhāvajaḍitaṃ
vikārādhārāhaṃ daśadalabile sthāpayati dhīḥ||52-19||

surāsurabhayapradaṃ taruṇarūpaśobhākaraṃ|
manoharakalevaraṃ sakaladehasaṃjñāpanam|
bhajanti munayo nṛpā yataya indradevādayo|
daśacchadaniketane prakṛtidehamadhyasthitam||52-20||

pracaṇḍavacanāśrayaṃ dhvanikalāpasammardanaṃ|
mahotkaṭatapaḥpriyaṃ bhajati cāśutoṣaṃ śivam|
nidhāya hṛdi paṅkaje kimapi nābhimūle'pi vā|
vibhāvaguṇabhāvanaṃ parikaroti yogī mahān||52-21||

svakīyaguṇasattvake kaṭhinacittasaṃjñārpaṇaṃ|
caturbhujakalevare daśakalādharendīvare|
manoharaharaṃ paramasāramādyākṣaraṃ|
prakṛtya parameśvare praṇavarūpamāropaye||52-22||

viviktamatinirmalaṃ kamalahāsamālyāśrayaṃ|
śivaṃ śatakabhāskaraṃ sakaladehamadhye'pi vā|
bhujāyutadharaṃ dharādharadharaṃ hi mudrādharaṃ|
bhajanti kulakāminīpataya īśaveśmāspadā||52-23||

sadā caraṇapaṅkaje vivahānimudrāptaye|
kṛpāmayasalakṣaṇaṃ gatigasatvasambhāvanam|
sadaikaguṇabhāvanaṃ paramadevadevasya yā|
trilokajananīpate ramaṇameva kuryādvaśī||52-24||

evaṃ kṛtvā nirālambaviśvāsadhyānavānnaraḥ|
akasmānmantracaitanyaṃ prāpnotyarthavinirṇayam||52-25||

iti śrīrudrayāmale uttaratantre mantrārtha caitanyavinyāso nāma|dvipañcāśattamaḥ paṭalaḥ||52||

Kapitel 53

atha tripañcāśattamaḥ paṭalaḥ

śrīānandabhairavī uvāca ānandasāgarāmbhojamadhyastha paramapriya|
idānīṃ kālajālādivāraṇaṃ śṛṇu bhairava||53-1||

sampūrya sañcayācchannaṃ vāyuṃ svābhāvikīgatim|
kumbhayitvā svabhāvena cirakālaṃ sukhī bhavet||53-2||

śanaiḥ śanaiḥ recayitvā sarvadā tadgato bhavet|
kālajālavaśo yāti tatkṣaṇānnātra saṃśayaḥ||53-3||

vinā vāyvākuñcanena na sidhyati ca ko janaḥ|
vāyucālanamātreṇa sūkṣmamārgodgamena ca||53-4||

sidhyatyeva mahāyogī kālajālavaśo'pi ca|
kālavaśaṃ na karoti mohādatisukhāyate||53-5||

kālabhakṣo bhavet so'pi mirayate nātra saṃśayaḥ|
maṇipure mano dattvā sādhayed devatāḥ sadā||53-6||

stotraṃ dhyānaṃ nāma guṇaṃ paṭhitvā ca punaḥ punaḥ|
manoyogañca sarvatra vāyunā kārayed budhaḥ||53-7||

kumbhayitvā dhārayitvā recayitvā punaḥ punaḥ|
sarvakālavaśaṃ nītvā jitātmā cāmaro bhavet||53-8||

lobhamohau varjayitvā kāmakrodhādipātakam|
sarvadā vāyupānañca kṛtvā rahasi saṃvaśī||53-9||

nityaṃ vāyusādhanāni ṣaṭcakrabhedanāya ca|
śanaiḥ śanairdhārayedvai cirajīvitvasādhanāt||53-10||

yadi na cirajīvī syāt kālātmā vāyusevakaḥ|
ṣaṭcakrabhāvasiddhyante jñānī mṛtyuvaśo bhavet||53-11||

ataḥ kuryācchivajñānaṃ vāyusaṃsiddhakāraṇam|
tatkriyāsādhanārthāya ādau pañcāmarāvidhim||53-12||

kuryāt sādhakamukhyaśca nijakāyaprasādhanāt|
netīyogaṃ tadā kuryād yathā bhavati saṃvaśī||53-13||

dhautīyogaṃ tadā kuryād yathā bhavati saṃvaśī|
neulīyogamākuryād yatra loko na vidyate||53-14||

dantīyogaṃ tadā kuryād yadā mukhyakriyāvataḥ|
tadā kṣaṇena yaḥ kuryād yadā tṛṣṇāvivajītaḥ||53-15||

tṛṣṇānāśo bhavenmokṣa iti me yoganirṇayaḥ|
viśeṣeṇa pravakṣye'haṃ śṛṇu kailāsapāvana||53-16||

etatkāryaṃ purā kṛtvā divi devā munīśvarāḥ|
kāyasiddhiṃ mudā kṛtvā chāyāmāyāvivajītāḥ||53-17||

sarvatra gāminaḥ sarve dharmaśāstrārthapaṇḍitāḥ|
cirajīvina evāpi sakalaśrīsamanvitāḥ||53-18||

tattadbhedān pravakṣyāmi sādhanaṃ kāyarakṣaṇam|
yaḥ karoti mahādeva kāyasādhanamuttamam||53-19||

sa āyāti mamānandasadane nātra saṃśayaḥ|
prabhāte ca samutthāya brāhme kālaphalodaye||53-20||

sahasrāre guroḥ pādapaṅkajadhyānamācaret|
vicintayettataḥ śrīmān gururūpāṃ sarasvatīm||53-21||

svadevatāṃ parānandarasiko yogabuddhimān|
praṇamya śirasā nityaṃ śaucakāryaṃ samācaret||53-22||

śaucakriyākrameṇaiva siddhaḥ śuciguṇānvitaḥ|
pragacchecchaucakāryārthaṃ ghaṭamānaṃ tu yatnataḥ||53-23||

mṛttikāprasthamānañca nītvā śaucaṃ samācaret|
kulkulaṃ saptadaśakaṃ varcatyāgaṃ punaḥ punaḥ||53-24||

tatastarjanyā cāloḍya vāmahastasya śaṅkara|
gudarandhre samāyojya kṣālanaṃ hi punaḥ punaḥ||53-25||

yāvacca visasaṃtyāgaṃ niḥśeṣeṇa malakṣayam|
tāvanmṛtpayasā kṣālya śodhayedudaraṃ sudhīḥ||53-26||

yāvanna jāyate saukhyaṃ tāvatkālaṃ samācaret|
tata utthāya vidhinā mṛttikāśaucamācaret||53-27||

yena krameṇa viṣṭhāyā gandhanāśo'pi jāyate|
pādadvayaṃ samākṣālya cāntaḥśaucaṃ samāśrayet||53-28||

tatkriyāsaphalaṃ vakṣye śṛṇu yogeśvara prabho|
sūkṣmavastrasamudbhūtaṃ ḍorakaṃ sūkṣmarandhrake||53-29||

nāsikāyā dṛḍhataraṃ komalaṃ cātinirmalam|
śanaiḥ śanainīyojyātha jihvāmūle niveśayet||53-30||

jihvāmūlāt sadādāya vāraṃ dvādaśakaṃ sudhīḥ|
mandamandāgharṣaṇaṃ tu kṛtvā bhedaṃ samānayet||53-31||

māyātrayeṇa bījena devībījatrayeṇa ca|
ramābījatrayeṇāpi yoginyai nama ityapi||53-32||

etanmantreṇa yogīndro netīyogaṃ samācaret|
śiraḥsthāṅgaṃ samākṛtya kaṇṭhaśodhanamācaret||53-33||

tato vakṣaḥśodhanaṃ tu tato nābheśca śodhanam|
krameṇa kuryāt kāyārthe tatprakāraṃ śṛṇu prabho||53-34||

dhautīkriyāṃ samākuryāt taptodakanisevanam|
śuklavastraṃ sūkṣmasūtraṃ cāṣṭāṅgulapramāṇakam||53-35||

dvātriṃśaddhastamānaṃ tu pūrṇasaṃkhyā udīritā|
mantrī prathamataḥ kuryāt caturaṅgulavastrakam||53-36||

dīrghe pañcahastamānaṃ taptodakasamanvitam|
bhakṣayet śeṣajihvāgre saṃsthāpya vasanaṃ sukham||53-37||

tarjanīmadhyamāṅguṣṭhamudrābhirbhakṣayet sudhīḥ|
krameṇa vardhayennityaṃ dīrghe ca prasave tathā||53-38||

etanmantreṇa deveśa pūrvoktamanunā tathā|
sarvatra pūrvabījena saṃśodhya bījamuccaret||53-39||

śaktibījatrayaṃ paścāt kāmabījatrayaṃ tathā|
lakṣmībījatrayaṃ paścānmahāghautanivāsinī||53-40||

mevāḍīmalamantre tu kṣālayadvayameva ca|
bhāryā vahettataḥ paścādudare sanniveśayet||53-41||

śanainīveśamākṛtya yāvat sarvaḥ prajāyate|
etadyogaprasādena vāyavī sukṛpā bhavet||53-42||

tataḥ kuryāt sādhakendro vigrahakṣemakāraṇāt|
neulīparamaṃ yogaṃ gātradṛḍhanibandhanam||53-43||

ghūrṇāyamānamākuryādudaraṃ parameśvara|
sarvadā cālanaṃ kuryāt prāṇavāyupradhāraṇam||53-44||

vāme ghūṇītamākṛtya dakṣiṇe ghūṇītaṃ caret|
evaṃ krameṇa deveśa puṭapākaṃ samācaret||53-45||

etanmantreṇa deveśa śubhāsane haṭho bhavet|
brahmabījatrayaṃ paścāt kālībījatrayaṃ tataḥ||53-46||

devīpraṇavayugmaṃ tu gātrasthāyai namo dviṭhaḥ|
tadante nāḍikādīnāṃ kṣālanaṃ paramādbhutam||53-47||

vakṣaḥsthānaṃ mahādeva dantīyogena kārayet|
gajamānaṃ dantakāṣṭhaṃ nirmalaṃ sundaraṃ matam||53-48||

dantakāṣṭhaṃ kṣālayedvai manunā sādhakāgraṇīḥ|
māyābījatrayaṃ paścād bhairavībījakatrayam||53-49||

madīnībījayugalaṃ dantakāṣṭhanivāsinī|
me hṛdgranthiṃ chedaya iti yugalaṃ vahnisundarī||53-50||

krameṇa vidhinānena galarandhre niveśayet|
yāvannābheradho yāti yāvat sukhamayāni ca||53-51||

tāvaddantīyogakāryaṃ prabhāte sarvakāryakam|
etadante tataḥ kuryānnāḍīkṣālanameva ca||53-52||

tanmantraṃ śṛṇu vīrendra cāmaratvapradāyakam|
ādau praṇavamuddhṛtya dīrghapraṇavayugmakam||53-53||

bhuvaneśībījayugmaṃ candrabījatrayaṃ tataḥ|
kṛṣṇabījatrayaṃ paścādarkabījatrayaṃ tataḥ||53-54||

vāgbhavatrayamuddhṛtya vahnibījatrayaṃ tataḥ|
śrībījaṃ manmathaṃ lakṣmīṃ śītale tadanantaram||53-55||

svodaraṃ nāḍikāmūlaṃ malakṣālayayugmakam|
svāhāntamanunā nityaṃ kṣālayennāḍikādhamāḥ||53-56||

yāvattṛṣṇānāśakaḥ syāttāvatkālaṃ samācaret|
yāvadudgamaśaktitvaṃ tridaṇḍāvadhi dhāraṇā||53-57||

tāvanna jāyate nātha kṣālanaṃ sukhasādhanam|
yadi bhāgyavaśādeva tridaṇḍavāyukumbhakam||53-58||

svayameva samāyāti nāḍikākṣālanaṃ śubham|
yāvatsūkṣmānilālāpaṃ madhupānaṃ nirantaram||53-59||

pādāmbhojaniḥsṛtaṃ tu paramānandavardhanam|
tatsukhenāparicchinnaṃ saṃjñānanirmalena ca||53-60||

cidānandasvarūpeṇa ānandāśruvimocanam|
tadā hi hṛdayagranthibhedanaṃ dehavardhanam||53-61||

tadā hi pulakaṃ sthairyaṃ dehāveśasthiraṃ tathā|
tadā ṣaṭkañja siddhāntajñānaṃ caitanyanirmalam||53-62||

cidānandamayo bhūtvā tṛṣṇājñānavivajītaḥ|
jīvanmuktaḥ parānandarasikaḥ praṇayapriyaḥ||53-63||

sthiracetā mahāyogī bhavatyeva na saṃśayaḥ|
āstiko devabhaktaśca nindāvādavivajītaḥ||53-64||

sa evātmā mahājñānī bhavatyeva na saṃśayaḥ|
pañcayogaṃ samākṛtya nityādikamanuttamam||53-65||

snānaṃ kuryādvidhānena tīrtharājaniketane|
iḍā gaṅgājale vāpi piṅgalā yamunājale||53-66||

suṣumnāyāṃ sarasvatyāṃ vasupuṣkarakoṭiṣu|
tathāpi bāhyasnāne tu sarvāṅgamastakaṃ vinā||53-67||

saptavāraṃ samāsiñcet mastakaṃ bāhyavāriṇā|
mārjanenāpi manunā mūlamantreṇa vā punaḥ||53-68||

tato'ṅgaṃ mārjayitvā ca sandhyāvandanamācaret|
bāhyasandhyāṃ tu mantreṇaivāntare prakṛtīśvaram||53-69||

ūrdhvādhastaijasaṃ binduṃ nādamaṇḍalasampuṭam|
sandhyāvandanamākṛtya mahauṣadhiṃ prabhakṣayet||53-70||

mūlamantreṇābhimantrya pañcagavyaṃ kuleśvara|
tataḥ kuryānmahāpūjāṃ svasvamantroktasādhitām||53-71||

ṣaṭcakrārthaṃ tato dhyāyed yaduktaṃ vidhinā prabho|
kuṇḍalinyā mahāpūjā sahasranāmamaṅgalam||53-72||

devatānāṃ paṭheddhīmān sarvakāle susiddhaye|
mūlādhāraṃ mudā bhitvā sūkṣmavāyudvayena ca||53-73||

tato bhedaṃ svādhiṣṭhānaṃ rākiṇīviṣṇusaṅgamam|
tayoranukramaṃ nātha sahasranāmamaṅgalam||53-74||

anyantaguhyakathanaṃ sattvabhaktiprakārakam|
bhitvā bhedaṃ mudā kuryānmaṇipīṭhasthadevayoḥ||53-75||

dhyānaṃ jñānaṃ stavaṃ nityaṃ yajanaṃ nāmakīrtanam|
caitanyaṃ rudralākinyāstathā mṛtyuñjayasya ca||53-76||

nityaṃ gurumayaṃ dhyātvā sarvagāminamīśvaram|
cirajīvī mahāyogī bhavatyeva na saṃśayaḥ||53-77||

iti śrīrudrayāmale uttaratantre mahātantroddīpane siddhamantraprakaraṇe bhairavabhairavīsaṃvāde maṇipūrabhedo nāma tripañcāśattamaḥ paṭalaḥ||53||

Kapitel 54

atha catuḥpañcāśattamaḥ paṭalaḥ

ānandabhairavī uvāca parāparāvibhedajña nigūḍhajñānasādhanam|
idānīṃ śṛṇu sarvajña pañcadravyādisādhanam||54-1||

ṣaṭcakrapadmabhedārthaṃ yatkramājjāyate kṣaṇāt|
amaraścāmarā caiva sarvasiddhipradāyikā||54-2||

brahmajñānasādhanī ca brahmānandasvarūpiṇī|
amaralatā tathā dhyeyā dūrvāsaṃjñā pratiṣṭhitā||54-3||

siddhāmarā ca nirguṇḍī sarvasiddhipradāyikā|
nīlāmarā tato grāhyā nīlatulasīsaṅgitā||54-4||

amaruḥ samayāpatraṃ cāmarā vilvapatrikā|
śivapriyā sadā pūjyā pūrvoktāvāsamāśrayet||54-5||

etadbhakṣaṇamantrāṇi śṛṇu kailāsabhūpate|
brāhmaṇī kṣatriyā vaiśyā śūdrā cakramato jayā||54-6||

tattanmantreṇa saṃśodhya bhakṣayenmanunāmunā|
sarvāsāma marādīnāṃ bhakṣaṇe samudīritā||54-7||

praṇavaṃ dīrghapraṇavaṃ kapile jñānasādhani|
mama yogaṃ sādhayeti yugaṃ svareṇa sampuṭam||54-8||

śākhāsamūhasampūrṇe mahauṣadhinivāsini|
māmekamamaraṃ dehi kuru yugmaṃ tato dviṭhaḥ||54-9||

amarāśanamantrāṇi śṛṇuṣva pārvatīśvara|
yasya smaraṇamātreṇa naro nārāyaṇo bhavet||54-10||

śivavad viharelloke bilvapatrasya bhakṣaṇāt|
śrībījatrayamuddhṛtya vāgdevītritayaṃ tataḥ||54-11||

lakṣmīkāmeśvarībījaṃ ramākāmatrayaṃ trayam|
siddhaviśveśi parame nigūḍhataruvāsini||54-12||

māmekaṃ jñānatattve'nte niyojaya yugaṃ dviṭhaḥ|
etanmantreṇa vīrendro vidhitattvākhyamudrayā||54-13||

śodhayitvā punarnātha cāmarāṃ śodhayettataḥ|
dūrvā devī tribhuvane amṛtattvapradāyini||54-14||

granthicchedabhedavārī praṇavādye pare ramā|
tato hi viṣṇubījañca kiṅkaṇī bījamuddharet||54-15||

rājarājeśvarībījaṃ śrībījaṃ trīṇi tatparam|
sudhākhaṇḍe māmihānte siddhāmarapadaṃ likhet||54-16||

dehi dehi namaḥ svāhāśabdamuccārya śodhayet|
etadbhakṣaṇamātreṇa cirakālaṃ sukhī bhavet||54-17||

sarvasaṃyogamātreṇa siddho bhavati sādhakaḥ|
siddhāmarāśodhanaṃ tu śṛṇu śrīcandraśekhara||54-18||

siddhāmarā ca nirguṇḍī triṣu lokeṣu gopitā|
etatpradhānaṃ mūlañca patraṃ vā cālayet sudhīḥ||54-19||

mūlābhāve dalaṃ grāhyaṃ dalābhāve na mūlakam|
ānayet sādhakaśreṣṭhaḥ śobhanena dinena tu||54-20||

tadā bhavati siddhiśca kaulānāṃ niyamo nahi|
kaulike sarvasiddhiśca kaulike yogasādhanam||54-21||

kulācāravihīnānāṃ yogabhogādikaṃ katham|
vinā yogena bhogādisañcayo jāyate katham||54-22||

yogasādhanamātreṇa bhogasādhanamālabhet|
tadbhogaṃ paramaṃ jñānaṃ kālāmṛtanisevanam||54-23||

viṣayāhlādabhogādiranāyāsena vardhate|
śarīriṇāmādikārya śarīrasya prabho priyam||54-24||

śītalāmṛtarūpāḍhyaṃ vyaktāvyaktaprakārakam|
ādisādhanamevaṃ hi kathitaṃ snehahetunā||54-25||

vallabha prāṇarakṣārthe śokātīvāraṇāya ca|
punastu kathaye tubhyaṃ nirguṇḍīśodhanaṃ manum||54-26||

oṃ nirguṇḍi mahāmāye mahāyavanivāsini|
āyurārogyajanani brahmaśabdanivāsini||54-27||

madīyaṃ sakalaṃ kāyaṃ śuddhaṃ kuru yugaṃ tataḥ|
nāntayugmaṃ bindunādabhūṣitaṃ cārutejasam||54-28||

caturdaśasvaravyāptaṃ (ṭhayugaṃ) bindubhūṣitam|
lakṣmībījatrayaṃ paścād ramābījamayaṃ likhet||54-29||

vajrakāyaṃ dehi dehi śabdānte vahnisundarī|
etanmantreṇa saṃśodhya bhakṣayet sādhakottamaḥ||54-30||

tato'maro bhavet kṣipraṃ nātra kāryā vicāraṇā|
tulasīśodhanaṃ vakṣye śṛṇuṣva parameśvara||54-31||

yatkṛtvā ca nirogī syād balavān vijitendriyaḥ|
praṇavaṃ vaiṣṇavī devī sattvajñānanivāsini||54-32||

kāmabījatrayānte tu māṃ rakṣa yugalaṃ dviṭhaḥ|
etacchodhanamākṛtya bhakṣaṇaṃ yaḥ karoti ca||54-33||

kāyasiddhirbhavettasya dhyānadhāraṇayoginaḥ||54-34||

iti śrīrudrayāmale uttaratantre siddhamantraprakaraṇe ṣaṭcakraprakāśe bhairavībhairavasaṃvāde pañcasiddhadravyaśodhanaṃ nāma catuḥpañcāśattamaḥ paṭalaḥ||54||

Kapitel 55

atha pañcapañcāśattamaḥ paṭalaḥ

śrīānandabhairavī uvāca kathayāmi tava snehāt kāyavaśyaviśeṣaṇāt|
haṭhayogaṃ prakathitamidānīṃ śṛṇuta kramam||55-1||

maṇipūrasthitaṃ rudraṃ trailokye pavanākṣayam|
kathayāmi śivānanda śivaśaṅkara maṅgala||55-2||

svādhiṣṭhānordhvadeśe ca paramānandasāgaram|
nābhimūlaṃ meghajālamadhya vidyucchatākulam||55-3||

rahasyātirahasyaṃ ca yogināmatisāragam|
tannābhimūladeśe ca nīlapadmaṃ mahāprabham||55-4||

taddalāgre sadā bhānti ḍādiphāntākṣarāṇi ca|
tad bāhye śobhitaṃ rūpaṃ trikoṇamanalasya ca||55-5||

prabhātasūryasaṅkāśaṃ śikhākāraṃ nirañjanam|
tatrāgnibījarūpaṃ ca rūpātītaṃ guṇāntaram||55-6||

vicintayenmeṣapṛṣṭhavāhanaṃ cāruṇākṛtim|
caturbāhuṃ trinayanaṃ cārudehadharaṃ param||55-7||

tatkroḍe bhāti rudreśaḥ sindūrāruṇavigrahaḥ|
brahmarūpī trinayanaḥ sṛṣṭisaṃhārakārakaḥ||55-8||

vibhūtibhūṣitāṅgastu lokānāmiṣṭado vibhuḥ|
tasya vāme sadā bhāti lākinī paradevatā||55-9||

caturbhujā mahādevī trinetrā saukhyadāyinī|
śyāmāṅgī pītavasanā vicitrālaṅkṛtāmarā||55-10||

sarvasiddhipradā mātā sarvatra sarvapālikā|
sadā rakṣatu māṃ devī vidyābhiḥ kulapālikā||55-11||

evaṃ dhyātvā pūjayitvā japayāgastavādibhiḥ|
tataḥ siddho bhavenmantrī maṇipūraprasādataḥ||55-12||

maṇipūraphalaṃ vakṣye samāsena śṛṇuṣva tat|
koṭivarṣaśatenāpi phalaṃ vaktuṃ na śakyate||55-13||

maṇipūrānantaraṃ hi pravaktavyamanāhatam|
stotraṃ dhyānaṃ nāmadheyaṃ sahasraguṇaśaṅkaram||55-14||

phalamatyantaguhyaṃ ca suhṛtpadmopasiddhidam|
ātmajñānaṃ mokṣasiddhiṃ premabhaktyādilābhakam||55-15||

saṃhartā janasaṅghānāṃ pālakaḥ kamalākaraḥ|
akasmājjñānasandohalakṣmīṃ prāpnoti yogirāṭ||55-16||

iti śrīrudrayāmale uttaratantre siddhamantraprakaraṇe ṣaṭcakraprakāśe bhairavībhairavasaṃvāde maṇipūrabhedo nāma pañcapañcāśattamaḥ paṭalaḥ||55||

Kapitel 56

atha ṣaṭpañcāśattamaḥ paṭalaḥ

śrīānandabhairava uvāca vada kāmini kaumāri surānande kuleśvari|
hṛdayāmbhojavinyāsamadhunā vaktumarhasi||56-1||

yasya vijñānamātreṇa naro yogeśvaro bhavet|
sarvasiddhikriyāsthānaṃ yogināmatidurlabham||56-2||

sarvatattvasvarūpaṃ ca siddhimārgaprakāśakam|
hṛdayāmbhoja vijñānānmārtaṇḍabhairavo bhavet||56-3||

śrotumicchāmi tatsarvaṃ ṣaṭcakrasāramaṅgalam|
snehād dṛṣṭikrameṇaiva bhaktiyogodbhavena ca||56-4||

bhedanaṃ bhāvanaṃ jñānaṃ cittadarśanameva ca|
mantroddhārañca saṅketaṃ sarvajñādiguṇodayam||56-5||

yajanaṃ kākinīdevyā īśvarasya guṇātmanaḥ|
stavanaṃ kavacaṃ sarvaṃ sahasranāmamaṅgalam||56-6||

vāyūnāṃ maṇḍalajñānaṃ samāsena vadasva me|
tvameva śaraṇaṃ devi trāhi māṃ duḥkhasaṅkaṭāt||56-7||

mahākāla bhayābhāva bhaktibhāvaparāyaṇa|
mamānandabhairaveśa śṛṇu vakṣyāmi tattvataḥ||56-8||

yaduktaṃ bhavatā cātra cāśrutaṃ cādbhutaṃ matam|
noktaṃ kutrāpi sarveśa tava snehāt prakāśitam||56-9||

aprakāśyamidaṃ ratnaṃ duḥkhajālanivāraṇam|
sāvadhānena sarveśa kuru tvaṃ yogasādhanam||56-10||

mayi yogaṃ mahādeva kṛtvā kālavaśaṃ naya|
mayi yogaṃ na karoti siddhibhaktikriyādikam||56-11||

akasmānmaraṇaṃ tasya kālabhakṣo na saṃśayaḥ|
kevalaṃ māṃ hṛdambhoje paripūrṇaphalodaye||56-12||

sarvākāre manorājye nānākautukasaṅkule|
pūjayitvā sadā dhyāyet kākinīṃ māṃ na saṃśayaḥ||56-13||

sa yogī jāyate nātha hṛdambujaprasādataḥ|
hṛtpaṅkeruhamadhyasthāḥ sarve devāḥ savāsavāḥ||56-14||

māmarcayanti te nityaṃ bhaktibhāvaparāyaṇāḥ|
ye dhyāyanti mahāvīra te paśyanti savāsavān||56-15||

krameṇa prāṇasaṃyogān māṃ paśyanti na saṃśayaḥ|
māmekaṃ kākinīdhyānaṃ sthiravāyuṃ pracaṇḍakam||56-16||

paśyanti yoginaḥ kāye aṣṭaiśvaryaṃ mahāprabham|
kevalaṃ bhaktiyogena nityayoge syuruttamāḥ||56-17||

padmadhyānaṃ prathamataḥ kṛtvā siddho bhavennaraḥ|
taddhayānaṃ śṛṇu vīreśa yogināmiha durlabham||56-18||

hṛtpadmaṃ kulapālitaṃ sulalitaṃ haṃsena saṃśodhitaṃ|
bandhūkāmaladīptikoṭijaḍitaṃ sambhāvitaṃ sādhakaiḥ|
atyutkṛṣṭamayūkhapuñjamilitaṃ sindūrapūrāruṇaṃ|
dhyātvā paśyati yo naraḥ pratidinaṃ kādyāruṇairāvṛtam||56-19||

sa syātkoṭidhaneśvaro naravaro bhūyāttvabhāvārṇave|
yo nityaṃ lipibhāvanaṃ prakurute nityeśvarālokanāt|
taddhayānaṃ kramato vadāmi sakalaṃ yena prasiddho bhave--|
dānandārṇavamadhyapadmakalitaṃ kādyarkavarṇojjvalam||56-20||

dale pūrve dhyāyedativimalavarṇaṃ kamiti vā
prabhātārkacchāyāruṇakiraṇayogaṃ yugamayam|
caturbāhuṃ nityaṃ trinayanamanantaṃ ravigataṃ|
bhavādyāśaktisthaṃ svabhavanaghaṭāśobhitatanum||56-21||

dvitīye patre'smin khamaruṇasamūhāśrayapadaṃ|
padaṃ śrītāriṇyā anilagaganayoḥ priyakaram|
mudā dhyāyedevaṃ paramamanilaṃ devabhujagaṃ|
suvarṇālaṅkāraṃ trinayanamamaulyaṃ sukhamayam||56-22||

tṛtīye patre'smin vidhuyutakapālaṃ trinayanaṃ|
svasindūrākāraṃ dviyugabhujaśobhābhavamaham|
sadā dhyāyedevaṃ paramapuruṣaṃ śrīgaṇapatiṃ|
sphuradraktākāraṃ taruṇamaṇimālaṃ jitamadam||56-23||

catuḥ patre dhyāyedyamaruṇaśataṃ ghoraninadaṃ|
kriyādakṣaṃ mūtīṃ trinayanasarojaṃ yugabhujam|
varābhītiprocchatsphaṭikajapamālādisahitaṃ|
phaṇālaṅkārāṅgaṃ śiva śiva mukheśottamamaham||56-24||

ṅaṃbījaṃ sindūrāruṇamamakhilanāthaṃ trinayanaṃ|
mahāmokṣasthānaṃ maṇikanakaratnādyabharaṇam|
caturbāhuṃ rudraṃ jagati bhavamekaṃ guṇavibhuṃ|
kapālaṃ śrīmālaṃ varamabhayakaṃ bibhratamaham||56-25||

caturbāhūllāsaṃ kamalavaramālāsisahitaṃ|
vibhuṃ taṃ dhyāye'haṃ vidhuśatamukhaṃ taṃ trinayanam|
prabhātārkaprāyaṃ sakalamaṇiratnābharaṇakaṃ|
mahājyotsnājālaṃ paramarasabindūdbhavatanum||56-26||

tamekaṃ netrasthaṃ chamamalakaraṃ nūtanaraviṃ|
caturbāhuṃ dhyāye varatanukapāleṣu sahitam|
sudhādhārāpānaṃ kanakajapamālā'vṛtatanuṃ|
trinetraṃ yogendraṃ vasudalagataṃ cāruvadanam||56-27||

caturvaktraṃ dhyāye jamajamamaraṃ sāruṇatanuṃ|
viśālākṣaṃ sūkṣmaṃ samarasamayaṃ brahmavapuṣam|
caturbāhuṃ devaṃ tribhuvanapadaṃ sāraghaṭitaṃ|
mahāśaṅkhaṃ rudraṃ varamabhayakaṃ vibhratabalam||56-28||

mahākāyaṃ tejomayamapi caruṃ bījamakhilaṃ|
mudā dhyāye kāmāpahamatimukhaṃ cāṣṭamadale|
mahāsindūrādriṃ dinakarakalākoṭivimalaṃ|
trinetraṃ pañcāsyaṃ daśabhujayutaṃ sarvavapuṣam||56-29||

ñabījaṃ sārdhendūdbhava śikhamakheśaṃ trinayanaṃ|
caturbāhuṃ dhyāye sukamalagadācakraniyutam|
mahāmālāvyāptaṃ sukanakaśubhā'laṅkṛtaguruṃ|
prabhātārkaṃ viśvācītajaḍilarūpaṃ ravidale||56-30||

manorūpācchannaṃ trinayanamadhīśāruṇadale|
ṭabījaṃ bindvindvaṃ japavaṭivarābhītyasidharam|
tamekaṃ someśaṃ maṇimayacalatkuṇḍaladharaṃ|
mudā dhyāye śambhuṃ hṛdi śivadale siddhakamale||56-31||

trinetraṃ kāmākhyaṃ śiśukaruṇayā siddhiphaladaṃ|
suratnā'laṅkāracchavirucitanūnāṃ samanagham|
ṭhakāraṃ bindvindvaṃ navaravighaṭākoṭikiraṇaṃ|
dale cārke dhyāye kamalavaramālāśiśudharam||56-32||

etacchuddhamanolayasya bhavanaṃ caitanyasaṃsiddhaye|
varṇānāṃ japabhāvanaṃ yadi sadā cintāmaṇermaṇḍalam|
yogīndraḥ kurute vaśiṣṭhasadṛśo vācāṃ patirbhūtale|
vāksiddhiṃ cirakālavāsamakhile devo hi no mānuṣaḥ||56-33||

vāñchācintāmaṇigṛhaṃ hṛdayāmbhojamaṇḍalam|
tanmadhye pavanasthānaṃ maṇḍalākāramulbaṇam||56-34||

buddhipratibhayā vyāptaṃ tanmadhye pavanākṣaram|
ācchannadhūmasaṅkāśaṃ prasiddhasthānamuttamam||56-35||

tanmadhye devatāpīṭhaṃ ṣaṭkoṇaṃ maṇḍalaṃ param|
tanmadhye bhāvayediṣṭaṃ svasvakalpoktasādhitam||56-36||

vāyordhyānaṃ tatra kuryādatyantasūkṣmarūpiṇam|
nirākāraṃ paraṃ brahma sākāraṃ śabdarūpiṇam||56-37||

nirakṣaraṃ svākṣarāḍhyaṃ mahograṃ sthirarūpiṇam|
caturbāhuṃ jagadvyāptaṃ kṛṣṇasārāsanaṃ yavam||56-38||

lokatrayāṇāṃ varadaṃ karuṇāsindhurūpiṇam|
pañcabhūtātmakaṃ raudraṃ prāṇasañjñaṃ kirīṭinam||56-39||

saṃbibhrataṃ varābhītighaṇṭāḍamarusevakān|
īśanāmnā paricitaṃ parahaṃsaṃ kuleśvaram||56-40||

sarvā'laṅkāraśobhāṅgaṃ vivekodayakāraṇam|
vicintayet sādhakendraḥ parivāragaṇāvṛtam||56-41||

tatra paṅkeruhe dhyāyedīśvaraṃ varṇarūpiṇam|
trailokyamaṅgalaṃ nāthaṃ caturbāhuṃ kirīṭinam||56-42||

ratnamālāśobhitāṅgaṃ śuklavarṇaṃ mahāprabham|
īśvaraṃ yogināmīśaṃ varadaṃ parameśvaram||56-43||

varābhītiśaṅkhapadmaśriyā juṣṭaṃ purātanam|
ratnābharaṇabhūṣāṅgaṃ hṛdayāmbhojavāsinam||56-44||

vāñchātiriktaphaladaṃ bhāvasiddhiprakāśakam|
paramahaṃsamīśānaṃ dhyāyed hṛtpadmamaṇḍale||56-45||

tatpārśve dhyānamākuryāt kākinīṃ parameśvarīm|
trailokyapūjitāṃ devīṃ kākacañcuprakāśinīm||56-46||

caturbhujāṃ pītavarṇāṃ pītavastropaśobhitām|
navavidyutkoṭirūpāṃ vilolanetrapaṅkajām||56-47||

kapālaśaśiśūlāstravaradānasamākulām|
vicitraratnanirmāṇasvarṇā'laṅkārabhūṣitām||56-48||

trailokyalalitāṃ sūkṣmāṃ varābhayakarāmbujām|
sudhāpānaratāṃ mattāṃ pūrṇarūpāṃ kuleśvarīm||56-49||

ratnakaṅkaṇamālāḍhyāṃ paramānandabhairavīm|
hṛdayāmbhojamadhyasthāṃ dhyāye'haṃ haṃsagāminīm||56-50||

tatpīṭhamadhyanikare trikoṇaṃ paricintayet|
pīṭhaśaktiṃ suvarṇāḍhyāṃ vidyutkoṭisamodayām||56-51||

kākinīsadṛśīṃ mattāṃ pūrṇāntaḥ karaṇodyatām|
sarvā'laṅkārabhūṣāḍhyāṃ parivāragaṇāvṛtām||56-52||

taddakṣiṇe pārśvabhāge cintayettvāmaliṅgakam|
suvarṇaśuddhasaṅkāśaṃ nirmalaṃ cārutejasam||56-53||

mahālakṣmīpriyānandaṃ sarvākāraṃ nirañjanam|
jñānayogodayaṃ brahmarūpiṇaṃ bahurūpiṇam||56-54||

pradīpakalikākāraṃ cintayedīśvaraṃ śivam|
eteṣāṃ jñānamākṛtya vāgīśo bhavati kṣaṇāt||56-55||

vākyasiddhiṃ tatra nātha cintayet prasiddhaye|
tatra bhānormaṇḍalañca cintayet sādhakāgraṇīḥ||56-56||

padmakiñjalkamadhye tu cintayedaruṇāyutam|
māsaikasādhanādeva yogī syācchītalāṅgadhṛk||56-57||

dvimāse granthibhedaḥ syādanantaguṇavān bhavet|
trimāse yogayogyaḥ syāt sarpādiviṣanāśakṛt||56-58||

caturmāse nirmalātmā bhāvakaḥ sthiramānasaḥ|
pañcame māsi samprāpte vāyavī kṛpayānvitā||56-59||

sthiravāyuḥ sthirā dṛṣṭiratīva sukhasampadaḥ|
tato dine dine vṛddhirvāyūnāmanukampayā||56-60||

ṣaṇmāsāt pāpasaṃtyakto muktavad bhramate ciram|
jale cāgnau ca bhūgarte kadācinna mirayeta hi||56-61||

īśvarātmā mahājñānī niḥśaṅko nirupadravaḥ|
mahāvivekasiddhāntajñānī bhedavivajītaḥ||56-62||

sa bhūtvā cirajīvī ca bhuktibhāgī dine dine|
saptame kalpasantyakto madano doṣavigrahaḥ||56-63||

nityānandaguṇaprāptirbhūmityāgo dine dine|
aṣṭame sarvaśatrughno rāmanāmavivajītaḥ||56-64||

aṇimādidarśanañca brahmagovindadarśanam|
navame kṣālanāsiddhirbhūmityāgastrihastakaḥ||56-65||

daśame yogasiddhiśca ṣaṭcakrādipradarśanam|
brahmarandhrabhedanajño mahāānandavigrahaḥ||56-66||

ekādaśe sarvasiddhiḥ pañcabhūtamayāṅgadhṛk|
saptasvargālokanañca ṣaṭśivapriyadarśanam||56-67||

dvādaśe devasanmānaṃ devatā--pādadarśanam|
atyantaṃ sukhasantānaṃ māyājālanivāraṇam||56-68||

sarvavidyāsarvasiddhidīvyabhaktiḥ śubhodayā|
te vīrāste ca yogīndrāste divyāste ca bhairavāḥ||56-69||

te sarve mṛtyujetāraste bhaktā muktibhāginaḥ|
ye tiṣṭhanti mahāraṇye nirjane parvate ciram||56-70||

dhārayanti sādhayanti yogametat kuleśvara|
yoge yogād bhavenmokṣa iti me tattvanirṇayaḥ||56-71||

saṃsārottāraṇe muktiryogaśabdena kathyate|
loke hi durlabhaṃ yogaṃ yogātparataraṃ nahi||56-72||

yogaṃ pañcavidhaṃ proktamekaṃ viṣayasammatam|
dvitīyañca dvibhedañca pūjāyogaṃ tṛtīyakam||56-73||

bhaktiyogaṃ paraṃ brahmayogasāraṃ kuleśvara|
sarvatrāpi manoyogād baddho mukto bhaved dhruvam||56-74||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde'nāhatapadmavinyāso nāma ṣaṭpañcāśattamaḥ paṭalaḥ||56||

Kapitel 57

atha saptapañcāśattamaḥ paṭalaḥ

śrīānandabhairavī uvāca athātaḥ sampravakṣyāmi vivekaguṇalakṣaṇam|
varṇadhyānānantaraṃ hi pūjanaṃ tanmahāphalam||57-1||

pūjayā labheta pūjāṃ vivekaṃ bhāvasambhavam|
kākinīśvarasaṃyogaṃ bhāvaṃ paramadurlabham||57-2||

yajanaṃ kākinīdevyā īśvarasyāpi bhāvanam|
pūjābhāve mahāsiddhirjāyate tatkṣaṇācchiva||57-3||

bhāvena labhyate pūjā vivekaṃ pūjayā labhet|
vivekaṃ brahmabhāvaṃ tu prāpnoti koṭijanmani||57-4||

athavā labhyate śīghraṃ tavāpi madanugrahaiḥ|
tatprakāraṃ śṛṇu prāṇavallabha tripureśvara||57-5||

yasya vijñānamātreṇa bhavet paramabhāvakaḥ|
vicintayedvarṇapārśve catudīkṣu krameṇa tu||57-6||

siddheśvarān yogayuktān mahāpuruṣasaṃśritān|
brahmāṇaṃ paramaṃ haṃsaṃ rudraṃ viśveśvaraṃ prabhum||57-7||

mṛtyuñjayaṃ mahākālaṃ nīlakaṇṭhaṃ sureśvaram|
śrīviṣṇuṃ kamalānāthaṃ pañcacūḍaṃ kumārakam||57-8||

candraṃ sūryaṃ prajānāthaṃ dakṣaṃ munīndrameva ca|
pracetasaṃ marīciñca kaśyapaṃ pulahaṃ tathā||57-9||

vaśiṣṭhañca bhṛguñcaiva gautamaṃ kapilaṃ munim|
pulastyañca kratuñcaiva prahlādaṃ kardamaṃ tathā||57-10||

atharvāṅgirasaṣīñca bālakhilyān marīcipān|
mānasañcāntarīkṣañca vidyāśca pavanaṃ vibhum||57-11||

tejasañca jalañcaiva mahīsparśañca śabdakam|
tathā rūpaṃ rasaṃ gandhaṃ prakṛtiñca vikārakam||57-12||

yañcānyat kāraṇaṃ sarvaṃ bhuvākṣayaṃ carācaram|
tatpārśvagāmino devā sendrā bhramanti nityaśaḥ||57-13||

agastyaśca mahātejā mārkaṃṇḍeyaśca vīryavān|
yamadagnirbharadvājaḥ saṃvartaścyavanastathā||57-14||

durvāsāśca mahābhāga ṛṣyaśṛgaṃśca dhāmīkaḥ|
sanatkumāro bhagavān yogācāryo mahātapāḥ||57-15||

asito devalaścaiva jaigīṣavyaśca tattvavit|
ṛṣabhājītaśakraśca mahāvīryastathā maṇiḥ||57-16||

āyurvedaṃ tathāṣṭāṅgamete bhānti svamūrtayaḥ|
candramāḥ saha nakṣatrairādityaiśca gabhastibhiḥ||57-17||

vāyava ṛtavaścaiva saṅkalpaḥ prāṇa eva ca|
mūtīmanto mahātmāno mahāvrataparāyaṇāḥ||57-18||

ete cānye ca bahava īśvaraṃ samupāsate|
ete pārśve cintanīyā varṇānāṃ sādhakottamaiḥ||57-19||

tatpārśvasthaḥ prabhākoṭidhārakaḥ pratibhāti ca|
artho dharmaśca kāmaśca harṣo dveṣastathā damaḥ||57-20||

tatra gandharvamukhyāśca sahitāpsarasastathā|
viṃśatiḥ sapta caivānye lokapālāśca sarvaśaḥ||57-21||

śukro bṛhaspatiścaiva budho'ṅgāraka eva ca|
śanaiścaraśca rāhuśca grahāḥ sarve tathaiva ca||57-22||

mantro rathantaraścaiva haviṣmān vasumānapi|
ādityāḥ sādhirājāno nānāvṛndairupāsitāḥ||57-23||

maruto viśvakarmā ca vasavaśca kapālinaḥ|
tathā pitṛgaṇāḥ sarve sarvāṇi ca havīṃṣyatha||57-24||

ṛgvedaḥ sāmavedaśca yajurvedastathā vidhiḥ|
atharvavedaśca tathā sarvaśāstrāṇi caiva hi||57-25||

itihāsopadeśaśca vedāṅgāni ca sarvaśaḥ|
grahā yajñāśca somāśca daivatāni ca sarvaśaḥ||57-26||

sāvitrī tāriṇī durgā vāṇī saptavidhā tathā|
medhā dhṛtiḥ smṛtiścaiva prajñā buddhiryaśaḥ kṣamā||57-27||

sāmāni śrutiśāstrāṇi gāthāstu vividhāstathā|
bhāṣyāṇi tarkayuktāni dehavanti vibhānti ca||57-28||

nāṭikā vividhāḥ kāryāḥ kathākhyāyikakārikāḥ|
atra tiṣṭhanti ye puṇyā ye puṇyā gurupūjakāḥ||57-29||

kṣaṇā lavā muhūrtāśca divārātriśca sarvataḥ|
ardhamāsāstathāmāsāḥ ṛtavaḥ ṣaṭ ca śaṅkara||57-30||

saṃvatsarāḥ pañcayugaṃ māsā rātriścatuvīdhā|
kālacakrañca yaddavyaṃ nityamakṣayamavyayam||57-31||

dharmacakrastathā cāpi nityamāste maheśvara|
aditiśca ditiścaiva rudraśca vinatā tathā||57-32||

kālikā yuvatī devī surasā cātha gautamī|
prādhā kadruśca vai devyo devatānāñca mātaraḥ||57-33||

rudrāṇī śrīśca lakṣmīśca bhadrā ṣaṣṭhī tathā parā|
pṛthivīsañjñitā devī hrīḥ svāhā kītī reva ca||57-34||

surā devī śacī caiva tathā puṣṭirarundhatī|
saṃsiddhi siddhidā vidyā mahādevī ratistathā||57-35||

etāścānyāśca vai devya upatasthuralaṅkṛtāḥ|
ādityāvasavo rudrā marutaścāśvināvapi||57-36||

viśvedevāśca sādhyāśca pitaraśca maharṣayaḥ|
rājarṣayastatra bhānti hariścandrādayaḥ prabho||57-37||

sarve hemakuṇḍalinaḥ sarvā'laṅkārabhūṣitāḥ|
bhāvukā gītavādyādi nisvanairmagnadehinaḥ||57-38||

bhāvayanti maheśānīṃ kākinīṃ parameśvarīm|
varṇarūpāṃ nityakalāṃ maheśvarapativratām||57-39||

īśvaraṃ bhāvayantyete pūjayanti nirantaram|
veṣṭitāḥ sundarākārāḥ aṣṭasiddhisamṛddhidāḥ||57-40||

etāḥ pūjyā mahākāla varṇapārśvacarāḥ prabhāḥ|
prasīda nātha svāmīti nāmnā manasi pūjayet||57-41||

"varṇeśvara priyānandāṃ kākinīṃ pūjayāmyaham"
iti mantreṇaiva pūjyā varṇarūpā sarasvatī||57-42|| tadā prasannāḥ siddhyanti śrīkākinyāḥ kalau yuge||57-43||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde kākinīśvaravarṇapārśva carayajanaṃ nāma saptapañcāśattamaḥ paṭalaḥ||57||

Kapitel 58

athāṣṭapañcāśattamaḥ paṭalaḥ

śrīānandabhairavī uvāca athāṣṭasiddhimāhātmyaṃ śṛṇu śrīcandraśekhara|
mantroddhāraṃ tathā nyāsaṃ kavacāṅga tava priyam||58-1||

stotraṃ sahasranāmākhyaṃ sāṣṭottaramanupriyam|
sākāradhyānamakhilaṃ sālokyādipadapradam||58-2||

yasya karaṇamātreṇa suro bhavati mānuṣaḥ|
vṛkṣabījād bhaved vṛkṣaḥ śraddhayāśca phalodayaḥ||58-3||

tathā tathaiva mantrāṇāmudayo bījayogataḥ|
bījaṃ tu paramaṃ jñānaṃ bījādhīnaṃ carācaram||58-4||

bījamāśritya sarvendrāḥ pratibhānti mahaujasaḥ|
koṭisūryapratīkāśāḥ prāṇasthānanivāsinaḥ||58-5||

ke cāpyayutasūryābhāḥ śatasūryasamaprabhāḥ|
kecid dvādaśasūryābhāḥ ko janaścaikabhāsurāḥ||58-6||

kopi nāma munirdīptaḥ kopi candrasamaprabhaḥ|
kopi śrīkāntikiraṇaḥ śaṅkhacakragadādharaḥ||58-7||

ete bījasamudbhūtā nirbījāśca pañcadevatāḥ|
brahmaviṣṇuśivānandabhairavāḥ prāṇadevatāḥ||58-8||

brahmābrahmasvarūpeṇa śvāsamārgapraveśakaḥ|
viṣṇurvaiṣṇavatattvena kumbhakāntargataḥ prabhuḥ||58-9||

śivaḥ saṃhārarūpeṇa mahāpralayagaḥ prabhuḥ|
ānandabhairavaḥ śrīmān mūlajñānīparātparaḥ||58-10||

mūlāmbhojād brahmarandhraṃ yāvattatra praveśikā|
prāṇavidyāsvarūpeṇa bījarūpā sanātanī||58-11||

sā bhāvyā yogibhinītyaṃ yogāṅgairatibhāvyate|
yogaśāstraṃ vinā nātha ke jānanti maharṣayaḥ||58-12||

atyantaduḥkhasādhyā sā yogijñeyā manoyavā|
nānārūpā bṛhadrūpā śvāsocchvāsaprakāśinī||58-13||

hṛdayāmbhojamadhyasthā īśvarasthānavāsinī|
kālacañcuprakāśā sā sarvabhūtahṛdisthitā||58-14||

sarveṣāṃ jñānakarttī ca sarvānandakarī hṛdi|
sā devī kākinī vidyā īśvarī paramā kalā||58-15||

vibhāvyā koṭisūryābhā koṭicandrasamānanā|
tasyā mantraṃ mahāmantraṃ brahmamantraṃ hi yoginām||58-16||

śṛṇunātha kulānanda bhairavyādimanuṃ mudā|
etanmatraprabhāveṇa parātmānaṃ vaśaṃ nayet||58-17||

dīrghapraṇavamuccārya vāmanetraṃ samuddharet|
māyānte vāgbhavaṃ bījaṃ kāmabījaṃ samuddharet||58-18||

kāmabījaṃ tathaiśvarye namo'nte vahnikāminī|
etanmantraprasādena bhavet kālavaśaḥ kṣaṇāt||58-19||

atyantasukhamāpnoti bhayājñānāpaho bhavet|
kāmena puṭitaṃ mantraṃ vāgbhavenāpi vā prabho||58-20||

svamantrapuṭitaṃ kṛtvā siddhiḥ syādacirādiha|
athānyamantraṃ vakṣyāmi sāvadhāno'vadhāraya||58-21||

bhadrakālīṃ samuddhṛtya kiṅkiṇībījamuddharet|
bālābījaṃ samuddhṛtya māheśvaryai namo dviṭhaḥ||58-22||

kevalaṃ mūlamantreṇa puṭitaṃ mūlamantrakaiḥ|
pūjayet parayā bhaktyā hṛdayāmbhojamaṇḍale||58-23||

aprakāśyamimaṃ mantraṃ sarvatantreṣu gopitam|
lakṣajapena siddhiḥ syād hṛdayābje stharo bhavet||58-24||

akasmāddīpakalikākāraṃ jīvaṃ prapaśyati|
tato bhavenmahāyogī īśvarīmantrasādhanāt||58-25||

dhyānaṃ vakṣyāmi pūjāyā guhyād guhyataraṃ param|
dhyātvā pādyādibhirnātha manaḥkalpitapuṣpakaiḥ||58-26||

pūjayetparayā bhaktyā mantradhyānaparāyaṇaḥ||58-27||

śaśadharaśatakoṭiśrīmayūkhaprabhāyāḥ|
yā surataruguṇaśobhā nirmalā vedahastā|
aruṇakiraṇabhālā hāramālā vilolā|
hṛdayakamalamadhye śrīśvarīṃ tāṃ bhajāmi||58-28||

evaṃ sarvasvarūpāṃ tāṃ vibhāvya hṛdayāmbuje|
punaḥ punaḥ pūjayedvai trailokyodbhavapuṣpakaiḥ||58-29||

avaśyaṃ siddhimāpnoti pūjāyogaprabhāvataḥ|
āyurārogyajananaṃ pūjanaṃ sumahāphalam||58-30||

tato japenmahāmantraṃ varṇāmālākrameṇa tu|
prāṇāyāmaṃ tataḥ kṛtvā nyaset sarvāṅgamadhyake||58-31||

mātṛkāgranthinikare nyaset pūrvoktanāmabhiḥ|
yaduktaṃ pūrvapaṭale teṣāṃ nāmābhireva ca||58-32||

vinyasya mantrapuṭitaṃ mantranyāsaṃ tataścaret|
kākinyā aṣṭaśaktīnāṃ nyāsaṃ kuryāttataḥ param||58-33||

kākajihvādvikāṇḍeśī kāmākhyā kākinī dhvajā|
kākinī kākamālā ca kākacañcuprakāśinī||58-34||

kokilācāṣṭaśaktīnāṃ nāmnā vinyasya mastake|
kaṇṭhakūpe nyasetpaścāt ṣoḍaśasvarasampuṭam||58-35||

hṛdaye vinyasennātha kādidvādaśasampuṭam|
mantraṃ vinyasya vidhinā nābhau mantreṇa sampuṭam||58-36||

ḍādiphāntaṃ tu vinyasya bādilāntaṃ svaliṅgake|
mūlādhāre mūlamantrapuṭitaṃ vādisāntakam||58-37||

vinyasya vyāpakaṃ nyāsaṃ kṛtvāṅgāni ca bandhayet|
tataḥ prāṇāyāmamekaṃ kṛtvā prāṇān samāśrayet||58-38||

tataḥ stotraṃ paṭheddhīmān tatsarvaṃ śṛṇu śaṅkara|
haviṣyāśī vaśībhūtvā sādhayediha siddhaye||58-39||

iti śrīrudrayāmale uttaratantre kākinīsiddhisādhana nāmāṣṭapañcāśattamaḥ paṭalaḥ||58||

Kapitel 59

athaikonaṣaṣṭitamaḥ paṭalaḥ

śrīānandabhairavī uvāca jñāneśvarī śubhakarī paribhāvanīyā|
yogeśvarairhariharairgurubhirmahendraiḥ|
tāṃ kākinīṃ paraśivāṃ parameśapatnīṃ|
saṃstaumi cāruhṛdayāmbujapīṭhamadhye||59-1||

ekākinī trijagatāmatināśakāle|
tvāṃ kākinīṃ samarakārṇā(ṇḍa)kakākapatnīm|
tvaṃ sākṣiṇī bhuvanabhaṅgavidhau sakāste|
bhūṣaṇḍakākamahiṣīva vayaṃ bhajāmaḥ||59-2||

ekākinīṃ sakaladhāraṇakālayoge|
ādhārya dehasamaye sati kākinīṃ tvām|
vāyvāsane manasa āśu vikāranāśe|
kākendracañcucalitāmahamevamīḍe||59-3||

bhāvodaye praṇayinīmagatau ca bhāvā|
āhlādayogavibhave bhuvaneśvarīṃ tvām|
mandārahārarucire parameśvari tvaṃ|
rakṣāṃ kuru prathamato matimāśrayāmi||59-4||

candrodaye sukhamayī dyutikoṭidīptā|
gopyāgame sumatibhiḥ svamanāṃsi śuddhā|
sā tvaṃ sukhātvaṃ bhava bhāvavipūjanīye|
rakṣāṃ kuru prathamabhāskaramaṅghiramīḍe||59-5||

te pādapaṅkajamajasramahaṃ bhajāmi|
sānandabindu vimalāsanabhāvapuñje|
guñjāvaṭīvimalamālyasuśobhitāṅge|
syāmeva me caramabhāvasamūhadātrī||59-6||

pañcānane daśabhuje sakalāstrayukte|
vidye bhaye narahare narahārabhūṣe|
pretāsane trinayane jananī tvameva|
rakṣe śubhe caraṇapaṅkajamāśrayāmi||59-7||

śrī sundari praṇatarakṣiṇi vedamāta--|
stāreśvarī tvamapi rakṣa vināśakāle|
yadyekabhakta itihāsapurāṇavaktā|
nityānuraktaharapādasarojamīḍe||59-8||

te śrīpadaṃ bhuvanasāramanantasevyaṃ|
yogāspadaṃ kṛtibhirāśrayamekayogam|
sarve bhajanti nijamokṣaphalāya nityaṃ|
dīno'hamamba bhuvaneśi mudā bhajāmi||59-9||

trailokyapūjitapadaṃ hṛdayāmbujasthaṃ|
cittaprakāśakamale svasukhānubhūtam|
māyāśrayaṃ sakalasiddhinidānarūpaṃ|
mañjīrahāravinataṃ varamāśrayāmi||59-10||

kauṭīrahārakamalapriyamālyaśobhe|
śobhākare sthiratarā bhava me hṛdabje|
bhūmaṇḍale hi balavānkṛtakṛtya eva
tvāmīśvarīṃ hṛdi mudā sukhamāśrayāmi||59-11||

nitye purā bhajati yogasusiddhaye'sau|
śambhugīrīśa iti ceśvarapārśvagāmi|
sāyujyanāthapadavīṃ gata īśakānte|
ekākinī kulavatāṅghirayugaṃ kimanyaiḥ||59-12||

dhyāyanti yogina ihāghasamūhaśailaṃ|
saṃhāra hetukasadāghavināśanāya|
cittotsavāya vibhavāya jayāya bhūmeḥ|
dīno'hamāśu vibhajāmi padaṃ śriye te||59-13||

kṛṣṇe site vimalapītanibhe surakte|
varṇāśraye tvamava māmatidīnamekam|
putraṃ tavaiva caraṇāmbujameva kāntaṃ|
nīlāmbuje sthirataraṃ kuru kāmadātri||59-14||

sarveśvarī priyakari bhavabhāvahantri|
nānā dhvanipraṇatakāmadughe vicitre|
ratnāmbare sukhapadaṃ yadi dehi dāsyaṃ|
tvaṃ cāruvarṇagalite padamāśrayāmi||59-15||

ratnākare sakaruṇe'ruṇakoṭivarṇe|
svarṇādinimītasṛjāpaviśobhitāṅgī|
tvaṃ kākinī yadi kaṭākṣanipātamekaṃ|
sarvaṃ kuruṣva sukhamokṣapathapramodī||59-16||

ādye pravālavimale'malamālyaśobhe|
sūkṣme'tisūkṣmanikare karuṇānidhāne|
( ka ) bāle vale pracale capale pralāpe|
yogeśi pādakamalaṃ kulamāśrayāmi||59-17||

( kha ) tvaṃ ṣoḍaśī kharatarā kharakhaḍgahaste|
khaḍgeśvarī prakharavākyamāthāḍhyavaktre|
ma kharjūrahārarucire khalahantri tubhyaṃ|
nityaṃ namo nama upendragirīndrasevye||59-18||

( ga ) gītānate tarutare praṇamāmi nityaṃ|
gātreśvarī gatihare gaṇanāthasevye|
gāyanti te caraṇapaṅkajasāragītaṃ|
rakṣāpracaṇḍakaluṣādanupekṣaṇīyam||59-19||

( gha ) dīrghasvare ghanavare ghanaghoranāde|
ghorānane navaghane ghaṭanāghanānām|
ghorāspade ghaṭagate ghaṭaśūnyakatrī|
tvaṃ kākinī samavatu kṣitidoṣajālāt||59-20||

( ṅa ) ānusvare smarahare nanu rūpavidye|
saṃyoginīprabalaśatruvināśabhūte|
rakṣe'tirakṣa karuṇāṃ kuru dehi mokṣaṃ|
( ca ) caṇḍi pracaṇḍanayane caraṇaṃ bhaje te||59-21||

( cha ) chatraprade chalahare chadavāsinī tvaṃ|
chadmasthite hṛdayapaṅkajadakṣayoge|
( ja ) tvāṃ pūjaye jayadhare yadunāthajanyo|
jāye jayaṃ yadiha dehi padaṃ bhajāmi||59-22||

( jha ) jhaṅke jhanajvalayatīha ripaṃ pibanti|
tvaṃ kauśikī sakaladehaviśodhanī tvam|
( na ) nitye'nunāsikapade sakalārthade tvaṃ|
( ña ) rakṣāṃ kuruṣva vipade kulapuñjaguñje||59-23||

( ṭa ) ṭaṅkārage'ṭṭahasane ṭalale'ṭṭahāse|
( ṭha ) ṭhākkāriṇī saṭhaharā pariniṣṭhitā tvam|
siṃheṣṭapṛṣṭhanilaye'sthirayogabhāvaṃ
hṛtpadmake kuru sadā sakalārthadātri||59-24||

etatstotraṃ paṭheddhīmān dhyānanyāsaparāyaṇaḥ|
vibhāvya stauti yo yogī sa yogī mokṣabhāgbhavet||59-25||

hṛtpaṅkaruhamadhyasthaṃ sa paśyati jagattrayam|
aṣṭasiddhiyutaḥ śīghraṃ jīvanmukto bhavennaraḥ||59-26||

iti śrīrudrayāmale mahātantroddīpane siddhamantraprakaraṇe kākinīstotravinyāso nāmonaṣaṣṭitamaḥ paṭalaḥ||59||

Kapitel 60

atha ṣaṣṭitamaḥ paṭalaḥ

ānandabhairava uvāca vada kānte parānande rahasyaṃ kulasundari|
yasya vijñānamātreṇa bhaved gaṅgādharo hariḥ||60-1||

īśvarasya stavabrahmaparaṃ nirvāṇasādhanam|
śobhākoṭiyogapateryogendrasya parāpateḥ||60-2||

īśvaraṃ ke na mānanti brahmaviṣṇuśivādayaḥ|
tasya smaraṇamātreṇa mahāvāggmī ca mṛtyujit||60-3||

mantrī vedāntasiddhāntaṃ taṃ bhajanti maharṣayaḥ|
devā manuṣyā gandharvāstaṃ bhajanti maheśvaram||60-4||

akālamṛtyuharaṇaṃ sarvadā sarvatomukham|
sadā tasya stavaṃ divyaṃ śrotumicchāmi śāṅkari||60-5||

śrīānandabhairavī uvāca kaula tvaṃ śṛṇu śaṅkarapriyakaraṃ stotraṃ tadīśasya ca|
śrīnāthāya namaḥ kuleśa paramaprāṇeśa tubhyaṃ mudā|
sānandāya namo bhavāya pataye lokeśvarāyo oṃ namo|
bhūteśāya gaṇādhipāya yataye śrīśūline te namaḥ||60-6||

kāntāya praṇavāya yogapataye yogeśvarāyo oṃ namo|
mahārāyākṣareśvarāya mahate nityāya nityaṃ namaḥ|
svādhiṣṭhānavibhedakāya haraye mūlābjasambhedine|
nābherambujabhedine hṛdayāmbhodbhadakāyoṃ namaḥ||60-7||

kālāya praṇavāya māyavaśine nityaṃ namo bhāsvate|
mokṣāya pramatheśvarāya kavaye khaṭvāṅgahastāya te|
bhaktiśrīnidhaye mahendrakhacarāya māyāśrayāryo namo|
vijñānāya śivāya sūkṣmagataye gūḍhāya bhūyo namaḥ||60-8||

sarvajñāya jayāya bhūtipataye bhūteśvarāya prabho|
pañcāsyāya harāya devapataye gaurīśvarāya śriye|
bhogāyāntaragāmine hariharāyānandacidrūpiṇe|
kalyāṇāya bhagāya śuddhamatibhinītyaṃ namaste namaḥ||60-9||

govindapriyavallabhāya vidhaye brahmādikotpattaye|
utpattisthitisaṃhṛtiprakṛtaye bāhyāya viśveśvara|
tubhyaṃ kāla namo namaḥ pralayayogollāsine bhūbhṛte|
vijñātāya girīndrapūjita vibho bhūtādhipāyāniśam||60-10||

gaurīśāya gaṇācītāya manase mānyāya bhūvāsine|
bhūtotsāhamahīśanāthaśaśicūḍāya pradhānāya te|
nityaṃ nityakalākulāya phaṇicūḍa.ya prabuddhāya te|
tejaḥśāntipate satāṃ patipate nirvāsase te namaḥ||60-11||

śobhākoṭiyutāya candrakiraṇāhlādāya sūkṣmāya te
tubhyaṃ nātha namo namaḥ praṇamatāmānandasindhūtsavā|
heramba śrayakātīkeyajanakānandapriyāya prabho|
pitre sarvasukhāya sarvapataye śrīnīlakaṇṭheśvara||60-12||

tribrahmāpītabhūtaye surataye śrībhāsvate yoginā--
mānandodayakāriṇe kulapate te nātha tubhyaṃ namaḥ|
brahmānandakulāya raupyagiraye saundaryasaṃsiddhaye
sarvānandakarāya samparatarāyāḍhyāya satyaṃ namaḥ||60-13||

kāśīśaṃ kauśikīśaṃ suratarukiraṇaṃ kāraṇākhyaṃ sukhākhyaṃ|
gaurīśaṃ gaṅgirīśaṃ gurumagurugiriśreṇiliptāṅgavaṅgam|
ghoṣākhyaṃ mañjughoṣaṃ ghanagaṇaghaṭitaṃ ghorasaṅghaṭṭanādaṃ
cārvīśaṃ rāghaveśaṃ ghanahṛdi ghaṭamāmīśvaraṃ ghauṭakeśa||60-14||

lākṣābhāṇḍaṃ viśālo vasati tava kare sthāvaro jaṅgamo vā|
bhūtādhyakṣo vaśiṣṭhaḥ svaparijanakule sarvadā pāhi śambho|
bhaktijñānaṃ na dātuṃ capalamalamaṇiśreṇimālā vilolā|
lokābhīto kalaṅkī vidhiśatamukuṭaśrīpadāmbhoruhaṃ te||60-15||

dhūrtaḥ śauriḥ praśānto vimalamadhurasāmodamāno'pramatto|
māyāmohāpadevī suramadamadano dānasammānadātā|
tvaṃ nāthaṃ śrīpadāmbhoruhavimalatale te kathaṃ nā surakṣe|
pūrvāsyo dakṣiṇāsyo dhanapativadanaḥ paścimāsyo munistvam||60-16||

bhedī siddhāntavidyādharanidhikiraṇaḥ kāraṇo'nantaśakti--
ryaḥ sākṣāt kāmadhenuḥ sa ca dhanapatipaḥ sarvabhogānurāgī|
pādāmbhoje hi nityaṃ kalagirisutānātha te yogipatvaṃ|
cittaṃ me cañcalākhyaṃ śaśidharakiraṇo vākpate yogasiddhiḥ||60-17||

kapardī śrīkhaḍgāsivaragadayā vedabhujayā|
ghanacchāyāsaṅkocaracanāvaśacchadmavijayaḥ|
jayī jetā jāyerjayamanukarotu śriyatamo|
jvalajjhaṃjhāvāte kṣaṇadhara iha krodha iti me||60-18||

athājñā cakrāntargatavivaramācchannajaṭilaḥ|
pratijñābhaṅgasthakaṭakaśatakoṭiprakaṭitaḥ|
kuṭhāraste krodhī kamaṭhakaṭavāsī kaṭhinahā|
kakārādyaṃ natvā daśakiraṇamāno'vatu sadā||60-19||

sudhākhaṇḍādevyāḥ stavanapaṭhanena priyakaraṃ|
padāmbhojaṃ ceti pracayati svabhāgyaṃ kulapate|
pradhāne bhūkhaṇḍe jayati yadi mṛtyuñjayapadaṃ|
vinodaṃ bhūyogaṃ pacati sahasā premataralaḥ||60-20||

yadyevaṃ prapaṭhedidamaniyataṃ kaulāvalīsaṃyutaṃ|
stotraṃ sārarahasyabhāraparamānandaikacittasthalam|
yogīndrāvagatitvamuktaphaladaṃ sarveśvaratvaṃ padaṃ|
candrādityasamāgataṃ parapadāhlādaikamātraṃ labhet||60-21||

te śambho yadi pādāmbhoruhamaṅgalavallikā|
pūjyate sarvadā yogī nirvāṇaguṇasiddhaye||60-22||

kinna siddhayati bhrūmadhye śivabhaktiprasādataḥ||60-23||

iti śrī rudrayāmale uttaratantre mahātantroddīpane anāhata padme surastavanaṃ nāma ṣaṣṭitamaḥ paṭalaḥ||60||

Kapitel 61

athaikaṣaṣṭitamaḥ paṭalaḥ

śrīānandabhairava uvāca vada kalyāṇi kāmeśi trailokyaparipūjite|
brahmāṇḍānantanilaye kailāsaśikharojjvale||61-1||

kālike kālarātristhe mahākālaniṣevite|
śabdabrahmasvarūpe tvaṃ vaktumarhasi sādarāt||61-2||

sahasranāmayogākhyam aṣṭottaramanantaram|
anantakoṭibrahmāṇḍaṃ sāraṃ paramamaṅgalam||61-3||

jñānasiddhikaraṃ sākṣād atyantānandavardhanam|
saṅketaśabdamokṣārthaṃ kākinīśvarasaṃyutam||61-4||

parānandakaraṃ brahma nirvāṇapadalālitam|
snehādabhisukhānandādādau brahma varānane||61-5||

icchāmi sarvadā mātarjagatāṃ surasundari|
snehānandarasodrekasambandhān kathaya drutam||61-6||

śrīānandabhairavī uvāca īśvara śrīnīlakaṇṭha nāgamālāvibhūṣita|
nāgendracitramālāḍhya nāgādhiparameśvara||61-7||

kākinīśvarayogāḍhyaṃ sahasranāma maṅgalam|
aṣṭottaraṃ vṛtākāraṃ koṭisaudāminīprabham||61-8||

