Devi Kilaka Stotra
Aus Yogawiki
॥atha kīlakam॥
- oṃ asya śrīkīlakamantrasya śiva ṛṣiḥ, anuṣṭup chandaḥ,
- śrīmahāsarasvatī devatā, śrījagadambāprītyarthaṃ saptaśatīpāṭhāṅgatvena jape viniyogaḥ।
- oṃ namaścaṇḍikāyai॥
- mārkaṇḍeya uvāca
- oṃ viśuddhajñānadehāya trivedīdivyacakṣuṣe।
- śreyaḥprāptinimittāya namaḥ somārdhadhāriṇe॥1॥
- sarvametadvijānīyānmantrāṇāmabhikīlakam।
- so'pi kṣemamavāpnoti satataṃ jāpyatatparaḥ॥2॥
- siddhyantyuccāṭanādīni vastūni sakalānyapi।
- etena stuvatāṃ devī stotramātreṇa siddhyati॥3॥
- na mantro nauṣadhaṃ tatra na kiñcidapi vidyate।
- vinā jāpyena siddhyeta sarvamuccāṭanādikam॥4॥
- samagrāṇyapi siddhyanti lokaśaṅkāmimāṃ haraḥ।
- kṛtvā nimantrayāmāsa sarvamevamidaṃ śubham॥5॥
- stotraṃ vai caṇḍikāyāstu tacca guptaṃ cakāra saḥ।
- samāptirna ca puṇyasya tāṃ yathāvanniyantraṇām॥6॥
- so'pi kṣemamavāpnoti sarvamevaṃ na saṃśayaḥ।
- kṛṣṇāyāṃ vā caturdaśyāmaṣṭamyāṃ vā samāhitaḥ॥7॥
- dadāti pratigṛhṇāti nānyathaiṣā prasīdati।
- itthaṃrupeṇa kīlena mahādevena kīlitam॥8॥
- yo niṣkīlāṃ vidhāyaināṃ nityaṃ japati saṃsphuṭam।
- sa siddhaḥ sa gaṇaḥ so'pi gandharvo jāyate naraḥ॥9॥
- na caivāpyaṭatastasya bhayaṃ kvāpīha jāyate।
- nāpamṛtyuvaśaṃ yāti mṛto mokṣamavāpnuyāt॥10॥
- jñātvā prārabhya kurvīta na kurvāṇo vinaśyati।
- tato jñātvaiva sampannamidaṃ prārabhyate budhaiḥ॥11॥
- saubhāgyādi ca yatkiñcid dṛśyate lalanājane।
- tatsarvaṃ tatprasādena tena jāpyamidaṃ śubham॥12॥
- śanaistu japyamāne'smin stotre sampattiruccakaiḥ।
- bhavatyeva samagrāpi tataḥ prārabhyameva tat॥13॥
- aiśvaryaṃ yatprasādena saubhāgyārogyasampadaḥ।
- śatruhāniḥparo mokṣaḥ stūyate sā na kiṃ janaiḥ॥14॥
- iti devyāḥ kīlakastotraṃ sampūrṇam।
॥अथ कीलकम्॥
- ॐ अस्य श्रीकीलकमन्त्रस्य शिव ऋषिः, अनुष्टुप् छन्दः,
- श्रीमहासरस्वती देवता, श्रीजगदम्बाप्रीत्यर्थं सप्तशतीपाठाङ्गत्वेन जपे विनियोगः।
- ॐ नमश्चण्डिकायै॥
- मार्कण्डेय उवाच
- ॐ विशुद्धज्ञानदेहाय त्रिवेदीदिव्यचक्षुषे।
- श्रेयःप्राप्तिनिमित्ताय नमः सोमार्धधारिणे॥१॥
- सर्वमेतद्विजानीयान्मन्त्राणामभिकीलकम्।
- सोऽपि क्षेममवाप्नोति सततं जाप्यतत्परः॥२॥
- सिद्ध्यन्त्युच्चाटनादीनि वस्तूनि सकलान्यपि।
- एतेन स्तुवतां देवी स्तोत्रमात्रेण सिद्ध्यति॥३॥
- न मन्त्रो नौषधं तत्र न किञ्चिदपि विद्यते।
- विना जाप्येन सिद्ध्येत सर्वमुच्चाटनादिकम्॥४॥
- समग्राण्यपि सिद्ध्यन्ति लोकशङ्कामिमां हरः।
- कृत्वा निमन्त्रयामास सर्वमेवमिदं शुभम्॥५॥
- स्तोत्रं वै चण्डिकायास्तु तच्च गुप्तं चकार सः।
- समाप्तिर्न च पुण्यस्य तां यथावन्नियन्त्रणाम्॥६॥
- सोऽपि क्षेममवाप्नोति सर्वमेवं न संशयः।