āyurārogyajananaṃ śṛṇuṣvāvahito mama|
anantakoṭibrahmāṇḍasāraṃ nityaṃ parātparam||61-9||

sādhanaṃ brahmaṇo jñānaṃ yogānāṃ yogasādhanam|
sārvajñaguhyasaṃskāraṃ saṃskārādiphalapradam||61-10||

vāñchāsiddhikaraṃ sākṣānmahāpātakanāśanam|
mahādāridryaśamanaṃ mahaiśvaryapradāyakam||61-11||

japedyaḥ prātari prīto madhyāhne'stamite ravau|
namaskṛtya japennāma dhyānayogaparāyaṇaḥ||61-12||

kākinīśvarasaṃyogaṃ dhyānaṃ dhyānaguṇodayam|
ādau dhyānaṃ samācarya nirmalo'malacetasā||61-13||

dhyāyed devīṃ mahākālīṃ kākinīṃ kālarūpiṇīm|
parānandarasonmattāṃ śyāmāṃ kāmadughāṃ parām||61-14||

caturbhujāṃ khaḍgacarmavarapadmadharāṃ harām|
śatrukṣayakarīṃ ratnā'laṅkārakoṭimaṇḍitām||61-15||

taruṇānandarasikāṃ pītavastrāṃ manoramām|
keyūrahāralalitāṃ tāṭaṅkadvayaśobhitām||61-16||

īśvarīṃ kāmaratnākhyāṃ kākacañcupuṭānanām|
sundarīṃ vanamālāḍhyāṃ cārusiṃhāsanasthitām||61-17||

hṛtpadmakaṇīkāmadhyākāśasaudāminīprabhām|
evaṃ dhyātvā paṭhennāmamaṅgalāni punaḥ punaḥ||61-18||

īśvaraṃ koṭisūryābhaṃ dhyāyeddhṛdayamaṇḍale|
caturbhujaṃ vīrarūpaṃ lāvaṇyaṃ bhāvasambhavam||61-19||

śyāmaṃ hiraṇyabhūṣāṅgaṃ candrakoṭisuśītalam|
abhayaṃ varadaṃ padmaṃ mahākhaḍgadharaṃ vibhum||61-20||

kirīṭinaṃ mahākāyaṃ smitahāsyaṃ prakāśakam|
hṛdayāmbujamadhyasthaṃ nūpurairupaśobhitam||61-21||

koṭikālānalaṃ dīptaṃ kākinīdakṣiṇasthitam|
evaṃ vicintya manasā yoginaṃ parameśvaram||61-22||

tataḥ paṭhet sahasrākhyaṃ vadāmi śṛṇu tatprabho||61-23||

asya śrīkākinīśvarasahasranāmastotrasya brahmāṛṣirgāyatrīcchando jagadīśvara kākinī devatā
nirvāṇayogārtha siddhayarthe jape viniyogaḥ|
oṃ īśvaraḥ kākinīśāna īśāna kamaleśvarī|
īśaḥ kākeśvarīśānī īśvarīśaḥ kuleśvarī||61-24||

īśamokṣaḥ kāmadhenuḥ kapardīśaḥ kapadīnī|
kaulaḥ kulīnāntaragā kaviḥ kāvyaprakāśinī||61-25||

kalādeśaḥ sukavitā kāraṇaḥ karuṇāmayī|
kañjapatrekṣaṇaḥ kālī kāmaḥ kolāvalīśvarī||61-26||

kirātarūpī kaivalyā kiraṇaḥ kāmanāśanā|
kārṇāṭeśaḥ sakarṇāṭī kalikaḥ kālikāpuṭā||61-27||

kiśoraḥ kīśunamitā keśaveśaḥ kuleśvarī|
keśakiñjalkakuṭilaḥ kāmarājakutūhalā||61-28||

karakoṭidharaḥ kūṭā kriyākrūraḥ kriyāvatī|
kumbhahā kumbhahantrī ca kaṭakacchakalāvatī||61-29||

kañjavaktraḥ kālamukhī koṭisūryakarānanā|
kamraḥ kalapaḥ samṛddhisthā kupo'ntasthaḥ kulācalā||61-30||

kuṇapaḥ kaulapākāśā svakāntaḥ kāmavāsinī|
sukṛtiḥ śāṅkarī vidyā kalakaḥ kalanāśrayā||61-31||

karkandhusthaḥ kaulakanyā kulīnaḥ kanyakākulā|
kumāraḥ keśarī vidyā kāmahā kulapaṇḍitā||61-32||

kalkīśaḥ kamanīyāṅgī kuśalaḥ kuśalāvatī|
ketakīpuṣpamālāḍhyaḥ ketakīkusumānvitā||61-33||

kusumānandamālāḍhyaḥ kusumāmalamālikā|
kavīndraḥ kāvyasambhūtaḥ kāmamañjīrarañjinī||61-34||

kuśāsanasthaḥ kauśalyākulapaḥ kalpapādapā|
kalpavṛkṣaḥ kalpalatā vikalpaḥ kalpagāminī||61-35||

kaṭhorasthaḥ kācanibhā karālaḥ kālavāsinī|
kālakūṭāśrayānandaḥ karkaśākāśavāhinī||61-36||

kaṭadhūmākṛticchāyo vikaṭāsanasaṃsthitā|
kāyadhārī kūpakarī karavīrāgataḥ kṛṣī||61-37||

kālagambhīranādāntā vikalālāpamānasā|
prakṛtīśaḥ satprakṛtiḥ prakṛṣṭaḥ kaṣīṇīśvarī||61-38||

bhagavān vāruṇīvarṇā vivarṇo varṇarūpiṇī|
suvarṇavarṇo hemābho mahān mahendrapūjitā||61-39||

mahātmā mahatīśānī meheśo mattagāminī|
mahāvīro mahāvegā mahālakṣmīśvaro matiḥ||61-40||

mahādevo mahādevī mahānando mahākalā|
mahākālo mahākālī mahābalo mahābalā||61-41||

mahāmānyo mahāmānyā mahādhanyo mahādhanī|
mahāmālo mahāmālā mahākāśo mahākāśā||61-42||

mahāyaśo mahāyajñā mahārājo mahārajā|
mahāvidyo mahāvidyā mahāmukhyo mahāmakhī||61-43||

mahārātro mahārātrirmahādhīro mahāśayā|
mahākṣetro mahākṣetrā kurukṣetraḥ kurupriyā||61-44||

mahācaṇḍo mahogrā ca mahāmatto mahāmatiḥ|
mahāvedo mahāvedā mahotsāho mahotsavā||61-45||

mahākalpo mahākalpā mahāyogo mahāgatiḥ|
mahābhadro mahābhadrā mahāsūkṣmo mahācalā||61-46||

mahāvākyo mahāvāṇī mahāyajvā mahājavā|
mahāmūtīrmahākāntā mahādharmo mahādhanā||61-47||

mahāmahogro mahiṣī mahābhogyo mahāprabhā|
mahākṣemo mahāmāyā mahāmāyā mahāramā||61-48||

mahendrapūjitā mātā vibhālo maṇḍaleśvarī|
mahāvikālo vikalā pratalasthalalāmagā||61-49||

kaivalyadātā kaivalyā kautukastho vikaṣīṇī|
vālāpratirvālapatnī balarāmo valāṅgajā||61-50||

avaleśaḥ kāmavīrā prāṇeśaḥ prāṇarakṣiṇī|
pañcamācāragaḥ pañcāpañcamaḥ pañcamīśvarī||61-51||

prapañcaḥ pañcarasagā niṣprapañcaḥ kṛpāmayī|
kāmarūpī kāmarūpā kāmakrodhavivajītā||61-52||

kāmātmā kāmanilayā kāmākhyā kāmacañcalā|
kāmapuṣpadharaḥ kāmā kāmeśaḥ kāmapuṣpiṇī||61-53||

mahāmudrādharo mudrā sanmudraḥ kāmamudrikā|
candrārdhakṛtabhālābho vidhukoṭimukhāmbujā||61-54||

candrakoṭiprabhādhārī candrajyotiḥsvarūpiṇī|
sūryābho vīrakiraṇā sūryakoṭivibhāvitā||61-55||

mihireśo mānavakā antarggāmī nirāśrayā|
prajāpatīśaḥ kalyāṇī dakṣeśaḥ kularohiṇī||61-56||

apracetāḥ pracetasthā vyāseśo vyāsapūjitā|
kāśyapeśaḥ kāśyapeśī bhṛgvīśo bhārgaveśvarī||61-57||

vaśiṣṭhaḥ priyabhāvastho vaśiṣṭhabādhitāparā|
pulastyapūjito devaḥ pulastyacittasaṃsthitā||61-58||

agastyārcyo'gastyamātā prahlādeśo valīśvarī|
kardameśaḥ kardamādyā bālako bālapūjitā||61-59||

manasthaścāntarikṣasthā śabdajñānī sarasvatī|
rūpātītā rūpaśūnyā virūpo rūpamohinī||61-60||

vidyādhareśo vidyeśī vṛṣastho vṛṣavāhinī|
rasajño rasikānandā viraso rasavajītā||61-61||

saunaḥ sanatkumāreśī yogacaryeśvaraḥ priyā|
durvāśāḥ prāṇanilayaḥ sāṅkhyayogasamudbhavā||61-62||

asaṅkhyeyo māṃsabhakṣā sumāṃsāśī manoramā|
naramāṃsavibhoktā ca naramāṃsavinodinī||61-63||

mīnavaktrapriyo mīnā mīnabhuṅmīnabhakṣiṇī|
rohitāśī matsyagandhā matsyanātho rasāpahā||61-64||

pārvatīpremanikaro vidhidevādhipūjitā|
vidhātṛvarado vedyā vedo vedakumārikā||61-65||

śyāmeśo sitavarṇā ca cāsito'sitarūpiṇī|
mahāmattāsavāśī ca mahāmattāsavapriyā||61-66||

āsavā ḍhyo'manādevī nirmalāsavapāmarā|
visatto madirāmattā mattakuñjaragāminī||61-67||

maṇimālādharo mālāmātṛkeśaḥ prasannadhīḥ|
jarāmṛtyuharo gaurī gāyanastho jarāmarā||61-68||

sucañcalo'tidurdharṣā kaṇṭhastho hṛdgatā satī|
aśokaḥ śokarahitā mandarastho hi mantriṇī||61-69||

mantramālādharānando mantrayantraprakāśinī|
mantrārthacaitanyakaro mantrasiddhiprakāśinī||61-70||

mantrajño mantranilayā mantrārthāmantramantriṇī|
bījadhyānasamantasthā mantramāle'tisiddhidā||61-71||

mantravettā mantrasiddhirmantrastho māntrikāntarā|
bījasvarūpo bījeśī bījamāle'ti bījikā||61-72||

bījātmā bījanilayā bījāḍhyā bījamālinī|
bījadhyāno bījayajñā bījāḍhyā bījamālinī||61-73||

mahābījadharo bījā bījāḍhyā bījavallabhā|
meghamālā meghamālo vanamālī halāyudhā||61-74||

kṛṣṇājinadharo raudrā raudrā raudragaṇāśrayā|
raudrapriyo raudrakartrī raudralokapradaḥ prabhā||61-75||

vināśī sarvagānāṃ ca sarvāṇī sarvasampadā|
nāradeśaḥ pradhāneśī vāraṇeśo vaneśvarī||61-76||

kṛṣṇeśvaraḥ keśaveśī kṛṣṇavarṇastrilocanā|
kāmeśvaro rāghaveśī bāleśī vā bāṇapūjitaḥ||61-77||

bhavānīśo bhavānī ca bhavendro bhavavallabhā|
bhavānando'tisūkṣmākhyā bhavamūtīrbhaveśvarī||61-78||

bhavacchāyo bhavānando bhavabhītiharo valā|
bhāṣājñānībhāṣamālā mahājīvo'tivāsanā||61-79||

lobhāpamdo lobhakartrī pralobho lobhavadhīnī|
mohātīto mohamātā mohajālo mahāvatī||61-80||

mohamudgaradhārī ca mohamudgaradhāriṇī|
mohānvito mohamugdhā kāmeśaḥ kāminīśvarī||61-81||

kāmalāpakaro'kāmā satkāmo kāmanāśinī|
bṛhanmukho bṛhannetrā padmābho'mbujalocanā||61-82||

padmamālaḥ padmamālā śrīdevo devarakṣiṇī|
asito'pyasitā caiva āhlādo devamātṛkā||61-83||

nāgeśvaraḥ śailamātā nāgendro vai nagātmajā|
nārāyaṇeśvaraḥ kītīḥ satkītīḥ kītīvadhīnī||61-84||

kātīkeśaḥ kātīkī ca vikartā gahanāśrayā|
virakto garuḍārūḍhā garuḍastho hi gāruḍī||61-85||

garuḍeśo gurumayī gurudevo gurupradā|
gaurāṅgeśo gaurakanyā gaṅgeśaḥ prāṅgaṇeśvarī||61-86||

pratikeśo viśālā ca nirāloko nirīndriyā|
pretabījasvarūpaśca pretā'laṅkārabhūṣitā||61-87||

premagehaḥ premahantrī harīndro hariṇekṣaṇā|
kāleśaḥ kālikeśānī kaulikeśaśca kākinī||61-88||

kālamañjīradhārī ca kālamañjīramohinī|
karālavadanaḥ kālī kaivalyadānadaḥ kathā||61-89||

kamalāpālakaḥ kuntī kaikeyīśaḥ sutaḥ kalā|
kālānalaḥ kulajñā ca kulagāmī kulāśrayā||61-90||

kuladharmasthitaḥ kaulā kulamārgaḥ kulāturā|
kulajihvaḥ kulānandā kṛṣṇaḥ kṛṣṇasamudbhavā||61-91||

kṛṣṇeśaḥ kṛṣṇamahiṣī kākasthaḥ kākacañcukā|
kāladharmaḥ kālarūpā kālaḥ kālaprakāśinī||61-92||

kālajaḥ kālakanyā ca kāleśaḥ kālasundarī|
khaḍgahastaḥ kharparāḍhyā kharagaḥ kharakhaḍganī||61-93||

khalabuddhiharaḥ khelā khañjaneśaḥ sukhāñjanī|
gītapriyo gāyanasthā gaṇapālo gṛhāśrayā||61-94||

gargapriyo gayāprāptirgargastho hi gabhīriṇā|
gāruḍīśo hi gāndharvī gatīśo gārhavahnijā||61-95||

gaṇagandharvagopālo gaṇagandharvago gatā|
gabhīramānī sambhedo gabhīrakoṭisāgarā||61-96||

gatistho gāṇapatyasthā gaṇanādyo gavā tanūḥ|
gandhadvāro gandhamālā gandhāḍhyo gandhanirgamā||61-97||

gandhamohitasarvāṅgo gandhacañcalamohinī|
gandhapuṣpadhūpadīpanaivedyādiprapūjitā||61-98||

gandhāgurusukastūrī kuṅkumādivimaṇḍitā|
gokulā madhurānandā puṣpagandhāntarasthitā||61-99||

gandhamādanasambhūtapuṣpamālyavibhūṣitaḥ|
ratnā dyaśeṣālaṅkāramālāmaṇḍitavigrahaḥ||61-100||

svarṇādyaśeṣālaṅkārahāramālāvimaṇḍitā|
karavīrā yutaprakhyaraktalocanapaṅkajaḥ||61-101||

javākoṭikoṭiśata cārulocanapaṅkajā|
ghanakoṭimahānāsya paṅkajālolavigrahā||61-102||

ghargharadhvanimānandakāvyāmbudhimukhāmbujā|
ghoracitrasarparāja mālākoṭiśatāṅkabhṛt||61-103||

ghanaghoramahānāga citramālāvibhūṣitā|
ghaṇṭākoṭimahānādamānandalolavigrahaḥ||61-104||

ghaṇṭāḍamarumantrādi dhyānānandakarāmbujā|
ghaṭakoṭikoṭiśatasahasramaṅgalāsanā||61-105||

ghaṇṭāśaṅkhapadmacakravarābhayakarāmbujā|
ghātako ripukoṭīnāṃ śumbhādīnāṃ tathā satām||61-106||

ghātinīdaityaghorāśca śaṅkhānāṃ satataṃ tathā|
cārvākamatasaṅghātacaturānanapaṅkajaḥ||61-107||

cañcalānandasarvārthasāravāgvādinīśvarī|
candrakoṭisunirmāla mālālambitakaṇṭhabhṛt||61-108||

candrakoṭisamānasya paṅkeruhamanoharā|
candrajyotsnāyutaprakhyahārabhūṣitamastakaḥ||61-109||

candrabimbasahasrābhāyutabhūṣitamastakaḥ|
cārucandrakāntamaṇimaṇihārāyutāṅgabhṛt||61-110||

candanāgurukastūrī kuṅkumāsaktamālinī|
caṇḍamuṇḍamahāmuṇḍāyutanirmalamālyabhṛt||61-111||

caṇḍamuṇḍaghoramuṇḍanirmāṇakulamālinī
caṇḍāṭṭahāsaghorāḍhyavadanāmbhojacañcalaḥ||61-112||

calatkhañjananetrāmbhoruhamohitaśaṅkarā|
caladambhojanayanānandapuṣpakaramohitaḥ||61-113||

caladindubhāṣamāṇāvagrahakhedacandrikā|
candrārdhakoṭikiraṇacūḍāmaṇḍalamaṇḍitaḥ||61-114||

candracūḍāmbhojamālā uttamāṅgavimaṇḍitaḥ|
caladarkasahasrānta ratnahāravibhūṣitaḥ||61-115||

caladarkakoṭiśatamukhāmbhojatapojjvalā|
cāruratnāsanāmbhojacandrikāmadhyasaṃsthitaḥ||61-116||

cārudvādaśapatrādi kaṇīkāsuprakāśikā|
camatkāra--ga--ṭaṅkāradhunarbāṇakarāmbujaḥ||61-117||

caturthavedagāthādi stutikoṭisusiddhidā|
caladambujanetrārkavahnicandratrayānvitaḥ||61-118||

calatsahasrasaṅkhyāta paṅkajādiprakāśikā|
camatkārāṭṭahāsāsya smitapaṅkajarājayaḥ||61-119||

camatkāramahāghorasāṭṭāṭṭahāsaśobhitā|
chāyāsahasrasaṃsāraśītalānilaśītalaḥ||61-120||

chadapadmaprabhāmānasiṃhāsanasamāsthitā|
chalatkoṭidaityarājamuṇḍamālāvibhūṣitaḥ||61-121||

chinnādikoṭimantrārthajñānacaitanyakāriṇī|
citramārgamahādhvāntagranthisambhedakārakaḥ||61-122||

astrakāstrādibrahmāstrasahasrakoṭidhāriṇī|
ajāmāṃsādisadbhakṣa--rasāmodapravāhagaḥ||61-123||

chedanādimahogrāstre bhujavāmaprakāśinī|
jayākhyādimahāsāma jñānārthasya prakāśakaḥ||61-124||

jāyāgaṇahṛdambhoja buddhijñānaprakāśinī|
janārdanapremabhāva mahādhanasukhapradaḥ||61-125||

jagadīśakulānandasindhupaṅkajavāsinī|
jīvanāsthādijanakaḥ paramānandayoginām||61-126||

jananī yogaśāstrāṇāṃ bhaktānāṃ pādapadmayoḥ|
rukṣapavananirvātamaholkāpātakāruṇaḥ||61-127||

jharjharīmadhurī vīṇā veṇuśaṅkhapravādinī|
jhanatkāraughasaṃhārakaradaṇḍaviśānadhṛk||61-128||

jharjharīnāyikāryyādikarāmbhojaniṣevitā|
ṭaṅkārabhāvasaṃhāramahājāgaraveśadhṛk||61-129||

ṭaṅkāsipāśupātāstracarmakārmukadhāriṇī|
ṭalanānalasaṅghaṭṭapaṭṭāmbaravibhūṣitaḥ||61-130||

ṭulṭunī kiṅkiṇī koṭi vicitradhvanigāminī|
ṭhaṃ ṭhaṃ ṭhaṃ manumūlāntaḥ svaprakāśaprabodhakaḥ||61-131||

ṭhaṃ ṭhaṃ ṭhaṃ prakharāhlādanādasamvādavādinī|
ṭhaṃ ṭhaṃ ṭhaṃ kūrmapṛṣṭhasthaḥ kāmacākārabhāsanaḥ||61-132||

ṭhaṃ ṭhaṃ ṭhaṃ bījavahnistha hātukabhrūvibhūṣitā|
ḍāmaraprakharāhlādasiddhividyāprakāśakaḥ||61-133||

ḍiṇḍimadhvānamadhuravāṇīsammukhapaṅkajā|
ḍaṃ ḍaṃ ḍaṃ kharakṛtyādi māraṇāntaḥprakāśikā||61-134||

ḍhakkāravādyabhūpūratārasaptasvarāśrayaḥ|
ḍhauṃ ḍhauṃ ḍhauṃ ḍhaukaḍhakkalaṃ vahnijāyāmanupriyaḥ||61-135||

ḍhaṃ ḍhaṃ ḍhaṃ ḍhauṃ ḍha ḍhaṃ ḍha kṛtyetthāheti vāsinī|
tārakabrahmamantrasthaḥ śrīpādapadmabhāvakaḥ||61-136||

tāriṇyādimahāmantra siddhisarvārthasiddhidā|
tantramantramahāyantra vedayogasusāravit||61-137||

tālavetāladaitālaśrītālādisusiddhadā|
tarukalpalatāpuṣpakalabījaprakāśakaḥ||61-138||

ḍintiḍītālahintālatulasīkulavṛkṣajā|
akārakūṭavindvindumālāmaṇḍitavigrahaḥ||61-139||

sthātṛprasthaprathāgāthāsthūlasthityantasaṃharā|
darīkuñjahemamālāvanamālādibhūṣitaḥ||61-140||

dāridryaduḥkhadahanakālānalaśatopamaḥ|
daśasāhasravaktrāmbhoruhaśobhitavigrahaḥ||61-141||

pāśābhayavarāhlādadhanadharmādivadhīnī|
dharmakoṭiśatollāsasiddhiṛddhisamṛddhidā||61-142||

dhyānayogajñānayogamantrayogaphalapradā|
nāmakoṭiśatānantasukītīguṇamohanaḥ||61-143||

nimittaphalasadbhāvabhāvābhāvavivajītā|
paramānandapadavī dānalolapadāmbujaḥ||61-144||

pratiṣṭhāsunivṛttādi samādhiphalasādhinī|
pheravīgaṇasanmānavasusiddhipradāyakaḥ||61-145||

phetkārīkulatantrādi phalasiddhisvarūpiṇī|
varāṅganākoṭikoṭikarāmbhojanisevitā||61-146||

varadānajñānadāna mokṣadāticañcalā|
bhairavānandanāthākhya śatakoṭimudānvitaḥ||61-147||

bhāvasiddhikriyāsiddhi sāṣṭāṅgasiddhidāyinī|
makārapañcakāhlādamahāmodaśarīradhṛk||61-148||

madirādipañcatattvanirvāṇajñānadāyinī|
yajamānakriyāyogavibhāgaphaladāyakaḥ||61-149||

yaśaḥ sahasrakoṭistha guṇagāyanatatparā|
raṇamadhyasthakālāgni krodhadhārasuvigrahaḥ||61-150||

kākinīśākinīśaktiyogādi kākinīkalā|
lakṣaṇāyutakoṭīndulalāṭatilakānvitaḥ||61-151||

lākṣābandhūkasindūravarṇalāvaṇyalālitā|
vātāyutasahasrāṅgaghūrṇāyamānabhūdharaḥ||61-152||

vivasvatpremabhaktistha caraṇadvandvanirmalā|
śrīsītāpatiśuddhāṅga vyāptendranīlasannibhaḥ||61-153||

śītanīlāśatānandasāgarapremabhaktidā|
ṣaṭpaṅkeruhadevādisvaprakāśaprabodhinī||61-154||

mahomīsthaṣaḍādhāraprasannahṛdayāmbujā|
śyāmapremakalābandhasarvāṅgakulanāyakaḥ||61-155||

saṃsārasāraśāstrādi sambandhasundarāśrayā|
hrasauḥ pretamahābījamālācitritakaṇṭhadhṛk||61-156||

hakāravāmakarṇāḍhya candrabinduvibhūṣitā|
layasṛṣṭisthitikṣetrapānapālakanāmadhṛk||61-157||

lakṣmīlakṣajapānandasiddhisiddhāntavaṇīnī|
kṣunnivṛttikṣapārakṣā kṣudhākṣobhanivārakaḥ||61-158||

kṣatriyādikurukṣetrāruṇākṣiptatrilocanā|
ananta itihāsastha ājñāgāmī ca īśvarī||61-159||

umeśa uṭakanyeśī ṛddhisthahṛsthagomukhī|
gakāreśvarasaṃyukta trikuṇḍadevatāriṇī||61-160||

eṇācīśapriyānanda erāvatakuleśvarī|
oḍhrpuṣpānantadīpta oḍhrpuṣpānakhāgrakā||61-161||

ehṛtyaśatakoṭistha au dīrghapraṇavāśrayā|
aṅgasthāṅgadevasthā aryasthaścāryameśvarī||61-162||

mātṛkāvarṇanilayaḥ sarvamātṛkalānvitā|
mātṛkāmantrajālasthaḥ prasannaguṇadāyinī||61-163||

atyutkaṭapathiprajñā guṇamātṛpade sthitā|
sthāvarānandadeveśo visargāntaragāminī||61-164||

akalaṅko niṣkalaṅko nirādhāro nirāśrayā|
nirāśrayo nirādhāro nirbījo bījayoginī||61-165||

niḥśaṅko nispṛhānando sindhūratnāvaliprabhā|
ākāśasthaḥ khecarī ca svargadātā śiveśvarī||61-166||

sūkṣmātisūkṣmātvairjñeyā dārāpaduḥkhahāriṇī|
nānādeśasamudbhūto nānālaṅkāralaṅkṛtā||61-167||

navīnākhyo nūtanastha nayanābjanivāsinī|
viṣayākhyaviṣānandā viṣayāśī viṣāpahā||61-168||

viṣayātītabhāvastho viṣayānandaghātinī|
viṣayacchedanāstrastho viṣayajñānanāśinī||61-169||

saṃsārachedakacchāyo bhavacchāyo bhavāntakā|
saṃsārārthapravartaśca saṃsāraparivatīkā||61-170||

saṃsāramohahantā ca saṃsārārṇavatāriṇī|
saṃsāraghaṭakaśrīdāsaṃsāradhvāntamohinī||61-171||

pañcatattvasvarūpaśca pañcatattvaprabodhinī|
pāthīvaḥ pṛthivīśānī pṛthupūjyaḥ purātanī||61-172||

varuṇeśo vāruṇā ca vārideśo jalodyamā|
marustho jīvanasthā ca jalabhugjalavāhanā||61-173||

tejaḥ kāntaḥ projjvalasthā tejorāśestu tejasī|
tejasthastejaso mālā tejaḥ kītīḥ svaraśmigā||61-174||

pavaneśaścānilasthā paramātmā nināntarā|
vāyupūrakakārī ca vāyukumbhakavadhīnī||61-175||

vāyucchidrakaro vātā vāyunirgamamudrikā|
kumbhakastho recakasthā pūrakasthātipūriṇī||61-176||

vāyvākāśādhārarūpī vāyusañcārakāriṇī|
vāyusiddhikaro dātrī vāyuyogī ca vāyugā||61-177||

ākāśaprakaro brāhmī ākāśāntargatadrigā|
ākāśakumbhakānando gaganāhlādavadhīnī||61-178||

gaganācchannadehastho gaganābhedakāriṇī|
gaganādimahāsiddho gaganagranthibhedinī||61-179||

kalakarmā mahākālī kālayogī ca kālikā|
kālachatraḥ kālahatyā kāladevo hi kālikā||61-180||

kālabrahmasvarūpaśca kālitattvārtharakṣiṇī|
digambaro dikpatisthā digātmā digibhāsvarā||61-181||

dikpālastho dikprasannā digvalo dikkuleśvarī|
digaghoro digvasanā digvīrā dikpatīśvarī||61-182||

ātmārtho vyāpitattvajña ātmajñānī ca sātmikā|
ātmīyaścātmabījasthā cāntarātmātmamohinī||61-183||

ātmasañjñānakārī ca ātmānandasvarūpiṇī|
ātmayajño mahātmajñā mahātmātmaprakāśinī||61-184||

ātmavikārahantā ca vidyātmīyādidevatā|
manoyogakaro durgā manaḥ pratyakṣa īśvarī||61-185||

manobhavanihantā ca manobhavavivadhīnī|
manaścāntarīkṣayogo nirākāraguṇodayā||61-186||

manonirākārayogī manoyogendrasākṣiṇī|
manaḥpratiṣṭho manasā mānaśaṅkā manogatiḥ||61-187||

navadravyanigūḍhārtho narendravinivāriṇī|
navīnaguṇakarmādisākāraḥ khagagāminī||61-188||

atyunmattā mahāvāṇī vāyavīśo mahānilā|
sarvapāpāpahantā ca sarvavyādhinivāriṇī||61-189||

dvāradevīśvarī prītiḥ pralayāgniḥ karālinī|
bhūṣaṇḍagaṇatātaśca bhūḥṣaṇḍarudhirapradā||61-190||

kākāvalīśaḥ sarveśī kākapucchadharo jayā|
ajiteśo jitānandā vīrabhadraḥ prabhāvatī||61-191||

antarnāḍīgataprāṇo vaiśeṣikaguṇodayā|
ratnanimītapīṭhasthaḥ siṃhasthā rathagāminī||61-192||

kulakoṭīśvarācāryo vāsudevaniṣevitā|
ādhāravirahajñānī sarvādhārasvarūpiṇī||61-193||

sarvajñaḥ sarvavijñānā mārtaṇḍo yaśa ilvalā|
indreśo vindhyaśaileśī vāraṇeśaḥ prakāśinī||61-194||

anantabhujarājendro anantākṣaranāśinī|
āśīrvādastu varado'nugraho'nugrahakriyā||61-195||

pretāsanasamāsīno merukuñjanivāsinī|
maṇimandiramadhyastho maṇipīṭhanivāsinī||61-196||

sarvapraharaṇaḥ preto vidhividyāprakāśinī|
pracaṇḍanayanānando mañjīrakalarañjinī||61-197||

kalamañjīrapādābjo balamṛtyuparāyaṇā|
kulamālāvyāpitāṅgaḥ kulendraḥ kulapaṇḍitā||61-198||

bālikeśo rudracaṇḍā bālendrāḥ prāṇabālikā|
kumārīśaḥ kāmamātā mandireśaḥ svamandirā||61-199||

akālajananīnātho vidagdhātmā priyaṅkarī|
vedādyo vedajananī vairāgyastho virāgadā||61-200||

smitahāsyāsyakamalaḥ smitahāsyavimohinī|
dantureśo danturu ca dantīśo daśanaprabhā||61-201||

digdanto hi digdaśanā bhraṣṭabhuk carvaṇapriyā|
māṃsapradhānā bhoktā ca pradhānamāṃsabhakṣiṇī||61-202||

matsyamāṃsamahāmudrā rajorudhirabhukpriyā|
surāmaṃsamahāmīnamudrāmaithunasupriyā||61-203||

kuladravyapriyānando madyādikulasiddhidā|
hṛtkaṇṭhabhrūsahasrārabhedano'nte vibhedinī||61-204||

prasannahṛdayāmbhojaḥ prasannahṛdayāmbujā|
prasannavaradānāḍhyaḥ prasannavaradāyinī||61-205||

premabhaktiprakāśāḍhyaḥ premānandaprakāśinī||61-206||

prabhākaraphalodayaḥ paramasūkṣmapurapriyā|
prabhātaraviraśmigaḥ prathamabhānuśobhānvitā|
pracaṇḍaripumanmathaḥ pracalitendudehodgataḥ|
prabhāpaṭalapāṭalapracayadharmapuñjācītā||61-207||

surendragaṇapūjitaḥ suravareśasampūjitā|
surendrakula sevito narapatīndrasaṃsevitā|
gaṇendra gaṇanāyako gaṇapatīndra devātmajā|
bhavārṇavagatārako jaladhikarṇadhārapriyā||61-208||

surāsurakulodbhavaḥ suraripuprasiddhisthitā|
surārigaṇaghātakaḥ suragaṇendrasaṃsiddhidā|
abhīpsitaphalapradaḥ suravarādisiddhipradā|
priyāṅgaja kulārthadaḥ sutadhanāpavargapradā||61-209||

śivasvaśivakākinī haraharā ca bhīmasvanā|
kṣitīśa iṣurakṣakā samanadarpahantodayā|
guṇeśvara umāpatī hṛdayapadmabhedī gatiḥ|
kṣapākaralalāṭadhṛk svasukhamārgasandāyinī||61-210||

śmaśānataṭaniṣpaṭa pracaṭahāsakālaṅkṛtā|
haṭhatśaṭhamanastaṭe surakapāṭasaṃchedakaḥ|
smarānanavivardhanaḥ priyavasantasambāyavī|
virājitamukhāmbujaḥ kamalamañjasiṃhāsanā||61-211||

bhavo bhavapatiprabhābhavaḥ kaviśca bhāvyāsuraiḥ|
kriyeśvara īlāvatī taruṇagāhitārāvatī|
munīndramanusiddhidaḥ suramunīndrasiddhāyuṣī|
murāriharadehagastribhuvanā vināśakriyā||61-212||

dvikaḥ kanakakākinī kanakatuṅgakīlālakaḥ|
kamalākulaḥ kulakalārkamālāmalā|
subhakta tamasādhakaprakṛtiyogayogyācīto|
vivekagatamānasaḥ prabhuparādihastācītā||61-213||

tvameva kulanāyakaḥ pralayayogavidyeśvarī|
pracaṇḍagaṇago nagābhuvanadarpahārī harā|
carācarasahasragaḥ sakalarūpamadhyasthitaḥ|
svanāmaguṇapūrakaḥ svaguṇanāmasampūraṇī||61-214||

iti te kathitaṃ nātha sahasranāma maṅgalam|
atyadbhutaṃ parānandarasasiddhāntadāyakam||61-215|| mātṛkāmantraghaṭitaṃ sarvasiddhāntasāgaram|
siddhavidyāmahollāsa mānandaguṇasādhanam||61-216|| durlabhaṃ sarvalokeṣu yāmale tatprakāśitam|
tava sneharasāmodamohitānandabhairava||61-217|| kutrāpi nāpi kathitaṃ svasiddha hāniśaṅkayā|
sarvādiyoga siddhāntasiddhaye bhuktimuktaye||61-218|| premāhlādarasenaiva durlabhaṃ tatprakāśitam|
yena vijñātamātreṇa bhavedchrībhairaveśvaraḥ||61-219|| etannāma śubhaphalaṃ vaktuṃ na ca samarthakaḥ|
koṭivarṣaśatenāpi yatphalaṃ labhate naraḥ||61-220|| tatphalaṃ yogināmeka kṣaṇāllabhyaṃ bhavārṇave|
yaḥ paṭhet prātarutthāya durgagrahanivaraṇāt||61-221|| duṣṭendriyabhayenāpi mahābhayanivāraṇāt|
dhyātvā nāma japennityaṃ madhyāhne ca viśeṣataḥ||61-222|| sandhyāyāṃ rātriyoge ca sādhayennāmasādhanam|
yogābhyāse granthibhede yogadhyānanirūpaṇe||61-223|| paṭhanād yogasiddhiḥ syād granthibhedo dine dine|
yogajñānaprasiddhiḥ syād yogaḥ syādekacittataḥ||61-224|| dehastha devavaśyāya mahāmohapraśāntaye|
stambhanāyārisainyānāṃ pratyahaṃ prapaṭhecchuciḥ||61-225|| bhaktibhāvena pāṭhena sarvakarmasu sukṣamaḥ|
stambhayet parasainyāni vāraikapāṭhamātrataḥ||61-226|| vāratrayaprapaṭhanād vaśayed bhuvanatrayam|
vāratrayaṃ tu prapaṭhed yo mūrkhaḥ paṇḍito'pi vā||61-227|| śāntimāpnoti paramāṃ vidyāṃ bhuvanamohinīm|
pratiṣṭhāñca tataḥ prāpya mokṣanirvāṇamāpnuyāt||61-228|| vināśayedarīñchīghraṃ caturvāraprapāṭhane|
pañcāvṛttiprapāṭhena śatrumuccāṭayet kṣaṇāt||61-229|| ṣaḍāvṛtyā sādhakendraḥ śatrūṇāṃ nāśako bhavet|
ākarṣayet paradravyaṃ saptavāraṃ paṭhed yadi||61-230|| evaṃ kramagataṃ dhyātvā yaḥ paṭhedatibhaktitaḥ|
sa bhaved yoginīnātho mahākalpadrumopamaḥ||61-231|| granthibhedasamarthaḥ syānmāsamātraṃ paṭhed yadi|
dūradarśī mahāvīro balavān paṇḍiteśvaraḥ||61-232|| mahājñānī lokanātho bhavatyeva na saṃśayaḥ|
māsaikena samarthaḥ syānnirvāṇamokṣasiddhibhāk||61-233|| prapaṭhed yogasiddhyarthaṃ bhāvakaḥ paramapriyaḥ|
śūnyāgāre bhūmigartamaṇḍape śūnyadeśake||61-234|| gaṅgāgarbhe mahāraṇye caikānte nirjane'pi vā|
dubhīkṣavajīte deśe sarvopadravavajīte||61-235|| śmaśāne prāntare'śvatthamūle vaṭatarusthale|
iṣṭakāmayagehe vā yatra loko na vartate||61-236|| tatra tatrānandarūpī mahāpīṭhasthale'pi ca|
dṛḍhāsanasthaḥ prajapennāmamaṅgalamuttamam||61-237|| dhyānadhāraṇaśuddhāṅgo nyāsapūjāparāyaṇaḥ|
dhyātvā stauti prabhāte ca mṛtyujetā bhaved dhruvam||61-238|| aṣṭāṅgasiddhimāpnoti cāmaratvamavāpnuyāt|
gurudevamahāmantrabhakto bhavati niścitam||61-239|| śarīre tasya duḥkhāni na bhavanti kuvṛddhayaḥ|
duṣṭagrahāḥ palāyante taṃ dṛṣṭvā yoginaṃ param||61-240|| yaḥ paṭhet satataṃ mantrī tasya haste'ṣṭasiddhayaḥ|
tasya hṛtpadmaliṅgasthā devāḥ siddhyanti cāparāḥ||61-241|| yugakoṭisahasrāṇi cirāyuryogirāḍ bhavet|
śuddhaśīlo nirākāro brahmā viṣṇuḥ śivaḥ sa ca|
sa nityaḥ kāryasiddhaśca sa jīvanmuktimāpnuyāt||61-242||

iti śrīrudrayāmale uttaratantre mahātantroddīpane īśvaraśaktikākinyaṣṭottara-- sahasranāmastotravinyāso nāma ekaṣaṣṭitamaḥ paṭalaḥ||61||

Kapitel 62

atha dviṣaṣṭitamaḥ paṭalaḥ

śrīānandabhairavī uvāca atha nātha pravakṣye'haṃ kākinīgurudevayoḥ|
mantroddhārastava jñānaṃ yena siddho bhaved yatiḥ||62-1||

etatstavanapāṭhena sahasrākhyāntasiddhiṣu|
rājatvaṃ labhate sadyo'thavā yogī ca sampadi||62-2||

yathā janakarājā ca viṣaye gurubhaktimān|
mahāsiddho mahājñānī tathā bhavati sādhakaḥ||62-3||

surā nāgā rudragaṇāḥ sarve vidyārthasevakāḥ|
yogī jñānī tathā siddhāḥ khecarā yakṣarākṣasāḥ||62-4||

munayaḥ krodhavetālāstathā caṇḍeśvarādayaḥ|
etacchubhastavendreṇa stutvā sarvatra siddhigāḥ||62-5||

pūrṇaḥ pūrṇendubimbānanakamalakaṭākṣādaghaughāpahārī|
nārīndhātā vidhātā samavati na ca tān yogayogyān mahendrān|
sampattiprāṇayogī niravadhivaradānandagoptā śarīro|
bālo mṛtyuñjayasya prabhuriti bhayahā pātu me guptadeham||62-6||

kāmakrodhāpahantā janayati bharatān bhāratān pātu pṛthvīṃ|
yo yogī bhāvayogī mama kulaphaladaḥ sarvadā śaṃ karotu|
tatkroḍe lokacakraṃ tilatulatulasesannibhaṃ bhāti sūkṣmaṃ|
tacchrīnāthāṅghrapādadvayamajaramahaṃ bhāvaye hṛtprapañce||62-7||

māyāṃ mohe vivekī śata--kitava--ripūcchedakaḥ prerakastha--|
korṣāṇī guptatandrāvanibhavamanujo yo mahāmaṅgalasthaḥ|
lokātīto titīro jaya jaya karuṇānātha dātā tapasvī|
mantroddhārārthaguptaṃ samavati ya iha prāṇanāthaṃ tamīḍe||62-8||

bhāvānto yo'tigurvī hṛdi jayakamale'te'marapratyatharvo|
vāgdevī devatāyai nama iti manunā mohito vākpatīśaḥ|
mantrārthoddīpanākhyo vijayasakhākoṭibhirveṣṭito yo|
bālārkānandaraśmipracayaśatamakhaḥ pātu māṃ duḥkhajālāt||62-9||

hṛṣṭāṅgā saṅgatāṅgānanavimalaśikhākoṭibhirvajīto yo|
mantrāccaitanyahartā praṇavamayaśivaṃ tatsadānte śivaṃ ca|
dhyātvā māheśvarāyāṃ nama iti japanāt te mahendrādhipaḥ syāt|
kālīputraḥ sa eva tvamabhayavaradaḥ sevyate yaiḥ sa muktaḥ||62-10||

haṃsaḥ prāṇāvihantā tvamakhilavaradastvaṃ nidānaḥ pradhānaḥ|
śāntīśastvaṃ pratiṣṭhaḥ praṇavaśivasadābhadramāheśvarāya|
ante'tyuccairnamo'nte manumiha japate sampade doṣabhaṅgā--|
dānandābdhau tvamīśo gururiha capalaṃ cāpalaṃ māṃ prapāhi||62-11||

ānandodrekakārī tvamapi sakaruṇāsāgaro bhaktidātā|
dātā vidyādharīṇāṃ tvamapi suraripuḥ pārvatīprāṇanāthaḥ|
tāre bindvādharāḍhyaṃ kṣaramathavidhumattaṃ mantramekākṣaraṃ te|
tārāntaṃ tryakṣarantaṃ prajapati yadi yo yogirāḍ bhūtale syāt||62-12||

sarpāṇḍasthaṃ susiddho haravidhumadharaṃ candrabindusvarūpaṃ|
japtvā nityaṃ vilomaṃ praṇavamṛtiharaṃ vahnikāntā tadante|
etadrūpaṃ padaṃ yo bhajati varagataṃ hemamañjīranādaṃ|
mamrekṣānandacittaṃ vijayavarakulānandadaḥ prāṇagaṃ te||62-13||

uccāṭe mohane vāpyarivaśasamaye śāntipuṣṭyāntavaśye|
te mantrān yojayitvā japati yadi sudhīḥ śrīpadābjāvalambī|
sidhyet ṣaṭkarmasāraṃ paramagurugataḥ sa bhavet kalpaśākhī|
rājendraḥ sarvaloke dhanapatisadṛśaḥ śambhunāthaprasādāt||62-14||

khāntaṃ śakrādirūḍhaṃ vidhunayanayutaṃ kāmabījaṃ triśaktiṃ|
cādye'nte oṃ śivāyānalavadhumilitaṃ yo japennāthamantram|
tenāmnāyo japitvā kulapathanirataḥ sādhakaḥ śrīvareṇyaḥ|
kiṃ tasyāsādhyasiddhiṃ trijagati sa sukhī sanmukhī yogamārgī||62-15||

sarvātīto vihārī padagatirahitaḥ sarvagāmī virāmī|
hastābhāvo vinetā niravadhivaradaḥ sarvarūpī virūpī|
mantrajñastvaṃ sumantrī mahamayasamayaḥ saṃśayāsārahantā|
mantā viśveśvarīṇāṃ parapaśupataye'nte namaḥ pātu namram||62-16||

yogī bhogī virāgī tvamatulavibhavaḥ sambhavaḥ pañcacūḍo|
vāṇī śeṣaḥ priyeśaḥ śaśigrathitamṛḍāśobhitāṅgo hyanaṅgaḥ|
kāmo māyā rameśaḥ prathamadinakaraśreṇi śobhāvaliptaḥ|
sarvāṅgaṃ yaḥ prapāyādamalakamalagaḥ krodhago yo'valokam||62-17||

etacchrīśaṅkarastotraṃ yaḥ paṭhenniyataḥ śuciḥ|
saṃvatsarād bhavet siddhiḥ sarvajñānapradāyinī||62-18||

śucau vāpyaśucau stauti bhaktyā yaḥ sādhakottamaḥ|
sa sarvayātanāmukto yogī granthivibhedakaḥ||62-19||

akasmāt siddhimāpnoti premānandasubhaktidām|
śatamaṣṭottaraṃ cāsya puraścaryāvidhiḥ smṛtaḥ||62-20||

na snānaṃ na japaḥ kāryaṃ na pūjādividhānakam|
kevalaṃ stavapāṭhenānāhate susthiro bhavet||62-21||

cirañjīvī vītarāgo vītasaṃsārabhāvanaḥ|
paṭhitvā dhārayitvā ca yogabhraṣṭo na sambhavet|
anāyāse yogasiddhiṃ prāpnoti vipulāṃ śriyam||62-22||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde īśvarastotravinyāso nāma dviṣaṣṭitamaḥ paṭalaḥ||62||

Kapitel 63

atha triṣaṣṭitamaḥ paṭalaḥ

ānandabhairavī uvāca kavacaṃ śṛṇu cāsyaiva lokanātha śivāpate|
īśvarasya paraṃ brahma nirvāṇayogadāyakam||63-1||

kavacaṃ durlabhaṃ loke nāmasammohanaṃ param|
kavacaṃ dhyānamātreṇa nirvāṇaphalabhāgbhavet||63-2||

asya kiṃ (pu)tvatramāhātmyaṃ tathāpi tadvadāmyaham|
kevalaṃ granthibhedāya nijadehānurakṣaṇāt||63-3||

sarveṣāmapi yogendra devānāṃ yogināṃ tathā|
bhāvādi siddhilābhāya kāyanirmalasiddhaye||63-4||

prakāśitaṃ mahākāla tava snehavaśādapi|
sarve mantrāḥ prasiddhyanti sammohakavacāśrayāḥ||63-5||

kavacasya ṛṣirbrahmā chando'nuṣṭubudāhṛtam|
īśvaro devatā prokta stathā śaktiśca kākinī||63-6||

kīlakaṃ krūṃ tathā jñeyaṃ dhyānasādhanasiddhaye|
hṛdabjabhedanārthe tu viniyogaḥ prakītītaḥ||63-7||

etacchrīsammohanamahākavacasya brahmā ṛṣiranuṣṭup chanda īśvaro devatā kākinī śaktiḥ krūṃ kīlakaṃ
dhyānasādhanasiddhaye hṛdabjabhedārthe jape viniyogaḥ|
praṇavo me pātu śīrṣaṃ lalāṭaṃ ca sadāśivaḥ|
prāsādo hṛdayaṃ pātu bāhuyugmaṃ maheśvaraḥ||63-8||

pṛṣṭhaṃ pātu mahādeva udaraṃ kāmanāśanaḥ|
pārśvau pātu kāmarājo bālaḥ pṛṣṭhatalāntaram||63-9||

kukṣimūlaṃ mahāvīro lalitāpatirīśvaraḥ|
mṛtyuñjayo nīlakaṇṭho liṅgadeśaṃ sadāvatu||63-10||

liṅgādho mudrikā pātu pādayugmamumāpitaḥ|
aṅguṣṭhaṃ pātu satataṃ pārvatīprāṇavallabhaḥ||63-11||

gulphaṃ pātu trayambakaśca jānunī yuvatīpatiḥ|
ūrumūlaṃ sadā pātu mañjughoṣaḥ sanātanaḥ||63-12||

simanī deśamāpātu bhairavaḥ krodhabhairavaḥ|
liṅgadeśodgamaṃ pātu liṅgarūpī jagatpatiḥ||63-13||

hṛdayāgraṃ sadā pātu maheśaḥ kākinīśvaraḥ|
grīvāṃ pātu vṛṣasthaśca kaṇṭhadeśaṃ digambaraḥ||63-14||

lambikāṃ pātu gaṇapo nāsikāṃ bhavanāśakaḥ|
bhrūmadhyaṃ pātu yogīndraḥ maheśaḥ pātu mastakam||63-15||

rmūghnideśaṃ munīndraśca dvādaśastho maheśvaraḥ|
dvādaśāmbhoruhaṃ pātu kākinīprāṇavallabhaḥ||63-16||

nābhimūlāmbujaṃ pātu mahārudro jaganmayaḥ|
svādhiṣṭhānāmbujaṃ pātu sadā hariharātmakaḥ||63-17||

mūlapadmaṃ sadā pātu brahmendro ḍākinīśvaraḥ|
kuṇḍalīṃ sarvadā pātu ḍākinī yoginīśvaraḥ||63-18||

kuṇḍalī mātṛkā pātu vaṭukeśaḥ śivo(ro?) haraḥ|
rākiṇīvigrahaṃ pātu vāmadevo maheśvaraḥ||63-19||

pañcānanaḥ sadā pātu lākinīvajravigraham|
svasthānaṃ dvādaśārañca vīraḥ pātu sukākinīm||63-20||

vīrendraḥ kaṇīkāṃ pātu dvādaśāraṃ viṣāśanaḥ|
ṣoḍaśāraṃ sadā pātu krodhavīraḥ sadāśivaḥ||63-21||

māṃ pātu vajranātheśo'ribhayāt krodhabhairavaḥ|
ṣaṭcakraṃ sarvadā pātu lākinīśrīsadāśivaḥ||63-22||

{ ṣoḍaśāmbhoruhāntasthaṃ pātu dhūmrākṣapālakaḥ|
diṅnātheśo mahākāyo māṃ pātu parameśvaraḥ }|
ākāśagaṅgājaṭilo dvidalaṃ pātu me param|
gaṅgādharaḥ sadā pātu hākinīṃ parameśvaraḥ||63-23||

hākinī paraśivo me bhūrapadmaṃ parirakṣatu|
daṇḍapāṇīśvaraḥ pātu manorūpaṃ dvipatrakam||63-24||

sādhukeśaḥ sadā pātu manonmanyādivāsinam|
piṅgākṣeśaḥ sadā pātu bhayabhūmau tanūṃ mama||63-25||

unmanī sthānakaṃ pātu rodhinīsahitaṃ mama|
sudhāghaṭaḥ sadā pātu mamānandādidevatām||63-26||

ānandabhairavaḥ pātu gūḍhadeśādhidevatām|
māyāmayopahā pātu suṣumnānāḍikākalām||63-27||

iḍākalādharaṃ pātu koṭisūryaprabhākaraḥ|
piṅgalāmihiraṃ pātu candraśekhara īśvaraḥ||63-28||

koṭikālānalasthānaṃ suṣumnāyāṃ sadāvatu|
sudhāsamudro māṃ pātu ratnakoṭimaṇīśvaraḥ||63-29||

śivanāthaḥ sadā pātu kuṇḍalīcakrameva me|
viṣṇucakraṃ mahādevaḥ kālarātraḥ kulānvitam||63-30||

mṛtyujetā sadā pātu sahasrāraṃ sadā mama|
sahasradalagaṃ śambhuṃ svayambhūḥ pātu sarvadā||63-31||

sarva rūpiṇamīśānaṃ pātu śarvo hi sarvadā|
sarvatra sarvadā pātu śrīnīlakaṇṭha īśvaraḥ||63-32||

sarvabījasvarūpo me bījamālāṃ sadāvatu|
mātṛkāṃ sarvabījeśo mātṛkārṇaṃ śivo mama||63-33||

ahaṅkāraṃ haraḥ pātu karamālāṃ sadā mama|
jale'raṇye mahābhītau parvate śūnyamaṇḍape||63-34||

vyāghrabhallūkamahiṣapaśvādibhayadūṣite|
mahāraṇye ghorayuddhe gagane bhūtale'tale||63-35||

atyutkaṭe śastraghāte śatrucaurādibhītiṣu|
mahāsiṃhabhaye krūre mattahastibhaye tathā||63-36||

grahavyādhimahābhītau sarpabhītau ca sarvadā|
piśācabhūtavetālabrahmadaityabhayādiṣu||63-37||

apavādā pavādeṣu mithyāvādeṣu sarvadā|
karālakālikānāthaḥ pracaṇḍaḥ prakharaḥ paraḥ||63-38||

ugraḥ kapardī bhīdaṃṣṭrī kālācchannakaraḥ kaviḥ|
krodhācchanno mahonmatto garuḍīśo maheśabhṛta||63-39||

pañcānanaḥ pañcaraśmiḥ pāvanaḥ pāvamānakaḥ|
śikhā mātrāmahāmudrādhārakaḥ krodhabhūpatiḥ||63-40||

drāvakaḥ pūrakaḥ puṣṭaḥ poṣakaḥ pāribhāṣikaḥ|
ete pāntu mahārudrā dvāviṃśatimahābhaye||63-41||

ete sarve śaktiyuktā muṇḍamālāvibhūṣitāḥ|
ahaṅkāreśvarāḥ kruddhā yoginastattvacintakāḥ||63-42||

caturbhujā mahāvīrāḥ khaḍgakheṭakadhārakāḥ|
kapālaśaṅkhamālāḍhyā nānāratnavibhūṣitāḥ||63-43||

kikiṃṇījālamālāḍhyā hemanūpurarājitāḥ|
nānālaṅkāraśobhāḍhyāścandracūḍāvibhūṣitāḥ||63-44||

sadānandayutāḥ śrīdā mokṣadāḥ karmayoginām|
sarvadā bhagavān pātu īśvarāḥ pāntu nityaśaḥ||63-45||

brahmā pātu mūlapadmaṃ śrīviṣṇuḥ pātu ṣaḍdalam|
rudraḥ pātu daśadalamīśvaraḥ pātvanāhatam||63-46||

sadāśivaḥ pātu nityaṃ ṣoḍaśāraṃ sadā mama|
paro dvidalamāpātu ṣaṭśivāḥ pāntu nityaśaḥ||63-47||

aparāḥ pāntu satataṃ mama dehaṃ kuleśvarāḥ|
pūrṇaṃ brahma sadā pātu sarvāṅgaṃ sarvadevatāḥ||63-48||

kālarūpī sadā pātu manorūpī śiro mama|
ātmalīnaḥ sadā pātu lalāṭaṃ vedavitprabhuḥ||63-49||

vārāṇasīśvaraḥ pātu mama bhrūmadhyapīṭhakam|
yogināthaḥ sadā pātu mama dantāvaliṃ dṛḍham||63-50||

oṣṭhādharau sadā pātu jhilṭīśo bhautikeśvaraḥ|
nāsāpuṭadvayaṃ pātu bhārabhūtīśo'tithīśvaraḥ||63-51||

gaṇḍayugmaṃ sadā pātu sthāṇukeśo hareśvaraḥ|
karṇadeśaṃ sadā pātu amaro'rdhīśvaro mama||63-52||

mahāseneśvarastuṇḍaṃ mama pātu nirantaram|
śrīkaṇṭhādimahārudrāḥ svāṅgagranthiṣu mātṛkāḥ||63-53||

māṃ pātu kālarudraśca sarvāṃṅga kālasaṃkṣayaḥ|
akāla tārakaḥ pātu udaraṃ paripūrakaḥ||63-54||

agastyādimuniśreṣṭhāḥ pāntu yogina īśvarāḥ|
śrīnātheśvara īśānaḥ pātu me sūkṣmanāḍikāḥ||63-55||

triśūlī pātu pūrvasyāṃ dakṣiṇe mṛtyunāśanaḥ|
paścime vāruṇīmatto mahākālaḥ sadā'vatu||63-56||

uttare cāvadhūteśo bhairavaḥ kālabhairavaḥ|
īśāne pātu śāntīśo vāyavyāṃ yogivallabhaḥ||63-57||

marutkoṇe daityahantā pātu māṃ satataṃ śivaḥ|
vahnikoṇe sadā pātu kālānalamukhāmbujaḥ||63-58||

ūrdhvaṃ brahmā sadā pātu adho'nantaḥ sadā'vatu|
sarvadevaḥ sadā pātu sarvadehagataṃ sukham||63-59||

ihārhā vallabhaḥ pātu kālākhyeśo guṇo mama|
ravināthaḥ sadā pātu hṛdayaṃ mānasaṃ mama||63-60||

candreśaḥ pātu satataṃ bhrūmadhyaṃ mama kāmadaḥ|
vajradaṇḍadharaḥ pātu raktāṅgeśastrilocanam||63-61||

budhaśyāmasundareśaḥ pātu me hṛdayasthalam|
suvarṇavarṇagurvīśo mama kaṇṭhaṃ sadā'vatu||63-62||

sindūrajaladacchannādyarkaśukreśvaro galam|
nābhideśaṃ sadā pātu śaniśyāmeśa īśvaraḥ||63-63||

rāhuḥ pātu mahāvaktraḥ kevalaṃ mukhamaṇḍalam|
ketuḥ pātu mahākāyaḥ sadā me guhyadeśakam||63-64||

indrādidevatāḥ pāntu parivāragaṇairyutāḥ|
śiromaṇḍaladigrūpaṃ pāntu vaikuṇṭhavāsinaḥ||63-65||

bhairavā bhairavīyuktāḥ sarvadehasamudbhavāḥ|
bhīmadaṃṣṭra mahākāyā mama pāntu nirantaram||63-66||

yajñabhuṅnīlakaṇṭho me hṛdayaṃ pātu sarvadā|
unmattabhairavāḥ pāntu īśvarāḥ pāntu sarvadā||63-67||

krodhabhūpatayaḥ pāntu śrīmāyāmadanānvitāḥ|
ityetat kavacaṃ tāraṃ tārakabrahmamaṅgalam||63-68||

kathitaṃ nātha yatnena kutrāpi na prakāśitam|
tava snehavaśādeva prasannahṛdayānvitā||63-69||

kṛpāṃ kuru dayānātha tavaiva kavacādbhutam|
hitāya jagatāṃ mohavināśāyāmṛtāya ca||63-70||

paṭhitavyaṃ sādhakendrairyogīndrairupavanditam|
durlabhaṃ sarvalokeṣu sulabhaṃ tattvavedibhiḥ||63-71||

asādhyaṃ sādhayedeva paṭhanāt kavacasya ca|
dhāraṇāt pūjanāt sākṣāt sarvapīṭhaphalaṃ labhet||63-72||

kākacañcupuṭaṃ kṛtvā saptadhā pañcadhāpi vā|
kavacaṃ prapaṭhedvidvān gūḍhasiddhinibandhanāt||63-73||

kākinīśvarasaṃyogaṃ suyogaṃ kavacānvitam|
īśvarāṅgaṃ vibhāvyaiva kalpavṛkṣasamo bhavet||63-74||

etatkavacapāṭhena devatvaṃ labhate dhruvam|
ārogyaṃ paramaṃ jñānaṃ mohanaṃ jagatāṃ vaśam||63-75||

stambhayet parasainyāni paṭhedvāratrayaṃ yadi|
śāntimāpnoti śīghraṃ sa ṣaṭkarmakaraṇakṣamaḥ||63-76||

ākāṅkṣā rasalālityaviṣayāśāvivajītaḥ|
sādhakaḥ kāmadhenuḥ syādicchādisiddhibhāgbhavet||63-77||

sarvatra gatiśaktiḥ syāt strīṇāṃ manmatharūpadhṛk|
aṇimālaghimāprāptiguṇādisiddhimāpnuyāt||63-78||

yoginīvallabho bhūtvā vicaret sādhakāgraṇīḥ|
yathā guho gaṇeśaśca tathā sa me hi putrakaḥ||63-79||

śrīmān kulīnaḥ sārajñaḥ sarvadharmavivajītaḥ|
śanaiḥ śanairmudā yāti ṣoḍaśāre yatīśvaraḥ||63-80||

yatra bhāti śākinīśaḥ sadāśivaguruḥ prabhuḥ|
krameṇa paramaṃ sthānaṃ prāpnoti mama yogataḥ||63-81||

mama yogaṃ vinā nātha tava bhaktiḥ kathaṃ bhavet|
etatsammohanākhyasya kavacasya prapāṭhataḥ||63-82||

vāṇī vaśyā sthirā lakṣmīḥ sarvaiśvaryasamanvitaḥ|
tyāgitā labhyate paścānniḥsaṅgo viharet śivaḥ|
sadāśive mano yāti siddhamantrī manolayaḥ||63-83||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairava saṃbāde'nāhateśvarasammohanākhyakavacaṃ nāma triṣaṣṭitamaḥ paṭalaḥ||63||

Kapitel 64

atha catuṣṣaṣṭitamaḥ paṭalaḥ

śrī ānandabhairavī uvāca atha bhedān pravakṣyāmi sarvendriyavinigrahān|
śṛṇu caikamanāḥ śambho yadi vāñchāphalecchukaḥ||64-1||

punarjñānaṃ samāpnoti smṛtivijñānavajītam|
yatra vai kurute nyāsaṃ mama tantroktasammatam||64-2||

anāhatordhvaṃ śrīpadmaṃ dalaṣoḍaśaveṣṭitam|
kaṇṭhakūpamahādhūmāvayave koṭibhāsvaram||64-3||

pañcaraśmiyutaṃ kṣetraṃ tanmadhye keśavaprabham|
tanmadhye kaṇīkāsthānaṃ paramāhlādavardhanam||64-4||

aprakāśyaṃ sugopyantu śivarūpaṃ sadāśivam|
pūjayenmatimān jñānī sākinīśaktivallabham||64-5||

mahājanāḥ kāmakalādibījai--
nīrudhya vaktraṃ paribhāvayanti|
meghābhamugraṃ sthiravidyudābhaṃ|
śyāmaṃ mahāsundaravigrahāmalam||64-6||

nirūpaṇaṃ nāsti gatiprakāśa--
ścālokanaṃ pañcamavarṇayogaḥ|
jātevīcāraḥ pratipādako yaḥ|
sadāśivaṃ śāntajanāśrayaṃ bhaje||64-7||

akālacakraṃ kulakālacakraṃ|
prakāśamānaṃ bhajatāṃ suradrumam|
yajanti cakraṃ taruṇāruṇāyutaṃ|
sindūraśailāmaladīptavantam||64-8||

brahmādidevāḥ pratipūjayanti|
tadādidevasya samādhibhāvam||64-9||

bhalleśī bhallakullā kalayati valibhirvīrabhallūkabhālā--|
bhargabhrāntivībhāntī bhayalavilakalākālasarpāturasthā|
kaulā kailāsamālākulakamalajale bindulāvaṇyalīlā|
kaṇṭhāmbhoje jvalantī kanakamadhugṛhe pīṭhapūre samādhau||64-10||

dhyeyā yā cintanīyā ruciravikiraṇā sākinī pītavastrā|
sā pāyānnīradābhaṃ varadasamadadaṃ candracūḍaṃ sadeśam|
brarhmendrairyogimukhyaivīracayati dalagranthi saṃsthānacitraṃ|
vidyutpuñjaprakāśā munigaṇanilayā sevyatāṃ sādhakendraiḥ||64-11||

ākāśākhya prakāśe dvirasadalakalāprojjvale brahmamārge|
jīvānāṃ haṃsamālā vicaritapavane dhūmadhūmenduśubhre|
śrīmārtaṇḍo viśuddhe jayati kulapathoddīpanaḥ prāṇavāyuḥ|
sākinyā yoginībhirvasati sukhapadāmodacintāmanīśaḥ||64-12||

dvāveva dhattaḥ sakalañca kālaṃ|
sadāśivau tau madhupūravāsinau|
icchākriyājñānavirājitau yau|
pradhānadevau bhajatāṃ sukhāspadau||64-13||

viśuddhapadme prakṛtīśvarau yau|
pracakratū bāṇaśivādibhedinau|
akārarūpe gurumantradīptau|
kulākulārthau pathi bhāvanīyau||64-14||

mahābhairava uvāca kulaje parame vidye nityānandasvarūpiṇi|
bhedān sarvānmama snehādvattumarhasi sundari||64-15||

kālakūṭamahābhīmamadonmādasuvismṛtaḥ|
ahaṃ na jāne yogārthān nityāyurbandhanapriyān||64-16||

yadi māṃ rakṣituṃ śaktā viṣāktāṅgaṃ sadāvatu|
kathaṃ vā kaṇṭhasañcāraḥ kathaṃ vā rākṣasī kriyā||64-17||

kathaṃ vā ripuvidveṣī kathaṃ vā maṅgalodayaḥ|
kiyadvā vinayāhlādaṃ kiyadvā kālasādhanam||64-18||

navīnatvaṃ kathaṃ yāti dhyānaṃ vā kīdṛśaṃ tava|
tavāṅgāgurusadbhāvaṃ kulapīṭhapradarśanam||64-19||

kuṇḍalīgamanaṃ kutra sādhakānāṃ kulaṃ kutaḥ|
varṇadhyānaṃ kutra pade dalabhedaḥ kathaṃ bhavet||64-20||

sphūtīvīdyāviyogo hi pūrvajñānasamodayaḥ|
kathaṃ samarasaprāptiḥ kathaṃ vā kāyakalpanam||64-21||

mathanaṃ kāmadevasya kathaṃ dehe vyavasthitiḥ|
kaṇṭhāmbhojasthiraḥ ko vā bhāvajñānī ca ko janaḥ||64-22||

bhāvādi tvatkṛpādṛṣṭyā vada ādau patiṃ prati|
śrīānandabhairavī uvāca ādau śrīkaṇṭhasañcāraḥ śrūyatāṃ parameśvara||64-23||

śrotavyaṃ mantribhinītyaṃ kartacyaṃ pratyahaṃ prabho||64-24||

kaṇṭhe ṣoḍaśakaṃ dalaṃ tadudare śrīkaṇīkāmaṇḍale|
tadbāhye caturasrakaṃ sukhamayaṃ ṣaṭkoṇamantargatam|
bāhye dvāracatuṣṭayaṃ navagṛhaṃ bhūbimbaṣaṭkaṃ tataḥ|
śrīcandrātapamūrdhvake madhupurī tatkaṇīkāyāṃ yajet||64-25||

tatkaṇīkāmadhyanigūḍhadeśe|
sambhāti nityaṃ madhupūradeśaḥ|
tanmadhyadeśe'ṣṭapurīprakāśaḥ|
kaulakriyāsādhanasiddhaye syāt||64-26||

pūrvāditāḥ premakalādhināthāḥ|
prabhānti mādhvīrasarasārasnigdhāḥ|
teṣāṃ praṇāmaḥ kriyate yatīndrai--
rdhyeyāḥ sadā kaṇṭhadalaprakāśaḥ||64-27||

vāmeśvaraḥ pūrvagṛhaṃ prayāti|
rāhurgṛhaṃ jyeṣṭhagaṇeśvarīśaḥ|
raudrātmako mṛtyupatergṛhaṃ tathā|
kālīśvaro nairṛtihemamandiram||64-28||

sakalavikaraṇīśo vāruṇāṃ mandiraṃ tat|
savanadhikaraṇīśo pāvanaḥ mandiraṃ tat|
sabalavimathanīśo mandiraṃ cottarasthaṃ|
samavati nijagehaṃ sarvabhūtādhidevaḥ||64-29||

madhyaṃ manonmanīnāthaḥ sarvālambhastadūrdhvakam|
mandiraṃ hemajaḍitaṃ nānāratnavinimītam||64-30||

eteṣāṃ śaktayo dhyeyāḥ svasvavāmapadojjvalāḥ|
tāsāṃ nāmnā yojayitvā svamantraiḥ praṇavena vā||64-31||

sampuṭīkṛtya japtvā ca asādhyaṃ khalu siddhyati|
navakoṇordhvagehe ca pūrvasyāṃ diśi rājate||64-32||

vāmā devī mahātejomayī bhujacatuṣṭayā|
nānālaṅkāraśobhāṅgī sādhakā'bhīṣṭadā sadā||64-33||

vahnau hemamandire ca jyeṣṭhā devī caturbhujā|
sarvālaṅkārasaṃyuktā padmamālāvirājitā||64-34||

dhyeyā sadā yogimukhyaiḥ sarvasiddhisamṛddhaye|
yamasvarṇamandire ca raudrī paramasiddhidā||64-35||

caturbhujā trinetrā ca dhyeyālaṅkāramaṇḍitā|
nairṛte hemagehe ca kālī devī caturbhujā||64-36||

sarvālaṅkāraśobhāḍhyā trinetrā varadāyinī|
sarvāstradhāriṇī devī muṇḍamālāsuśobhitā||64-37||

dhyeyā yogendravidyābhiḥ paramā jñānadāyinī|
kalavikaraṇī devī bhāti vāruṇamandire||64-38||

caturbhujā yogimātā trinetrā bharaṇānvitā|
sā dhyeyā yogimukhyaiśca aṇimādyaṣṭasiddhidā||64-39||

pāvane svarṇagehe ca dhyeyā sādhakasattamaiḥ|
bandhūkapuṣpasaṅkāśā keyūrahāramālinī||64-40||

balavikaraṇī devī sarvābharaṇabhūṣitā|
caturbhujā trinetrā ca sarvādisiddhidāyinī||64-41||

balapramathinī devī dhanadā mokṣadā sadā|
kuberahemagehasthā sarvānandakarodyatā||64-42||

śrīsarvabhūtadamanī dhyeyā īśānamandire|
prathamāruṇasaṅkāśā karavīrasrajānvitā||64-43||

caturbhujā trinetrā ca sarvālaṅkāraśobhitā|
madhye śrīkaṇīkāyāśca dhyeyā sarvajaneśvaraiḥ||64-44||

sūryaprabhā sadā dhyeyā devī śrīdā manonmanī|
caturbhujā mahādīptiralaṅkāropaśobhitā||64-45||

trinetrā varadā sarvā sarvāntaḥ karaṇasthitā|
sakalaguṇātmaśaktiyuktā devī caturbhujā||64-46||

aruṇāyutasaṅkāśā ruṇḍamālāvirājitā|
anantānantamahimā dhyeyā sādyā caturbhujā||64-47||

trinetrā raktavasanā sarvālaṅkāramaṇḍitā|
etāsāṃ dhyānamākṛtya pūjayedvidhivat tataḥ||64-48||

manaḥkalpitadravyaiśca sākṣātkalpitadravyakaiḥ|
japtvā nāmnā yojayitvā samarpya vidhivatsudhīḥ||64-49||

kṛtvā māṃsāsavairyogī tarpayenmadhudhārayā|
abhiṣekaṃ kuladravyaiḥ sādhakairyogibhiḥ saha||64-50||

bhojayed yogimukhyāṃśca brāhmaṇān vedapāragān|
nānāvidhakuladravyai rbhakṣyairbhojyaiśca yogirāṭ||64-51||

tataḥ prakāśamāpnoti manoyogena vārpayet|
etatprakāraḥ kaṇṭhasya sañcāraḥ parameśvara||64-52||

labhyate vidhinānena divyabhāvena vārpayet|
tataḥ siddhimavāpnoti sākinīdarśanaṃ tathā||64-53||

patnyā sārdhaṃ sādhakendraḥ siddhamantramavāpnuyāt|
atha vakṣye mahākāla rākṣasīṃ paramāṃ kriyām||64-54||

yena karmasādhanena śivatvamapi labhyate|
cīnācāraṃ rākṣasīnāṃ kulīnānāṃ sadāśiva||64-55||

rākṣasī vedabhāṣā ca vedamantraviśodhitā|
cīnācāraṃ rākṣasīnāṃ sādhanādeva siddhyati||64-56||

cīnācāraṃ pravakṣyāmi rākṣasīnāṃ mahāphalam|
aṣṭādaśa prakārantu cīnācāraṃ pracakṣate||64-57||

sarvatra śuddhasadbhāvaḥ prayojanavirāgavit|
uttamottamasaṃjñaṃ cānuttamottamameva ca||64-58||

atyantottamasaṃjñaṃ cātyantānuttamameva ca|
anuttamottamaṃ nātha cātyuttamamathāparam||64-59||

uttamaṃ saptavidhañca cīnācāreṣu yojayet|
atyantamadhyamaṃ cīne cātimadhyamameva ca||64-60||

madhyamadhyamasañjñañca madhyamaṃ tu catuvīdham|
atyantādhamasañjñañcātyantādhamameva ca||64-61||

atyadhamādhamaṃ caivātyantādhamādhamaṃ tathā|
atyadhamaṃ tathā nāthādhamādhamamathāparam||64-62||

adhamaṃ saptamaṃ viddhi rākṣasīcīnasādhane|
dinapakṣamāsavarṣabhedeṣu kārayet kramāt||64-63||

ādāvuttamasiddhāntaśravaṇaṃ kuru śaṅkara|
yadā ṛtumatī pṛthvī tridinaṃ cāmbuvāciṣu||64-64||

taddanāttu dinaṃ yāvattāvaddhi māṃsacarvaṇam|
cīnadrumāsavānandapañcatattvaniṣevaṇam||64-65||

abādhato yaḥ karoti cottamottameva tat|
anuttamottamaṃ vakṣye pūjākāleṣu yojayet||64-66||

kevalaṃ guptabhāvena pañcatattvaniṣevaṇam|
atyāgaṃ svīyabījaṃ tu kulapīṭhasya manthanam||64-67||

tatpīṭhamathanoddhṛtasudhārasaniyojanam|
āsaveṣu ca sarveṣu tadāsavaniṣevaṇam||64-68||

aṣṭaprakāramāṃsāḍhyaṃ sadā carvaṇatatparam|
pūjākālaṃ vinā dravyaṃ nāharet sādhakottamaḥ||64-69||

anuttamottamaṃ taddhi sarvadeśe ca sarvadā|
atyantottamacīnaṃ tu vakṣyāmyatra vidhānataḥ||64-70||

yena siddho bhavenmantrī sadāśivādidarśanam|
pratyahaṃ vatsaraṃ vyāpya niśāyāmardharātrake||64-71||

pañcatattvaṃ samānīya aṣṭanāyikayā saha|
pūjayet kramato mantrī tatkathāśravaṇotsukaḥ||64-72||

krameṇa mathanaṃ kṛtvāsave saṃyojya nityaśaḥ|
śuddhabhāvena gṛhṇīyād brāhmaṇyāṃ bījamarpayet||64-73||

tadbījena samāsiñcenmastakādiṣu paṅkaje|
datvā tābhyo dakṣiṇādīn svātantryamapi cācaret||64-74||

atyantottamametaddhi na cārambho viśāṃ vinā|
atyantānuttamaṃ viddhi yena siddho bhavenmanuḥ||64-75||

ānande tyāgamāpanne punarānandamāśrayet|
sarvadānandasaṃyuktaḥ prajapedyajanādiṣu||64-76||

na viśeṣo divārātrau sarvadārasusaṃyutaḥ|
uktāsanopaviṣṭastu nirjane kulasādhanam||64-77||

anuttamottamaṃ viddhi māyājālanikṛntanam|
kālākālaṃ vihāyādau svakulaṃ parameva vā||64-78||

tannāmnāhūya yatnena dāpayedāsanādikam|
mahāśaṅkhaṃ samānīya kuladravyaṃ tathānagha||64-79||

vidhinā pūjanaṃ kṛtvā kulavāre ca sādhakaḥ|
dātā bhoktā saṃvidaśca śodhitasya kuleśvara||64-80||

svīyāṅge nyāsajālādīn tāsāmaṅge tataḥ param|
śivapūjāṃ tataḥ kṛtvā kulapūjāṃ samārabhet||64-81||

pīṭhe saṃyojya śambhuṃ cākṣubdho'yutajapaṃ caret|
japaṃ samarpayet tasyā vāmahastāmbuje sudhīḥ||64-82||

visarjanaṃ svabījasya tato nityāpratarpaṇam|
āsave yojayitvā tu tayā sārdhaṃ pibenmadhu||64-83||

vāmabhāge kulaṃ kṛtvā lakṣajāpyaṃ samāpayet|
kuladravyaiśca homaḥ syāt taddaśāṃśena tarpaṇam||64-84||

taddaśāṃśābhiṣekaṃ tu daśāṃśaṃ viprabhojanam|
tataḥ kumārībhojyañca madhumāṃsāsavaiḥ prabho||64-85||

pratyahaṃ vatsaraṃ vyāpya kulavāre kuje śanau|
vatsarānte mama padāmbhojaṃ paśyati niścitam||64-86||

anuttamottamañcaitad rākṣasīcīnasādhane|
atyuttamaṃ pravakṣyāmi sāvadhānāvadhāraya||64-87||

sadā jitendriyo bhūttvā yogābhyāsaparāyaṇaḥ|
māṃsāsavādyaiḥ santarpya kālikāṃ ghoraniḥsvanām||64-88||

ekādaśīvyatīpāte kulavāre kule tithau|
kulamānīya sākṣādvai paraṃbrahmamayo bhavan||64-89||

kevalaṃ layabhāvena devīpūjāṃ samārabhet|
kuladṛṣṭayā ca tadbuddhyā tattaddhyānaparāyaṇaḥ||64-90||

mūlādhāre mahācakre yoginīkoṭirājite|
koṭibrahmālaye siddhe sūkṣmamārgeṇa sādhakaḥ||64-91||

jyotirākāśagaṅgābhiryathādhārābhirāplutām|
pṛthivīṃ brahmajananīṃ brahmānandasvarūpiṇīm||64-92||

tathā kulamayīṃ nityāṃ nityānandasvarūpiṇīm|
kulakuṇḍalinīṃ devīṃ viśvamātāṃ trilocanām||64-93||

mahāghanarasollāsāṃ mahonmādādibindubhiḥ|
galitābhirmahādhārājanyābdhiśatakoṭibhiḥ||64-94||

paricchinnābhiruddhate jyotīrandhre mahāpathe|
atraiva satataṃ bhāti sūkṣmātsūkṣmatarā'parā||64-95||

bindūdbhavā mahādhārā koṭisaudāminīprabhā|
tasyā rūpasya kā pūjā kuladevyā mahāprabho||64-96||

kevalaṃ bindudhārābhistarpayāmi sadānaghām|
kuladevīṃ jagadrūpāṃ sthūlasūkṣmasvarūpiṇīm||64-97||

mūlādibrahmarandhrāntaṃ tarpayāmi sureśvarīm|
ityevaṃ manasā yasya tasya kiṃ bāhyapūjayā||64-98||

tathāpi kalpayāmyatra sā(śā)radīye mahotsave|
yathā kulavatīṃ durgāṃ tathāhaṃ kulanāyikām||64-99||

mūlapadmātsamākṛṣya nāginīṃ nāgakanyakām|
kuhakodbhavarūpasthāṃ manuṣyagaṇakanyakām||64-100||

vāme'haṃ kalpayāmyatra kulapīṭhe manorame|
kuladevīṃ vāmabhāge pūjayāmyadhunāmunā||64-101||

tarpayāmi mahābindūdbhavāsavaghaṭāmṛtaiḥ|
māṃsāṣṭakayutainītyaṃ mudrābhirmīnamiśritaiḥ||64-102||

yathāntaḥkaraṇe sā tu tathā me bāhyatarpaṇam|
śubhaṃ bhavatu nityaṃ me mahārātriśca saukhyadā||64-103||

kulaṃ bhavatu saukhyaṃ me bāhyapūjā śubhā mama|
ityevaṃ manasā yasya tasyāḥ saukhyaṃ kutaḥ prabho||64-104||

sarvadā pūjanaṃ tasya caiva kālo nirarthakaḥ|
abhedabuddhyā sarvatra pūjanaṃ bhāvasādhane||64-105||

atyuttamamiti proktaṃ kaulānāṃ yogasādhane|
jātivṛttaṃ na tatraiva yadīcchati phalodayam||64-106||

uttamaṃ sampravakṣye'haṃ yathocitaphalodayam|
atra tantre kriyā guptā guptamāmantritaṃ kulam||64-107||

guptaṃ kularasaṃ nityaṃ guptapānaṃ sadā prabho|
varṣe varṣe pūrṇasiddhiṃ prāpnuyānnātra saṃśayaḥ||64-108||

māse māse tarpaṇaṃ tu pakṣe pakṣe kulakriyā|
dine dine sadā pānaṃ kaulānāmiti lakṣaṇam||64-109||

guptakriyābhiḥ siddhyeta na prakāśyaṃ kadācana|
sarvatyāgī tadaiva syāt prakāśo jāyate yadi||64-110||

uttamaṃ bhāvamālambya kṣipraṃ siddhyati sādhakaḥ|
tasyaiva lakṣaṇaṃ nityaṃ tantranāthe nirūpitam||64-111||

śivoktilakṣaṇe proktaṃ bhairaveṇa mayā saha|
tatsarvaṃ jñānamālambya cottamastvaṃ bhaviṣyasi||64-112||

atyantamadhyamaṃ vakṣye cīnācārakrameṇa tu|
yatkṛtvā munayaḥ sarve kaulalakṣaṇabhāvakāḥ||64-113||

pīṭhopapīṭhamadhye ca mahāpīṭhe kulārṇave|
mahācīnadrumalatāveṣṭite sādhakānvite||64-114||

tatraikamāsanaṃ kṛtvā tithitrayadine śubhe|
uktāsanamupānīya tatra niścayacetasā||64-115||

lakṣamekaṃ japennityaṃ kāmanāviṣayasthitaḥ|
kṛṣṇe vā śuklapakṣe vā homādividhimācaret||64-116||

kumārīṃ bhojayitvā tu kaṇṭhe tau bhāvayetsadā|
māsena siddhimāpnoti kuladravyaprasādataḥ||64-117||

atyantamadhyamaṃ cīnaṃ kathitaṃ tava yatnataḥ|
atimadhyamamāvakṣye yajjñātvā yogirāḍ bhavet||64-118||

kālākālaṃ vihāyātha sadāntaḥkaraṇasthitaḥ|
bhāvayitvā sudhādevīṃ ḍākinyādisvarūpiṇīm||64-119||

pañcaśaktiṃ samānīya pūjayetkulajai rasaiḥ|
kulapuṣpaiḥ sādhakendraḥ kulīnaṃ bhāvayettataḥ||64-120||

yathā bāhye tathā hṛdye kaṇṭhe maṇigṛhe tathā|
vaikuṇṭhe viṣṇukamale mūlādhāre punaḥ punaḥ||64-121||

dhyātvā dhyātvā tarpayedyaḥ sa kāmavijayī bhavet|
atimadhyamametattu yogināmapi durlabham||64-122||

madhyamadhyamamāvakṣye kulīnaphalasāgaram|
vāñchāsiddhikaraṃ sākṣāt śivavadviharenmudā||64-123||

māsamadhye pañcavāraṃ pañcatattvaniṣevaṇam|
yajanaṃ bhāvanaṃ nityaṃ homakarma samāpayet||64-124||

bāhyakriyāsu nipuṇaḥ śmaśāne vipine'pi vā|
bhāvayet kāntaṃ śirasi kākinīṃ sākinīṃ kalām||64-125||

pañcaśaktiṃ dvayaṃ vāpi gṛhītvā tarpaṇaṃ caret|
tarpaṇānte japedvidyāmahanīśamanāturaḥ||64-126||

homatarpaṇakāle tu kulaśaktiṃ prapūjayet|
āsanaṃ svāgataṃ pādyamarghamācamanīyakam||64-127||

madhuparkaṃ ca manasnānavasanābharaṇāni ca|
gandhapuṣpadhūpadīpanaivedyaṃ śītalaṃ jalam||64-128||

pakvānnaṃ pakvamāṃsañca pakvañca vyañjanādikam|
karpūravāsitaṃ nīraṃ tāmbūlaṃ tadanantaram||64-129||

lavaṅgādisamāyuktaṃ datvā gandhānulepanam|
gandhamālyādikaṃ datvā prārthayetsuhitaṃ varam||64-130||

tasyai datvā svamātmānaṃ kulapīṭhe sthiro bhavet|
kaṇṭhapadme mano yāti śaktimantraprabhāvataḥ||64-131||

madhyamadhyamametaddhi kulīnaviprabhojanam|
kramaśaḥ siddhimāpnoti madhyamaṃ śṛṇu bhairava||64-132||

yathā kāle kuladravyaṃ samānīya prayatnataḥ|
navaśaktimekaśaktiṃ triśaktiṃ vāsamāharet||64-133||

guptasthāne samānīya guptadravyaiḥ prapūjayet|
daśopacāravidhinā pūjayediṣṭadevatām||64-134||

prātaḥkāle ca madhyāhne sāyāhne madhyarātrike|
sahasrajapamākṛtyārcanaṃ vāracatuṣṭayam||64-135||

madhyarātrau śaktimātraṃ sthāpayedagrataḥ sudhīḥ|
sākṣānmūrttau digambaryāṃ mudrayā paripūjayet||64-136||

jayantī maṅgalā kālī bhadrakālī kapālinī|
durgā śivā kṣamā dhātrī svāhā svadhā namo'stu te||64-137||

anena manunābhyarcya paraṃbrahmasvarūpiṇīm|
kuladravyaṃ pibet paścācchaktidattaṃ punaḥ punaḥ||64-138||

śaktiprasādaṃ vidhinā saṃśodhya pānamācaret|
śodhayāmi parāṃ devīṃ kulāsyapadmanirgatām||64-139||

pibāmi paramānandaistatprasādātkuleśvari|
ityādi madhyamaṃ proktaṃ cīnācāreṣu durlabham||64-140||

atyantādhamacīnaṃ tu vakṣyāmyatra viśeṣataḥ|
māsamadhye tridinaṃ tu tarpaṇaṃ tu trayaṃ trayam||64-141||

aṣṭottaraśataṃ jāpyaṃ kevalaṃ śaktiśodhanam|
ṛṣimātṛkarāṅgādinyāsaṃ svīyatanau caret||64-142||

kulāṅge'pi samākṛtya pīṭhe śambhuṃ niyojayet|
dharmādharmakalāsnehamātmāgnau manasā srucā||64-143||

suṣumnāvartmanā nityamakṣavṛttīrjuhomyaham|
svāhāntamantramuccārya niyojya japamācaret||64-144||

japaṃ samarpya vidhinā stotraṃ kavacamāpaṭhet|
kavacānte tato mantrī svabījahomamācaret||64-145||

kulatrikoṇagaganavāyūjvalakulānale|
kulaprakāśite padmatale ca manunāmunā||64-146||

prakāśākāśahastābhyāmavalambyonmanīsrucā|
dharmādharmakalāsnehapūrṇamagnau juhomyaham||64-147||

svāheti mantramuccārya tatastenaiva tarpaṇam|
tarpaṇānte cābhiṣekaṃ svaśaktikulajai rasaiḥ||64-148||

śaktīnāṃ brāhmaṇasthāne bhojanañca samāpanam|
kevalaṃ tridinaṃ māse cātyantādhamalakṣaṇam||64-149||

atyantātyadhamaṃ cīnaṃ vakṣyāmi kulavallabha|
rākṣasīkriyayā vyāptaṃ bhujaṅgākārabhojanam||64-150||

ahameva paraṃbrahma buddhyātmānaṃ pratarpayet|
ātmambharī svayaṃ nityaṃ śaktityāgaparo naraḥ||64-151||

antare ca na tu tyāgo manasā karmasādhanam|
pañcatattvaṃ svayaṃ pītvā sadānandasvarūpavān||64-152||

bījatyāgaṃ na karoti liṅgaṃ vaktre punaḥ punaḥ|
dantāvaliyute vaktre bījoccāraṇamuccakaiḥ||64-153||

upāṃśu mānasaṃ vāpi japtvā brahmamayo bhavet|
na tu bāhye mahāpūjā ekādaśīvrataṃ vinā||64-154||

ekādaśyāmavaśyaṃ tu pūjayetsurasundarīm|
yathāvidhi vidhānena śaktiṃ santoṣayet sudhīḥ||64-155||

sarvadeśe sarvapīṭhe tatrāśucirna vidyate|
aśucerbhāvamālabya narakaṃ khalu gacchati||64-156||

viṣṭhāyāṃ gandhanibiḍe māṃsamedādigandhake|
sugandhadeśake vāpi ekabhāvena pūjayet||64-157||

pūjānte ṣaṭsahasrākhyastotraṃ kavacamāpaṭhet|
tadante viharedvīro madanāhlādavajītaḥ||64-158||

antare kuṇḍalīyuktaḥ kāmakartā svayaṃ bhavet|
na tu bāhye svabījasya tyāga eva sureśvara||64-159||

tadā yoge sthiro yāti cātyantātyadhamādibhiḥ|
atyadhamādhamaṃ vakṣye kālātmañchṛṇu sādaram||64-160||

māsamadhye vāramekaṃ kulācāraṃ sacīnakam|
kulamālāṃ samānīya kulena puṭitaṃ manum||64-161||

śaktiyukto japenmantrī mantradhyānaparāyaṇaḥ|
caturdaṇḍagato rātrau japārambha udīritaḥ||64-162||

japettu sakalāṃ rātriṃ vedadaṇḍasthite na tu|
bhayaṃ naiva tu kartavyaṃ hāsyaṃ tatra vivarjayet||64-163||

kālītantravidhānena tārātantrakrameṇa vā|
pūjājapaṃ samarpyātha śaktiṃ samprārthayanmudā||64-164||

stotraṃ kavacamuccārya viharecca yathāvidhim|
māsamadhye dinamekaṃ kṛtvā yogī bhavennaraḥ|
paśutvaṃ na samāyāti vīratantraprasādataḥ|
etadanyadine nātha pañcatattvāktataṇḍulam||64-165||

vadanāmbhoruhe dattvā japettadgatamānasaḥ|
evaṃ vatsaraparyantaṃ kṛtvā yogī bhavennaraḥ||64-166||

atyadhamādhamaṃ kṛtvā paśutvamapi muñcati|
kuleśa paramānanda vakṣye'tyantādhamādhamam||64-167||

bhaveyuḥ sādhakāgryāśca vīrāḥ paśuguṇodayāḥ|
uccadeśe gṛhaṃ kṛtvā maṇḍalākārameva ca||64-168||

śaktiṃ binā caretkāryaṃ nṛṇāṃ muṇḍatrayodaśe|
āsanaṃ tatra saṃskṛtya japettu śaṅkhamālayā||64-169||

anukalpitadravyeṇa sākṣātkalpitadravyakaiḥ|
pūjayetparayā bhaktyā svātmānaṃ śaktikuṇḍalīm||64-170||

ekākī nirjane deśe tadgataḥ prajapenmanum|
kulapūjākrameṇaiva ātmaśaktiṃ pratarpayet||64-171||

sahasranāmayogāṅgaṃ ṣaṭcakrabhedanakramāt|
paṭhitvā stotrakavacaṃ vinyasedātmano hṛdi||64-172||

guptajāpyakrameṇaiva siddho bhavati mānavaḥ|
ityetatkathitaṃ nātha mahāsiddhikaraṃ param||64-173||

divārātrau sādhakasya viśeṣo nāsti śaṅkara|
paśubhāvaṃ parityajya siddho'tyantādhamādhamam||64-174||

atyadhamaṃ pravakṣyāmi cīnācārakrameṇa tu|
yena siddho bhavenmantrī paśubhāvaṃ vimuñcati||64-175||

śṛṇu prāṇeśa varada siddhānāmadhipādhipa|
pātālamaṇḍapaṃ kṛtvā gandhanirgamavajītam||64-176||

tatrāsanaṃ samākṛtya tatra muṇḍatrayaṃ trayam|
tanmadhye nivasennātha kulavidyāsamanvitaḥ||64-177||

kulīnāṃ paṇḍitāṃ nārīṃ divyālaṅkāramaṇḍitām|
sarvadānandanilayāṃ rasikāṃ krodhavajītām||64-178||

sundarīṃ yauvanāhlādalalitāṃ devayoginīm|
evaṃbhūtāṃ devaśaktiṃ vāmabhāge niyojya ca||64-179||

pūjayetparayā bhaktyā yatheṣṭadevatāṃ prabho|
kevalaṃ pūjanaṃ kṛtvā tridinaṃ kulamandire||64-180||

atha saptadinān vāpi pūjājapavidhiṃ caret|
śaktiṃ santarpayed bhaktyā navakanyāmathāpi va||64-181||

vastrālaṅkārabhūṣādyaiḥ kuladravyairyathāvidhi|
santoṣayet sadā kāmī liṅgadhyānaparāyaṇaḥ||64-182||

dhūpadīpau tathā dadyāt sarvadā sādhakottamaḥ|
yathā tattvāntanāśaḥ syāttathā taccittatāmasam||64-183||

naśyatyeva mahākāla atyadhamaprasādataḥ|
adhamādhamamāvakṣye yathoktaphalasiddhaye||64-184||

mantrī pīṭhe samāgamya muktakeśo digambaraḥ|
ghṛṇālajjāvirahito nirjane vipine'pi vā||64-185||

gaṅgāgarbhe girau vāpi bilvamūle catuṣpathe|
vaṭamūle'śvatthamūle cīnadrumatale'pi vā||64-186||

kṛṣṇapakṣe caturdaśyāṃ samārabhya prayatnataḥ|
muṇḍamekamadhaḥ kṣiptvā gandhacandanalepitam||64-187||

hastārdhamānato nātha cāṇḍālaṃ hīnajātigam|
tatra sthitvā japenmantrī bhayamātraṃ vivarjayet||64-188||

cāṇḍālīśaktimānīya kuladravyaṃ tathā prabho|
taddanāttaddanaṃ yāvattāvadaṣṭottaraṃ śatam||64-189||

vidhinā śodhanaṃ kṛtvā śaktyai datvā svayaṃ pibet|
ānandasāgare magnaḥ sarvadarśī nirāmayaḥ||64-190||

māṃsamudrācarvaṇaṃ tu sadānandamayo bhavan|
pratyahaṃ sādhanaṃ kṛtvā varṣamadhye ca māsakam||64-191||

māsena siddhimāpnoti rākṣasīkramataḥ prabho|
adhamādhamakāryeṇa paśuścīnāśrito bhavet||64-192||

adhamaṃ śṛṇu yatnena kaulānāmatidurlabham|
adhamādikrameṇaiva vatsarānmāṃ prapaśyati||64-193||

paśuvatsakalaṃ kāryaṃ rātrau cāpi kulakriyā|
kuladevyāstrirātrau ca kulapīṭhe manorame||64-194||

pūjayet paramānandaiḥ kuladhyānaparāyaṇaḥ|
kulapuṣpaiḥ kuladravyaiḥ sāṅgopāṅgaivīdhānataḥ||64-195||

kulapūjāṃ madhyarātrau brāhmaṇau brāhmaṇīyutaḥ|
kṣatriyaḥ kṣatriyāyuktau vaiśyo vaiśyānvitaḥ sadā||64-196||

śūdraḥ śūdrakalāyukto nijābhāve parāyutaḥ|
juhuyāt kālasapīṇyā vadanāmbhojasundare||64-197||

puraścaraṇavat kāryaṃ divārātrau pratarpayet|
akālamṛtyujetā syāt parānandamayo bhavan||64-198||

anāyāsena siddhiḥ syādadhamasya prasādataḥ|
ripuvidveṣaṇaṃ vakṣye devadeva śṛṇu prabho||64-199||

yasya prasādamātreṇa niḥśatruravarān bhavet|
kaṇṭhapadme dṛḍho bhūtvā sākinīṃ śrīsadāśivam||64-200||

pūjayitvā vidhānena bhāvayet tadgato yadi|
mañjughoṣasya manunā puṭīkṛtya sadāśivam||64-201||

tārayadvayamuccārya rakṣātmānaṃ yugaṃ tathā|
parapakṣaṃ chedayati yogaśatrūn vināśaya||64-202||

yugalaṃ yugalaṃ tatra ramāvahnitrayaṃ trayam|
tato mārayayugmaṃ tu khādayadvayameva ca||64-203||

śatrukaṇṭhatriśūlyante nikaṇṭharipupañcakān|
hārayadvayamuccārya svāhāntamanumājapet||64-204||

sa bhavedripuvidveṣī yogābhyāsī svayaṃ bhavet|
anyamantraṃ pravakṣyāmi sāvadhāno'vadhāraya||64-205||

aghoramantrapuṭitaṃ sākinīnijamantrakam|
tadante kāmarājaṃ tu ripuṃ me yogavighnadam||64-206||

dārayadvayamuccārya vidveṣayadvayaṃ vadet|
parapakṣaṃ chedayeti kālajālaṃ haradvayam||64-207||

svāhāntamantramuccārya japet kaṇṭhādhidevatām|
sa bhavedripuvidveṣī yogavighnādivighnahṛt||64-208||

maṅgalodayamāvakṣye yena yogī bhavennaraḥ|
rātriśeṣe samutthāya japenmadhyandināvadhi||64-209||

yogadhyānaṃ sarvadaiva kaṇṭhapadme sthiro bhavet|
maṅgalodayamāpnoti cirajīvī bhaved dhruvam||64-210||

vismayāhlādamāvakṣye yatkṛtvā yoginīpatiḥ|
svīkṛtya ca kulaṃ dravyaṃ parānandamayo bhavan||64-211||

dhyānādvilayamāpnoti tasya nāśaḥ kutaḥ prabho|
krameṇa paratāṃ yāti krayavikrayavajītaḥ||64-212||

tasmin pralayamāpanne kuto dehaḥ kuto mṛtiḥ|
tasyaiva sarvadā pūjā bāhyapūjā nirathīkā||64-213||

etasmin pralaye yāte kutaḥ sṛṣṭisthitirbhavet|
sṛṣṭisthitimayo bhūtvā vilayaṃ yāti niścitam||64-214||

kālasādhanamāvakṣye yathā kuṇḍalinīpadam|
yadā samaramānandaḥ sānandacetasānvitaḥ||64-215||

tadaiva phaladaṃ kālaṃ tasmin kāle ca sādhayet|
sādhanādeva siddhiḥ syāt tatkālasādhanañcaret||64-216||

śṛṇu nātha navīnatvaṃ yena yāti narottamaḥ|
prātaḥkālaṃ samārabhya yāvaddaṇḍacatuṣṭayam||64-217||

śaucaṃ snānādikaṃ kṛtvā cāsanābhyāsamāśrayet|
tato yogadhāraṇāñca tataḥ pūjādikaṃ prabho||64-218||

tato japādikaṃ kṛtvā prāṇāyāmaṃ samācaret|
ṣaṭṣoḍaśadvādaśaṃ tu kuṇḍalīvāyudhāraṇam||64-219||

tato nyāsaṃ stotrapāṭhaṃ kavacaṃ nāmamaṅgalam|
paṭhitvā devatāṃ hṛdye punarānīya yatnataḥ||64-220||

caraṇādakapānaṃ tu pañcāsavaniṣevaṇam|
dugdhapānaṃ tataḥ paścāt sandhyāvadhi vidhānataḥ||64-221||

rātrau dhyānaṃ sadā kṛtvā samādhiṃ kramato labhet|
evaṃ krameṇa deveśa navīnatvaṃ samāpnuyāt||64-222||

mama dhyānaṃ pravakṣyāmi sāvadhāno'vadhāraya|
anāśrayaṃ sadā dhyāyedānandapraṇayādibhiḥ||64-223||

nirāśrayaṃ nirākāraṃ mama dhyānamudīritam|
rūpātītaṃ nivīkalpaṃ sarvajñaṃ yogavāridam||64-224||

koṭisūryapratīkāśaṃ tejobimbaṃ nirākulam|
jvālāmālāsahasrāḍhyaṃ kālānalaśatopamam||64-225||

daṃṣṭrakarāladurdharṣaṃ jaṭāmaṇḍalamaṇḍitam|
triśūlaṃ varahastañca ghorarūpaṃ bhayānakam||64-226||

anantānantamahimaṃ sarvagāminamīśvaram|
sarvataḥ pāṇipādaṃ tat sarvato'kṣiśiromukham||64-227||

sarvamāvṛtyaṃ tiṣṭhantaṃ kaṇṭhasthaṃ kaṇṭhavāyugam|
mama dhyānaṃ sadā kṛtvā paraṃ brahmamayo bhavet||64-228||

mamājñā gurusadbhāvaṃ śṛṇu yatnena bhairava|
kaṇṭhasthaṃ daivataṃ devagururūpaṃ mahāguṇam||64-229||

ānandabhairavaṃ paścānmahākālaṃ tataḥ param|
jñānānandaṃ sadānandaṃ bhairavānandameva ca||64-230||

śyāmānandaṃ śivānandaṃ kālānandamataḥ param|
sudhānandaṃ harānandaṃ surānandamataḥ param||64-231||

kulānandaṃ priyānandaṃ yajñānandamataḥ param|
dhyānānandaṃ parānandaṃ yogānandaṃ tataḥ param||64-232||

krodhānandaṃ kriyānandaṃ bodhānandaṃ tataḥ param|
devānandaṃ jayānandaṃ vijayānandameva ca||64-233||

brahmānandaṃ prabhānandaṃ pūrṇānandaṃ tataḥ param|
jagadānandarūpaṃ ca mamājñāgurucakragam||64-234||

mamājñāgurusadbhāvaṃ kṛtvā'bhyarcya vibhāvayet|
kaṇṭhapadme sthiro yāti sādhakaḥ sthiracetasā||64-235||

vakṣye'haṃ devadeveśa kulapīṭhapradarśanam|
kāmasthānaṃ kāmakalāveṣṭitaṃ yoginīpadam||64-236||

kāmarūpaṃ mahāpīṭhaṃ kulapīṭhaṃ prakītītam|
tasya darśanamātreṇa jīvanmukto na saṃśayaḥ||64-237||

tatprakāravidhiṃ vakṣye sāvadhāno'vadhāraya|
kulapīṭhe samāgamya yada tadgatamānasaḥ||64-238||

tadaiva pūjanaṃ kṛtvā kiṃ na siddhyati bhūtale|
ādau bhavet kālarūpabhūpatiḥ siddhidarśakaḥ||64-239||

kūlapūjāvidhānena nijapīṭhe prapūjayet|
kāmeśvarīṃ kālakanyāṃ kāmakautūhalojjvalām||64-240||

kālarūpāṃ prapūjyātha sarvabhāvena pūjayet|
sudhādānaṃ pādyadānaṃ arghyamāṃsādi mudrayā||64-241||

ācamanīyaṃ sakulaṃ gandhamāliṅganādikam|
nakhadaṃṣṭrakṣatādīni puṣpāṇi vividhāni ca||64-242||

samūhadhūpadānaṃ tu kulapīṭhapradarśakam|
tatsparśanaṃ bhaveddīpaḥ praveśo hi kulāntare||64-243||

tannaivedyaṃ mahāsaukhyaṃ sarvatantreṣu gopitam|
kuladravyaṃ tu pānārthaṃ tatastāmbūlabhakṣaṇam||64-244||

sthāpanaṃ tarpaṇaṃ viddhi mama pūjākramādikam|
tanmūlena yathā nātha pūrvoktena prakārayet||64-245||

kuṇḍalīgamanaṃ vakṣye saṃkṣepācchṛṇu vallabha|
kāyaśodhanamākṛtya āsanādikamācaret||64-246||

prāṇāyāmaṃ tridhā kṛtvā bhūtanyāsaṃ samācaret|
aṅganyāsakaranyāsau bījanyāseṣu ṣoḍhayā||64-247||

vyāpakaṃ pañcadhā kṛtvā bhūtaśuddhiṃ samācaret|
jīvenaikyaṃ vibhāvyaiva brahmarandhre niveśayet||64-248||

brahmarandhre tato gatvā suṣumnāmukhamāśrayet|
tanmadhye kaṇīkāsthānaṃ tanmadhye ca caturdalam||64-249||

caturdalānte sā devī vibhāti tāmupāśrayet|
tāmupakuñcya yatnena siddharūpī prabuddhayet||64-250||

devaiḥ sārdhaṃ tato gacchet ṣaḍdale kākinīsthale|
tayā sārdhaṃ kuṇḍalinyā devairgacched daśacchade||64-251||

evaṃ krameṇa hṛtpadmaṃ ṣoḍaśāraṃ tataḥ param|
dvidalaṃ bhedamākṛtya bodhinīcakramāśrayet||64-252||

tataḥ kaṭāhamābhedya pūrṇaśailaṃ samāśrayet|
tato'sau hyunmanīṃ bhitvā ghaṭādhāre manolayam||64-253||

tadūrdhve pralayākāraṃ brahmacakraṃ nirākulam|
tadūrdhve brahmadaṇḍaṃ tu tadūrdhve kevalaṃ jalam||64-254||

sarvaṃ jalaṃ samālambya sahasrāraṃ prabhāmayam|
tadūrdhve kaṇīkāsthānaṃ siddhakhaḍgaṃ tadūrdhvake||64-255||

sarvabījamayaṃ nātha mātṛkāmaṇḍalaṃ tataḥ|
mātṛkāmaṇḍalordhve ca pretabījaṃ sudhāmayam||64-256||

pretāsanopari dhyāyenmahākālakuleśvarīm|
tatraiva śrīpadāmbhojatale saṃsthāpayenmanaḥ||64-257||

pūrvoktadevatābhistu layayogena lepayet|
tatraiva sthitvā saṃdhyāyenmūle'nalamanuṃ prabho||64-258||

vāyubījena prajvālya daheddehaṃ yatīśvaraḥ|
tannetradvayaparyantaṃ karṇayugmāvadhi prabho||64-259||

pradahya bhrūdale netre vahnau vahnilayaṃ caret|
tacchikhāpaṭalenaiva kṣaranti brahmabindavaḥ||64-260||

tadbindudhārayā dehaṃ varuṇaiḥ plāvayettataḥ|
śuddhadehaṃ tato dhyāyed bījena prathamāṅkuram||64-261||

adhomārgeṇa sandhyāyet kuṇḍalinyā gamāgamam|
ityetat kathitaṃ nātha kuṇḍalīgamanādikam||64-262||

sādhakālambanaṃ vakṣye yena siddho hi sādhakaḥ|
prāṇavidyāsusiddhiḥ syādāyurārogyamālabhet||64-263||

śrīkāruṇo'kāraṇaguptabhāve|
vibhāvayāmi priyapādapadmam|
evaṃ manoyogamupetya nityaṃ|
śrīsādhakālambanameva sampadam||64-264||

nityopalabdhivijñāne sundarīcaraṇāmbuje|
ātmānamarpayan bhāvaiḥ sādhakālambanaṃ hi tat||64-265||

varṇadhyānaṃ śṛṇu prītaḥ śaṅkara prāṇaśaṅkara|
mūlādibrahmarandhrāntamakārādīn smared budhaḥ||64-266||

smṛtvā grathitvā manunā vilomena punaḥ punaḥ|
bhāvayenmanasāṃ yogī sattvādhiṣṭhānatatparaḥ||64-267||

koṭisūryāyutābhāsaṃ pratyekagranthibhedataḥ|
mantrākṣaraṃ paraṃbrahma dhyātvā dhyātvā vibhākaram||64-268||

bhitvā sahasrāramadhyaṃ kṣakāraṃ bhāti candragam|
anulomavilomena vibhāvya dhyānamācaret||64-269||

akārādikṣakārāntaṃ varṇadhyānaṃ samīritam|
dalabhedaṃ pravakṣyāmi yatra yatra pade sthitiḥ||64-270||

visargād binduparyanto dalabhedaḥ prakītītaḥ|
tathāpi śṛṇu yogendra saṅketārthavinirṇayam||64-271||

devatādakṣiṇāvartyā yogena bhāvayeddalam|
evaṃ mūlādipadmānāṃ bhedaḥ śrīkaṇṭhabhūṣaṇa||64-272||

evaṃ sahasrārapadmadalabhedaḥ prakītītaḥ|
sphūtīvidyāṃ pravakṣyāmi akasmātsiddhidāyinīm||64-273||

nirantaraṃ japedvidyāṃ samabhāvaparāyaṇaḥ|
akasmātsphūtīvidyaḥ syātkāvyavākpatirīśvaraḥ||64-274||

vācāṃ siddhiḥ kare tasya kubjikāsiddhireva ca|
yadi kaṇṭhāmbuje dhyāyet kākacañcupuṭasthitaḥ||64-275||

ityetāḥ sphūtīvidyā hi sarvapadmadalasthitāḥ|
viyogaṃ sampravakṣyāmi yena mantrī ca nirbhayaḥ||64-276||

strīputradhanamitrādilobhamohādipātakam|
varjayitvā tanukleśaṃ vivekaṃ samupāśrayet||64-277||

viyogaḥ sa hi vijñeyo mantranyāsaparāyaṇaḥ|
atha vakṣye triyogendra pūrvajñānasamodayam||64-278||

kāle kāle kriyāsiddhiścaṇḍikāpārśvago bhavet|
pūrvasyāṃ diśi pūrvāhṇe vadanāmbhojamaṇḍalaḥ||64-279||

jñānadravyasamarasairudayaṃ bhāvayed ravim|
pūrva pūrvasvajanmādijñānasamodayaṃ labhet||64-280||

ākāśe ca mano datvā ākāśākhyaṃ smaranmanum|
pūrvajanmādisañjñānaṃ jānāti samabhāvakaḥ||64-281||

iti te kathitaṃ nātha pūrvajñānasamodayam|
athātra saṃpravakṣyāmi siddhaḥ śuddhaḥ phalārthabhāk||64-282|| yena krameṇa sambhūyāt khecarīmelanaṃ prabho|
yā yā samarasaprāptiḥ sā saiva phalasiddhidā||64-283|| śṛṇu saṃkṣepato vakṣye paścādvaktavyameva tat|
āsanādikamākṛtya kāyasaṅkocamācaran||64-284|| kāmalatā kṣudratarairbheditā vasanāgrakaiḥ|
tālumūlottare mūle niyojya madhupo bhavet||64-285|| tadaiva japamākṛtya vāyuṃ dhṛtvā madhuṃ pibet|
sā syātsamarasaprāptiḥ kāmaliṅge sthiro bhavet||64-286|| ityeṣā kathitā vidyā latābhedaṃ śṛṇu prabho|
śvetavāṭyālasūtreṇa nimītā yā latā śubhā||64-287|| athavā padmasūtreṇa latāṃ kuryādvicakṣaṇaḥ|
aṣṭādaśāṅgulamitaṃ nātisūkṣmaṃ pramāṇavat||64-288|| jitvādhaḥ sanniveśyātha gharṣayet kāmasundara|
tadā jitvā svayaṃ yāti gharṣaṇena punaḥ punaḥ||64-289|| paścājjitvā kriyāṃ kuryāttālumūle nidhāya ca|
krameṇāmṛtamāpnoti jihvādhaśchedane dhruvam||64-290|| sā syātsamarasaprāptiryadi mantrākṣaraṃ bhajet|
jīvabrahmabuddhimantāstu tiṣṭhanti nirañjane||64-291|| kūṣmāṇḍākāradehī ca brahmasādhanatatparaḥ|
sadā samarasaprāptiranāyāsena labhyate||64-292|| jale sthale bhūmigarte śarīraṃ nāpi naśyati|
ajarāmaradehī syād yogo'yaṃ yogidurlabhaḥ||64-293|| kāyakalpanamāvakṣye yena siddhapatirbhavet|
śṛṇuṣvaikamanāḥ śambho gṛhasthānāṃ tu durlabham||64-294|| mahāraṇye padmavane śītale gandhaśobhite|
kāyakalpanamākṛtya bhāvayet kaṇṭhapaṅkajam||64-295|| udāracittaḥ sarvatra vaiṣṇavācāratatparaḥ|
padme padme svadehasya kalpanā ca dale dale||64-296|| kramaśaḥ kaṇṭhapadme ca svīyadehasya kalpanā|
kriyate yadi yogendraistadā dehasya rakṣaṇam||64-297|| anyathā mṛtyuvaśyaḥ syād yogabhraṣṭo bhavennaraḥ|
evaṃ krameṇa sarvatra kuryāt kāyasya kalpanam||64-298|| jarāmaraṇaduḥkhādyairmucyate mohasaṅkaṭāt|
athānyat sampravakṣyāmi kāyakalpanameva tat||64-299|| nānāpīṭhe tvasādhye ca cakṣurindriyavajīte|
manogamye sthiro bhūtvā svadehamapi kalpayet||64-300|| vārāṇasyādipīṭhe ca mahājvālāmukhīpade|
kurukṣetre prayāge ca dakṣiṇe dvārakādiṣu||64-301|| haridvārodaye tīrthe mārkaṇḍeye ca kāpile|
vṛndāvane guhyapīṭhe gaṅgāyamunayostaṭe||64-302|| puṣkare pṛthivītīrthe kāyatīrthe gayādiṣu|
kālakalpanamākṛtya śraddhāvān pūjayetparam||64-303|| sadāśivaṃ sākinīśaṃ śākinīyoginīgaṇaiḥ|
veṣṭitaṃ parayā bhaktyā dhyātvā dehaṃ prakalpayet||64-304|| prakalpya svatanuṃ tatra tato devasya kalpayet|
yeṣāṃ manasi yadvaynaṃ taddhayānaṃ kāyakalpanam||64-305|| etatkāyakalpanena maunī vāksiddhimāpnuyāt|
idānīṃ kāmadevasya mathanaṃ śṛṇu bhairava||64-306|| kāmadevasya mathanaṃ sukhadaṃ mokṣadaṃ param|
yāvad binduḥ sthiro dehe tāvanmṛtyubhayaṃ kutaḥ||64-307|| bindupātādbhavennāśastato hi bindurakṣaṇam|
tattadauṣadhamāvakṣye yena binduḥ sthiro bhavet||64-308|| nityaṃ sevanamākuryā deteṣāṃ mūlamāharan|
śvetāparājitāmūlaṃ siddhimūlaṃ tataḥ param||64-309|| śatapaṇīmūlamekaṃ kadambamūlameva ca|
śvetakundapuṣpamūlaṃ karavīraṃ tathāśitam||64-310|| kṛṣṇadhustūramūlaṃ tu sephālīmūlameva ca|
citāmūlaṃ tathā śambho nirguṇḍīmūlamāharan||64-311|| ekīkṛtya vidhānena ravivāre'rkamūlakaiḥ|
samabhāgena yogendra cūrṇīkṛtya pṛthak pṛthak||64-312|| śukravāre ca pūrvāhṇe miśraṃ kuryāddanatrayam|
ṣaḍrātri śodhayet kāmamudrābhirvāmadevatāḥ||64-313|| madhyamāṅgulimuttolya dakṣiṇenāpi muṣṭinā|
dhṛtvā ca śodhayedādau dravyamūlāni sādhakaḥ||64-314|| vijayācūrṇayogena pibeccūrṇaṃ dvitolakam|
ardhatolakamunaikyaṃ vijayāḥ sārdhatolakāḥ||64-315|| miśrīkṛtya vidhāne'pi tattatkujadine śubhe|
etatprabhakṣaṇenaiva madanaṃ vaśamānayet||64-316|| yadā manasi āyāti puṣpadhanvā mahābalī|
tadā taṃ pūjayitvā ca kāmadevaṃ nivārayet||64-317|| iti kāmasya mathanaṃ dehe vyavasthitaṃ śṛṇu|
aṅguṣṭhagulphajānūrusimanīliṅganābhiṣu||64-318|| hṛdgrīvākaṇṭhadeśeṣu lambikāyāṃ tathā nasi|
bhrūmadhye mastake rmūdhni vāyvākāśapriyālaye||64-319|| vāyurūpaṃ svadehaṃ tu sthāpayitvā manuṃ japet|
kumbhakaprāṇayogena nijadehavyavasthitiḥ||64-320|| kaṇṭhāmbhoje sthiro yo hi taṃ janaṃ śṛṇu bhairava|
yogārambhāvadhiryo hi strīsaṃsargaṃ vivarjayet||64-321|| mātṝṇāṃ gamanaṃ nāsti yasya sa kaṇṭhasaṃsthitaḥ|
nityaṃ karoti yogaṃ yo dharmātmā sthiracetasā||64-322|| sa eva kaṇṭhapadme ca sthiro bhavati niścitam|
bhāvajñānī ca yo vidvān taṃ vidāmi dayārṇava||64-323|| kuṇḍalīsparśamātreṇa tanmayo jāyate kṣaṇāt|
sarva deve paraṃ bhāvaṃ kṛtvā jñānena pūjayet||64-324|| sarvapīṭhe sthiro bhūtvā jñānātmā paripūjayet|
krameṇa kaṇṭhabhedaḥ syād yogī bhavati satvaram||64-325|| dhanaṃ dhānyaṃ dharāṃ dharmaṃ kītīmāyuryaśaḥ śriyam|
turagān dantinaḥ putrān lokān sarvasvasvodayam||64-326|| etajjñānaprasādena labhyate parameśvaram||64-327|| jñātvā yogendracakraṃ tribhuvanavivaradhvāntajāla prakāśaṃ|
mūlāmbhoje rasākhye daśadalavimale hṛtsvapadme vilāsam|
kaṇṭhāmbhoje manojñe dvidalasvakamale bhāvayantaṃ surendraiḥ|
śvetāmbhoje pareśaṃ niravadhigaganaṃ pūjaye bhāvayāmi||64-328||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra-- prakāśe bhairavībhairava saṃvāde kaṇṭhapadmabhedavijñānavinyāso|nāma catuṣṣaṣṭitamaḥ paṭalaḥ||64||

Kapitel 65

atha pañcaṣaṣṭitamaḥ paṭalaḥ

śrīānandabhairavī uvāca atha kānta pravakṣyāmi samudāyaphalodayam|
kaṇṭhāmbhojasya varṇānāṃ dhyānaṃ mantraṃ śṛṇu prabho||65-1||

śākinīsahitaṃ nityaṃ pūjayitvā sadāśivam|
mūḍho'pi yogināṃ śreṣṭhaḥ kimanye dhyānayoginaḥ||65-2||

dhyātvā sampūjayedyastu so'bhīṣṭaṃ phalamāpnuyāt|
tato dhyānaṃ pravakṣyāmi vīranātha śṛṇu prabho||65-3||

ādau śrīśākinīdhyānaṃ paścād dhyānaṃ sadāśive|
dvayorabhedabuddhyā ca kāmajetā svayaṃ bhavet||65-4||

vande nityāṃ suśīlāṃ tribhuvanavaradāṃ śākinīṃ pītavastrāṃ|
vedādyāṃ vedamātāṃ sukhamayalalitāṃ vedahastojjvalāṅgīm|
dhyāye pīyūṣadhārāmalaghaṭasudhayā snigdhadehāṃ hasantīṃ|
māyāṃ śambhorlalāṭe vidhukiraṇakarāṃ śrīsadānandayuktām||65-5||

ambhojāstrādimudrāsivaradajaṭā dhārayantīṃ karālaṃ|
śyāmāṃ pīnastanāḍhyāṃ trinayanakamalāṃ pretaliṅgāsanasthām|
sarvāṅgālaṅkṛtāṃ śrīṃ vidhuśatavadanāmbhojaśobhāṃ vahantīṃ|
śambhorānandakatrīṃ caramaguṇapadāṃ sthūlasūkṣmasvarūpām||65-6||

evaṃ dhyāyenmahāyogī sthūlasūkṣmasvarūpiṇīm|
abhedyabhedakaraṇīṃ śaṅkara premavallabha||65-7||

yā vidyā vāgbhavāḍhyā harivadhukamalā kevale niṣphalante|
māyālakṣmīstrikūṭaṃ śaśimukhitadadhaḥ śākinī kṣetrapālam|
vakṣadvandvaṃ trikūṭaṃ vadhumadharamivāsiddhimiṣṭāṃ vidhehi|
svāhānto'yaṃ maheśatribhuvanabhavikāhlādahetoḥ prakāśaḥ||65-8||

praṇavaṃ pūrvamuddhṛtya vāgbhavaṃ tadanantaram|
śākinī tvaṃ tadante tu mama doṣān vināśaya||65-9||

yugalaṃ vahnikāntāṃ ca mantrārthāḥ sāradāḥ smṛtāḥ|
kāmarājaṃ samuddhṛtya hiraṇyākṣi sanātani||65-10||

śākinyante mahāmāye māyāvahniśriyā yutam|
eṣā mantrātmikā vidyā kaṇṭhāmbhojaprakāśinī||65-11||

śākambharī mahāvidyā tasya vāme vibhāti ca|
tasya mantraṃ pravakṣyāmi jñātvaiva yogavit prabhuḥ||65-12||

mahāmantrasya māhātmyaṃ kathituṃ naiva śakyate|
bhāvamātreṇa siddhiḥ syāt kiṃ punarmokṣasādhanam||65-13||

vidyāṃ kāmakalāṃ vicitravasanāṃ padmāsanasthāṃ śivāṃ|
kāmākhyāṃ sakalān svarān trijagatāṃ śākairmahāyoginī|
nityaṃ yā paripālyate bhagavatīṃ śākambharīṃ tāṃ bhaje|
sā yogādhipa--rakṣakā niśi diśi śrīkaṇṭhapadme prabhā||65-14||

adyāpi priyakaṇṭhapadmanikare sambhāti śākambharī|
vidyāvākkamalāyutaṃ smitamukhi prānte ca śākambhari|
vahnirvāruṇavāyubījamanaladvandvaṃ hi vakṣadvayaṃ|
vahnipremakalānvito manuvaraḥ sākṣājjagatkṣobhakṛt||65-15||

śākambharīṃ mahāmāyāṃ pūjayed dvāradevatām|
tadante sarvadevāśca śakrādīn paripūjayet||65-16||

dhyātvā ca śākinīṃ devīṃ śākambharyāśca dakṣiṇe|
pūjayet parayā bhaktyā pūrvoktavidhinā prabho||65-17||

śākambharīṃ trinayanāṃ sūryenduvahniyojitām|
raktapadmasthitāṃ śyāmāṃ vedabāhuśriyojjvalām||65-18||

varābhayakarāṃ khaḍgakapālakamalānvitām|
nānālaṅkāraśobhāṅgī muktakuntalabhūṣitām||65-19||

prasannavadanāmbhojasmitahāsyavirājitām|
sādhakābhīṣṭadāṃ nityāṃ mahāvidyāṃ bhajāmyaham||65-20||

tato mānasapūjāñca dhyānānte tu samācaret|
punardhyānaṃ tataḥ kṛtvā cittāvāhanamācaret||65-21||

pādyādyaiḥ pūjayennityaṃ bhaktyā ca yogasiddhaye|
tato japecchataṃ vāpi cāṣṭottarasahasrakam||65-22||

evaṃ lakṣasamāpte tu kaṇṭhe devīṃ prapaśyati|
homādīn kramaśaḥ kuryād brāhmaṇānāṃ tu bhojanam||65-23||

tadante śākinīpūjā prathame vāpi kārayet|
tatprakāraṃ śṛṇu prāṇavallabhe kāmasundari||65-24||

ādau jalaṃ śodhayitvā hastau pādau ca vigraham|
kṣālayitvā dvirācamya mūlamantreṇa sādhakaḥ||65-25||

śikhābandhanamākṛtya cāsanaṃ pariśodhayet|
tato'rghyasthāpanaṃ kṛtvā pīṭhaṃ nirmāya yatnataḥ||65-26||

pīṭhacakraṃ śodhayitvā pīṭhapūjāṃ samācaret|
tato dhyānaṃ bhūtaśuddhiṃ nyāsajālaṃ samācaret||65-27||

punaḥ prāṇāyāmayugmaṃ kṛtvā dehaṃ dṛḍhaṃ nayet|
tato dhyānaṃ mānasārcā mudrādarśanameva ca||65-28||

tataḥ pādyaṃ tathārghyaṃ tu cāruśaṅkhena kārayet|
ācamanīyaṃ tataḥ snānaṃ punarācamanaṃ tathā||65-29||

gandhaṃ puṣpāṇi sarvāṇi bilvapatrāṇi dāpayet|
nijāvaraṇadevāṃśca pūjayitvā krameṇa tu||65-30||

dhūpadīpau nivedyātha naivedyaṃ pānakaṃ tataḥ|
punarācamanaṃ datvā balidravyāṇi dāpayet||65-31||

baliṃ datvā japenmantraṃ sahasraṃ vā śatāṣṭakam|
divase yajjapaṃ kuryādrātrau tajjāpyamāśrayet||65-32||

japaṃ samarpayed vidvān guhyātiguhyamantrakaiḥ|
prāṇāyāmaṃ triṣaṭkṛtvā vandanaṃ ca pradakṣiṇam||65-33||

stotrañca kavacaṃ nityaṃ sahasranāmamaṅgalam|
paṭhed bhaktyā kaṇṭhapadme kāyakalpanakṛnnaraḥ||65-34||

evaṃ vidhividhānena pūjayitvā sadāśivam|
asmiñchāstre kriyā guptā guptanārī prapūjanam||65-35||

athavā manasā sarvaṃ pūjāyāgajapaṃ caret|
yathā devyāstathā śambhorjapayāgaḥ samīritaḥ||65-36||

evaṃ krameṇa pūjyāśca bāhyasthā munayaḥ kramāt|
pūjyā varṇakalā nātha tadbāhyasthānaṃ prapūjayet||65-37||

evaṃ hi māsakāryeṇa varaṃ siddhiṃ samāpnuyāt||65-38||

iti śrīrudrayāmale uttaratantre mahātantroddīpane siddhamantraprakaraṇe bhairavībhairavasaṃvāde śākinīsadāśivārcanaṃ nāma pañcaṣaṣṭitamaḥ paṭalaḥ||65||

Kapitel 66

atha ṣaṣṭaṣaṣṭitamaḥ paṭalaḥ|

ānandabhairavī uvāca kailāsaśikharārūḍha pañcavaktra trilocana|
sarvabhūtaprapūjyātha śākinīyajanaṃ śṛṇu||66-1||

pūjanaṃ trividhaṃ proktaṃ manaḥ sākṣādvacomayam|
mānasaṃ yogināṃ proktaṃ sākṣāt pūjāgṛhaṃ prabho||66-2||

vācāmayaṃ tāmasānāṃ nṛpāṇāṃ kāmināṃ prabho|
ekā pūjā ca trividhā kathitā parameśvara||66-3||

sā pūjā siddhidā kāle trikāle sarvakālake|
kāle siddhirgṛhasthānāṃ trikāle brahmacāriṇām||66-4||

yogināṃ sarvakāle'pi viphalā duṣṭacetasām|
bhāvatrayaṃ hi pūjānāṃ rajaḥ sattvatamomayam||66-5||

triśaktipūjanaṃ nātha sarvatra parikītītam|
brahmāṇīṃ vaiṣṇavīṃ tatra pūjayet tāṃ maheśvarīm||66-6||

tribhāvena pūjayitvā śaktiṃ brahmatrayeṇa ca|
paśurūpavīrarūpadivyarūpeṇa pūjayet||66-7||

balidānaṃ hi sarvatra paraṃ mokṣāya kevalam|
krameṇa śṛṇu yogeśa sarvāvidyādipūjanam||66-8||

yatkṛtvā sambhaved yogī paraṃ brahmamayo'cirāt||66-9||

sthānaṃ vīkṣya mahendra koṭisadṛśaṃ śrīlakṣaṇairlakṣitaṃ|
devānāṃ divi vīranātha ruciraṃ puṇyaṃ pavitraṃ sukham|
ramyaṃ devagṛhānvitaṃ parajalairvyāptaṃ tarucchāyayā|
saugandhādiṣu mānyaśailapavanaṃ kāle vasante'pi vā||66-10||

śūnye devagṛhe tale varatarościttāpītātmā yati--|
ścāmbhojāsanasaṃsthito mṛdukaṭe vyāghrājine vāraṇe|
ādau pādayugaṃ bhuvi sthitamiti vyāśodhya hastau tathā|
nīraṃ nirmalagandharājamilitaṃ saṃkṣālya padmāsanaḥ||66-11||

jalaśodhanamantrastu śrūyatāṃ parameśvara|
praṇavaṃ staraṇaprānte vajrodakamataḥ param||66-12||

śodhayāmi tataḥ svāhā jalamantra udāhṛtaḥ|
prakṣipettajjalaṃ bhinnajale bhairavaśaṅkara||66-13||

hastau pādau tajjalena kṣālayet kāmamāyayā|
vigrahaṃ mūlamantreṇa cācamane dve udāhṛte||66-14||

śikhābandhanamantrastu śṛṇūnmattakumāraka|
aprakāśyaṃ mahāmantraṃ śikhābandhanamāsanam||66-15||

śodhayet tripurānātha kālāgniśikhayojjvala|
āsanaṃ śodhayāmyadya dvārapālo bhavāniśam||66-16||

praṇavādyairnamo'ntena śodhayet parameśvara|
śodhayet tripurānātha kālāgniśikhayojjvala||66-17||

śikhāgraṃ bandhayāmyadya dvārapālo bhavāniśam|
tato'rghya sthāpayed vidvān śaṅkhādhāre manorame||66-18||

mūlamantreṇa saṃkṣālya tato mūlena pūrayet|
raktacandanayuktena jalena candanena ca||66-19||

tato dūrvārghyaṃ puṣpāṇi sādhāre dāpayet sudhīḥ|
daśadhā mūlamantraṃ tu tatra japtvā sudhāmayam||66-20||

dhenamudrāṃ matsyamudrāṃ yonimudrāṃ pradarśayet|
japet tatra sāramantramācchādya matsyamudrayā||66-21||

ātmānaṃ prokṣayedādau tato dravyāṇi prokṣayet|
tataḥ pīṭhaṃ sunirmāya tāmre hemaśalākayā||66-22||

navakoṇaṃ vilikhyātha ṣaṭkoṇañca tadantare|
bāhye ca maṇḍaladvandvaṃ ṣoḍaśārṇaṃ tato likhet||66-23||

tadbāhye ca caturdvāraṃ bhūbimbadvitayaṃ punaḥ|
evaṃ pīṭhaṃ vinirmāya dale'rṇān vilikhettataḥ||66-24||

oṃ surekhāyai namaḥ svāhā mantreṇa parilekhayet|
praṇavañca mahārekhāśabdānte śodhayāmi yuk||66-25||

vahnibījāyādimanūn śodhayet pīṭhacakrakam|
pīṭhapūjāṃ tataḥ kuryāt praṇavādinamo'ntakaiḥ||66-26||

sāṃpadaṃ pūrvamuccārya hṛdayāya namastataḥ|
ṣaḍdīrghabhājā bījena pūjayed vāmataḥ sudhīḥ||66-27||

pūrvādīśānaparyantaṃ catudīkṣu ca madhyake|
pūjayitvā ca tanmadhye varṇoccāraṇapūrvakaiḥ||66-28||

pīṭhaśaktiṃ pūjayitvā pīṭhanāyakamarcayet|
praṇavādinamo'ntena sarvatra pratipūjayet||66-29||

pīṭhaśaktiṃ śākinīṃ tu tathā śākambharīṃ śivām|
lakṣmīṃ sarasvatīṃ durgāṃ caṇḍikāṃ gaṇanāyikām||66-30||

bhadrakālīṃ viśālākṣīṃ śraddhāṃ māyāṃ dayāṃ kalām|
raṇacaṇḍāṃ madhumatīṃ prasannāṃ ratnamālinīm||66-31||

hiraṇyavarṇāṃ kaumārīṃ vāgdevīṃ trijaṭāṃ mahīm|
triśūlinīṃ vedamātāṃ siddhādyāṃ madhunāyikām||66-32||

madhupureśvarīṃ kubjāṃ tathā madhumatīṃ yajet|
śākākhyāṃ śākacakṣāñca varahastāṃ hasanmukhīm||66-33||

kapālinīṃ khaḍgahastāṃ vanamālāñca mādhavīm|
vicitrāṅgī lalajjihvāṃ cekitānāṃ prabhāmayīm||66-34||

sarvāṃ sarvākaṣīṇīñca bahurūpāṃ surāṃ sudhām|
sarvamayīṃ varṇamayīṃ muṇḍamālāṃ trikālikām||66-35||

viśveśvarīṃ viśvamātāṃ mahāvidyāṃ sanātanīm|
etā vidyāḥ pūjanīyāḥ praṇavādinamo'ntikāḥ||66-36||

tato dhyānaṃ pravakṣyāmi saṃkṣepataḥ śṛṇu priye|
śākinīṃ śrīvedavidyāṃ sthūlasūkṣmasvarūpiṇīm||66-37||

pītavarṇāṃ trinayanāṃ vedahastāṃ hasanmukhīm|
sadāśivayutāṃ gaurīṃ sarvālaṅkāramaṇḍitām||66-38||

trilocanāṃ sūryacandravahnimaṇḍalamaṇḍitām|
kapālapadmavimalavarābhayakarāmbujām||66-39||

devadānavagandharvayogisiddhaprapūjitām|
ṣoḍaśāramahāpadmasaṃsthitāṃ vanamālinīm||66-40||

śākambharīdevavidyāmādhavīśaktiśobhitām|
munideva mahendrādibrahmaviṣṇuśivāśrayām||66-41||

dhyāye'haṃ kaṇṭhapadmasthāṃ sarvasiddhisamṛddhidām|
evaṃ dhyātvā kaṇṭhapadme bhūtaśuddhiṃ tataścaret||66-42||

bhūtaśuddhiṃ pravakṣyāmi yena kaṇṭhe sthiro bhavet|
ākāśagāminī siddhirlabhyate nātra saṃśayaḥ||66-43||

saṃyojya jīvaṃ kulavastramadhye|
śrī kuṇḍalinyā saha mūlapadmam|
krameṇa bhitvā samayordhvatuṇḍo|
viśuddhapadme layamācared budhaḥ||66-44||

śākinīpārśvabhāge tu jīvaṃ saṃsthāpayet sudhīḥ|
kuṇḍalinyā layaṃ kṛtvā vahnibījena bhasmasāt||66-45||

dehaṃ tadā vidadhīta vāyubījena śoṣayet|
varuṇenāmṛtaṃ kṛtvā vedanārahito bhavet||66-46||

dhairyeṇa bhāvayeddevaṃ śākinīśaṃ sadāśivam|
trailokyānvitamīśānaṃ pañcavaktraṃ trilocanam||66-47||

pūrvoktadhyānamākuryānmantrākṣarāṇi bhāvayet|
cicchaktau paramātmānaṃ bhāvayitvā punaḥ punaḥ||66-48||

ātmalagnaṃ tatra pade kṛtvā cintāmaṇiṃ bhajet|
dhūmrākāraṃ mahākāśaṃ vicintya tejasāvṛtam||66-49||

līlāmayaṃ devatāyā rūpaṃ sampūjya mānasaiḥ|
krameṇa nāsikādvārāt so'haṃbījena cālayet||66-50||

ānīya saṃmukhe pīṭhe saṃsthāpya jīvamarpayet|
tatraiva saṃsthiro bhūtvā tatprāṇān tatra sthāpayet||66-51||

āṃ hrīṃ kroṃ śabdamuccārya yaṃ raṃ laṃ vaṃ tataḥ param|
ityādyaiḥ sthāpayet prāṇān tato'rcavidhimācaret||66-52||

nyāsajālaṃ tataḥ kuryāt śṛṇu tattvāsanādikam|
sadāśiva ṛṣiścāsya mastake saṃnyaset sudhīḥ||66-53||

sadāśivāya ṛṣaye namaḥ praṇavamādyake|
mukhe praṇavamuccārya cānuṣṭupchandase namaḥ||66-54||

hṛdi praṇavamuccārya śākinyai tadanantaram|
sadāśivaprayuktāyai devatāyai namastataḥ||66-55||

karāṅganyāsau saṅkuryāt ṣaḍdīrghasvarasaṃyutaiḥ|
sakārairdevadeveśa mātṛkāṃ bījasampuṭām||66-56||

mātṛkāsthānamālambya sāṃbījena tu vā caret|
vyāpakaṣoḍaśavāraṃ prāṇayāmayugaṃ care||66-57||

punardhyānaṃ mānasārcā yonimudrāṃ pradarśayet|
padmamudrāṃ tataḥ kṛtvā pādyādyaiḥ paripūjayet||66-58||

ādau mūlaṃ samuccārya etatpādyaṃ tataḥ smaret|
sadāśivaprayuktāyai śākinyai nama ityapi||66-59||

evaṃ krameṇa pūrvārghyamācamanīyaṃ nivedayet|
snānīyaṃ kramato dadyāt punarācamanīyakam||66-60||

gandhaṃ puṣpāṇi mūlena dadyād bhaktyā sadāśive|
bilvapatrāṇi mūlena datvā varuṇamarcayet||66-61||

dhenumudrāṃ matsyamudrāṃ siṃhamudrāṃ pradarśayet|
praṇavaṃ sāṃ hṛdayāya namaścāgnau prapūjayet||66-62||

praṇavañca sīṃ śirase svāhayā nairṛte yajet|
praṇavaṃ sūṃ śikhāyai vaṣaḍ vāyau yajet kramāt||66-63||

praṇavaṃ saiṃ kavacāya kūrcamīśe prapūjayet|
madhye sauṃ netratrayāya vauṣaṭ praṇavamādyake||66-64||

catudīkṣu tataḥ paścāt saḥ astrāya tato hi phaṭ|
praṇavādyaṃ pūjayitvā mastake ṛṣimarcayet||66-65||

praṇavaṃ mūlaṛṣaye sadāśivāya kṛttataḥ|
pūrvādivāmataḥ pūjyāḥ parivārādidevatāḥ||66-66||