- कृष्णायां वा चतुर्दश्यामष्टम्यां वा समाहितः॥७॥
- ददाति प्रतिगृह्णाति नान्यथैषा प्रसीदति।
- इत्थंरुपेण कीलेन महादेवेन कीलितम्॥८॥
- यो निष्कीलां विधायैनां नित्यं जपति संस्फुटम्।
- स सिद्धः स गणः सोऽपि गन्धर्वो जायते नरः॥९॥
- न चैवाप्यटतस्तस्य भयं क्वापीह जायते।
- नापमृत्युवशं याति मृतो मोक्षमवाप्नुयात्॥१०॥
- ज्ञात्वा प्रारभ्य कुर्वीत न कुर्वाणो विनश्यति।
- ततो ज्ञात्वैव सम्पन्नमिदं प्रारभ्यते बुधैः॥११॥
- सौभाग्यादि च यत्किञ्चिद् दृश्यते ललनाजने।
- तत्सर्वं तत्प्रसादेन तेन जाप्यमिदं शुभम्॥१२॥
- शनैस्तु जप्यमानेऽस्मिन् स्तोत्रे सम्पत्तिरुच्चकैः।
- भवत्येव समग्रापि ततः प्रारभ्यमेव तत्॥१३॥
- ऐश्वर्यं यत्प्रसादेन सौभाग्यारोग्यसम्पदः।
- शत्रुहानिःपरो मोक्षः स्तूयते सा न किं जनैः॥१४॥
- इति देव्याः कीलकस्तोत्रं सम्पूर्णम्।
||atha kilakam||
- om asya shrikilakamantrasya shiva rishih, anushtup chhandah,
- shrimahasarasvati devata, shrijagadambaprityartham saptashatipathangatvena jape viniyogah|
- om namashchandikayai||
- markandeya uvacha
- om vishuddhajnanadehaya trivedidivyachakshushe|
- shreyahpraptinimittaya namah somardhadharine||1||
- sarvametadvijaniyanmantranamabhikilakam|
- so'pi kshemamavapnoti satatam japyatatparah||2||
- siddhyantyuchchatanadini vastuni sakalanyapi|
- etena stuvatam devi stotramatrena siddhyati||3||
- na mantro naushadham tatra na kinchidapi vidyate|
- vina japyena siddhyeta sarvamuchchatanadikam||4||
- samagranyapi siddhyanti lokashankamimam harah|
- kritva nimantrayamasa sarvamevamidam shubham||5||
- stotram vai chandikayastu tachcha guptam chakara sah|
- samaptirna cha punyasya tam yathavanniyantranam||6||
- so'pi kshemamavapnoti sarvamevam na sanshayah|
- krishnayam va chaturdashyamashtanyam va samahitah||7||
- dadati pratigrihnati nanyathaisha prasidati|
- itthanrupena kilena mahadevena kilitam||8||
- yo nishkilam vidhayainam nityam japati sansphutam|
- sa siddhah sa ganah so'pi gandharvo jayate narah||9||
- na chaivapyatatastasya bhayam kvapiha jayate|
- napanrityuvasham yati nrito mokshamavapnuyat||10||
- jnatva prarabhya kurvita na kurvano vinashyati|
- tato jnatvaiva sampannamidam prarabhyate budhaih||11||
- saubhagyadi cha yatkinchid drishyate lalanajane|
- tatsarvam tatprasadena tena japyamidam shubham||12||
- shanaistu japyamane'smin stotre sampattiruchchakaih|
- bhavatyeva samagrapi tatah prarabhyameva tat||13||
- aishvaryam yatprasadena saubhagyarogyasampadah|
- shatruhanihparo mokshah stuyate sa na kim janaih||14||
- iti devyah kilakastotram sampurnam|