ānandabhairavaṃ paścānmahākālaṃ samarcayet|
( jñānānandaṃ sadānandaṃ bhairavānandameva ca|
śyāmānandaṃ śivānandaṃ kālānandaṃ tataḥ param )
sudhānandaṃ harānandaṃ surānandaṃ samarcayet||66-67||

kulānandaṃ priyānandaṃ yajñānandamataḥ param|
dhyānānandaṃ parānandaṃ yogānandaṃ samarcayet||66-68||

krodhānandaṃ kriyānandaṃ bodhānandaṃ tathārcayet|
devānandaṃ jayānandaṃ vijayānandameva ca||66-69||

brahmānandaṃ prabhānandaṃ pūrṇānandaṃ samarcayet|
jagadānandarūpaṃ tu mamājñāgurucakragam||66-70||

pūjayitvā dehaśaktimeteṣāṃ pārśvake yajet|
kalyāṇīṃ kāmakanyāṃ tripurāṃ ṣoḍaśīṃ tathā||66-71||

vidyādharīṃ nīlavarṇāṃ śyāmāṃ siṃhāsanasthitām|
caṇḍikāmupakanyāñca candracūḍasarasvatīm||66-72||

kapilāṃ meghadūtāñca dhūmravarṇāṃ jaṭādharām|
trilocanāṃ khecarīñca gaganāṃ kāmarūpiṇīm||66-73||

pīnakucāṃ vyāghramukhīṃ madhupānāṃ madonmadām|
ramyāṃ snehakalāṃ dharmāṃ tathā madhumatīṃ harām||66-74||

hāramālāṃ vanamālāṃ cakorāṃ kulakāminīm|
pūjitāṃ gurusarvāṇīṃ sarvatattvasvarūpiṇīm||66-75||

pūjayet sarvataḥ śaktyā īśānāntaṃ krameṇa tu|
tanmadhye keśavaṃ dhyātvā dalasvaramupārcayet||66-76||

akārādiṣoḍaśārṇān praṇavādinamo'ntikān|
nīlavarṇān saraktāḍhyān kuṅkumālaktaveṣṭitān||66-77||

vidyutkoṭisamābhāsapadmarāgasamojjvalān|
manorathapūrṇakarān jagadānandavardhakān||66-78||

supriyākaṇṭhatālvādiparamātmapradarśakān|
teṣāṃ nāmnā pūjayitvā yathā mārtaṇḍamaṇḍale||66-79||

tathā'tra te pūjitāḥ syuḥ svasvanāmapracoditāḥ|
śṛṇu nātha mahākāya madonmatta digambara||66-80||

sthiracetāḥ sadā bhūtvā pūjaya tvaṃ hi śākinīm|
tatra padmakaṇīkāyāṃ śavarūpaṃ sadāśivam||66-81||

dhyātvā tadgatamadhye tu pīṭhacakraṃ prapūjayet|
mūlādhāre kāmarūpaṃ kāmacakraṃ trilakṣaṇam||66-82||

pīṭhāya nama uccārya cādyatārakamuccaret|
hṛdi jālandharaṃ pīṭhaṃ siddhapīṭhaṃ tricakrakam||66-83||

lalāṭe pūrṇagiryākhyaṃ hiṅgulādaṃ supīṭhakam|
uḍḍiyānaṃ tadūrdhve tu meghakuñjaṃ svapīṭhakam||66-84||

mahāpīṭhaṃ bhruvormadhye vārāṇasīñca liṅgaka|
locanatrayamadhye tu jvalantīsiddhapīṭhakam||66-85||

jvālāmukhī triveṇī ca pīṭhatrayamudāhṛtam|
trilocane tripīṭhaṃ me avaśyaṃ paripūjayet||66-86||

mukhāmbuje pūjayed vai māyāratiṃ subhadrikām|
kampillanagaraṃ vaṃśanagaraṃ kāmabhañjanam||66-87||

hiraṇyanagaraṃ tatra ekadantārasāyanām|
kapālapīṭhaṃ tālvākhyaṃ phaṇipīṭhaṃ mukhe yajet||66-88||

kaṇṭhe madhupurīpīṭhaṃ sudhāpīṭhaṃ tadantike|
āhlādapīṭhaṃ śrīpīṭhaṃ śūnyapīṭhaṃ priyāñjalam||66-89||

purañjanākhyaṃ bhadrākhyaṃ kaṇṭhe ambhapurī mama|
nābhau mahāpīṭharājamayodhyābhavapīṭhakam||66-90||

lakṣmīpīṭhaṃ brahmapīṭhaṃ lāṅgalīpīṭhameva ca|
mānapīṭhaṃ jñānapīṭhaṃ rudrapīṭhaṃ tadantike||66-91||

lākinī kulapāpīṭhaṃ valākāpīṭhameva ca|
raudraprabhāmahāpīṭhaṃ mlecchavāsisupīṭhakam||66-92||

makkāsiddhakarīpīṭhaṃ nirañjanasvapīṭhakam|
brāhmīpīṭhaṃ dattapīṭhamabhayāpīṭhameva ca||66-93||

raṃgiṇīpīṭhamevaṃ hi phetkārīpīṭhamarcayet|
gargarīsiddhapīṭhaṃ ca candraśekharaśailakam||66-94||

haridvārākhyapīṭhaṃ tu samudrapīṭhamarcayet|
kaṭyāṃ saṅketapīṭhaṃ ca kāñcīpīṭhaṃ trighargharam||66-95||

śūlinīpīṭhamabhyarcya laṅkāpīṭhaṃ samarcayet|
vāruṇīpīṭhamabhyarcya vajrapīṭhaṃ samarcayet||66-96||

siddhakaṭāhapīṭhañca mahāsaṃhārapīṭhakam|
ṣaṭpīṭhaṃ drāviḍāpīṭhaṃ viṣṇupīṭhaṃ rasānvitam||66-97||

dalapīṭhaṃ tathā rādhāpīṭhaṃ pañcanalākhyakam|
kuṇḍalīcakrapīṭhaṃ tu kāmapīṭhaṃ samarcayet||66-98||

mahāvāyvākāśapīṭhaṃ trikālacakrapīṭhakam|
brahmapīṭhaṃ dharāpīṭhaṃ śatrupīṭhaṃ samarcayet||66-99||

kuñjarākhyaṃ mahāpīṭhaṃ kāladharmākhyapīṭhakam|
tadvāme ḍākinīpīṭhaṃ garbhapīṭhaṃ tadantike||66-100||

mayūrapīṭhamabhyarcya gāruḍīpīṭhamarcayet|
praṇavaṃ pūrvamuccārya cātra pīṭhasthitān svarān||66-101||

pūjayāmi padmapuṣpaiḥ prasannāḥ prabhavantu te|
pūjayitvā pīṭhalokaṃ śivalokaṃ samarcayet||66-102||

kṣetrapālalokamevaṃ dhūmralokaṃ trilokakam|
pūjayet sāgarān sapta bhuvanāni caturdaśa||66-103||

tārāgrahagaṇakrāntalokapālayutāni ca|
pūjayitvā tadbāhye ca śaktividyāḥ prapūjayet||66-104||

ḍākinī rākiṇī pūjyā lākinī kākinī tathā|
śākinī hākinī paścāt prabhā nīlā ca bodhinī||66-105||

unmanī bhāvinī cintā priyāṅgī mānaseśvarī|
ulkāmukhī krodhamukhī vipracittā subhadrikā||66-106||

nāginī nāgamālā ca pṛthivītīrthavāsinī|
akalaṅkā jāhnavī ca svargagaṅgā manonmanī||66-107||

saṃ satvasthā raṃ rajaḥsthā taṃ tamaḥ sthā prapūjayet|
sarvāṃ devīṃ pūjayed vai praṇavādinamo'ntikām||66-108||

dhūpadīpau svamūlena dadyāt sādhakayogirāṭ|
naivedyaṃ śodhayitvā ca dadyāt pānārthakaṃ prabho||66-109||

punarācamanaṃ datvā viśeṣabalimarpayet|
pūrvoktastu māmānena pañcatattvakriyādibhiḥ||66-110||

anena manunā dadyāt balitrayamanuttamam|
praṇavaṃ kālamāye'nte sarvapīṭhanivāsini||66-111||

tadante kālikābījaṃ svabījaṃ tadanantaram|
ākāśavāhinītyante baliṃ gṛhṇa tataḥ param||66-112||

pañcatattvādimilitaṃ kapāle tadanantaram|
parigṛhṇayugaṃ paścāt śabdabījaṃ tato dvijaḥ||66-113||

anena manunā dadyād balitrayamanuttamam|
sarvatra mānasairyogī dadāti pūjanaṃ balim||66-114||

prāṇāyāmaṃ tridhā kṛtvā japenmantraṃ yathāvidhi|
sahasraṃ vā śataṃ vāpi cāṣṭottarasamanvitam||66-115||

divase yajjapaṃ kuryādrātrau tajjāpyamāśrayet|
japaṃ samarpayed devyā vāmahaste tu mantrakaiḥ||66-116||

guhyātiguhyagoptrī tvaṃ gṛhāṇāsmatkṛtaṃ japam|
siddhirbhavatu me devi tvatprasādāt sureśvari||66-117||

prāṇāyāmaṃ triṣaṭkṛtvā vandanaṃ ca pradakṣiṇam|
saṃvande varade devi trailokyakulapāvani||66-118||

sarvasiddhiprade devi śākinī tvāṃ namāmyaham|
vedavidyāprakāśe tvaṃ nānāvidyāvinodini||66-119||

bhavāni siddhide devi varadā bhava sarvadā|
sarvadānavahantrī tvaṃ mama śatrūn vināśaya||66-120||

akālamṛtyuharaṇaṃ kulakaumāriśākini|
sadāśivayute nitye sadāśivavihāriṇi||66-121||

amaratvaṃ sadā dehi bhaktiṃ muktiṃ prayaccha me|
śākinī prāṇade devi devānāṃ prāṇarakṣiṇi||66-122||

śākambhari namaste'stu mama dehaṃ samāśraya|
vāñchākalpatarormūle sthāyini premadāyini||66-123||

sarvalokācīte siddhikaṇṭhapadme sthirā bhava||66-124||

kaṇṭhāmbhoruhamaṇḍale suvimale vāñchāphale jvālinī|
kāmākhye praṇamāmi śākini padaṃ mātahī śākambhari|
devānāṃ jagatāṃ hitāya vinaye samyagvaraśrīprade|
sthityādikramasaṃsthitā bhava mahākāśaprabhācañcale||66-125||

iti praṇamya bhāvena bhuktimuktī labhed dhruvam|
pūjāphalamavāpnoti pradakṣiṇarato naraḥ||66-126||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde śākinīyajanaṃ nāma ṣaṣṭhaṣaṣṭitamaḥ paṭalaḥ||66||

Kapitel 67

atha saptaṣaṣṭitamaḥ paṭalaḥ

śrīānandabhairavī uvāca kuru nātha vandanaṃ bho pūjanaṃ kavacaṃ paṭha|
varṇādhyānaṃ kaṇṭhapadme sthiro bhava jagatpate||67-1||

paramā śākinī vidyā mahāmohanivāriṇī|
yoginīkoṭibhiḥ sārdhaṃ rājate sūryavat sadā||67-2||

vārāṇasīpure sthitvā kaṇṭhapadmasthitāṃ bhaja|
stotreṇānena vidhinā bhaktiṃ kuru mahāśive||67-3||

akhaṇḍe nīlapaṅkeruhavimalakare sthāpitāṃ ṣoḍaśāre|
hemābhāṃ vidyutābhāṃ sukaṇakavalayāṃ candrakoṭiprabhāvām|
śrīkanyāṃ śākinīśāṃ tripuraharakarāmbhojapūjāvinodīṃ|
kāmākhyāṃ rudramāyāṃ vadhunayanayutāṃ śakrakāntaprakāśām||67-4||

sindhusthāṃ bhāvayāmi pramathagaṇavadhūprojjvalāṃ vedayuktāṃ|
yogendrānandakartrīṃ kamalavalayāṃ nīlajīmūtanetrām|
oṅkārāṃ kāraṇākhyāṃ madhugṛhanikarāmaṣṭagehaprakāśā--|
mānandajñānanityāṃ dvivinadalakalāṃ kaṇṭhavaikuṇṭhaśobhām||67-5||

dharmārthajñānadātrīṃ tribhuvanabhuvikāhlādahetoḥ prakāśyāṃ|
vindhyasthāṃ pīṭhakanyāṃ trikamalanayanāṃ vedahastāṃ prasannām|
smerāsyāṃ candravaktrāṃ hariharavidhibhirdhyānagamyāṃ kadāci--|
cchambhusthāṃ cārurūpāṃ bhavabhayaharaṇīṃ tāriṇīṃ bhāvayāmi||67-6||

sūkṣmāṃ sthūlaprabhāḍhyāṃ caraṇatalavibhākoṭibandhūkakāntiṃ|
kāntānāṃ kāmakāntāṃ jayaratibhavatīṃ śākinīṃ śokahantrīm|
śabdāntaḥprāntarasthāṃ sthitilayagaganāṃ padmarāgasrajāḍhyāṃ|
kāntyā viśvaṃ jvalantīṃ madanavadhuramābījamālāṃ smarāmi||67-7||

vyāghrasthāṃ vyāghravastrāṃ hariṇanayanakaiḥ kevalānandarūpāṃ|
vāmāṃ śaktiṃ pravālāṃ trikulajalakalāṃ kālarājeśvarīṃ yām|
ānandābdhau prabhāntīṃ prabhugaṇabhayahāṃ mātṛkābījabhūṣāṃ|
ghorāmaṭṭāṭṭahāsyāṃ daśanasuhasanāṃ cārunetrāṃ bhajāmi||67-8||

bālādityāyutābhāṃ caramapadamadāṃ madyamādhuryabhakṣāṃ|
kṣoṇīsiṃhāsanasthāṃ maṇimayajapamālābhirvarānandahastām|
mātallīlākalāpāṃ taratanuvimalāṃ cāmale kaṇṭhapame|
nityajñānaprakāśāṃ bhajati mama sadānandacittāvasannām||67-9||

hālāpānodyatāṅgīṃ paramasukhamayīṃ vedasantānakartrīṃ|
yogānandādikartrīṃ taruṇaghanaghaṭāghorarūpāṃ karālām|
ākāśāmbhojamadhye'vikalakarayuṣā vyāpakāṅgaprakāśāṃ|
sā mātā śrīṃ vahantīṃ parisamayakalau mokṣabhaktiṃ bhaje tvām||67-10||

sā vidyādharmacintāmaṇiguṇajanitā yojitā jātu bhītau|
śabdabrahmaikahetusthalanilayamahājñānasākṣipratītā|
tvaṃ mātā vedamātā hara hara kaluṣaṃ bāliśaṃ tārayantī|
jīvātmānaṃ dvirakṣakṣayamaraṇabhayabhrāntimābhañjayantī||67-11||

jvālā mālāvilolā kalayati kaluṣaṃ śākinī saiva mātā|
yātāyātaprabhātodayadivasaniśābhrāntimohārināśā|
dāsānāmāmavāsā vasati śaśigṛhe kātīkeśāsuvaṃśā|
saṃsāre'śādihaṃsā cala cala capalaṃ tvaṃ kalāṣoḍaśāre||67-12||

bījātmā yajñakuṇḍe racayati caraṇācchandasāṃ gadyapadyaiḥ|
pātāle bhūkarāle kulayugadalake nirgatā vedaśaktiḥ|
paśyantī madhyamādyā nayanavacanagā vaikharī vāksvarūpā|
kaṇṭhe hṛtpadmamūle kathayati kavitā stambhitāstvāṃ prayāmi||67-13||

parā sā parvā sā rahitamatahāsā praviśa me|
ghanaśyāme vāme dvikamalalalāṭe'tiśikhayā|
vahantī sindūraṃ trijapaparayānāmaparayā
mukhāmbhoje vaśyā bhavabhavayugaṃ ṣoḍaśadale||67-14||

ramā lajjā māyā vadhumadanakūrccāstrasahite|
hite mātaḥ śākambhari dharaṇi bālā kamalayā|
niśārdhe śatrvaṅgaṃ hana hana kare saṃhara ripuṃ|
tritārī ṣaṭkūṭā madanavadhujāhnijāyā hara agham||67-15||

yogendrānandamudrāṃ taratanutapanāṃ tāpinīṃ taptadehāṃ|
mugdhānāṃ mohamugdhāṃ mukuṭaśaśimaṇicchāyayācchannaveśām|
kāmākhyāṃ brahmabījadhvanimadanakulādyādibījapratiṣṭhāṃ|
svāhāntāṃ bhāvayāmi kṣitisurapatihaṃsākhyabrahmāstravidyām||67-16||

sāyāhne kāmalakṣmīḥ pavanavidhuyutā dīrghanetrā trinetrā|
sāvitrī madhyakāle na calati calati śraddhayā mastakordhve|
koṭyarkābhāsamānā na namati kuṭilaṃ tejasā vyākulālaṃ|
kālolkākoṭikūṭaṃ ramayati dhavalāsyāruṇāṅgī prabhāte||67-17||

gāyatrī varṇamātrāmitavanavanitā mānitā bhālakūpe|
hālākālānalāṅgī timiraharapadālīḍhapādāravindā|
tvaṃ vidyā vāgbhavādyā praṇavatanumayī devalakṣmīḥ prasādā|
nādādyācārdhacandrojjvalayugalaṃ ṣoḍaśāre mamāre||67-18||

jāyā māyā vimāyā hayamukhi vimale kevale tārahāre|
hārārkacitritāṅgi svavadhuyugayuge tārayadvandvacandre|
svāhā medhā svadhā tvaṃ śrutinutisunatigranthivāgvādinī tvaṃ|
māmekaṃ rakṣayugmaṃ dharaṇidharasukhaṃ sañcayāgnipriyāntā||67-19||

etat stavavaraṃ paṭhedyadi sadā dhyātvā narendraḥ sukhī|
dhanyaḥ puṇyamupaiti devavilayaṃ pīṭhādisandarśanam|
yogānāmapi siddhibhākpriyataraṃ jñānaṃ dhanaṃ labhyate|
rājānaṃ vaśayanti te ca sahasā sākṣāt kaṭākṣai ramām||67-20||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde śākinīstotravinyāso nāma saptaṣaṣṭitamaḥ paṭalaḥ||67||

Kapitel 68

athāṣṭaṣaṣṭitamaḥ paṭalaḥ

śrīānandabhairava uvāca trailokyarakṣaṇārthāya pūjayāmi tavānaghe|
saṃsāravilayārthāya tava śrīcaraṇāmbujam||68-1||

mahādevi jagaddhātri paramānandavadhīni|
bhavāni bhairavi prāṇe varṇadhyānaṃ vadāmalam||68-2||

śrīānandabhairavī uvāca atha kāmeśa gaurāṅga dharmādharmapradarśaka|
idānīṃ śṛṇu sarvajña mahājñānanirūpaṇam||68-3||

varṇadhyānaṃ tava snehāt kathaye mama rūpakam|
akasmāt siddhidaṃ dhyānaṃ jñānamātreṇa siddhyati||68-4||

akāraṃ dhyāye'haṃ hariharacaturvaktravibudhaiḥ|
sadā dhyeyaṃ śuklaṃ vidhumukhivadhuśrīśrutibhujam|
vidheyaṃ kaumāraṃ trinayanamalaṅkārajaḍitaṃ|
kapālābjāstrāhimahitaśitāṃśuprabhakaram||68-5||

āṃ bījāḍhyāṃ prabhāsāṃ kanakaghaṭamadhuprītimānāṃ vimānāṃ|
śuklacchāyāṃ vahantīṃ śrutibhujasahitāṃ padmanālākhyamālām|
khaḍgaṃ tāṃ dhārayantīṃ mukuṭamaṇiruciṃ krodhamākāśadeśaṃ|
nānālaṅkāradīptiṃ himakarakapilāvāhanīṃ bhāvayāmi||68-6||

iṃ māyāṃ bhuvanasthitāṃ vadhuyutāṃ śrīṣoḍaśīsaṃyutāṃ|
māyālakṣaṇalakṣitāṃ trijagatāṃ vidyābhayaśrīpadām|
hastāmbhojacatuṣṭayāṃ trinayanāṃ śūlāsimālāmbujāṃ|
nānāratnajanūpurāṃ suranatāṃ dhyāye viśuddhāmbuje||68-7||

koṭyarkābhāsamānāṃ kanakamayamahālaṅkṛtāṃ dhyānagamyāṃ|
īkārākāramūtīṃ trinayanakamalāṃ vedahāsyojjvalāṅgīm|
śaṅkhāmbhojāsighaṇṭāsahitatanuvarāṃ devasiṃhāsanasthāṃ|
vedasthāṃ vedasiddhāṃ rudhiraśitayutāṃ bālalīlāṃ bhajāmi||68-8||

ukāraṃ brahmāṇaṃ trimunisahitaṃ kāñcanarasaṃ|
hayaṃ haṃsārūḍhaṃ ivarasanayutaṃ mandirājālavādyam|
viśālaṃ vedāsyaṃ śataravisuvarṇaṃ trinayanaṃ|
jaṭākuṇḍāhlādaṃ taruṇapuruṣaṃ naumi satatam||68-9||

uṃ****kāraṃ sarvarūpaṃ vidhuśatajaṭitaṃ kāñcanābhaṃ trisargaṃ|
mandārairmānasāptaṃ pracayaghanarasaṃ śuddhasūtrākṣamālam|
hastau dvau saṃvahantaṃ phaṇigaṇalalanāmālayānandarūpaṃ|
siddhānāmiṣṭasiddhiṃ kulakamalaghanaṃ bhāvaye ṣoḍaśāre||68-10||

ṛṃkāraṃ saptarekhāsahitavimalayā mālayā śobhitāṅgaṃ|
māyāvisthaṃ prasannānanakamalavaraṃ vāraṇākāradeham|
puṇyaṃ yajñādisiddhaṃ madanaśaśikalāmādanaṃ ṣaḍbhujāḍhyaṃ|
ghaṇṭācārvastrakhaḍgāmalakamalakapālāṅgamekaṃ bhajāmi||68-11||

ṝṃ bījaṃ cātithīśaṃ śitakamalamukhaṃ śuklavarṇaṃ trinetraṃ|
māyālakṣmīsvarāntaṃ taruṇaravikaraṃ ṣaḍbhujaṃ nīlavastram|
nānālaṅkāraśobhātaramukuṭataṭaṃ candrabimbasvabhāvaṃ|
khaḍgābjajñānamudrāmadhudhara--sugadā pāśapāṇiṃ bhajāmi||68-12||

ḷṃkāraṃ sthāṇukeśaṃ trinayanavadanāmbhojatejaḥprakāśaṃ|
pūrṇātmānaṃ pareśaṃ triguṇaghanamayaṃ nīlavarṇaṃ tribhāvam|
ṣaḍbāhuṃ piṅgakeśāmalagalitaśiromaṇḍalaṃ mālayāḍhyaṃ|
vedāsijñānamālāmbujavaragadayā śobhitaṃ bhāvayāmi||68-13||

ḷṃkāraṃ śitavasanayukśuklakiraṇaṃ|
sudhāmagnaṃ dhyāye hariṇanayanaṃ vedabhujagam|
bhujaṅgāmbhojāsipriyavaradabhāvaṃ śubhakaraṃ|
karālaṃ bhūpālaṃ suramunigaṇaiḥ sevyamaniśam||68-14||

eṃbījaṃ kālavarṇaṃ śatayuvatigataṃ veṣṭitaṃ devamukhyaiḥ|
sūryābhaṃ bindusargaṃ bhujayugasahitaṃ padmabhālaṃ karālam|
sālaṅkāraṃ kirīṭaṃ trinayanamamaraṃ nūpurenduprakāśaṃ|
jhiṇṭīśaṃ śambarīśaṃ pramathasutagaṇairvyāpitaṃ bhāvayāmi||68-15||

śuklābhaṃ vā bhavārṇaṃ trivalitanayanaṃ śuddhabandhūkavastraṃ|
ratnālaṅkārahāraṃ tribhuvanavacanaṃ ṣaḍbhujaṃ bījasāram|
dhyāye'haṃ ṣoḍaśāre trimadanaramaṇe bhāvitaṃ pañcaraśṃmi|
yogādyaṃ bhautikeśaṃ gaganapathakaraṃ vahnijāyāsvarāntam||68-16||

bhaje praṇavalakṣaṇaṃ śitakaraṃ calatkuṇḍalaṃ|
caturbhujavibhākaraṃ kamalaśaṅkhaśūlābhayam|
alaṅkṛtakalevaraṃ vimalapītavastraṃ mukhaṃ|
śuklāṃśuśataveṣṭitaṃ mukuṭanūpurāḍhyaṃ param||68-17||

dhyāye cānugraheśaṃ praṇavadhavala auṅkārarūpaṃ susūkṣmaṃ|
brahmādvāraprabhedaṃ śrutibhujalalitaṃ khaḍgabāṇāstramālam|
jantūnāṃ koṭikāntiṃ śataravimukuṭaṃ krodharājaṃ maheśaṃ|
ratnālaṅkāraśobhaṃ caralatalaribhāmaṇḍalaṃ sāruṇābham||68-18||

aṅkāraṃ bindubhāvaṃ lalitadaśabhujaṃ vyāghracarmāmbarāḍhyaṃ|
pañcāsyaṃ taṃ trinetraṃ svakaṇakavalayaṃ candrakoṭiprakāśam|
śūlāstrāsīṣu cakrapratanaphalagadākheṭakāmbhojamālaṃ|
dhyāye cākrūradevaṃ paraśukharapadaṃ sāradaṃ sthūlasūkṣmam||68-19||

aḥkāraṃ śrīvisargaṃ kamaladalagataṃ dīnadātāramekaṃ|
śuklābhaṃ koṭisūryaṃ śatabhujalalitaṃ vedavidyāstrakhaḍgam|
sarvāṃṅgāraktadhāraṃ trinayanakamalānanditaṃ mandahāsyaṃ|
pañcāśadvaktraśobhābhavatanukiraṇaṃ kāraṇaṃ bhāvayāmi||68-20||

evaṃ dhyātvā ṣoḍaśāre sthiracetāḥ prapūjayet|
varṇarūpaṃ śaktiyutaṃ lokanāthaṃ sadāśivam||68-21||

tadā prasannā buddhiḥ syādamaro jāyate'cirāt|
khecaratvaṃ vākyasiddhiṃ jalastambhādisiddhibhāk||68-22||

pūrvādivāmato dhyāyet kāmanābhayavajītaḥ|
guptasthāne dhyānakāryaṃ yatra vidyāḥ sphuranti tāḥ||68-23||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde viśuddhavarṇadhyānaṃ nāma aṣṭaṣaṣṭitamaḥ paṭalaḥ||68||

Kapitel 69

Der feinstoffliche Körper als Raum tantrischer Kontemplation.

athaikonasaptatitamaḥ paṭalaḥ

śrīānandabhairavī uvāca kailāsaśikharārūḍha pañcavaktra trilocana|
abhedyabhedakaprāṇavallabha śrīsadāśiva||69-1||

bhavaprāṇaprarakṣāya kālakūṭaharāya ca|
pratyaṅgirāpādukāya dāntaṃ śabdamayaṃ priyam||69-2||

icchāmi rakṣaṇārthāya bhaktānāṃ yogināṃ satām|
avaśyaṃ kathayāmyatra sarvamaṅgalalakṣaṇam||69-3||

aṣṭottarasahasrākhyaṃ sadāśivasamanvitam|
mahāprabhāvajananaṃ damanaṃ duṣṭacetasām||69-4||

sarvarakṣākaraṃ loke kaṇṭhapadmaprasiddhaye|
akālamṛtyuharaṇaṃ sarvavyādhinivāraṇam||69-5||

yogasiddhikaraṃ sākṣād amṛtānandakārakam|
viṣajvālādiharaṇaṃ mantrasiddhikaraṃ param||69-6||

nāmnāṃ smaraṇamātreṇa yogināṃ vallabho bhavet|
sadāśivayutāṃ devīṃ sampūjya saṃsmared yadi||69-7||

māsānte siddhimāpnoti khecarīmelanaṃ bhavet|
ākāśagāminīsiddhiḥ paṭhitvā labhyate dhruvam||69-8||

dhanaṃ ratnaṃ kriyāsiddhiṃ vibhūtisiddhimālabhet|
paṭhanād dhāraṇādyogī mahādevaḥ sadāśivaḥ||69-9||

viṣṇuścakradharaḥ sākṣād brahmā nityaṃ tapodhanaḥ|
yoginaḥ sarvadevāśca munayaścāpi yoginaḥ||69-10||

siddhāḥ sarve sañcaranti dhṛtvā ca paṭhanād yataḥ|
ye ye paṭhanti nityaṃ tu te siddhā viṣṇusambhavāḥ||69-11||

kimanyat kathanenāpi bhuktiṃ mukṃti kṣaṇāllabhet||69-12||

asya śrībhuvanamaṅgalamahāstotrāṣṭottarasahasranāmnaḥ sadāśivaṛṣirgāyatrīcchandaḥ
sadāśivaśākinīdevatā puruṣārthāṣṭasiddhisamayayogasamṛddhaye viniyogaḥ|

oṃ śākinī pītavastrā sadāśiva umāpatiḥ
śākambharī mahādevī bhavānī bhuvanapriyaḥ||69-13||

yoginī yogadharmātmā yogātmā śrīsadāśivaḥ|
yugādyā yugadharmā ca yogavidyā suyogirāṭ||69-14||

yoginī yogajetākhyaḥ suyogā yogaśaṅkaraḥ|
yogapriyā yogavidvān yogadā yogaṣaḍbhuvi||69-15||

triyogā jagadīśātmā jāpikā japasiddhidaḥ|
yatnī yatnapriyānando vidhijñā vedasāravit||69-16||

supratiṣṭhā śubhakaro madirā madanapriyaḥ|
madhuvidyā mādhavīśaḥ kṣitiḥ kṣobhavināśanaḥ||69-17||

vītijñā manmathaghnaśca camarī cārulocanaḥ|
ekāntarā kalpataruḥ kṣamābuddho ramāsavaḥ||69-18||

vasundharā vāmadevaḥ śrīvidyā mandarasthitaḥ|
akalaṅkā nirātaṅka utaṅkā śaṅkarāśrayaḥ||69-19||

nirākārā nivīkalpo rasadā rasikāśrayaḥ|
rāmā rāmananāthaśca lakṣmī nīleṣulocanaḥ||69-20||

vidyādharī dharānandaḥ kanakā kāñcanāṅgadhṛk|
śubhā śubhakaronmattaḥ pracaṇḍā caṇḍavikramaḥ||69-21||

suśīlā devajanakaḥ kākinī kamalānanaḥ|
kajjalābhā kṛṣṇadehaḥ śūlinī khaḍgacarmadhṛk||69-22||

gatigrāhyaḥ prabhāgauraḥ kṣamā kṣubdhaḥ śivā śivaḥ|
javā yatiḥ parā harirharāharo'kṣarākṣaraḥ||69-23||

sanātanī sanātanaḥ śmaśānavāsinīpatiḥ|
jayākṣayo dharācaraḥ samāgatiḥ pramāpatiḥ||69-24||

kulākulo malānano valīvalā malāmalaḥ|
prabhādharaḥ parāparaḥ sarāsaraḥ karākaraḥ||69-25||

mayāmayaḥ payāpayaḥ palāpalo dayādayaḥ|
bhayābhayo jayājayo gayāgayaḥ phalānvayaḥ||69-26||

samāgamo dhamādhamo ramāramo vamāvamaḥ|
varāṅgaṇā dharādharaḥ prabhākaro bhramābhramaḥ||69-27||

satī sukhī sulakṣaṇā kṛpākaro dayānidhiḥ|
dharāpatiḥ priyāpativīrāgiṇī manonmanaḥ||69-28||

pradhāvinī sadācalaḥ pracañcalāticañcalaḥ|
kaṭupriyā mahākaṭuḥ paṭupriyā mahāpaṭuḥ||69-29||

dhanāvalī gaṇāgaṇī kharākharaḥ phaṇiḥ kṣaṇaḥ|
priyānvitā śiromaṇistu śākinī sadāśivaḥ||69-30||

ruṇāruṇo ghanāghano hayī hayo layī layaḥ|
sudantarā sudāgamaḥ khalāpahā mahāśayaḥ||69-31||

calatkucā javāvṛto ghanāntarā svarāntakaḥ|
pracaṇḍaghargharadhvaniḥ priyā pratāpavahnigaḥ||69-32||

praśāntirundurusthitā maheśvarī maheśvaraḥ|
mahāśivāvinī ghanī raṇeśvarī raṇeśvaraḥ||69-33||

pratāpinī pratāpanaḥ pramāṇikā pramāṇavit|
viśuddhavāsinī munivīśuddhavinmadhūttamā||69-34||

tilottamā mahottamaḥ sadāmayā dayāmayaḥ|
vikāratāriṇī taruḥ surāsuro'marāguruḥ||69-35||

prakāśikā prakāśakaḥ pracaṇḍikā vibhāṇḍakaḥ|
triśūlinī gadādharaḥ pravālikā mahābalaḥ||69-36||

kriyāvatī jarāpatiḥ prabhāmbarā digambaraḥ|
kulāmbarā mṛgāmbarā nirantarā jarāntaraḥ||69-37||

śmaśānanilayā śambhurbhavānī bhīmalocanaḥ|
kṛtāntahāriṇīkāntaḥ kupitā kāmanāśanaḥ||69-38||

caturbhujā padmanetro daśahastā mahāguruḥ|
daśānanā daśagrīvaḥ kṣiptākṣī kṣepanapriyaḥ||69-39||

vārāṇasī pīṭhavāsī kāśī viśvagurupriyaḥ|
kapālinī mahākālaḥ kālikā kalipāvanaḥ||69-40||

randhravartmasthitā vāgmī ratī rāmaguruprabhuḥ|
sulakṣmīḥ prāntarasthaśca yogikanyā kṛtāntakaḥ||69-41||

surāntakā puṇyadātā tāriṇī taruṇapriyaḥ|
mahābhayatarā tārāstārikā tārakaprabhuḥ||69-42||

tārakabrahmajananī mahādṛptaḥ bhavāgrajaḥ|
liṅgagamyā liṅgarūpī caṇḍikā vṛṣavāhanaḥ||69-43||

rudrāṇī rudradevaśca kāmajā kāmamanthanaḥ|
vijātīyā jātitāto vidhātrī dhātṛpoṣakaḥ||69-44||

nirākārā mahākāśaḥ supravidyā vibhāvasuḥ|
vāsukī patitatrātā triveṇī tattvadarśakaḥ||69-45||

patākā padmavāsī ca trivārtā kītīvardhanaḥ|
dharaṇī dhāraṇāvyāpto vimalānandavardhanaḥ||69-46||

vipracittā kuṇḍakārī virajā kālakampanaḥ|
sūkṣmādhārā atijñānī mantrasiddhiḥ pramāṇagaḥ||69-47||

vācyā vāraṇatuṇḍaśca kamalā kṛṣṇasevakaḥ|
dundubhisthā vādyabhāṇḍo nīlāṅgī vāraṇāśrayaḥ||69-48||

vasantādyā śītaraśmiḥ pramādyā śaktivallabhaḥ|
khaḍganā cakrakuntāḍhyaḥ śiśirālpadhanapriyaḥ||69-49||

durvācyā mantranilayaḥ khaṇḍakālī kulāśrayaḥ|
vānarī hastihārādyaḥ praṇayā liṅgapūjakaḥ||69-50||

mānuṣī manurūpaśca nīlavarṇā vidhuprabhaḥ|
adhaścandradharā kālaḥ kamalā dīrghakeśadhṛk||69-51||

dīrghakeśī viśvakeśī trivargā khaṇḍanirṇayaḥ|
gṛhiṇī grahahartā ca grahapīḍā grahakṣayaḥ||69-52||

puṣpagandhā vāricaraḥ krodhādevī divākaraḥ|
añjanā krūrahartā ca kevalā kātarapriyaḥ||69-53||

padyāmayī pāpahartā vidyādyā śailamardakaḥ|
kṛṣṇajihvā raktamukho bhuvaneśī parātparaḥ||69-54||

vadarī mūlasamparkaḥ kṣetrapālā balānalaḥ|
pitṛbhūmisthitācāryo viṣayā bādarāyaṇiḥ||69-55||

purogamā purogāmī vīragā ripunāśakaḥ|
mahāmāyā mahānmāyo varadaḥ kāmadāntakaḥ||69-56||

paśulakṣmīḥ paśupatiḥ pañcaśaktiḥ kṣapāntakaḥ|
vyāpikā vijayācchanno vijātīyā varānanaḥ||69-57||

kaṭumūtīḥ śākamūtīstripurā padmagarbhajaḥ|
ajābyā jārakaḥ prakṣyā vātulaḥ kṣetrabāndhavā||69-58||

anantānantarūpastho lāvaṇyasthā prasañcayaḥ|
yogajño jñānacakreśo babhramā bhramaṇasthitaḥ||69-59||

śiśupālā bhūtanāśo bhūtakṛtyā kuṭumbapaḥ|
tṛptāśvattho varārohā vaṭukaḥ proṭikāvaśaḥ||69-60||

śraddhā śraddhānvitaḥ puṣṭiḥ puṣṭo ruṣṭāṣṭamādhavā|
militā melanaḥ pṛthvī tattvajñānī carupriyā||69-61||

alabdhā bhayahāntyā daśanaḥ prāptamānasā|
jīvanī paramānando vidyāḍhyā dharmakarmajaḥ||69-62||

apavādaratākāṅkṣī vilvānābhadrakambalaḥ|
śivivārāhanonmatto viśālākṣī parantapaḥ||69-63||

gopanīyā sugoptā ca pārvatī parameśvaraḥ|
śrīmātaṅgī tripīṭhastho vikārī dhyānanirmalaḥ||69-64||

cāturī caturānandaḥ putriṇī sutavatsalaḥ|
vāmanī viṣayānandaḥ kiṅkarī krodhajīvanaḥ||69-65||

candrānanā priyānandaḥ kuśalā ketakīpriyaḥ|
pracalā tārakajñānī trikarmā narmadāpatiḥ||69-66||

kapāṭasthā kalāpastho vidyājñā vardhamānagaḥ|
trikūṭā trividhānando nandanā nandanapriyaḥ||69-67||

vicikitsā samāptāṅgo mantrajñā manuvardhanaḥ|
mannikā cāmbikānātho vivāśī vaṃśavardhanaḥ||69-68||

vajrajihvā vajradanto vikriyā kṣetrapālanaḥ|
vikāraṇī pārvatīśaḥ priyāṅgī pañcacāmaraḥ||69-69||

āṃśikā vāmadevādyā vimāyāḍhyā parāparaḥ|
pāyāṅgī paramaiśvaryā dātā bhoktrī divākaraḥ||69-70||

kāmadātrī vicitrākṣo ripurakṣā kṣapāntakṛt|
ghoramukhī ghargharākhyo vilajvā jvālinīpatiḥ||69-71||

jvālāmukhī dharmakartā śrīkartrī kāraṇātmakaḥ|
muṇḍālī pañcacūḍāśca triśāvarṇā sthitāgrajaḥ||69-72||

virūpākṣī bṛhadgarbho rākinī śrīpitāmahaḥ|
vaiṣṇavī viṣṇubhaktaśca ḍākinī ḍiṇḍimapriyaḥ||69-73||

ratividyā rāmanātho rādhikā viṣṇulakṣaṇaḥ|
caturbhujā vedahasto lākinī mīnakuntalaḥ||69-74||

mūrdhajā lāṅgalīdevaḥ sthavirā jīrṇavigrahaḥ|
lākinīśā lākinīśaḥ priyākhyā cāruvāhanaḥ||69-75||

jaṭilā trijaṭādhārī caturāṅgī carācaraḥ|
triśrotā pārvaṃtīnātho bhuvaneśī nareśvaraḥ||69-76||

pinākinī pinākī ca candracūḍā vicāravit|
jāḍyahantrī jaḍātmā ca jihvāyukto jarāmaraḥ||69-77||

anāhatākhyā rājendraḥ kākinī sāttvikasthitaḥ|
marunmūtīḥ padmahasto viśuddhā śuddhavāhanaḥ||69-78||

vṛṣalī vṛṣapṛṣṭhastho vibhogā bhogavardhanaḥ|
yauvanasthā yuvāsākṣī lokādyā lokasākṣiṇī||69-79||

bagalā candracūḍākhyo bhairavī mattabhairavaḥ|
krodhādhipā vajradhārī indrāṇī vahnivallabhaḥ||69-80||

nivīkārā sūtradhārī mattapānā divāśrayaḥ|
śabdagarbhā śabdamayo vāsavā vāsavānujaḥ||69-81||

dikpālā grahanāthaśca īśānī naravāhanaḥ|
yakṣiṇīśā bhūtinīśo vibhūtirbhūtivardhanaḥ||69-82||

jayāvatī kālakārī kalkyavidyā vidhānavit|
lajjātītā lakṣaṇāṅgo viṣapāyī madāśrayaḥ||69-83||

videśinī videśastho'pāpā pāpavajītaḥ|
atikṣobhā kalātīto nirindriyagaṇodayā||69-84||

vācālo vacanagranthimandaro vedamandirā|
pañcamaḥ pañcamīdurgo durgā durgatināśanaḥ||69-85||

durgandhā gandharājaśca sugandhā gandhacālanaḥ|
cārvaṅgī carvaṇaprīto viśaṅkā maralāravit||69-86||

atithisthā sthāvarādyā japasthā japamālinī|
vasundharasutā tārkṣī tākīkaḥ prāṇatākīkaḥ||69-87||

tālavṛkṣāvṛtonnāsā tālajāyā jaṭādharaḥ|
jaṭileśī jaṭādhārī saptamīśaḥ prasaptamī||69-88||

aṣṭamīveśakṛt kālī sarvaḥ sarveśvarīśvaraḥ|
śatruhantrī nityamantrī taruṇī tārakāśrayaḥ||69-89||

dharmaguptiḥ sāragupto manoyogā viṣāpahaḥ|
vajrāvīraḥ surāsaurī candrikā candraśekharaḥ||69-90||

viṭapīndrā vaṭasthānī bhadrapālaḥ kuleśvaraḥ|
cātakādyā candradehaḥ priyābhāryā manoyavaḥ||69-91||

tīrthapuṇyā tīrthayogī jalajā jalaśāyakaḥ|
bhūteśvarapriyābhūto bhagamālā bhagānanaḥ||69-92||

bhaginī bhagavān bhogyā bhavatī bhīmalocanaḥ|
bhṛguputrī bhārgaveśaḥ pralayālayakāraṇaḥ||69-93||

rudrāṇī rudragaṇapo raudrākṣī kṣīṇavāhanaḥ|
kumbhāntakā nikumbhāriḥ kumbhāntī kumbhinīragaḥ||69-94||

kūṣmāṇḍī dhanaratnāḍhyo mahogrāgrāhakaḥ śubhā|
śivirasthā śivānandaḥ śavāsanakṛtāsanī||69-95||

prasaṃśā samanaḥ prājñā vibhāvyā bhavyalocanaḥ|
kuruvidyā kauravaṃśaḥ kulakanyā mṛṇāladhṛk||69-96||

dvidalasthā parānando nandisevyā bṛhannalā|
vyāsasevyā vyāsapūjyo dharaṇī dhīralocanaḥ||69-97||

trividhāraṇyā tulākoṭiḥ kārpāsā khārparāṅgadhṛk|
vaśiṣṭhārādhitāviṣṭo vaśagā vaśajīvanaḥ||69-98||

khaḍgahastā khaḍgadhārī śūlahastā vibhākaraḥ|
atulā tulanāhīno vividhā dhyānanirṇayaḥ||69-99||

aprakāśyā viśodhyaśca cāmuṇḍā caṇḍavāhanaḥ|
girijā gāyanonmatto malāmālī calādhamaḥ||69-100||

piṅgadehā piṅgakeśo'samarthā śīlavāhanaḥ|
gāruḍī garuḍānando viśokā vaṃśavardhanaḥ||69-101||

veṇīndrā cātakaprāyo vidyādyā doṣamardakaḥ|
aṭṭahāsā aṭṭahāso madhubhakṣā madhuvrataḥ||69-102||

madhurānandasampannā mādhavo madhunāśikā|
mākarī makarapremo māghasthā maghavāhanaḥ||69-103||

viśākhā susakhā sūkṣmā jyeṣṭho jyeṣṭhajanapriyā|
āṣāḍhanilayāṣāḍho mithilā maithilīśvaraḥ||69-104||

śītaśaityagato vāṇī vimalālakṣaṇeśvaraḥ|
akāryakāryajanako bhadrā bhādrapadīyakaḥ||69-105||

pravarā varahaṃsākhyaḥ pavaśobhā purāṇavit|
śrāvaṇī harināthaśca śravaṇā śravaṇāṅkuraḥ||69-106||

sukartrī sādhanādhyakṣo viśodhyā śuddhabhāvanaḥ|
ekaśeṣā śaśidharo dharāntaḥ sthāvarādharaḥ||69-107||

dharmaputrī dharmamātro vijayā jayadāyakaḥ|
dāsarakṣādi vidaśakalāpo vidhavāpatiḥ||69-108||

vidhavādhavalo dhūrtaḥ dhūrtāḍhyo dhūrtapālikā|
śaṅkaraḥ kāmagāmī ca devalā devamāyikā||69-109||

vināśo mandarācchannā mandarastho mahādvayā|
atiputrī trimuṇḍī ca muṇḍamālā tricaṇḍikā||69-110||

karkaṭīśaḥ koṭaraśca siṃhikā siṃhavāhanaḥ|
nārasiṃhī nṛsiṃhaśca narmadā jāhnavīpatiḥ||69-111||

trividhastrī trisargāstro digambaro digambarī|
muñcāno mañcabhedī ca mālañcā cañcalāgrajaḥ||69-112||

kaṭutuṅgī vikāśātmā ṛddhispaṣṭākṣaro'ntarā|
viriñcaḥ prabhavānando nandinī mandarādridhṛk||69-113||

kālikābhā kāñcanābho madirādyā madodayaḥ|
draviḍasthā dāḍimastho majjātītā marudgatiḥ||69-114||

kṣāntiprajño vidhiprajñā vītijñotsukaniścayā|
abhāvo malinākārā kārāgārā vicārahā||69-115||

śabdaḥ kaṭāhabhedātmā śiśulokaprapālikā|
ativistāravadano vibhavānandamānasā||69-116||

ākāśavasanonmādī mepurā māṃsacarvaṇaḥ|
atikāntā praśāntātmā nityaguhyā gabhīragaḥ||69-117||

trigambhīrā tattvavāsī rākṣasī pūtanākṣaraḥ|
abhogagaṇikā hastī gaṇeśajananīśvaraḥ||69-118||

kuṇḍapālakakartā ca trirūṇḍā ruṇḍabhāladhṛk|
atiśaktā viśaktātmā devyāṅgī nandanāśrayaḥ||69-119||

bhāvanīyā bhrāntiharaḥ kāpilābhā manoharaḥ|
āryādevī nīlavarṇā sāyako balavīryadā||69-120||

sukhado mokṣadātā'to jananī vāñchitapradaḥ|
cātirūpā virūpastho vācyā vācyavivajītaḥ||69-121||

mahāliṅgasamutpannā kākabherī nadasthitaḥ|
ātmārāmakalākāyaḥ siddhidātā gaṇeśvarī||69-122||

kalpadrumaḥ kalpalatā kulavṛkṣaḥ kuladrumā|
sumanā śrīgurumayī gurumantrapradāyakaḥ||69-123||

anantaśayanā'nanto jaleśī jahnajeśvaraḥ|
gaṅgā gaṅgādharaḥ śrīdā bhāskareśo mahābalā||69-124||

guptākṣaro vidhiratā vidhānapuruṣeśvaraḥ|
siddhakalaṅkā kuṇḍālī vāgdevaḥ pañcadevatā||69-125||

alpātītā manohārī trividhā tattvalocanā|
amāyāpatirbhūbhrāntiḥ pāñcajanyadharo'grajā||69-126||

atitaptaḥ kāmataptā māyāmohavivajītaḥ|
āryā putrīśvaraḥ sthāṇuḥ kṛśānusthā jalāplutaḥ||69-127||

vāruṇī madirāmatto māṃsapremadigambarā|
antarastho dehasiddhā kalānalasurādripaḥ||69-128||

ākāśavāhinī devaḥ kākinīśo digambarī|
kākacañcupuṭamadhuharo gaganamābdhipā||69-129||

mudrāhārī mahāmudrā mīnapo mīnabhakṣiṇī|
śākinī śivanātheśaḥ kākordhveśī sadāśivaḥ||69-130||

kamalā kaṇṭhakamalaḥ sthāyukaḥ premanāyikā|
mṛṇālamālādhārī ca mṛṇālamālamālinī||69-131||

anādinidhanā tārā durgatārā nirākṣarā|
sarvākṣarā sarvavarṇā sarvamantrākṣamālikā||69-132||

ānandabhairavo nīlakaṇṭho brahmāṇḍamaṇḍitaḥ|
śivo viśveśvaro'nantaḥ sarvātīto nirañjanaḥ||69-133||

iti te kathitaṃ nātha trailokyasāramaṅgalam|
bhuvanamaṅgalaṃ nāma mahāpātakanāśanam||69-134|| asya prapaṭhane'pi ca yatphalaṃ labhate naraḥ|
tatsarvaṃ kathituṃ nālaṃ koṭivarṣaśatairapi||69-135|| tathāpi tava yatnena phalaṃ śṛṇu dayārṇava|
rājadvāre nadītīre saṅgrāme vijane'nale||69-136|| śūnyāgāre nirjane vā ghorāndhakārarātrike|
catuṣṭaye śmaśāne vā paṭhitvā ṣoḍaśe dale||69-137|| raktāmbhojaiḥ pūjayitvā manasā kāmacintayan|
ghṛtāktairjuhuyānnityaṃ nāma pratyekamuccaran||69-138|| mūlamantreṇa puṭitamājyaṃ vahnau samarpayet|
antare svasukhe homaḥ sarvasiddhisukhapradaḥ||69-139|| sadyomadhuyutairmāṃsaiḥ susukhe mantramuccaran|
pratyekaṃ nāmapuṭitaṃ hutvā punarmukhāmbuje||69-140|| kuṇḍalīrasajihvāyāṃ jīvanmukto bhavennaraḥ|
dhṛtvā vāpi paṭhitvā vā stutvā vā vidhinā prabho||69-141|| mahārudro bhavetsākṣānmama dehānvito bhavet|
yogī jñānī bhavet siddhaḥ sārasaṅketadarśakaḥ||69-142|| aparājitaḥ sarvaloke kimanyat phalasādhanam|
dhṛtvā rājatvamāpnoti kaṇṭhe pṛthvīśvaro bhavet||69-143|| dakṣahaste tathā dhṛtvā dhanavān guṇavān bhavet|
akālamṛtyuharaṇaṃ sarvavyādhinivāraṇam||69-144|| hutvā rojendranāthaśca mahāvāgmī sadā'bhayaḥ|
sarveṣāṃ mathanaṃ kṛtvā gaṇeśo mama kātīkaḥ||69-145|| devanāmadhipo bhūtvā sarvajño bhavati prabho|
yathā tathā mahāyogī bhramatyeva na saṃśayaḥ||69-146|| prātaḥkāle paṭhed yastu mastake stutidhārakaḥ|
jalastambhaṃ karotyeva rasastambhaṃ tathaiva ca||69-147|| rājyastambhaṃ narastambhaṃ vīryastambhaṃ tathaiva ca vidyāstambhaṃ sukhastambhaṃ kṣetrastambhaṃ tathaiva ca||69-148|| rājastambhaṃ dhanastambhaṃ grāmastambhaṃ tathaiva ca madhyāhne ca paṭhed yastu vahnistambhaṃ karotyapi||69-149|| kālastambhaṃ vayaḥstambhaṃ śvāsastambhaṃ tathaiva ca|
rasastambhaṃ vāyustambhaṃ bāhustambhaṃ karotyapi||69-150|| sāyāhne ca paṭhed yastu kaṇṭhodare ca dhārayan|
mantrastambhaṃ śilāstambhaṃ śāstrastambhaṃ karotyapi||69-151|| hiraṇyarajatastambhaṃ vajrastambhaṃ tathaiva ca|
akālatvādisaṃstambhaṃ vātastambhaṃ karotyapi||69-152|| pāradastambhanaṃ śilpakalpanā jñānastambhanam|
āsanastambhanaṃ vyādhistambhanaṃ bandhanaṃ ripoḥ||69-153|| ṣaṭpadmastambhanaṃ kṛtvā yogī bhavati niścitam|
vandhyā nārī labhet putraṃ sundaraṃ sumanoharam||69-154|| bhraṣṭo manuṣyo rājendraḥ kimanye sādhavo janāḥ|
śravaṇānmakare lagne citrāyoge ca parvaṇi||69-155|| hiraṇyayoge vāyavyāṃ likhitvā māghamāsake|
vaiśākhe rājayoge vā rohiṇyākhyā viśeṣataḥ||69-156|| śrīmadbhuvanamagalaṃ nāma yaśodātṛ bhaved dhruvam|
jāyante rājavallabhā amarāḥ khecarā likhanena||69-157|| dharmārthakāmamokṣaṃ ca prāpnuvanti ca pāṭhakāḥ|
kītīrātmadṛṣṭipātaṃ labhate nātra saṃśayaḥ||69-158||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde śākinīsadāśivastavanamaṅgalāṣṭottarasahasranāma-- vinyāso nāma ekonasaptatitamaḥ paṭalaḥ||69||

Kapitel 70

atha saptatitamaḥ paṭalaḥ

śrīānandabhairava uvāca kathitaṃ śākinīsāraṃ sadāśivaphalodayam|
śrutaṃ paramakalyāṇaṃ bhedabhāṣākramodayam||70-1||

idānīṃ śrotumicchāmi kavacaṃ sāradurlabham|
yasya vijñānamātreṇa bhavet sākṣāt sadāśivaḥ||70-2||

vada kānte śabdamayi yadi sneho'sti māṃ prati|
ānandabhairavaṃ natvā sovācānandabhairavī||70-3||

śrīānandabhairavī uvāca guroḥ paramakalyāṇaṃ kavacaṃ kathaye tava|
sadāśivasya śākinyā bhairavānandavigraha||70-4||

śṛṇuṣva kāmadaṃ nāmādbhutaṃ kavacamaṅgalam|
trailokyasārabhūtaṃ ca sarvajñānavivardhanam||70-5||

sarvamantraughanikaraṃ jñānamātreṇa siddhyati|
sarvagūḍhapriyānandaṃ sāmarasyaṃ kulāntaram||70-6||

pracaṇḍacaṇḍikātulyaṃ sarvanirṇayasākṣiṇam|
sarvabuddhikarānandaṃ kulayogimanogatam||70-7||

rāmasevyaṃ śivaṃ śambhusevitaṃ viṣanāśanam|
aprakāśyaṃ mahāyogaṃ dhanārogyavivardhanam||70-8||

sarvasaubhāgyajananaṃ sarvānandakaraṃ param|
sarvatantradurlabhaṃ yat kathitaṃ rudrayāmale||70-9||

asya śrīśākinīsadāśivakāmanānāmamahākavacasya sadāśivaṛṣirgāyatrīcchandaḥ śākinī devatā
sakalaharīṃ jīvabījaṃ māyāstraśaktiḥ kāmasvāhā kīlakaṃ vajraṃ
daṃṣṭraghoraghargharāmahogrāśākinīśaktiḥ sadāśivamahāmantrasiddhaye viniyogaḥ|

oṃ prabhāvā sadā pātu mahākāśādhiśākinī|
triguṇā caṇḍikā pātu krodhadraṃṣṭra karālinī||70-10||

anantā'nantamahimā mahāstradalapaṅkajam|
pūrvāhṇaṃ pātu satataṃ gāyatrī savitā mama||70-11||

ākāśavāhinī devī śiromaṅgalamadbhutam|
sarvadā pātu me guhyaṃ liṅgaṃ cakraṃ sudhāmayam||70-12||

mahāmaṇḍalamadhyasthā pātu me bhālamaṇḍalam|
sahasraśatakoṭīnduyoginīgaṇamaṇḍalam||70-13||

mahācakreśvarī pātu mahācakreśvaro mama|
mukhābjaṃ caṇḍikā devī dantāvalimanantakaḥ||70-14||

jihvāgraṃ tālumūlasthā tālumūlaṃ manojavaḥ|
tīkṣṇadaṃṣṭra dantamadhyaṃ kaṇṭhāgraṃ cibukaṃ śivaḥ||70-15||

sadā pātu ṣoḍaśāraṃ śākinī śrīsadāśivaḥ|
kaṇṭhamadhyasthitaṃ pātu mahāmohavināśinī||70-16||

pretarājaḥ sadā pātu mahādevī svapaṅkajam|
vidyādevī mahāśaktiḥ kūṭasthānaṃ sadāśivaḥ||70-17||

mahākāśāvalaghnī me dhūmrāṃ bhojañca dhūrjaṭī|
kaumudī paṭalāṅgī me varṇaṣoḍaśasaṃjñakam||70-18||

akārādikāntavarṇān śrīdevī paripātu me|
hemacitrarathasthā me citriṇī pātu me madhu||70-19||

aparṇā yā viśuddhaṃ me ṣoḍaśī ṣoḍaśākṣyakam|
pañcadurgā sahadevaḥ pratyekaṃ pātu me dalam||70-20||

dīpamāsahalkīṃ me pravarā pātu me balā|
vyāpinī cānavacchinnā pātu me dalamaṇḍalam||70-21||

akālatāriṇī durgā śukraṃ cakraṃ sadāvatu|
śākinīśo mahāmāyā parivārānvitā'vatu||70-22||

pañcaraśminīlakaṇṭho madhupūraṃ svapīṭhakam|
sadā pātu kaṇṭhapaṅkeruhāśrayasvarānapi||70-23||

kaṇṭhasvargaḥ sadā pātu kandarpeśo manogatiḥ|
śākinī śākavibhavā śākeśī śākasambhavā||70-24||

śākambharīśvarā pātu sumanā dalaṣoḍaśam|
sadāśivaḥ sadā pātu parivāragaṇaiḥ saha||70-25||

hṛdayaṃ śākinī devī śiraḥsthānaṃ sadāvatu|
kākinīsahitaṃ pātu dvādaśāraṃ kuleśvarī||70-26||

daladvādaśakaṃ pātu kāmanāthaḥ sadāśivaḥ|
abhedarūpiṇī pātu kādiṭhāntākṣaraṃ mama||70-27||

vāṇī me hṛdayagranthirdeśaṃ tu kapileśvaraḥ|
pāyānmeghaṃ ca sūryāsyā vimāyā hṛtsu kaṇīkām||70-28||

tālahastā mahāvāṇī pātu me hṛdayāntaram|
śoṣiṇī mohinī vahniḥ pātu me hṛdayāmbujam||70-29||

pilāpippalādeśo ratirme hṛdayepsitam|
yoginīkuladantaśca pātu me hṛtsvarānapi||70-30||

kekareśo gūḍhasaṃjñā vajradhārī hṛdambujam|
ekaliṅgī sadā pātu hṛdayāntaḥ śivaṃ mama||70-31||

tadadho maṇḍalaṃ pātu bhedābhedavivajītā|
akālalakṣaṇaḥ pātu pāśinī nābhimaṇḍalam||70-32||

kālakūṭasvarūpo me nābhipadmaṃ prapātu me|
candracūḍā vidhumukhī śākinī me daśāmbujam||70-33||

trivṛttākāramudrā me pātu rudraśca lākinīm|
trikhaṇḍārohaṇaḥ pātu ḍādiphāntākṣarānapi||70-34||

kālikā kapilā kṛṣṇā ghanāvālā kapālinī|
lalitā tāriṇī sarvāṃ mahāmāyā daśacchadam||70-35||

paripātu kāmadurgā lākinī pātu me sadā|
sadāśivaḥ pātu nityaṃ maṇipūraṃ kulasthalam||70-36||

jāḍyanāśakarī durgā muṇḍamālāvibhūṣitā|
māṃ pātu saptarodhātmā keśaveśī mahāpadam||70-37||

abhayā caṇḍikā kṛṣṇā kālikā kulapaṇḍitā|
vajravarṇā dhāraṇākhyā dharā dhātrī kṣamā ramā||70-38||

vāsukī vasudhā vācyā sarvāṇī sarvamaṅgalā|
pārvatī sarvaśaktisthā pārvaṇe paripātu mām||70-39||

raṇe rājakule dyūte vāde mānāpamānake|
gehe'raṇye prāntare ca jale cānalamadhyake||70-40||

sarvāṇī sarvadā pātu mahātantrārthabhūṣitā|
vijayā padmanī jāyā jānakī kamalāvatī||70-41||

etāḥ pāntu digvidikṣu mahāpātakanāśanāḥ|
antaraṃ pātu liṅgasthā liṅgamūlāmbujaṃ mama||70-42||

kaṇīkāṃ pātu satataṃ kāñcīpīṭhasthitā śivā|
ativegānvitā pātu vahnimaṇḍalameva me||70-43||

rākṣasīśā sadā pātu jambudvīpanivāsinī|
jāhnavī bhāskarā maunā malayasthā malāṅgajā||70-44||

matitaptā pāpahantrī paripātu vibhākarī|
layasthānaṃ sadā pātu kuñjareśvarasaṃsthitā||70-45||

viṃśatyarṇamahāvidyā lambamānā kulasthalī|
mandire pātu māṃ nityaṃ vittasaṃhārakāriṇī||70-46||

anantaśayanā pātu vaṭamūlanivāsinī|
pralaye māṃ kālī pātu vaṭapatranivāsinī||70-47||

kevalākhyā sadā pātu mahākūrcasvarūpiṇī|
āyurārogyadātrī me dhanaṃ rājyaṃ sadāvatu||70-48||

kāmarūpaṃ gṛhaṃ pīṭhaṃ paripātu mahābalā|
balākā ghoradaṃṣṭra me udaraṃ pātu sarvadā||70-49||

sarvarogaharā pātu muṇḍamālāvibhūṣitā|
ānando nandanātho me hṛdūrdhvābjaṃ sadā'vatu||70-50||

ṣaṭpadmaṃ sarvadā pātu nānārūpavihāriṇī|
akalaṅkā nirādhārā nityapuṣṭā nirindriyā||70-51||

ṣoḍaśordhvaṃ mahāpadmaṃ dvidalaṃ pātu sarvadā|
digvidikṣu sadā pātu śākinyādyaṣṭaśaktayaḥ||70-52||

atiguptasthalaṃ pātu pāpanāśakarī parā|
kṣālanākhyā liṅgaguhye pātu me pāvanaṃ prabhā||70-53||

vipracittā koṭarākṣī lipibhūtā sarasvatī|
caturdalaṃ sadā pātu vibhūtiḥ kāmayā saha||70-54||

pāntu vidyāḥ sadaitāśca ripupakṣavināśanāḥ|
kaṭideśaṃ sadā pātu cāmuṇḍā śūladhāriṇī||70-55||

trinetrā sarvadā pātu bhūrbhuvaḥsvaḥsvarūpiṇī|
vasantādikalāḥ pāntu pāmarograpratāpinī||70-56||

ṣaḍbhujā sarvadā pātu vedahastā prapātu mām|
atividyā sarvavidyā caṇḍavidyā prapātu mām||70-57||

vāruṇī madirā pātu sarvāṅga śākinī mama|
gṛhodarī sadā pātu sarvāṅgaṃ vajradhāriṇī||70-58||

ulkāmukhī sadā pātu bhṛguvaṃśasamudbhavā|
akālatāriṇī durgā lalitā dharmadhāriṇī||70-59||

viṃśatyarṇā mahāvidyā sarvatra sarvadā'vatu|
hasakalaharīṃ vidyā paripātu sadāśivā||70-60||

sahasravadanā vāṇī paripātu jalodarī|
jalarūpā sadā pātu mahojjvalakalevarā||70-61||

ṣoḍaśī sakalaharīṃ sarvāṇī pātu pārvatī|
mahāmattā sadā pātu kāmanāthaprapūrakā||70-62||

vāmadevī sadā pātu sarvāṅge dehadevatā|
kāmapīṭhasthitā durgā parivāragaṇāvṛtā||70-63||

sadāśivaḥ sadā pātu sāmavedasvarūpagā|
śmaśānavāsinī devī mahākālasamanvitā||70-64||

āryā devī sadā pātu mātā pātu mahākalā|
sarvatra kapilā pātu mahābhagavatīśvarī||70-65||

iti te kathitaṃ nātha mahāvidyāphalapradam|
kavacaṃ durlabhaṃ loke tava snehāt prakāśitam||70-66|| atiguhyataraṃ jñānaṃ kavacaṃ sarvasiddhidam|
amalodāracittaḥ san pūjayitvā sadāśivam||70-67|| tathā śrīśākinīdevyāḥ pūjanaṃ sumahatphalam|
rājyadaṃ dhanadaṃ vāñchāsiddhidaṃ dharmasiddhidam||70-68|| vācāṃ siddhiṃ kare prāpya aṣṭasiddhiḥ kare bhavet|
kākinīdarśanaṃ prāpya śākinīdarśanaṃ bhavet||70-69|| mantrasiddhiṃ tantrasiddhiṃ kriyāsiddhiṃ labhed dhruvam|
ākāśagāminī siddhiḥ kare tasya virājate||70-70|| puruṣo dakṣiṇe bāhau yoṣidvāmabhuje tathā|
dhṛtvā kavacarājaṃ tu rājatvaṃ labhate dhruvam||70-71|| mahāpātakakoṭīśca hatvā rājatvamālabhet|
vane vṛkṣatale'śvatthamūle sthitvā paṭhed yadi||70-72|| trisandhyaṃ daśadhā japtvā śatadhā vā sahasradhā|
sa bhavet kalpavṛkṣeśo bhūmīśo nātra saṃśayaḥ||70-73|| koṭivarṣasahasrāṇi cirajīvī sa yogirāṭ|
mahāsiddho bhaved dhīmān mahāpātakanāśakṛt||70-74|| māsārdhena bhaved yogyo vipro guṇasamanvitaḥ|
varṣaikeṇa kṣatriyaśca vaiśyo varṣacatuṣṭaye||70-75|| śūdro dvādaśavarṣeṇa yogī bhavati pāṭhataḥ|
evaṃ mahāphalaṃ nityaṃ kavacaṃ yaḥ paṭhet sudhīḥ||70-76|| bhogamokṣau kare tasya kimanyairbahubhāṣitaiḥ||70-77||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde sadāśivaśākinīkavacaphalādeśo|nāma saptatitamaḥ paṭalaḥ||70||

Kapitel 71

athaikasaptatitamaḥ paṭalaḥ

śrīānandabhairavī uvāca śrūyatāṃ deva kalyāṇa trailokyavijayātmaka|
sadāśivamanuṃ nātha mahāpātakanāśanam||71-1||

āyurārogyaphaladaṃ sarvaśatrunivāraṇam|
atiguhyatamaṃ dhyānaṃ bāliśānāṃ sukhāvaham||71-2||

ādyābījaṃ samuddhṛtya kāmabījaṃ tadantaram|
rudrabījaṃ ramābījaṃ kālabījaṃ tataḥ sadā||71-3||

śivanāthapriyānandaṃ jñānaṃ dehi yugaṃ dviṭhaḥ|
phaṇibījaṃ samuddhṛtya rājarājeśvarīmanum||71-4||

vaiṣṇavībījamuddhṛtya śivabījaṃ tadantike|
sadāśivāya śabdānte hṛllekhā vahnisundarī||71-5||

ādibījaṃ samuddhṛtya tato vāmatanusthitā|
śabdabījaṃ mūlabījaṃ sadāśiva namo'stu te||71-6||

dviṭhānto'yaṃ manuḥ śreṣṭhaḥ sarvaratnasamṛddhidaḥ|
vāsudevasamo vidvān sa bhavennātra saṃśayaḥ||71-7||

vaiṣṇavo vā mahāśākto mahāśaivo'thavā punaḥ|
gṛhṇīyānmanurājendraṃ yatprasādācchivo bhavet||71-8||

vimalā vākyasiddhiḥ syātkārya siddhirna saṃśayaḥ|
śivamantraṃ pravakṣyāmi yena sarvārthapāragaḥ||71-9||

akāle'pi ca yogī syāt kāmadhenusvarūpavān|
hālāhalaṃ samuddhṛtya tato māheśabījakam||71-10||

śrībījaṃ dharmabījañca kṣetrapālamanuṃ tathā|
nīlakaṇṭhamanuṃ paścāt priyāguṃ bījamuddharet||71-11||

śivabījaṃ tadante tu sadāśivāya dhīmahi|
tannaḥ śivaḥ pracośabdāddayādevaṃ dviṭho manuḥ||71-12||

āvāhanaṃ pādyamarghyamācamanīyamanantaram|
gandhapuṣpabilvapatrakoṭibhiḥ paripūjayet||71-13||

stoṣaṇaṃ poṣaṇaṃ puṣṭaṃ dāraṇaṃ māraṇaṃ tathā|
suptaṃ kalahamuktānāṃ pūjanaṃ sumahatphalam||71-14||

śarvādīn paripūjyātha sadyojātādimarcayet|
prāṇāyāmatrayaṃ kṛtvā japet tadgatamānasaḥ||71-15||

devaṃ pinākapāṇiṃ ca pañcavaktraṃ trilocanam|
śūlakhaṭvāṅgamuśalagadāpāṇiṃ mahābhujam||71-16||

devadevaṃ mahādevaṃ sarvabhūtātmakaṃ gurum|
trailokyarakṣakaṃ śambhuṃ bhujaṅgahārabhūṣitam||71-17||

aṭṭahāsādiśaktīnāṃ sahasragaṇamaṇḍitam|
vṛṣāsanasthaṃ nīleśaṃ nīlakaṇṭhaṃ sadāśivam||71-18||

evaṃ dhyātvā japenmantraṃ sahasraṃ pratyahaṃ śuciḥ|
viśeṣeṇa divārātrau samabhāgena sañjapet||71-19||

tatraiva tryambakaṃ dhyātvā tattadrūpeṇa sādhakaḥ|
tadbudhvā pūjayitvā ca tryambakaṃ yo japennaraḥ||71-20||

tasya haste tribhuvanaṃ hastāmalakavad bhavet|
bhogamokṣau kare tasya kimanyat sādhanena ca||71-21||

sadāśivena manunā sampuṭīkṛtya yo japet|
tasya sarvārthasiddhiḥ syād yadyanmanasi vartate||71-22||

praṇavaṃ pūrvamuccārya tryambakaṃ tadanantaram|
yajāmahe samuddhṛtya sugandhiṃ puṣṭivardhanam||71-23||

urvārukamivānte tu bandhanāt padamuddharet|
mṛtyormukṣīyaśabdānte māmṛtādvahnisundarī||71-24||

sadāśivena puṭitaṃ mantraṃ yo japate naraḥ|
sa bhavet kalpatarupaḥ pūjanenāmṛtaṃ labhet||71-25||

sarvakālaṃ sukhī bhūtvā mokṣamāpnoti niścitam|
anyaṃ tryambakamantraṃ tu śṛṇuṣva sarvakāmadam||71-26||

rājyadaṃ ghanadaṃ mantraṃ mahāpātakanāśanam|
śabdabrahmamayaṃ sākṣāt sarvajñānaṃ labhed dhruvam||71-27||

kālakūṭaṃ samuddhṛtya mṛtyuñjayaṃ samuddharet|
mahāpātakarāśiṃ me harayugmaṃ tato dviṭhaḥ||71-28||

anyamantraṃ pravakṣyāmi sāvadhāno'vadhāraya|
vidyādye praṇavaṃ datvā kāmabījadvayaṃ dvayam||71-29||

mṛtyuñjayaṃ kṣetrapālaṃ viśuddheśaṃ sthiraṃ kuru|
yugalaṃ kāmabījāntaṃ devyante vahnisundarī||71-30||

anyaṃ mantraṃ pravakṣyāmi sāvadhāno'vadhāraya|
kāmakālīyugaṃ paścāt saṃjñābījadvayaṃ tataḥ||71-31||

vaṭukaṃ kāmabījañca ṣoḍaśāraṃ prakāśaya|
yugalaṃ śaktikūṭañca śivabījaṃ tato dviṭhaḥ||71-32||

pūrvavat sakalaṃ kuryājjapapūjādikaṃ prabho|
sadāśivapūjanaṃ ca dhyānahomāditarpaṇam||71-33||

anyaṃ mantraṃ pravakṣyāmi mahādevaṃ samuddharet|
vaṭukaṃ kṣetrapālaṃ ca gaṇeśasya manuṃ tataḥ||71-34||

kaṇṭhābjaṃ me sadānanda prakāśa yugaṃ dviṭhaḥ|
asyāpi dhyānamākṛtya japtvā lakṣaṃ samāpayet||71-35||

karakalitakapālaḥ kuṇḍalī daṇḍapāṇi--|
staruṇatimiranīlo vyālayajñopavītī|
kramasamayasaparyāvighnavicchedahetu--|
rjayati vaṭukanāthaḥ siddhidaḥ kaulikānām||71-36||

vande bālaṃ sphaṭikasadṛśaṃ kuṇḍalollāsivaktraṃ|
divyākalpairnavamaṇimayaiḥ kiṅkiṇīnūpurādyaiḥ|
dīptākāraṃ viśadavasanaṃ suprasannaṃ trinetraṃ|
hastābjābhyāṃ dadhatamaniśaṃ śūladaṇḍau dadhānam||71-37||

udyadbhāskarasannibhaṃ trinayanaṃ raktāṅgarāgojjvalaṃ|
smerāsyaṃ varadaṃ kapālamabhayaṃ śūlaṃ dadhānaṃ karaiḥ|
nīlagrīvamudārakaustubhadharaṃ śītāṃśukhaṇḍojjvalaṃ|
bandhūkāruṇavāsasaṃ bhayaharaṃ devaṃ sadā bhāvaye||71-38||

deveśaṃ vaṭukaṃ sadāśivaguruṃ trailokyarakṣākaraṃ|
nānālaṅkṛtabhūṣaṇaṃ śaśadharaṃ bandhūkapuṣpojjvalam|
śvetāśvetavibhūṣaṇaṃ maṇimayaṃ kṛṣṇaṃ sanīlaṃ śivaṃ|
devānāmadhidaivataṃ sukhakaraṃ nāthaṃ sadā bhāvaye||71-39||

evaṃ dhyātvā mahāyogī nīlakaṇṭhaṃ sadāśivam|
kaṇṭhapadme sthiro bhūtvā śākinīdarśanaṃ labhet||71-40||

bhūtvā mahāvīranātho manoyogamavāpnuyāt|
siddhamantraṃ pravakṣyāmi yena sarvatra pāragaḥ||71-41||

ākāśagāminī siddhiḥ stambhanādisusiddhibhāk|
vāksiddhiṃ kāyasiddhiñca jarāmaraṇavajītaḥ||71-42||

śivabījaṃ samuddhṛtya vijayābījamuddharet|
kāmakālīyugānte tu ramātrikūṭamuddharet||71-43||

bījatrayaṃ samuddhṛtya (spheṃ spheṃ spheṃ) kāmanāthāya śabdataḥ|
sadāśivāya śabdānte varadāya namo dviṭhaḥ||71-44||

etanmantraprasādena yogī syānnātra saṃśayaḥ|
anyaṃ mantraṃ pravakṣyāmi yathāvadavadhāraya||71-45||

kṣāntabījaṃ samuddhṛtya lāntabījatrayaṃ tathā|
bhavānībījamuddhṛtya saṅghaṭṭayugalaṃ tataḥ||71-46||

krodharājabījayugmaṃ lakṣmīśapataye tataḥ|
varadāya hṛtpadānte kāmadāya tato dviṭhaḥ||71-47||

anyaṃ mantraṃ pravakṣyāmi yena yogī bhavennaraḥ|
gaganābījamuddhṛtya kāmarājaṃ samuddharet||71-48||

māyānte devadevāya hṛcchivāya dviṭho manuḥ|
etanmantraprasādena kinna siddhyati bhūtale||71-49||

anāyāsena yogī syāt kiṃ punaḥ sādhanena ca|
kevalaṃ japamātreṇa yogī syānnātra saṃśayaḥ||71-50||

anyaṃ vakṣye bhairavendra praṇavaṃ kāmarājakam|
śrībījaṃ vahniyugalaṃ ripuharayugaṃ tataḥ||71-51||

siddhiṃ dehi tataḥ svāhā mantro'yaṃ yogidurlabhaḥ|
pūrvavaddhyānamevaṃ hi kṛtvā'maratvamaśnute||71-52||

anyaṃ mantraṃ pravakṣyāmi yena pīṭhasthiro bhavet|
amādibījamābhāṣya tato mahāpadaṃ smaret||71-53||

kālāya vikaraṇāya kalānte tu samuddharet|
balāya balavikaraṇāya ṣoḍaśāradalaṃ tataḥ||71-54||

niveśāya yugaṃ vittaṃ sthāpayānte sadāśiva|
kākinīśābhāvahnisundarīkāmado manuḥ||71-55||

ekākṣaraṃ pravakṣyāmi yena siddho manurbhavet|
kṣāntabījaṃ binduyuktaṃ candrabījaṃ tathoddharet||71-56||

adho dantayutaṃ kṛtvā japet tadgatamānasaḥ|
pratyekadalamadhye tu dhyātvā devaṃ sadāśivam||71-57||

anāyāsena siddhiḥ syāt prāṇarakṣā sadā bhavet|
punarekākṣaraṃ vakṣye yena siddhyanti mānavāḥ||71-58||

na deyaṃ pāśvebhyaśca nindakebhyo viśeṣataḥ|
śivaṃ candrabinduyuktaṃ mahāmantraṃ prakītītam||71-59||

asya sādhanamātreṇa yogināṃ vallabho bhavet||71-60||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde ekasaptatitamaḥ paṭalaḥ||71||

Kapitel 72

atha dvisaptatitamaḥ paṭalaḥ

śrīānandabhairavī uvāca mahākāla śivānanda paramānandanirbhara|
trailokyasiddhida prāṇavallabha śrūyatāṃ stavaḥ||72-1||

śākinī hṛdaye bhāti sā devī jananī śivā|
kālīti jagati khyātā sā devī hṛdayasthitā||72-2||

nirañjanā nirākārā nīlāñjanavikāsinī|
ādyā devī kālikākhyā kevalā niṣkalā śivā||72-3||

anantā'nantarūpasthā śākinī hṛdayasthitā|
tāmasī tāriṇī tārā mahogrā nīlavigrahā||72-4||

kapālā muṇḍamālāḍhyā śavavāhanavāhanā|
lalajjihvā sarojākṣī candrakoṭisamodayā||72-5||

vāyvagnibhūjalāntasthā bhavānī śūnyavāsinī|
tasmāt stotramaprakāśyaṃ kṛṣṇakālyāḥ kulodayam||72-6||

śrīkṛṣṇabhagavatyāśca nīladevyā kulārṇavam|
gopanīyaṃ prayatnena sāvadhāno'vadhāraya||72-7||

mahābhairavī uvāca śrīkālīcaraṇaṃ carācaraguṇaṃ saudāminīstambhanaṃ|
guñjadgarvaguruprabhānakhamukhāhlādaikakṛṣṇāsanam|
pretāraṇyāsananimītāmalakajā nandopariśvāsanaṃ|
śrīmannātha karāravindamilanaṃ netrāñjanaṃ rājate||72-8||

dīptiḥ prāptiḥ samāptiḥ priyamatisugatiḥ saṅgatiḥ śītanītau|
mithyāmithyāsurathyā natiraratisatī jātivṛttirguṇoktiḥ|
vyāpārārthī kṣudhārthī vasati ratipatirjyotirākāśagaṅgā|
śrīdurgāśambhukālīcaraṇakamalakaṃ sarvadā bhāti sūkṣmam||72-9||

devendrāḥ pañcabhūtā raviśaśimukuṭāḥ krodhavetālakolāḥ|
kailāsasthāḥ praśastāḥ stavanamapi tatpratyahaṃ sampaṭhanti|
ātmānaṃ śrīdakālīkulacaraṇatalaṃ hṛtkulānandapadme|
dhyātvā dhyātvā pravīrā ahamanubahudhīḥ staumi kiṃ dhyānaniṣṭhaḥ||72-10||

śrutvā stotraguṇaṃ tavaiva caraṇāmbhojasya vācchāphalaṃ|
precchāmīhayati priyāya kurute mokṣāya tattvārthataḥ|
mātarmohinidānamānataruṇī kātīti manyāmahe|
yogyaśrīcaraṇāmbuje trijagatāmānandapuñje sukham||72-11||

putrau śrīdevapūjyau prakuruta itihāsādigūḍhārthaguptiṃ|
śyāme mātaḥ prasannā bhava varadakarī kāraṇaṃ dehi nityam|
yogānandaṃ śivāntaḥ surataruphaladaṃ sarvavedāntabhāṣyaṃ|
satsaṅgaṃ sadvivekaṃ kuru kuru kavitāpañcabhūtaprakāśam||72-12||

āhlādodrekakārī paramapadavidāṃ prolbaṇārthaprakāśaḥ|
preṣyaḥ pārārthacintāmaṇiguṇa saralaḥ pāraṇaḥ premagānaḥ|
sārātmā śrīstavo'yaṃ jayasuravasatāṃ śukrasaṃskāragantā|
mantā mohādikānāṃ suragaṇataruṇī koṭibhirdhyeya indraiḥ||72-13||

nāmagrahaṇavimalapāvanapuṇyajalanidhimanthanena|
nirmalacittagasuraguṇapāraga sukhasudhākarasthitahāsyena|
yogadharādharanaravara kuñjarabhujayugadīrghapadmamṛṇālena||72-14||

harividhihara aparaparasarabhāvakapāla sevanena|
sundarī kālī caraṇena||72-15||

bhāsvatkoṭipracaṇḍānalaguṇalalitābhāvitā siddhakālī|
proktaṃ yadyogagītāvacanasuracanāmaṅgalaṃ yoginādyā|
śyāmānandadrumākhye bhajanayajanagaṅgāṅgatīraprakāśaṃ|
sarvānandotsavatvaṃ varadasuravadāsambhave mayyabhāve||72-16||

etatprathame kulaṃ gurukulaṃ lāvaṇyalīlākulaṃ|
prāṇānandakulaṃ kulākulakulaṃ kālīkulaṃ saṅkulam|
mātaḥ kāliyugādi kaulini śive sarvantarāṅgasthitaṃ|
nityaṃ tatra niyojaya śrutigirā śrīdharmaputraṃ bhave||72-17||

herambādi kuleśayogajanani tvaṃ yogatattvapriyā|
yadyevaṃ kurute padāmbujarajo yogaṃ tavānandadam|
saḥ syātsaṅkaṭapāṭalārisadanaṃ jitvā svayaṃ manmathaṃ|
śrīmānmanmathamanmathaḥ pracayati hyaṣṭāṅgayogaṃ param||72-18||

yogī yāti paraṃ padaṃ sukhapadaṃ vāñchāspadaṃ sampadaṃ|
trailokyaṃ parameśvaraṃ yadi punaḥ pāraṃ bhavāmbhonidheḥ|
bhāvaṃ bhūdhararājarājaduhite jñātaṃ vicāraṃ tava|
śrīpādāmbujapūjanaṃ prakurute te nīradaprojjvale||72-19||

ādāvaṣṭāṅgayogaṃ vadati bhavasukhaṃ bhaktisiddhāntamekaṃ|
bhūloke pāvanākhyaṃ pavanagamanagaṃ śrīnagendrāṅgajāyāḥ|
siddhīnāmaṣṭasiddhiṃ yamaniyamavaśādāsanaprāṇayogāt|
pratyāhāraṃ vibhordhvāruṇaguṇavasanaṃ dhyānamevaṃ samādhim||72-20||

mātaḥ śāntiguṇāvalambini śive śāntiprade yogināṃ|
dāre devaguṇe vidhehi sakalaṃ śāntikriyāmaṅgalam|
yajñānāmudayaṃ prayāti sahasā yasyāḥ prasādād bhuvaṃ|
tāṃ sarvāṃ pravadāmi kāmadahanastambhāya mohakṣayāt||72-21||

eko jīvati yogirāḍatisukhī jīvanti na śrīsutāḥ|
sasarvaṃ yogabhavaṃ bhave vibhavagāḥ paśyan svakīyāyuṣam|
ityevaṃ paribhāvya sarvaviṣayaṃ śāntiṃ samālambyakau|
mūle vedadalojjvale kulapathe śrīkuṇḍalī bhāvaya||72-22||

śāntibhrāntinikṛntanī svaramaṇī premodgatā bhaktidā|
lāvaṇyāmbudhiratnakoṭikiraṇāhlādaikamūtīprabhā|
ekākāraparākramādapayamā krodhakramakṣobhiṇī|
yā mūlāmalapaṅkaje racayati śrīmādhurī tāṃ bhaje||72-23||

re re pāmara durbhaga pratidinaṃ kiṃ karma vā rādhase|
vyāpāraṃ viṣayāśrayaṃ prakuruṣe na dhyāyase śrīpadam|
mithyaitatkṣaṇabhaṅguraṃ tyaja mudā saṃsārabhāvaṃ viṣaṃ|
śrīkālīṃ kulapaṇḍitāṃ guṇavatīṃ śāntiṃ samārādhaya||72-24||

śivastrī yā śāntiḥ paramasukhadā bhāvajanikā|
vivekaḥ saṃjāto vahasi ca tayā bhāti niyatam|
viveko'sau tyāgī janayati sudhāsindhusundara--|
mado brahmajñānaṃ paramamamale yogini pare||72-25||

dvayaṃ brahmajñānaṃ paramamamale cāgamamayaṃ|
vivekodbhūtaṃ syādamalaparamaṃ śabdamaparam|
dvayormūlībhūtā hṛdi sapadi śāntiḥ priyatamā|
prabhā kālīpādāmbujayugalabhaktipralayadā||72-26||

kulaśrīkuṇḍalyāḥ paramarasabhāvaṃ navamayaṃ|
padaṃ mātuḥ kālyāḥ prathamaravikāntyāḥ sukhamayam|
vadāmi protsāhe vaśaṣasaśubhe hāṭakanibhe|
vidhiḥ śrīḍākinyā'marapatidharitrīti ca bhajet||72-27||

trayaṃ sthānaṃ nityaṃ raviśaśikalāvahnighaṭitaṃ|
mahātīrthaṃ samyak pavanagaganasthaṃ bhavakaram|
vibhinnaṃ saṅkṛtya dvayamapi kulagranthisahitaṃ|
suṣumnāśrītīrthe mahati gagane pūrṇalayavān||72-28||

trayaṃ saṃśodhyādau paramapadavīṃ gacchati mahān|
sudṛṣṭāṅgairyogaiḥ paribhavati śuddhaṃ mama tanum|
ato yogāṣṭāṅgaṃ kaluṣasukhamuktaṃ vitanute|
kriyādau saṅkuryādyamaniyamakāryaṃ yativaraḥ||72-29||

ahiṃsāsatyārthī pracayati suyogaṃ tava padaṃ|
dhanaste yadyogī śucidhṛtidayādānanipuṇaḥ|
kṣamāladhvāhārī samaguṇaparānandanipuṇaḥ|
svayaṃ siddhaḥ sadbrāhmaṇakulapatākī sukhamayī||72-30||

tapaḥ santoṣāḍhyo harayajana āstikyamatimān|
yatīnāṃ siddhāntaśravaṇahṛdayaprāṇavilayaḥ|
jayānandāmagno havanamanalepaḥ prakurute|
mahābhaktaḥ śrīhrīrmatirakulīnastava padaḥ||72-31||

suṣumnāmukhāmbhoruhāgre ca padmaṃ|
dalaṃ cedahemākṣaraṃ mūladeśe|
sthirāpṛṣṭhavaṃśasya madhye suṣumnā--
ntare vajiraṇī citriṇībhāsipadmaiḥ||72-32||

suṣumnādināḍyā yugāt karṇamūlā|
tprakāśaprakāśā bahiryugmanāḍī|
iḍā piṅgalā vāmabhāge ca dakṣe|
sudhāṃśūravī rājase tatra nityam||72-33||

visargaṃ bindvantaṃ svaguṇanilayaṃ tvaṃ janayasi|
tvamekā kalyāṇī giriśajananī kālikalayā|
parānandaṃ kṛtvā yadi parijapanti priyatamāḥ|
parikṣālya jñānairiha parijayanti priyapadam||72-34||

aṣṭādaśāṅgulagataṃ ṛjudantakāṣṭhaṃ|
svīyāṅgulārdhaghaṭitaṃ praśaraṃ śanairyaḥ|
saṃyojya tālurasanāgalarandhramadhye|
dantīkriyāmupacaret tava bhāvanāya||72-35||

nāḍīkṣālanamākaroti yatirāḍ daṇḍe trayaṃ dhārayan|
yuṣmacchrīcaraṇārpaṇo navamadaṇḍasyānilastambhanāt|
prāṇāyāmaphalaṃ yatiḥ pratidinaṃ saṃvardhate suśramā--
dānandāmbudhimajjanaṃ kularasairmukto bhavet tatkṣaṇāt||72-36||

vadāmi paramaśriye padapadmayogaṃ śubhaṃ|
hitāya jagatāṃ mama priyagaṇasya bhāgaśriye|
sadā hi kurute naraḥ sakalayogasiddhiṃ mudā|
tadaiva tava sevako janani mātarekākṣaram||72-37||

karuṇāsāgare magnaḥ sadā nirmalatejasā|
tavāṅghirakomalāmbhojaṃ dhvātvā yogīśvaro bhavet||72-38||

karuṇāsāgare magno yena yogena nirmalaḥ|
tadyogaṃ tava pādābjaṃ ko mūrkhaḥ kaḥ supaṇḍitaḥ||72-39||

yamaniyamasukāle neulīyogaśikṣā|
prabhavati kaphanāśā nāśarandhre trisūtrī|
hṛdayakaphavināśā dhotikā yogaśikṣā|
galavilagalavastraṃ ṣaṣṭihastaṃ vahantī||72-40||

susūkṣmarasanasya ca svabhujaṣaṣṭihastaṃ gala|
pramāṇamiti santataprasarapañcayugmāṅgulam|
pavitraśucidhotikāraṃ bhavasi sarvapīḍāpahā|
svakaṇṭhakamalodayāmamalabhītadāmā bhaje||72-41||

bhajati yadi kumārīṃ neulī yogadṛṣṭyā|
sa bhavati paravettā mohajālaṃ chinatti|
smitamukhi bhavati tvāṃ mūḍha evātijīvo|
bhramitamudavadhūrnā kārasiddhiṃ dadāsi||72-42||

śanairdantī yogaṃ svapadayugapadme vitanute|
śive yogī māsādapi bhavati vāyuṃ sthagayati|
asau mantrī cāmrātakadalaṃ sudaṇḍaṃ galavile|
niyojyādau dhyātvā tava caraṇapaṅkeruhatalam||72-43||

kulākulacetatā parikaroṣi vilvacchadī|
suśāntiguṇadā jayā paramabhaktinirguṇḍikā|
mukundatulasī priyā guṇini muktidā yoginī|
dadāsyamarasampadaṃ dalaviyogamūrdhvodarīm||72-44||

pañcāmarāsādhanayogakartrī pañcāmarānāma mahauṣadhiḥ sthitā|
tvameva sarveśvararūpadhāriṇī yaiḥ pūjyate so'hikapārameṣṭhī||72-45||

paṭhati yadi bhavānyāḥ śākinīdehadevyāḥ|
stavanamaruṇavarṇāmārkalakṣmyāḥ prakāśam|
vrajati paramarājyaṃ devapūjyaḥ pratiṣṭho|
manujapanasuśīlo līlayā śambhurūpam||72-46||

prātarmadhyāhnakāle ca sāyāhne ca trisaptake|
śataṃ paṭhitvā mokṣaḥ syāt puraścaryāphalaṃ labhet||72-47||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra--|prakāśe bhairavībhairavasaṃvāde śākinīkṛta kālīstavanaṃ nāma dvisaptatitamaḥ paṭalaḥ||72||

Kapitel 73

atha trisaptatitamaḥ paṭalaḥ

śrūyatāṃ komalāmbhojasthitavaktravirājite|
atyadbhutaṃ mahāgītaṃ śṛṇoti sādhako hi yat||73-1||

dhvanirantargataṃ jyotirjyotirantargataṃ manaḥ|
tanmano vilayaṃ yāti dhvaniṣu jñānakoṭiṣu||73-2||

taddhvanijñānasaṃjñānaṃ śṛṇvanti yogino janāḥ||73-3||

paramaguṇagabhīre dhīranīre śarīre|
bhavanavabhavakāntau saṃpraśātmā nitāntam|
vimalamadhuravākyālaṅkṛtajñānasindhau|
sakalavacanaratnaṃ sthāpayāmāsa vāṇī||73-4||

oṃ tuṇḍograsthiravacanagā mohayañjīvavarṇaṃ|
śaṅkātaṅkārahitacaritā mohitā jñānatandre|
sālaṅkārā kharatarakarā vākyamālāṃ vahantī|
sā paśyantī vimalakaruṇā rādhyatāṃ mūlacakre||73-5||

saṃsāre sārabhāge sayuvatisukṛpālakṣaṇairlakṣitāṅge|
siddhāntajñānajīvaṃ caramasamaguṇaṃ bhūpateryogino vā|
viprendrāṇāmanantaṃ dhvanigurumadhuraṃ vyāpitaṃ pārvatīśe|
he he kālaprakālapriyatanuśikhare veśamāsaṃ cayatvam||73-6||

sañcāre paramasthire harihare vidyādhare bhūdhare|
sākāre karuṇākare svavilaye te pādapaṅkeruhe|
nityajñānamayaṃ jayaṃ suratarucchāyālayaṃ pūjaye|
mātaḥ kāli kalādhare galabile śākambhari śākini||73-7||

bhāsvatkoṭiravicchaṭābharasukhaśrīkaṇṭhavīrālaye|
hṛtpaṅkeruhamadhyasāraghaṭitaṃ sārasvatotpattidam|
śrīdevīgururūpiṇīcaraṇapadmāntaḥprabhāmaṇḍalaṃ|
śailendrodayakāriṇīmaṇigṛhaṃ māpadmanābheradhaḥ||73-8||

vāñchākalpadrumasthā sthitilayaphaladā yoginī yogamātā|
sūkṣmānandapraśaṃsā taruṇaravikalā kokilālāpamugdhā|
snigdhā snigdhāṅgasaṅgā navaśaśimukuṭā cāruvarṇā viśālā|
sā durgā duḥkhahantrī bhavatu śivagṛhe kāmanāsiddhidātrī||73-9||

nirāśrayamahaṃ padaṃ bhavati kāli bhaktyāśraye|
śriye vimalabhāvade sakalabhāvago gogaṇaḥ|
mayi priyadhanaṃ mudā vitara cārudṛṣṭyā sukhaṃ|
tadaiva galabhāgakṛdgaganapadmamadhyasthale||73-10||

nitye niṣphalarūpabhūtinikare trailokyarakṣākare|
dharmadhvāntaniketane gaṇayati jñānaprayogāntaram|
te pādāmbujasambhavaḥ priyagaṇaḥ prāṇāśritaḥ pāthīvo|
mātaḥ parvatarājarājaduhite puṇyaṃ pavitrāptaye||73-11||

bhībhargo bhārasargo bhavaravavibhavo bhūtibhārāvalambī|
bhāvābhāvaḥ prabhāvaḥ prabhavati bhuvane bhīmabhaktiprakāśaḥ|
bhūbhūtodbhūtabhītiprabhṛtibhayabhavāsambhavānandabhāvo|
mātaste pādapaṅkeruhavimalatalānandasevābhivṛddhyā||73-12||

nityaṃ pātu gaṇeśvarī gaṇapatermātā rame mātaraṃ|
prāṇaṃ pratyaya pūrvasiddhikaraṇī siddhāsane rakṣatu|
ānandāmbudhimajjanaikasukhadā bhālasthalasthāpinī|
kaṇṭhāmbhoruhakaṇīkā suragaṇān gītā parā susvarān||73-13||

kṛpāpārāvārā vimalapuruṣaṃ gaurivapuṣaṃ|
dharāvakṣe mukhye dharaṇisutabuddhyā'dhamanaram|
na jāne tvatkāmaṃ tanuvirahacintāmaṇimayaṃ|
tava snehādhvīnāṃ gamayati na pāraṃ suravaraḥ||73-14||

jayati jaya jayājyotirādhārajetā|
suranaragaṇapūjyaḥ kheṭacakrasya madhye|
bhavakamalakarāḍhyaṃ namrabhāvaṃ pratāpaṃ|
gamayati tava pādāmbhojasevābalena||73-15||

ityetaiḥ ślokamukhyaistu stutvā gītarasāntaraiḥ|
parabrahmamayīṃ dhyātvā svayaṃ brahmatanuṃ gataḥ||73-16||

akasmād bhogasampattirmokṣapaddhatayaḥ śubhāḥ|
prabhavanti svayaṃ vidyā aṣṭādaśa guṇodayāḥ||73-17||

nīlajīmūtasaṅkāśaṃ candraśekharamīśvaram|
sadāśivaṃ mahāśaktiśākinīvāmasaṃsthitam||73-18||

caturbhujaṃ devadevamanantamakṣaraṃ haram|
bhāvagītaṃ punargītvā paraṃ brahmasamo bhavet||73-19||

kaṇṭhaṣoḍaśasampūrṇamadhye yogī sthirāśayaḥ|
aṣṭasiddhīśvaro bhūtvā bhāvasiddhiṃ labhed dhruvam||73-20||

tvayā saha samāhlādadarśanaṃ siddhimāpnuyāt||73-21||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra-- prakāśe bhairavībhairavasaṃvāde vāṇīgītavinyāso nāma trisaptatitamaḥ paṭalaḥ||73||

Kapitel 74

atha catuḥsaptatitamaḥ paṭalaḥ

śrīānandabhairava uvāca śailaje devadeveśi sarvāmnāyaprapūjite|
sarvaṃ me kathitaṃ devi kavacaṃ na prakāśitam||74-1||

prāsādākhyasya mantrasya kavacaṃ me prakāśaya|
sadāśivamahādevabhāvitaṃ siddhidāyakam||74-2||

aprakāśyaṃ mahāmantraṃ bhairavībhairavodayam|
sarvarakṣākaraṃ devi yadi sneho'sti māṃ prati||74-3||

śrīānandabhairavī uvāca śrūyatāṃ bhagavannātha mahākāla kulārṇava|
prāsādamantrakavacaṃ sadāśivakulodayam||74-4||

prāsādamantradevasya vāmadeva ṛṣiḥ smṛtaḥ|
paṅktiśchandaśca deveśaḥ sadāśivo'tra devatā||74-5||

sādhakābhīṣṭasiddhau ca viniyogaḥ prakītītaḥ|
śiro me sarvadā pātu prāsādākhyaḥ sadāśivaḥ||74-6||

ṣaḍakṣarasvarūpo me vadanaṃ tu maheśvaraḥ|
aṣṭākṣaraśaktiruddhaścakṣuṣī me sadā'vatu||74-7||

pañcākṣarātmā bhagavān bhujau me parirakṣatu|
mṛtyuñjayastribījātmā āyū rakṣatu me sadā||74-8||

vaṭamūlasamāsīno dakṣiṇāmūtīravyayaḥ|
sadā māṃ sarvataḥ pātu ṣaṭtriṃśadvarṇarūpadhṛk||74-9||

dvāviṃśārṇātmako rudraḥ kukṣiṃ me parirakṣatu|
trivarṇāḍhyo nīlakaṇṭhaḥ kaṇṭhaṃ rakṣatu sarvadā||74-10||

cintāmaṇirbījarūpo'rdhanārīśvaro haraḥ|
sadā rakṣatu me guhyaṃ sarvasampatpradāyakaḥ||74-11||

ekākṣarasvarūpātmā kūṭavyāpī maheśvaraḥ|
mārtaṇḍo bhairavo nityaṃ pādau me parirakṣatu||74-12||

tumburākhyo mahābījasvarūpastripurāntakaḥ|
sadā māraṇabhūmau ca rakṣatu tridaśādhipaḥ||74-13||

ūrdhvamūrdhvānamīśāno mama rakṣatu sarvadā|
dakṣiṇāsyaṃ tatpuruṣo'vatu me girināyakaḥ||74-14||

aghorākhyo mahādevaḥ pūrvāsyaṃ parirakṣatu|
vāmadevaḥ paścimāsyaṃ sadā me parirakṣatu||74-15||

uttarāsyaṃ sadā pātu sadyojātasvarūpadhṛk|
mṛtyujetā sadā pātu jale'raṇye mahābhaye||74-16||

parvate viṣamasthāne viṣahartā sadā'vatu|
kālarudraḥ sadā pātu sarvāṅgaṃ kāladevatā||74-17||

kālāgnirudraḥ sampātu mahāvyādhibhayādiṣu|
akālatārakaḥ pātu khaḍgadhārī sadāśivaḥ||74-18||

kavacī vāmadevaśca sadā pātu mahābhaye|
kālabhakṣaḥ pātu rudro rurukaḥ kṣetrapālakaḥ||74-19||

mātṛkāmaṇḍalaṃ pātu sampūrṇacandraśekharaḥ|
cirāyuḥ śākinībhartā cāyuṣaṃ pātu me sadā||74-20||

siṃhaskandhaḥ sadā pātu rudrāṇīvallabho'vatu|
bhālaṃ pātu vajradambhālekhakaḥ krāntirūpakaḥ||74-21||

nirūpakaḥ sadā pātu khecarīkhecarapriyaḥ|
ratnamālādharaḥ pātu raktamukhīśvaro'vatu||74-22||

vadanaṃ cakṣuṣī karṇau pātu pañcānano mama|
vedadhvaniḥ sadā pātu nāsārandhradvayaṃ mama||74-23||

kapāladhārakaḥ pātu gaṇḍayugmaṃ yugāntakṛt|
raktajihvāpatiḥ pātu mamoṣṭhādharavāsinam||74-24||

dantāvaliyugaṃ pātu bhṛgurāmeśvaraḥ śivaḥ|
tālumūlaṃ sadā pātu viśvabhojī rasāmṛtam||74-25||

jihvāgraṃ vākpatīśaśca bhavānīśaḥ śivo mama|
mukhavṛttaṃ sadā pātu mahāsenaḥ kavīśvaraḥ||74-26||

krodhanāthaḥ sadā pātu dakṣahastādimūlakam|
dakṣakūrparamāpātu tadagraṃ kukkureśvaraḥ||74-27||

cirajīvī sadā pātu cāṅgulīmūladeśakam|
aṅgulyagraṃ sadā brahmā brahmaliṅgadharaḥ prabhuḥ||74-28||

vidyāpatiḥ pārvatīśo vāmahastādimūlakam|
pātu vāmakūrparaṃ me vāmakeśvara īśvaraḥ||74-29||

kuṇḍavāsī sadā pātu kūrparāgraṃ kulācalaḥ|
vedamātṛpatiḥ pātu kāmadhenupatiḥ prabhuḥ||74-30||

mamāṅgulīmūladeśaṃ pātu pañcamukho mama|
vāmāṅgulyagrabhāgaṃ me pātu parvatapūjitaḥ||74-31||

tanumūlāgrabhāgaṃ me kūrmacakradharaḥ prabhuḥ|
śākinīvallabhaḥ pātu dakṣāṅghiramadhyadeśakam||74-32||

gulphāgraṃ gargarīnāthaḥ pādāgraṃ mūladevatā|
abhayāvallabhaḥ pātu dakṣāṅgulyagrabhāgakam||74-33||

pātu smaraharo yogī vāmorumūladeśakam|
vāmapādamadhyadeśaṃ madhyadeśeśvaro'vatu||74-34||

pātu me bhagavāñchambhurmama gulphāgradeśakam|
mūladeśaṃ vāmapādaṃ pātu me'ṅguṣṭhamūlakam||74-35||

kāraṇātmā nīlakaṇṭhaḥ prabhādhārī yamāntakaḥ|
aṅguṣṭhāgraṃ sadā pātu suṣumnānāḍikeśvaraḥ||74-36||

mahārudreśvaraḥ pātu mama nābhimanobhavam|
udaraṃ gaganādhāraḥ kāmahartā hṛdambujam||74-37||

sarvānandātmakaḥ pātu mama skandhayugaṃ śivaḥ|
hṛdayād dakṣahastāgraparyantaṃ pātu śokahā||74-38||

hṛdayād vāmahastāgraparyantaṃ parameśvaraḥ|
hṛdayānmama dakṣāṅghranakhāntaṃ me śivo'vatu||74-39||

sadānandā sadā pātu hṛdādyaṅghiraṃ tu unmadaḥ|
vāsukīvallabhaḥ pātu hṛdādigudadeśakam||74-40||

anantanātha āpātu hṛdādimūrdhadeśakam|
vyāpakaḥ sarvadā pātu sadāśiva umāpatiḥ||74-41||

tārātmakaḥ kāyasiddhaḥ śaktīśaḥ śukradevatā|
pañcacūḍaḥ sadā pātu pañcatattvāṅgarūpakam||74-42||

śīrṣādipādaparyantaṃ kāmadhenuḥ sadā'vatu|
jale'raṇye ghoravane saṅkaṭe ca mahāpathe||74-43||

prāntare pātu guptākṣaḥ kāmarājaḥ parāparaḥ|
ardhanārīśvaraḥ pātu mātṛkāparameśvaraḥ||74-44||

mātṛkāmantrapuṭitaḥ svasvasthānaṃ sadāvatu|
dharmātmā dharmasanṃdhiṃ me piṅgalāṃ pātu caṇḍikām||74-45||

vihvalaḥ sarvadā pātu bholānāthaḥ sadā'vatu|
sarvadeśe sarvapīṭhe kāmarūpe viśeṣataḥ||74-46||

sarvadā yoginīnāthaḥ paramātmā sadā'vatu|
kāmarūpākhyapīṭhādi pañcāśat pīṭhadevatāḥ||74-47||

pañcāśatpīṭhamāyā tu kāmarūpaṃ sadāśivaḥ|
bhavo rudro maheśaśca śaṅkaro manmathāntakaḥ||74-48||

guhyakeśaḥ pāpahartā kapālī śūladhārakaḥ|
pañcavaktro daśabhujo bhujaṅgabhūṣaṇo haraḥ||74-49||

mahākālo mahārudro mahāvīro hṛdi sthitaḥ|
mahādevo mahāguhyo mahāmāyā mahāguṇaḥ||74-50||

paśupativīrūpākṣo harīśo dhavaleśvaraḥ|
vaṭukeśaḥ kramācāryaḥ pañcaśūlī hṛdudbhavaḥ||74-51||

unmanīśaḥ sāhasikaḥ parākhyaḥ parvateśvaraḥ|
sarvātmā ca mahātmā ca śivātmā ca śmaśānagaḥ||74-52||

krodhavīraḥ kālakārī sūkṣmadharmā dhurandharaḥ|
śyāmakaḥ krūrahartā ca gaṇeśaḥ kālamāghavaḥ||74-53||

jñānātmā kapilātmā ca siddhātmā yoginīpatiḥ|
koṭisūryapratīkāśa ekapañcāśadīśvarāḥ||74-54||

sadā pāntu mātṛkasthāḥ sthitisargalayātmakāḥ|
ādipīṭhaṃ kāmarūpaṃ kāñcīpīṭhaṃ tadantike||74-55||

ayodhyāpīṭhanagaraṃ tadūrdhve jālakandharam|
jālandharaṃ tadūrdhve tu siddhapīṭhaṃ tadantike||74-56||

kālīpīṭhaṃ tadūrdhve tu caṇḍikāpīṭhamagrake|
aṣṭapurīmahāpīṭhaṃ kaṇṭhadeśaṃ sadāśivaḥ||74-57||

sadā pātu mahāvīraḥ kāladharmī parātparaḥ|
madhupurīmahāpīṭhaṃ cāṣṭapurāntarasthitam||74-58||

māyāvatīmahāpīṭhaṃ tadūrdhve parikītītam|
vārāṇasīmahāpīṭhaṃ dharmapīṭhaṃ tadantike||74-59||

jvālāmukhīmahāpīṭhaṃ tadantaḥsthaṃ prakītītam|
tadūrdhve ca mahāpīṭhaṃ jvalantīpīṭhameva ca||74-60||

tadūrdhve pūṇagiryākhyaṃ kurukṣetraṃ tadantike|
uḍḍayānaṃ tadūrdhve tu kamalāpīṭhameva ca||74-61||

haridvāraṃ mahāpīṭhaṃ badarīpīṭhameva ca|
vyāsapīṭhaṃ nāradākhyaṃ tadūrdhve vāḍavānalam||74-62||

hiṅgulādaṃ tadūrdhve tu laṅkāpīṭhaṃ tadūrdhvake|
tadūrdhve śāradāpīṭhaṃ ratipīṭhaṃ tadūrdhvake||74-63||

liṅgapīṭhaṃ kalāpīṭhaṃ dvārakāpīṭhameva ca|
kapālapīṭhaṃ haryākhye varadāpīṭhamuttare||74-64||

kālīpīṭhaṃ tadūrdhve tu tārāpīṭhaṃ tadūrdhvake|
ugratārāmahāpīṭhaṃ mahogrāpīṭhameva ca||74-65||

nīlasarasvatīpīṭhaṃ jarāpīṭhaṃ tadūrdhvake|
tadūrdhve gaganāpīṭhaṃ khecarīpīṭhameva ca||74-66||

tadūrdhve tāriṇīpīṭhaṃ sahasradalamadhyake|
kartrīpīṭhaṃ tadūrdhve ca devīpīṭhaṃ tadūrdhvake||74-67||

rājarājeśvarīpīṭhaṃ ṣoḍaśīpīṭhameva ca|
sahasradalamadhye tu sahasrapīṭhameva ca||74-68||

madhye ekajaṭāpīṭhaṃ kartrītīrakalopari|
ṣoḍaśīmukhavidyābhirveṣṭitā tāriṇīkalā||74-69||

kālī nīlā mahāvidyā tvaritā chinnamastakā|
vāgvādinī cānnapūrṇā devī pratyaṅgirā punaḥ||74-70||

kāmākhyā vāsalī bālā mātaṅgī śailavāsinī|
ṣoḍaśī bhuvaneśānī bhairavī bagalāmukhī||74-71||

dhūmāvatī vedamātā harasiddhā ca dakṣiṇā|
etā vidyā mahāvidyāḥ śivasevanaśobhitāḥ||74-72||

dvāviṃśatimahāvidyā dvāraṃ dvāviṃśatisthalam|
mahāpīṭhe sahasrāre sarvadā pāntu māṃ kalāḥ||74-73||

sadāśivaḥ śaktiyuktaḥ pātu caṇḍeśvaro haraḥ|
pañcāmarādharaḥ pātu devīnāthaḥ sadā'vatu||74-74||

pārvatīprāṇanātho me sarvāṅgaṃ pātu sarvadā|
aghoranātha īśāno varado madanāntakaḥ||74-75||

yajñahartā dakṣakhaṇḍo vīrabhadro digambaraḥ|
aṣṭādaśabhujo raudro nīlapaṅkajalocanaḥ||74-76||

trilocanaḥ kālakāmo mahārudro gaṇeśvaraḥ|
kākinīvallabhaḥ śūlī yogakartā maheśvaraḥ||74-77||

vāgīśvaraḥ smaraharo mahāmantro halāyudhaḥ|
śrīnāthaḥ pūjito bālo bālendro balavāhanaḥ||74-78||

balarāmaḥ kṛṣṇarāmo govindo mādhavīśvaraḥ|
jitāmitreśvaraścūḍāmaṇīśo mānadaḥ sukhī||74-79||

mukhaṃ vṛndāvanaṃ pātu ṣaḍdalāmbhoruhasthitam|
vaiṣṇavīvallabhaḥ pātu brahmāṇaṃ kulakuṇḍalī||74-80||

viṣṇunāthaḥ sadā pātu brahmāgniṃ garuḍadhvajaḥ|
jvālāmālādharaḥ pātu kālānaladharo'vatu||74-81||

kākinīvallabhaḥ pātu īśvaro bhairaveśvaraḥ|
mahārudro nīlakaṇṭho maṇipūraṃ sulākinīm||74-82||

sadā pātu maṇigṛhaṃ rudrāṇīpriyavallabhaḥ|
mahārudro nīlakaṇṭho mahāviṣṇuṃ sadāvatu||74-83||

rākiṇīṃ viṣṇulakṣmīṃ ca pātu me vaiṣṇavīṃ kalām|
sadāśivo nīlakaṇṭho mama pātu hṛdi sthalam||74-84||

īśvaraṃ paramātmānaṃ mama rakṣatu śākinīm|
sadāśivaṃ sadā pātu dvidalastho'paro haraḥ||74-85||

hākinīśaktitaḥ pātu sahasrāraṃ śivo'vatu|
tārānāthavidhiḥ pātu sahasrāranivāsinīm||74-86||

mahākāśaṃ sadā pātu tadadho vāyumaṇḍalam|
vahnimaṇḍalamāpātu tadadhaḥ śākinīśvaraḥ||74-87||

tadātmakaḥ sadā pātu kīlālaṃ kauladevatā|
pṛthivīṃ pāthīvaḥ pātu sarvadaikaṃ sadāśivaḥ||74-88||

itthaṃ rakṣākaraṃ nātha kavacaṃ devadurlabham|
prātaḥkāle paṭhedyastu so'bhīṣṭaṃ phalamāpnuyāt||74-89||

pūjākāle paṭhedyastu kavacaṃ sādhakottamaḥ|
kītīśrīkāntimedhāyurbṛṃhito bhavati dhruvam||74-90||

aprakāśyaṃ mahāvīrakavacaṃ sarvasiddhidam|
jñānamātreṇa bhūrloke jetā kālasya yogirāṭ||74-91||

asya dhāraṇamātreṇa kālasūtrāntako bhavet|
asya dhāraṇapāṭhena sarvajño bhavati dhruvam||74-92||

sarve vyāsavaśiṣṭhādimahāsiddhāśca yoginaḥ|
paṭhitvā dhārayitvā te pradhānāstattvacintakāḥ||74-93||

kaṇṭhe yo dhārayedetat kavacaṃ tvatsvarūpakam|
madvaktrāmbhoruhodbhūtaṃ vidyāvāksiddhidāyakam||74-94||

yuddhe vijayamāpnoti dyūte vāde ca sādhakaḥ|
kavacaṃ dhārayedyastu sādhako dakṣiṇe bhuje||74-95||

devā manuṣyā gandharvāstasya vaśyā na saṃśayaḥ|
kavacaṃ śirasā yastu dhārayed yatamānasaḥ||74-96||

karasthāstasya deveśi aṇimādyaṣṭasiddhayaḥ|
bhūrjapatre tvimāṃ vidyāṃ śuklapaṭṭena veṣṭitām||74-97||

rajatodarasaṃviṣṭāṃ kṛtvā ca dhārayet sudhīḥ|
samprāpya mahatīṃ lakṣmīmante tava śarīradhṛk||74-98||

yasmai kasmai na dātavyaṃ na prakāśyaṃ kadācana|
śiṣyāya bhaktiyuktāya sādhakāya prakāśayet||74-99||

yogine jñānayuktāya deyaṃ dharmātmane sadā|
anyathā siddhihāniḥ syātsatyaṃ satyaṃ na saṃśayaḥ||74-100||

tava snehānmahādeva kathitaṃ kavacaṃ śubham|
na deyaṃ kavacaṃ siddhaṃ yadīcchedātmano hitam||74-101||

yadi bhāgyaphalenāpi kavacaṃ yadi labhyate|
dhūrto vā kapaṭī vāpi khalo vā durgrahasthitaḥ||74-102||

nijakarmaphalatyāgamavaśyaṃ khalu kārayet|
tadā siddhimavāpnoti dharmadhārādharo bhavet||74-103||

siddhipūjāphalaṃ tasya divase divase sudhīḥ|
dhūrtatāṃ khalatāṃ mithyāṃ kāpaṭyaṃ sa vihāya ca||74-104||

rājarājeśvaro bhūtvā jīvanmukto na saṃśayaḥ|
yo'rcayed gandhapuṣpādyaiḥ kavacaṃ manmukhoditam||74-105||

tenācītā mahādeva sarvadevā na saṃśayaḥ|
rājasikaṃ mānasikaṃ tāmasikaṃ parantapaḥ||74-106||

hṛdye mānasikaṃ dhyāyan pūjā rājasikaṃ smṛtam|
tāmasikaṃ lokamadhye kavacārcā tridhā matā||74-107||

siddhakavacamākhyātaṃ kevalaṃ jñānasiddhaye|
mokṣāya jagatāṃ śambhoḥ priyāya parameśvara||74-108||

tantre'smin sārasaṅketaṃ pūjā'pyāropaṇādikam|
antaḥkaraṇamadhye tu sarvakāryamudīrayet||74-109||

rājye ca prapaṭhet stotraṃ kavacaṃ jñānasiddhaye|
iti te kathitaṃ nātha paramātmani maṅgalam||74-110|| yasyārādhanamātreṇa śivatvamuta kiṃ prabho||74-111||

iti śrīrudrayāmale uttaratantre mahātantroddīpane siddhamantraprakaraṇe|ṣaṭcakraprakāśe bhairavībhairavasaṃvāde sadāśivakavacapāṭho|nāma catuḥsaptatitamaḥ paṭalaḥ||74||

Kapitel 75

atha pañcasaptatitamaḥ paṭalaḥ

ānandabhairava uvāca kathitaṃ śāradaṃ dhāma aprakāśyaṃ phalodayam|
idānīṃ kathaya prāṇavallabhe varadā bhava||75-1||

kaṇṭhābhoje kīdṛśī yā sabhā paramamohinī|
gāyantī yogibhinītyaṃ paramānandavadhīnī||75-2||

sabhotkṛṣṭāṃ siddhasabhāṃ vartaya brahmavādini|
tadā me saphalaṃ jñānaṃ saphalaṃ sāranirṇayam||75-3||

yadi sā kathyate devi sabhā sarvapratiṣṭhitā|
śrīānandabhairavī uvāca śrūyatāṃ devadeveśa sarvānandaprapūraka||75-4||

sabhā jñānamayī nityā ṣoḍaśāraprakāśinī|
vistīrṇā saptatiṃ caiva yojanānāṃ śitaprabhā||75-5||

tapasā nimītā lakṣmīrjñānamaṅgalamaṇḍitā|
rāśiprabhā khecarī sā kailāsaśikharopamā||75-6||

guhyakairūhyamānā sā madhuradhvanipūraṇī|
divyahemamayairuccaiḥ pādapairupaśobhitā||75-7||

raśmimatī bhāsvatī ca divyagandhamanoramā|
śitābhraśikharākārā hematoraṇaśobhitā||75-8||

divyahemamayaiḥ śṛṅgaivīdyudbhariva citritā|
ṣoḍaśārakaṇīkāyāṃ pratibhā viśvajitvarī||75-9||

tasyāṃ sadāśivo nātho vicitrābharaṇāyudhaḥ|
strīsahasrāvṛtaḥ śrīmānāste jvalitakuṇḍalaḥ||75-10||

divākaranibhe ramye divyāstaraṇasaṃyute|
divyapādopadhāne ca niṣaṇṇaḥ paramāsane||75-11||

mandārāṇāmudārāṇāṃ vanāni surabhīṇi ca|
saugandhikānāṃ cādāya gandhān gandhavahaḥ śuciḥ||75-12||

nalinyāścāṇakākhyāyāścandanānāṃ vanasya ca|
manohṛdayasaṃhlādī vāyustamupasevate||75-13||

tatra devāḥ sagandharvā gaṇairapsarasāṃ vṛtāḥ|
divyatālena gāyanti gītāni parameśvara||75-14||

miśrakeśī ca rambhā ca citrasenā śucismitā|
cārunetrā ghṛtācī ca menakā muñjikastanī||75-15||

viśvācā sahajanyā ca pramlocā urvaśī irā|
vargā ca saurabheyī ca samīcī buddhidā latā||75-16||

ratnāvatī mahāmāyā kamalā gandhakeśikā|
bāṇamātā mahābhargā jyotiḥ prajñā bhavā'bhavā||75-17||

prabhavā sambhavā guñjā sārāṅgī sāravikramā|
trilocanī trivedisthā ambikā saptaśāyakā||75-18||

viralā varadā māyā siddhā kātyāyanī tathā|
yoginī khecarī siddhā jīvāṅgī dīrghalocanī||75-19||

ramaṇī ca hiraṇyākṣī padmavaktrā hiraṇmayī|
etāḥ sahasraścānyā nṛtyagītaviśāradāḥ||75-20||

īśānamupatiṣṭhanti gandharvāpsarasāṅgaṇāḥ|
aniśaṃ divyavāditrairnṛtyagītaiśca sā srabhā||75-21||

aśūnyā rucirā bhāti gandharvāpsarasāṃ gaṇaiḥ|
kinnaroragagandharvā narā nāma tathā pare||75-22||

mānabhadro'tha dhanadaḥ śvetabhadro'tha guhyakaḥ|
kāśavalo gaṇḍakaṇḍūḥ patyodraśca mahābalaḥ||75-23||

kustumburuḥ piśācāśca gajakarṇe viśānakaḥ|
varāhakarṇastāmrauṣṭhaḥ phalabhakṣaḥ phalodakaḥ||75-24||

aṅgacūḍaḥ śikhāvarto hemanetro vibhīṣaṇaḥ|
puṣpānanaḥ piṅgalakaḥ śoṇitodaḥ pravālakaḥ||75-25||

vṛkavāṃścāniketaśca cīravāsāśca bhāvataḥ|
bharadvājo vāridharī mahāmāyo dhanañjayaḥ||75-26||

kapilaḥ kapilācāryo mahāyogī kṣamādharaḥ|
ete cānye ca bahavo yakṣā śatasahasraśaḥ||75-27||

sadā bhagavatī lakṣmīstathaiva nalakūbaraḥ|
tayoḥ parijanāḥ sarve vāruṇīmadyakārakāḥ||75-28||

ato madhupurī nāma cāṣṭapūraṃ madhusthalam|
tadbāhye sā sabhā bhāti candrakoṭisamodayā||75-29||

ahañca nivasāmyasyāṃ bhavantyanye ca madvidhāḥ|
brahmarṣayo bhavantyatra tathā devarṣayo pare||75-30||

kravyādā rākṣasāścānye gandharvāśca mahābalāḥ|
upāsante mahātmānaṃ tasyāṃ śivadamīśvaram||75-31||

bhagavān bhūtasaṅghaiśca vṛtaḥ śatasahasraśaḥ|
umāpatiḥ paśupatiḥ śūladhṛg bhaganetrahā||75-32||

tryambako rājaśārdūlo devī ca vigatakramāḥ
vāmanaivīkaṭaiḥ kubjaiḥ priyayakṣairmahābalaiḥ||75-33||

medomāṃsāsavairugrairugradhanvā mahābalaḥ|
nānāpraharaṇairghorairghātairiva mahājavaiḥ||75-34||

vṛtaḥ sahāyaistatrāste sadaiva śrīsadāśivaḥ|
prakṛṣṭāḥ satatañcā(pi?)pyavantu śambhuparicchadāḥ||75-35||

gandharvāṇāñca patayo viśvāvasurhāhā huhūḥ|
tumburuḥ parvataścaiva śailūraśca tathāparaḥ||75-36||

citrasenaśca gītajñastathā citraratho'pi ca|
ete cānye ca gandharvāḥ sadāśivamupāsate||75-37||

vidyādharādhipaścaiva cakravarmā (hi)mānugaḥ|
upāsatustatastasyāṃ prabhuṃ dhanadamīśvaram||75-38||

himavān pāribhadraśca vindhyakailāsamandarāḥ|
kinnarāḥ śataśastatra jñānināmīśvaraṃ prabhum||75-39||

gaṇāśca śataśastatra bhagadattapurogamāḥ|
drumaḥ kiṃpuruṣaścaiva upāste varadeśvaram||75-40||

rākṣasādhipatiścaiva mahendro gandhamādanaḥ|
saha yajñaiḥ sagandharvaiḥ saha sarvainīśācaraiḥ||75-41||

vibhīṣaṇaśca dhamīṣṭha upāste śrīsadāśivam|
malayo mandaraścaiva mahendro gandhamādanaḥ||75-42||

indrakīlaḥ sanābhaśca tathā divyau ca parvatau|
ete cānye ca bahavaḥ sarve merupurogamāḥ||75-43||

upāsate mahātmānaṃ sadāśivamadhīśvaram|
nandīśvaraśca bhagavān mahākālastathaiva ca||75-44||

śaktaṃ karṇamukhāḥ sarve devyāḥ pāriṣadāstathā|
kāṣṭhabhṛkuṭī mukhodantī vijayā ca tapo'dhikā||75-45||

śvetaśca vṛṣabhaścaiva nardannāste mahābalaḥ|
varadaṃ rākṣasāścānye piśācāśca samāsate||75-46||

pārṣadaiḥ saṃparivṛtamumayā ca maheśvaram|
sadā hi devadeveśaṃ śivaṃ trailokyabhāvanam||75-47||

praṇamya mūrdhnā paulastyo bandhurūpamumāpatim|
tato'bhyanujñāṃ samprāpya mahādevāt kuleśvarāt||75-48||

āste kadācid bhagavān bhavo dhanapateḥ sakhā|
nidhipravaramukhyau ca śaṅkhapadmadhaneśvarau||75-49||

sarvānnidhīn pragṛhyātha upāstādvai sadāśivam|
samatā tādṛśī ramyā mayā guptāntarīkṣagā||75-50||

pitāmahasabhā tasyā ūrdhve bhāti vibhāvitā|
dikpālānāṃ sabhāgre tu sthiravidyutsamodayā||75-51||

mahādevaṃ kīrtayiṣye satāṃ kaṇṭhasaroruhe|
yogināṃ maunaśīlānāṃ dhyānasiddhipradā sabhām||75-52||

mahāpātakakoṭighnī varṇanā nāsti brahmaṇaḥ|
sabhāyā varṇane śakto nāhaṃ varṣaśatairapi||75-53||

tathāpi tava siddhyarthaṃ saṃkṣepād varṇyate prabho|
pitāmahasabhāṃ nātha kathyamānāṃ viśuddhaye||75-54||

śakyate sā na nirdeṣṭumevaṃ rūpeti sojjvalā|
sarvadā saṃsthirā tatra yathā nārāyaṇe sthirā||75-55||

samarūpaṃ saṃvibhāvya sabhayā śrīpitāmahaḥ|
upāsate mahātmānaṃ śākinī parameśvaram||75-56||

aprameyāṃ sabhāṃ divyāṃ mānuṣīṃ nityarūpiṇīm|
anidīśyāṃ prabhāveṇa sarvabhūtamanoramām||75-57||

auṣadhairvā tathā yuktairuttamā yā anāśinī|
manmathā sā sabhā devī na śītā na ca gharmadā||75-58||

na kṣutpipāśe na glāniṃ na bhūtāṃ nāpi bhāvitām|
nānārūpairiva kṛtā maṇibhiḥ sahitāyudhaiḥ||75-59||

stambhairna ca dhṛtā sā tu śāśvatī na ca sākṣarā|
divyairnānāvidhairbhāvairbhāsvadbharamitaprabhaiḥ||75-60||

aticandrañca sūryañca bhāsate sā prabhā svayam|
pradīptā nākapṛṣṭhasthā bhāsayantīva bhāskaram||75-61||

tasyāṃ sa bhagavānāste vidadhad devamānuṣān|
svayameko'niśaṃ nātha sarvalokapitāmahaḥ||75-62||

upatiṣṭhanti cāpyenaṃ prajānāṃ patayaḥ prabhum|
dakṣaḥ pracetā pulaho marīciḥ kaśyapo yatiḥ||75-63||

bhṛguratrirvaśiṣṭhaśca gautamo'thāṅgirāstathā|
pulastyaśca kratuścaiva prahlādaḥ kardamastathā||75-64||

atharvāṅgirasaścaiva bālakhilyā marīcipāḥ|
mano'ntarīkṣaṃ vidyāśca vāyustejo jalaṃ mahī||75-65||

śabdasparśau tathā rūpaṃ raso gandhaśca dhāmīkaḥ|
prakṛtiścāhaṅkāraśca yaccānyatkāraṇaṃ bhuvaḥ||75-66||

agastyaśca mahātejā mārkaṇḍeyo munīśvaraḥ|
jamadagnirbharadvājaḥ saṃvartaścyavanastathā||75-67||

durvāsāścāmarirjetā ṛṣyaśṛṅgastapodhanaḥ|
sanatkumāro bhagavān yogācāryo mahātapāḥ||75-68||

asito devalaścaiva jaigīṣavyaśca tattvavit|
ṛṣabho jitaśakraśca mahāvīryastapomuniḥ||75-69||

āyurvedastathāṣṭāṅgo dehavān vīryadhārakaḥ|
ūrdhvaretā mahāyogī devadatto bhagīrathaḥ||75-70||

kapilācārya īśāpto dhanadaḥ sārasaṅgataḥ|
mahāvāgmīśvaraḥ kālaḥ priyakarmā ca suvrataḥ||75-71||

varuṇaḥ sārvabhaumaśca devācāryo dhanañjayaḥ|
kāmaputro vaśiṣṭhaśca mandāro'śvattha eva ca||75-72||

ravimukhyo vidhātā ca nairṛto yama eva ca|
agniḥ śakro vibhāṇḍaśca mahāvīro gaṇeśvaraḥ||75-73||

kātīkeyo jīvanātho grahacakraḥ śubhaṅkaraḥ|
vedajñātā dharmavettā vārendro nandanaḥ prabhuḥ||75-74||

bṛhaspatiḥ śukradevo vijñānī bhāsvarāstradhṛk|
anye ca bahavaḥ santi ūrdhvaretāra īśagāḥ||75-75||

tasyāṃ bhānti mahākāla ! kevalānandavigrahāḥ|
candramā saha nakṣatrairādityaiśca gabhastibhiḥ||75-76||

vāyavaḥ kratavaścaiva saṅkalpaḥ prāṇa eva ca|
mūtīmanto mahātmāno mahāvrataparāyaṇāḥ||75-77||

ete cānye ca bahavaḥ sadāśivamupāsate|
artho dharmaśca kāmaśca harṣo'dveṣastapo damaḥ||75-78||

āyānti tasyāṃ gandharvāḥ sahitāpsarasastathā|
viṃśatiḥ sapta caivānye lokapālāśca sarvaśaḥ||75-79||

navagrahāstatra santi nānopacārapaṇḍitāḥ|
mantro rathantaraścaiva harimān vasumānapi||75-80||

ādityāḥ sādhirājāno nānāvṛndairupāgatāḥ|
maruto viśvakarmā ca vasavaśca digīśvarāḥ||75-81||

tathā pitṛgaṇāḥ sarve sarvāṇi ca havīṃṣyatha|
ṛgvedaśca sāmavedo yajurvedaḥ sadāśivaḥ||75-82||

atharvavedastasyāntaḥ sarvaśāstrāṇi caiva ha|
itihāsopadeśāśca vedāṅgāni ca sarvaśaḥ||75-83||

grahā yakṣāśca somāśca daivatāni ca sarvaśaḥ|
sāvitrī durgataraṇī vāṇī saptavidhā tathā||75-84||

smṛtirmedhā dhṛtiścaiva buddhiḥ prajñā kṣamā yaśaḥ|
stutiśāstrāṇi sāmāni gāthāstu vividhāstathā||75-85||

bhāṣyāṇi tarkavaktrāṇi dehavanti vibhānti ca|
nāṭakā vividhāḥ kāvyāḥ kathākhyādhikakārikāḥ||75-86||

tatra tiṣṭhanti ye puṇyā ye cānye gurupūjakāḥ|
kṣaṇā lavā muhūrtāśca divārātriḥ prabhātagā||75-87||

ardhamāsāstathā māsā ṛtavaḥ ṣaṭ ca bhairava|
saṃvatsarāḥ pañca yugaṃ māsā rātriścatuvīdhāḥ||75-88||

kālacakrañca yaddavyaṃ nityamakṣayamavyayam|
dharmacakraṃ tathā cāpi nityamanteṣu vigrahāḥ||75-89||

aditirdakṣakaścaiva surasā vinatā irā|
kālakā surabhī devī saramā cātha gautamī||75-90||

pradhā kadrūśca vai devyo devatānāñca mātaraḥ|
rudrāṇī śrīśca lakṣmīśca bhadrā ṣaṣṭhī tathāparā||75-91||

pṛthivī gāṅgatā devī hrīḥ svāhā kītīreva ca|
surā devī śacī caiva tathā puṣṭirundhatī||75-92||

saṃvṛddhirāśā niyatiriḍā devī ratistathā|
kāminī paramānandā devī śrītripureśvarī||75-93||

kāmamātā mahābālā varadādyā sarasvatī|
mandākinī viyadgaṅgā svargagaṅgā manojavā||75-94||

trisrotā candrabhāgā ca mahāvegavatī nadī|
pañcatīrthakalāpadmāḥ sāgarāḥ sāgarodayāḥ||75-95||

kālindī vaiṣṇavī siddhā taralā puṣkarodayāḥ|
bhānumatī mahāvegā caṇḍaśukrā mahānadī||75-96||

vetravatī ca kāverī mahābhargā vasundharā|
vibhāvatī padmalakṣmīḥ prabhā bhadrā kirātinī||75-97||

ambālikā tvahalyā ca trituṇḍā maṇḍaleśvarī|
mandodarī mandavegā madirā śāradā nadī||75-98||

nirmalā mandaragranthiḥ prajñā jvālāvatī ratiḥ|
avantī ca raṭantī ca yugādyā māghasaptamī||75-99||

pañcatuṇḍā ghoranādā santoṣī tuṣṭavṃśinī|
bharadvājeśvarī dharmā śatadhārā dharāvatī||75-100||

mallikā mālinī mandā hindolā liṅgavāhinī|
vartulā siddhalaṅkā ca kurukṣetrasthitā nadī||75-101||

ākāśagaṅgā siddhāṅgī gautamī bālikā gayā|
daityajihvā kālajihvā catuṣkoṭikalā'malā||75-102||

nāḍikā sārdhavahnisthā pratyekasthāna saṃsthitāḥ|
mūtīmatyo vibhāntyasyāṃ sindhudevyastathā parāḥ||75-103||

sabhāyāṃ kṛṣṇanāmnī ca nadī kulavatī balā|
tasyāṃ pradhānā trinadī vāmadakṣiṇamadhyataḥ||75-104||

iḍāvatī piṅgalākhyā suṣumnādyā sarasvatī|
trimadhye pūjitā devī suṣumnā bahurūpiṇī||75-105||

nadāścāpi ca tatsaṅkhyāḥ sārdhatrikoṭayaḥ smṛtāḥ|
nadaḥ śoṇo mahāśoṇo vaṭuko balavān haraḥ||75-106||

taruṇastārako bhadro vibhadro narmadāpatiḥ|
prabhānātho vīramukhyo viśālo baladevakaḥ||75-107||

padmarāgo māraketastrivṛtto nandano ghanaḥ|
akālajihmo hiṃsāḍhyo vidhṛto hyavadhūtakaḥ||75-108||

brahmaputro vibhākāraḥ kapilo'ñjana eva ca|
sāmba eko mahāsaṃkhyo maṇḍalākhyo bṛhannalaḥ||75-109||

śatanālādharo rudro viśvagāmī dhanañjayaḥ|
sahasravadano vākyo ghargharo damanastathā||75-110||

sitākhyo mānavo gartaḥ kulākhyo visamāpatiḥ|
bhavakuṇḍo visargākhyo jyotiṣṭomḥ phalākaraḥ||75-111||

dhavalo badarākhyaśca vīrabhadro makhastathā|
marmahantā śūlagarto mānabhaṅgo divāgamaḥ||75-112||

śūraścaiva kālakūṭo madhugāmī jalāntakaḥ|
dadhidhāro ghṛtākhyaśca sudhādhāro mahānadaḥ||75-113||

hiṅgulākhyo mālaketuḥ payasvān payasaḥ patiḥ|
lavaṇākhyo dharmaputro jīvaputro dhanākaraḥ||75-114||

māyāpatiḥ kalānātho vindhyalo lavaṇāśrayaḥ|
ikṣudhārādharo māno vidhuvarṇo dharājalaḥ||75-115||

puṣkaro duṣkarākhyaśca śaṅkaraśca sadāiśava|
ete cānye ca bahavaḥ puṣkaraṃ samupāsate||75-116||

trayāṇāṃ puṣkaraḥ śreṣṭhaḥ suṣumnānāḍikāśrayaḥ|
iḍāyāṃ puṣkarākhyaśca piṅgalāyāñca śaṅkaraḥ||75-117||

nadāścāpi bahutarā mūtīmanto vibhānti ca|
nadyaśca mūtīmatyaśca sadāśivamupāśritāḥ||75-118||

pūjayanti kaṇīkāyāṃ sabhāyāṃ brahmaṇaḥ prabho|
sadāśivasabhāmadhye brahmaṇaḥ sabhayojjvalā||75-119||

tasyāṃ devasabhā bhāti śakrasyāpi manoharā|
pūrvādikramayogena dhyeyā ca khecarīva vā||75-120||

vahnikoṇe'nalasabhā mahātejomayī parā|
kaṇīkāyā dakṣiṇe ca dharmarājamahāsabhā||75-121||

nairṛte rākṣasendrasya sabhā sakalamohinī|
varuṇe bhāti dīptākhyā vāruṇīyā sabhā'parā||75-122||

vāyukoṇe vāyusabhā kauberī cottare sabhā|
adho nandasabhā bhāti cordhvaṃ brahmasabhā prabho||75-123||

madhye ca bhāti sūryābhāṃ śatāyutasamodayām|
sadāśivasabhāṃ nātha brahmāṇḍe maṇḍalodbhavām||75-124||

sūkṣmamārge sadā bhāntīmīśvarasyāpi rūpiṇīm|
ādityā vasavo rudrā marutaścāśvināvapi||75-125||

viśvedevāśca sādhyāśca pitaraśca maharṣayaḥ|
eka eva tu rājaṣīḥ pradhānastatra bhāti hi||75-126||

trayodaśaguṇopetā bhānti rājarṣayastathā|
pṛthuścaiva dharmarājo hariścandro yudhiṣṭhiraḥ||75-127||

rāmacandro ramānātho bhagīratha ilāpatiḥ|
prahlādaḥ kardamaścaiva vibhīṣaṇaśca dhāmīkaḥ||75-128||

nalaścaiva rukmamālī vikramoddhatatāpasāḥ|
vāmapārśve adhobhāge pradīptā hyāsanāvanau||75-129||

anye ca munayaḥ santi samāveṣṭya sadāśivam|
mahābhaktāḥ prapaśyanti sadāśivaparaṃ padam||75-130||

akālamṛtyuharaṇaṃ sarvavyādhivināśanam|
smaraṇāt paṭhanāddhyānāt sadāśivapateḥ prabhoḥ||75-131||

anāyāsena siddhyanti ye ye bhaktā mahītale|
vṛddhā vā bālakā vāpi yauvanasthā narā api||75-132||

anāyāsaṃ phalaṃ labdhvā prapaśyanti sadāśivam|
eteṣāṃ dhyānamākṛtya cārcayanti sadāśivam||75-133||

sa yāti sahasā nātha sadāśivaparaṃ padam|
devīnāṃ yajanaṃ kṛtvā ye dhyāyanti sadāśivam||75-134||

trailokyaṃ sahasā dṛṣṭvā prapaśyanti sadāśivam|
yathākāle nirjane ca gavīnāṃ kuhare'pi vā||75-135||

sthitvā caikamanā dhyāyet sadāśivaparaṃ padam|
śivatvaṃ yāti sahasā dhyānād brahmāgatasya ca||75-136||

brāhmaṇaḥ sahasā yāti sadāśivaparaṃ padam|
evaṃbhūtaṃ dhyāyatīha sadāśivapadāmbujam||75-137||

ratnanūpuranādāḍhyaṃ caladbhūṣaṇamaṇḍitam|
padmarāgasyāṅgulībhirmaṇḍitaṃ raktapaṅkajam||75-138||

siddhasabhāsevitañca siddhānāmāśrayākaram|
devadānava gandharvasiddhacāraṇasevitam||75-139||

munīndragaṇapūjyañca dharmasindhumayaṃ dhruvam|
vāñchādiphaladaṃ kāntaṃ śatāruṇasamaprabham||75-140||

sarvavidyāmayaṃ dhyāyed haṃsamārge nirañjane||75-141||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra-- prakāśe bhairavabhairavī saṃvāde'kālamṛtyuharaṇasabhāvarṇanaṃ nāma pañcasaptatitamaḥ paṭalaḥ||75||

Kapitel 76

atha ṣaṣṭhasaptatitamaḥ paṭalaḥ

śrīānandabhairavī uvāca kathayāmi mahākāla! cātyantādbhutamasādhanam|
kavacaṃ kākinīdevyā aṣṭottaraśatākṣaram||76-1||

yasya gehe kare śīrṣe kaṇṭhe ca cittamadhyake|
bhujamadhye ca kaṭyāṃ vā dhārayitvā mahītale||76-2||

kiṃ na siddhiṃ karotyeva sādhako yoginīpatiḥ|
yogasiddhiḥ kriyāsiddhiḥ śivāsiddhistathā parā||76-3||

mahāsiddhiḥ khecarī ca suṣumṇāsiddhireva ca|
phalasiddhiḥ kālasiddhiḥ kriyāsiddhiḥ śivāmbikā||76-4||

jaṅghāsiddhiḥ parāsiddhiḥ khaḍgasiddhiḥ susūkṣmagā|
aṇimādyaṣṭasiddhiśca kare tasya sthirā bhavet||76-5||

kavacaṃ kākinīdevyāḥ sarvasiddhipradāyakam|
akāle vā sukāle vā paṭhanād dharmasañcayam||76-6||

jayī dharmasañcayena jayo yatra śivastataḥ|
yatra śivā tatra śivaḥ kavacātmā dvayaṃ priyau||76-7||

kartārau tau sadā tārau pārvatīparameśvarau|
kāryakāraṇasraṣṭārau ubhau tatra parātparau||76-8||

kavacātmakamūrttau ca sthātārau prabhavātmakau|
tasya nāmākṣaraṃ vakṣye śṛṣṇuṣva bhairaveśvara||76-9||

bhairavī bhīmarūpā ca virūpā rūpavivajītā|
sūkṣmātisūkṣmarūpā ca svaprakāśā ca śākinī||76-10||

japalā jañcalā bhīmā candradevī parāparā|
kamalākṣī devamātā khaḍgakapāladhāriṇī||76-11||

gurvī gaurī ghanacchāyā oṃkārādyā carupriyā|
chāyā jayā jāñjanā ca oṅkārātmā kalāvatī||76-12||

aṅkāriṇī ḍākinī ca ṭakkādevī ruṇapriyā|
tāriṇī sthūlapuṣṭā ca dayādharmapriyā nutiḥ||76-13||

paramā buddhiśaktiśca phaladā phālgunī kalā|
basudhārā vāsukī ca bhadrakālī bhavābhavā||76-14||

manasā mohinī mātā yaśodā yājñikā yaśā|
rūpeśvarī raṇaprāṇā lakṣmīrlakṣaṇaśobhitā||76-15||

vasupriyā vasuratā bālarakṣā śaśiprabhā|
ṣaḍakṣarī śāradā ca haridrā hāramālinī||76-16||

lāvaṇyaniratā laṅkā kṣayarogavināśinī|
kṣetrapālā ca kṣetrī ca kṣatriyā kṣemadā kṣamā||76-17||

kṣunnivṛttikarī kṣubdhā kṣālanākhyā kṣarākṣarā|
anantākhyā umā durgā ṛṣabhā īśvarapriyā||76-18||

ḷkārabījakuṭasthā ḷkāradīrghajīvikā|
eraṇḍaraṇacāmuṇḍā endrī ḍaṭṭapriyāntarā||76-19||

tunutuṇḍā oṣadhī ca uttamādhamamadhyamā|
audveṣiṇī auṣadhasthā aṭṭahāsātmasaṅgatā||76-20||

arthadā aṣṭahastā ca arkakoṭimayūkhagā|
ardhanārīśvarā arcyā arbudāstradharā samā||76-21||

aṣṭaiśvaryapradā arghā ambhasthā cāpyarundhatī|
arpaṇākhyā arkamunī arpaṇā askhalasthitā||76-22||

arcanāḍhyā arcanāsthā arātī aruṇādharā|
aṣṭottarākhyamamṛtaṃ paṭhitvā kavacaṃ paṭhet||76-23||

tadā phalasamṛddhiḥ syādāyurārogyasādhanam|
śākinīkavacasyāsya sadāśiva ṛṣiḥ smṛtaḥ||76-24||

gāyatrīcchanda evāpi śākinī dehadevatā|
oṃ śrīṃ klīṃ me śiraḥ pātu blū[†] hlū[†] me lalāṭakam||76-25||

cakṣuṣī khecarī pātu karṇau me śivaśākinī|
gaṇḍayugmaṃ sadā pātu devaśākambharī ramā||76-26||

svāhā pātu yugmanāsāṃ oṣṭhā'dharaṃ śiro'vatu|
drīṃ hīṃ śrīṃ me dantapaṅktiṃ jihvāgraṃ dehadevatā||76-27||

cibukaṃ kamalā devī vāgdātrī me kapālakam|
vadanaṃ kālikā pātu śabdabījātmikā galam||76-28||

kaṇṭhadevī śākinī ca pātu me kaṇṭhapaṅkajam|
surādevī sadā pātu hṛtpadmaṃ kāmarūpiṇī||76-29||

kalāvatī kāmakāmā kāmamālā viśuddhakam|
sadāśivapathaṃ pātu lakṣmīrme nābhipaṅkajam||76-30||

ulkāmukhī sadā pātu devamātā ṣaḍakṣaram|
sadā pātu viṣṇupadmaṃ rākiṇī pātu me dalam||76-31||

kaṭideśaṃ sadā pātu bhegadā jñānamokṣadā|
mūlādhāraṃ sadā pātu kākinī parameśvarī||76-32||

ekarūpā sadā pātu liṅgādhāraṃ virūpiṇī|
mārkaṇḍapūjitā devī mṛkuṇḍā mūlavāsinī||76-33||

sadā me pātu deveśi abhayā cārudeśakam|
darśanākhyā mahādevī liṅgādhāraṃ padāntaram||76-34||

pātu devī hiraṇyākṣī sarvāṅgaṃ sarvadevatā|
vidhātrī sūkṣmarūpasthā sthūlāṅgī ca kṛśodarī||76-35||

sarvatra sarvadā pātu devī śākambharī mama|
hṛtkālikā sadā pātu sarvāṅgaṃ sarvadeśake||76-36||

iti te kathitaṃ nātha kavacaṃ devadurlabham|
paṭhitvā siddhiprāpnoti rājatvaṃ labhate naraḥ||76-37|| akasmāt sūryatulyaḥ syāt kāmajetā svayaṃ bhavet|
dhāraṇād dehavṛddhiḥ syādāyurārogyasampadam||76-38|| vāyusiddhikaraṃ sākṣādamṛtānandavigraham|
agnistambhaṃ jalastambhaṃ vāyustambhaṃ karoti hi||76-39|| khecaro yogajetā syādāśākṣayakaro bhavet|
tataḥ paṭhet kāmamantraṃ tadante dhyānamācaret||76-40|| oṃśrīśca te lakṣmīśca patnyāvahorātre pārśve|
nakṣatrāṇi rūpamaśvinau vyāttam|iṣṇanniṣāṇā-- mumma iṣāṇa sarvalokamma iṣāṇa||76-41|| japitvā kāmamantraṃ hi sarvakāmaphalaṃ labhet|
tato dhyātvā ca kavacaṃ dhyāyedyaḥ śākinīśivam||76-42|| sa vedapāramāyāti śākinīdhyānayogataḥ||76-43|| prāṇākhyāṃ śuklapadme niravadhinilayāṃ śākinīṃ pītavastrāṃ sūkṣmāṃ bhūṣātirudodbhatanucapalāṃ cañcalāṃ siddhilolām|
hastaiḥ padmaiścatubhīḥ sunayanakamalairbhāsamānāṃ śivāḍhyāṃ padmābhītipracaṇḍāsicasahitāṃ śākamātāṃ bhajāmi||76-44|| dhyātvā yogī śmaśāne girivarakure ḍākinīdeśamadhye|
śūnye gartevane vā gaganagṛhatale śūnyagehe supravāse|
jñānātmā yo vaśī vā paṭhati ca satataṃ śākinīdehayogaṃ gaṅgāyāṃ svīyagarbhe kavacamabhayadaṃ sarvadaṃ yāti siddhim||76-45|| kavacaṃ kāraṇairdevīṃ pūjayitvā yathāvidhi|
akasmāt kāyasiddhiḥ syādaṣṭaiśvaryasamanvitaḥ||76-46|| mokṣamāpnoti bhāvena sukhaṃ tasya pade pade|
mirayantu bālakā yasyāḥ kākavandhyā ca yā bhavet||76-47|| dhārayitvā tvimāṃ vidyāmetairdoṣairna lipyate|
kaṇṭhe yo dhārayedetāṃ samare kāṇḍadhāriṇīm||76-48|| akṣayatvamavāpnoti jīvamātraḥ sadāśivaḥ|
gorojanākuṅkumena kālāguruharidrayā||76-49|| lākṣārasairlekhayitvā dhārayitvā'mṛtaṃ labhet||76-50||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavabhairavīsaṃvāde śakinīkavacaṃ nāma ṣaṣṭhasaptatitamaḥ paṭalaḥ||76||

Kapitel 77

atha saptasaptatitamaḥ paṭalaḥ

śrīānandabhairava uvāca idānīṃ vada kaumāri sundari prāṇavallabhe|
aśītitame paṭale vada yogārthasañcayam||77-1||

śrīānandabhairavī uvāca śṛṇu bhairavarājendra sadāśivādiśākinīm|
dvayorāhlādayogo hi bhogamokṣaphalāyate||77-2||

ākāśaparamāṇūnāṃ viśiṣṭāmalacakṣuṣām|
darśanaṃ vidyujjaḍitaṃ prāpnoti sahasā sudhīḥ||77-3||

sadāśivakulasthānopari śrīśākinīpadam|
dvayoryo hi viśiṣṭajño jñānakhecarasiddhaye||77-4||

tatkulasthānamāvakṣye yathāvadavadhāraya|
ṣoḍaśākhyadalāgreṣu madhyamūleṣu sarvataḥ||77-5||

sadāśivakulasthānaṃ cakrarājaṃ vicintayet|
vicintya śatadhā yogīṃ kiṃ na siddhyati bhūtale||77-6||

bhūtānāmadhipo bhūtvā sthiro bhavati bhūtale|
bhagavantaṃ mahākāyaṃ paradevaṃ sadāśivam||77-7||

cakrasthaṃ cakrabāhyasthaṃ bāhyamabhyantaraṃ param|
paśyatyeva mahāyogī kālacakraṃ tataḥ param||77-8||

anāyāsena gaganagranthiṃ bhitvā pare layam|
cakrarājaprasādena sarvasañcārago bhavet||77-9||

dvātriṃśatkaṭhinagranthiṃ bhitvākāśe khagordhvagaḥ|
tataḥ paraśivānandacakraṃ śaktyātmakaṃ tataḥ||77-10||

tato hi śabdanikaraṃ parāsthānaṃ tataḥ param|
sakalāniṣkalāsthānaṃ bodhanīmaṇḍalaṃ tataḥ||77-11||

tadūrdhvañconmanīpīṭhaṃ bhitvā ca tadanantaram|
bhṛgupūraṃ tato bhitvā nādapūraṃ tataḥ param||77-12||

nādāntakaṃ tato bhitvā brahmaviṣṇughaṭākaram|
kriyākaraṃ prāṇalayaṃ yajñasthānaṃ śikhāpadam||77-13||

pūrṇagirimuḍḍayānaṃ bhitvā ca svapadaṃ tataḥ|
durgasthānaṃ tato bhitvā prakāśasthānameva ca||77-14||

tadūrdhve piṅgalāsthānaṃ tadūrdhve tatpadaṃ tataḥ|
suṣumnāmaṇḍalaṃ bhitvā dhaumirakoṇaṃ mahālayam||77-15||

mahābinduṃ tadūrdhve tu ṣaṭkoṇaṃ tu tadūrdhvake|
tadūrdhve vāsanāpūraṃ bījapūraṃ tadūrdhvake||77-16||

tadūrdhve viṣṇucakraṃ tu kulālicakravatsthitam|
taṃ bhitvā kāmanagaraṃ sarvakāmaphalapradam||77-17||

tadūrdhve śakracakraṃ tu tadūrdhve bhūmicakrakam|
tadūrdhve koṣacakraṃ tu tadūrdhve vāyucakrakam||77-18||

tadūrdhve vahnicakraṃ tu tadūrdhve'mṛtacakrakam|
tadūrdhve jalacakraṃ tu divācakraṃ tadūrdhvake||77-19||

tadūrdhve yāminīcakraṃ tadūrdhve tāracakrakam|
tadūrdhve dharmacakraṃ tu kālacakraṃ tadūrdhvake||77-20||

sarvakālaṃ sadā vyāpya jagatsthāvarajaṅgamam|
sadā tadūrdhvanikaraṃ saptasāgaramaṇḍalam||77-21||

tadūrdhve bhāti satataṃ śrījalāntakamaṇḍalam|
tadūrdhve tu mahācakraṃ mahāpadmavanākaram||77-22||

ṭaṅkāropari saṃdhyāyet sahasrāre supaṅkajam|
taṃ bhitvā jñānapadmaṃ tu kaṇīkāyāṃ prapaśyati||77-23||

pretarūpamahādevaśavākāraṃ tu niṣkriyam|
asyorasi pretabījaṃ sūryāyutasamaprabham||77-24||

ūrumūle ca tasyāpi krodhabījaṃ śatāruṇam|
tasyopari mahākālīmavaśyaṃ paripaśyati||77-25||

pratyālīḍhapadāmambāmambujākṣīṃ hasanmukhīm|
caturbhujāṃ khaḍgamuṇḍavarābhayakarāmbujām||77-26||

trailokyajananīṃ brahmarūpiṇīṃ mukuṭojjvalām|
muṇḍamālāṃ saṃvahantīṃ sarvāstrāṃ sarvakāraṇām||77-27||

anantakoṭibrahmāṇḍabrahmavyāpakarūpiṇīm|
prasannavadanāṃ ghorāṃ śavakarṇāṃ karālinīm||77-28||

yogīndrajananīṃ nityāṃ bhavānīṃ bhavamocinīm|
vimalāṃ nirmalānandāṃ jñānānandasvarūpiṇīm||77-29||

dharmārthakāmamokṣasthāṃ muktakeśīṃ digambarīm|
lalitāṃ sundarīṃ śyāmāṃ mahākālaniṣevitām||77-30||

mahogrāṃ candraghaṇṭāḍhyanitambaratnamekhalām|
sahasrānantasūryogratejorūpāṃ kulapriyām||77-31||

śmaśānāvāsinīṃ durgāṃ śmaśānālayavāsinīm|
ghorarāvāṃ mahāraudrīṃ kālikāṃ dakṣiṇāṃ parām||77-32||

karṇāvataṃsatāṃ nītaśavayugmabhayānakām|
ghoradaṃṣṭraṃ karālāsyāṃ pīnonnatapayodharām||77-33||

śavānāṃ karasaṅghātaiḥ kṛtakāñcīṃ priyaṃvadām|
sṛkkadvaya galadraktadhārāvisphuritānanām||77-34||

bālārka maṇḍalāmbhojanayanatrayabhūṣitām|
danturāṃ dakṣiṇavyāpimuktālambikucaśriyam||77-35||

śavarūpamahādevahṛdayopari saṃsthitām|
śivābhirghorarāvābhiścatudīkṣu samanvitām||77-36||

mahākālavyāpakena viparītaratāturām|
sukhaprasannavadanāṃ smerāruṇasaroruhām||77-37||

madhumāṃsacarbaṇāḍhyāṃ varadāṃ madanāturām|
vedavedāṅgavidyābhirudāraguṇasambhavām||77-38||

daityadānavadarpaghnīṃ bhagamālākalevarām||77-39||

cintayet kaulikāṃ kālīṃ kulavṛkṣatalasthitām|
śrīkalpalatikāṃ vidyutkoṭimaṇḍitakuṇḍalām||77-40||

nāgayajñopavītāḍhyāṃ candrārdhakṛtaśekharām|
sarvālaṅkārayuktāñca vahnayarkaśaśilocanām||77-41||

lalajjihvāṃ kāmarūpāṃ kāmapīṭhanivāsinīm|
atisaundaryavadanāṃ dhārāvisphuritaprabhām||77-42||

kāmadāṃ siddhagandharvadevacāraṇanāṭakaiḥ|
stūyamānāṃ brahmaviṣṇuśivaśakramahaṣībhiḥ||77-43||

sarvadā vanditāṃ koṭijaladābhatanuprabhām|
saṃsāratāriṇīṃ tārāṃ tārabrahmasvarūpiṇīm||77-44||

indunīlamaṇiśreṇiśobhāvidyutprakāśinīm|
śrīvāsamadhurānandapriyapremadigambarīm||77-45||

lajjātītāṃ kulātītāṃ jñānātītāṃ nirañjanām|
krodhapuñja samudbhūtadvīpicarmakaṭiprabhām||77-46||

nīlā--ghanā--balā--māyā--mātrā--mudrā--kalādibhiḥ|
sarvadā pūjitāṃ dhyāyet sahasrāravarāmbuje||77-47||

evaṃ dhyātvā mahākālīṃ śyāmāṃ kāmadughāṃ śivām|
ākāśagāminīṃ siddhimavaśyaṃ labhate vaśī||77-48||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe sadāśivakulacakrakramanirūpaṇe bhairavībhairavasaṃvāde yogārthasañcayanaṃ nāma saptasaptatitamaḥ paṭalaḥ||77||

Kapitel 78

athāṣṭasaptatitamaḥ paṭalaḥ

śrīānandabhairavī uvāca śṛṇu bhairava vakṣyāmi saṅketārthavinirṇayam|
kulacakrakramaṃ siddhaṃ śaktisadāśivasya ca||78-1||

asya vijñānamātreṇa kaṇṭhapadme sthiro bhavet|
padmāgre ca sāracakraṃ yogināmatisupriyam||78-2||

dhyānādeva mahābāho sarvacakrapradarśakam|
ūrdhvaretā kāmajetā jñānī maunī digambaraḥ||78-3||

khecaro dhārakaḥ śrīmān kaulikaḥ sādhako bhavet|
taccakradhyānamevaṃ tu dvidvāramagrato mukhe||78-4||

tadante cāpi dvidvāraṃ tilārdhaṃ bhinnarekhayā|
rekhādvaye naikadvāramevaṃ dvāradvayaṃ punaḥ||78-5||

agrāduttaraparyantaṃ dhyāyed vāradvayaṃ sudhīḥ|
dvayormadhye caturvedarekhāmaṇḍalameva ca||78-6||

tadantare ca ṣaṭkoṇaṃ dviṣaṭkoṇaṃ tadantare|
tanmadhye'ṣṭadalaṃ padmaṃ tanmadhye candramaṇḍalam||78-7||

tanmadhye śūnyarūpaṃ tu nirākāraṃ nirañjanam|
tattvajñānāśritānandavidyātmānaṃ mamāspadam||78-8||

sthūlasūkṣmamayaṃ śuddhaṃ vācyavācakabhāvanam|
abhedaṃ tu mamātmānaṃ koṭisūryasamaprabham||78-9||

koṭividyutprabhākāraṃ candrakoṭisuśītalam|
sarvavyāpaka mīśānamabhedajñānakāraṇam||78-10||

vidhātāraṃ parabrahma sarvajñaṃ sarvadaśīnam|
sarvaśāstrapravaktāraṃ jñānajñeyaṃ carācaram||78-11||

aṣṭahastaṃ viśālākṣaṃ śūlinaṃ muṇḍamālinam|
jarātītaṃ nivīkalpaṃ taruṇaṃ tārakaṃ haram||78-12||

hariṃ brahmāṇamīśānaṃ trilokānāṃ prabhāmayam|
abhedyabhedakaṃ siddhaṃ siddhāsanakaraṃ suram||78-13||

gandharvanagaraṃ deśaṃ viśeṣaṃ sarvatomukham|
akālatārakaṃ svāhāsvadhāśaktisamanvitam||78-14||

koṭikālānalākāraṃ raudraṃ rudrātmakaṃ bhavam|
kanyāśrīsundarīkāṭimaṇḍalāntaḥprakāśakam||78-15||

tejobimbaṃ bhāsamānaṃ sarvavyādhinikṛntanam|
hṛṣīkeśānandasiddhaṃ trivikramaphalodayam||78-16||

nṛsiṃhakrodhanilayaṃ sarvadaityavināśanam|
mīnāvatāravedārthasamuddharaṇakāraṇam||78-17||

kūrmapṛṣṭhādhāracakraṃ varāhadantabhūṣaṇam|
narasiṃhākārabhaktarakṣakaṃ parameśvaram||78-18||

mahendrarakṣakaṃ daityadarpaghnaṃ vāmanaṃ tanum|
daityakṣatriyadarpaghnaṃ paraśurāmaṃ dvijādhipam||78-19||

bhṛguvaṃśapatiṃ satyajñānāvatāramuttamam|
śrīrāmaṃ pāvanaṃ rakṣohantāraṃ tāpasaṃ gurum||78-20||

trailokyādhāramānandarūpaṃ haladharaṃ param|
anantaṃ yogināmādyaṃ sahasrāṅkaphaṇānvitam||78-21||

buddhaṃ nirākāradharmaṃ sarvaśāstrārthavardhakam|
nityaśrutyuditāmodadharmādharmavivajītam||78-22||

svayambhuvaṃ svaprakāśaṃ paramātmānaṃ maṅgalam|
ekākāraṃ dharmacakravedinaṃ svacchasaṅgaram||78-23||

duṣṭanigrahakartāraṃ mahāvīraṃ dhanañjayam|
śrīkṛṣṇaṃ sarvasevābhiḥ pūjitaṃ tanmayaṃ śubham||78-24||

vimadaṃ rakṣakaṃ dhyānajñānamokṣaprakāśakam|
rājarājeśvaraṃ vāsyaṃ sarvalokaniṣevitam||78-25||

sarvadehasthitaṃ dharmaṃ dharmātmānaṃ vinodinam|
vyāpakaṃ vyāpakādhāraṃ nivīkalpaṃ sudhāmayam||78-26||

viśiṣṭaṃ pañcapāṣāṇamahāpīṭhanivāsinam|
anantānantamahimaṃ kapālaśūladhāriṇam||78-27||

trirekhāmaṇḍalasthānaṃ caturvedakramākaram|
ekavaktraṃ dvipādaṃ ca dvimukhañca catuṣpadam||78-28||

trimukhaṃ ṣaḍbhujaṃ nāthaṃ caturvaktraṃ vidhiṃ param|
aṣṭāmbhojabhujāmbhojaṃ pañcavaktraṃ trilocanam||78-29||

śivaṃ daśabhujaṃ saukhyaṃ sundaraṃ śrīṣaḍānanam|
nityaṃ dvādaśahastañca sarvāstradhāriṇaṃ dhruvam||78-30||

saptamukhaṃ mahākāyaṃ caturdaśabhujaṃ priyam|
aṣṭamukhaṃ śivāhlādaṃ bhujaṣoḍaśamaṇḍitam||78-31||

navapadmamukhāmbhojamaṣṭādaśabhujaṃ vibhum|
unmattabhairavaṃ koṭimahāvidyādyavallabham||78-32||

amareśaṃ mahākāyamaṣṭādaśabhujāpatim|
kālarāśiṃ kṛṣṇavarṇaṃ citrasarpasumālinam||78-33||

śatavaktraṃ koṭihastaṃ sahasravadanāmbujam|
śatakoṭimukhaṃ nityānandasantānamandiram||78-34||

anantacaraṇāmbhojamanantajanasevitam|
anantahastakamalamanantālaṅkṛtojjvalam||78-35||

antaḥprakāśanikaramanantaguṇasambhavam|
anantasṛṣṭisraṣṭāramanantasthitikāraṇam||78-36||

anantakamalāvanye cānantasaṃhṛtipriyam|
anantabījanikaramanantaśāstraniścayam||78-37||

anantatāpasantṛptamanantajalamadhyagam|
anantaparamādhāramanantavahnidhāriṇam||78-38||

anantākāśanikaramanantapṛthivīpatim|
anantajvālāmālāḍhyamanantabuddhikāraṇam||78-39||

anantasthānapūjāḍhyamanantanāmasiddhidam|
anantagativijñānamanantarājyadaṃ sukham||78-40||

anantadharmaśāstrārthakiraṇaṃ kāvyapūjitam|
anantadevatāsthānamanantakarmasiddhidam||78-41||

anantamālāguṭikājāpinaṃ nityasiddhidam|
anantacittasañcāramanantānantavikramam||78-42||

anantajīvasaṃjñānamanantabhāvanāpriyam|
anantanirmalānandamanantaprāṇivallabham||78-43||

anantagāthākartāramanantasindhusaṃsthitam|
sarvataḥ pāṇipādāntaṃ sarvato'kṣiśiromukham||78-44||

sarvamāvṛtya tiṣṭhantamaparājitamīśvaram|
dhyātvānandamayaṃ devaṃ pīṭhamadhye ca sādhakam||78-45||

śākinīdevaśaktiśrīpremāhlādaparāyaṇam|
devadevaṃ viśvamayaṃ śākyarūpaṃ sanātanam||78-46||

mama rūpaṃ yadā nāmnā stauti kāmavinodinam|
dhyātvā cakrapure yogī nirālambo digambaraḥ||78-47||

gagane cakrasāraṃ tu kulanāmnā pratiṣṭhitam|
dhyātvā bhavati yogīndraḥ khecaro gatabhīḥ prabhuḥ||78-48||

anāyāsena siddhiḥ syād jñānī ca jñānavān bhavet|
ūrdhvamukhaṃ kaṇṭhapadmaṃ tadagre cakramaṇḍalam||78-49||

adhomukhaṃ netrapadmaṃ dvidalaṃ cātisundaram|
tadagre ca mahācakraṃ tadākāraṃ mahāprabham||78-50||

dvicakrasaṅgamaṃ yatra dṛśyate rātriyogataḥ|
tadā bhavati deveśa caturdvāraṃ manoharam||78-51||

cakraṃ nirañjanaṃ jñānajñeyaṃ mantramayaṃ śiva|
yo jānāti mahādeva sa bhavet kalpapādapaḥ||78-52||

iti kaṇṭhasya māhātmyaṃ saṃkṣepāt kathitaṃ mayā|
jānāti yogī dhyānena jñānayuktena cetasā||78-53|| paśyatyeva mahātmānaṃ jñānajñeyaṃ sudhāmayam|
koṭivarṣaśatenāpi kathituṃ naiva śakyate||78-54|| tava bhaktyā mahādeva tavāyuḥkṣetrarakṣaṇāt|
idānīṃ kathitaṃ kaṇṭhapadmasañcāramaṅgalam||78-55|| aprakāśyaṃ mahāguhyaṃ śabdabrahmasvarūpakam|
nirjane doṣarahite vyādhibādhāvivajīte||78-56|| subhikṣānindārahite sthitvā tatra dṛḍhavrataḥ|
bhāvayet parayā bhaktyā tava rūpaṃ vicintayan||78-57|| acirādyogasiddhaḥ syānnidānajñānasiddhibhāk|
śrīmātṛkā mahādevī līlāvatī śubhā satī||78-58|| ambā gurvī guruśaktiḥ pātu māmatikātaram|
tāmambāmambujākṣīṃ ca praṇamya ca punaḥ punaḥ||78-59|| idānīṃ kathaye nātha bhrūpadmajñānanirṇayam||78-60||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra--prakāśe bhairavībhairavasaṃvāde kaṇṭhāmbhojabhedaprakāśo nāma|aṣṭasaptatitamaḥ paṭalaḥ||78||

Kapitel 79

athaikonāśititamaḥ paṭalaḥ

śrīānandabhairava uvāca kathayasva varārohe kāmanāsiddhimaṅgalam|
aprakāśyaṃ mahājñānaṃ yadi sneho'sti māṃ prati||79-1||

anādiśāstragopyaṃ tu sarvatantreṣu gopitam|
sukhasnehakṛpādṛṣṭyā sarvatattvasumaṅgalam||79-2||

jñānagamyaṃ śabdajālaṃ komalāntaḥprakāśakam|
āyurārogyajananaṃ dharmārthakāmamokṣadam||79-3||

bhrūpadmadvidalaṃ siddhamunimaṇḍalasaṅkulam|
jñānināmātmasiddhāntarūpajñānasamāgamam||79-4||

yāmalasya mahārudrasevitasya varānane|
vada vistārya yatnena jīvanmuktipadaṃ yataḥ||79-5||

labhyate tatkṣaṇādeva kṛpayā karuṇāmayi|
kālakūṭaprabhāveṇa cātmano vismṛtirgatā||79-6||

tāṃ vismṛtiṃ samākṛtya smṛtijñānaṃ vidhehi me|
paramānandanirvāhanirvāṇaprathamāṅkuram||79-7||

śrī ānandabhairavī uvāca vakṣye'haṃ dvidalaṃ vibhāṇḍakamalaṃ kālānalavyākulaṃ|
śobhāmohanarañjanaṃ sucapalāmālākapālojjvalam|
dīptiśreṇi sukaṇīkāntaragataḥ śrīśākinīvallabhaḥ|
prāṇiprāṇanidānagaḥ paraśivaḥ sampātu sañcāragaḥ||79-8||

saṃhārojjvalakāntikāntanikaraṃ saṃhārakūpojjvalaṃ|
tejorūpamahāśikhāsukhapadaṃ pīyūṣatailapriyam|
tārādhīśadineśataijasamayaṃ māyāparādodyamaṃ|
vidyāvallabhabhāvasāravinutaṃ dve patramitre bhaje||79-9||

ākāśāgre prabhāgrogragamanadharaṇīdhārasāre pracāre|
śrīnātheśaḥ kṣitīśaḥ pracuravidhumaṇiśreṇimālāgrakaṇṭhaḥ|
śrīkaṇṭho nīlakaṇṭhaḥ prabhavati bhuvanānandakartārthakartā|
vidyā śrīhākinīśaḥ sphaṭikamaṇigṛhe raktaśaktyā ca haṃsaḥ||79-10||

puro vibhāti kaṇīkāsumadhyacakramaṇḍale|
viśiṣṭaśaktihākinī tathāpi durgatāriṇī|
yadīha bhāvyate naraiḥ sumantratantragāyanai--|
stadā paratvamāpnuyāddavi sthiro bhavedṛte||79-11||

dvidalakamala madhye hākinī devamātā|
vibhavanavakumārī yoginī yogasiddhā|
yadi carati viliptā cordhvamārge niṣaṇṇā|
tribhuvanakaruṇābhiḥ sādhakasya prasannā||79-12||

japaraṭiparamantraprāṇajāpī manuṣyo|
bhavati vimalacetā hākinīhomadevyāḥ|
manumapi hṛdi nityaṃ saṃvibhāvya pratiṣṭhaḥ|
parapurakulagāmī dhyānavijñānapuṇyaḥ||79-13||

viṣayamadhuratṛṣṇāvajīto nijītāriḥ|
kulayugakamalāntaḥ suprakāśasvarūpaḥ|
vidhikṛtakuladoṣaṃ bhāti nijītya doṣaṃ|
ratipatisamakāntaḥ sādhako niṇītāntaḥ||79-14||

japati manudhanārthaṃ bhrāntihomotsavārthaṃ|
manujakulavareṇyo'nyāni kālyā vihāya|
ayutaśatasumantrānnāśapuñjākṣarāṇi|
prasavati ripuhantā sādhako hākinīśaḥ||79-15||

paraśivanavabhāvaprāvaṇāntaḥpraveśī|
dvidalakamalaśobhā koṭisaṃbhāṣayantī|
nijakulaparidevairbhāvyate bhāvamānai--|
rbhavati capalamādyā hākinī suprasannā||79-16||

ājñānāma supaṅkajaṃ vidhuśatāhlādaprabhāpāṭalaṃ|
vidyudraśmibhirunnataṃ dhavalapīṭhānandacidrūpadam|
hastābhyāṃ kanakaprabhādīptābhyāṃ prakāśojjvalaṃ|
hākinyākalābhayāpracalitaṃ dhyāyet parānandanam||79-17||

dhyānajñānādidhāma pracayati jayati kṣobhitāriprasārī|
hastābhyāṃ hemabhābhyāṃ taruṇaraviśaśīśobhitābhyāṃ vidhāya|
sūkṣmātsūkṣmātisūkṣmaṃ viracayati sudhāṃ hākinī prāpya nāthaṃ|
koṭīndukṣemakāntiprasabhadhanarasā nanditāmabhrapīṭhe||79-18||

dhyāyed devīṃ parāḍhyāṃ tribhuvanajananīṃ ṣaṇmukhīṃ vedahastāṃ|
vidyāmudrāviruṇḍaṃ japavaṭiḍamaruṃ dhārayantīṃ jvalantīm|
cetaḥ śāntipradātrīṃ vidhumaṇimukurāṃ bhīṣamānāṃ samānāṃ|
ṣaṭkoṇe bindumūle yugadalakamale dvārayugmadvayāḍhye||79-19||

etaccakrasya madhye sakalasuragaṇavidyutākāradīptā|
nityaṃ saṃbhāti pārśvāvadhikamalamahāmaṇḍalākārabhāve|
doṣāśeṣāpanāśe sakalabudhajanaiḥ śobhitā padmamālā|
prāṇākhyā vahnijihvā sukhamayāvimalā yoginī yogamukhyā||79-20||

manoyogacinhaṃ prasiddhaṃ susūkṣmaṃ|
śubhe padmamadhye śikhākāracittam|
mahāyonicakre priye kaṇīkāyāṃ|
śivasthānamugraṃ vaśī vīkṣya śuklam||79-21||

mahāvidyutākāraṇaṃ bhāsamānaṃ paraṃ brahmasūtraprabodhaṃ vinodam|
mahākaulamārgaṃ sthiraprāṇabuddhiḥ krameṇaiva taccintayet sādhakendraḥ||79-22||

mahāvedasūtrādibījaprakāśaṃ|
śatānandacandraprabhaṃ bhāvyamānam|
vibhāvyāśu nāthapriyaṃ pañcacūḍaṃ|
mahāmokṣagāmī jitakrodhakāmaḥ||79-23||

ya etat svacittānvitaḥ sādhakendro|
vibhudhyānayuktaḥ priyātmā mahātmā|
pure śīghragāmī parāṇāṃ narāṇāṃ|
munīndraḥ kṣitīndro mahāvedavaktā||79-24||

dvidhā bodhavijñānaśūnyo vareṇyo|
bhavet sarvadarśī sa sarvajñarājaḥ|
sadā pūrṇasiddhiprasiddho'rihantā|
mahāsṛṣṭisaṃhārapālādikartā||79-25||

kṣaṇādāvibhāvya prabhurdīrghajīvī|
sudhīḥ sarvaśāstrārthavettā sumantrī|
mahājñānayukto bhavedekacitto|
balī bāṇatulyo vidhātuḥ praśasyaḥ||79-26||

svacakramaṇḍalāntare trikoṇabhūmibimbake|
tadantare ca ṣoḍaśacchadā vibhānti vāmake|
supatrake manohare pradīpabhāśikhākṛti--
rmahojjvalā sphu(ra)tprabhā caturgṛhaṃ tato bahiḥ||79-27||

praṇavaviracanābhiḥ śobhitaṃ cakrarājaṃ|
tadupari vilasacchrīcandrakhaṇḍaprakāśaḥ|
tadupari vigalad bindukānto makāra--|
stadupari śitanādo bhāti pīyūṣapuñjaḥ||79-28||

dhyāyedyaḥ kramataḥ sudhīḥ priyapadālīne iha kṣetrake|
badhvā cetasi bhāvapuñjanikarāṃ śrīnāthasevoditām|
yogīndroditayogaśāsananirālambāṃ parāṃ sādarā--|
mabhyāsānniyataṃ vaśī paranara ugrāṃ kalāṃ paśyati||79-29||

tanmadhyāntaḥ prakāśāmativimalakalāmādivātmaprakāśā--|
mādyakṣe svapratiṣṭhāmatisukhavibhavāmāśraye sthānasiddhām|
hākinyāṅghraprabhāmaṇḍala kamalamahārūpalāvaṇyadhairyaṃ|
saubhāgyaṃ dhyānaniṣṭhe vilasati madhuraṃ dhyānamāropayāmi||79-30||

jvalatkoṭidīpākṛtisnehajālaṃ
vahantaṃ raṭantaṃ navīnārkakāntam|
sphurajjyotirākāśapṛthvīndumadhyaṃ
bhaved vai mahendro vilokyāśu yogī||79-31||

ihānandabāhye pareśo hi sākṣān mahāpūrṇabhūtiprabhāvo'vyayo hi|
mahāvahnicandrārkasanmaṇḍalo vā mahāviṣṇucakropari śrīhariḥ syāt||79-32||

mahāviṣṇuyogī mahāyogayogīndrasevyaṃ mahendraḥ|
vilokyāśubhannārthatantrapratāpaṃ tadā tadviśatyatra pañcatvakāle||79-33||

layasthānamākāśavāyoratīva pratāpapriyasyāñjanasyāśu paśyet|
mahānādarūpaṃ tadūrdhve śivārdhaṃ viśālākṣarūpaṃ śivākāramānam||79-34||

suśāntaṃ mahāntaṃ dharākāntalāntaṃ varaṃ dātumutphullahastāravindam|
sabhītipradaṃ śuddhabuddhaprabodhaṃ dayādānakartāramāpaśyatīha||79-35||

gurūṇāṃ padāmbhoruhāhlādalīno janaḥ paśyati prāṇanāthaṃ pareśam|
dineśaṃ rameśaṃ dhaneśaṃ nareśaṃ sa yogī nirogī mahāśuddhaveśam||79-36||

sa vācāṃ susiddhiṃ samāpnoti śuddhiṃ|
varaṃ kāmalakṣmīśvaratvaṃ mahattvam|
na bhūyāt triloke punarjanmabhāvaḥ|
sadā gāyati śrīpatirnārado vā||79-37||

śrīānandabhairava uvāca na śrutaṃ devi kalyāṇi hākinīkūṭamantrakam|
tathā pūjāvidhiṃ dhyānaṃ japaṃ vāyuvinirgamam||79-38||

ityādiyogaṃ stotrāṇi sahasranāmamaṅgalam|
tathā śrīvaranāthasya kṛpayā vada sundari||79-39||

iti śrīrudrayāmale uttaratantre mahātantroddīpane siddhamantraprakaraṇe bhairavabhairavīsaṃvāde śākinīmantroddeśo nāma ekonāśītitamaḥ paṭalaḥ||79||

Video laden

YouTube

YouTube sammelt möglicherweise persönliche Daten. Datenschutzrichtlinie

Fortfahren Ausblenden

Kapitel 80

athāśītitamaḥ paṭalaḥ

śrīānandabhairavī uvāca śṛṇuṣva paramānandahetupānapriyaṅkara
atyadbhutaṃ parasyāpi hākinyā mantrameva ca||80-1||

trayāśītitame nātha paṭhanāhlādasāgare|
rahasyaṃ paramānandavardhanaṃ kāmadaṃ manum||80-2||

asyāpi bhāvakartā yaḥ sa yogī na tu mānuṣaḥ|
atividyā cātidhanaṃ mahārājyaṃ sadāśiva||80-3||

asyārādhanamātreṇa svayameva samāpnuyāt|
iti hetoḥ saṅkathaye mantroddhāraṃ krameṇa tu||80-4|| atyadbhutaṃ jñānanidānabhāvadaṃ|
mahāmanuṃ mānasajāpamāśrayam|
analpavijñānanidhipradaṃ śubhaṃ|
puṇyaṃ pavitraṃ śṛṇu bhairavendra||80-5|| tāraṃ brahma manuṃ śmaśānasahitaṃ śambhuṃ vibhuṃ hāntakaṃ|
bhāntaṃ rāntajalaṃ hutāśanamayaṃ vāyuñca vāmākṣiṇam|
vāyorakṣarasaṃyutaṃ tripurayā śrīkāmakūṭānvitaṃ|
cānte hākini devi vahniyuvatī mantro'yamānandadaḥ||80-6|| bhāṣāmārakalāramāvadhuyutā devī śivapreyasī|
vidye hākinī tāramantrapuṭitaṃ māyāgnijāyānvitam|
yogendrāvanataṃ mahendrajapitaṃ śvāsābhirucchvāsitaṃ|
ye dhyāyanti mahītale priyamayī bhāryā patipremagā||80-7|| ākāśaṃ vahnikūṭaṃ vadhuśivadayitāśaktikāmatrikūṭaṃ|
hākinyai paranāthabhāsuraguroḥ śaktyai namo'gnipriyā|
hākinyāḥ premamantraṃ japati yadi sudhī rājarojeśvaraḥ syādānandābdhau nimagnaḥ pracayati kiraṇaṃ bhāvarāśiprakāśam||80-8|| dve lakṣe mantrasiddhirbhavati nijakule kāmadhenusvarūpaḥ|
kṣetrajñaḥ kṣetravijño vaśayati jagatāṃ bhāvasāraṃ narendraḥ|
vidyābījaṃ ramāḍhyaṃ suradhunisahitaṃ kāmakūṭaṃ tadante|
śabdākhyaṃ brahmatattvaṃ taruṇi bhuvaneśi pretya hākinīṃ śrīm||80-9|| svāhānto mantrarājaḥ sakalasurapadānandito bhāvapūjyaḥ|
mahāmantraṃ pravakṣyāmi yena siddho bhavennaraḥ||80-10|| śivamantraṃ hākinīśa paranāthasya bhūpateḥ|
yasyārādhanamātreṇa mṛtyujetā na saṃśayaḥ||80-11|| pretabījaṃ samuddhṛtya viṣabījaṃ tataḥ param|
vahnibījaṃ kālakūṭabījaṃ tu tadanantaram||80-12|| atyantaṃ duḥkhajālaṃ me hana yugmaṃ vidāraya|
yugalaṃ kāmakūṭaṃ tu saṃhārabījameva ca||80-13|| śivabījaṃ tadante tu haṃsaḥ so'haṃ tato vadet|
svāhāntamantro japto hi lakṣamātraṃ maheśvara||80-14|| kumbhakaṃ recakaṃ kṛtvā dhārayet pavanaṃ śubham|
evaṃ kṛtvā mahādeva śivānandaṃ prakṛtya ca||80-15|| mahāpralayakāle'pi susthiro bhavati dhruvam|
tasyāpi hastakamale sadā tiṣṭhanti siddhayaḥ||80-16|| japitvā yugalakṣaṃ tu yatnena parameśvara|
vāksiddhiṃ devaloke tu gamanaṃ nijadehataḥ||80-17|| tasya darśanamātreṇa lokāḥ syuhī nirogiṇaḥ|
aṣṭādaśalakṣajapād brahmāṇḍabhedako bhavet||80-18|| sahasrāre mano yāti tasyaiva nātra saṃśayaḥ|
tadā saṃsārasaṃhārapālanasṛjanāspadaḥ||80-19|| tasya saṃsāraṃ sakalaṃ koṭibrahmāṇḍameva ca|
anayormantrajāpena siddhārthavad bhavet kaviḥ||80-20|| sarvaśāstrārthavedārthasāṅkhyārthādiṣu pāragaḥ|
tasya sākṣānmūtīmanto vibhānti purato dhruvam||80-21|| vāramekaṃ kadācidvā cāyāti mukhapaṅkaje|
catuvīdhā muktiḥ kāmasiddhayaḥ sarvadā hṛdi||80-22|| vibhānti hi kimanyadvā kathituṃ śakyate mayā|
valānte rāmaputraḥ syāt saśrīkaḥ kṛṣṇa eva saḥ||80-23|| kṛṣṇānte rāmanāma syāt bhūpateḥ pālako bhavet|
śrīrudrasya paradevadevasya supriyo bhavet||80-24|| navānte dvīpa--rāśīnāṃ caturyāmalapāragaḥ|
catuḥṣaṣṭitantravettā cet kāmanagare sthitaḥ||80-25||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe|
bhairavībhairavasaṃvāde bhedopakramo nāma aśītitamaḥ paṭalaḥ||80||

Kapitel 81

athaikāśītitamaḥ paṭalaḥ

śrīānandabhairavī uvāca atha vakṣyāmi lokeśa mantroddhārāntakālake|
hākinyāḥ paranāthasya sādhanaṃ pūjanaṃ śṛṇu||81-1||

trayāśītitamānte tu caturaśītitame mama|
paranāthasya hākinyā yajanaṃ cādbhutaṃ mahat||81-2||

aprakāśyaṃ mahāgopyaṃ sārātsāraṃ parātparam|
bhrūpadmabhedanādīnāṃ kramaṃ śṛṇu maheśvara||81-3||

yo hi jānāti bhrūmadhye bhrūpadmabhedanakramam|
sa mamāgre samāyāti jīvanmukto bhavārṇave||81-4||

tatkramopakramajñānaṃ mahāpātakanāśanam|
akasmāt siddhidaṃ nityaṃ sadānandapadapradam||81-5||

bhāryā bhavati kāmeśī lakṣmīnātho bhaved dhruvam|
ānandabhairava uvāca atha rājyakriyāsāraṃ kena prāpnoti bhūtale||81-6||

rājatvaṃ śiṣyavargāṇāṃ bhedanaṃ kena vā bhavet|
sākṣāt siddhikramajñānaṃ bhrūpadmabhedanakramam||81-7||

kṛpayā vada me śīghraṃ yadi śraddhā dayā mayi|
ānandabhairavī uvāca vistārya kathayāmyatra sārasaṅketamaṅgalam||81-8||

śrīgurorvadanāmbhojanijamantraprakāśitam|
śrutvā yogī yogayogyo bhavatyeva na saṃśayaḥ||81-9||

adhomukhe bhāti mahāraviprabhā|
granthipracaṇḍoparivārakābhiḥ|
śanaiḥ śanairbhedanayogakāle|
prayatnamākṛtya bhaveddhi yogī||81-10||

baddhamekāsanaṃ kṛtvā cittamāropya yatnataḥ|
bhrūpadmanikare śobhāmaṇḍalānandapūrite||81-11||

sattvagranthipadaṃ bhitvā sthiracetā bhaved dhruvam|
akālamṛtyuḥ kuta eva tasya|
prabhākarajñānaniketaśobhau|
ākāśagāmī bhuvanādhikārī|
sthirāśayaḥ premakalāpagāmī||81-12||

saptasu granthimukheṣu devatāḥ saptadhā mudā||81-13||

vibhānti yogirakṣāyai yogamāyāvaśāya ca|
sthiramāyā yogamāyā kālamāyā ca lākinī||81-14||

devamāyā dharmamāyā vimāyā sapta devatāḥ|
granthimadhye ratnavarṇā nirmalānandadāyikāḥ||81-15||

sattvagranthirmahādeva ākāśāgrati bhāti hi|
ādau tasyāpi bhedañca ekaikakramayogataḥ||81-16||

sūkṣmavāyukrameṇaiva bhitvā ca yogimaṇḍale|
śīghraṃ yāti mano yasya sa vīro na tu mānuṣaḥ||81-17||

granthināmāni vakṣyāmi sāvadhāno'vadhāraya|
khaginī drāviṇī dhūmrā kaṭhinā karkaṭī tathā||81-18||

śyāmalā kapilā sapta granthirūpapratiṣṭhitā|
khaginīmantramuccārya sūkṣmaśvāsakrameṇa tu||81-19||

ūrdhvamārge vihāyāpi hyaṣṭottaraśatena ca|
praṇavaṃ bhuvaneśānī khaginībījameva ca||81-20||

bhedā bhedā bhavānte tu punaḥ khaṃ bījameva ca|
astrāntaṃ mantramuccārya bhedane ca dṛḍho bhavet||81-21||

drāviṇīmantramuccārya sūkṣmamārgeṇa bhairava|
japedaṣṭottareṇāpi śatamantreṇa sarvadā||81-22||

praṇavaṃ paramābījaṃ brahmabījaṃ tato bahiḥ|
vāgbhavaṃ drāviṇībījaṃ granthidrāvayayugmakam||81-23||

svāhāstryantaṃ mahāmantraṃ dhyātvā dhyātvā punaḥ punaḥ|
japtvā bhrūdalasūkṣmadṛṣṭyā vilokya bhrūdalāntaram||81-24||

akasmād bhedamāpnoti kiṃ bandhakleśataḥ prabho|
dhūmrāmantraṃ pravakṣyāmi yena siddho bhavennaraḥ||81-25||

praṇavaṃ kamalābījaṃ devībījaṃ tataḥ param|
dhūmrābījaṃ tadante tu mṛtyunāśini śabdataḥ||81-26||

granthiṃ hanayugānte tu cāstrāya phaḍiti sthitiḥ|
iti mantraṃ sahasraṃ vā śataṃ vāṣṭottaraṃ japet||81-27|| cakrāsanamupākṛtya bhekāsanamathāpi vā|
bhruvorantargataṃ padmaṃ dvidalaṃ cārumaṇḍalam||81-28|| tadantare kaṇīkāyāṃ mahāpīṭhaṃ vicintayet|
binduṣaṭkoṇamālikhya trikoṇasthāntaraḥ sudhīḥ||81-29|| tadvahiḥ saptabhūrekhaṃ vicintya paṅkajaṃ śubham|
divyaṃ śatadalaṃ vidyutkoṭikāntisamaprabham||81-30|| patre patre mahāmudrāsthānaṃ paramadurlabham|
divyasthānaṃ parīvārasthānaṃ dhyātvā punaḥ punaḥ||81-31|| kaṇīkāyāṃ tato dhyāyed hākinīparameśvaram|
kaṭhināmantramāvakṣye granthibhettā bhavedanu||81-32|| yena yogakrameṇaiva śāstrajālaṃ vaśaṃ nayet|
praṇavaṃ vāgbhavaṃ māyā ramā kāmastataḥ param||81-33|| kaṭhinagranthi chedayeti yugalaṃ parameśvari|
māyāstrāya phaḍantāya mahāmantra udāhṛtaḥ||81-34|| śatamaṣṭottaraṃ nityaṃ sahasraṃ vā japed budhaḥ|
adho muṇḍāsanaṃ kṛtvā tatra padmāsane viśet||81-35|| bhrūpadme cittamāropya mahāpīṭhe manorame|
pīṭhaṃ trikoṇamadhye tu binduṣaṭkoṇameva ca||81-36|| tadvahiḥ saptabhūbimbaṃ tatra padmaṃ vicintayet|
raktaṃ śata dalaṃ padmaṃ caturdvāraṃ taduttare||81-37|| patre patre keśarāṇi trīṇi trīṇi krameṇa tu|
brahmaviṣṇumaheśādirūpāṇi paricintayet||81-38|| karkaṭīmantramāvakṣye sākṣādbhūmivibhedanāt|
brrahmabījaṃ māyāśabdaṃ māyākarkaṭīśabdataḥ||81-39|| kūṭagranthiṃ bhedayeti dvayaṃ kāmakalā tataḥ|
astrāya phaḍiti khyāto mahāmantrottamottamaḥ||81-40|| śatamaṣṭottaraṃ dhyātvā mantraṃ cicchaktimaṇḍale|
śyāmalāmantramāvakṣye bhairaveśa mahāprabho||81-41|| śṛṇuṣvārādhaya jñānaṃ sārvajñasiddhidāyakam|
praṇavaṃ kālikābījaṃ trivāramuccaret sudhīḥ||81-42|| tadante māyāyugalaṃ śrībījaṃ tadanantaram|
tadante śyāmalābījaṃ dṛḍhagranthivibhedinī||81-43|| vilaṃ nirmalaṃ śabdānte mā kuru dvayameva ca|
kāmāstrāya phaḍiti ca mantrasāraḥ prayogadaḥ||81-44|| śatamaṣṭottaraṃ jāpyaṃ pratyahaṃ cāsanasthitaḥ|
śanaiḥśanaiḥ siddhiyukto jñānī maunī mahāguṇī||81-45|| bhavet sādhakamukhyaśca mama dehāśrito bhavet|
kapilāmantramāvakṣye śṛṇuṣva bhairaveśvara||81-46|| praṇavaṃ bālābījaṃ tu kapilābījamuttamam|
tāṃ tu granthiṃ bhedayeti yugalaṃ chedayeti ca||81-47|| cittaṃ me bhūgṛhe paścāt samāropaya yugmakam|
punastu kapilābījaṃ māyābījaṃ tato vadet||81-48|| ramāstrāya phaḍanto'yaṃ mahāmantrottamottamaḥ|
śatamaṣṭottaraṃ vāpi sahasraṃ prajaped yadi||81-49|| dvimāsā saptagranthīnāṃ bhettā syād bhairavo yathā|
iti granthibhedanasya kramajñānamudāhṛtam||81-50||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavī-- bhairavasaṃvāde bhrūpadmasaptagranthibhedo nāma ekāśītitamaḥ paṭalaḥ||81||

Kapitel 82

atha dvyaśītitamaḥ paṭalaḥ

śrīānandabhairavī uvāca atha kānta pravakṣyāmi sādhaya tvaṃ sadā niśi|
hṛdi siddhāntavijñānaṃ siddhimaṣṭāṃ yadicchasi||82-1||

gopaya tvaṃ prayatnena sacchiṣye ca nivedaya|
duṣṭebhyo vañcakebhyaśca putrebhyo na prakāśaya||82-2||

nirjane prātarutthāya prātaḥ kītīṃ samācaran|
dehabāhyasnānamādau kṛtvā ca sādhakottamaḥ||82-3||

āsanañca gopanīyaṃ pratyekenāpi kārayet|
pūrvoktayogacihnāni āsanāni samācaret||82-4||

ādau śrīmatsyakūrmāmbujavikaṭakaṭasvastikendrāsanāni|
citrātharvāpavargānana viṣamasamācandratājñānadāni|
kokāvāktāmracūḍāśavabhagamṛgabhīmādyavīrotkaṭāni|
krodhākṣatrāṅgasiddhāhigarumukuṭāyonibhekāsanāni||82-5||

catustriṃśatsaṃkhyāghaṭitakavalaṃ cāsanamiha|
prabuddhaṃ dehasya kṣayamaraṇaśaṅkāvirahitam|
mahacchabdenāḍhyaṃ yadi gaditasatratrayamiti|
prabhāte madhyāhne niśi vikurute yogahṛdayaḥ||82-6||

gaurī gauravaguvīṇīndriyamahāgārhāgnidā yogadā|
yogānantabhavadguṇānugamanāḥ ko vā samartho makhaiḥ|
yasyāstāṃ savitā dadhāti matimān pādāmbujaṃ komalaṃ|
hākinyāḥ paranāthadevavapuṣaḥ sambhāvya sampūjyate||82-7||

etānyāsanamūlāni kṛtvā dṛḍhataraḥ sudhīḥ|
nirjane pūjanaṃ kuryād yadi kalyāṇamicchati||82-8||

divyaśaṅkhahastapadmo yogī yogamupāśrayet|
āsanānte mahāpadmāsanaṃ kṛtvā'rcayenmudā||82-9||

iti yogābhyāsakāla idānīṃ yajanaṃ śṛṇu|
bāhyapūjāṃ samāpyādau hṛdyantaryajanaṃ caret||82-10|| yogābhyāsavidhijñānamiti śāstrārthaniścayam|
pūjānirghaṇṭanaṃ nātha śṛṇu saṃkṣepataḥ prabho||82-11|| tadante tu pravaktavyaṃ pūjāvidhānamantrakam|
sadābhyāsena yogena jīvanmuktipadaṃ labhet||82-12|| ādāvācamanaṃ nātha tadante jalaśodhanam|
āsanādiśodhanaṃ tu cakramaṇḍalabhāvanā||82-13|| śikhāgranthibandhanaṃ tu pīṭhanirmāṇameva ca|
puṣpaghaṇṭāśodhanaṃ tu śaṅkhaśodhanameva ca||82-14|| pīṭhapūjā hṛdi dhyānaṃ bhūtaśuddhistataḥ param|
nyāsajālaṃ tataḥ siddhapuruṣāṇāñca bhāvanam||82-15|| punardhyānam ṛṣidhyānaṃ hākinīparadevayoḥ|
jīvasaṃskāramevaṃ hi jīvadānaṃ tataḥ param||82-16|| mahāmudrādarśanaṃ tu cāvāhanādimudrayā|
pādyamarghyasthāpanaṃ tu kṛtvā yugalameva ca||82-17|| pādyādibhiḥ pūjanañca maṅgalaṃ sopacārakam|
daśopacāraṃ pañcopacāraṃ mūlena kārayet||82-18|| aṣṭādaśopacāraṃ tu mahābhaktyā nivedayet|
ṣoḍaśopacārayuktaiḥ pūjayed vāpi sādhakaḥ||82-19|| tataḥ prāṇāyāma yugmaṃ kṛtvā ca sādhakottamaḥ|
japet sahasraṃ śataṃ vā cāṣṭottarasamanvitam||82-20|| trilakṣaṃ lakṣamekaṃ vā japenmantramananyadhīḥ|
japasamarpaṇaṃ kṛtvā prāṇāyāmatrayaṃ caret||82-21|| tato hi vandanaṃ stotrakavacaṃ sarvadā japet|
sahasranāmasantānaṃ cāṣṭottaraśatānvitam||82-22|| paṭhitvā bhedamākṛtya naro yogīśvaro bhavet|
śravaṇāddarśanājjñānānmayi bhāvānukīrtanāt||82-23|| yādṛśī jāyate śraddhā sannikarṣaṃ tamālabhet|
trilakṣaṃ japamākṛtya taddaśāṃśena homayet||82-24|| taddaśāṃśatarpaṇaṃ tu taddaśāṃśaṃ cābhiṣekam|
taddaśāṃśaṃ viprabhojyaṃ kumārībhojanaṃ tathā||82-25|| kumārīyajanaṃ tatra kumārītantramāpaṭhet|
kumārīsahasranāmāni paṭhedāvaśyakaṃ naraḥ||82-26|| tataḥ kulakriyāṃ kuryādyogī yogeśvaro bhavet|
ādyāśaktiprabhāvaḥ syāttasya hṛtpadmamaṇḍale||82-27|| yathā mūle svādhiṣṭhāne maṇipūre yathā mama|
hṛtpaṅkaje yathā pūjā yā pūjā kaṇṭhapaṅkaje||82-28|| sā pūjā bhrūmahāpadme mama mantreṇa kārayet|
tadāyeṣvatha santoṣaḥ prītivṛddhiḥ sadā mama||82-29|| mama santoṣamātreṇa granthibhettā svayaṃ bhavet|
trirācamanaṃ kuryānmūlamantreṇa śaṅkara||82-30|| tathā cācamanaṃ vāramekaṃ kṛtvā mahāsudhīḥ|
tato jalaṃ śodhayed vai mūlānte jalabījakam||82-31|| nirmalaṃ candrakhaṇḍena sugandhicandanena ca|
militaṃ śodhayānandabhairava prāṇabhairavī||82-32|| etanmantreṇa saṃśodhya cāsanaṃ pariśodhayet|
āsane saṃsthite devi kūrmacakranivāsinī||82-33|| mamāsanaṃ śodhaya tvaṃ siddhide parahākini|
evaṃ saṃśodhya manunā bhāvayeccakra maṇḍalam||82-34|| trailokyavyāpinaṃ yogimahāviṣṇusumaṇḍalam|
atyuccaṃ sarvadā dhyātvā tasyopari nijāsanam||82-35|| vibhāvya pūjayed devīṃ bhrūpīṭhacakramaṇḍale|
śikhābandhanamantraṃ tu śṛṇu bhairava bhūpate||82-36|| yasyāpi kāraṇenāpi palāyante'tivighnadāḥ|
praṇavañca śikhābandhavālaṃ bandhayadvayam||82-37|| tāraṃ māyāstrāya phaṭ ca mantro'yaṃ jñānidurlabhaḥ|
praṇavānte vāsagranthiṃ bandhayāmi namo dviṭhaḥ||82-38|| pīṭhanirmāṇamāvakṣye sāvadhāno'vadhāraya|
trikoṇābhyantare binduṣaṭkoṇaṃ saṃllikhet sudhīḥ||82-39|| tadante saptabhūbimbaṃ tataḥ śatadalāyuta|
caturdvāraṃ samālikhya mantrasaṃskāramācaret||82-40|| vistīrṇatāmrapātre tu likhet svarṇaśalākayā|
athavā raupyalekhanyā cāthavā bilvakaṇṭakaiḥ||82-41|| yantraṃ nirmāya saṃskāraṃ kuryācchrītattvamudrayā|
praṇavaṃ yantrarājaṃ tu rucirekhāsamākulam||82-42|| yoṣitpriyatarākāraṃ kulapīṭhaṃ praśodhaye|
svāhāntaṃ mūlamuccārya raktavarṇaṃ vicintayet||82-43|| śuklacandanasāreṇa raktacandanakena vā|
kuṅkumenāpi saṃllikhya cānena saṃskriyāṃ caret||82-44|| puṣpaśodhanamāvakṣye praṇavaṃ bhuvaneśvarīm|
śodhayāmi varaṃ puṣpaṃ sugandhaṃ raktapāṭalam||82-45|| śvetaṃ pītaṃ nīlakṛṣṇaṃ kusumaṃ gandhasāgaram|
śodhayāmi yugaṃ svāhā mantreṇānena śodhayet||82-46|| praṇavaṃ śabdabījaṃ tu cākāśabījasecanam|
ghaṃ ghaṇṭāṃ śodhayāmyadya varadā bhava hākinī||82-47|| pīṭhe sampūjayed bhaktyā sādhakendro na cānyadhīḥ|
ṣaḍdale ca raktavarṇāṃ pūjayet pīṭhanāyikām||82-48|| kamalā sundarī ramyā mohinī haramekhalā|
tejorūpā śikhāvahnijvālākālānaleśvarī||82-49|| samayā ramaṇī bhīmā ratiḥ kāmasarasvatī|
vīṇāvatī madhumatī vāmanākaṣīṇī tathā||82-50|| īrā śuddhātmikā bhadrā śāntinīrmālyavāsinī|
arundhatī ca sāvitrī kiraṇācchādinī tathā||82-51|| svāhā svadhā viśālākṣī madanā madanāturā|
bhrāntiḥ prabhāvatī jñānadātrī vijñānadāyinī||82-52|| kokilākṣī kuraṅgākṣī bodhinī saptamaṇḍalī|
hiraṇyā mandirā cetaḥ śuddhidā siddhidā tathā||82-53|| mandākinī bṛhadgaṅgā siddhā bhogavatī tathā|
taraśminī ca mohā ca triveṇī mūrtadhāriṇī||82-54|| gurvī taraṅgapūjyā ca vimalā tripurā parā|
tritārī tāriṇī bhadrakālikā granthibhedinī||82-55|| ratnamālā pāpaharā pārvatī mānasīśvarā|
bhagamālinyumā devī devamātā kalāvatī||82-56|| pañcānanā kālajitvā dṛptā pañcaśikhā tathā|
madīnī raṇamātaṅgī khaḍgahastā hasanmukhī||82-57|| padmamālā kiṅkiṇī ca dharitrī ca vasundharā|
phālgunī pañcapīṭhasthā dīptā ghoṣayasālasā||82-58|| pavitrā dhūminī dīrghajaṅghā vyāghramukhī tathā|
kātarā taruṇī hakṣā hākinīndrāvatī jayā||82-59|| jayadā pūjitā etāḥ śatacchadaniketane|
parāśaktiṃ pūjayitvā mantraśaktiṃ prapūjayet||82-60|| taralā cañcalā dhātrī cāruṇā sūryagā dayā|
smṛtirdīkṣā dhāraṇākṣā daṃśinī bhadrakālikā||82-61|| ṣaṭkālatāriṇī rudravalitā varṇarūpiṇī|
etāḥ pūjyā mahādeva yoginyo mantraśaktayaḥ||82-62|| hṛdi dhyānaṃ pravakṣyāmi dhyānātmā sādhako yataḥ|
mahābījaṃ raktavarṇaṃ vibhāvaya na ... ... ...||82-63|| mahāsundararūpaṃ tu koṭisūryasamaprabham|
vibhāvya manasā yogī bhūtaśuddhiṃ samācaret||82-64|| vahninā dahyamānaṃ tu dehaṃ dhyātvā punaḥ punaḥ|
vāyunā śoṣya dehaṃ tu jalenāplāvayan punaḥ||82-65|| mūlamantreṇa sarvāṅgaṃ sudhāsāgarasambhavam|
dhyātvā divyamayaṃ paścānmanaḥpūjāṃ samācaret||82-66|| nyāsajālaṃ pravakṣyāmi sādhakānāṃ hitāya ca|
nyāsajālaprabhāveṇa sādhako yogirāḍ bhavet||82-67|| acchedyābhedyakāyaḥ syānmṛtyujetā svayaṃ bhavet|
ṛṣimātṛkaranyāsaṃ cāṅganyāsaṃ tataḥ param||82-68|| ācaret pūrvavad bhaktyā mūlaṃ cādyākṣareṇa ca|
sadāśiva ṛṣiḥ prokto gāyatrīcchanda eva ca||82-69|| devatā hākinī devī paranāthapriyaṅkarī|
devatā klīṃ bījasāraṃ kīlakaṃ mūlameva ca||82-70|| śīrṣe mukhe hṛdi granthau mūlādhāre ca vigrahe|
ṛṣinyāsaṃ sadā kuryāddhākinī prītivardhanam||82-71|| oṃ padānte ca śirasi sadāśivāya śabdataḥ|
ṛṣaye nama uccārya mukhe śabdaṃ tato vadet||82-72|| gāyatrīcchandase paścānnamaḥśabdaṃ tato vadet|
hṛdi śrīhākinīdevyai paraśaktyai tato vadet||82-73|| devatāyai namaḥ paścānmūlādhāre tato vadet|
klīṃ bījāya namaḥ paścāt sarvāṅge ca tato vadet||82-74|| mūlamāryadevatāyai namaḥ śabdaṃ tato vadet|
tataḥ kuryānmahādeva śṛṇu sarvāṅgasiddhaye||82-75|| hṛdaye hastamāropya śrītattvamudrayā sudhīḥ|
binduyuktaṃ nyasedādau tato dakṣabhuje nyaset||82-76|| ekārādi caturvarṇyaṃ mūlena puṭitaṃ prabho|
binduyuktaṃ dakṣahaste vinyaset sādhakottamaḥ||82-77|| tathā vāmabhuje nyāsamācarenmanu sampuṭam|
ṭhādiḍhāntākṣaraibīndyuktairnyāsaṃ samācaret||82-78|| nādibhāntākṣaraiṃbīnduyuktaiḥ svamanusampuṭaiḥ|
dakṣapāde nyaseddhīmān tato vāmapade nyaset||82-79|| mādikṣāntākṣaraibīndusaṃyutairmanusampuṭaiḥ|
mātṛkānyāsamākṛtya karanyāsaṃ samācaret||82-80|| hrīṃbījena karanyāsaṃ ṣaḍdīrghabhāksvareṇa ca|
evaṃ cāṅganyāsaṃ kāryaṃ vidhānena kuleśvara||82-81|| pūrvoktenāpi sakalaṃ nyāsajālaṃ samāpayet|
tataḥ ṣoḍhā samākuryāddhākinīparadevayoḥ||82-82|| mūlākhyāṃ mātṛkāsthāne nyāsasthānaṃ sulakṣaṇam|
rudraistu prathamo nyāso dvitīyastu grahairyutaḥ||82-83|| lokapālaistṛtīyaḥ syācchivaśaktyā caturthakaḥ|
śaktyādibhiḥ pañcamaḥ syāt ṣaṣṭhaḥ pīṭhainīgadyate||82-84|| mantreṇa puṭitaṃ rudraṃ mātṛsthāne pravinyaset|
śrīkaṇṭho'nantasūkṣmeśa trimūrtīśāmareśakau||82-85|| arghīśo bhārabhūtīśo'tithīśo hi tataḥ param|
sthāṇukeśo hareśaśca jhiṇṭīśo bhautikeśvaraḥ||82-86|| sadyojāteśvaraḥ paścādanugrāheśvarastataḥ|
akrūreśo mahāsenaḥ sūrāṇāmadhipeśvaraḥ||82-87|| krodhīśaścāpi caṇḍeśaḥ pañcāntakeśa eva ca|
śivoktameśaścātrāpi caikarudreśvarastataḥ||82-88|| kūrmeśa ekanetreśaścaturānana eva ca|
ajeśaścāpi sarveśaḥ someśastadanantaram||82-89|| lāṅgalīśo dārūkeśo'rdhanārīśvara eva ca|
umākānteśvaraḥ paścādāṣāḍhīśastataḥ param||82-90|| daṇḍīśo drīśamīneśau megheśastadanantaram|
lohiteśaḥ śikhīśaśca chāgalaṇḍeśa eva ca||82-91|| dviraṇḍeśo mahākāleśvaro vāṇīśa eva ca|
bhujaṅgeśaḥ pinākīśaḥ khaḍgīśastadanantaram||82-92|| bakeśvaraśca śveteśo bhṛgvīśastadanantaram|
nakulīśaḥ śiveśaśca saṃvartakeśa eva ca||82-93|| pañcāśadekayuktāḥ syū rudrādyāḥ krodhabhairavāḥ|
ādau mūlaṃ tato mātṛvarṇamekaṃ krameṇa tu||82-94|| mātṛkāsthānamadhye tu śrīkaṇṭhādīśvarāstataḥ|
caturthyante namaḥ śabdaṃ tato mūlaṃ punaḥ punaḥ||82-95|| iti śrī kaṇṭhavinyāsaḥ kathitaḥ kulabhairava|
tadidānī grahanyāsaṃ śṛṇu vakṣyāmi tattvataḥ||82-96|| hṛdaye ca bhruvormadhye locanatritaye tataḥ|
hṛdaye ca kaṇṭhakūpe galadeśe tataḥ param||82-97|| nābhimūle mukhāmbhoje guhye ca vinyased grahān|
ravisomau maṅgalaśca budho bṛhaspatistathā||82-98|| śukraḥ śanaiścaraḥ paścād rāhuḥ ketustataḥ param|
nyasettu svasvamudrayā mamoktasthānamaṇḍale||82-99|| svaraiḥ sūryaṃ yādirāntaiḥ somaṃ kādiśaraiḥ kujam|
cādipañcākṣaraṃ nātha budhaṃ ṭādiśarairgurum||82-100|| ḍādihāntaistathā śukraṃ pādimāntaiḥ śanaiścaram|
śādihāntaistathā rāhuṃ lakṣādyāṃ ketumeva ca||82-101|| lokapālanyāsamādau vakṣyāmi kulabhairava|
śiromaṇḍalamadhye tu dakṣiṇāvartayogataḥ||82-102|| adhaḥparyantamālyasya mūlena puṭitaṃ sadā|
indrāya śaktihastāya savāhanāya oṃ namaḥ||82-103|| hrasvapañcasvareṇāpi mūlānte saṃnyaset sudhīḥ|
ekādaśasvareṇāpi yuktāya vahnaye namaḥ||82-104|| savāhanāya sarvāstradhāriṇe tādṛśāya ca|
yamāya vāhanasthāya śūlāstradhāriṇe namaḥ||82-105|| kādipañcavarṇasārairmūlena puṭitairapi|
karṇe dakṣiṇamūlordhve hastasya tattvamudrayā||82-106|| yamanyāsaṃ prakṛtyāśu nairṛtye nyāsamācaret|
ādau bījaṃ cādipañcabījānte nairṛtāya ca||82-107|| vaso'dhipataye sarvāstrādivāhanavāhine|
namo'nte mūlamantraṃ tu iti sarvatra bhāvanā||82-108|| mūlaṃ ṭādipañcavarṇaṃ varuṇāya tataḥ param|
savāhanāya sarvāstradhāriṇe nama eva ca||82-109|| tadante mūlamantraṃ tu varuṇāya samācaret|
mūlānte tādipañcārṇa savāhanāya vāyave||82-110|| sarvāstradhāriṇe paścānnamo mūlaṃ tataḥ param|
tataḥ kuryāt kuberasya nyāsaṃ paramadurlabham||82-111|| ādau mūlaṃ pādipañcākṣaramuccārya sādhakaḥ|
kuberāya sarvāstradhāriṇe naravāhine||82-112|| namo'nte mūlamantraṃ tu vāmakarṇopari nyaset|
ādau mūlaṃ pādivāntamīśānāya tataḥ param||82-113|| savāhanāya sarvāstradhāriṇe nama uccaret|
tadante bījavinyāsamīśānanyāsa īritaḥ||82-114|| ādau mūlaṃ śādihāntaṃ śakrordhve hastamarpayan|
adho'nantāya devāya sarvāstradhāriṇe tataḥ||82-115|| savāhanāya hṛcchabdaṃ mūlaṃ cāpi tadantare|
ādau mūlaṃ tato lakṣaṃ brahmaṇe'strādidhāriṇe||82-116|| savāhanāya hṛcchabdaṃ mūlañca tadanantaram|
brahmarandhre pravinyasya brahmajñānamavāpnuyāt||82-117|| iti dikpālavinyāsaḥ kathitaḥ kālabhairava|
śivaśaktinyāsajālaṃ śṛṇuṣva paramādbhutam||82-118|| yasya karaṇamātreṇa ṣaṭcakrabhedako bhavet|
ādau sthānaṃ pravakṣyāmi yatra nyāsaṃ svamudrayā||82-119|| mūlādhārapadmamadhye svādhiṣṭhānāmbuje tataḥ|
maṇipūre mahāpadme hṛdayāmbhojamaṇḍale||82-120|| kaṇṭhe viśuddhapadme ca tathā bhrūpadmaṇḍale|
eteṣu ṣaṭsu padmeṣu śaktiyuktaṃ śivaṃ nyaset||82-121|| ādau mūlaṃ vādisāntaṃ ḍākinīsahitāya ca|
brahmaṇe nama uccārya mūlamantraṃ tataḥ param||82-122|| ādau mūlaṃ bādilāntaṃ rākiṇīsahitāya ca|
viṣṇave nama uccārya mūlavidyāṃ tato vadet||82-123|| ādau mūlaṃ ḍādiphāntaṃ lākinīsahitāya ca|
rudrāya nama uccārya tato mūlaṃ pravinyaset||82-124|| ādau mūlaṃ kādiṭhāntaṃ kākinīsahitāya ca|
īśvarāya namo mūlaṃ vinyaset sādhakāgraṇīḥ||82-125|| ādau mūlaṃ svarān paścāt śākinīsahitāya ca|
sadāśivāya hṛcchabdaṃ mūlamuccārya vinyaset||82-126|| ādau mūlaṃ tato haṃ kṣaṃ hākinīsahitāya ca|
tataḥ paraśivāyānte namo mūlaṃ pravinyaset||82-127|| śivaśaktinyāsamevaṃ kathitaṃ tava yatnataḥ|
idānīṃ śaktivinyāsaṃ kathayāmi śṛṇuṣva tat||82-128|| brahmarandhre lalāṭe ca bhrūmadhye kaṇṭhagahvare|
hṛdaye nābhimūle ca liṅgamūle svamūlake||82-129|| ūrumūle tathā jaṅghāyugale vinyaset sudhīḥ|
pādadvaye tathā guhye yugale pādayostale||82-130|| krameṇa vinyaseddhīmān mūlamantreṇa sampuṭam|
śaktināma śṛṇu prāṇavallabha prāṇarakṣaka||82-131|| śaktirmāyā ramādevī bhavānī dīnavatsalā|
sumanā kākinī haṃsī tathā saṃsāratāriṇī||82-132|| yoginī gopikā mālā vajrākhyā citriṇī tathā|
naṭinī bhāravī durgā ratirmahiṣamadīnī||82-133|| etā aṣṭādaśa(śa)ktimukhyāḥ saṃnyāsakarmaṇi|
ādau mūlaṃ svaraṃ caikaṃ ṣoḍaśādikrameṇa tu||82-134|| tadante śaktimuccārya caturthyantapadānvitam|
namaḥ śabdaṃ tadante tu tato mūlaṃ vadet sudhīḥ||82-135|| kādināntākṣarāṇāṃ tu cādye bījaṃ nidhāya ca|
ratyai namo mūlamantraṃ cāṅguṣṭhaṃ yugale nyaset||82-136|| ādau mūlaṃ pādikṣāntaṃ śaktiñca tadanantaram|
caturthyantaṃ namo mūlaṃ śaktinyāsaḥ samīritaḥ||82-137|| pīṭhanyāsaṃ pravakṣyāmi sāvadhāno'vadhāraya|
mūlādhāre kāmarūpaṃ kāmākhyaṃ liṅgamūlake||82-138|| kāmarājaṃ trikoṇe tu hṛdi jvālandharaṃ tathā|
hṛdyūrdhve madhukarasthānaṃ tadūrdhve gaganākhyakam||82-139|| lalāṭe pūrṇagiryākhyamuḍḍayānaṃ tadūrdhvake|
tadūrdhve śāṅkarīpīṭhaṃ rudrapīṭhaṃ tadūrdhvake||82-140|| tadūrdhve karuṇāpīṭhaṃ conmanīpīṭhameva ca|
rodhanīpīṭhamevaṃ tu bindupīṭhaṃ tadūrdhvake||82-141|| tadūrdhve ratnapīṭhaṃ tu tadūrdhve śukrapīṭhakam|
tadūrdhve vāsanāpīṭhaṃ visargapīṭhameva ca||82-142|| brahmapīṭhaṃ tadūrdhve tu kālīpīṭhaṃ tadūrdhvake|
tadūrdhve tāriṇīpīṭhaṃ ekapīṭhaṃ tadūrdhvake||82-143|| tadūrdhve ca jaṭāpīṭhaṃ piṅgalāpīṭhameva ca|
vārāṇasīmahāpīṭhaṃ bhruvormadhye pravinyaset||82-144|| locanatrayamadhye tu avantīpīṭhameva ca|
māyāvatīṃ mukhavṛtte jihvāgre tu madhūttamam||82-145|| tanmadhye rasanāpīṭhaṃ daṃṣṭrapīṭhaṃ tadantike|
vidyāpīṭhaṃ tadagre tu yoginīpīṭhameva ca||82-146|| kaṇṭhe cāṣṭapurīpīṭhaṃ tathā madhupurītrayam|
bhujadvaye bhogapīṭhaṃ śrīpīṭhaṃ pārśvayugmake||82-147|| udare rahnalāpīṭhaṃ dharmapīṭhaṃ nivītake|
kāñcīpīṭhaṃ kaṭitaṭe devapīṭhaṃ taduttare||82-148|| tadadhaḥ śyāmalāpīṭhaṃ gopīpīṭhaṃ tadantike|
ayodhyāpīṭhacakraṃ tu nābhimūle pravinyaset||82-149|| śmaśānapīṭhaṃ guhye tu śivāpīṭhaṃ tathā tale|
ūruyugme śītale vā pīṭhayugmaṃ pravinyaset||82-150|| raṅkiṇīpīṭhanagaraṃ jaṅghāyugme udāhṛtam|
stanayugme kṣīrapīṭhamaṅguṣṭhe dve pravinyaset||82-151|| kālapīṭhaṃ krodhapīṭhaṃ vinyaset sādhakāgraṇīḥ|
pañcāśadekapīṭhaṃ tu keśāgre rājyapīṭhakam||82-152|| ādau mūlaṃ tato varṇaṃ sthānanāma tataḥ param|
pīṭhanāma caturthyataṃ namomūlaṃ tataḥ param||82-153|| iti pīṭhanyāsamūlaṃ kathitaṃ tava yatnataḥ|
asya karaṇamātreṇa yogī siddhimavāpnuyāt||82-154|| cirajīvī svayaṃ devaḥ prabhākarasamo balī|
yannamanti maheśāni ṣoḍhāpuṭitavigrahāḥ||82-155|| alpāyuḥ sa bhavet sadyo devatā kampate bhiyā|
iti te kathitaṃ nātha ṣoḍānyāsaṃ mahāśubham||82-156|| tataḥ siddhapuruṣāṇāṃ bhāvanaṃ śṛṇu śaṅkara|
mīnanātho guruḥ śrīmān āgastyo devarājakaḥ||82-157|| kālānanaḥ somarājo vīranātho dhanañjayaḥ|
kṛṣṇaḥ kāntamatirbuddhī dharmāvatāra eva ca||82-158|| vaśiṣṭho nāradaścava śukaḥ prahlāda eva ca|
janako bhārgaveśaśca kurukṣetreśvarastathā||82-159|| viśvāmitro bharadvājo maināko merureva ca|
ananto yoganāthaśca mahendro madireśvaraḥ||82-160|| brahmānandaśivānandau sanakānanda eva ca|
sarveśvaraḥ kāmadevaḥ śukrācāryaḥ kuleśvaraḥ||82-161|| iti siddhapuruṣāṇāṃ dhyānaṃ kṛtvā vibhāvayet|
raktavarṇaṃ mahāsattvaṃ puruṣaṃ sarvabhūṣaṇam||82-162|| vibhāvya dhyānamākuryād hākinīparadevayoḥ|
ādau śrīparadevasya dhyānaṃ śṛṇu maheśvara||82-163|| śuklābhaṃ parameśvaraṃ paraśivaṃ sūkṣmātisūkṣmaṃ guruṃ|
sarvā'laṅkṛtavigrahaṃ trijagatāṃ sāraṃ paraṃ nirmalam|
advaitaṃ daśahastapaṅkajatalaṃ śrīdaṃ trinetraṃ śivaṃ|
devendraiḥ paripūjitaṃ sukhamayaṃ saccitparānandadam||82-164|| dhyāyet pañcamukhaṃ mahāstravaradaṃ bhaktaiḥ sadā pūjitam||82-165|| evaṃ dhyātvā paranāthaṃ mānasogropacārataḥ|
pūjayitvā namaskṛtya hākinīdhyānamācaret||82-166|| trailokyotsavavanditāṃ trijagatāmānandapūrṇodayāṃ|
nānā'laṅkṛtabhūṣaṇāṃ sumukuṭollāsaikabījaprabhām|
śyāmāṃ mokṣadavedahastakamalāṃ kāruṇyavārāṃnidhiṃ|
śobhāmaṇḍalamaṇḍitāṃ pathi bhaje śrī hākinīmīśvarīm||82-167|| asyāḥ saptakuladhyānaṃ paścād vaktavyameva ca|
mahāmudrādarśanaṃ tu cedānīṃ śṛṇu bhairava||82-168|| yonimudrā mahāmudrā sarvatantreṣu gopitā|
tayā cāvāhanaṃ kuryāt sādhako niścalātmanā||82-169|| arghyadvayaṃ sthāpayitvā pūrvacakra krameṇa tu|
punardhyātvā tayoḥ pādāmbhoje dadyāt sadāśivaḥ||82-170|| ṣoḍaśopacāradravyaistataḥ sampūjayet sudhīḥ|
ṛṣidhyānaṃ pravakṣyāmi yasya mūghni pravinyaset||82-171|| mūrtaṃ sadāśivaṃ devaṃ nānālaṅkārabhūṣitam|
dvibhujaṃ pītavasanaṃ dharmādharmapradarśakam||82-172|| varābhayakaraṃ śāntaṃ hākinīśirasi sthitam|
vibhāvya pūjayet tatra gandhapuṣpādibhiḥ prabho||82-173|| jīvasaṃskāramāvakṣye yena jīvasthitirbhavet|
svahṛdaye dakṣahaste tatra mudrākrameṇa tu||82-174|| hākinīparadevasya mantraṃ smṛtvā punaḥ punaḥ|
sthāpayāmi svacittaṃ me hākinyā saha sampadaiḥ||82-175|| sthiro bhava mahājīva mamājñāṃ paripālaya|
svāhāntaṃ mantramuccārya jīvaṃ saṃskārayet tataḥ||82-176|| jīvadānamato vakṣye hākinīparadevayoḥ|
ādau śrīhākinīdevyā jīvadānaṃ śṛṇu prabho||82-177|| āṃ hrīṃ krā**** bījamuccārya pūrvavajjīvasaṃsthitim|
ekaviṃśativāraṃ tu hākinīhṛdaye japet||82-178|| svāhāntenāpi manunā jīvasaṃskāra īritaḥ|
evaṃ śrīparadevasya prāṇadānamudāhṛtam||82-179|| punardhyānaṃ pravakṣyāmi śṛṇu bhairava ballabha|
yāṃ dhyātvā sarvagranthīnāṃ svayaṃ bhettā svayaṃ hariḥ||82-180|| arghyavinyāsayugalaṃ śṛṇu bhadrodara prabho||82-181|| vedāṅgojvalanaprabhāṃ trinayanānandaikacittojvalāṃ|
lāvaṇyaṃ priyavākya mohanikarāṃ śrīsanmukhīṃ hākinīm|
caṇḍālāmalabhālamahākhaḍgaprabhāpaṅkaja|
chāyāputravarān bhavān bhayaharāmaśraṃ huyantīṃ bhaje||82-182|| śrīṃ śrīṃ śrīṃ bhairaveśaṃ sukhamayapuruṣaṃ koṭidīpaprakāśaṃ|
koṭyalaṅkārabhūṣaṇaṃ trijagati varadaṃ vyāghracarmāmbarāḍhyam|
yogīndrairyogimukhyaiḥ suravarataruṇaiḥ sarvadā pūjyamānaṃ|
pañcāsyaṃ śūnyacandrāyata bhujakiraṇaṃ yogicūḍāmaṇīśam||82-183|| dhyāye'haṃ śaraṇāgataṃ priyatamaṃ māyāśrayaṃ śaṅkaraṃ|
raupyādriprabhavigrahaṃ śavamukhaṃ śūnyenduvaktrāmbujam|
ṣaṭsthānātraśatārka candrakiraṇaṃ bhāsvattrinetraṃ paraṃ|
nirvāṇākhyapadapradaṃ kulakalānāthaṃ bhaje bhrūdale||82-184|| evaṃ dhyātvā mahādevīṃ hākinīṃ śrīpareśvarama|
nityaṃ svayambhuṃ nāgendraghaṇṭāḍamarunāditam||82-185|| mahākāyakarāmbhojapūjitaṃ pañcacūḍinam|
atisaundaryavadanaṃ nāgendrahāraśobhitam||82-186|| mahātejomayaṃ koṭicandrakāntisphuratprabham|
ghargharadhvanimañjīrahaṃsākārapadāmbujam||82-187|| vṛṣāsanasthaṃ yogīndraṃ hākinīparameśvaram|
hākinīsundarīvāmaśobhāvidyutprakāśinam||82-188|| atisaundaryalaharīṃ yogamāyāsvarūpiṇīm|
kāmadhenusvarūpākhyāṃ svakāntyā viśvamohinīm||82-189|| raupyādrisadṛśākārāṃ citravidrumasallatām|
muktakeśīṃ meghamālāṃ raupyādrayācchādanīṃ kiyat||82-190|| caladbhramarakoṭayarka candra vahni trilocanām|
ṣaṇmukhīṃ vedahastāṃ tu padmarāgasamaprabhām||82-191|| padmarāgakāntamālādhāriṇīṃ hetusupriyām|
sādhakānāṃ hitārthāya kapālāsibhayānakām||82-192|| sarvasaubhāgyadāṃ nityāṃ ḍamarūjamālikām|
dhārayantīṃ mahāvidyāmānandodayasākṣiṇīm||82-193|| bhrūpadmakaṇīkāmadhye gatacchadasupaṅkaje|
śobhārūpaṃ saṃprahantīṃ kākinīsākinīpriyām||82-194|| lākinīrākiṇīdhyeyāṃ ḍākinīparipūjitām|
kuṇḍalībandhujananīṃ pūjayāmi mahītale||82-195|| evaṃ dhyātvā cārghyasāraṃ kramato yugalaṃ caret|
trikoṇamaṇḍaladvandvaṃ cāgre kṛtvā'ṅgulena ca||82-196|| tīrthavāhanakālādyaiḥ pūrayed gandhakaistataḥ|
tadādye cāpi phaṭkāraiḥ khaḍgādhārañca śaṅkhakam||82-197|| kṣālayenmanunānena śṛṇuṣva kulabhairava|
oṃ śaṅkhasthaṃ śaṅkha tvaṃ puṇyaṃ maṅgalānāñca maṅgalam||82-198|| viṣṇunā vidhṛto nityaṃ mama śāntiprado bhava|
oṃ śaṅkhādhāraṃ śodhayāmi kūrmākāreṇa bhāsvatā||82-199|| visarga bindusarge'haṃ trikoṇe sthāpayāmyaham|
dhenuyoniṃ matsyamudrāṃ daśadhā mantramājapet||82-200|| ātmānaṃ prokṣayedādau tato dravyādiprokṣaṇam|
evaṃ krameṇa deveśa devadeva maheśvara||82-201|| arghyadvayaṃ puraḥ śrīmān sthāpayan kauliko janaḥ|
pūjāṃ kuryādviśeṣeṇa rātriśeṣe viśeṣataḥ||82-202|| mahāmudrādarśanaṃ tu cādhunāpi samācaret|
avaśyaṃ siddhimāpnoti hetuyukto hi sādhakaḥ||82-203|| mahāmudrā yonimudrā sarvatantre nirūpitā|
yo jānāti mahādeva sa yogī nātra saṃśayaḥ||82-204|| mahāpūjāṃ samākuryād devadeva mayoditām|
dhyānayuktasya yā pūjā sā pūjā saphalā bhuvi||82-205|| sadā kālīpūjanavat pūjāṃ kuryāt samāhitaḥ|
tacca deśe samāgamya gandharvanagare'pi vā||82-206|| parvate nirjane vāpi śūnyāgare śmaśānake|
mahāvidyāṃ kāmadhenuṃ hākinīṃ paripūjayet||82-207|| padyamantraṃ pravakṣyāmi praṇavaṃ ratisundarī|
ramābījaṃ mahādevi tadante pādyamuttamam||82-208|| gandhoditaṃ gṛhṇa gṛhṇa hākinyai hū[†] dviṭhaḥ prabho|
evaṃ sarvatra kartavyaṃ nāmabhedena kārayet||82-209|| dāpayennāmabhedaiśca sarvadravyāṇi bhairava|
āsanaṃ svāgataṃ pādyamarghyamācamanīyakam||82-210|| madhuparkācamanasnānavasanābharaṇāni ca|
gandhapuṣpe dhūpadīpau naivedyaṃ vandanaṃ tathā||82-211|| pānārthaṃ jaladānaṃ tu balidānaṃ tataḥ param|
aṣṭādaśopacārāśca sarvatantreṣu gopitāḥ||82-212|| prāṇāyāmatrayaṃ kuryāt sādhako nirbhayaḥ śuciḥ|
japaṃ kuryād viśeṣeṇa mahāmālākrameṇa tu||82-213|| anyaṃ manuvaraṃ nātha śṛṇu bhairava īśvara|
praṇavaṃ pretarājaṃ tu vahnibījaṃ taduttare||82-214|| hālāhalaṃ mahākāla paranāthāya dhīmahi|
kāmabījaṃ hākinī ca caturthyantapadātmikā||82-215|| so'haṃ haṃsastataḥ svāhā mahāmantraṃ japed budhaḥ|
lakṣajapena siddhiḥ syādajñānī jñānavān bhavet||82-216|| asiddhaḥ siddharūpī syādākhyā kītīḥ pravardhate|
mahāvāgmī sarvaśāstravettā sarvajñasiddhibhāk||82-217|| vācāṃ siddhiraṣṭasiddhiḥ prakāśyā bhānti tatkare|
yugayugmapuraścaryāvidhānenāmaro bhavet||82-218|| yogī syāt pralayasthāyī dhyānātmā jñānavāñchuciḥ|
aprakāśyaguṇī bhūtvā rājarājeśvaro bhavet||82-219|| guhyātiguhyagoptrī tvaṃ gṛhāṇāsmatkṛtaṃ japam|
siddhirbhavatu me devi tvaprasādāt parameśvari||82-220|| iti samarpya taddhaste hemarūpaṃ vicintayan|
tataḥ prāṇāyāmayutaṃ mantraṃ tu trigataṃ japet||82-221|| balidānamanuṃ vakṣye śṛṇu śrīkulapaṇḍita|
ādau mūlaṃ siddhabaliṃ sudhāmāṃsasamanvitam||82-222|| mīnamudrāsamākrāntamathavā miṣṭasadbali|
gṛhṇayugmaṃ tathā gṛhṇāpayaśugmaṃ dviṭhastataḥ||82-223|| dāpaye sādhakendraśca bhaktyā kāmasusiddhaye|
tataḥ stotraṃ paṭheddhīmān gadyapadyādibhedataḥ||82-224|| paṭhecca kavacaṃ brahmasammataṃ deharakṣaṇam|
sahasranāmasantānaṃ paṭhed vā haramudrayā||82-225|| svasthāne sthāpayennātha hākinyā parameśvaram||82-226||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe hākinīparaśivayajanaṃ nāma dvyaśītitamaḥ paṭalaḥ||82||

Kapitel 83

atha tryaśītitamaḥ paṭalaḥ

śrīānandabhairava uvāca kathayasva varārohe hākinīstotramuttamam|
yasya prapāṭhanād vāgmī kṛpāyāse dayāmayi||83-1||

śrīānandabhairavī uvāca atyadbhutaṃ stotravaraṃ śṛṇu prabho sarveśvarairbhāvitamādiguhyam|
yaiḥ paṭhyate sādhakacakranāthaistaireva siddhairatidharmavidbhaḥ||83-2||

brahmākhyāṃ kāmavidyāṃ naraharijananīṃ kāmakūṭasvarūpāṃ|
hākinyākhyāṃ śambhujāyāṃ trivadhumadanaśāṃ tāriṇīṃ staumi siddhām|
herambānandavidyāṃ trisamanadamanīṃ dīrghakeśīṃ trinetrāṃ|
mandārāraṇyamadhye vikasitavadanāmbhojahāsaprakāśām||83-3||

hiraṇyālaṅkārāṃ tritayanayanāṃ paṭṭavasanāṃ|
mahāsnigdhāṃ śuddhāṃ kulajanavarāminduvadanām|
sadā stauti śrīdāṃ bhuvanakaruṇāṃ bhāvataruṇāṃ|
triveṇīśvetābhāṃ vasamayatanuṃ bhrūyugadale||83-4||

mahāpadmavanodrekaramyasthānanivāsini|
hākini tvāṃ mudā staumi taddharmakurupāgatām||83-5||

saṃsārārṇavatāriṇīṃ naraharipremābhilāṣonmanīṃ|
bhāvārambhavisarjanaikanilayā māyāṃ mahāsundarīm|
bhāsvatkoṭisuratnasiṃhavasatiṃṃ śrīhākinīṃ drāviṇīṃ|
staumi kṣetranirīkṣaṇāya niyatāṃ śrībhāratībhāvitām||83-6||

saṃskāraśriyamātanoti sahasā śrīpārvatīvallabhe|
nānāratnakalāpadarśanamahājñānaṃ nidānaṃ dhanam|
sā sākṣādakhileśvarī paraśivānandaikabindūjjvalā|
māmādau parirakṣatu priyakarī saṃstaumi pīṭhāntare||83-7||

ākāśavedaliṅge sthitipathimilite bhāti sā raktabarhā|
sā māṃ pātvamba kālī kulapathabhavikā krodhaniḥkrodhakartrī|
tasyāḥ śrīpādapadmatribhuvanabhaktakeśālimālā|
yuktaṃ sarvendrapūjyaṃ niravadhikamale dve dale staumi vidyām||83-8||

sāṅgaṃ dvayaṃ tvatpriyaṃ padayugaṃ patradvayaśreyasaṃ|
mañjīrādbhutahārapādakamalaṃ sambhāvya saṃstaumyaham|
yad dhyātvā harirīśvaro guṇadharo jetā mahāreḥkṣaṇā--
dāśāpāśavisarjanaikanilayaṃ trailokyasaṃrakṣakaḥ||83-9||

yā yātrā vratavāsinī śaśimukhī chāgādimāṃsapriyā|
māmekaṃ paripālaya tvamakhile tvāmekarūpāṃ śivām|
staumīndrāvanatipriyāṃ vāṅmokṣasahitānandaikahetupradām||83-10||

varaṃ paraṃ namāmyahaṃ girīndrarūpagarvahaṃ|
maheśvaraṃ pareśvaraṃ śmaśānabījagahvaram|
hiraṇyaratnabhūṣaṇaṃ śatendutejasaṃ tathā|
śivaṃ tanuṃ punaḥ paraprabhāprabhākaram||83-11||

śareṇyaṃ vareṇyaṃ mahākāmadhanyaṃ|
mahādevadevaṃ trikālādijanyam|
śmaśānogradhūlipriyāṅgānulepaṃ|
sadā staumi saṃsārasāraṃ niṣekam||83-12||

paraśivaṃ manasā sahasā niśi|
pratidinaṃ praṇamāmyahamādimam|
śaśimukhīśatacandrikayānvitaṃ|
bhajanasādhaka satphaladāyakam||83-13||

paraśivacaraṇābjaṃ hākinīśaktisevyaṃ|
tribhuvanasukhadānaṃ dhyānamātraprakāśam|
atisulalitahastāmbhojaśobhāṃ vahantaṃ|
bhuvi nijakulasāraṃ staumi yogīndragamyam||83-14||

śokkaśokāvalīlāmati hi kalayati prāṇadehābhilāṣaṃ|
hākinyāḥ prāṇanātho bhavaśamanakaro hīrakāsragdharo vā|
so'sau bhrūpadmasāre racayita kalikāṃ cittadīpasya nityāṃ|
tasya śrīpādapadmaṃ guṇagaṇayajitaṃ pūjitaṃ staumi bhāle||83-15||

meruśṛṅganiketanaikavasanaṃ golokasaṃsevitaṃ|
yajñānandaniṣevitaṃ pariśavaṃ yogīndracittasthalam|
hālāpānanirākulaṃ paśusamāṃ sāmodanācarvaṇāṃ|
vande nandimahādibhairavavarairvandyaṃ jagatkāraṇam||83-16||

māyāpathacchalakalākapilāpatistvaṃ|
tvaṃ bhūravipatirūpāpatirekacakraḥ|
āpo'nalatvamakhile gaganaprakāśā--|
vāyusthamāvasimukhaṃ śaraṇaṃ prapadye||83-17||

vāñchākalpadrumatalagataṃ hemasiṃhāsanasthaṃ|
śrīhākinyā ramaṇanirataṃ kāmakeliprakāśam|
māyāmohaṃ kṣayamatisukhaṃ vindhyaśailāgrasaṃsthaṃ
vande nāthaṃ haraparaśivaṃ rūpajālaprakāśam||83-18||

paṭhed yaḥ stotrārthaṃ bhavati sa sukhī yoganipuṇaḥ|
kṣudhātṛṣṇānāśaḥ śravaṇadhṛtayaśovāsisarasaḥ|
sa yogīndro māsādatiśayaparānandaghaṭakaḥ
parītaḥ prāṇākhye racayati sudhāsindhusurasam||83-19||

etat stotraṃ paṭhedvidvān dhyānanyāsasamanvitam|
śuklaṃ raktaṃ tathā pītaṃ nīlaṃ kṛṣṇaṃ vibhāvya ca||83-20||

kālacatuṣṭaye nityaṃ paṭhitvā siddhimāpnuyāt|
ākāśe bhūtale nātha pātāle vighnakoṭayaḥ||83-21||

yogināṃ paṭhanādeva naśyanti tatkṣaṇādiha|
sarvatra gāmī sa bhavedatibhāgyaphalodayam||83-22||

mahāpāpaharaṃ stotraṃ hākinīhṛdayodbhavam|
sadāśivapriyaṃ yogasiddhidaṃ devasevitam||83-23||

sahasravārapāṭhena puraścaryāphalaṃ labhet|
paṭhitvā stotrarājaṃ tu śmaśāne nirjane vane||83-24||

antarīkṣe'thavā nātha yogī syādamaro mahān|
asya prapaṭhanādvāgmī jñānavān vijitendriyaḥ||83-25||

dhyānātmā saṃbhavet kṣipraṃ parivāragaṇaiḥ saha|
prātaḥkāle niśāyāṃ tu madhyāhne śeṣakālake||83-26||

prapaṭhet stotrasāraṃ tu bhāvātmā sādhakottamaḥ|
anāyāsena bhrūpadme sthiro bhavati niścitam||83-27||

śrīguroścaraṇāmbhojaṃ hṛdaye dhyānanirṇayam|
yo dhyātvā paṭhyate stotraṃ sa bhavet kalpapādapaḥ||83-28||

idānīṃ kathaye nātha kavacaṃ paṭalāntare||83-29||

iti śrīrudrayāmale uttaratantre mahātantroddīpane siddhamantraprakaraṇe bhairavībhairavasaṃvāde hākinīparanāthastotravinyāso nāma tryaśītitamaḥ paṭalaḥ||83||

Kapitel 84

atha caturaśītitamaḥ paṭalaḥ

śrīānandabhairava uvāca athādau kathayānandabhairavi prāṇavallabhe|
kavacaṃ hākinīdevyāḥ paramānandavardhanam||84-1||

hetuyuktaṃ śraddhayā me karuṇāsāgarasthite|
śīghraṃ viracayānanda kavacaṃ sāramaṅgalam||84-2||

śrīānandabhairavī uvāca ādau śṛṇu mahāvīra paramānandasāgara|
kavacaṃ hākinīdevyāḥ saṃsārārṇavatārakam||84-3||

yasya smaraṇamātreṇa yogī yogasthiro bhavet|
antarikṣe ca bhūloke pātāle ye carācarāḥ||84-4||

stambhitā vepamānāḥ syuvīdyājñānādipāṭhataḥ|
kavacadhvanimātreṇa bhūtapretapiśācakāḥ||84-5||

vidravanti bhayārtā vai kālarudraprabhāvataḥ|
yathā'loko vahnimadhye sthiro bhavati niścitam||84-6||

oṃ asyāḥ śrīhākinīdevyāḥ sānandasāramaṅgalasya mahākavacasya sadāśiva ṛṣi-- rgāyatrīcchandaḥ
śrīhākinīparadevatā klīṃ bījaṃ svāhā śaktiḥ siddhalakṣmī-- mūlakīlakaṃ dehāntargata
mahākāmasiddhyarthe jape viniyogaḥ|
oṃ pātu śīrṣacakraṃ me klīṃ pātu bhālamaṇḍalam|
svamūlaṃ pātu me nityaṃ locanatritayaṃ mama||84-6||

gaṇḍayugmaṃ sadā pātu vāgbhavādyā manoramā|
śrīṃ hrīṃ pātu karṇayugmaṃ hākinī paradevatā||84-7||

mahāvidyā sadā pātu mamoṣṭhādharasampuṭam|
dantāvaliyugaṃ pātu hrīṃ śrīṃ svāhā pareśvarī||84-9||

klīṃ hrīṃ śrīṃ hākinīdevī svāhā pātu rasapriyām|
sṛkkanīṃ pātu satataṃ śaktiḥ kāmavarā madhuḥ||84-10||

svāhā pātu śikhā śaktirbhrūmadhyaṃ pātu sarvadā|
hākinī maṇḍalaṃ pātu parānātheśvarī parā||84-11||

sundarī sarvadā pātu dvidalaṃ kāmasundarī|
amṛtākhyā sadā pātu bhrūprakāśasthalaṃ mama||84-12||

vahnijvālā sadā pātu bhrūśmaśānasthalaṃ mama|
surabhī pātu māyāstraṃ svāhā me bhrūgatacchadam||84-13||

trikoṇaṃ pātu kāmākhyā hākinī parameśvarī|
tripurā sundarī pātu dviṣaṭkoṇaṃ sadā mama||84-14||

hiṅgulādeśvarī pātu ṣaṭkoṇabindumaṇḍalam|
saptabhūbimbamāpātu bhūtalāntaḥprakāśinī||84-15||

mahāśatadalaṃ pātu śatakoṭimarupriyā|
guruvidyāmayī pātu vāṇī me mattagāminī||84-16||

caturdvāraṃ sarvacakraṃ pātu me parameśvarī|
atyantaduḥkhahantrī me manaścakraṃ sadā'vatu||84-17||

śabdabrahmamayī pātu candramaṇḍalameva me|
akālatāriṇī durgā sargasthityantakāriṇī||84-18||

mahāpuruṣasaṃsthānaṃ hākinī maṇḍalaṃ mama|
pātu varṇamayī tārā candrārdhaṃ me sureśvarī||84-19||

unmanīnagaraṃ pātu vahnikuṇḍanivāsinī|
madirā pātu satataṃ bhālaṃ viṣaharā mama||84-20||

dharmadā jñānadā pātu dharmajñānapadaṃ mama|
tālapatnīśvarī pātu amṛtānandakāriṇī||84-21||

vairāgyanikaraṃ pātu bindusthānaṃ mahābalā|
tritārī kūṭaśaktirme sadā pātu viśuddhakam||84-22||

śākinīśaṃ sadā pātu śākinī kulabhairavī|
saptadvīpeśvarī pātu mama ṣoḍaśapaṅkajam||84-23||

śākinī bhairavī pātu caṇḍadurgā sarasvatī|
kumārī kulajā lakṣmīḥ siddhārthaṃ me sadā'vatu||84-24||

hṛdayaṃ pātu satataṃ śākinī parameśvarī|
bījarūpā sadā devī mahāmahiṣaghātinī||84-25||

udaraṃ pātu satataṃ yoginīkoṭibhiḥ saha|
umā maheśvarī pātu pracaṇḍā mama pṛṣṭhakam||84-26||

cāmuṇḍā bhairavī bālā pārśvayugmaṃ sadā'vatu|
paramā ceśvarī pātu devamātā stanadvayam||84-27||

saubhāgyahākinī devī pāyāttu yakṣasaḥ priyam|
ādyā devī śikhārūpā bhujayugmaṃ sadā'vatu||84-28||

sarvāparādhahartrī me kāmavidyā daśacchadam|
maṇipūraṃ sadā pātu daśavarṇātmikā śivā||84-29||

nābhicakraṃ sadā pātu lākinī padmavāsinī|
nityadeśadalaṃ pātu pārvatī vedapālinī||84-30||

mahārudreśvarī pātu pīṭharūpaṃ maṇiṃ mama|
tejomaṇḍalamāpātu rudrāṇī śūladhāriṇī||84-31||

abhayā sarvadā pātu yogavidyā nitambakam|
nitambādhāracakraṃ me pātu śailaṃ nitambinīṃ||84-32||

taruṇī mantrajālasthā vaiṣṇavī liṅgamaṇḍalam|
sadā pātu hākinīśā mahāviṣṇusthalaṃ mama||84-33||

vaiṣṇavī lalitā māyā ramādevī kaṭiṃ mama|
svādhiṣṭhānaṃ sadā pātu guhyarūpā sarasvatī||84-34||

bhavānī bhagavatpatnī śmaśānakālikā gudam|
pātu me raṇamātaṅgī rākinī kulamaṇḍalam||84-35||

vyaktāvyaktasvarūpā me mūlādhāraṃ sadā'vatu|
caturdalaṃ caturvarṇaṃ pātu me jñānakuṇḍalī||84-36||

tapasvinī sadā pātu pāvanī mūlamāvatu|
ratikā ghaṭikā veśyā dhariṇī kāmasundarī||84-37||

vahnikāntā sadā pātu mamorūyugalaṃ sadā|
ulkāmukhī kṣetrasiddhā jaṅghāyugmaṃ sadā'vatu||84-38||

bālāmukhī pātu sampatpradā śrīkulabhairavī|
pādāmbujadvayaṃ pātu sarvāṅgaṃ parahākinī||84-39||

madanā medinī dhanyā cāmuṇḍā muṇḍamālinī|
ramā kāmakalā jyeṣṭhā tathājñā ratisundarī||84-40||

manoyogā sadā pātu nirmalā vimalāmalā|
kāñcanī bagalā rātriḥ pañcamī ratisundarī||84-41||

sarvatra sarvadā pātu yogādyā premakātarā|
parvate vipine śūnye raṇe ghoratare bhave||84-42||

śmaśānavāsinī pātu sarvavāhanavāhanā|
sarvāstradhāriṇī pātu pañcamī pañcamapriyā||84-43||

caturbhujā sadā pātu hākinī dehadevatā|
sahasrāyutakoṭīnduvadanā parameśvarī||84-44||

yoginībhiḥ sadā pātu sarvadeśe tu sarvadā|
anantā sarvadā pātu mahāvighnavināśinī||84-45||

jale cānalagarte vā vyādhibhītau riporbhaye|
vyāghrabhītau caurabhītau mahonmādabhayādiṣu||84-46||

grahabhītau devabhītau dānavādribhayeṣu ca|
abhayā nirbhayā bhītihāriṇī bhayanāśinī||84-47||

mahābhīmā bhadrakālī bhairavī mārakāmalā|
mahābhūteśvarī mātā jagaddhātrī sadā'vatu||84-48||

sarvadeśe sarvapīṭhe mātṛkā pātu nityaśaḥ|
ityetat kavacaṃ sarvasiddhidaṃ duḥkhanāśanam||84-49||

kathitaṃ tava yatnena mahākāla prabho ! hara|
yaḥ paṭhet prātarutthāya kavacaṃ devadurlabham||84-50||

sa bhavet kālajetā'pi sa devo na tu mānuṣaḥ|
dhyānātmā sādhakaḥ śrīmān paramātmā bhavet svayam||84-51||

ājñāpadme sthiro bhūtvā nityo bhavati niścitam|
akālamṛtyuharaṇaṃ saṃsārārṇavatāraṇam||84-52||

kavacaṃ devadeveśa cānandasāramaṅgalam|
yaḥ paṭhedatibhaktyā ca jīvanmukto bhaved dhruvam||84-53||

catuvīdhā muktimālā tadgale saṃsthirā dhruvam|
bhavanti yogamukhyānāṃ gururvedāntapāragaḥ||84-54||

sarvaśāstrārthavettā syād yāmalārthajña īśvaraḥ|
śāntiṃ vidyāṃ pratiṣṭhāñca nivṛttiṃ prāpya nirmalaḥ||84-55||

yogātmā ceśvaratvaṃ hi prāpnoti nātra saṃśayaḥ|
kuje vā śanivāre vā saṃkrāntyāṃ ravivāsare||84-56||

amāvāsyasu riktāyāṃ dhārayet kavacaṃ śubham|
puruṣo dakṣiṇe haste vāmā vāmabhuje tathā||84-57||

sarvasiddhimavāpnoti yadyanmanasi vartate|
gorocanākuṅkumena cālaktena vilikhya ca||84-58||

avaśyaṃ siddhimāpnoti hākinīyogajāpataḥ||84-59||

iti śrīrudrayāmale uttaratantre mahātantroddīpane siddhamantraprakaraṇe bhairavībhairavasaṃvāde hākinīkavacaṃ nāma caturaśītitamaḥ paṭalaḥ||84||

Kapitel 85

atha pañcāśītitamaḥ paṭalaḥ

śrīānandabhairavī uvāca varānane varārohe sarvajñānanidānade|
ānandahṛdayollāse paramānandavadhīni||85-1||

kathitaṃ kavacaṃ puṇyaṃ rahasyaṃ cātidurlabham|
na coktaṃ jñānagamyaṃ tu mahājālanisevitam||85-2||

paranāthasya kavacaṃ sārvajñajñānasiddhidam|
idānīṃ vada me yatnādānandakulabhairavī||85-3||

śrīānandabhairavī uvāca śrūyatāṃ yoginīnātha yogavidyāpate prabho|
paranāthasya kavacaṃ jñānagamyaṃ purātanam||85-4||

atigopyaṃ yogasāraṃ sarvatantreṣu durlabham|
idānīṃ nātha yatnena kathayāmi paraṃ padam||85-5||

asya śrīparanāthamahākavacasya sadāśiva ṛṣiḥ paramātmā devatā hsauḥ bījaṃ jñānaśaktirānandaṃ
kīlakaṃ sarvābhīṣṭasiddhyarthe viniyogaḥ|
oṃṅkāraṃ vedabījaṃ me sadā pātu śirodhanam|
hsauḥ mahāpretarājaḥ kapālaṃ pātu sarvadā||85-6||

hākinīśaḥ sahāyākhyaḥ kāmakeśaguṇāni me|
vārāṇasīpuraḥ pātu bhrūmadhyaparadevatā||85-7||

ṣaṃ raṃ śaṃ vaṃ sadā pātu haṃ kṣaṃ pātu bhuravordalam|
bāṇaliṅgaṃ sadā pātu bhrūpadmayuvatī mama||85-8||

kālānalaḥ sadā pātu dvidalasthaṃ parātparam|
bhrūgahvaraṃ sadānandaṃ pātu tripurabhairavaḥ||85-9||

anāthaliṅgaḥ sarveśaḥ pātu me locanatrayam|
abhayo maṅgalaḥ pātu dhruvākhye lolajihvikām||85-10||

pañcānanaḥ sadā pātu vadanaṃ kāmasundaraḥ|
unmattabhairavendro'tha gaṇḍayugmaṃ sadāvatu||85-11||

hiraṇyākhyaḥ sadā pātu dantāgrāliṃ śmaśānagaḥ|
mahādevaḥ sadā pātu mahākāśaḥ śrutī mama||85-12||

vikaṭākhyo mañjughoṣaḥ sadā pātu hanusthalam|
praṇavātmā sadā pātu kaṇṭhaṃ me nīlakaṇṭhabhṛt||85-13||

aparājitaḥ śuklavarṇaḥ sadā pātu mahāmalā|
galadeśaṃ mahākāśaṃ tripurā parameśvarī||85-14||

mṛtyuñjayaśca ghorākhyo viśuddhaṃ sarvadā'vatu|
svarānīśvarasaṃyuktān yogīśaḥ sarvadā'vatu||85-15||

vāmadevaḥ sadā pātu hṛdayaṃ parameśvaraḥ|
īśvaraḥ sarvadā pātu paradevaḥ sadāśivaḥ||85-16||

aṭṭahāsaḥ sadā pātu yoginīkoṭibhiḥ saha|
akālacakraḥ sarvajñaścāvadhūteśvaro bhujau||85-17||

mahākālaḥ sadā pātu bheruṇḍāpatirīśvaraḥ|
pārśvadeśaṃ sadā pātu kākinīparavallabhaḥ||85-18||

acyuteśaḥ sadā pātu kukṣiyugmaṃ sadā mama|
atharveśaḥ sadānandaḥ pātu pṛṣṭhaṃ sureśvaraḥ||85-19||

tapinīpatirīśāno vīrabhadro yatīśvaraḥ|
nābhimaṇḍalamāpātu mamodaramumāpatiḥ||85-20||

ghargharaḥ pātu satataṃ rudraṃ rākiṇivallabham|
jaṭājūṭadharaḥ pātu rudrāṇīṃ raudradevatām||85-21||

nitambaṃ pātu yogendraḥ prabhādyo me kaṭisthalam|
svādhiṣṭhānaṃ sadā pātu ṣaḍdalāntaḥ prakāśakaḥ||85-22||

abhayaḥ sarvadā pātu bhargaḥ pātu caturdalam|
taruṇīśaḥ sadā pātu kuṇḍalīṃ ḍākinīpadam||85-23||

gudarandhraṃ sadā pātu pārvatīpirayavallabhaḥ|
yajñanāthaḥ sadā pātu ūruyugmaṃ svamantravit||85-24||

jaṅghāyugaṃ sadā pātu dharmalakṣmīśvaraḥ prabhuḥ|
mahākālaḥ pātu pādatalayugmaṃ mahīśvaraḥ||85-25||

sarvāṅgaṃ varadaḥ pātu vaṭukaḥ śrīsadāśivaḥ|
mahārudraḥ śrīpatīśaḥ sadā ugraḥ prapātu mām||85-26||

raṇe dyūte vivāde ca śūnyāgāre mahābhaye|
pātāle parvate'raṇye pātu vāgvādinīśvaraḥ||85-27||

ghaṇṭeśvaraḥ śaṅkhanādo murārīśaḥ prapātu mām|
paramānandadaḥ pātu hitārthī pathi pātu mām||85-28||

mahāvidyāpatiḥ pātu pretarājaḥ prapātu mām|
putraṃ mitraṃ kalatraṃ me bandhuṃ svajanameva ca||85-29||

sarvāghāraḥ sadā pātu liṅgarūpī maheśvaraḥ|
paramātmā sadā pātu guhyadeśasthadevatām||85-30||

parivārānvitaḥ pātu mahācandraḥ sadā'vatu|
māraṇoccāṭane stambhe vidveṣe pātu mohanaḥ||85-31||

mohane drāvaṇe sthairye vaśye śāntau sadāśivaḥ|
paranātho guruḥ pātu pārijātavanāśrayaḥ||85-32||

sarvabhuk kālarudro me sarvatra paripātu mām|
ityetat kathitaṃ sarvasiddhidaṃ kavacaṃ śubham||85-33||

paranāthasya devasya sārvajñajñānasiddhidam|
kavacaṃ durlabhaṃ loke sarvatantreṣu gopitam||85-34||

yāmale devadeveśa prakāśitamahanīśam|
yaḥ paṭhedekavāraṃ tu sa rudro nātra saṃśayaḥ||85-35||

kītīśrīkāntimedhāyurbṛṃhito bhavati dhruvam|
asya smaraṇamātreṇa rājatvaṃ yogināṃ patiḥ||85-36||

bhavet kāmakrodhajetā mṛtyujetā mahākaviḥ|
tasyāsādhyaṃ tribhuvane na kiñcidapi vartate||85-37||

yaḥ kaṇṭhe mastake vāpi dhārayet kavacaṃ śubham|
raktena candanenāpi kuṅkumenāpi vā likhet||85-38||

sa bhaved vīraputraśca mahāpātakakoṭihā|
anāyāsena deveśa yogasiddhimavāpnuyāt||85-39||

śatamaṣṭottaraṃ japtvā puraścaryāphalaṃ labhet||85-40||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde paraśivakavacapāṭho nāma pañcāśītitamaḥ paṭalaḥ||85||

Kapitel 86

atha ṣaḍaśītitamaḥ paṭalaḥ

śrīānandabhairavī uvāca ānandārṇavamadhyabhāvaghaṭitaśrautapravāhojjvale|
kānte dattasuśāntide yamadamāhlādaikaśaktiprabhe|
snehānandakaṭākṣadivyakṛpayā śīghraṃ vadasvādbhutaṃ|
hākinyāḥ śubhanāma sundarasahasrāṣṭottaraṃ śrīguroḥ||86-1||

śrī ānandabhairavī uvāca sākṣātte kathayāmi nātha sakalaṃ puṇyaṃ pavitraṃ guro|
nāmnāṃ śaktisahasranāma bhavikaṃ jñānādi cāṣṭottaram|
yogīndrairjayakāṅkṣibhiḥ priyakalāpremābhilāṣācītaiḥ|
sevyaṃ pāṭhyamatīva gopyamakhile śīghraṃ paṭhasva prabho||86-2||

asya śrīparanāthamahāśaktihākinīparameśvarīdevyaṣṭottarasahasranāmnaḥ stotrasya sadāśiva ṛṣiḥ
gāyatrīcchandaḥ śrīparameśvarīhākinīmahāśaktirdevatā klīṃ|
bījaṃ svāhā śaktiḥ siddhalakṣmīmūlakīlakaṃ dehāntargata--|
mahākāyajñānasiddhyarthe jape viniyogaḥ|
oṃ hākinī vasudhā lakṣmī paramātmakalā parā|
parapriyā parātītā paramā paramapriyā||86-3||

pareśvarī parapremā parabrahmasvarūpiṇī|
parantapā parānandā paranāthanisevinī||86-4||

parākāśasthitā pārā pārāpāranirūpiṇī|
parākāṅkṣyā parāśaktiḥ purātanatanuḥ prabhā||86-5||

pañcānanapriyā pūrvā paradārā parādarā|
paradeśagatā nāthā paramāhlādavadhīnī||86-6||

pārvatī parakulākhyā parāñjanasulocanā|
paraṃbrahmapriyā māyā paraṃbrahmaprakāśinī||86-7||

paraṃbrahmajñānagamyā paraṃbrahmeśvaraprimayā|
pūrvātītā parātītā apāramahimasthitā||86-8||

apārasāgaroddhārā apāradustaroddharā|
parānalaśikhākārā parabhrūmadhyavāsinī||86-9||

paraśreṣṭhā parakṣetravāsinī paramālinī|
parvateśvarakanyā ca parāgnikoṭisambhavā||86-10||

paracchāyā paracchatrā paracchidravinirgatā|
paradevagatiḥ premā pañcacūḍāmaṇiprabhā||86-11||

pañcamī paśunātheśī tripañcā pañcasundarī|
pārijātavanasthā ca pārijātasrajapriyā||86-12||

parāparavibhedā ca paralokavimuktidā|
paratāpānalākārā parastrī parajāpinī||86-13||

parāstradhāriṇī pūravāsinī parameśvarī|
premollāsakarī premasantānabhaktidāyinī||86-14||

paraśabdapriyā paurā parāmarṣaṇakāriṇī|
prasannā parayantrasthā prasannā padmamālinī||86-15||

priyaṃvadā paratrāptā paradhānyārthavadhīnī|
parabhūmiratā pītā parakātarapūjitā||86-16||

parāsyavākyavinatā puruṣasthā purañjanā|
prauḍhā meyaharā prītivardhanī priyavadhīnī||86-17||

prapañcaduḥkhahantrī ca prapañcasāranirgatā|
purāṇanirgatā pīnā pīnastanabhavojjvalā||86-18||

paṭṭavastraparīdhānā paṭṭasūtrapracālinī|
paradravyapradā prītā paraśraddhā parāntarā||86-19||

pāvanīyā parakṣubdhā parasāravināśinī|
parameva nigūḍhārthatattvacintāprakāśinī||86-20||

pracurārthapradā pṛthvī padmapatradvayasthitā|
prasannahṛdayānandā prasannāsanasaṃsthitā||86-21||

prasannaratnamālāḍhyā prasannavanamālinī|
prasannakaruṇānandā prasannahṛdayasthitā||86-22||

parābhāsaratā pūrvapaścimottaradakṣiṇā|
pavanasthā pānaratā pavanādhāravigrahā||86-23||

prabhupriyā prabhuratā prabhubhaktipradāyinī|
paratṛṣṇāvadhīnī ca pracayā parajanmadā||86-24||

parajanmanirastā ca parasañcārakāriṇī|
parajātā pārijātā pavitrā puṇyavadhīnī||86-25||

pāpahartrī pāpakoṭināśinī paramokṣadā|
paramāṇuratā sūkṣmā paramāṇuvibhañjinī||86-26||

paramāṇusthūlakarī parātparatarā pathā|
pūṣaṇaḥ priyakartrī ca pūṣaṇā poṣaṇatrayā||86-27||

bhūpapālā pāśahastā pracaṇḍā prāṇarakṣiṇī|
payaḥśilā'pūpabhakṣā pīyūṣapānatatparā||86-28||

pīyūṣatṛptadehā ca pīyūṣamathanakriyā|
pīyūṣasāgarodbhūtā pīyūṣasnigdhadohinī||86-29||

pīyūṣanirmalākārā pīyūṣaghanavigrahā|
prāṇāpānasamānādipavanastambhanapriyā||86-30||

pavanāṃśaprabhākārā premodgatasvabhaktidā|
pāṣāṇatanusaṃsthā ca pāṣāṇacittavigrahā||86-31||

paścimānandaniratā paścimā paścimapriyā|
prabhākāratanūgrā ca prabhākaramukhī prabhā||86-32||

suprabhā prāntarasthā ca preyatvasādhanapriyā|
asthitā pāmasī pūrvanāthapūjitapādukā||86-33||

pādukāmantrasiddhā ca pādukāmantrajāpinī|
pādukāmaṅgalasthā ca pādukāmbhojarājinī||86-34||

prabhābhāruṇakoṭisthā pracaṇḍasūryakoṭigā|
pālayantī trilokānāṃ paramā parahākinī||86-35||

parāvarānanā prajñā prāntarāntaḥprasiddhidā|
pārijātavanonmādā paramonmādarāgiṇī||86-36||

paramāhlādamodā ca paramākāśavāhinī|
paramākāśadevī ca prathātripurasundarī||86-37||

pratikūlakarī prāṇānukūlaparikāriṇī|
prāṇarudreśvaraprītā pracaṇḍagaṇanāyikā||86-38||

poṣṭrī pautrādirakṣatrī puṇḍrkā pañcacāmarā|
parayoṣā paraprāyā parasantānarakṣakā||86-39||

parayogiratā pāśapaśupāśavimohinī|
paśupāśapradā pūjyā prasādaguṇadāyinī||86-40||

prahlādasthā praphullābjamukhī paramasundarī|
pararāmā parārāmā pārvaṇī pārvaṇapriyā||86-41||

priyaṅkarī pūrvamātā pālanākhyā parāsarā|
parāśarasubhāgyasthā parakāntinitambinī||86-42||

paraśmaśānagamyā ca priyacandramukhīpalā|
palasānakarī plakṣā plavaṅgagaṇapūjitā||86-43||

plakṣasthā pallavasthā ca paṅkeruhamukhī paṭā|
paṭākārasthitā pāṭhyā pavitralokadāyinī||86-44||

pavitramantrajāpyasthā pavitrasthānavāsinī|
pavitrālaṅkṛtāṅgī ca pavitradehadhāriṇī||86-45||

tripurā paramaiśvaryapūjitā sarvapūjitā|
palalapriyahṛdyā ca palālacarvaṇapriyā||86-46||

paragogaṇagopyā ca prabhustrīraudrataijasī|
praphullāmbhojavadanā praphullapadmamālinī||86-47||

puṣpapriyā puṣpakulā kulapuṣpapriyākulā|
puṣpasthā puṣpasaṅkāśā puṣpakomalavigrahā||86-48||

pauṣpī pānaratā puṣpamadhupānaratā pracā|
pratīcī pracayāhlādo prācanākhyā ca prāñcikā||86-49||

parodare guṇānandā paraudāryaguṇapriyā|
pārā koṭidhvaniratā padmasūtraprabodhinī||86-50||

priyaprabodhaniratā pracaṇḍanādamohinī|
pīvarā pīvaragranthiprabhedā pralayāpahā||86-51||

pralayā pralayānandā pralayasthā prayoginī|
prayogakuśalā pakṣā pakṣabhedaprakāśinī||86-52||

ekapakṣā dvipakṣā ca pañcapakṣaprasiddhidā|
palāśakusumānandā palāśapuṣpamālinī||86-53||

palāśapuṣpahomasthā palāśacchadasaṃsthitā|
pātrapakṣā pītavastrā pītavarṇaprakāśinī||86-54||

nipītakālakūṭī ca pītasaṃsārasāgarā|
padmapatrajalasthā ca padmapatranivāsinī||86-55||

padmamālā pāpaharā paṭṭāmbaradharā parā|
paranirvāṇadātrī ca parāśā paraśāsanā||86-56||

apriyavinihantrī ca parasaṃskārapālinī|
pratiṣṭhā pūjitā siddhā prasiddhaprabhuvādinī||86-57||

prayāsasiddhidā kṣubdhā prapañcaguṇanāśinī|
praṇipatyā prāṇiśiṣyā pratiṣṭhitatanūpriyā||86-58||

apratiṣṭhā nihantrī ca pādapadmadvayānvitā|
pādāmbujapremabhaktipūjyaprāṇapradāyinī||86-59||

paiśācī ca prakṣapitā pitṛśraddhā pitāmahī|
prapitāmahapūjyā ca pitṛlokasvadhāparā||86-60||

punarbhavā punarjīvā paunaḥpunyagatisthitā|
pradhānabalibhakṣādisupriyā priyasākṣiṇī||86-61||

pataṅgakoṭijīvākhyā pāvakasthā ca pāvanī|
parajñānārthadātrī ca paratantrārthasādhinī||86-62||

pratyagjyotiḥ svarūpā ca prathamāprathamāruṇā|
prātaḥsandhyā pārthasandhyā parasandhyāsvarūpiṇī||86-63||

pradhānavaradā prāṇajñānanirṇayakāriṇī|
prabhañjanā prāñjaneśī prayogodrekakāriṇī||86-64||

praphullapadadātrī ca prasamāyā purodayā|
parvataprāṇarakṣatrī parvatādhārasākṣiṇī||86-65||

parvataprāṇaśobhā ca parvatacchatrakāriṇī|
parvatā jñānahartrī ca pralayodayasākṣiṇī||86-66||

prārabdhajananī kālī pradyumnajananī surā|
prāksureśvarapatnī ca paravīrakulāpahā||86-67||

paravīraniyantrī ca parapraṇavamālinī|
praṇaveśī praṇavagā praṇavādyākṣarapriyā||86-68||

praṇavārṇajapaprītā prāṇamṛtyuñjayapradā|
praṇavālaṅkṛtā vyūḍhā paśubhakṣaṇatarpaṇā||86-69||

paśudoṣaharā pāśupatāstrakoṭidhāriṇī|
praveśinī praveśākhyā padmapatratrilocanā||86-70||

paśumāṃsāsavānandā paśukoṭibalipriyā|
paśudharmakṣayā prāryā paśutarpaṇakāriṇī||86-71||

paśuśraddhākarī pūjyā paśumuṇḍasumālinī|
paravīrayogaśikṣā parasiddhāntayoginī||86-72||

paraśukrodhamukhyāstrā paraśupralayapradā|
padmarāgamāladharā padmarāgāsanasthitā||86-73||

padmarāgamaṇiśreṇīhārālaṅkāraśobhitā|
paramadhūlisaundaryamañjīrapādukāmbujā||86-74||

hartrī samastaduḥkhānāṃ hiraṇyahāraśobhitā|
hariṇākṣī haristhā ca harā hārāvatī hirā||86-75||

hārakuṇḍalaśobhāḍhyā hārakeyūramaṇḍitā|
haraṇasthā hākinī ca homakarmaprakāśinī||86-76||

haridrā haripūjyā ca haramālā hareśvarī|
harātītā harasiddhā hrīṃkārī haṃsamālinī||86-77||

haṃsamantrasvarūpā ca haṃsamaṇḍalabhedinī|
haṃsaḥ so'haṃ maṇikarā haṃsarājoparisthitā||86-78||

hīrakābhā hīrakasūkadhāriṇī haramekhalā|
harakuṇḍamekhalā ca homadaṇḍasumekhalā||86-79||

haradharapriyānandā halīśānī harodayā|
harapatnī hararatā saṃhāravigrahojjvalā||86-80||

saṃhāranilayā hālā hlīṃbījapraṇavapriyā|
halakṣā hakṣavarṇasthā hākinī haramohinī||86-81||

hāhā--hūhū--priyānandagāyanapremasupriyā|
harabhūtipradā hārapriyā hīrakamālinī||86-82||

hīrakābhā hīrakasthā harādhārā harasthitā|
hālāniṣevitā hintā hintālavanasiddhidā||86-83||

mahāmāyā mahāraudrī mahādevaniṣevitā|
mahānayā mahādevī mahāsiddhā mahodayā||86-84||

mahāyogā mahābhadrā mahāyogendratāriṇī|
mahādīpaśikhākārā mahādīpaprakāśinī||86-85||

mahādīpaprakāśākhyā mahāśraddhā mahāmatiḥ|
mahāmahīyasī mohanāśinī mahatī mahā||86-86||

mahākālapūjitā ca mahākālakuleśvarī|
mahāyogīndrajananī mohasiddhipradāyinī||86-87||

āhutisthāhutiratā hotṛvedamanupriyā|
haiyaṅgabījabhoktrī ca haiyaṅgabījasupriyā||86-88||

he sambodhanarūpā ca he hetoḥ paramātmajā|
halanāthapriyā devī hitāhitavināśinī||86-89||

hantrī samastapāpānāṃ halahetupradāpradā|
halahetucchalasthā ca hilihiliprayāginī||86-90||

hutāsanamukhī śūnyā hariṇī haratantradā|
haṭhātkāragatiprītā suṇṭakālaṅkṛtā ilā||86-91||

halāyudhādyajananī hillolā hemabahīṇī|
haimī himasutā hemaparvataśṛṅgasaṃsthirā||86-92||

haraṇākhyā haripremavadhīnī haramohinī|
haramātā haraprajñā huṅkārī harapāvanī||86-93||

herambajananī haṭṭamadhyasthalanivāsinī|
himakundendudhavalā himaparvatavāsinī||86-94||

hotṛsthā harahālā ca helātītā ahargaṇā|
ahaṅkārā hetugartā hetusthā hitakāriṇī||86-95||

hatabhāgyanihantrī ca hatāsadbuddhijīvikā|
hetupriyā mahārātrī ahorākhyā harodgamā||86-96||

arhaṇādipriyā cārhā hāhākāraninādinī|
hanumatkalpasaṃsthānā hanumatsiddhidāyinī||86-97||

halāhalapriyāghorā mahābhīmā halāyudhā|
hasauḥ bījasvarūpā ca hasauṃ pretākhyajāpinī||86-98||

āhlādinī ihānandā arghyakrāntā harārcanā|
harabhītiharāhaḥkā bījahaḥkāmahakṣarā||86-99||

herambayogasiddhisthā herambādisutapriyā|
hananākhyā hetunāmnī haṭhāt siddhiprayogadā||86-100||

umā maheśvarī ādyā anantānantaśaktidā|
ādhārārhasurakṣā ca īśvarī ugratāriṇī||86-101||

uṣeśvarī uttamā ca ūrdhvapadmavibhedinī|
ṛddhisiddhipradā kṣullākāśabījasusiddhidā||86-102||

tṛtakasthātṛtakasthā tṛsvarākharvabījagā|
eraṇḍapuṣpahomāḍhyā eśvaryadānatatparā||86-103||

oḍrpuṣpapriyā oṃkārākṣarā auṣadhapriyā|
arvaṇāsāraḥ aṃśākhyā aḥsthā ca kapilā kalā||86-104||

kailāsasthā kāmadhenuḥ kharvā kheṭakadhāriṇī|
kharapuṣpapriyā khaḍgadhāriṇī kharagāminī||86-105||

gabhīrā gītagāyatrī gurvā gurutarā gayā|
ghanakoṭinādakarī ghargharā ghoranādinī||86-106||

ghanacchāyā cāruvarṇā caṇḍikā cāruhāsinī|
cārucandramukhī cārucittabhāvārthagāminī||86-107||

chatrākinī chalacchinnā chāgamāṃsavinodinī|
jayadā jīvī janyā ca jīmūtairupaśobhitā||86-108||

jayitrī jayamuṇḍālī jhaṅkārī jhañjanādikā|
ṭaṅkāradhāriṇī ṭaṅkabāṇakārmukadhāriṇī||86-109||

ṭhakurāṇī ṭhaṭhaṅkārī ḍāmareśī ca ḍiṇḍimā|
ḍhakkānādapriyā ḍhakkā tavamālā talātalā||86-110||

timirā tāriṇī tārā taruṇā tālasiddhidā|
tṛptā ca taijasī caiva tulanātalavāsinī||86-111||

toṣaṇā taulinī tailagandhāmoditadiṅmukhī|
sthūlapriyā thakārādyā sthitirūpā ca saṃsthirā||86-112||

dakṣiṇadehanādākṣā dakṣapatnī ca dakṣajā|
dāridryadoṣahantrī ca dāruṇāstravibhañjinī||86-113||

daṃṣṭrakarālavadanī dīrghamātrādalānvitā|
devamātā devasenā devapūjyā dayādaśā||86-114||

dīkṣādānapradā dainyahantrī dīrghasukuntalā|
danujendranihantrī ca danujārivimadīnī||86-115||

deśapūjyā dāyadātrī daśanāstrapradhāriṇī|
dāsarakṣā deśarakṣā digambaradigambarī||86-116||

dikprabhāpāṭalavyāptā darīgṛhanivāsinī|
darśanasthā dārśanikā dattabhāryā ca durgahā||86-117||

durgā dīrghamukhī duḥkhanāśinī divisaṃsthitā|
dhanyā dhanapradā dhārā dharaṇī dhāriṇī dharā||86-118||

dhṛtasaundaryavadanā dhanadā dhānyavadhīnī|
dhyānaprāptā dhyānagamyā dhyānajñānaprakāśinī||86-119||

dhyeyā dhīrapūjitā ca dhūmeśī ca dhurandharā|
dhūmaketuharā dhūmā dhyeyā sarvasureśvaraiḥ||86-120||

dharmārthamokṣadā dharmacintā dharmaprakāśinī|
dhūlirūpā ca dhavalā dhavalacchatradhāriṇī||86-121||

dhavalāmbaradhātrī ca dhavalāsanasaṃsthitā|
dhavalā himālayadharā dharaṇī sādhanakriyā||86-122||

dhavaleśvarakanyā ca dhavalādhvādhalāmukhī|
dhīrakanyā dharmakanyā dhruvasiddhipradāyinī||86-123||

dhruvānandā dhruvaśraddhā dhruvasantoṣavadhīnī|
nārikelajalasnātā nārikelaphalāsanā||86-124||

nārī nārāyaṇīśānā namrapūjanasupriyā|
naradevaratā nityagaṇagandharvapūjitā||86-125||

narakavihāriṇī caiva narakāntakakāriṇī|
narakṣetrakalādevī navakośanivāsinī||86-126||

nākṣatravidyā nākṣatrī nakṣatramaṇḍalasthitā|
nṛponnāśakarī nārāyaṇī nūpuradhāriṇī||86-127||

nṛtyagītapriyānītā navīnā nāmaśāyinī|
naunūtanāstradharā nityā navapuṣpavanasthitā||86-128||

navapuṣpapremaratā navacampakamālinī|
navaratnahāramālā navajāmbūnadaprabhā||86-129||

namaskārapriyā nindā vādanādapraṇāśinī|
pavanākṣaramālā ca pavanākṣaramālinī||86-130||

paradoṣabhayaṅkārā pracaradrūpasaṃsthitā|
prasphuṭitāmbhojamālādhāriṇī premavāsinī||86-131||

paramānandasaptānaharī pṛthunitambinī|
pravālamālā lobhāṅgī payodā śatavigrahā||86-132||

payodakaruṇākārā pāramparyāprasādinī|
prārambhakarmaniratā prārabdhabhogadāyinī||86-133||

premasiddhikarī premadhārā gaṅgāmbuśobhinī|
pherupuṇyavarānandā pherubhojanatoṣaṇī||86-134||

phaladā phalavardhā ca phalāhlādavinodinī|
phaṇimālādharā devī phaṇihārādiśobhinī||86-135||

phaṇā phaṇīkāramukhī phaṇasthā phaṇimaṇḍalā|
sahasraphaṇisamprāptā phullāravindamālinī||86-136||

vāsukī vyāsapūjyā ca vāsudevārcanapriyā|
vāsudevakalāvācyā vācakasthā vasusthitā||86-137||

vajradaṇḍadharādhārā viradā vādasādhinī|
vasantakālanilayā vasorddhārā vasundharā||86-138||

vepamānarakṣakā ca vapūrakṣā vṛṣāsanā|
vivasvatpremakuśalā vidyāvādyavinodinī||86-139||

vidhividyāprakāśā ca vidhisiddhāntadāyinī|
vidhijñā vedakuśalā vedavākyavivāsinī||86-140||

baladevapūjitā ca bālabhāvaprapūjitā|
bālā vasumatī vedyā vṛddhamātā budhapriyā||86-141||

bṛhaspatipriyā vīrapūjitā bālacandrikā|
vigrahajñānarakṣā ca vyāghracarmadharāvarā||86-142||

vyathābodhāpahantrī ca visargamaṇḍalasthitā|
bāṇabhūṣāpūjitā vanamālā vihāyasī||86-143||

vāmadevapriyā vāmapūjājāpaparāyaṇā|
bhadrā bhramaravarṇā ca bhrāmarī bhramaraprabhā||86-144||

bhālacandradharā bhīmā bhīmanetrābhavābhavā|
bhīmamukhī bhīmadehā bhīmavikramakāriṇī||86-145||

bhīmaśraddhā bhīmapūjyā bhīmākārātisundarī|
bhīmasaṅgrāmajayadā bhīmādyā bhīmabhairavī||86-146||

bhairaveśī bhairavī ca sadānandādibhairavī|
sadānandabhairavī ca bhairavendrapriyaṅkarī||86-147||

bhallāstradhāriṇī bhaimī bhṛguvaṃśaprakāśinī|
bhargapatnī bhargamātā bhaṅgasthā bhaṅgabhakṣiṇī||86-148||

bhakṣapriyā bhakṣaratā bhṛkuṇḍā bhāvabhairavī|
bhāvadā bhavadā bhāvaprabhāvā bhāvanāśinī||86-149||

bhālasindūratilakā bhālalokasukuṇḍalā|
bhālamālālakāśobhā bhāsayantī bhavārṇavā||86-150||

bhavabhītiharā bhālacandramaṇḍalavāsinī|
madbhramaranetrābjasundarī bhīmasundarī||86-151||

bhajanapriyarūpā ca bhāvabhojanasiddhidā|
bhrūcandraniratā binducakrabhrūpadmabhedinī||86-152||

bhavapāśaharā bhīmabhāvakandanivāsinī|
manoyogasiddhidātrī mānasī manaso mahī||86-153||

mahatī mīnabhakṣā ca mīnacarvaṇatatparā|
mīnāvatāraniratā māṃsacarvaṇatatparā||86-154||

māṃsapriyā māṃsasiddhā siddhamāṃsavinodinī|
māyā mahāvīrapūjyā madhupremadigambarī||86-155||

mādhavī madirāmadhyā madhumāṃsaniṣevitā|
mīnamudrābhakṣiṇī ca mīnamudrāpratapīṇī||86-156||

mudrāmaithunasaṃtṛptā maithunānandavadhīnī|
maithunajñānamokṣasthā mahāmahiṣamadīnī||86-157||

yajñaśraddhā yogasiddhā yatnī yatnaprakāśinī|
yaśodā yaśasi prītā yauvanasthā yamāpahā||86-158||

rāsaśraddhāturārāmaramaṇīramaṇapriyā|
rājyadā rajanīrājavallabhā rāmasundarī||86-159||

ratiścāratirūpā ca rudralokasarasvatī|
rudrāṇī raṇacāmuṇḍā raghuvaṃśaprakāśinī||86-160||

lakṣmīrlīlāvatī lokā lāvaṇyakoṭisambhavā|
lokātītā lakṣaṇākhyā liṅgadhārā lavaṅgadā||86-161||

lavaṅgapuṣpaniratā lavaṅgatarusaṃsthitā|
lelihānā layakarī līlādehaprakāśinī||86-162||

lākṣāśobhādharā laṅkā ratnamāsavadhāriṇī|
lakṣajāpasiddhikarī lakṣamantraprakāśinī||86-163||

vaśinī vaśakartrī ca vaśyakarmanivāsinī|
veśāveśyā veśaveśyā vaṃśinī vaṃśavadhīnī||86-164||

vaṃśamāyā vajraśabdamohinī śabdarūpiṇī|
śivā śivamayī śikṣā śaśicūḍāmaṇiprabhā||86-165||

śavayugmabhītidā ca śavayugmabhayānakā|
śavasthā śavavakṣasthā śābdabodhaprakāśinī||86-166||

ṣaṭpadmabhedinī ṣaṭkā ṣaṭkoṇayantramadhyagā|
ṣaṭcakrasāradā sārā sārātsārasaroruhā||86-167||

samanādinihantrī ca siddhidā saṃśayāpahā|
saṃsārapūjitā dhanyā saptamaṇḍalasākṣiṇī||86-168||

sundarī sundaraprītā sundarānandavadhīnī|
sundarāsyā sunavastrī saundaryasiddhidāyinī||86-169||

trisundarī sarvarī ca sarvā tripurasundarī|
śyāmalā sarvamātā ca sakhyabhāvapriyā svarā||86-170||

sākṣātkārasthitā sākṣātsākṣiṇī sarvasākṣiṇī|
hākinī śākinīmātā śākinī kākinīpriyā||86-171||

hākinī lākinīmātā hākinī rākiṇīpriyā|
hākinī ḍākinīmātā harā kuṇḍalinī hayā||86-172||

hayasthā hayatejaḥsthā hasauṃbījaprakāśinī|
lavaṇāmbusthitā lakṣagranthibhedanakāriṇī||86-173||

lakṣakoṭibhāskarābhā lakṣabrahmāṇḍakāriṇī|
kṣaṇadaṇḍapalākārā kṣapākṣobhavināśinī||86-174||

kṣetrapālādivaṭukagaṇeśayoginīpriyā|
kṣayarogaharā kṣauṇī kṣālanasthākṣarapriyā||86-175||

kṣādyasvarāntasiddhisthā kṣādikāntaprakāśinī|
kṣārāmbutiktanikarā kṣitiduḥkhavināśinī||86-176||

kṣunnivṛttiḥ kṣaṇajñānī vallabhā kṣaṇabhaṅgurā|
ityetat kathitaṃ nātha hākinyāḥ kulaśekhara||86-177||

sahasranāmayogāṅgamaṣṭottaraśatānvitam|
yaḥ paṭhenniyataḥ śrīmān sa yogī nātra saṃśayaḥ||86-178||

asya smaraṇamātreṇa vīro yogeśvaro bhavet|
asyāpi ca phalaṃ vaktuṃ koṭivarṣaśatairapi||86-179||

śakyate nāpi sahasā saṃkṣepāt śṛṇu satphalam|
āyurārogyamāpnoti viśvāsaṃ śrīguroḥ padaiḥ||86-180||

sārasiddhikaraṃ puṇyaṃ pavitraṃ pāpanāśanam|
atyantaduḥkhadahanaṃ sarvasaubhāgyadāyakam||86-181||

paṭhanāt sarvadā yogasiddhimāpnoti yogirāṭ|
dehasiddhiḥ kāvyasiddhirjñānasiddhirbhaved dhruvam||86-182||

vācāṃ siddhiḥ khaḍgasiddhiḥ khecaratvamavāpnuyāt|
trailokyavallabho yogī sarvakāmārthasiddhibhāk||86-183||

aprakāśyaṃ mahāratnaṃ paṭhitvā siddhimāpnuyāt|
asya prapaṭhanenāpi bhrūpadme cittamarpayan||86-184||

yaśobhāgyamavāpnotirājarājeśvaro bhavet|
ḍākinīsiddhimāpnoti kuṇḍalīvaśamānayet||86-185||

dhyānātmā sādhakendraśca yatirbhūtvā śubhe dine|
dhyānaṃ kuryāt padmamadhyakaṇīkāyāṃ śikhālaye||86-186||

bhrūmadhye cakrasāre ca dhyātvā dhyātvā paṭhed yadi|
rākiṇīsiddhimāpnoti devatādarśanaṃ labhet||86-187||

bhāgyasiddhimavāpnoti nityaṃ prapaṭhanādyataḥ|
sākṣātsiddhimavāpnoti śaktiyuktaḥ paṭhedyadi||86-188||

hiraṇyākṣī lākinīśā vaśamāpnoti dhairyavān|
rātriśeṣe samutthāya paṭhed yadi śivālaye||86-189||

pūjānte vā japānte vā vāramekaṃ paṭhedyadi|
vīrasiddhimavāpnoti kākinīvaśamānayet||86-190||

rātriṃ vyāpya paṭhedyastu śuddhacetā jitendriyaḥ|
śayyāyāṃ caṇḍikāgehe madhugehe'thavā punaḥ||86-191||

śākinīsiddhimāpnoti sarvadeśe ca sarvadā|
prabhāte ca samutthāya śuddhātmā pañcame dine||86-192||

amāvāsyāsu vijñāyāṃ śravaṇāyāṃ viśeṣataḥ|
śuklapakṣe navamyāṃ tu kṛṣṇapakṣe'ṣṭamīdine||86-193||

bhāryāyuktaḥ paṭhedyastu vaśamāpnoti bhūpatim|
ekākī nirjane deśe kāmajetā mahābalī||86-194||

prapaṭhed rātriśeṣe ca sa bhavet sādhakottamaḥ|
kalpadrumasamo dātā devajetā na saṃśayaḥ||86-195||

śivaśaktimadhyabhāge yantraṃ saṃsthāpya yatnataḥ|
prapaṭhet sādhakendraśca sarvajñātā sthirāśayaḥ||86-196||

ekāntanirjane ramye tapaḥsiddhiphalodaye|
deśe sthitvā paṭhedyastu jīvanmukti phalaṃ labhet||86-197||

akāle'pi sakāle'pi paṭhitvā siddhimāpnuyāt|
trikālaṃ yastu paṭhati prāntare vā catuṣpathe||86-198||

yoginīnāṃ patiḥ sākṣādāyurvṛddhidīne dine|
vāramekaṃ paṭhedyastu mūrkho vā paṇḍito'pi vā||86-199||

vācāmīśo bhavet kṣipraṃ yogayukto bhaved dhruvam|
sambhāvito bhavedekaṃ vārapāṭhena bhairava||86-200||

jitvā kālamahāmṛtyuṃ devībhaktimavāpnuyāt|
paṭhitvā vāramekaṃ tu yātrāṃ kurvanti ye janāḥ||86-201||

devīdarśanasiddhiñca prāpto yogamavāpnuyāt|
pratyekaṃ nāmamuccārya yo yāgamanusañcaret||86-202||

sa bhavenmama putro hi sarvakāmaphalaṃ labhet|
sarvayajñaphalaṃ jñānasiddhimāpnoti yogirāṭ||86-203||

bhūtale bhūbhṛtāṃnātho mahāsiddho mahākaviḥ|
kaṇṭhe śīrṣe dakṣabhuje puruṣo dhārayedyadi||86-204||

yoṣidvāmabhuje dhṛtvā sarvasiddhimavāpnuyāt|
gorocanākuṅkumena raktacandanakena ca||86-205||

yāvakairvā maheśāni likhenmantraṃ samāhitaḥ|
ādyā devī paraprāṇasiddhimāpnoti niścitam||86-206||

liṅgaṃ pīṭhe pūṇīmāyāṃ kṛṣṇacaturdaśīdine|
bhaumavāre madhyarātrau paṭhitvā kāmasiddhibhāk||86-207||

kiṃ na siddhyati bhūkhaṇḍe ajarāmara eva saḥ|
ramaṇīkoṭibhartā syād varṣadvādaśapāṭhataḥ||86-208||

aṣṭavarṣaprapāṭhena kāyapraveśasiddhibhāk|
ṣaḍvarṣamātrapāṭhena kuberasadṛśo dhanī||86-209||

vāraikamātrapāṭhena varṣe varṣe dine dine|
sa bhavet pañcatattvajño tattvajñānī na saṃśayaḥ||86-210||

sarvapāpavinirmukto vaset kalpatrayaṃ bhuvi|
yaḥ paṭhet saptadhā nātha saptāhani dine dine||86-211||

rātrau vāratrayaṃ dhīmān paṭhitvā khecaro bhavet|
aśvinī śuklapakṣe ca rohiṇyasitapakṣake||86-212||

aṣṭamyāṃ hi navamyāṃ tu paṭhed vāratrayaṃ niśi|
divase vāramekaṃ tu sa bhavet pañcatattvavit||86-213||

anāyāsena deveśa pañcāmarādisiddhibhāk|
khecarīmelanaṃ tasya nityaṃ bhavati niścitam||86-214||

svarge martye ca pātāle kṣaṇānniḥsarati dhruvam|
agnistambhaṃ jalastambhaṃ vātastambhaṃ karoti saḥ||86-215||

pañcatattvakrameṇaiva śmaśāne yastu sampaṭhet|
sa bhaved devadeveśaḥ siddhāntasārapaṇḍitaḥ||86-216||

śūkarāsavasaṃyuktaḥ kuladravyeṇa vā punaḥ|
bilvamūle pīṭhamūle vidhānena prapūjayet|
pareṇa paramā devī tuṣṭā bhavati siddhidā||86-217||

iti śrīrudrayāmale uttaratantre mahātantroddīpane siddhamantraprakaraṇa|ṣaṭcakraprakāśe bhairavabhairavīsaṃvāde hākinīsahasranāma--|vinyāso nāma ṣaḍaśītitamaḥ paṭalaḥ||86||

Kapitel 87

atha saptāśītitamaḥ paṭalaḥ

śrīānandabhairava uvāca ānandabhairavi prāṇavallabhe jagadīśvari|
tava prasādavākyena śrutaṃ nāmasahasrakam||87-1||

hākinyāḥ kulayoginyāḥ paramādbhutamaṅgalam|
idānīṃ śrotumicchāmi paranāthasya vāñchitam||87-2||

sahasranāmayogāṅgamaṣṭottarasamākulam|
bhrūpadmabhedanārthāya hākinīyogasiddhaye||87-3||

paranāthasya yogādhisiddhaye kulabhairavi|
kṛpayā vada me prītā dharmasiddhinibandhanāt||87-4||

mama deharakṣaṇāya pātivrātyaprasiddhaye|
mahāviṣahare śīghraṃ vada yogini vistarāt||87-5||

tvatprasādāt khecarāṇāṃ bhairavāṇāṃ hi yoginām|
nātho'haṃ jagatīkhaṇḍe sudhākhaṇḍe vada priye||87-6||

punaḥ punaḥ staumi nitye tvameva supriyā bhava|
śrīānandabhairavī uvāca atha yogeśvara prāṇanātha yogendra siddhida||87-7||

idānīṃ kathaye te'haṃ nijadehasusiddhaye|
sarvadā hi paṭhasva tvaṃ kālamṛtyuṃ vaśaṃ naya||87-8||

kṛpayā tava nāthasya snehapāśaniyantritā|
tavājñāpālanārthāya kālakūṭavināśanāt||87-9||

bhuktimuktikriyābhaktisiddhaye tacchṛṇu prabho|
nityāmṛtakhaṇḍarasollāsanāmasahasrakam||87-10||

aṣṭottaraṃ prayatnena yogināṃ hi hitāya ca|
kathayāmi siddhanāmajñānanirṇayasādhanam||87-11||

oṃ hsau sāṃ pareśaśca parāśaktiḥ priyeśvaraḥ|
śivaḥ paraḥ pāribhadraḥ pareśo nirmalo'dvayaḥ||87-12||

svayaṃjyotiranādyanto nivīkāraḥ parātparaḥ|
paramātmā parākāśo'paro'pyaparājitaḥ||87-13||

pārvatīvallabhaḥ śrīmān dīnabandhustrilocanaḥ|
yogātmā yogadaḥ siddheśvaro vīraḥ svarāntakaḥ||87-14||

kapileśo gururgītaḥ svapriyo gītamohanaḥ|
gabhīro gādhanasthaśca gītavādyapriyaṅkaraḥ||87-15||

gurugītāpavitraśca gānasammānatojjhitaḥ|
gayānātho dattanātho dattātreyapatiḥ śivaḥ||87-16||

ākāśavāhako nīlo nīlāñjanaśarīradhṛk|
khagarūpī khecaraśca gaganātmā gabhīragaḥ||87-17||

gokoṭidānakarttā ca gokoṭidugdhabhojanaḥ|
abhayāvallabhaḥ śrīmān paramātmā nirākṛtiḥ||87-18||

saṅkhyādhārī nirākārī nirākaraṇavallabhaḥ|
vāyvāhārī vāyurūpī vāyugantā svavāyupāḥ||87-19||

vātaghno vātasampattirvātājīrṇo vasantavit|
vāsanīśo vyāsanātho nāradādimunīśvaraḥ||87-20||

nārāyaṇapriyānando nārāyaṇanirākṛtiḥ|
nāvamālo nāvakartā nāvasaṃjñānadhārakaḥ||87-21||

jalādhāro jñeya indro nirindriyaguṇodayaḥ|
tejorūpī caṇḍabhīmo tejomālādharaḥ kulaḥ||87-22||

kulatejā kulānandaḥ śobhāḍhyo vedaraśmidhṛk|
kiraṇātmā kāraṇātmā kalpacchāyāpatiḥ śaśī||87-23||

parajñānī parānandadāyako dharmajitprabhuḥ|
trilocanāmbhojarājo dīrghanetro manoharaḥ||87-24||

cāmuṇḍeśaḥ pracaṇḍeśaḥ pāribhadreśvaro haraḥ|
gopitā mohito goptā guptistho gopapūjitaḥ||87-25||

gopanākhyo godhaneśaśca cāruvaktro digambaraḥ|
pañcānanaḥ pañcamīśo viśālo garuḍeśvaraḥ||87-26||

ardhanārīśvareśaśca nāyikeśaḥ kulāntakaḥ|
saṃhāravigrahaḥ pretabhūtakoṭiparāyaṇaḥ||87-27||

ananteśo'pyanantātmā maṇicūḍo vibhāvasuḥ|
kālānalaḥ kālarūpī vedadharmeśvaraḥ kaviḥ||87-28||

bhargaḥ smaraharaḥ śambhuḥ svayambhuḥ pītakuṇḍalaḥ|
jāyāpatiryājajūko vilāśīśaḥ śikhāpatiḥ||87-29||

parvateśaḥ pārvaṇākhyaḥ kṣetrapālo mahīśvaraḥ|
vārāṇasīpatirmānyo dhanyo vṛṣasuvāhanaḥ||87-30||

amṛtānandito mugdho vanamālīśvaraḥ priyaḥ|
kāśīpatiḥ prāṇapatiḥ kālakaṇṭho maheśvaraḥ||87-31||

kambukaṇṭhaḥ krāntivargo vargātmā jalaśāsanaḥ|
jalabudbudavakṣaśca jalarekhāmayaḥ pṛthuḥ||87-32||

pāthīveśo mahīkartā pṛthivīparipālakaḥ|
bhūmistho bhūmipūjyaśca kṣauṇīvṛndārakācītaḥ||87-33||

śūlapāṇiḥ śaktihasto padmagarbho hiraṇyabhṛt|
bhūgartasaṃsthito yogī yogasambhavavigrahaḥ||87-34||

pātālamūlakartā ca pātālakulapālakaḥ|
pātālanāgamālāḍhyo dānakartā nirākulaḥ||87-35||

bhrūṇahantā pāparādhināgakaḥ kālanāgakaḥ|
kapilogratapaḥprīto lokopakārakṛnnṛpaḥ||87-36||

nṛpācīto nṛpārthastho nṛpārthakoṭidāyakaḥ|
pāthīvārcanasantuṣṭo mahāvegī pareśvaraḥ||87-37||

parāpārāpārataro mahātarunivāsakaḥ|
tarumūlasthito rudro rudranāmaphalodayaḥ||87-38||

raudrīśaktipatiḥ krodhī kopanaṣṭo virocanaḥ|
asaṃkhyeyākhyayuktaśca pariṇāmavivajītaḥ||87-39||

pratāpī pavanādhāraḥ praśaṃsyaḥ sarvanirṇayaḥ|
vedajāpī mantrajāpī devatā gururīśvaraḥ||87-40||

śrīnātho gurudevaśca paranātho guruḥ prabhuḥ|
parāparagururjñānī tantrajño'rkaśataprabhāḥ||87-41||

tīrkṣyo gamanakārī ca kālabhāvī nirañjanaḥ|
kālakūṭānalaḥ śrotaḥ puñjapānaparāyaṇaḥ||87-42||

parivāragaṇāḍhyaśca pārāśāṣisutasthitaḥ|
sthitisthāpakarūpaśca rūpātīto'malāpatiḥ||87-43||

patīśo bhāguriścaiva kālaścaiva haristathā|
vaiṣṇavaḥ premasindhuśca taralo vātavittahā||87-44||

bhāvasvarūpo bhagavān nirākāśaḥ sanātanaḥ|
avyayaḥ puruṣaḥ sākṣī cācyuto mandarāśrayaḥ||87-45||

mandarādrikriyānando vṛndāvanatanūdbhavaḥ|
vācyāvācyasvarūpaśca nirmalākhyo vivādahā||87-46||

vaidyo vedaparo grantho vedaśāstraprakāśakaḥ|
smṛtimūlo vedayuktiḥ pratyakṣakuladevatā||87-47||

parīkṣako vāraṇākhyo mahāśailaniṣevitaḥ|
viriñcapremadātā ca janyollāsakaraḥ priyaḥ||87-48||

prayāgadhārī payo'rthī gāṅgāgaṅgādharaḥ smaraḥ|
gaṅgābuddhipriyo devo gaṅgāsnānaniṣevitaḥ||87-49||

gaṅgāsalilasaṃstho hi gaṅgāpratyakṣasādhakaḥ|
giro gaṅgāmaṇimaro mallikāmāladhārakaḥ||87-50||

mallikāgandhasupremo mallikāpuṣpadhārakaḥ|
mahādrumo mahāvīro mahāśūro mahoragaḥ||87-51||

mahātuṣṭirmahāpuṣṭirmahālakṣmīśubhaṅkaraḥ|
mahāśramī mahādhyānī mahācaṇḍeśvaro mahān||87-52||

mahādevo mahāhlādo mahābuddhiprakāśakaḥ|
mahābhakto mahāśakto mahādhūrto mahāmatiḥ||87-53||

mahācchatradharo dhārodharakoṭigataprabhā|
advaitānandavādī ca mukto bhaṅgapriyo'priyaḥ||87-54||

atigandhaścātimātro niṇītāntaḥ parantapaḥ|
niṇīto'niladhārī ca sūkṣmānilanirūpakaḥ||87-55||

mahābhayaṅkaro golo mahāvivekabhūṣaṇaḥ|
sudhānandaḥ pīṭhasaṃstho hiṅgulādeśvaraḥ suraḥ||87-56||

naro nāgapatiḥ krūro bhaktānāṃ kāmadaḥ prabhuḥ|
nāgamālādharo dharmī nityakarmī kulīnakṛt||87-57||

śiśupāleśvaraḥ kītīvikārī liṅgadhārakaḥ|
tṛptānando hṛṣīkeśeśvaraḥ pāñcālavallabhaḥ||87-58||

akrūreśaḥ patiḥ prītivardhako lokavardhakaḥ|
atipūjyo vāmadevo dāruṇo ratisundaraḥ||87-59||

mahākālaḥ priyāhlādī vinodī pañcacūḍadhṛk|
ādyāśaktipatiḥ pānto vibhādhārī prabhākaraḥ||87-60||

anāyāsagatirbuddhipraphullo nandipūjitaḥ|
śilāmūtīsthito ratnamālāmaṇḍitavigrahaḥ||87-61||

budhaśrīdo budhānando vibudho bodhavardhanaḥ|
aghoraḥ kālahartā ca niṣkalaṅko nirāśrayaḥ||87-62||

pīṭhaśaktipatiḥ premadhārako mohakārakaḥ|
asamo visamo bhāvo'bhāvo bhāvo nirindriyaḥ||87-63||

nirāloko bilānando bilastho viṣabhukpatiḥ|
durgāpatirdurgahartā dīrghasiddhāntapūjitaḥ||87-64||

sarvo durgapativīpro viprapūjāparāyaṇaḥ|
brāhmaṇānandanirato brahmakarmasamādhivit||87-65||

viśvātmā viśvabhartā ca viśvavijñānapūrakaḥ|
viśvāntaḥkaraṇasthaśca viśvasaṃjñāpratiṣṭhitaḥ||87-66||

viśvādhāro viśvapūjyo viśvastho'cīta indrahā|
alābubhakṣaṇaḥ kṣāntirakṣo rakṣanivāraṇaḥ||87-67||

titikṣārahito hūtiḥ puruhūtapriyaṅkaraḥ|
puruṣaḥ puruṣaśreṣṭho vilālasthaḥ kulālahā||87-68||

kuṭilastho vidhiprāṇo viṣayānandapāragaḥ|
brahmajñānaprado brahmajñānī brahmaguṇāntaraḥ||87-69||

pālakeśo virājaśca vajradaṇḍo mahāstradhṛk|
sarvāstrarakṣakaḥ śrīdo vidhibuddhiprapūraṇaḥ||87-70||

āryāputro devarājapūjito munipūjitaḥ|
gandharvapūjitaḥ pūjyo dānavajñānanāśanaḥ||87-71||

apsarogaṇapūjyaśca martyalokasupūjitaḥ|
mṛtyujidripujit plakṣo mṛtyuñjaya iṣupriyaḥ||87-72||

tribījātmā nīlakaṇṭhaḥ kṣitīśo roganāśanaḥ|
jitāriḥ premasevyaśca bhaktigamyo nirudyamaḥ||87-73||

nirīho nirayāhlādaḥ kumāro ripupūjitaḥ|
ajo devātmajo dharmo'santo mandamāsanaḥ||87-74||

mandahāso mandanaṣṭo mandagandhasuvāsitaḥ|
māṇikyahāranilayo muktāhāravibhūṣitaḥ||87-75||

muktido bhaktidaścaiva nirvāṇapadadānadaḥ|
nivīkalpo modadhārī nirātaṅko mahājanaḥ||87-76||

muktāvidrumamālāḍhyo muktādāmalasatkaṭiḥ||87-77||

ratneśvaro dhaneśaśca dhaneśaprāṇavallabhaḥ|
dhanajīvī karmajīvī saṃhāravigrahojjvalaḥ||87-78||

saṃṅketārthajñānaśūnyo mahāsaṅketapaṇḍitaḥ|
supaṇḍitaḥ kṣemadātā bhavadātā bhavānvayaḥ||87-79||

kiṅkareśo vidhātā ca vidhātuḥ priyavallabhaḥ|
kartā hartā kārayitā yojanāyojanāśrayaḥ||87-80||

yukto yogapatiḥ śraddhāpālako bhūtaśaṅkaraḥ|
bhūtādhyakṣo bhūtanātho bhūtapālanatatparaḥ||87-81||

vibhūtidātā bhūtiśca mahābhūtivivardhanaḥ|
mahālakṣmīśvaraḥ kāntaḥ kamanīyaḥ kalādharaḥ||87-82||

kamalākānta īśāno yamo'maro manojavaḥ|
manayogī mānayogī mānabhaṅgo nirūpaṇaḥ||87-83||

avyaktānandanirato vyaktāvyaktanirūpitaḥ|
ātmārāmapatiḥ kṛṣṇapālako rāmapālakaḥ||87-84||

lakṣaṇeśo lakṣabhartā bhāvatīśaḥ prajābhavaḥ|
bharatākhyo bhārataśca śatrughno hanumān kapiḥ||87-85||

kapicūḍāmaṇiḥ kṣetrapāleśo dikkarāntaraḥ|
diśāṃpatidīśīśaśca dikpālo hi digambaraḥ||87-86||

anantaratnacūḍāḍhyo nānāratnāsanasthitaḥ|
saṃvidānandanirato vijayo vijayātmajaḥ||87-87||

jayājayavicāraśca bhāvacūḍāmaṇīśvaraḥ|
muṇḍamālādharastantrī sāratantrapracārakaḥ||87-88||

saṃsārarakṣakaḥ prāṇī pañcaprāṇo mahāśayaḥ|
garuḍadhvajapūjyaśca garuḍadhvajavigrahaḥ||87-89||

gāruḍīśo mantriṇīśo maitraprāṇahitākaraḥ|
siddhimitro mitradevo jagannātho nareśvaraḥ||87-90||

narendreśvarabhāvastho vidyābhāvapracāravit|
kālāgnirudro bhagavān pracaṇḍeśvarabhūpatiḥ||87-91||

alakṣmīhārakaḥ kruddho ripūṇāṃ kṣayakārakaḥ|
sadānandamayo vṛddho dharmasākṣī sudhāṃśudhṛk||87-92||

sākṣaro ripuvargastho daityahā muṇḍadhārakaḥ|
kapālī ruṇḍamālāḍhyo mahābījaprakāśakaḥ||87-93||

ajeyograpatiḥ svāhāvallabho hetuvallabhaḥ|
hetupriyānandadātā hetubījaprakāśakaḥ||87-94||

śrutikṣipramaṇirato brahmasūtraprabodhakaḥ|
brahmānando jayānando vijayānanda eva ca||87-95||

sudhānando budhānando vidyānando balīpatiḥ|
jñānānando vibhānando bhāvānando nṛpāsanaḥ||87-96||

sarvāsanogrānandaśca jagadānandadāyakaḥ|
pūrṇānando bhavānando hyamṛtānanda eva ca||87-97||

śītalo'śītivarṣastho vyavasthāparicāyakaḥ|
śīlāḍhyaśca suśīlaśca śīlānando parāśrayaḥ||87-98||

sulabho madhurānando madhurāmodamādanaḥ|
abhedyo mūtrasañcārī kalahākhyo viṣaṅkaṭaḥ||87-99||

vāśabhāḍhyaḥ parānando visamānanda ulbaṇaḥ|
adhipo vāruṇīmatto mattagandharvaśāsanaḥ||87-100||

śatakoṭiśaruśrīdo vīrakoṭisamaprabhaḥ|
ajāvibhāvarīnātho viṣamāpūṣṇipūjitaḥ||87-101||

vidyāpatirvedapatiraprameyaparākramaḥ|
rakṣopatirmahāvīrapatiḥ premopakārakaḥ||87-102||

vāraṇāvipriyānando vāraṇeśo vibhusthitaḥ|
raṇacaṇḍo raśeśaśca raṇarāmapriyaḥ prabhuḥ||87-103||

raṇanāthī raṇāhlādaḥ saṃgrāmapretavigrahaḥ|
devībhakto devadevo divi dāruṇatatparaḥ||87-104||

khaḍgī ca kavacī siddhaḥ śūlī dhūlistriśūladhṛk|
dhanuṣmān dharmacitteśo'cinnanāgasumālyadhṛk||87-105||

artho'narthapriyo'prāyo malātīto'tisundaraḥ|
kāñcanāḍhyo hemamālī kāñcanaśṛṅgaśāsanaḥ||87-106||

kandarpajetā puruṣaḥ kapittheśo'rkaśekharaḥ|
padmagandho'tisadgandhaścandraśekharabhṛt sukhī||87-107||

pavitrādhāranilayo vidyāvadvarabījabhṛt|
kandarpasadṛśākāro māyājid vyāghracarmadhṛk||87-108||

atisaundaryacūḍāḍhyo nāgacitramaṇipriyaḥ|
atigaṇḍaḥ kumbhakarṇaḥ kurujetā kavīśvaraḥ||87-109||

ekamukho dvituṇḍaśca dvividho vedaśāsanaḥ|
ātmāśrayo gurumayo gurumantrapradāyakaḥ||87-110||

śaurīnātho jñānamārgī siddhamārgī pracaṇḍagaḥ|
nāmagaḥ kṣetragaḥ kṣetro gaganagranthibhedakaḥ||87-111||

gāṇapatyavasācchanno gāṇapatyavasādavaḥ|
gambhīro'tisusūkṣmaśca gītavādyapriyaṃvadaḥ||87-112||

āhlādodrekakārī ca sadāhlādī manogatiḥ|
śivaśaktipriyaḥ śyāmavarṇaḥ paramabāndhavaḥ||87-113||

atithipriyakaro nityo govindeśo harīśvaraḥ|
sarveśo bhāvinīnātho vidyāgarbho vibhāṇḍakaḥ||87-114||

brahmāṇḍarūpakartā ca brahmāṇḍadharmadhārakaḥ|
dharmārṇavo dharmamārgī dharmacintāsusiddhidaḥ||87-115||

asthāsthito hyāstikaśca svastisvacchandavācakaḥ|
annarūpī annakastho mānadātā mahāmanāḥ||87-116||

ādyāśaktiprabhurmātṛvarṇajālapracārakaḥ|
mātṛkāmantrapūjyaśca mātṛkāmantrasiddhidaḥ||87-117||

mātṛpriyo mātṛpūjyo mātṛkāmaṇḍaleśvaraḥ|
bhrāntihantā bhrāntidātā bhrāntastho bhrāntivallabhaḥ||87-118||

ityetat kathitaṃ nātha sahasranāmamaṅgalam|
aṣṭottaraṃ mahāpuṇyaṃ svargīyaṃ bhuvi durlabham||87-119||

yasya śravaṇamātreṇa naro nārāyaṇo bhavet|
aprakāśyaṃ mahāguhyaṃ devānāmapyagocaram||87-120||

phalaṃ koṭivarṣaśatairvaktuṃ na śakyate budhaiḥ|
yasya smaraṇamākṛtya yoginīyogapāragaḥ||87-121||

sokṣaṇaḥ sarvasiddhīnāṃ trailokye sacarācare|
devāśca bahavaḥ santi yoginastattvacintakāḥ||87-122||

paṭhanāddhāraṇājjñānī mahāpātakanāśakaḥ|
āyurārogyasampattibṛṃhito bhavati dhruvam||87-123||

saṃgrāme grahabhītau ca mahāraṇye jale bhaye|
vāramekaṃ paṭhedyastu sa bhaved devavallabhaḥ||87-124||

sarveṣāṃ mānasambhaṅgī yogirāḍ bhavati kṣaṇāt|
pūjāṃ kṛtvā viśeṣeṇa yaḥ paṭhenniyataḥ śuciḥ||87-125||

sa sarvalokanāthaḥ syāt paramānandamāpnuyāt|
ekapīṭhe japedyastu kāmarūpe viśeṣataḥ||87-126||

trikālaṃ vātha ṣaṭkālaṃ paṭhitvā yogirāḍ bhavet|
ākāśagāminīṃ siddhiṃ guṭikāsiddhimeva ca||87-127||

prāpnoti sādhakendrastu rājatvaṃ hi dine dine|
sarvadā yaḥ paṭhennityaṃ sarvajñaḥ sukuśāgradhīḥ||87-128||

avaśyaṃ yogināṃ śreṣṭhaḥ kāmajetā mahītale|
ajñānī jñānavān sadyo'dhanī ca dhanavān bhavet||87-129||

sarvadā rājasammānaṃ pañcatvaṃ nāsti tasya hi|
gale dakṣiṇabāhau ca dhārayedyastu bhaktitaḥ||87-130||

acirāttasya siddhiḥ syānnātra kāryā vicāraṇā|
avadhūteśvaro bhūttvā rājate nātra saṃśayaḥ||87-131||

araktacandanayuktena haridrākuṅkumena ca|
sephālikāpuṣpadaṇḍairdalasaṅkulavajītaiḥ||87-132||

militvā yo likhet stotraṃ kevalaṃ candanāmbhasā|
sa bhavet pārvatīputraḥ kṣaṇādvā dvādaśāhani||87-133||

ekamāsaṃ dvimāsaṃ vā trimāsaṃ varṣameva ca|
jīvanmukto dhārayitvā sahasranāmakīrtanam||87-134||

paṭhitvā taddviguṇaśaḥ puṇyaṃ koṭiguṇaṃ labhet|
kimanyaṃ kathayiṣyāmi sārvabhaumeśvaro bhavet||87-135||

tribhuvanagaṇanātho yoginīśo dhanāḍhyo|
matisuvimalabhāvo dīrghakālaṃ vaset saḥ|
iha paṭhati bhavānīvallabhaḥ stotrasāraṃ|
daśaśatamabhidheyaṃ jñānamaṣṭottaraṃ ca||87-136|

iti śrīrudrayāmale uttaratantre mahātantroddīpane siddhamantraprakaraṇe ṣaṭkoṇaprakāśe bhrūpadmabhedavinyāse bhairavībhairavasaṃvāde paraśivahākinīśvarāṣṭottara--|sahasranāmapāṭhe saptāśītitamaḥ paṭalaḥ||87||

Kapitel 88

Sammlung und innere Schau gehören zu den Themen der Chakra-Lehre.

athāṣṭāśītitamaḥ paṭalaḥ

śrīānandabhairavī uvāca śṛṇuṣva parameśa tvaṃ durlabhaṃ yogimaṇḍale|
mahāyogajñānasāraṃ trailokyamaṅgalaṃ śubham||88-1||

yasya vijñānamātreṇa sādhako'sādhako'pi vā|
mṛtyuñjayo bhavejjñānī paramānandarūpabhāk||88-2||

homasthānaṃ śikhāmadhye dīpasya bhrūdalāntare|
parabrahmasvarūpāṃ tāṃ śikhārūpāṃ jagatpriyām||88-3||

svāhāśaktiṃ tatra nātha vicintya manasā sudhīḥ|
yaḥ stutvā pratyahaṃ homakarmasiddhi samāpayet||88-4||

ityetat paramaṃ jñānamanyajjñānaṃ śṛṇu prabho|
śikhordhve ca parā śaktiḥ paraṃbrahmasvarūpiṇī||88-5||

uṣṭrmukhī raktamukhī koṭikālānalopamā|
tāṃ dhyātvā kulapadmasya kaṇīkāyāṃ mahāmanāḥ||88-6||

manoyogasthitāṃ devīṃ paramānandadāyinīm|
sūkṣmātisūkṣmabhāvasthāṃ sthūlātisthūlavigrahām||88-7||

kālātītāṃ kālarūpāṃ kālākālaprakāśinīm|
dharmodayāṃ bhānumatīṃ prabandhakauśaleśvarīm||88-8||

pārvatīṃ raṇamātaṅgīṃ mataṅgagamanāṃ parām|
nirvāṇasiddhidāṃ dhātrīṃ pañcatattvaprakāśinīm||88-9||

pañcamīṃ pañcamasthāñca pañcavaktrapriyaṃvadām|
pañcaraśṃmi pañcamavān śobhitāṃ dikpaṭāmbarām||88-10||

pravālasthūlakoṭīndranīlacandramaṇisrajām|
dvibhujāṃ maunaśīlāñca jñānapustakadhāriṇīm||88-11||

ekākārasthitāṃ raudrīṃ paradevīṃ vibhāvya ca|
taccatudīkṣu satataṃ śatayoginīmaṇḍalam||88-12||

cakrapaṅktyākāraśobhāmaṇḍalaṃ maṇḍapasthitam|
tāsāṃ nāmāni vakṣyāmi śṛṇu bhairavavallabha||88-13||

śmaśānavāsinī durgā hariṇākṣī pracaṇḍikā|
raudrī śyāmā yoginī ca śivānī śivamohinī||88-14||

sukhinī pañcamī bālā kuṭilākṣī vasundharā|
suvarṇāṅgī pāvanā ca pavitrā paramānanā||88-15||

siddhidā maṅgalā bhāvyā surati kāmadā ratiḥ|
prabalā vimalā camanā prabhā kāñcanamālinī||88-16||

tribhaṅgadehaśyāmāṅgī taruṇā taralāvatī|
sulabhā durlabhā sarvā praphullakamalāpi vā||88-17||

pātālamukhī gomuṇḍā ghorahāsā vilāsinī|
aruṇā śravaṇā mantrī mālatī mallikā tathā||88-18||

vaiśvānarī bharadvājā trivibhāgā matiḥ kṣudhā|
subhadrābhākarī liptā nartakā ciṭisundarī||88-19||

bṛhannalī bhāgavatī viśālā viralā tathā|
mānasī vānarīgrīvā krodhinī mohinī tathā||88-20||

ākaṣīṇī stambhinī va trijaṭā rukmamālinī|
saptikā sukalā gīryā gabhīrā muṣalāvatī||88-21||

bṛhannitambā mohākṣī mandirā candrikā tathā|
siddhā vidyādharā hārā ratiḥ kaiśoradhamīṇī||88-22||

taptā śāntirbhadradā ca vikārī mañcavāsinī|
mahāvidyā bhavānī ca tārabrahmasvarūpiṇī||88-23||

mātaṅgī bagalā kṛṣṇā śivā haimavatīśvarā|
samanāpaharā kālī kandarpavanitā śubhā||88-24||

vārāṇasīśvarī bālā kamalā cāruhāsinī|
ajantā himakanyā ca śarvāṇī kulacañcalā||88-25||

tapasvinī rājaputrī comāparṇā nirañjanā|
ādhārabhūtā sāvitrī vācyāvācyā carācarā||88-26||

kalkyeśī śaśivadanā nivīkalpasupākṣaṇī|
bhuvaneśī sundarī ca satī siddhipradā kalā||88-27||

kṛpaṇā padmavadanā śabdeśī bhagamālinī|
ārādhitā śokaharā harā hīrakamālinī||88-28||

hālāhalaharā hārā ratī kālānalāpahā|
bhairavī vīramātā ca mahābhāgyavatī umā||88-29||

sulabhā durgamātā ca sugandhā gandhamālinī|
amāvāsyā sitā bhadrā cāruṇī sūryaputriṇī||88-30||

dānadā dhanadā siddhidāyinī bhogadāyinī|
ilāvatī ratnamālā manoyoganivāsinī||88-31||

manasvinī mūlamātā mūlamantrasvarūpiṇī|
etāsāṃ dhyānamākṛtya catudīkṣu krameṇa tu||88-32||

vibhāvya taijasīṃ sarvāṃ tejomālāvināśinīm|
atisaundaryalaharīṃ pārijātavanāntare||88-33||

mahāmaṇḍalamadhye tu ratnasantānanimīte|
grahasyāpi mahākālaṃ caturdvāraṃ vicintayet||88-34||

maṇikoṭivinirmāṇacatustoraṇabhūṣitam|
maṇḍapasyordhvabhāge ca mahācandrātapaṃ śitam||88-35||

śatasūryaprabhaṃ kāntaṃ muktādāmavibhūṣitam|
tathā maṇḍapamadhyordhve vitālāṅkaṃ manoharam||88-36||

tadadhaḥ svarṇanirmāṇacchatraṃ maṇimayaṃ rucim|
tadadhaḥ siṃharūpākṣi yuktasiṃhāsanaṃ param||88-37||

tadūrdhve pretabījaṃ tu pretaliṅgopamaṃ smṛtam|
pretaliṅgopari dhyātvā kāñcanasyāpi maṇḍalam||88-38||

mahāpīṭhaṃ trikoṇaṃ tu kaṇīkāyāṃ mahāprabham|
śuklapadmaṃ mahāśobhaṃ ṣoḍaśacchadamaṇḍitam||88-39||

ṣoḍaśasvarasaṃyuktaṃ keśakeṣu ca varṇakān|
dakṣiṇāvartayogena vidyudrūpaṃ vicintayet||88-40||

catuṣkoṇatrayaṃ paścāccaturdvāraṃ manoharam|
tatra saṃcintayed devīṃ vāruṇīmattavigrahām||88-41||

parāmbārūpiṇīṃ tārāṃ taruṇādityasannibhām|
caturdvāre sadā dhyāyed devānāṃ cāpi maṇḍalam||88-42||

savāhanaṃ daivataṃ ca parivārasamanvitam|
indranīlaprabhaṃ kāntaṃ pūrvadvārīndracintanam||88-43||

vahnikoṇe tathā vahnimaṇḍalaṃ sarvatomukham|
parivārānvitaṃ dhyātvā yamalokaṃ tu dakṣiṇe||88-44||

yamaṃ śyāmaṃ mahākāntaṃ parivāragaṇānvitam|
savāhanaṃ tato dhyāyennairṛtaṃ rākṣasīṃ purīm||88-45||

taduttare sadā dhyāyed varuṇaṃ meṣavāhanam|
parivārānvitaṃ śuklaṃ bhāsvaraṃ tatra cintayet||88-46||

taduttare marullokaṃ kṛṣṇasārasvavāhanam|
parivārānvitaṃ dhyātvā tatpūrve cintayet tataḥ||88-47||

kuberamuttaradvāri parivāragaṇānvitam|
savāhanaṃ kutsitañca sarvaratnopaśobhitam||88-48||

īśāne īśalokañca parivāragaṇānvitam|
savāhanaṃ sarvalokapūjitaṃ parameśvaram||88-49||

parivārānvitaṃ dhyātvā nānāvādyasamanvitam|
bherīturīdhudhurīṇāṃ sahasrakoṭimeva ca||88-50||

dundubhikulitāmodagāyanānandapūritam|
nānāsundaravādyāḍhyaṃ pūrvalokaṃ vicintayet||88-51||

veṇuvīṇāmṛdaṅgānāṃ sahasrakoṭināditam|
yamalokaṃ nairṛte ca mantrakoṭisamanvitam||88-52||

karatālakāṃsyaḍhakkādhvanikoṭiprapūritam|
jaleśvaramahālokaṃ dundubhidhvanimohitam||88-53||

yantrakoṭidhvaniśreṇimohitaṃ tatra cintayet|
jharjharīparparītāṅgīsvanādanāditaṃ rucim||88-54||

marullokaṃ tathā dhyāyet kuberasthānameva ca|
dundubhiśreṇiḍhakkādiyantranādavimohitam||88-55||

rāgatālanṛtyagītaṃ mūtīmantraṃ vicintayet|
dīptiśreṇidharaṃ kāntaṃ gandharvanagaraṃ tataḥ||88-56||

apsarobhiḥ parivṛtaṃ sarvatra nagare sudhīḥ|
vicintayed gānarasaṃ rasikaṃ sarvamaṅgalam||88-57||

sarvalokasthitā śobhā śobhā sarvavimohinī|
sarvasyāntu samāyāntu devaṣī yantragāyakam||88-58||

vādyavādakamevaṃ hi cintayet paramāvṛtam|
brahmaṣīmaṇḍalaṃ tasyāṃ sarveṣāṃ gāyanānvitam||88-59||

devaṣīsarvavijñānavākyaratnasvagāyanam|
vicintyaivaṃ vidhānena nijapīṭhaṃ vicintayet||88-60||

pīṭhaśaktiṃ vicintyāśu pīṭhanāyakameva ca|
vicintyānandamagnaḥ syādacirāt siddhimāpnuyāt|
adho vārāṇasīpīṭhaṃ dhyāyet tat kramamāśṛṇu||88-61||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakraprakāśe bhairavībhairavasaṃvāde parāśaktinirmūlasthānanirṇayo nāma aṣṭāśītitamaḥ paṭalaḥ||88||

Kapitel 89

athaikonanavatitamaḥ paṭalaḥ

śrīānandabhairavī uvāca kālarūpa mahādeva kālakūṭāsavapriya|
idānīṃ śṛṇu deveśa vārāṇasyāḥ priyaṃ padam||89-1||

śatakoṭiyoginīnāṃ maṇḍalaṃ yogisevitam|
taṃ dhyāyet sarvadā yogī yadi kalyāṇamicchati||89-2||

bhrūmadhye bhāti satataṃ maṇḍalākāraśobhitam|
mātṛkāyantrarūpaṃ tu sarvasāraṃ vicintayet||89-3||

koṭisvayambhūliṅgāḍhyaṃ puṇyakoṭiphalodayam|
atisiddhipradaṃ deśaṃ deśanāthapriyaṃ padam||89-4||

amalākamalāśaktikoṭikoṭisamanvitam|
triśūlopari pūraṃ tu cchatrākāraṃ phalākaram||89-5||

koṭiliṅgapradhānaṃ tu yogeśvaraśivaṃ prabhum|
aṣṭottaraśatānandavigrahaṃ manmathāntakam||89-6||

varābhayakaraṃ siddhaṃ ḍamarucchatradhāriṇam|
triśūlamudgarādyastrakheṭakādivibhūṣitam||89-7||

pañcamukhaṃ daśabhujaṃ śaṅkhamālākapālakam|
dhyātvā sañcintayecchambhuṃ daśa dikṣu krameṇa tu||89-8||

sthāne sthāne daśa daśa mūtīcihnaṃ vicintayet|
śoṇābhaṃ vidyutābhañca purīrakṣaṇakāraṇam||89-9||

hetupriyaṃ gajārūḍhaṃ vṛṣārūḍhaṃ dvayaṃ dvayam|
atra cintanamākṛtya pīṭhavidyāvaśaṃ nayet||89-10||

daśakaṃ vyāpya tiṣṭhanti maṇḍalākārasukramāt|
ayutaṃ śivaliṅgaṃ tu daśa dikṣu daśa sthale||89-11||

vicintayecchuklavarṇaṃ kāñcanālaṅkṛtojjvalam|
pūrvasyāṃ daśarūpaṃ tu cāyutāvaraṇaṃ prabhum||89-12||

daśa nāma pravakṣyāmi śṛṇu bhairavabhūpate|
jaṭilaḥ kāla unmattaḥ krodharājaḥ sadāśivaḥ||89-13||

paro dadhīcināthaśca suvāśī pramatheśvaraḥ|
yajñanātheśvaraścaiva cāyuteśvaravallabhaḥ||89-14||

vahnikoṇe sadā bhānti mūtīmantaḥ śivā daśa|
vajradharo mahākālaḥ kapileśvara eva ca||89-15||

pañcānano yoginātho gharghareśaḥ pinākadhṛk|
paśupālaḥ kṣemadaśca brahmanātho daśa smṛtāḥ||89-16||

ete cāyutaliṅgeśā mūtīmanto vibhānti ca|
eteṣāṃ dhyānamākṛtya pūjayed ghṛtadhārayā||89-17||

cintayed dakṣiṇe paścāddaśamūtīṃ śivasya ca|
vīraḥ śūleśvaraḥ siddheśvaraḥ śrīpārvatīśvaraḥ||89-18||

gaṇanātheśvaraḥ śambhuḥ pracaṇḍo dakṣayajñahā|
kāśīpatiḥ paśupatiḥ śivā ete daśa smṛtāḥ||89-19||

ayutānandaliṅgeśāḥ kapālaśūladhārakāḥ|
mūtīmanto vibhāntyatra śivamaṇḍalamadhyagāḥ||89-20||

etān sañcintayed bhaktyā pīṭhakṣetre ca dakṣiṇe|
nairṛte cintayet paścāt kāmākhyaḥ śivaliṅgakaḥ||89-21||

dakṣiṇāmūtīrīśāno vāmaneśo manoharaḥ|
vāmadevo bāṇanātho raghuvīreśvarastataḥ||89-22||

kāmarājeśvaraḥ kāmakaleśo daśa īśvarāḥ|
mūtīmanto vibhāntyatrāyutaliṅgeśvarāḥ prabho||89-23||

vicintya parayā bhaktyā pūjayed bilvapatrakaiḥ|
sarvatra mānasārcā ca pūrvoktamūtīkalpanā||89-24||

varuṇe ca tato dhyāyenmaṇḍalasthān daśa kramān|
aruṇeśvaro yogendrakāśīrājasurāntakāḥ||89-25||

triśūlī varuṇeśaśca kālākhyaḥ kāmadāyakaḥ|
kālāgnirudro bhadreśo daśa rudrāḥ prakītītāḥ||89-26||

śivaliṅgāyuteśāśca sarvaśaktisamanvitāḥ|
vāyukoṇe sthitā ete rudrāścāyutaliṅgapāḥ||89-27||

mahārudro vātanātho rudrātmā raudrarūpakaḥ|
rūpanātho hi hanumān sūryeśo vasudheśvaraḥ||89-28||

vāsukīvallabhaḥ satyapatirete maheśvarāḥ|
parivārayutāḥ śreṣṭhā mahārudrādivallabhāḥ||89-29||

ete pūjyāścintanīyāḥ kāmanāphalasiddhaye|
uttare cottarāsyaśca kubereśvara īśvaraḥ||89-30||

pañcādhāraḥ pārameśaḥ parahaṃsaprabhākaraḥ|
ananteśaḥ kāyarakṣo ratneśvara umāpatiḥ||89-31||

ekādaśaite rudrāśca nityāyutagaṇeśvarāḥ|
ete pūjyā dhyāyitavyāḥ pūrvoktamūtīkalpanāḥ||89-32||

īśāne ca tato dhyāyedīśvarān parameśvara|
īśo vaiśvānareśaśca viśvāmitreśvarastathā||89-33||

īśāno'pi ca māyeśo baṭukeśo rameśvaraḥ|
kālāntakeśaḥ kāmākhyo mahākāmapurīśvaraḥ||89-34||

śmaśānavāsideveśaḥ sarvarūpaprakāśakaḥ|
ekādaśaite rudrāśca kāmapīṭhanivāsinaḥ||89-35||

ayutānandaliṅgeśāścintanīyāḥ prapūjitāḥ|
vārāṇasīmadhyapīṭhe trayodaśa śiveśvarāḥ||89-36||

adhomaṇḍalamadhye tu cintayitvā prapūjayet|
mṛtyuñjayo mokṣadaśca śiveśo bhairaveśvaraḥ||89-37||

bhūtanātho bhūtakartā kṣetrapālaḥ parāparaḥ|
mañjughoṣeśvaraḥ kāladamanaḥ kauśaleśvaraḥ||89-38||

muninātho varṇamālī rudrā bhairavarūpiṇaḥ|
ete trayodaśānandaśivarūpāḥ sureśvarāḥ||89-39||

ayutānandaliṅgeśāḥ pūjyamānāḥ surāsuraiḥ|
varābhayapradāḥ pañcatattvaprakāśakāriṇaḥ||89-40||

vārāṇasyūrdhvapīṭhe ca trayodaśa śivān yajet|
vicintya paramānandasādhakaḥ sthiracetasā||89-41||

brahmeśo brahmakuleśo brahmaliṅgo vidhīśvaraḥ|
brahmāṇḍabhedakaścātmārāmo vakreśvarastathā||89-42||

balīśo bhārgaveśaśca sadānandeśvaro haraḥ|
kṛṣṇeśvaro rāmanātho rudrāstrayodaśa smṛtāḥ||89-43||

ayutānandaliṅgeśā bhairavendrāḥ prakītītāḥ|
ete pūjyā mahākāla rudrāstribhuvaneśvarāḥ||89-44||

kapālīśādayo jñānajñeyā nirmalacetasā|
sarvā'laṅkāraśobhāḍhyā ratnakuṇḍalamaṇḍitāḥ||89-45||

sṛṣṭisaṃhārakartāro devakārye niyojitāḥ|
eteṣāṃ dhyānamākṛtya pūjayeccittapuṣpakaiḥ||89-46||

tadā siddhimavāpnoti satyaṃ satyaṃ maheśvara|
akālatārakā ete sarvasiddhisamṛddhidāḥ||89-47||

ānandabhairavāhlādakāriṇaḥ kulapaṇḍitāḥ|
ete rudrāḥ pūjayanti mahāvidyāḥ sulakṣaṇāḥ||89-48||

tāsāṃ nāma pravakṣyāmi kramaśaḥ śṛṇu bhairava|
drāṃ drīṃ daśa mahāvidyāḥ pañcatattvaprakāśikāḥ||89-49||

sarvasiddhipradā nātha pūjayanti mahītale|
satyatretādvāpare ca kalau pūrṇaphalapradāḥ||89-50||

tāsāṃ nāmāni vakṣyāmi yā yā hi rudrapūjitāḥ|
tripurāsundarī devī tathā tripurabhairavī||89-51||

bhuvaneśī cānnapūrṇā mātaṅgī vindhyavāsinī|
chinnamastā ca bagalā trikūṭā pañcamī tathā||89-52||

kālikā tāriṇī devī kāśīnāthaprapūjitāḥ|
tantroktabāhyapūjādiravaśyaṃ pūjayet sudhīḥ||89-53||

sādhakaḥ siddhimāpnoti kulapūjākrameṇa tu|
yogasiddhimavāpnoti māsādeva na saṃśayaḥ||89-54||

bhrūpadmabhedane kāle tvavaśyaṃ paripūjayet||89-55||

iti śrīrudrayāmale uttaratantre mahātantroddīpane siddhamantraprakaraṇe ṣaṭcakra-- prakāśe bhairavībhairavasaṃvāde vārāṇasīpīṭhanāthāntaryajanaṃ nāma ekonanavatitamaḥ paṭalaḥ||89||

Kapitel 90

atha navatitamaḥ paṭalaḥ

śrīānandabhairavī uvāca śṛṇu kānta pravakṣyāmi hākinīpañcamaṇḍalam|
vārāṇasīmadhyapīṭhe pañcakoṇaṃ vicintayet||90-1||

tatra śrīhākinīdevyāḥ pañcapīṭhaṃ vicintayet|
pañcapīṭhe pañcadevaṃ ratnamālāvimaṇḍitam||90-2||

bhūtapretapiśācādiyakṣadānavakoṭibhiḥ|
veṣṭitaṃ sarvalokāḍhyaṃ pañcakoṇaṃ vicintayet||90-3||

pañcakoṇe pañcapīṭhaṃ kāmadaṃ vyālasiddhidam|
nirvāṇasiddhidaṃ deva kimanyat kathayāmi te||90-4||

pañcakoṇe pañcatattvaṃ pañcabījaṃ svameva ca|
pūrvakoṇe indrabījaṃ pṛthivyāśca trikoṇakam||90-5||

taddakṣiṇe vāyubījaṃ vāyavīśaktimaṇḍalam|
vāyumugravegadharaṃ dharaṇībhañjanākhyakam||90-6||

tadadho gṛhapīṭhe ca trikoṇamaṇḍalojjvale|
jalabījaṃ vāruṇākhyaṃ sarvaratnāsanasthitam||90-7||

śītalaṃ bahurūpaṃ taṃ trilokavāyubhañjakam|
sarvādhastaijasaṃ rūpaṃ vahnibījaṃ mahāprabham||90-8||

sarvadā taṃ mūtīmantaṃ tejomālāsamākulam|
mahograṃ sarvabhakṣañca jalīyadoṣabhañjakam||90-9||

ākāśaṃ sarvaśeṣākhyaṃ mahāpralayasaṅgamam|
kumbhakādhāracakraṃ tu ākāśabījarūpiṇam||90-10||

sarveṣāṃ layasaṃsthānaṃ nirmalaṃ tattvasiddhidam|
hākinīpañcapīṭhañca pañca prāṇān tadantare||90-11||

prāṇo'pānaḥ samānaścodānavyānau ca vāyavaḥ|
mūtīmanto vibhāntyatra lokānāṃ mṛtyunāśanāt||90-12||

eteṣu vāyukuṇḍeṣu pūjayet pañcavāyavīm|
prāṇeśī gudagāpānā samāneśī kulāntarā||90-13||

udāneśī vyānamātā vāyavyaḥ pañca pūjitāḥ|
pañcaprāṇo pañcayogaṃ yaḥ karoti kuleśvara||90-14||

vāyavīṣvarpayennityaṃ pañcatattvaṃ suyogavi|
śuddhāsavaṃ śuddhamāṃsaṃ śuddhamīnaṃ tathāparam||90-15||

śuddhamudrāṃ tathā śuddhakulacandanamarpayet|
pañcatattvaṃ dāpayed yaḥ kulasiddhinibandhanāt||90-16||

hākinīparamāyāntu paramābhiḥ pratarpayet|
vārāṇasīmadhyapīṭhacakravidyā samā śṛṇu||90-17||

vārāṇasīmaṇḍalañca trikoṇaṃ ṣoḍaśacchadam|
keśaradvayamevaṃ tu patre patre pratiṣṭhitam||90-18||

catuṣkoṇatrayaṃ tasyordhve caturdvārameva ca|
etadvārāṇasīcakraṃ sarvakāmasusiddhidam||90-19||

vārāṇasīcakramadhye trikoṇasyāntare sudhīḥ|
prapañcaguṇaduḥkhāni harecca pañcakoṇakam||90-20||

trikoṇasyāntare dhyātvā kinna siddhyati bhūtale|
etatprakāśitaṃ cakraṃ yo dhyāyati nirantaram||90-21||

manoyogasiddhibhāvaṃ sa prāpnoti na saṃśayaḥ|
manoyogasiddhikāle sadāvaśyaṃ vicintayet||90-22||

pañcakoṇe pañcatattvaṃ kāśīpīṭhe ca liṅginaḥ|
koṭirūpadharā ete cātraiva bhānti nityaśaḥ||90-23||

hākinīmaṇḍalaṃ madhye kāśyāstrikoṇayantrake|
hākinī pañcatattvākhyāṃ pañcabhūtaprakāśinīm||90-24||

pṛthivījalarūpāñca tejorūpāñca vāyavīm|
gaganāṃ kramato dhyāyed dakṣiṇāvartasatpathā||90-25||

vibhāvya pañcamīṃ devīṃ hākinīmaṇḍale yajet|
sarvatra hyantaryajanaṃ kṛtvā siddhimavāpnuyāt||90-26||

iti vārāṇasīcakramadhyasthaṃ pañcakoṇakam|
hākinīmaṇḍalaṃ devanāyikāgaṇamaṇḍitam||90-27|| sarvālaṅkāraśobhāḍhyaṃ hemamālāvirājitam|
śivaśaktyātmakaṃ cakraṃ paramasiddhidāyakam||90-28|| aprakāśyaṃ sarvatantre kāśitaṃ rudrayāmale|
ṣaṭkoṇamaṇḍalaṃ vakṣye hākinyāḥ śivaśaktigam||90-29|| vārāṇasīmaṇḍalāgre pratibhāti nirantaram|
śivaśaktimayaṃ śuddhacakrarājaṃ vicintayet||90-30|| tadūrdhve conmanīdeśaṃ tadūrdhve bodhanīpuram|
maṇḍalaṃ śṛṇu yatnena yenāntaryajanaṃ labhet||90-31|| ṣaṭkoṇaṃ kaṇīkāmadhye tadbāhye maṇḍalāṣṭakam|
tadūrdhve ṣoḍaśadalaṃ keśaradvayasaṃyutam||90-32|| caturdvāraṃ tadūrdhve tu vyāpya tiṣṭhati sarvadā|
ṣaṭkoṇamadhyadeśe tu paranāthaṃ parānvitam||90-33|| ṣaṭkoṇe sarvadā bhānti ṣaṭcakrasthitiśaktayaḥ|
patibhiḥ saha deveśī ḍākinī kuṇḍalīpriyā||90-34|| rākiṇī lākinī devī kākinī śākinī tathā|
hākinī ca dakṣiṇato dhyeyā śivasamīpagā||90-35|| brahmā viṣṇuśca rudraśca īśvaraśca sadāśivaḥ|
tataḥ paraśivo dhyeyaḥ svamuktimaṇḍalasthitaḥ||90-36|| dhyātvā sampūjayeccakre śivaśaktimayaṃ param|
parāśaktisamākrāntaṃ svayambhuliṅgarūpiṇam||90-37|| sarvasiddhāntanilayaṃ vedavedāṅgagāyanam|
māyātītaṃ nivīkalpaṃ svaprakāśaṃ nirañjanam||90-38|| ṣaṭkoṇāntargataṃ dhyātvā parāśaktisamanvitam|
tadūrdhve'ṣṭamaṇḍalaṃ tu vyāpya koṭisahasraśaḥ||90-39|| yoginyaḥ santi nityaṃ tu paramānandasiddhidāḥ|
tadūrdhve ṣoḍaśāre ca bhānti svarasamanvitāḥ||90-40|| parā śaktiḥ prabhākārā caturdvāre tato likhet|
aṣṭavargakrameṇāpi sarvasiddhi vibhāvayet||90-41|| siddhipūjāmavāpnoti maṇḍalākārabhāvanāt|
maṇḍalaṃ yo mahākālabhrūrdhve dhyāyedyadi priyam||90-42|| mahāsiddhimavāpnoti satyaṃ satyaṃ kuleśvara|
anāyāsena yogendra yoginīsiddhimāpnuyāt||90-43|| etaccakraṃ vibhāvyāśu bhāvasiddhimavāpnuyāt|
bhāvasiddhisthitaṃ cakraṃ manoyogasusiddhidam||90-44|| anyacchrībodhinīcakrasyādhobhāge vicintayet|
unmanījñānacakraṃ tu sārvajñasiddhidāyakam||90-45|| navakoṇaṃ binduyuktaṃ pretabījaṃ vicintayet|
taṃ vyāpya navakoṇaṃ tu maṇḍalatrayameva ca||90-46|| ṣoḍaśāraṃ tadbahistu caturdvāraṃ tu tadbahiḥ|
dale dale surān dhyāyedaṣṭavargaṃ tato likhet||90-47|| aṣṭakoṇe caturdvāramaṇḍalasya vibhāvya ca|
unmanīnagaraṃ madhye tanmadhye pararūpiṇam||90-48|| śaktiyuktaṃ vibhāvyāśu siddhimiṣṭāṃ prayacchati|
padārthanavakaṃ tatra bījayuktaṃ vibhāvayet||90-49|| tatpadārthān pravakṣyāmi śṛṇuṣva bhairaveśvara|
pṛthivīṃ jalarekhāñca tejorūpāñca vāyavīm||90-50|| ākāśagāminīṃ devīṃ kālarūpāṃ digambarīm|
ātmaśaktiṃ manaḥśaktiṃ dakṣiṇāvartayogataḥ|
likhitvā svasvabījāḍhyāṃ bhāvayet kulavartmanā||90-51||

iti śrīrudrayāmale uttaratantre mahātantroddīpane siddhamantraprakaraṇe|
ṣaṭcakraprakāśebhairavībhairavasaṃvāde vārāṇasīpañcapīṭha--|prakāśo nāma navatitamaḥ paṭalaḥ|| 90||

Vom Lesen zur inneren Sammlung

Die wiederkehrenden Anreden erinnern daran, dass diese Lehre als Gespräch gestaltet ist. Wissen wird empfangen, befragt und in der eigenen Praxis vertieft. Bhakti, Unterscheidungskraft und sorgfältige Überlieferung gehören dabei zusammen. Weiterführende Zugänge bieten Kularnava Tantra, Yogini Hridaya und Vijnana Bhairava Tantra; ihre Aussagen sind jeweils in ihrem eigenen Zusammenhang zu lesen.

Textgrundlage und Hinweise zur Überlieferung

Grundlage ist der Sanskrittext Rudrayamalatantra Uttarakāṇḍa, Muktabodha Indological Research Institute, Katalognummer M00074, Herausgeberangabe „Malaviya S.“, elektronische Veröffentlichung 2007, Revision vom 14. Juni 2007. Nach dem Herkunftsvermerk beruht der elektronische Text auf Devanagari-Satzdaten von Dr. S. Malaviya; die lateinische Umschrift wurde daraus abgeleitet. Beide Schriftfassungen sind daher keine voneinander unabhängigen Textzeugen.

Die Ausgabe umfasst die 90 überlieferten Kapitel dieser Fassung einschließlich Sprecherzeilen, unnummerierter Passagen und Kolophone. Sie beansprucht nicht, sämtliche unter dem Namen Rudrayamala überlieferten Texte zu vereinigen. Unregelmäßige, doppelte oder abgebrochene Versnummern bleiben erkennbar; sie werden nicht durch eine erfundene fortlaufende Zählung ersetzt. 7.784 Texteinheiten besitzen vollständig geschlossene Kapitel-Vers-Kennungen; weitere Verse haben abweichende oder beschädigte Kennungen. Diese Zahl ist deshalb keine Gesamtzahl sämtlicher Verse.

Offensichtliche Zeichenfehler in Bagalamukhi, sādhakāṃśca und lokapālāṃśca wurden berichtigt; im Devanagari wurde außerdem ein beschädigtes Trennzeichen entsprechend der Umschrift als Bindestrich wiedergegeben. Nicht sicher bestimmbare Zeichen in Mantraangaben sind mit [†] markiert, insbesondere in Kapitel 47, 76 und 82. Solche Silbenfolgen sind keine verlässlich vollständigen Rezitationsformeln. Sonstige ungewöhnliche Schreibungen bleiben grundsätzlich erhalten. Eine vollständige Kollation mit der Druckausgabe liegt dieser Wiedergabe nicht zugrunde.

Quellennachweis und Lizenz: Muktabodha Indological Research Institute, M00074, Rudrayamalatantra Uttarakāṇḍa, 2007, Creative Commons Namensnennung – Nicht kommerziell 4.0. Die Herkunfts- und Lizenzangabe gehört zur Wiedergabe des elektronischen Textes. Die Änderungen betreffen Gliederung, Darstellung und die genannten Zeichenkorrekturen.

Literatur und Weblinks

• S. Malaviya (Herausgeber laut elektronischem Quellenvermerk): Rudrayamalatantra Uttarakāṇḍa. Muktabodha Indological Research Institute, M00074, 2007.
• Rudra Yamalam Uttara Tantram, Dr. Sudhakar Malaviya: digitalisierte Druckausgabe zum weiterführenden Studium und zur Prüfung einzelner Lesarten.

Seminare

Kundalini Yoga

25.10.2026 - 30.10.2026 Kundalini Yoga Meditation Kursleiter Ausbildung

Kundalini Yoga Meditationen sind ein faszinierendes weites Gebiet, dessen Potential noch bei weitem nicht ausgeschöpft ist. Kundalini Meditationen kön…

Adishakti Stein, Viveka Wilde

30.10.2026 - 01.11.2026 Kundalini Yoga Mittelstufe

Intensives Kundalini Yoga Seminar zur Erweckung der inneren Kundalini Energie, Erweiterung des Bewusstseins und Entfaltung des vollen Potentials. Yoga A…

Arjuna Wingen

Energiearbeit

18.10.2026 - 23.10.2026 Tantra Vinyasa Yoga Ausbildung - Teil 2

Buchung nur nach Besuch von Teil 1 möglich (Termin: 18.-23.5.2025) möglich. www.yoga-vidya.de/ausbildung-weiterbildung
Vorkenntnisse: Lektüre der Bü…

Ravi Ott

23.10.2026 - 30.10.2026 Klangtherapie Chakra Kur

Klang und Klangschwingungen haben einen intensiven Bezug zu den Chakras, den Energiezentren. Im Yoga ist es daher eine alte Tradition, Chakras mit Klang…

Maik Hofmeister, Jeannine Hofmeister